ᠫᠢᠲ᠋ᠸᠷ ᠫᠠᠨПитэр Пэн _ Peter Pan
390ᠫᠢᠲ᠋ᠸᠷ ᠫᠠᠨ
ᠯᠣᠨᠳᠣᠨ ᠳ᠋ᠤ᠌ ᠯᠢᠸᠸᠼᠠᠳ᠋᠂ ᠳ᠋ᠠᠷᠯᠢᠩ ᠤ᠋ᠨ ᠭᠡᠷ ᠪᠦᠯᠢ ᠠᠮᠢᠳᠤᠷᠠᠳᠠᠭ ᠪᠠᠢᠯᠠ ᠃ᠲᠡᠳᠡᠨ ᠦ᠌ ᠠᠪᠤ ᠡᠵᠢ ᠭᠤᠷᠪᠠᠨ ᠬᠡᠦᠬᠡᠳ ᠲᠡᠢ ᠠᠢᠯ ᠂ ᠮᠠᠢᠺᠤᠯ᠂ ᠵᠢᠶᠤᠤᠨ᠂ ᠪᠠᠰᠠ ᠤᠤᠭᠠᠨ ᠥᠬᠢᠨ ᠸᠸᠨᠳᠢ ᠃ ᠸᠸᠨᠳᠢ ᠪᠣᠯ ᠬᠠᠢᠷᠠ ᠲᠠᠲᠠᠮᠠ ᠥᠬᠢᠨ᠂ ᠦᠷᠭᠦᠯᠵᠢ ᠳᠡᠭᠦᠦ ᠨᠠᠷ ᠢ᠋ᠶ᠋ᠠᠨ ᠬᠠᠷᠠᠵᠤ ᠠᠰᠠᠷᠠᠨᠠ᠃ ᠲᠡᠳᠡᠨ ᠦ᠌ ᠳ᠋ᠦ᠍ ᠨᠢᠭᠡ ᠬᠡᠦᠬᠡᠳ ᠠᠰᠠᠷᠠᠭᠴᠢ ᠪᠣᠢ᠃ ᠲᠡᠷᠡ ᠠᠰᠠᠷᠠᠭᠴᠢ ᠨᠢ ᠨᠠᠨᠠ ᠭᠡᠳᠡᠭ᠂ ᠲᠣᠮᠣ ᠨᠢᠦᠫᠣᠣᠨᠳ᠋ ᠯᠸᠨᠳ᠋ ᠡᠭᠦᠯᠳᠡᠷ ᠦ᠋ᠨ ᠨᠣᠬᠠᠢ
《ᠬᠠᠮ ᠬᠠᠮ》᠂《ᠠ》《ᠢ》《ᠠᠥᠴ》᠂
《ᠫᠢᠲ᠋ᠸᠷ ᠫᠠᠨ ᠡᠨᠳᠡ ᠪᠠᠢᠳᠠᠭ ᠴᠤ᠌ ᠪᠣᠯᠤᠭᠠᠰᠠᠢ᠂ ᠫᠢᠲ᠋ᠸᠷ ᠫᠠᠨ᠂ ᠠᠬᠠᠮᠠᠳ ᠳᠠᠬᠢ ᠂ ᠲᠩᠷᠢ》ᠮᠠᠷᠭᠠᠰᠢ ᠣᠷᠣᠢ ᠨᠢ ᠨᠣᠶᠠᠨ ᠬᠠᠲᠤᠭᠲᠠᠢ ᠳ᠋ᠠᠷᠯᠢᠩ ᠨᠠᠷ ᠴᠡᠩᠭᠡᠭᠦᠨ ᠳ᠋ᠦ᠍ ᠶᠠᠪᠤᠬᠤ ᠭᠡᠵᠦ ᠪᠠᠢᠯᠠ᠃
《ᠵᠢᠶᠤᠤᠨ᠂ ᠮᠠᠢᠺᠤᠯ᠂ ᠸᠸᠨᠳᠢ᠂ ᠪᠢᠳᠡ ᠶᠠᠪᠤᠯᠠ ᠰᠢᠦ》
ᠭᠤᠷᠪᠠᠨ ᠬᠡᠦᠬᠡᠳ ᠨᠢ ᠪᠠᠭᠤᠵᠤ ᠢᠷᠡᠵᠦ ᠡᠵᠢ ᠳ᠋ᠦ᠍ ᠪᠡᠨ ᠲᠡᠪᠡᠷᠢᠭᠦᠯᠦᠯᠡ᠃ᠬᠡᠦᠬᠡᠳ ᠦ᠋ᠳ ᠪᠤᠴᠠᠵᠤ ᠤᠨᠲᠠᠯᠭᠠ ᠶ᠋ᠢᠨ ᠥᠷᠥᠭᠡᠨ ᠳ᠋ᠦ᠍ ᠪᠡᠨ ᠣᠴᠢᠭᠠᠳ ᠤᠨᠲᠠᠵᠠᠭᠠᠯᠠ᠃ ᠲᠤᠩ ᠤᠳᠠᠯ ᠦᠭᠡᠢ ᠳᠡᠭᠡᠪᠦᠷ ᠳᠡᠭᠡᠷᠡ ᠨᠢ ᠭᠡᠷᠡᠯ ᠲᠣᠰᠤᠯᠠ᠃ ᠫᠢᠲ᠋ᠸᠷ ᠫᠠᠨ ᠂ᠲᠩᠷᠢ ᠪᠸᠸᠯ ᠬᠣᠶᠠᠷ ᠡᠷᠭᠢᠵᠦ ᠢᠷᠡᠵᠡᠢ᠃ ᠫᠢᠲ᠋ᠸᠷ ᠫᠠᠨ ᠴᠣᠩᠬᠣ ᠶ᠋ᠢ ᠠᠭᠠᠵᠢᠭᠤᠬᠠᠨ ᠨᠡᠭᠡᠭᠡᠭᠡᠳ ᠪᠠᠢᠰᠢᠩ ᠤᠷᠤᠭᠤ ᠰᠢᠷᠭᠤᠵᠤ ᠣᠷᠣᠪᠠ᠃ ᠲᠩᠷᠢ ᠪᠸᠸᠯ ᠪᠠᠢᠰᠢᠩ ᠤ᠋ᠨ ᠪᠤᠯᠤᠩ ᠪᠦᠷᠢ ᠪᠡᠷ ᠨᠢᠰᠴᠦ᠂ ᠴᠢᠮᠡᠭᠡ ᠭᠠᠷᠭᠠᠵᠤ ᠶᠠᠭᠤᠮᠠ ᠬᠡᠦᠮᠡ ᠤᠨᠠᠭᠠᠵᠤ ᠡᠬᠢᠯᠡᠯᠡ᠃
《ᠰᠢᠦᠢ᠂ᠪᠢᠲᠡᠭᠡᠢ ᠴᠢᠮᠡᠭᠡ ᠭᠠᠷᠭᠠ ᠰᠡᠷᠢᠴᠢᠬᠡᠨᠡ ᠰᠢᠲᠠ》
ᠲᠩᠷᠢ ᠪᠸᠸᠯ᠂ ᠫᠢᠲ᠋ᠸᠷ ᠫᠠᠨ ᠤ᠋ ᠰᠡᠭᠦᠳᠡᠷ ᠨᠢᠭᠤᠭᠳᠠᠭᠰᠠᠨ ᠱᠦᠭᠦᠢ ᠶ᠋ᠢ ᠨᠡᠭᠡᠭᠡᠯᠡ᠃
《ᠫᠢᠲ᠋ᠸᠷ᠂ ᠰᠡᠭᠦᠳᠡᠷ ᠢ᠋ᠶ᠋ᠡᠨ ᠪᠠᠷᠢᠵᠤ ᠠᠪᠬᠤ ᠨᠢ ᠲᠡᠷᠡ 》
《ᠠ᠂ ᠴᠢᠮᠠ ᠶ᠋ᠢ ᠳᠠᠬᠢᠭᠠᠳ ᠯᠠ ᠤᠶᠠᠬᠤ ᠠ᠋ᠴᠠ》
ᠫᠢᠲ᠋ᠸᠷ ᠫᠠᠨ ᠪᠦᠬᠦᠢ ᠠᠷᠭᠠ ᠪᠠᠨ ᠬᠡᠷᠡᠭᠯᠡᠵᠦ ᠰᠡᠭᠦᠳᠡᠷ ᠢ᠋ᠶ᠋ᠡᠨ ᠪᠡᠬᠢᠯᠡᠭᠰᠡᠨ ᠴᠦ᠍ ᠪᠣᠯᠤᠭᠰᠠᠨ ᠦᠭᠡᠢ᠃
《ᠰᠢᠦᠢ᠂ ᠪᠢᠲᠡᠭᠡᠢ ᠬᠥᠳᠡᠯ》
ᠭᠡᠪᠡᠴᠦ ᠸᠸᠨᠳᠢ ᠵᠸᠨᠨᠢ ᠬᠣᠶᠠᠷ ᠪᠣᠰᠴᠤ ᠫᠢᠲ᠋ᠸᠷ ᠫᠠᠨ ᠢ᠋ ᠭᠠᠢᠬᠠᠨ ᠭᠥᠯᠢᠷᠡᠵᠦ ᠪᠠᠢᠪᠠ᠃
《ᠦ᠋ ᠂ ᠦᠭᠡᠢ》《ᠴᠢ ᠬᠡᠨ ᠪᠣᠢ?ᠡᠨᠳᠡ ᠶᠠᠭᠤ ᠬᠢᠵᠦ ᠪᠠᠢᠭᠠ ᠶᠤᠮ ᠪᠣᠢ ?》
《ᠪᠢ ᠪᠣᠯ ᠫᠢᠲ᠋ᠸᠷ ᠫᠠᠨ》
《ᠪᠢ ᠰᠡᠭᠦᠳᠡᠷ ᠢ᠋ᠶ᠋ᠡᠨ ᠪᠤᠴᠠᠭᠠᠵᠤ ᠤᠶᠠᠬᠤ ᠭᠡᠵᠦ ᠬᠢᠴᠢᠶᠡᠵᠦ ᠪᠠᠢᠨᠠ》
《ᠨᠠᠳᠠ ᠳ᠋ᠤ᠌ ᠥᠭᠴᠢᠬᠡ᠂ ᠪᠢ ᠤᠶᠠᠭᠠᠳ ᠥᠭᠭᠦᠶᠡ》
ᠸᠸᠨᠳᠢ ᠰᠡᠭᠦᠳᠡᠷ ᠢ᠋ ᠨᠢ ᠤᠲᠠᠰᠤ ᠵᠡᠭᠦᠦ ᠪᠡᠷ ᠣᠶᠣᠵᠤ ᠡᠬᠢᠯᠡᠯᠡ᠃ ᠸᠸᠨᠳᠢ ᠣᠶᠣᠵᠤ ᠪᠠᠢᠬᠤ ᠬᠣᠭᠣᠷᠣᠨᠳᠣ ᠫᠢᠲ᠋ᠸᠷ ᠫᠠᠨ ᠲᠡᠭᠦᠨ ᠳ᠋ᠦ᠍ ᠦᠯᠢᠭᠡᠷ ᠦ᠋ᠨ ᠣᠷᠣᠨ ᠤ᠋ ᠲᠤᠬᠠᠢ ᠶᠠᠷᠢᠵᠤ ᠥᠭᠪᠡ᠃ ᠫᠢᠲ᠋ᠸᠷ ᠫᠠᠨ ᠦᠯᠢᠭᠡᠷ ᠦ᠋ᠨ ᠣᠷᠣᠨ ᠳ᠋ᠤ᠌ ᠠᠯᠳᠠᠭᠳᠠᠭᠰᠠᠨ ᠬᠡᠦᠬᠡᠳ ᠲᠡᠢ ᠬᠠᠮᠲᠤ ᠠᠮᠢᠳᠤᠷᠠᠳᠠᠭ᠃ ᠲᠡᠷᠡ ᠥᠪᠡᠷ ᠢ᠋ᠶ᠋ᠡᠨ ᠠᠯᠳᠠᠭᠳᠠᠭᠰᠠᠨ ᠬᠡᠦᠬᠡᠳ ᠦ᠋ᠨ ᠠᠬᠠᠮᠠᠳ᠃ ᠲᠡᠷᠡ ᠸᠸᠨᠳᠢ ᠶ᠋ᠢᠨ ᠲᠡᠦᠬᠡ ᠶ᠋ᠢ ᠬᠥᠪᠡᠭᠦᠳ ᠲᠦ᠍ ᠶᠠᠷᠢᠳᠠᠭ᠃ᠲᠩᠷᠢ ᠪᠸᠸᠯ ᠬᠠᠷᠢᠨ ᠡᠨᠡ ᠬᠦ ᠨᠥᠬᠥᠷᠯᠡᠯ ᠳ᠋ᠦ᠍ ᠠᠲᠠᠭᠠᠷᠬᠠᠵᠠᠢ᠃
《ᠦ᠂ ᠬᠥᠥᠭ᠂ ᠴᠢ ᠦᠨᠡᠬᠡᠷ ᠠᠳᠠᠯ ᠶᠠᠪᠤᠳᠠᠯ ᠲᠠᠢ ᠠᠮᠢᠳᠤᠷᠠᠬᠤ ᠶᠤᠮ ᠠ᠋》
《ᠴᠢ ᠨᠠᠳᠠ ᠲᠠᠢ ᠬᠠᠮᠲᠤ ᠶᠠᠪᠤᠮᠠᠷ ᠪᠠᠢᠨᠠ ᠤᠤ?》
《ᠪᠣᠯᠬᠤ ᠶᠤᠮ ?ᠮᠢᠨᠦ ᠳᠡᠭᠦᠦ ᠴᠣ ᠭᠡᠰᠡᠨ ᠶᠠᠪᠤᠵᠤ ᠪᠣᠯᠬᠤ ᠤᠤ? 》
《ᠠ?》《ᠥ ᠂ ᠲᠡᠢᠮᠦ ᠠ᠋᠂ ᠪᠣᠯᠬᠤ ᠦᠭᠡᠢ ᠶᠠᠭᠤ ᠪᠠᠢᠨᠠ ?ᠴᠢ ᠬᠥᠪᠡᠭᠦᠳ ᠦ᠋ᠨ ᠡᠵᠢ ᠨᠢ ᠪᠣᠯᠵᠤ ᠦᠳᠡᠰᠢ ᠶ᠋ᠢᠨ ᠦᠯᠢᠭᠡᠷ ᠶᠠᠷᠢᠵᠤ ᠥᠭᠴᠦ ᠪᠠᠢᠵᠤ ᠪᠣᠯᠤᠨᠠ》᠃
《ᠪᠣᠯᠴᠢᠬᠠᠯᠠ᠂ᠣᠳᠣ ᠰᠡᠭᠦᠳᠡᠷ ᠴᠢᠨᠢ ᠵᠢᠭᠤᠲᠠᠵᠤ ᠴᠢᠳᠠᠬᠤ ᠦᠭᠡᠢ᠃ᠪᠢ ᠵᠢᠶᠤᠤᠨ᠂ ᠮᠠᠢᠺᠤᠯ ᠬᠣᠶᠠᠷ ᠢ᠋ ᠰᠡᠷᠢᠭᠡᠭᠡᠳ ᠲᠡᠭᠡᠶᠡ》
《ᠪᠠᠶᠠᠷᠯᠠᠯᠠ᠂ ᠸᠸᠨᠳᠢ》
ᠫᠢᠲ᠋ᠸᠷ ᠲᠠᠯᠠᠷᠬᠠᠯ ᠤ᠋ᠨ ᠪᠡᠯᠡᠭ ᠪᠣᠯᠭᠠᠵᠤ᠂ ᠸᠸᠨᠳᠢ ᠳ᠋ᠦ᠍ ᠬᠣᠰᠢᠭᠠ ᠲᠠᠢ ᠵᠡᠭᠦᠯᠲᠡ ᠥᠭᠪᠡ᠃ᠸᠸᠨᠳᠢ᠂ ᠵᠢᠶᠤᠤᠨ᠂ ᠮᠠᠢᠺᠤᠯ ᠬᠣᠶᠠᠷ ᠢ᠋ ᠫᠢᠲ᠋ᠸᠷ ᠫᠠᠨ ᠲᠠᠢ ᠲᠠᠨᠢᠯᠴᠠᠭᠤᠯᠤᠯᠠ᠃ ᠬᠣᠶᠠᠷ ᠳᠡᠭᠦᠦ ᠨᠢ ᠫᠢᠲ᠋ᠸᠷ ᠫᠠᠨ ᠢ᠋ ᠬᠠᠷᠠᠭᠠᠳ ᠬᠣᠶᠠᠭᠤᠯᠠ ᠪᠠᠨ ᠪᠠᠶᠠᠷᠯᠠᠪᠠ᠃
《ᠠᠯᠢᠪ᠂ ᠨᠢᠰᠴᠦ ᠡᠬᠢᠯᠡᠶᠡ᠂ ᠶᠡᠬᠡ ᠤᠷᠲᠤ ᠠᠳᠠᠯ ᠶᠠᠪᠤᠳᠠᠯ ᠰᠢᠦ》
《ᠭᠡᠬᠦ ᠳ᠋ᠦ᠍ ᠪᠡᠨ ᠪᠢᠳᠡ ᠨᠢᠰᠴᠦ ᠴᠢᠳᠠᠳᠠᠭ ᠦᠭᠡᠢ》
《ᠡᠨᠡ ᠠᠮᠠᠷᠬᠠᠨ᠂ ᠲᠣᠯᠣᠭᠠᠢ ᠳ᠋ᠤ᠌ ᠪᠠᠨ ᠯᠠ ᠢᠲᠡᠭᠡᠬᠦ ᠬᠡᠷᠡᠭᠲᠡᠢ᠃ ᠪᠠᠰᠠ ᠵᠢᠭᠠᠬᠠᠨ ᠰᠢᠳᠢᠲᠦ ᠨᠤᠨᠲᠠᠭ ᠬᠡᠷᠡᠭᠲᠡᠢ᠃ ᠨᠠᠰᠢ ᠢᠷᠡ᠂ ᠲᠩᠷᠢ》
ᠵᠢᠭᠠᠬᠠᠨ ᠲᠠᠲᠠᠭᠠᠯᠵᠠᠵᠤ ᠪᠠᠢᠭᠠᠳ ᠲᠡᠭᠷᠢ ᠪᠸᠸᠯ ᠲᠡᠳᠡᠨ ᠳᠡᠭᠡᠷᠡ ᠰᠢᠳᠢᠲᠦ ᠲᠣᠭᠣᠰᠣ ᠰᠠᠴᠤᠯᠠ᠃
《ᠨᠢᠰᠬᠦ ᠳ᠋ᠦ᠍ ᠪᠡᠯᠡᠨ ᠤᠤ??》
《ᠲᠡᠢᠮᠦ ᠠ᠋》
《ᠵᠠ ᠲᠡᠭᠡᠪᠡᠯ ᠶᠠᠪᠤᠵᠠᠭᠠᠶᠠ》
ᠢᠩᠭᠢᠭᠡᠳ ᠲᠡᠳᠡᠨ ᠦ᠌ ᠠᠳᠠᠯ ᠶᠠᠪᠤᠳᠠᠯ ᠡᠬᠢᠯᠡᠯᠡ᠃ᠵᠠᠮ ᠳ᠋ᠤ᠌ ᠪᠠᠨ ᠲᠡᠳᠡ ᠯᠣᠨᠳᠣᠨ ᠪᠦᠷᠸᠢᠭ᠂ ᠴᠠᠭᠳᠠᠭᠠᠳᠤ ᠴᠣᠩᠬᠣ ᠶ᠋ᠢᠨ ᠳᠡᠭᠡᠭᠦᠷ ᠥᠩᠭᠡᠷᠡᠵᠦ᠂ ᠤᠳᠠᠯ ᠦᠭᠡᠢ ᠡᠭᠦᠯᠡᠨ ᠳᠡᠭᠡᠭᠦᠷ ᠨᠢᠰᠴᠦ ᠡᠬᠢᠯᠡᠪᠡ᠃ᠥᠷᠯᠥᠭᠡ ᠨᠢ ᠨᠠᠷᠠᠨ ᠤ᠋ ᠠᠩᠬᠠᠨ ᠤ᠋ ᠲᠤᠶᠠᠭᠠ ᠲᠤᠰᠬᠤ ᠳ᠋ᠤ᠌ ᠲᠡᠳᠡ ᠳᠡᠯᠡᠬᠡᠢ ᠶ᠋ᠢᠨ ᠬᠠᠮᠤᠭ ᠤ᠋ᠨ ᠲᠣᠮᠣ ᠪᠠᠷᠢᠯᠭᠠ ᠶ᠋ᠢ ᠬᠠᠷᠠᠪᠠ᠃ᠴᠠᠰᠢ ᠪᠠᠨ ᠵᠢᠭᠠᠬᠠᠨ ᠨᠢᠰᠦᠭᠡᠳ ᠲᠡᠳᠡ ᠦᠯᠢᠭᠡᠷ ᠦ᠋ᠨ ᠣᠷᠣᠨ ᠢ᠋ ᠬᠠᠷᠠᠯᠠ᠃ᠣᠢᠷᠠ ᠬᠠᠪᠢ ᠶ᠋ᠢ ᠨᠢ ᠬᠠᠷᠠᠬᠤ ᠪᠠᠷ ᠵᠥᠭᠡᠯᠡᠨ ᠡᠭᠦᠯᠡᠨ ᠳᠡᠭᠡᠷᠡ ᠪᠠᠭᠤᠪᠠ᠃
《ᠦᠨᠡᠬᠡᠷ ᠰᠠᠢᠬᠠᠨ ᠶᠤᠮ ᠠ᠋!》
《ᠬᠠᠷᠠ ᠳᠠ᠂ ᠲᠡᠷᠡ ᠪᠣᠯ ᠯᠤᠤᠰ ᠤ᠋ᠨ ᠳᠠᠭᠢᠨᠢ ᠶ᠋ᠢᠨ ᠪᠤᠯᠤᠩ》 《ᠬᠦᠢ! ᠫᠢᠲ᠋ᠸᠷ᠂ ᠲᠡᠷᠡ ᠤᠲᠤᠭᠠ ᠬᠠᠮᠢᠭᠠ ᠠ᠋ᠴᠠ ᠭᠠᠷᠤᠭᠠᠳ ᠪᠠᠢᠨᠠ?》
《ᠲᠡᠷᠡ ᠪᠣᠯ ᠤᠯᠠᠭᠠᠨ ᠢᠨᠳᠢᠶᠠᠨ ᠣᠲᠣᠭ᠂ ᠮᠠᠰᠴᠢ᠂ ᠠᠬᠠᠮᠠᠳ ᠳᠠᠬᠢ ᠪᠣᠯᠤᠨ ᠲᠡᠭᠦᠨ ᠦ᠌ ᠳᠠᠯᠠᠢ ᠶ᠋ᠢᠨ ᠳᠡᠭᠡᠷᠡᠮᠴᠢᠳ ᠦ᠋ᠨ ᠪᠠᠢᠳᠠᠭ ᠵᠢᠶᠤᠤᠳᠢ ᠷᠤᠤᠵᠢ ᠶ᠋ᠢᠨ ᠬᠥᠯᠭᠡ ᠶ᠋ᠢ ᠬᠠᠢᠬᠤᠷᠬᠤ ᠦᠭᠡᠢ ᠣᠷᠬᠢᠵᠤ ᠪᠣᠳᠣᠬᠤ ᠦᠭᠡᠢ᠃ ᠳᠡᠬᠢ ᠪᠣᠯ ᠬᠠᠮᠤᠭ ᠤ᠋ᠨ ᠳᠣᠭᠰᠢᠨ ᠳᠠᠯᠠᠢ ᠶ᠋ᠢᠨ ᠳᠡᠭᠡᠷᠡᠮᠴᠢᠨ ᠶᠦᠮ᠂ ᠭᠡᠪᠡᠴᠦ ᠲᠡᠷᠡ ᠮᠠᠲᠠᠷ ᠠ᠋ᠴᠠ ᠠᠶᠤᠳᠠᠭ ᠶᠤᠮ》《ᠬᠠ! ᠬᠠ! ᠬᠠ!》
《ᠶᠠᠭᠠᠬᠢᠭᠠᠳ ?》
《ᠨᠢᠭᠡ ᠤᠳᠠᠭᠠ ᠪᠢ ᠳᠠᠬᠢ ᠲᠠᠢ ᠲᠤᠯᠤᠯᠳᠤᠵᠤ ᠪᠠᠢᠭᠠᠳ ᠢᠯᠳᠦ ᠪᠡᠷ ᠭᠠᠷ ᠢ᠋ ᠨᠢ ᠲᠠᠰᠤ ᠴᠠᠪᠴᠢᠭᠰᠠᠨ》
《ᠠ!》
《ᠮᠠᠲᠠᠷ ᠭᠠᠷ ᠢ᠋ ᠨᠢ ᠢᠳᠡᠴᠢᠬᠡᠭᠡᠳ ᠠᠮᠲᠠᠨ ᠳ᠋ᠤ᠌ ᠨᠢ ᠣᠷᠣᠭᠠᠳ ᠳᠠᠬᠢ ᠶ᠋ᠢ ᠢᠳᠡᠬᠦ ᠭᠡᠵᠦ ᠳᠠᠭᠠᠭᠠᠳ ᠶᠠᠪᠤᠳᠠᠭ ᠶᠤᠮ᠃ ᠲᠡᠭᠡᠭᠡᠳ ᠠᠵᠠ ᠲᠠᠭᠠᠷᠠᠵᠤ ᠂ ᠮᠠᠲᠠᠷ ᠭᠠᠷ ᠲᠠᠢ ᠨᠢ ᠬᠠᠮᠲᠤ ᠴᠠᠭ ᠢ᠋ ᠨᠢ ᠢᠳᠡᠭᠰᠡᠨ ᠯᠡ ᠳᠡ᠃ ᠲᠡᠭᠡᠭᠡᠳ《ᠴᠢᠭ ᠴᠠᠭ ᠴᠢᠭ ᠴᠠᠭ》 ᠭᠡᠵᠦ ᠳᠤᠤᠭᠠᠷᠤᠭᠠᠳ᠂ ᠮᠠᠲᠠᠷ ᠣᠢᠷᠠᠲᠤᠬᠤ ᠪᠠᠷ ᠳᠠᠬᠢ ᠳ᠋ᠤ᠌ ᠠᠩᠬᠠᠷᠤᠭᠤᠯᠳᠠᠭ ᠶᠤᠮ᠃
ᠲᠡᠷᠡ ᠦᠶᠡ ᠳ᠋ᠦ᠍ ᠳᠠᠯᠠᠢ ᠶ᠋ᠢᠨ ᠳᠡᠭᠡᠷᠡᠮᠴᠢᠳ ᠦ᠋ᠨ ᠨᠢᠭᠡ ᠨᠢ ᠲᠡᠳᠡᠨ ᠢ᠋ ᠳᠤᠷᠠᠨ ᠢ᠋ᠶ᠋ᠠᠷ ᠣᠯᠵᠤ ᠬᠠᠷᠠᠪᠠ᠃
《ᠠᠬᠠᠮᠠᠳ! ᠠᠬᠠᠮᠠᠳ ᠠ᠋! ᠪᠢ ᠫᠢᠲ᠋ᠸᠷ ᠫᠠᠨ ᠪᠣᠯᠤᠨ ᠲᠡᠭᠦᠨ ᠦ᠌ ᠨᠥᠬᠥᠳ ᠢ᠋ ᠬᠠᠷᠠᠯᠠ》ᠠᠬᠠᠮᠠᠳ ᠳᠠᠬᠢ ᠲᠠᠪᠴᠠᠩ ᠳᠡᠭᠡᠷᠡ ᠭᠠᠷᠴᠤ ᠦᠨᠡᠨ ᠡᠰᠡᠬᠦ ᠶ᠋ᠢ ᠰᠢᠯᠭᠠᠬᠤ ᠪᠠᠷ ᠳᠤᠷᠠᠨ ᠢ᠋ ᠠᠪᠤᠯᠠ᠃
《ᠪᠤᠰᠢᠭᠤᠬᠠᠨ ᠰᠢᠭ᠋ ᠶᠡᠬᠡ ᠫᠤᠤ ᠪᠡᠯᠡᠳᠦᠭᠡᠳ ᠫᠢᠲ᠋ᠸᠷ ᠤᠷᠤᠭᠤ ᠴᠢᠭᠯᠡᠭᠦᠯ᠃ᠭᠠᠯᠯᠠ! ᠭᠠᠯᠯᠠ ! ᠭᠠᠯᠯᠠᠭᠠᠳ!》《ᠡᠨᠡ ᠤᠳᠠᠭᠠ ᠲᠡᠷᠡ ᠮᠠᠭᠤ ᠶ᠋ᠢ ᠠᠮᠢᠳᠤ ᠦᠯᠡᠳᠡᠭᠡᠬᠦ ᠦᠭᠡᠢ ᠳᠡ》
《ᠲᠦᠩ!》
《ᠬᠦᠢ ! ᠬᠠᠷᠠ ᠳᠠ᠂ᠪᠥᠮᠪᠥᠭᠡ ᠪᠠᠢᠨᠠ᠂ ᠡᠭᠦᠨ ᠢ᠋ᠶ᠋ᠡᠷ ᠲᠣᠭᠯᠠᠶᠠ》
《ᠡᠨᠡ ᠪᠥᠮᠪᠥᠭᠡ ᠪᠢᠰᠢ᠂ᠡᠨᠡ ᠶᠡᠬᠡ ᠫᠤᠤ ᠶ᠋ᠢᠨ ᠰᠤᠮᠤ ᠪᠠᠢᠨᠠ᠂ ᠬᠣᠯᠠ ᠵᠣᠭᠰᠣᠵᠠᠭᠠᠶᠠ!》
《ᠲᠡᠭᠡ! ᠬᠡᠦᠬᠡᠳ ᠦ᠋ᠳ ᠢ᠋ ᠠᠶᠤᠯ ᠦᠭᠡᠢ ᠭᠠᠵᠠᠷ ᠤᠷᠤᠭᠤ ᠶᠠᠪᠤᠭᠤᠯ᠂ ᠪᠢ ᠬᠠᠷᠢᠨ ᠳᠠᠬᠢ ᠶ᠋ᠢᠨ ᠤᠴᠢᠷ ᠢ᠋ ᠣᠯᠤᠶᠠ 》
ᠲᠩᠷᠢ ᠪᠸᠸᠯ ᠸᠸᠨᠳᠢ ᠡᠴᠡ ᠰᠠᠯᠤᠭᠠᠳ ᠬᠣᠷᠣᠨ ᠰᠠᠨᠠᠭᠠ ᠡᠪᠦᠷᠯᠡᠪᠡ᠃
《ᠸᠸᠨᠳᠢ! ᠴᠢ ᠡᠨᠳᠡ ᠪᠠᠢᠵᠤ ᠪᠠᠢ᠃ ᠪᠢ ᠡᠷᠭᠢᠭᠡᠳ ᠢᠷᠡᠨᠡ》《ᠠ᠂ ᠵᠠ᠂ ᠪᠣᠯᠭᠣᠮᠵᠢᠲᠠᠢ ᠶᠠᠪᠤᠭᠠᠷᠠᠢ!》
ᠲᠡᠷᠡ ᠵᠢᠶᠤᠤᠨ᠂ ᠮᠠᠢᠺᠤᠯ ᠬᠣᠶᠠᠷ ᠤ᠋ᠨ ᠭᠠᠷ ᠠ᠋ᠴᠠ ᠪᠠᠷᠢᠵᠤ ᠶᠠᠪᠤᠭᠰᠠᠭᠠᠷ ᠡᠷᠭᠢ ᠳᠡᠭᠡᠷᠡ ᠪᠠᠭᠤᠯᠭᠠᠪᠠ᠃ ᠸᠸᠨᠳᠢ ᠲᠩᠷᠢ ᠳ᠋ᠦ᠍ ᠶᠡᠬᠡ ᠫᠤᠤ ᠶ᠋ᠢᠨ ᠰᠤᠮᠤ ᠠ᠋ᠴᠠ ᠪᠤᠯᠲᠠᠭᠠᠳ ᠵᠣᠪᠠᠵᠤ ᠪᠠᠢᠬᠤ ᠬᠣᠭᠣᠷᠣᠨᠳᠣ ᠫᠢᠲ᠋ᠸᠷ ᠫᠠᠨ ᠰᠢᠭᠤᠳ ᠳᠠᠬᠢ ᠤᠷᠤᠭᠤ ᠶᠠᠪᠤᠯᠠ᠃
《ᠳᠠᠭᠢ ! ᠳᠠᠬᠢᠭᠠᠳ ᠨᠢᠭᠡ ᠳᠠᠬᠢ ᠭᠠᠷ ᠲᠠᠢ ᠪᠣᠯᠬᠤ ᠶ᠋ᠢ ᠬᠦᠰᠡᠭᠡ ᠤᠤ? ᠢᠷᠡᠭᠡᠳ ᠨᠠᠮᠠ ᠶ᠋ᠢ ᠪᠠᠷᠢᠯ ᠳᠠ》
ᠳ᠋ᠠᠬᠢ ᠫᠤᠤ ᠪᠠᠨ ᠭᠠᠷᠭᠠᠵᠤ ᠢᠷᠡᠭᠡᠳ ᠫᠢᠲ᠋ᠸᠷ ᠫᠠᠨ ᠢ᠋ ᠫᠤᠤᠳᠠᠵᠤ ᠡᠬᠢᠯᠡᠪᠡ᠃ ᠫᠢᠲ᠋ᠸᠷ ᠪᠦᠬᠦ ᠰᠤᠮᠤᠨ ᠠ᠋ᠴᠠ ᠶᠠᠭ ᠰᠢᠪᠠᠭᠤ ᠰᠢᠭ᠋ ᠪᠣᠯᠲᠠᠯᠠ᠃ᠲᠩᠷᠢ ᠪᠸᠸᠯ ᠠᠯᠳᠠᠭᠳᠠᠭᠰᠠᠨ ᠬᠡᠦᠬᠡᠳ ᠡᠴᠡ ᠲᠤᠰᠠᠯᠠᠮᠵᠢ ᠭᠤᠶᠤᠵᠠᠢ᠃ᠲᠡᠨᠳᠡ ᠠᠯᠳᠠᠭᠳᠠᠭᠰᠠᠨ ᠬᠥᠪᠡᠭᠦᠳ ᠪᠠᠢᠯᠠ᠃ ᠲᠤᠤᠺᠢᠰ᠂ᠨᠢᠫᠸᠰ᠂ᠰᠯᠠᠢᠺᠢ᠂ᠺᠦᠺᠢ ᠪᠠᠰᠠ ᠢᠬᠢᠷᠡ ᠨᠦ᠍ᠭᠦᠳ᠃《ᠬᠥᠪᠡᠭᠦᠳ ᠠ᠋᠂ ᠫᠢᠲ᠋ᠸᠷ ᠫᠠᠨ ᠨᠠᠮᠠ ᠶ᠋ᠢ ᠲᠡᠷᠡ ᠸᠸᠨᠳᠢ ᠰᠢᠪᠠᠭᠤ ᠶ᠋ᠢ ᠠᠯᠠ ᠭᠡᠰᠡᠨ》
《ᠪᠢᠳᠡ ᠫᠢᠲ᠋ᠸᠷ ᠦ᠋ᠨ ᠲᠤᠰᠢᠶᠠᠯ ᠢ᠋ ᠳᠠᠭᠠᠬᠤ ᠶᠣᠰᠣᠲᠠᠢ᠃ᠰᠢᠪᠠᠭᠤ ᠤᠷᠤᠭᠤ ᠣᠨᠢᠯᠠ》ᠬᠥᠪᠡᠭᠦᠳ ᠨᠤᠮᠤ ᠰᠤᠮᠤ ᠪᠠᠨ ᠠᠭᠰᠠᠨ ᠸᠸᠨᠳᠢ ᠤᠷᠤᠭᠤ ᠣᠨᠢᠯᠠᠯᠠ᠃ᠸᠸᠨᠳᠢ ᠪᠤᠰᠤᠳ ᠢ᠋ ᠪᠡᠨ ᠬᠠᠢᠭᠰᠠᠭᠠᠷ ᠯᠠ ᠶᠠᠪᠤᠯᠠ᠃
《ᠫᠢᠲ᠋ᠸᠷ ᠫᠠᠨ᠂ ᠵᠢᠶᠤᠤᠨ᠂ ᠮᠠᠢᠺᠤᠯ᠂ᠲᠩᠷᠢ ᠪᠸᠸᠯ᠂ᠲᠠ ᠨᠠᠷ ᠬᠠᠮᠢᠭᠠ ᠪᠠᠢᠨᠠ ?》ᠨᠢᠫᠸᠰ ᠰᠤᠮᠤ ᠪᠠᠨ ᠶᠠᠭ ᠸᠸᠨᠳᠢ ᠶ᠋ᠢᠨ ᠴᠡᠭᠡᠵᠢ ᠤᠷᠤᠭᠤ ᠬᠠᠷᠪᠤᠵᠤ᠂ ᠪᠤᠲᠠᠨ ᠳᠤᠮᠳᠠ ᠤᠨᠠᠭᠠᠯᠠ᠃ᠠᠯᠳᠠᠭᠳᠠᠭᠰᠠᠨ ᠬᠦᠪᠡᠭᠦᠦᠳ ᠬᠠᠷᠪᠤᠵᠤ ᠤᠨᠠᠭᠠᠭᠰᠠᠨ ᠰᠢᠪᠠᠭᠤ ᠪᠠᠨ ᠬᠠᠷᠠᠬᠤ ᠪᠠᠷ ᠭᠦᠶᠦᠯᠳᠦᠪᠡ᠃《ᠮᠠᠭᠤ ᠬᠤᠯᠴᠢᠭᠠᠷ ᠫᠢᠲ᠋ᠸᠷ ᠫᠠᠨ᠂ ᠡᠨᠳᠡ ᠬᠦᠷᠦᠭᠡᠳ ᠢᠷᠡ ᠯᠡ ᠳᠡ 》
《ᠵᠠ ᠶᠠᠭᠠᠬᠢᠬᠤᠪ ᠬᠡᠷᠪᠡ ᠴᠢ ᠬᠦᠰᠡᠪᠡᠯ 》᠃ ᠫᠢᠲ᠋ᠸᠷ ᠫᠠᠨ ᠢᠯᠳᠦ ᠪᠡᠨ ᠪᠠᠷᠢᠨ ᠭᠠᠵᠠᠷ ᠪᠠᠭᠤᠯᠠ᠃ ᠲᠡᠷᠡ ᠬᠣᠶᠠᠷ ᠢᠯᠳᠦ ᠪᠡᠷ ᠲᠤᠯᠤᠯᠳᠤᠵᠤ ᠡᠬᠢᠯᠡᠪᠡ᠃ᠴᠢᠭ ᠴᠠᠭ᠂ ᠴᠢᠭ ᠴᠠᠭ᠂ ᠴᠢᠭ ᠴᠠᠭ᠂ ᠴᠠᠭ ᠤ᠋ᠨ ᠴᠢᠮᠡᠭᠡ ᠠᠬᠠᠮᠠᠳ ᠳᠠᠬᠢ ᠶ᠋ᠢ ᠰᠠᠳᠠᠷᠠᠭᠤᠯᠤᠯᠠ᠃
《ᠮᠠᠲᠠᠷ ᠡᠷᠭᠢᠭᠡᠳ ᠢᠷᠡᠵᠡᠢ ᠂ ᠡᠷᠭᠢᠭᠡᠳ ᠢᠷᠡᠭᠰᠡᠨ ᠪᠠᠢᠨᠠ》ᠥᠯᠥᠰᠬᠦᠯᠡᠩ ᠮᠠᠲᠠᠷ ᠠᠬᠠᠮᠠᠳ ᠳᠠᠬᠢ ᠶ᠋ᠢ ᠵᠠᠯᠭᠢᠬᠤ ᠪᠠᠷ ᠢᠷᠡᠵᠡᠢ᠃ᠠᠬᠠᠮᠠᠳ ᠳᠠᠬᠢ ᠠᠶᠤᠵᠤ ᠬᠥᠯᠭᠡ ᠤᠷᠤᠭᠤ ᠪᠠᠨ ᠵᠢᠭᠤᠲᠠᠯᠠ᠃《ᠬᠠ ᠬᠠ ᠬᠠ》 《ᠬᠥᠥᠭ᠂ ᠬᠠᠷᠠ ᠳᠠ᠂ ᠥᠬᠢᠨ ᠪᠠᠢᠨᠠ》
《ᠬᠥᠭᠡᠷᠦᠬᠦᠨ ᠥᠬᠢᠨ 》
《ᠲᠩᠷᠢ ᠴᠢ ᠶᠠᠭᠠᠬᠢᠭᠠᠳ ᠪᠢᠳᠡᠨ ᠳ᠋ᠦ᠍ ᠡᠭᠦᠨ ᠢ᠋ ᠠᠯᠠ ᠭᠡᠵᠦ ᠬᠡᠯᠡᠭᠰᠡᠨ ᠪᠣᠢ?》
ᠫᠢᠲ᠋ᠸᠷ ᠫᠠᠨ ᠲᠡᠨᠳᠡ ᠵᠢᠶᠤᠤᠨ᠂ ᠮᠠᠢᠺᠦᠯ ᠬᠣᠶᠠᠷ ᠲᠠᠢ ᠬᠠᠮᠲᠤ ᠢᠷᠡᠯᠡ᠃
《ᠸᠸᠨᠳᠢ ᠶᠠᠭᠠᠬᠢᠭᠠ ᠪᠣᠢ? ᠬᠡᠨ ᠰᠤᠮᠤ ᠶ᠋ᠢ ᠬᠠᠷᠪᠤᠭᠰᠠᠨ ᠪᠣᠢ?》
ᠲᠩᠷᠢ ᠮᠣᠳᠣ ᠤᠷᠤᠭᠤ ᠨᠢᠰᠴᠦ ᠨᠢᠭᠤᠭᠳᠠᠪᠠ᠃
《ᠲᠩᠷᠢ ᠪᠸᠢᠢᠯ ᠪᠢᠳᠡᠨ ᠳ᠋ᠦ᠍ ᠫᠢᠲ᠋ᠸᠷ ᠫᠠᠨ ᠠᠯᠠ ᠭᠡᠵᠦ ᠲᠤᠰᠢᠶᠠᠭᠰᠠᠨ ᠭᠡᠵᠦ ᠬᠡᠯᠡᠭᠰᠡᠨ᠃ᠨᠠᠭᠠᠳᠤᠬᠢ ᠴᠢᠨᠢ ᠰᠢᠪᠠᠭᠤ ᠭᠡᠰᠡᠨ》
《ᠠ᠂ᠲᠩᠷᠢ ᠂ ᠪᠠᠢᠭᠠ ᠭᠠᠵᠠᠷ ᠲᠠᠭᠠᠨ ᠪᠠᠢᠭᠠᠷᠠᠢ᠃ ᠨᠠᠳᠠ ᠳ᠋ᠤ᠌ ᠳᠠᠬᠢᠵᠤ ᠬᠡᠵᠢᠶᠡ ᠴᠦ᠍ ᠴᠢᠷᠠᠢ ᠪᠠᠨ ᠪᠤᠤ ᠬᠠᠷᠠᠭᠤᠯ》᠃
《ᠠ᠂ ᠠ᠂ ᠸᠸᠨᠳᠢ ᠴᠢ ᠶᠠᠭᠠᠬᠢᠴᠢᠬᠠᠪᠠ? ᠨᠢᠳᠦ ᠪᠡᠨ ᠨᠡᠭᠡᠭᠡᠭᠡᠴᠢ ᠳᠡ》
ᠫᠢᠲ᠋ᠸᠷ ᠴᠡᠭᠡᠵᠢᠨ ᠡᠴᠡ ᠨᠢ ᠰᠤᠮᠤ ᠶ᠋ᠢ ᠰᠤᠭᠤᠯᠤᠭᠠᠳ᠂ᠰᠤᠮᠤ ᠨᠢ ᠴᠢᠰᠤ ᠪᠣᠯᠤᠭᠠ ᠦᠭᠡᠢ ᠶ᠋ᠢ ᠬᠠᠷᠠᠯᠠ᠃ ᠸᠸᠨᠳᠢ ᠳ᠋ᠦ᠍ ᠥᠭᠭᠦᠭᠰᠡᠨ ᠬᠣᠰᠢᠭᠠ ᠶ᠋ᠢᠨ ᠵᠡᠭᠦᠯᠲᠡ ᠶ᠋ᠢ ᠤᠨᠤᠭᠰᠠᠨ ᠪᠠᠢᠵᠠᠢ᠃ ᠸᠸᠨᠳᠢ ᠠᠭᠠᠵᠢᠭᠤᠬᠠᠨ ᠨᠢᠳᠦ ᠪᠡᠨ ᠨᠡᠭᠡᠭᠡᠯᠡ᠃
《ᠫᠢᠲ᠋ᠸᠷ᠂ ᠪᠢ ᠴᠢᠮᠠ ᠶ᠋ᠢ ᠬᠠᠢᠵᠤ ᠪᠠᠢᠯᠠ》᠃《ᠪᠢ ᠡᠨᠳᠡ ᠪᠠᠢᠨᠠ᠃ ᠪᠠᠢᠰᠢᠩ ᠤᠷᠤᠭᠤ ᠣᠷᠣᠶᠠ》
《ᠴᠢ ᠪᠢᠳᠡᠨ ᠳ᠋ᠦ᠍ ᠦᠳᠡᠰᠢ ᠶ᠋ᠢᠨ ᠦᠯᠢᠭᠡᠷ ᠶᠠᠷᠢᠵᠤ ᠥᠭᠭᠦᠯ ᠳᠡ》
《ᠲᠡᠢᠮᠦ ᠠ᠋᠂ ᠲᠡᠭᠡᠶᠡ᠃ᠪᠢ ᠴᠢᠮᠠ ᠳ᠋ᠤ᠌ ᠦᠨᠡᠰᠦᠭᠡᠯᠵᠢᠨ ᠦ᠌ ᠦᠯᠢᠭᠡᠷ ᠶᠠᠷᠢᠵᠤ ᠥᠭᠭᠦᠶᠡ》
《ᠲᠡᠢᠮᠦ ᠠ᠋᠂ᠲᠡᠢᠮᠦ ᠠ᠋᠂ ᠲᠡᠢᠮᠦ ᠠ᠋!》
ᠮᠠᠷᠭᠠᠰᠢ ᠨᠢ ᠲᠡᠳᠡ ᠯᠤᠤᠰ ᠤ᠋ᠨ ᠳᠠᠭᠢᠨᠢ ᠶ᠋ᠢᠨ ᠪᠤᠯᠤᠩ ᠳ᠋ᠤ᠌ ᠣᠴᠢᠬᠤ ᠪᠠᠷ ᠶᠠᠪᠤᠯᠠ᠃
ᠦᠵᠡᠰᠬᠦᠯᠡᠩᠲᠦ ᠯᠤᠤᠰ ᠤ᠋ᠨ ᠳᠠᠭᠢᠨᠢ ᠨᠤᠭᠤᠳ ᠫᠢᠲ᠋ᠸᠷ ᠦ᠋ᠨ ᠨᠠᠢᠵᠠ ᠠᠵᠠᠢ᠃ ᠭᠡᠨᠡᠳᠲᠡ᠂ ᠨᠢᠭᠡ ᠬᠥᠮᠦᠨ ᠬᠠᠰᠬᠢᠷᠪᠠ᠃ 《ᠳᠠᠯᠠᠢ ᠶ᠋ᠢᠨ ᠳᠡᠭᠡᠷᠡᠮᠴᠢᠳ᠂ᠨᠢᠭᠤᠭᠳᠠᠭᠠᠷᠠᠢ !》ᠪᠦᠭᠦᠳᠡ ᠬᠠᠳᠠᠨ ᠤ᠋ ᠠᠷᠤ ᠳ᠋ᠤ᠌ ᠨᠢᠭᠤᠭᠳᠠᠯᠠ᠃ ᠫᠢᠲ᠋ᠸᠷ ᠸᠸᠨᠳᠢ ᠬᠣᠶᠠᠷ ᠳᠠᠯᠠᠢ ᠶ᠋ᠢᠨ ᠳᠡᠭᠡᠷᠡᠮᠴᠢᠳ ᠢᠨᠳᠢᠶᠠᠨ ᠭᠦᠩᠵᠦ ᠮᠠᠱ ᠰᠠᠷᠠᠨ ᠢ᠋ ᠪᠠᠷᠢᠭᠰᠠᠨ ᠪᠠᠢᠬᠤ ᠶ᠋ᠢ ᠬᠠᠷᠠᠯᠠ᠃ ᠳᠠᠯᠠᠢ ᠶ᠋ᠢᠨ ᠳᠡᠭᠡᠷᠡᠮᠴᠢᠳ ᠭᠦᠩᠵᠦ ᠶ᠋ᠢ ᠬᠠᠳᠠᠨ ᠳᠡᠭᠡᠷᠡ ᠣᠷᠬᠢᠯᠠ᠃
《ᠦ᠋᠂ ᠦᠭᠡᠢ ᠮᠠᠱ ᠰᠠᠷᠠᠨ᠃ ᠪᠢ ᠲᠡᠭᠦᠨ ᠢ᠋ ᠠᠪᠤᠷᠠᠬᠤ ᠶᠣᠰᠣᠲᠠᠢ》
ᠫᠢᠲ᠋ᠸᠷ ᠲᠡᠭᠡᠭᠡᠳ ᠠᠬᠠᠮᠠᠳ ᠳᠠᠬᠢ ᠶ᠋ᠢᠨ ᠬᠣᠭᠣᠯᠠᠢ ᠪᠠᠷ ᠳᠠᠭᠤᠷᠢᠶᠠᠵᠤ ᠡᠬᠢᠯᠡᠪᠡ
《ᠨᠠᠭᠠᠳᠤᠬᠢ ᠪᠠᠨ ᠰᠤᠯᠠᠯᠠ!》
《ᠲᠡᠭᠡ ᠳᠡ ᠠᠬᠠᠮᠠᠳ ᠠ᠋᠂ ᠲᠠ ᠪᠢᠳᠡᠨ ᠳ᠋ᠦ᠍ ᠡᠨᠡ ᠤᠴᠢᠷ ᠢ᠋ ᠲᠤᠰᠢᠶᠠᠭᠰᠠᠨ ᠰᠢᠲᠠ》᠃
《ᠨᠠᠭᠠᠳᠤᠬᠢ ᠪᠠᠨ ᠰᠤᠯᠠᠯᠠ ! ᠲᠡᠨᠡᠭ ᠮᠢᠨᠢ᠂ ᠡᠨᠡ ᠪᠢᠳᠡᠨ ᠦ᠌ ᠫᠢᠲ᠋ᠸᠷ ᠫᠠᠨ ᠢ᠋ ᠪᠠᠷᠢᠬᠤ ᠰᠢᠨᠡ ᠠᠷᠭᠠ᠂ ᠣᠢᠯᠠᠭᠠᠪᠠ ᠤᠤ?》
《ᠮᠡᠳᠡᠯᠡ᠂ ᠠᠬᠠᠮᠠᠳ ᠠ᠋》
ᠳᠠᠯᠠᠢ ᠶ᠋ᠢᠨ ᠳᠡᠭᠡᠷᠡᠮᠴᠢᠳ ᠮᠠᠱ ᠰᠠᠷᠠᠨ ᠢ᠋ ᠰᠤᠯᠠᠯᠠᠯᠠ᠃ ᠭᠦᠩᠵᠦ ᠲᠡᠷᠡ ᠳᠠᠷᠤᠢ ᠢᠨᠳᠢᠶᠠᠨ ᠭᠣᠣᠯ ᠤᠷᠤᠭᠤ ᠪᠠᠨ ᠪᠤᠴᠠᠵᠤ ᠭᠦᠶᠦᠯᠡ᠃ ᠠᠬᠠᠮᠠᠳ ᠳᠠᠬᠢ ᠶᠠᠭᠤ ᠪᠣᠯᠤᠭᠰᠠᠨ ᠢ᠋ ᠣᠯᠵᠤ ᠮᠡᠳᠡᠭᠡᠳ᠂ ᠫᠢᠲ᠋ᠸᠷ ᠳᠡᠭᠡᠷᠡᠮᠴᠢᠳ ᠢ᠋ ᠨᠢ ᠬᠠᠭᠤᠷᠤᠭᠰᠠᠨ ᠢ᠋ ᠣᠢᠯᠠᠭᠠᠯᠠ᠃ᠳᠠᠭᠢ ᠮᠠᠰᠢ ᠶᠡᠬᠡ ᠠᠭᠤᠷᠯᠠᠯᠠ᠃
《ᠣᠳᠣ ᠬᠠᠩᠭᠠᠯᠲᠠᠲᠠᠢ᠂ ᠲᠡᠷᠡ ᠮᠠᠭᠤ ᠫᠢᠲ᠋ᠸᠷ ᠫᠠᠨ ᠰᠤᠷᠠᠭ ᠢ᠋ᠶ᠋ᠠᠨ ᠦᠯᠡᠳᠡᠭᠡᠪᠡ᠃ᠪᠢ ᠴᠢᠮᠠ ᠳᠡᠭᠡᠷᠡ ᠣᠴᠢᠯᠠ᠂ ᠫᠢᠲ᠋ᠸᠷ ᠫᠠᠨ》
ᠲᠡᠷᠡ ᠣᠷᠣᠢ ᠸᠸᠨᠳᠢ ᠬᠡᠦᠬᠡᠳ ᠦ᠋ᠳ ᠲᠦ᠍ ᠡᠴᠢᠭᠡ ᠡᠬᠡ ᠪᠡᠨ ᠣᠷᠬᠢᠨ ᠦᠯᠢᠭᠡᠷ ᠦ᠋ᠨ ᠣᠷᠣᠨ ᠤᠷᠤᠭᠤ ᠨᠢᠰᠦᠭᠰᠡᠨ ᠬᠡᠦᠬᠡᠳ ᠦ᠋ᠳ ᠦ᠋ᠨ ᠲᠠᠯᠠ ᠪᠠᠷ ᠶᠠᠷᠢᠪᠠ᠃ ᠲᠡᠳᠡᠨ ᠦ᠌ ᠡᠴᠢᠭᠡ ᠡᠬᠡ ᠨᠢ ᠬᠡᠦᠬᠡᠳ ᠦ᠋ᠳ ᠢ᠋ᠶ᠋ᠡᠨ ᠶᠡᠬᠡ ᠰᠠᠨᠠᠵᠤ ᠪᠠᠢᠭᠠ᠂ ᠬᠡᠦᠬᠡᠳ ᠦ᠋ᠳ ᠦᠯᠢᠭᠡᠷ ᠦ᠋ᠨ ᠣᠷᠣᠨ ᠳ᠋ᠤ᠌ ᠬᠠᠢᠷᠠᠲᠠᠢ ᠴᠤ᠌ ᠡᠴᠢᠭᠡ ᠡᠬᠡ ᠪᠡᠨ ᠣᠭᠲᠣ ᠮᠠᠷᠲᠠᠭᠠ ᠦᠭᠡᠢ ᠭᠡᠵᠡᠢ᠃
《ᠪᠢᠳᠡᠨ ᠦ᠌ ᠠᠶᠠᠯᠠᠯ ᠲᠠᠢ ᠠᠳᠠᠯᠢᠬᠠᠨ ᠶᠤᠮ ᠰᠢᠦ》
《ᠠ᠂ ᠲᠡᠢᠮᠦ ᠠ᠋᠂ ᠡᠨᠡ ᠪᠢᠳᠡᠨ ᠦ᠌ ᠲᠤᠬᠠᠢ ᠦᠯᠢᠭᠡᠷ》
《ᠠᠪᠤ ᠡᠵᠢ ᠨᠢ ᠵᠠᠷᠢᠮ ᠳ᠋ᠤ᠌ ᠪᠠᠨ ᠬᠡᠦᠬᠡᠳ ᠦ᠋ᠳ ᠢ᠋ᠶ᠋ᠡᠨ ᠮᠠᠷᠲᠠᠳᠠᠭ ᠃ ᠥᠭᠡᠷᠡ ᠬᠡᠦᠬᠡᠳ ᠦ᠋ᠳ ᠲᠡᠳᠡᠨ ᠦ᠌ ᠣᠷᠣ ᠶ᠋ᠢ ᠡᠵᠡᠯᠡᠳᠡᠭ》
《ᠠ᠂ ᠮᠠᠨ ᠤ᠋ ᠠᠪᠤ ᠡᠵᠢ ᠪᠢᠳᠡᠨ ᠢ᠋ ᠬᠦᠯᠢᠶᠡᠵᠦ ᠪᠠᠢᠭᠠ᠃ᠪᠢᠳᠡ ᠣᠳᠣ ᠭᠡᠷ ᠲᠡᠭᠡᠨ ᠬᠠᠷᠢᠬᠤ ᠶᠣᠰᠣᠲᠠᠢ᠃ᠮᠠᠷᠭᠠᠰᠢ ᠥᠷᠯᠥᠭᠡ ᠪᠢᠳᠡ ᠶᠠᠪᠤᠶᠠ》
《ᠭᠡᠬᠦ ᠳ᠋ᠦ᠍ ᠪᠡᠨ ᠬᠡᠨ ᠪᠢᠳᠡᠨ ᠳ᠋ᠦ᠍ ᠦᠯᠢᠭᠡᠷ ᠶᠠᠷᠢᠵᠤ ᠥᠭᠴᠦ ᠪᠠᠢᠭᠠ ᠶᠤᠮ ᠪᠣᠢ?》
《ᠲᠠᠨᠠᠷ ᠴᠣ ᠭᠡᠰᠡᠨ ᠶᠠᠪᠤᠬᠤ ᠦᠭᠡᠢ ᠶᠦ᠍ᠮ ᠤᠤ? ᠪᠢᠳᠡᠨ ᠲᠡᠢ ᠬᠠᠮᠲᠤ ᠠᠮᠢᠳᠤᠷᠠᠵᠤ ᠪᠣᠯᠤᠨᠠ ᠰᠢᠲᠠ》
《ᠭᠣᠶᠣ ᠳᠠ᠂ ᠭᠡᠷ ᠪᠦᠯᠢ ᠲᠡᠢ ᠪᠠᠢᠬᠤ ᠰᠠᠢᠬᠠᠨ ᠳᠠ》
《ᠲᠡᠢᠮᠦ ᠠ᠋᠂ ᠭᠣᠶᠣ ᠳᠠ᠂ ᠭᠣᠶᠣ ᠳᠠ᠂ᠬᠠ ᠬᠠ》
《ᠫᠢᠲ᠋ᠸᠷ᠂ᠴᠢ ᠪᠢᠳᠡᠨ ᠲᠡᠢ ᠬᠠᠮᠲᠤ ᠶᠠᠪᠤᠬᠤ ᠦᠭᠡᠢ ᠶᠦ᠍ᠮ ?》
《ᠲᠠᠨᠠᠷ ᠪᠦᠭᠦᠳᠡ ᠤᠳᠠᠬᠤ ᠦᠭᠡᠢ ᠲᠣᠮᠣ ᠪᠣᠯᠤᠨᠠ ᠂ ᠪᠢ ᠬᠡᠦᠬᠡᠳ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠮᠠᠷ ᠪᠠᠢᠨᠠ᠃ᠪᠢ ᠲᠣᠮᠣᠴᠤᠤᠯ ᠢ᠋ᠶ᠋ᠠᠷ ᠶᠠᠭᠤ ᠬᠢᠬᠦ ᠪᠡᠨ ᠵᠢᠭᠠᠯᠭᠠᠵᠤ ᠠᠮᠢᠳᠤᠷᠠᠮᠠᠷ ᠦᠭᠡᠢ ᠰᠢᠦ ᠳᠡ》
ᠮᠠᠷᠭᠠᠰᠢ ᠪᠦᠬᠦ ᠨᠠᠢᠵᠠ ᠨᠤᠭᠤᠳ ᠨᠢ ᠶᠠᠪᠤᠵᠤ᠂ᠥᠪᠡᠷ ᠢ᠋ᠶ᠋ᠡᠨ ᠭᠣᠣᠨᠢ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠦᠯᠡᠳᠡᠨᠡ ᠭᠡᠵᠦ ᠫᠢᠲ᠋ᠸᠷ ᠫᠠᠨ ᠭᠤᠨᠢᠭᠯᠠᠯᠠ᠃
ᠥᠷᠯᠥᠭᠡ ᠪᠡᠷ ᠬᠡᠦᠬᠡᠳ ᠦ᠋ᠳ ᠪᠠᠢᠰᠢᠩ ᠠ᠋ᠴᠠ ᠶᠠᠪᠤᠯᠠ᠃ ᠫᠢᠲ᠋ᠸᠷ ᠲᠡᠳᠡᠨ ᠢ᠋ ᠶᠠᠪᠤᠬᠤ ᠦᠶᠡ ᠳ᠋ᠦ᠍ ᠭᠠᠷᠴᠤ ᠬᠠᠷᠠᠭᠰᠠᠨ ᠦᠭᠡᠢ᠃ᠠᠬᠠᠮᠠᠳ ᠳᠠᠬᠢ ᠶ᠋ᠢᠨ ᠳᠠᠯᠠᠢ ᠶ᠋ᠢᠨ ᠳᠡᠭᠡᠷᠡᠮᠴᠢᠳ ᠣᠢᠷᠠᠬᠠᠨ ᠨᠢᠭᠤᠭᠳᠠᠵᠤ ᠪᠠᠢᠯᠠ᠃ᠲᠡᠳᠡ ᠪᠦᠬᠦ ᠬᠡᠦᠬᠡᠳ ᠦ᠋ᠳ ᠢ᠋ ᠪᠠᠷᠢᠵᠤ ᠬᠦᠯᠢᠭᠡᠳ ᠂ ᠳᠠᠯᠠᠢ ᠶ᠋ᠢᠨ ᠳᠡᠭᠡᠷᠡᠮᠴᠢᠨ ᠦ᠌ ᠬᠥᠯᠭᠡ ᠳ᠋ᠦ᠍ ᠠᠪᠠᠴᠢᠵᠠᠢ ᠃ ᠲᠩᠷᠢ ᠪᠸᠸᠯ ᠮᠣᠳᠣᠨ ᠤ᠋ ᠣᠷᠣᠢ ᠳᠡᠭᠡᠷᠡ ᠡᠴᠡ ᠲᠡᠳᠡᠨ ᠢ᠋ ᠬᠠᠷᠠᠵᠤ ᠪᠠᠢᠪᠠ᠃
《ᠪᠤᠷᠬᠠᠨ ᠮᠢᠨᠢ! ᠫᠢᠲ᠋ᠸᠷ ᠫᠠᠨ ᠬᠠᠷᠠᠵᠤ ᠪᠠᠢᠭᠠ᠃ᠪᠢ ᠲᠡᠭᠦᠨ ᠳ᠋ᠦ᠍ ᠰᠠᠨᠠᠭᠤᠯᠬᠤ ᠶᠣᠰᠣᠲᠠᠢ》᠃
《ᠫᠢᠲ᠋ᠸᠷ᠂ ᠫᠢᠲ᠋ᠸᠷ᠂ ᠴᠢ ᠬᠠᠮᠢᠭᠠ ᠪᠠᠢᠨᠠ? ᠫᠢᠲ᠋ᠸᠷ?》
《ᠶᠠᠭᠤ ᠪᠣᠯᠤᠭᠠ ᠪᠣᠢ ᠲᠩᠷᠢ?》
《ᠶᠠᠪᠤᠵᠠᠭᠠᠶᠠ! ᠨᠠᠢᠵᠠ ᠨᠤᠭᠤᠳ ᠢ᠋ᠶ᠋ᠠᠨ ᠠᠪᠤᠷᠠᠶᠠ᠂ ᠳᠠᠯᠠᠢ ᠶ᠋ᠢᠨ ᠳᠡᠭᠡᠷᠡᠮᠴᠢᠳ ᠲᠡᠳᠡᠨ ᠢ᠋ ᠪᠠᠷᠢᠴᠢᠬᠠᠯᠠ》᠃
《ᠦ᠋᠂ ᠵᠠ ᠶᠠᠪᠤᠵᠤ ᠠᠬᠠᠮᠠᠳ ᠳᠠᠬᠢ ᠪᠠᠷ ᠮᠠᠲᠠᠷ ᠬᠣᠭᠣᠯᠠᠯᠠᠶᠠ》᠃
ᠳᠠᠯᠠᠢ ᠶ᠋ᠢᠨ ᠳᠡᠭᠡᠷᠡᠮᠴᠢᠳ ᠦ᠋ᠨ ᠬᠥᠯᠭᠡ ᠳᠡᠭᠡᠷᠡ ᠬᠡᠦᠬᠡᠳ ᠦ᠋ᠳ ᠢ᠋ ᠪᠦᠭᠦᠳᠡ ᠶ᠋ᠢ ᠨᠢ ᠬᠦᠯᠢᠵᠡᠢ᠃
《ᠲᠠᠨᠠᠷ ᠮᠠᠲᠠᠷ ᠲᠤ᠌ ᠲᠡᠭᠦᠰ ᠡᠳᠦᠷ ᠦ᠋ᠨ ᠬᠣᠭᠣᠯᠠ ᠪᠣᠯᠵᠤ᠂ᠬᠠᠷᠢᠨ ᠮᠠᠲᠠᠷ ᠨᠠᠮᠠ ᠶ᠋ᠢ ᠡᠭᠦᠷᠢᠳᠡ ᠥᠷᠥᠰᠢᠶᠡᠨᠡ》᠃《ᠴᠢᠮᠠ ᠶ᠋ᠢ ᠪᠠᠷᠢᠯᠠ ᠳᠠ ᠂ ᠳ᠋ᠠᠬᠢ 》
ᠠᠬᠠᠮᠠᠳ ᠳᠠᠬᠢ ᠫᠢᠲ᠋ᠸᠷ ᠫᠠᠨ ᠲᠠᠢ ᠢᠯᠳᠦ ᠪᠡᠷ ᠲᠤᠯᠤᠯᠳᠤᠵᠤ ᠡᠬᠢᠯᠡᠯᠡ᠃ ᠫᠢᠲ᠋ᠸᠷ ᠢᠳᠡ ᠪᠡᠷ ᠤᠬᠤᠰᠬᠢᠨ ᠳᠠᠭᠠᠷᠢᠵᠤ᠂ ᠳ᠋ᠠᠬᠢ ᠲᠠᠩᠭᠢᠰ ᠤᠷᠤᠭᠤ ᠤᠨᠠᠯᠠ᠃ ᠦ ᠦ᠂ ᠦ ᠦ ᠮᠠᠲ᠋ᠧᠷ ᠠᠬᠠᠮᠠᠳ ᠳᠠᠬᠢ ᠶ᠋ᠢ ᠪᠦᠭᠦᠳᠡ ᠶ᠋ᠢ ᠨᠢ ᠵᠠᠯᠭᠢᠴᠢᠬᠠᠪᠠ᠃ᠢᠩᠭᠢᠭᠡᠳ ᠠᠬᠠᠮᠠᠳ ᠳᠠᠬᠢ ᠦᠭᠡᠢ ᠪᠣᠯᠤᠭᠰᠠᠨ ᠶᠤᠮ᠃ ᠲᠩᠷᠢ ᠪᠸᠸᠯ ᠬᠡᠦᠬᠡᠳ ᠦ᠋ᠳ ᠢ᠋ ᠰᠤᠯᠠᠯᠠᠯᠠ᠃ ᠲᠡᠳᠡ ᠪᠦᠭᠦᠳᠡ ᠲᠩᠷᠢ ᠪᠸᠸᠯ ᠢ᠋ ᠲᠣᠭᠣᠷᠢᠨ ᠴᠤᠭᠯᠠᠪᠠ᠃
《ᠴᠢ ᠵᠣᠷᠢᠭᠲᠠᠢ ᠶᠤᠮ ᠠ᠋᠂ ᠫᠢᠲ᠋ᠸᠷ᠃ ᠶᠠᠭ ᠯᠠ ᠦᠯᠢᠭᠡᠷ ᠲᠦ᠍ ᠭᠠᠷᠳᠠᠭ ᠪᠠᠭᠠᠲᠤᠷ ᠰᠢᠭ᠋᠃ᠪᠢ ᠣᠳᠣ ᠬᠡᠦᠬᠡᠳ ᠦ᠋ᠳ ᠲᠦ᠍ ᠴᠢᠨᠦ ᠲᠡᠦᠬᠡ ᠶ᠋ᠢ ᠶᠠᠷᠢᠬᠤ ᠪᠣᠯᠤᠨᠠ》
《ᠵᠠ ᠵᠠ᠂ ᠨᠡᠷᠡ ᠲᠥᠷᠥ ᠶ᠋ᠢᠨ ᠬᠡᠷᠡᠭ ᠪᠠᠢᠨᠠ ᠂ ᠠᠯᠢᠪ᠂ ᠶᠠᠪᠤᠬᠤ ᠳ᠋ᠤ᠌ ᠪᠠᠨ ᠪᠡᠯᠡᠳ᠂ ᠡᠰᠡᠬᠦᠯᠡ ᠲᠠᠨᠠᠷ ᠴᠢᠨᠢ ᠪᠣᠳᠣᠯ ᠢ᠋ᠶ᠋ᠠᠨ ᠥᠭᠡᠷᠡᠴᠢᠯᠡᠴᠢᠬᠡᠪᠡ ᠤᠤ?》 ᠠ ᠬᠠ ᠬᠠ 《ᠫᠢᠲ᠋ᠸᠷ! ᠪᠢᠳᠡᠨ ᠲᠡᠢ ᠬᠠᠮᠲᠤ ᠶᠠᠪᠤᠯ ᠳᠠ》《ᠪᠢ ᠪᠣᠯ ᠬᠡᠵᠢᠶᠡ ᠴᠦ᠍ ᠲᠣᠮᠣ ᠪᠣᠯᠳᠠᠭ ᠦᠭᠡᠢ ᠫᠢᠲ᠋ᠸᠷ ᠫᠠᠨ᠂ ᠪᠢ ᠴᠢᠮᠠ ᠶ᠋ᠢ ᠭᠡᠷ ᠲᠦ᠍ ᠴᠢᠨᠢ ᠬᠦᠷᠲᠡᠯᠡ ᠳᠠᠭᠠᠵᠤ ᠶᠠᠪᠤᠶᠠ》《ᠲᠡᠢᠮᠦ ᠠ᠋!》 ᠲᠡᠳᠡ ᠪᠦᠭᠦᠳᠡ ᠯᠣᠨᠳᠣᠨ ᠤᠷᠤᠭᠤ ᠬᠥᠳᠡᠯᠦᠯᠡ᠃ ᠸᠸᠨᠳᠢ ᠶ᠋ᠢᠨ ᠡᠴᠢᠭᠡ ᠡᠬᠡ ᠨᠢ ᠬᠡᠦᠬᠡᠳ ᠦ᠋ᠳ ᠢ᠋ᠶ᠋ᠡᠨ ᠳᠠᠬᠢᠨ ᠬᠠᠷᠠᠭᠰᠠᠨ ᠳ᠋ᠤ᠌ ᠪᠠᠨ ᠪᠠᠶᠠᠷᠯᠠᠪᠠ᠃ ᠨᠣᠶᠠᠨ ᠬᠠᠲᠤᠭᠲᠠᠢ ᠳ᠋ᠠᠷᠯᠢᠩ ᠨᠠᠷ ᠸᠸᠨᠳᠢ᠂ ᠵᠢᠶᠤᠤᠨ᠂ ᠮᠠᠢᠺᠦᠯ ᠭᠤᠷᠪᠠ ᠶ᠋ᠢ ᠲᠡᠪᠡᠷᠢᠯᠡ᠃
《ᠨᠢᠭᠡ ᠠᠯᠢ ᠡᠳᠦᠷ ᠡᠷᠭᠢᠵᠦ ᠢᠷᠡᠨᠡ ᠭᠡᠵᠦ ᠮᠡᠳᠡᠭᠰᠡᠨ ᠶᠦᠮ ᠠ᠋》
《ᠲᠠ ᠨᠠᠷ ᠢ᠋ ᠮᠠᠰᠢ ᠶᠡᠬᠡ ᠰᠠᠨᠠᠭᠰᠠᠨ ᠰᠢᠦ ᠬᠡᠦᠬᠡᠳ ᠦ᠋ᠳ ᠠ᠋ 》
《ᠡᠨᠡ ᠬᠡᠦᠬᠡᠳ ᠦ᠋ᠳ ᠬᠡᠨ ᠪᠣᠢ ᠸᠸᠨᠳᠢ?》
《ᠡᠨᠡ ᠪᠣᠯ ᠠᠯᠳᠠᠭᠳᠠᠭᠰᠠᠨ ᠬᠥᠪᠡᠭᠦᠳ ᠲᠤᠤᠺᠢᠰ᠂ᠨᠢᠫᠸᠰ᠂ᠰᠯᠠᠢᠺᠢ᠂ᠺᠦᠺᠢ ᠪᠠᠰᠠ ᠢᠬᠢᠷᠡ ᠬᠡᠦᠬᠡᠳ ᠂ᠪᠢᠳᠡᠨ ᠲᠡᠢ ᠠᠮᠢᠳᠤᠷᠠᠬᠤ ᠪᠠᠷ ᠦᠯᠢᠭᠡᠷ ᠦ᠋ᠨ ᠣᠷᠣᠨ ᠠ᠋ᠴᠠ ᠢᠷᠡᠭᠰᠡᠨ ᠶᠦᠮ᠃ ᠪᠢᠳᠡᠨ ᠲᠡᠢ ᠦᠯᠡᠳᠡᠵᠦ ᠪᠣᠯᠤᠨᠠ ᠤᠤ?》
ᠲᠡᠢᠮᠦ ᠠ᠋! ᠮᠡᠳᠡᠭᠡᠵᠢ
《ᠲᠡᠢᠮᠦ !ᠲᠡᠢᠮᠦ ! ᠲᠡᠢᠮᠦ ᠠ᠋!》
ᠫᠢᠲ᠋ᠸᠷ ᠴᠣᠩᠬᠣᠨ ᠤ᠋ ᠭᠠᠳᠠᠨᠠ ᠬᠥᠪᠴᠦ ᠪᠠᠢᠯᠠ᠃
《ᠫᠢᠲ᠋ᠸᠷ ᠂ ᠴᠢ ᠰᠢᠢᠳᠪᠦᠷᠢ ᠪᠡᠨ ᠳᠠᠬᠢᠨ ᠪᠣᠳᠣᠬᠤ ᠦᠭᠡᠢ ᠶᠦ᠍ᠮ ᠤᠤ?》
《ᠪᠢ ᠦᠯᠢᠭᠡᠷ ᠦ᠋ᠨ ᠣᠷᠣᠨ ᠳ᠋ᠤ᠌ ᠪᠠᠨ ᠦᠯᠡᠳᠡᠨᠡ᠃ ᠲᠡᠨᠳᠡ ᠪᠠᠢᠪᠠᠯ ᠪᠢ ᠲᠣᠮᠣ ᠪᠣᠯᠬᠤ ᠦᠭᠡᠢ》《ᠲᠡᠭᠡᠪᠡᠯ ᠪᠠᠶᠠᠷᠲᠠᠢ ᠫᠢᠲ᠋ᠸᠷ᠂ ᠪᠢᠳᠡ ᠴᠢᠮᠠ ᠪᠠᠨ ᠰᠠᠨᠠᠨᠠ》《ᠪᠠᠶᠠᠷᠲᠠᠢ ! ᠸᠸᠨᠳᠢ᠂ ᠪᠠᠶᠠᠷᠲᠠᠢ ᠬᠥᠪᠡᠭᠦᠳ ᠠ᠋᠂ ᠨᠠᠮᠠ ᠶ᠋ᠢ ᠪᠢᠲᠡᠭᠡᠢ ᠮᠠᠷᠲᠠᠭᠠᠷᠠᠢ》 ᠫᠢᠲ᠋ᠸᠷ ᠫᠠᠨ ᠂ ᠲᠩᠷᠢ ᠪᠸᠸᠯ ᠬᠣᠶᠠᠷ ᠰᠠᠯᠬᠤ ᠶᠣᠰᠣ ᠬᠢᠭᠡᠳ ᠦᠯᠢᠭᠡᠷ ᠦ᠋ᠨ ᠣᠷᠣᠨ ᠤᠷᠤᠭᠤ ᠨᠢᠰᠦᠨ ᠣᠳᠤᠯᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠰᠡᠴᠡᠨᠲᠤᠶᠠᠭᠠ᠂
ᠦᠰᠦᠭ ᠬᠠᠲᠠᠭᠰᠠᠨ ᠨᠢ ᠄ ᠭᠠᠸᠠ
ᠦᠰᠦᠭ ᠬᠢᠨᠠᠭᠴᠢ ᠄ ᠭᠠᠷᠮᠠ᠂ ᠬᠠᠨᠳᠠᠵᠠᠪ᠂ ᠾᠦᠩ ᠸᠧᠢ