ᠣᠨᠢᠰᠤᠭᠠ – ᠬᠠ ᠶᠢᠨ ᠠᠢᠮᠠᠭ - ᠴᠣ᠂ ᠳᠤᠭᠠᠷᠵᠠᠪ ᠡᠮᠬᠢᠳᠬᠡᠨ ᠨᠠᠢᠷᠠᠭᠤᠯᠪᠠ Оньсого – Хагийн аймаг - Чо ᠂ Дугаржав эмхэтгэн найруулав
1911ᠬᠠ ᠶᠢᠨ ᠠᠢᠮᠠᠭ
ᠬᠠ
ᠬᠠᠢᠷᠠᠲᠠᠢ ᠬᠦᠦ ᠶ᠋ᠢᠨ ᠢ᠋ᠶ᠋ᠡᠨ ᠬᠤᠪᠴᠠᠰᠤ ᠲᠠᠢᠯᠬᠤ ᠳ᠋ᠤ᠌ ᠬᠠᠷᠠ ᠨᠢᠳᠦᠨ ᠦ᠌ ᠨᠢᠯᠪᠤᠰᠤ ᠭᠣᠭᠣᠵᠢᠨᠠ
( ᠰᠣᠩᠭᠢᠨᠠ ᠠᠷᠢᠯᠭᠠᠬᠤ )
ᠬᠠᠨ ᠲᠡᠮᠦᠷ ᠠᠪᠤ ᠲᠠᠢ
ᠬᠠᠷᠪᠤᠭ ᠱᠣᠷᠪᠣᠭ ᠡᠵᠢ ᠲᠡᠢ
ᠪᠤᠭᠤᠳᠠᠢ ᠴᠠᠭᠠᠨ ᠬᠡᠦᠬᠡᠨ ᠲᠡᠢ
ᠶᠠᠨᠳᠠᠨ ᠬᠠᠷᠠ ᠬᠦᠷᠭᠡᠨ ᠲᠡᠢ
( ᠲᠣᠭᠣᠭᠠ᠂ ᠭᠠᠯ᠂ ᠦᠨᠡᠰᠦ᠂ ᠰᠢᠯᠡᠭᠡᠪᠦᠷ )
ᠬᠠᠭᠰᠢ ᠨᠠᠭᠰᠢ ᠬᠣᠶᠠᠷ
( ᠬᠠᠪᠤᠷ᠂ ᠨᠠᠮᠤᠷ )
ᠬᠠᠪᠲᠠᠭᠠᠢ ᠳᠥᠷᠪᠡᠯᠵᠢᠨ ᠪᠡᠶᠡ ᠲᠡᠢ
ᠬᠠᠷᠠ ᠪᠠᠷᠠᠭᠠᠨ ᠵᠢᠰᠦ ᠲᠡᠢ
ᠨᠣᠭᠣᠭᠠ ᠢᠳᠡᠬᠦ ᠡᠴᠡ ᠪᠢᠰᠢ
ᠪᠤᠳᠠᠭᠠ ᠢᠳᠡᠬᠦ ᠦᠭᠡᠢ
ᠮᠢᠬᠠ ᠢᠳᠡᠬᠦ ᠡᠴᠡ ᠪᠢᠰᠢ
ᠠᠷᠢᠬᠢ ᠤᠤᠭᠤᠬᠤ ᠦᠭᠡᠢ
( ᠪᠣᠣᠳᠤᠤ )
ᠬᠠᠪᠲᠠᠭᠠᠢ ᠳᠥᠷᠪᠡᠯᠵᠢᠨ ᠪᠡᠶᠡ ᠲᠡᠢ
ᠬᠠᠳᠠᠮᠠᠯ ᠢᠰᠡᠭᠡᠢ ᠨᠢᠭᠤᠷ ᠲᠠᠢ
ᠬᠥᠯ ᠦᠭᠡᠢ ᠪᠠᠢᠲᠠᠯᠠ ᠪᠠᠨ ᠶᠠᠪᠤᠴᠢᠬᠠᠨᠠ
ᠬᠦᠷᠪᠡᠯ ᠨᠢᠭᠤᠷ ᠢ᠋ ᠴᠢᠨᠢ ᠠᠷᠴᠢᠴᠢᠬᠠᠨᠠ
( ᠰᠠᠮᠪᠠᠷᠠ ᠶ᠋ᠢᠨ ᠵᠦᠯᠭᠦᠭᠦᠷ)
ᠬᠠᠭᠠᠨ ᠤ᠋ ᠭᠠᠳᠠᠨᠠ ᠬᠠᠩᠭᠢᠰ ᠬᠢᠨᠡ
ᠬᠠᠷᠠ ᠢᠰᠡᠭᠡᠢ ᠨᠠᠪᠲᠠᠰ ᠬᠢᠨᠡ
ᠲᠠᠤᠯᠠᠢ ᠶ᠋ᠢᠨ ᠨᠢᠷᠤᠭᠤ ᠲᠣᠩᠭᠣᠰ ᠬᠢᠨᠡ
ᠲᠤᠭᠤᠯ ᠤ᠋ᠨ ᠰᠡᠭᠦᠯ ᠭᠣᠳᠣᠰ ᠬᠢᠨᠡ
( ᠡᠮᠡᠭᠡᠯ ᠲᠣᠬᠣᠬᠤ )
ᠬᠠᠭᠠᠨ ᠡᠷᠦᠬᠡ ᠪᠡᠨ ᠰᠡᠬᠦᠬᠦᠯᠡᠷ
ᠵᠠᠭᠠᠨ ᠠᠳᠤᠭᠤ ᠪᠠᠨ ᠬᠤᠷᠢᠶᠠᠨᠠ
( ᠦᠷ ᠴᠠᠢᠬᠤ )
ᠬᠠᠭᠠᠨ ᠤ᠋ ᠬᠠᠲᠤᠨ ᠬᠠᠩᠭᠢᠰ
ᠬᠠᠷᠠ ᠲᠣᠷᠭᠠ ᠨᠠᠮᠢᠰ
( ᠲᠣᠭᠣᠭᠠ ᠬᠦᠯᠡᠬᠦ )
ᠬᠠᠭᠠᠯᠭᠠᠨ ᠤ᠋ ᠠᠷᠤ ᠳ᠋ᠤ᠌ ᠬᠣᠨᠣᠭ ᠲᠠᠢ
ᠬᠠᠮᠤᠭ ᠪᠡᠶᠡ ᠨᠢ ᠪᠤᠵᠠᠷ ᠲᠠᠢ
ᠠᠯᠬᠤᠵᠤ ᠲᠣᠭᠣᠷᠢᠭᠰᠠᠨ ᠭᠠᠵᠠᠷ ᠨᠢ
ᠠᠷᠢᠭᠤᠨ ᠴᠡᠪᠡᠷ ᠪᠣᠯᠳᠠᠭ
( ᠲᠤᠤᠵᠤᠤ )
ᠬᠠᠮᠠᠷ ᠦᠭᠡᠢ ᠠᠮᠠ
ᠬᠠᠪᠢᠷᠭᠠ ᠦᠭᠡᠢ ᠨᠢᠷᠤᠭᠤ
ᠬᠣᠭᠣᠰᠣᠨ ᠠᠷᠠᠰᠤ
ᠬᠣᠷᠢᠨ ᠳᠥᠷᠪᠡᠨ ᠬᠥᠯ
( ᠮᠠᠢᠬᠠᠨ )
ᠬᠠᠲᠠᠭᠤ ᠬᠠᠷᠠᠭᠴᠢᠨ
ᠬᠠᠪᠢᠭᠠᠷ ᠬᠠᠯᠢᠭᠤᠭᠴᠢᠨ
ᠬᠠᠢᠷᠠᠲᠠᠢ ᠤᠯᠠᠭᠠᠭᠴᠢᠨ
( ᠭᠤᠲᠤᠯ᠂ ᠣᠢᠮᠣᠰᠤ᠂ ᠬᠥᠯ)
ᠬᠠᠵᠠᠬᠤ ᠠᠮᠠ ᠲᠠᠢ ᠵᠠᠯᠭᠢᠬᠤ ᠬᠣᠭᠣᠯᠠᠢ ᠦᠭᠡᠢ
( ᠬᠠᠢᠴᠢ )
ᠬᠠᠵᠠᠭᠤ ᠳᠡᠭᠡᠷᠡ ᠬᠠᠪᠲᠠᠭᠠᠢ ᠲᠡᠪᠰᠢ
( ᠴᠢᠬᠢ )
ᠬᠠᠵᠠᠭᠤ ᠳᠡᠭᠡᠷᠡ ᠬᠠᠢᠪᠠᠩ ᠲᠣᠭᠣᠭᠠ
( ᠴᠢᠬᠢ )
ᠬᠠᠶᠠᠭᠰᠠᠨ ᠢ᠋ᠶ᠋ᠠᠨ ᠡᠷᠢᠭᠰᠡᠨ ᠰᠢᠭ ᠡᠷᠭᠢᠯᠳᠦᠨᠡ
ᠬᠠᠨᠢᠶᠠᠳᠤ ᠬᠦᠷᠦᠭᠰᠡᠨ ᠰᠢᠭ ᠱᠤᠤᠭᠢᠯᠳᠤᠨᠠ
( ᠭᠠᠬᠠᠢ )
ᠬᠠᠷᠠᠭᠴᠢ ᠦᠨᠢᠶᠡ ᠬᠠ ᠦᠭᠡᠢ
( ᠤᠭᠤᠵᠢ )
ᠬᠠᠷᠠᠬᠤ ᠳ᠋ᠤ᠌ ᠬᠥᠮᠦᠨ ᠰᠢᠭ
ᠬᠠᠩᠭᠢᠨᠠᠬᠤ ᠨᠢ ᠲᠡᠮᠦᠷ ᠰᠢᠭ᠋
ᠠᠢ ᠵᠢᠭᠲᠡᠢ ᠠᠯᠢ ᠳᠠᠷᠬᠠᠨ ᠬᠢᠪᠡ
( ᠲᠣᠯᠢ )
ᠬᠠᠷᠠᠬᠤ ᠳ᠋ᠤ᠌ ᠬᠦᠢᠲᠡᠨ ᠪᠠᠷᠢᠬᠤ ᠳ᠋ᠤ᠌ ᠳᠤᠯᠠᠭᠠᠨ
( ᠡᠪᠡᠷ )
ᠬᠠᠷᠠᠬᠤ ᠳ᠋ᠤ᠌ ᠣᠢᠷᠠᠬᠠᠨ ᠬᠠᠵᠠᠬᠤ ᠳ᠋ᠤ᠌ ᠬᠣᠯᠠ
( ᠠᠯᠠᠭᠠᠨ ᠤ᠋ ᠬᠣᠩᠬᠣᠷᠬᠠᠢ)
ᠬᠠᠷᠠᠬᠤ ᠨᠢᠳᠦ ᠦᠭᠡᠢ ᠬᠠᠵᠠᠬᠤ ᠰᠢᠳᠦ ᠲᠡᠢ
( ᠪᠡᠬᠢ )
ᠬᠠᠷᠠ ᠪᠤᠤᠷᠠ ᠬᠠᠩᠭᠢᠰ ᠬᠢᠨᠡ
ᠬᠠᠵᠠᠭᠤ ᠶ᠋ᠢᠨ ᠡᠪᠡᠰᠦ ᠨᠤᠷᠠᠰ ᠬᠢᠨᠡ
( ᠦᠰᠦ ᠠᠪᠬᠤ )
ᠬᠠᠷᠠ ᠯᠠᠮᠠ ᠬᠠᠨᠵᠤᠨ ᠳᠡᠭᠡᠷᠡ
ᠬᠠᠮᠤᠭ ᠬᠥᠮᠦᠨ ᠦ᠌ ᠰᠠᠨᠠᠭᠠ ᠲᠡᠭᠦᠨ ᠳ᠋ᠦ᠍
( ᠲᠣᠭᠣᠭᠠ ᠲᠠᠢ ᠬᠣᠭᠣᠯᠠ)
ᠬᠠᠷᠠ ᠦᠬᠡᠷ ᠬᠠᠪᠢᠷᠭᠠ ᠪᠠᠷ ᠢ᠋ᠶ᠋ᠠᠨ ᠰᠢᠭᠡᠨᠡ
( ᠳᠡᠪᠦᠷᠡ )
ᠬᠠᠷᠠ ᠮᠣᠷᠢ ᠨᠢ ᠬᠠᠲᠠᠷᠢᠶᠠ ᠲᠠᠢ
ᠬᠠᠷᠴᠠᠭᠠᠢ ᠰᠢᠪᠠᠭᠤ ᠨᠢ ᠤᠬᠢᠯᠠᠩᠬᠠᠢ
( ᠥᠯᠥᠭᠡᠢ ᠲᠡᠢ ᠬᠡᠦᠬᠡᠳ)
ᠬᠠᠷᠠ ᠦᠬᠡᠷ ᠬᠠᠵᠠᠭᠤ ᠳ᠋ᠤ᠌ ᠬᠡᠪᠲᠡᠪᠡ
ᠬᠠᠮᠤᠭ ᠬᠥᠮᠦᠨ ᠪᠣᠰᠬᠠᠵᠤ ᠶᠠᠳᠠᠪᠠ
ᠰᠢᠭᠡᠵᠡᠢ ᠶ᠋ᠢᠨ ᠴᠢᠨᠡᠭᠡᠨ ᠬᠡᠦᠬᠡᠳ
ᠴᠢᠪ ᠬᠢᠯᠭᠡᠭᠡᠳ ᠪᠣᠰᠬᠠᠪᠠ
( ᠴᠣᠣᠵᠢ᠂ ᠲᠦᠯᠬᠢᠭᠦᠷ )
ᠬᠠᠷᠠ ᠮᠣᠷᠢ ᠲᠡᠮᠦᠷ ᠲᠤᠭᠤᠷᠠᠢ ᠲᠠᠢ
( ᠣᠭᠣᠯᠢ )
ᠬᠠᠷᠠ ᠠᠵᠢᠷᠭᠠᠨ ᠤ᠋
ᠳᠡᠯ ᠨᠢ ᠳᠡᠭᠳᠡᠭᠡᠳ
ᠲᠤᠭᠤᠷᠠᠢ ᠨᠢ ᠬᠤᠷᠤᠢᠯᠵᠠᠨᠠ
( ᠬᠤᠢ ᠰᠠᠯᠬᠢ )
ᠬᠠᠷᠠ ᠬᠤᠷᠠᠭᠠ ᠶᠠᠰᠤᠨ ᠪᠥᠭᠡᠷᠡ ᠲᠡᠢ
( ᠮᠣᠢᠯ )
ᠬᠠᠷᠠ ᠡᠯᠵᠢᠭᠡ ᠶᠠᠰᠤᠨ ᠬᠣᠳᠣᠭᠣᠳᠣ ᠲᠠᠢ
( ᠮᠣᠢᠯ )
ᠬᠠᠷᠴᠠᠭᠠᠢ ᠶ᠋ᠢᠨ ᠬᠠᠭᠠᠨ
ᠬᠠᠷᠠᠢᠯᠭᠠᠨ ᠶᠠᠪᠤᠭᠠᠳ
ᠬᠠᠷᠠ ᠬᠡᠵᠢᠮ ᠢ᠋ᠶ᠋ᠡᠨ ᠬᠡᠭᠡᠪᠡ
( ᠲᠦᠢᠮᠡᠷ )
ᠬᠡᠭᠡᠷ ᠮᠣᠷᠢ ᠬᠡᠯᠪᠡᠯᠵᠡᠨᠡ
ᠬᠡᠵᠢᠮ ᠲᠣᠬᠣᠮ ᠨᠠᠮᠢᠯᠵᠠᠨᠠ
ᠭᠠᠭᠴᠠ ᠮᠣᠳᠣ ᠨᠠᠢᠭᠤᠪᠠ
ᠭᠠᠯ ᠤ᠋ᠨ ᠪᠤᠷᠬᠠᠨ ᠭᠠᠢᠬᠠᠪᠠ
( ᠠᠢᠷᠠᠭ ᠪᠦᠯᠢᠬᠦ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 04 22