ᠫᠢᠨᠣᠺᠺᠢᠣ᠋Пиноккио _ Pinocchio
626ᠫᠢᠨᠣᠺᠺᠢᠣ᠋
ᠣᠯᠠᠨ ᠵᠢᠯ ᠦ᠋ᠨ ᠡᠮᠦᠨᠡ ᠨᠢᠭᠡᠨ ᠵᠢᠵᠢᠭ ᠬᠣᠲᠠ ᠳ᠋ᠤ᠌ ᠲᠣᠭᠯᠠᠭᠠᠮ ᠬᠢᠳᠡᠭ ᠵᠢᠫᠢᠲ᠋ᠣ᠋ ᠭᠡᠳᠡᠭ ᠡᠪᠦᠭᠡᠨ ᠠᠮᠢᠳᠤᠷᠠᠳᠠᠭ ᠪᠠᠢᠵᠠᠢ᠃
ᠲᠡᠷᠡ ᠮᠣᠳᠣᠨ ᠲᠣᠭᠯᠠᠭᠠᠮ ᠬᠢᠵᠦ ᠬᠤᠳᠠᠯᠳᠤᠳᠠᠭ ᠪᠠᠢᠪᠠ᠃ ᠰᠡᠳᠬᠢᠯ ᠲᠠᠲᠠᠮᠠ ᠥᠩᠭᠡᠯᠢᠭ ᠲᠣᠭᠯᠠᠭᠠᠮ ᠤ᠋ᠳ ᠲᠤ᠌ ᠨᠢ ᠬᠡᠦᠬᠡᠳ ᠦ᠋ᠳ ᠪᠦᠷ ᠳᠤᠷᠠᠲᠠᠢ᠃ ᠵᠢᠫᠢᠲ᠋ᠣ᠋ ᠥᠪᠡᠷ ᠢ᠋ᠶ᠋ᠡᠨ ᠬᠡᠦᠬᠡᠳ ᠲᠡᠢ ᠪᠣᠯᠬᠤ ᠶ᠋ᠢ ᠶᠡᠬᠡ ᠬᠦᠰᠡᠳᠡᠭ ᠪᠠᠢᠯᠠ᠂ ᠥᠨᠥᠳᠥᠷ ᠪᠢ ᠬᠥᠭᠡᠷᠦᠬᠦᠨ ᠲᠣᠭᠯᠠᠭᠠᠮ ᠬᠦᠦ ᠬᠢᠵᠦ ᠶᠠᠭ ᠬᠡᠦᠬᠡᠳ ᠰᠢᠭ ᠢ᠋ᠶ᠋ᠡᠨ ᠬᠠᠨᠳᠤᠬᠤ ᠪᠣᠯᠤᠨᠠ᠃ ᠵᠢᠫᠢᠲ᠋ᠣ᠋ ᠣᠢ ᠠ᠋ᠴᠠ ᠠᠶᠠᠲᠠᠢᠬᠠᠨ ᠭᠤᠸᠠᠯᠢᠩ ᠬᠠᠢᠵᠤ ᠶᠠᠪᠤᠭᠰᠠᠭᠠᠷ ᠤᠳᠠᠯ ᠦᠭᠡᠢ ᠨᠢᠭᠡ ᠵᠢᠵᠢᠭᠬᠡᠨ ᠴᠠᠷᠠᠰᠤᠨ ᠭᠤᠸᠠᠯᠢᠩ ᠣᠯᠤᠯᠠ᠃ ᠠ ᠬᠠ ! ᠶᠠᠭ ᠮᠢᠨᠦ ᠬᠠᠢᠵᠤ ᠪᠠᠢᠭᠰᠠᠨ ᠶᠠᠭᠤᠮᠠ ᠮᠥᠨ ᠪᠠᠢᠨᠠ ᠰᠢᠦ! ᠵᠢᠫᠢᠲ᠋ᠣ᠋ ᠭᠤᠸᠠᠯᠢᠩ ᠢ᠋ ᠨᠢᠷᠤᠭᠤᠨ ᠳᠡᠭᠡᠷᠡ ᠪᠡᠨ ᠬᠡᠦᠬᠡᠳ ᠰᠢᠭ ᠡᠭᠦᠷᠦᠭᠡᠳ ᠭᠡᠷ ᠤᠷᠤᠭᠤ ᠪᠠᠨ ᠠᠪᠴᠤ ᠶᠠᠪᠤᠯᠠ᠃ ᠭᠤᠸᠠᠯᠢᠩ ᠢ᠋ ᠰᠢᠷᠡᠭᠡᠨ ᠳᠡᠭᠡᠷᠡ ᠪᠡᠨ ᠲᠠᠯᠪᠢᠭᠠᠳ ᠰᠡᠢᠯᠵᠦ ᠡᠬᠢᠯᠡᠪᠡ᠃ ᠲᠡᠭᠦᠨ ᠦ᠌ ᠤᠷᠠᠨ ᠭᠠᠷ ᠢ᠋ᠶ᠋ᠠᠷ ᠨᠥᠭᠦᠭᠡ ᠭᠤᠸᠠᠯᠢᠩ ᠬᠡᠯᠪᠡᠷᠢ ᠣᠷᠣᠵᠤ ᠡᠬᠢᠯᠡᠯᠡ᠃ ᠡᠬᠢᠯᠡᠭᠡᠳ ᠬᠡᠦᠬᠡᠯᠳᠡᠢ ᠶ᠋ᠢᠨ ᠲᠣᠯᠣᠭᠠᠢ ᠶ᠋ᠢ ᠬᠢᠭᠡᠳ ᠳᠠᠷᠠᠭᠠ ᠨᠢ ᠭᠠᠷ ᠬᠥᠯ ᠢ᠋ ᠨᠢ ᠬᠢᠪᠡ᠂ ᠵᠢᠫᠢᠲ᠋ᠣ᠋ ᠠᠷᠠᠢ ᠭᠡᠵᠦ ᠨᠢᠭᠡ ᠬᠥᠭᠡᠷᠦᠬᠦᠨ ᠬᠦᠦ ᠬᠢᠵᠦ ᠳᠠᠭᠤᠰᠬᠠᠯᠠ᠃
ᠬᠦ᠁ ᠬᠥᠭ᠁ ᠶᠠᠮᠠᠷ ᠴᠠᠷᠠᠢᠯᠢᠭ᠋ ᠬᠦᠦ ᠬᠢᠴᠢᠬᠡᠪᠡ? ᠴᠢ ᠮᠢᠨᠦ ᠬᠡᠦᠬᠡᠳ ᠨᠠᠰᠤ ᠶ᠋ᠢ ᠰᠠᠨᠠᠭᠳᠠᠭᠤᠯᠵᠤ ᠪᠠᠢᠨᠠ ᠬᠦᠦ ᠮᠢᠨᠢ᠂ ᠪᠢ ᠴᠢᠮᠠ ᠶ᠋ᠢ ᠬᠡᠵᠢᠶᠡ ᠴᠣ ᠂ ᠬᠡᠨ ᠳ᠋ᠦ᠍ ᠴᠦ᠍ ᠵᠠᠷᠤᠬᠤ ᠦᠭᠡᠢ᠂ ᠴᠢᠮᠠ ᠶ᠋ᠢ ᠫᠢᠨᠤᠺᠺᠢᠣ᠋ ᠭᠡᠵᠦ ᠨᠡᠷᠡᠯᠡᠶᠡ ᠬᠦᠦ ᠮᠢᠨᠢ᠂ ᠰᠥᠨᠢ ᠪᠣᠯᠤᠯᠠ᠂ ᠵᠢᠫᠢᠲ᠋ᠣ᠋ ᠤᠨᠲᠠᠬᠤ ᠪᠠᠷ ᠬᠡᠪᠲᠡᠬᠦ ᠳ᠋ᠡᠭᠡᠨ ᠫᠢᠨᠤᠺᠺᠢᠣ᠋ ᠶ᠋ᠢ ᠣᠢᠷᠬᠠᠨ ᠲᠠᠯᠪᠢᠵᠠᠢ᠃ ᠡᠳᠦᠷᠵᠢᠨ ᠬᠢᠭᠰᠡᠨ ᠬᠦᠨᠳᠦ ᠠᠵᠢᠯ ᠳ᠋ᠤ᠌ ᠪᠠᠨ ᠶᠠᠳᠠᠷᠠᠭᠰᠠᠨ ᠵᠢᠫᠢᠲ᠋ᠣ᠋ ᠪᠥᠬᠡ ᠭᠡᠭᠴᠢ ᠨᠢ ᠨᠣᠢᠷᠰᠤᠵᠤ ᠪᠠᠢᠪᠠ᠃ ᠭᠡᠨᠡᠳᠲᠡᠬᠡᠨ ᠲᠡᠨᠳᠡ ᠰᠢᠳᠢᠲᠦ ᠳᠠᠭᠢᠨᠢ ᠭᠠᠷᠴᠤ ᠢᠷᠡᠯᠡ᠃ ᠵᠢᠫᠢᠲ᠋ᠣ᠋ ᠴᠢ ᠭᠣᠶᠣ ᠲᠣᠭᠯᠠᠭᠠᠮ ᠤ᠋ᠳ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠣᠯᠠᠨ ᠬᠡᠦᠬᠡᠳ ᠲᠦ᠍ ᠠᠵᠠ ᠵᠢᠷᠭᠠᠯ ᠪᠡᠯᠡᠭᠯᠡᠭᠰᠡᠨ ᠪᠢ ᠴᠢᠨᠦ ᠰᠠᠢᠨ ᠦᠢᠯᠡᠰ ᠢ᠋ ᠣᠨᠴᠣᠭᠣᠢ ᠪᠡᠯᠡᠭ ᠢ᠋ᠶ᠋ᠡᠷ ᠱᠠᠩᠨᠠᠵᠤ ᠪᠠᠢᠨᠠ᠃ ᠦᠯᠢᠭᠡᠷ ᠦ᠋ᠨ ᠳᠠᠭᠢᠨᠢ ᠰᠢᠳᠢᠲᠦ ᠰᠠᠪᠠᠭᠠ ᠪᠠᠨ ᠫᠢᠨᠤᠺᠺᠢᠣ᠋ ᠳᠡᠭᠡᠷᠡ ᠳᠣᠬᠢᠪᠠ᠃ ᠭᠡᠲᠡᠯᠡ ᠶᠠᠭᠠᠬᠢᠭᠰᠠᠨ ᠭᠡᠵᠦ? ᠬᠡᠦᠬᠡᠯᠳᠡᠢ ᠥᠪᠡᠷ ᠢ᠋ᠶ᠋ᠡᠨ ᠬᠥᠳᠡᠯᠵᠦ ᠡᠬᠢᠯᠡᠯᠡ᠃ ᠲᠡᠷᠡ ᠣᠷᠣᠨ ᠠ᠋ᠴᠠ ᠦᠰᠦᠷᠴᠦ ᠪᠠᠭᠤᠭᠠᠳ ᠰᠢᠳᠢᠲᠦ ᠳᠠᠭᠢᠨᠢ ᠶ᠋ᠢ ᠬᠦᠨᠳᠦᠳᠬᠡᠨ ᠶᠣᠰᠣᠯᠠᠪᠠ᠃ ᠪᠠᠶᠠᠷᠯᠠᠯᠠ ᠳᠠᠭᠢᠨᠢ ᠮᠢᠨᠢ᠂ ᠲᠠ ᠨᠠᠮᠠ ᠶ᠋ᠢ ᠠᠮᠢ ᠣᠷᠣᠭᠤᠯᠤᠯᠠ᠃ ᠪᠢ ᠣᠳᠣ ᠠᠯᠬᠤᠵᠤ ᠴᠢᠳᠠᠨᠠ᠂ ᠪᠠᠰᠠ ᠪᠥᠵᠢᠭᠯᠡᠵᠦ ᠴᠢᠳᠠᠨᠠ᠃
ᠲᠡᠢᠮᠦ ᠠ᠋᠂ ᠨᠠᠢᠵᠠ ᠮᠢᠨᠢ᠂ ᠴᠢ ᠣᠳᠣ ᠠᠮᠢᠳᠤ ᠪᠣᠯᠤᠯᠠ᠂ ᠰᠠᠢᠨ ᠬᠡᠦᠬᠡᠳ ᠪᠣᠯᠤᠭᠠᠷᠠᠢ! ᠠᠪᠤ ᠳ᠋ᠤ᠌ ᠪᠠᠨ ᠲᠦᠪᠡᠭ ᠣᠳᠣᠯ ᠦᠭᠡᠢ ᠲᠠᠩᠳᠠ ᠦᠭᠡᠨ ᠳ᠋ᠦ᠍ᠨᠢ ᠣᠷᠣᠵᠤ ᠪᠠᠢᠭᠠᠷᠠᠢ! ᠰᠠᠢᠨ ᠬᠡᠦᠬᠡᠳ ᠭᠡᠳᠡᠭ ᠢ᠋ᠶ᠋ᠡᠨ ᠪᠠᠲᠤᠯᠠᠪᠠᠯ ᠪᠢ ᠴᠢᠮᠠ ᠳ᠋ᠤ᠌ ᠣᠨᠴᠣᠭᠣᠢ ᠪᠡᠯᠡᠭ ᠥᠭᠬᠦ ᠪᠣᠯᠤᠨᠠ᠃ ᠬᠦ ᠬᠥᠭ᠁ ᠦᠨᠡᠨ ᠭᠡᠵᠢ ᠤᠤ? ᠪᠢ ᠲᠠᠩᠳᠠ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠦᠭᠡᠨ ᠳ᠋ᠦ᠍ ᠣᠷᠣᠨᠠ᠂ ᠠᠪᠤ ᠴᠢᠨᠢ ᠤᠨᠲᠠᠵᠤ ᠪᠠᠢᠨᠠ᠂ ᠪᠢᠲᠡᠭᠡᠢ ᠰᠡᠷᠢᠭᠡᠴᠢᠬᠡ! ᠥᠷᠯᠥᠭᠡ ᠭᠡᠨᠡᠳᠲᠡ ᠶ᠋ᠢᠨ ᠪᠡᠯᠡᠭ ᠪᠠᠷᠢᠭᠠᠷᠠᠢ! ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠵᠢᠫᠢᠲ᠋ᠣ᠋ ᠰᠡᠷᠢᠭᠡᠳ ᠫᠢᠨᠤᠺᠺᠢᠣ᠋ ᠶ᠋ᠢ ᠳᠡᠷᠭᠡᠳᠡ ᠨᠢ ᠰᠠᠭᠤᠭᠠᠳ ᠥᠭᠡᠳᠡ ᠡᠴᠡ ᠨᠢ ᠰᠢᠷᠳᠡᠵᠦ ᠨᠢᠳᠦ ᠪᠡᠨ ᠴᠠᠪᠴᠢᠵᠤ ᠪᠠᠢᠬᠤ ᠶ᠋ᠢ ᠬᠠᠷᠠᠪᠠ᠃ ᠲᠩᠷᠢ ᠮᠢᠨᠢ ᠮᠢᠨᠦ ᠬᠡᠦᠬᠡᠯᠳᠡᠢ ᠠᠮᠢᠯᠠᠴᠢᠬᠠᠵᠠᠢ᠂ ᠮᠢᠨᠦ ᠫᠢᠨᠣᠺᠺᠢᠣ᠋ ᠠᠮᠢᠳᠤ ᠪᠠᠢᠨᠠ᠃ ᠬᠠ᠁ ᠬᠠ ᠁ᠲᠡᠢᠮᠦ ᠠ᠋ ᠠᠪᠤ ᠠ᠋ ᠪᠢ ᠠᠮᠢᠳᠤ᠂ ᠵᠢᠫᠢᠲ᠋ᠣ᠋ ᠫᠢᠨᠤᠺᠺᠢᠣ᠋ ᠶ᠋ᠢ ᠲᠡᠪᠡᠷᠢᠯᠡ᠃ ᠣᠭᠲᠣ ᠢᠲᠡᠭᠡᠵᠦ ᠴᠢᠳᠠᠬᠤ ᠦᠭᠡᠢ ᠨᠢ ᠠ᠋? ᠪᠢ ᠢᠩᠭᠢᠲᠡᠯᠡ ᠪᠡᠨ ᠪᠠᠶᠠᠷᠯᠠᠵᠤ ᠦᠵᠡᠭᠰᠡᠨ ᠦᠭᠡᠢ ᠵᠢᠫᠢᠲ᠋ᠣ᠋᠂ ᠫᠢᠨᠤᠺᠺᠢᠣ᠋ ᠬᠣᠶᠠᠭᠤᠯᠠ ᠬᠠᠮᠲᠤ ᠳ᠋ᠠᠭᠠᠨ ᠠᠵᠠ ᠵᠢᠷᠭᠠᠯ ᠲᠠᠢ ᠪᠠᠢᠳᠠᠭ ᠪᠣᠯᠪᠠ᠃ ᠫᠢᠨᠤᠺᠺᠢᠣ᠋ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠣᠷᠣᠬᠤ ᠴᠠᠭ ᠪᠣᠯᠵᠠᠢ᠂ ᠠᠪᠤ ᠠ᠋ ᠪᠢ ᠣᠳᠣ ᠪᠤᠰᠤᠳ ᠬᠡᠦᠬᠡᠳ ᠦ᠋ᠳ ᠰᠢᠭ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠶᠠᠪᠤᠬᠤ ᠨᠠᠰᠤᠨ ᠳ᠋ᠤ᠌ ᠬᠦᠷᠦᠭᠰᠡᠨ᠂ ᠨᠠᠳᠠ ᠳ᠋ᠤ᠌ ᠨᠣᠮ ᠬᠠᠷᠠᠨᠳᠠ ᠠᠪᠴᠤ ᠥᠭᠭᠦᠯ ᠳᠡ! ᠳᠡᠭᠡᠯ ᠦᠭᠡᠢ ᠶᠠᠭᠠᠬᠢᠬᠤᠪ᠂ ᠠᠪᠤ ᠨᠢ ᠤᠳᠠᠬᠤ ᠦᠭᠡᠢ ᠬᠦᠦ ᠳ᠋ᠦ᠍ ᠪᠡᠨ ᠠᠪᠴᠤ ᠥᠭᠭᠦᠨᠡ᠃
ᠵᠢᠫᠢᠲ᠋ᠣ᠋ ᠳ᠋ᠤ᠌ ᠬᠢᠴᠢᠶᠡᠯ ᠦ᠋ᠨ ᠬᠡᠷᠡᠭᠰᠡᠯ ᠠᠪᠴᠤ ᠬᠦᠷᠬᠦ ᠮᠥᠩᠭᠥ ᠪᠠᠢᠭᠰᠠᠨ ᠦᠭᠡᠢ᠂ ᠲᠡᠢᠮᠦ ᠡᠴᠡ ᠭᠠᠭᠴᠠ ᠬᠦᠷᠮᠡ ᠪᠡᠨ ᠬᠤᠳᠠᠯᠳᠤᠵᠤ᠂ ᠮᠥᠩᠭᠥ ᠶ᠋ᠢ ᠨᠢ ᠫᠢᠨᠤᠺᠺᠢᠣ᠋ ᠳ᠋ᠤ᠌ ᠥᠭᠪᠡ᠃ ᠭᠡᠬᠦ ᠳ᠋ᠡᠭᠡᠨ ᠠᠪᠤ ᠠ᠋᠂ ᠲᠠᠨ ᠤ᠋ ᠬᠦᠷᠮᠡ ᠬᠠᠮᠢᠭᠠ ᠶᠠᠪᠤᠴᠢᠬᠠᠪᠠ? ᠠ᠁ ᠥᠨᠥᠳᠥᠷ ᠡᠮᠦᠰᠦᠭᠡ ᠦᠭᠡᠢ ᠶᠦᠮ ᠠ᠋! ᠬᠠᠭᠤᠴᠢᠷᠠᠭᠠᠳ ᠤᠷᠠᠭᠳᠠᠴᠢᠬᠠᠭᠰᠠᠨ ᠶᠤᠮ᠃ ᠪᠢ ᠲᠡᠷᠡ ᠬᠦᠷᠮᠡ ᠶ᠋ᠢ ᠡᠮᠦᠰᠬᠦ ᠳᠤᠷᠠ ᠦᠭᠡᠢ ᠪᠣᠯᠴᠢᠬᠠᠭᠰᠠᠨ ᠣᠳᠣ ᠶᠠᠪᠤ ᠳᠠ ᠬᠦᠦ ᠮᠢᠨᠢ ᠂ ᠣᠨᠴᠠ ᠰᠤᠷᠴᠤ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠪᠠᠬᠠᠷᠬᠠᠯ ᠪᠣᠯᠤᠭᠠᠷᠠᠢ! ᠪᠠᠶᠠᠷᠯᠠᠯᠠ ᠠᠪᠤ ᠠ᠁ ᠪᠠᠶᠠᠷᠲᠠᠢ ᠳᠠᠷᠠᠭᠠ ᠠᠭᠤᠯᠵᠠᠶᠠ! ᠫᠢᠨᠤᠺᠺᠢᠣ᠋ ᠰᠤᠷᠭᠠᠭᠤᠯᠢ ᠶ᠋ᠢᠨ ᠵᠠᠮ ᠢ᠋ᠶ᠋ᠠᠷ ᠪᠠᠶᠠᠷᠯᠠᠨ ᠠᠯᠬᠤᠪᠠ᠃ ᠶᠠᠪᠤᠬᠤ ᠵᠠᠮ ᠳ᠋ᠤ᠌ ᠪᠠᠨ ᠳᠡᠯᠭᠡᠭᠦᠷ ᠂ ᠬᠥᠮᠦᠰ᠂ ᠵᠠᠬᠠ ᠶ᠋ᠢ ᠬᠠᠷᠠᠵᠤ ᠪᠠᠢᠯᠠ᠃ ᠭᠡᠨᠡᠳᠲᠡᠬᠡᠨ ᠠ! ᠤᠷᠲᠤ ᠨᠢ ᠬᠥᠮᠦᠰ ᠪᠥᠭᠡᠮᠨᠡᠷᠡᠭᠰᠡᠨ ᠪᠠᠢᠬᠤ ᠶ᠋ᠢ ᠬᠠᠷᠠᠪᠠ᠃ ᠶᠠᠭᠤ ᠪᠣᠯᠵᠤ ᠪᠠᠢᠭᠠ ᠶ᠋ᠢ ᠨᠢ ᠬᠠᠷᠠᠬᠤ ᠪᠠᠷ ᠠᠷᠠᠢ ᠭᠡᠵᠦ ᠤᠷᠲᠤ ᠨᠢ ᠭᠠᠷᠤᠯᠠ᠃ ᠦ᠂ ᠶᠡᠬᠡ ᠲᠣᠮᠣ ᠥᠩᠭᠡᠯᠢᠭ ᠠᠰᠠᠷ ᠬᠠᠷᠠᠵᠠᠢ᠃ ᠼᠢᠷᠺ ᠦ᠋ᠨ ᠠᠰᠠᠷ ᠪᠠᠢᠪᠠ᠃ ᠬᠠᠭᠠᠯᠭᠠᠨ ᠳᠡᠭᠡᠷᠡ ᠨᠢᠭᠡ ᠠᠯᠢᠶᠠᠯᠠᠭᠴᠢ ᠵᠣᠭᠰᠣᠵᠤ ᠪᠠᠢᠯᠠ᠃ ᠫᠢᠨᠤᠺᠺᠢᠣ᠋ ᠶ᠋ᠢ ᠬᠠᠭᠠᠯᠭᠠ ᠪᠠᠷ ᠶᠠᠭ ᠣᠷᠣᠬᠤ ᠭᠡᠵᠦ ᠪᠠᠢᠲᠠᠯᠠ᠂ ᠠᠯᠢᠶᠠᠯᠠᠭᠴᠢ ᠵᠣᠭᠰᠣᠭᠠᠪᠠ᠃
ᠲᠠᠰᠤᠯᠪᠤᠷᠢ ᠪᠠᠢᠬᠤ ᠦᠭᠡᠢ ᠪᠣᠯ ᠣᠷᠣᠵᠤ ᠪᠣᠯᠬᠤ ᠦᠭᠡᠢ᠂ ᠫᠢᠨᠤᠺᠺᠢᠣ᠋ ᠬᠡᠰᠡᠭ ᠪᠣᠳᠣᠭᠰᠠᠨ ᠢ᠋ᠶ᠋ᠠᠨ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠥᠭᠭᠦᠭᠰᠡᠨ ᠮᠥᠩᠭᠥ ᠶ᠋ᠢ ᠭᠠᠷᠭᠠᠵᠤ ᠢᠷᠡᠯᠡ᠃ ᠡᠨᠡ ᠮᠥᠩᠭᠥ ᠶ᠋ᠢ ᠠᠪᠤᠭᠠᠳ ᠨᠠᠳᠠ ᠳ᠋ᠤ᠌ ᠲᠠᠰᠤᠯᠪᠤᠷᠢ ᠪᠠᠨ ᠥᠭ! ᠠᠯᠢᠶᠠᠯᠠᠭᠴᠢ ᠲᠠᠰᠤᠯᠪᠤᠷᠢ ᠪᠠᠨ ᠥᠭᠴᠦ ᠫᠢᠨᠤᠺᠺᠢᠣ᠋ ᠪᠠᠶᠠᠷᠯᠠᠨ ᠠᠰᠠᠷ ᠤᠷᠤᠭᠤ ᠣᠷᠣᠯᠠ᠃ ᠶᠢᠯᠸᠢᠴᠢᠨ ᠶᠢᠯᠸᠢ ᠦᠵᠡᠭᠦᠯᠵᠦ᠂ ᠪᠠᠭᠠᠪᠠᠭᠠᠢ ᠨᠢᠭᠡ ᠳᠤᠭᠤᠢᠲᠤ ᠤᠨᠤᠵᠤ ᠪᠠᠢᠪᠠ᠃ ᠫᠢᠨᠤᠺᠺᠢᠣ᠋ ᠠᠯᠮᠠᠢᠷᠠᠵᠤ ᠣᠷᠬᠢᠵᠠᠢ᠃ ᠬᠦ ᠂ ᠬᠥᠭ ᠁ᠡᠨᠡ ᠶᠠᠮᠠᠷ ᠭᠠᠢᠬᠠᠮᠰᠢᠭᠲᠠᠢ ᠭᠠᠵᠠᠷ ᠪᠣᠢ? ᠼᠢᠷᠺ ᠦ᠋ᠨ ᠡᠵᠡᠨ ᠬᠠᠵᠠᠭᠤ ᠲᠠᠯᠠ ᠠ᠋ᠴᠠ ᠫᠢᠨᠤᠺᠺᠢᠣ᠋ ᠶ᠋ᠢ ᠬᠠᠷᠠᠯᠠ᠃ ᠬᠦ᠂ ᠬᠥᠭ᠁ ᠡᠨᠡ ᠴᠢᠨᠢ ᠠᠮᠢᠳᠤ ᠬᠡᠦᠬᠡᠯᠳᠡᠢ ᠤᠤ ᠳᠠ? ᠡᠨᠡ ᠬᠦᠦ ᠶ᠋ᠢ ᠪᠠᠷᠢᠵᠤ ᠠᠪᠤᠭᠠᠳ ᠼᠢᠷᠺ ᠲᠦ᠍ ᠪᠡᠨ ᠲᠣᠭᠯᠠᠭᠤᠯᠵᠤ ᠪᠣᠯᠤᠨᠠ᠂ ᠭᠠᠢᠭᠤᠢ ᠬᠡᠦᠬᠡᠯᠳᠡᠢ ᠲᠡᠢ ᠦᠵᠡᠭᠦᠯᠪᠦᠷᠢ ᠳ᠋ᠦ᠍ ᠬᠡᠦᠬᠡᠯᠳᠡᠢ ᠴᠢ ᠮᠥᠩᠭᠥ ᠲᠥᠯᠥᠬᠦ ᠱᠠᠭᠠᠷᠳᠠᠯᠭᠠ ᠥᠬᠡᠢ ᠪᠣᠯᠤᠯᠠ᠃ ᠦᠵᠡᠭᠦᠯᠪᠦᠷᠢ ᠳᠠᠭᠤᠰᠠᠮᠠᠭᠴᠠ ᠲᠡᠷᠡ ᠫᠢᠨᠤᠺᠺᠢᠣ᠋ ᠶ᠋ᠢ ᠭᠠᠷᠴᠤ ᠶᠠᠪᠤᠬᠤ ᠳ᠋ᠤᠨᠢ ᠵᠣᠭᠰᠣᠭᠠᠪᠠ᠃ ᠼᠢᠷᠺ ᠡᠴᠡ ᠶᠠᠪᠤᠯ ᠦᠭᠡᠢ ᠲᠦᠷ ᠬᠦᠯᠢᠶᠡᠵᠦ ᠪᠠᠢ!
ᠴᠢ ᠣᠳᠣ ᠡᠨᠡ ᠼᠢᠷᠺ ᠦ᠋ᠨ ᠨᠢᠭᠡ ᠬᠡᠰᠡᠭ ᠪᠣᠯᠤᠯᠠ ᠂ ᠠᠮᠢᠳᠤ ᠬᠡᠦᠬᠡᠯᠳᠡᠢ ᠮᠢᠨᠢ !
ᠨᠠᠮᠠ ᠶ᠋ᠢ ᠶᠠᠪᠤᠭᠤᠯ ᠪᠢ ᠬᠢᠴᠢᠶᠡᠯ ᠳ᠋ᠦ᠍ ᠪᠡᠨ ᠶᠠᠪᠤᠬᠤ ᠶᠣᠰᠣᠲᠠᠢ ᠂ ᠦᠭᠡᠢ ᠲᠡᠭᠡᠪᠡᠯ ᠶᠠᠭᠠᠬᠢᠭᠠᠳ ᠬᠢᠴᠢᠶᠡᠯ ᠳ᠋ᠦ᠍ ᠪᠡᠨ ᠶᠠᠪᠤᠯ ᠦᠭᠡᠢ ᠡᠨᠳᠡ ᠢᠷᠡᠭᠰᠡᠨ ᠶᠦᠮ ᠪᠣᠢ?ᠬᠡᠯᠡᠭᠡᠳ ᠥᠭ ᠂ ᠠᠭᠤᠴᠢᠯᠠᠭᠠᠷᠠᠢ !ᠪᠢ ᠠᠪᠤ ᠳ᠋ᠤ᠌ ᠪᠠᠨ ᠬᠤᠳᠠᠯ ᠬᠡᠯᠡᠭᠰᠡᠨ ᠶᠦᠮ ᠂ᠠᠪᠤ ᠮᠢᠨᠢ ᠨᠠᠮᠠ ᠶ᠋ᠢ ᠨᠣᠮ ᠠᠪ ᠭᠡᠵᠦ ᠮᠥᠩᠭᠥ ᠥᠭᠭᠦᠭᠰᠡᠨ ᠴᠦ᠍ ᠪᠢ ᠲᠠᠰᠤᠯᠪᠤᠷᠢ ᠠᠪᠴᠢᠬᠠᠭᠰᠠᠨ ᠂ᠪᠢ ᠳᠠᠬᠢᠵᠤ ᠲᠡᠭᠡᠬᠦ ᠦᠭᠡᠢ ᠨᠠᠮᠠ ᠶ᠋ᠢ ᠶᠠᠪᠤᠭᠤᠯᠴᠢᠬᠠᠭᠠᠴᠢ ᠳᠠ᠂ ᠣᠮ ᠁ᠲᠡᠭᠡᠪᠡᠯ ᠶᠠᠪᠤᠵᠤ ᠰᠠᠢᠨ ᠬᠦᠦ ᠪᠣᠯᠤᠭᠠᠷᠠᠢ!ᠠᠪᠤ ᠳ᠋ᠤ᠌ ᠪᠠᠨ ᠳᠠᠬᠢᠵᠤ ᠬᠤᠳᠠᠯ ᠬᠡᠯᠡᠵᠦ ᠪᠣᠯᠬᠤ ᠦᠭᠡᠢ ᠰᠢᠦ !ᠼᠢᠷᠺ ᠦ᠋ᠨ ᠡᠵᠡᠨ ᠫᠢᠨᠤᠺᠺᠢᠣ᠋ ᠶ᠋ᠢ ᠨᠣᠮ ᠠᠪ ᠭᠡᠵᠦ ᠲᠠᠪᠤᠨ ᠠᠯᠲᠠᠨ ᠵᠣᠭᠣᠰ ᠥᠭᠪᠡ ᠃ᠦ ᠂ᠪᠠᠶᠠᠷᠯᠠᠯᠠ ᠲᠠ ᠦᠨᠡᠬᠡᠷ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠥᠭᠭᠢᠶᠡᠮᠦᠷ ᠬᠥᠮᠦᠨ ᠶᠦᠮ ᠃ᠫᠢᠨᠤᠺᠺᠢᠣ᠋ ᠵᠣᠭᠣᠰ ᠢ᠋ ᠠᠪᠤᠭᠠᠳ ᠪᠠᠶᠠᠷᠯᠠᠨ ᠭᠦᠶᠦᠯᠡ ᠃ᠲᠡᠭᠦᠨ ᠦ᠌ ᠵᠠᠮ ᠳᠡᠭᠡᠷᠡ ᠵᠠᠯᠢᠵᠢᠨ ᠮᠤᠤᠷ ᠰᠢᠨᠤᠯᠲᠤ ᠦᠨᠡᠭᠡ ᠬᠣᠶᠠᠷ ᠫᠢᠨᠤᠺᠺᠢᠣ᠋ ᠶ᠋ᠢᠨ ᠭᠠᠷ ᠳᠠᠬᠢ ᠵᠣᠭᠣᠰ ᠢ᠋ ᠬᠠᠷᠠᠭᠠᠳ ᠵᠣᠭᠰᠣᠭᠠᠪᠠ ᠂ ᠬᠦᠢ ᠮᠣᠳᠣᠨ ᠵᠢᠭᠠᠯ ᠠ᠋ !ᠬᠠᠮᠢᠭᠠᠰᠢ ᠪᠠᠨ ᠢᠩᠭᠢᠲᠡᠯᠡ ᠪᠡᠨ ᠶᠠᠭᠠᠷᠠᠨᠠ ᠪᠣᠢ?
ᠪᠢ ᠰᠤᠷᠬᠤ ᠪᠢᠴᠢᠭ ᠠᠪᠬᠤ ᠪᠠᠷ ᠵᠠᠬᠠ ᠤᠷᠤᠭᠤ ᠶᠠᠪᠤᠵᠤ ᠪᠠᠢᠨᠠ᠃ ᠬᠡ ᠬᠡ ᠬᠠ ᠬᠠ ᠬᠠ᠂ ᠰᠤᠷᠬᠤ ᠪᠢᠴᠢᠭ? ᠲᠡᠭᠦᠨ ᠦ᠌ ᠣᠷᠣᠨ ᠳ᠋ᠤ᠌ ᠴᠢ ᠬᠠᠴᠢᠷ ᠲᠠᠢ ᠲᠠᠯᠬᠠ᠂ ᠪᠠᠰᠠ ᠠ᠁ ᠪᠠᠰᠠ ᠰᠦ ᠠᠪᠴᠤ ᠪᠣᠯᠤᠨᠠ ᠰᠢᠦ ᠳᠡ ᠂ ᠲᠡᠭᠡᠭᠡᠳ ᠪᠢᠳᠡᠨ ᠲᠡᠢ ᠬᠤᠪᠢᠶᠠᠵᠤ ᠢᠳᠡᠵᠦ ᠪᠣᠯᠤᠨᠠ ᠭᠡᠰᠡᠨ ᠦᠭᠡ᠃ ᠪᠢ᠂ ᠭᠡᠬᠦ ᠳ᠋ᠡᠭᠡᠨ ᠨᠠᠳᠠ ᠳ᠋ᠤ᠌ ᠲᠡᠢᠮᠦ ᠶᠡᠬᠡ ᠮᠥᠩᠭᠥ ᠪᠠᠢᠬᠤ ᠦᠭᠡᠢ ᠰᠢᠲᠠ᠂ ᠡᠨᠡ ᠴᠢᠨᠢ ᠶᠣᠰᠣᠲᠠᠢ ᠲᠡᠨᠡᠭ ᠬᠦᠦ ᠪᠠᠢᠨᠠ ᠳᠠ᠂ ᠳᠡᠭᠡᠷᠡᠮᠳᠡᠴᠢᠬᠡᠶᠡ !ᠬᠦ ! ᠮᠥᠩᠭᠥ ᠴᠢᠨᠢ ᠬᠦᠷᠦᠨᠡ᠃ ᠴᠢᠮᠠ ᠳ᠋ᠤ᠌ ᠲᠠᠪᠤᠨ ᠠᠯᠲᠠᠨ ᠵᠣᠭᠣᠰ ᠪᠠᠢᠨᠠ᠃ ᠭᠠᠵᠠᠷ ᠲᠤ᠌ ᠰᠠᠭᠤᠯᠭᠠᠭᠠᠳ ᠮᠣᠳᠣ ᠳᠦᠭᠦᠷᠡᠩ ᠮᠥᠩᠭᠥ ᠤᠷᠭᠤᠭᠤᠯᠵᠤ ᠪᠣᠯᠤᠨᠠ᠃ ᠦ ! ᠲᠡᠭᠡᠬᠦ ᠪᠣᠯᠤᠮᠵᠢ ᠲᠠᠢ ᠭᠡᠵᠢ ᠤᠤ? ᠲᠡᠢᠮᠦ ᠠ᠋᠂ ᠳᠡᠭᠡᠯ ᠦᠭᠡᠢ ᠶᠠᠭᠠᠬᠢᠬᠤ ᠪᠣᠢ ? ᠨᠠᠮᠠ ᠶ᠋ᠢ ᠳᠠᠭᠠᠭᠠᠳ ᠶᠠᠪᠤ᠂ ᠪᠢ ᠴᠢᠮᠠ ᠳ᠋ᠤ᠌ ᠵᠣᠭᠣᠰ ᠢ᠋ᠶ᠋ᠠᠨ ᠰᠠᠭᠤᠯᠭᠠᠬᠤ ᠰᠠᠢᠬᠠᠨ ᠭᠠᠵᠠᠷ ᠵᠢᠭᠠᠵᠤ ᠥᠭᠭᠦᠶᠡ ᠵᠠ ᠶᠠᠭᠤ ? ᠫᠢᠨᠤᠺᠺᠢᠣ᠋ ᠢᠲᠡᠭᠡᠭᠡᠳ ᠦᠨᠡᠭᠡ ᠮᠤᠤᠷ ᠬᠣᠶᠠᠷ ᠢ᠋ ᠳᠠᠭᠠᠯᠠ ᠃ ᠦᠨᠡᠭᠡ ᠠᠨᠵᠠᠷᠠᠭᠳᠠᠯ ᠦᠭᠡᠢ ᠰᠡᠮᠬᠡᠨ ᠭᠦᠶᠦᠵᠦ ᠣᠳᠪᠠ᠃ ᠬᠡᠰᠡᠭ ᠠᠯᠬᠤᠭᠠᠳ ᠲᠡᠳᠡ ᠨᠢᠭᠡ ᠲᠠᠷᠢᠶᠠᠯᠠᠩ ᠤ᠋ᠨ ᠲᠠᠯᠠᠪᠠᠢ ᠳ᠋ᠤ᠌ ᠬᠦᠷᠦᠯᠡ᠃ ᠡᠨᠡ ᠭᠠᠵᠠᠷ ᠶᠠᠭ ᠲᠣᠬᠢᠷᠠᠬᠤ ᠶᠤᠮ ᠪᠠᠢᠨᠠ ᠳᠠ!
ᠫᠢᠨᠤᠺᠺᠢᠣ᠋ ᠨᠦᠬᠡ ᠤᠬᠤᠭᠠᠳ ᠪᠦᠬᠦ ᠵᠣᠭᠣᠰ ᠢ᠋ᠶ᠋ᠠᠨ ᠲᠡᠷᠡ ᠨᠦᠬᠡ ᠤᠷᠤᠭᠤ ᠪᠠᠨ ᠬᠢᠭᠡᠳ ᠰᠢᠷᠣᠢ ᠪᠠᠷ ᠳᠦᠭᠦᠷᠭᠡᠪᠡ᠃ ᠣᠳᠣ ᠡᠨᠡ ᠮᠣᠳᠣ ᠤᠷᠭᠤᠬᠤ ᠪᠠᠷ ᠪᠢ ᠰᠤᠷᠬᠤ ᠪᠢᠴᠢᠭ ᠢ᠋ᠶ᠋ᠡᠨ ᠠᠪᠤᠨᠠ᠂ ᠪᠠᠰᠠ ᠠᠪᠤ ᠳ᠋ᠠᠭᠠᠨ ᠴᠤ᠌ ᠬᠦᠷᠮᠡ ᠠᠪᠤᠨᠠ᠂ ᠲᠠ ᠬᠣᠶᠠᠷ ᠲᠤ᠌ ᠴᠤ᠌ ᠬᠠᠴᠢᠷ ᠲᠠᠢ ᠲᠠᠯᠬᠠ᠂ ᠰᠦ᠂ ᠠᠪᠴᠤ ᠥᠭᠭᠦᠨᠡ᠃ ᠮᠠᠭᠤ ᠲᠡᠨᠡᠭ ᠡᠨᠳᠡ ᠡᠴᠡ ᠶᠠᠪᠤᠵᠤ ᠦᠵᠡ᠂ ᠡᠨᠡ ᠮᠢᠨᠦ ᠵᠣᠭᠣᠰ ᠵᠠ ᠶᠠᠭᠤ ᠂ ᠮᠢᠦ᠂ ᠠᠶᠤᠭᠰᠠᠨ ᠫᠢᠨᠤᠺᠺᠢᠣ᠋ ᠬᠣᠢᠰᠢ ᠠᠯᠬᠤᠵᠤ ᠪᠠᠢᠭᠠᠳ ᠲᠣᠮᠣ ᠨᠦᠬᠡ ᠤᠷᠤᠭᠤ ᠤᠨᠠᠴᠢᠬᠠᠯᠠ᠃ ᠮᠤᠤᠷ ᠠ᠋ ᠁ ᠮᠤᠤᠷ ᠠ᠋ ᠁ ᠲᠤᠰᠠᠯᠠᠭᠠᠴᠢ ᠂ ᠬᠥᠮᠦᠨ ᠪᠠᠢᠨᠠ ᠤᠤ? ᠬᠡᠨ ᠨᠢᠭᠡᠨ ᠨᠢ ᠲᠤᠰᠠᠯᠠᠭᠠᠷᠠᠢ! ᠡᠨᠡ ᠨᠢ ᠦᠨᠡᠭᠡᠨ ᠦ᠌ ᠲᠠᠯᠪᠢᠭᠰᠠᠨ ᠵᠠᠩᠭᠠ ᠪᠠᠢᠵᠠᠢ᠃ ᠬᠡ ᠬᠡ ᠬᠡ᠁ ᠨᠠᠮᠠ ᠶ᠋ᠢ ᠴᠢᠮᠠ ᠳ᠋ᠤ᠌ ᠲᠤᠰᠠᠯᠠᠬᠤ ᠪᠠᠷ ᠢᠷᠡᠭᠰᠡᠨ ᠭᠡᠵᠦ ᠪᠣᠳᠣᠭᠠᠳ ᠪᠠᠢᠭᠠ ᠶᠤᠮ ᠤᠤ? ᠬᠠ ᠬᠠ ᠬᠠ᠁ ᠮᠠᠭᠤ ᠲᠡᠨᠡᠭ᠂ ᠮᠤᠤᠷ ᠦᠨᠡᠭᠡ ᠬᠣᠶᠠᠷ ᠨᠦᠬᠡᠨ ᠡᠴᠡ ᠵᠣᠭᠣᠰ ᠢ᠋ ᠠᠪᠤᠭᠠᠳ ᠵᠢᠭᠤᠲᠠᠴᠢᠬᠠᠯᠠ᠃ ᠫᠢᠨᠤᠺᠺᠢᠣ᠋ ᠭᠠᠪ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠦᠯᠡᠳᠡᠵᠡᠢ᠃ ᠠ᠋ ᠂ ᠠ᠋᠁ᠪᠢ ᠶᠠᠭᠤ ᠬᠢᠴᠢᠬᠡᠪᠡ? ᠪᠢ ᠪᠤᠷᠤᠭᠤ ᠡᠲᠡᠭᠡᠳ ᠲᠦ᠍ ᠢᠲᠡᠭᠡᠵᠡᠢ ᠂ ᠠᠪᠤ ᠳ᠋ᠤ᠌ ᠪᠠᠨ ᠢᠲᠡᠭᠡᠭᠡ ᠦᠭᠡᠢ ᠡᠴᠡ ᠪᠣᠯᠤᠭᠠᠳ ᠦᠨᠡᠭᠡ ᠮᠤᠤᠷ ᠬᠣᠶᠠᠷ ᠲᠤ᠌ ᠮᠡᠬᠡᠯᠡᠭᠦᠯᠴᠢᠬᠡᠯᠡ᠃
ᠮᠢᠨᠦ ᠯᠡ ᠬᠣᠬᠢ᠂ ᠠ᠋ ᠠ᠋᠁ ᠭᠡᠨᠡᠳᠲᠡ ᠰᠢᠳᠢᠲᠦ ᠳᠠᠭᠢᠨᠢ ᠭᠠᠷᠴᠤ ᠢᠷᠡᠯᠡ᠃ ᠶᠠᠭᠤ ᠪᠣᠯᠤᠭᠠ ᠪᠣᠢ? ᠫᠢᠨᠤᠺᠺᠢᠣ᠋? ᠶᠠᠭᠠᠬᠢᠵᠤ ᠪᠠᠢᠭᠠᠳ ᠡᠨᠡ ᠨᠦᠬᠡ ᠤᠷᠤᠭᠤ ᠤᠨᠠᠴᠢᠬᠠᠪᠠ? ᠪᠢ᠂ ᠪᠢ᠂ ᠪᠢ ᠰᠤᠷᠬᠤ ᠪᠢᠴᠢᠭ ᠠᠪᠬᠤ ᠪᠠᠷ ᠶᠠᠪᠤᠭᠰᠠᠨ ᠶᠤᠮ᠂ ᠭᠡᠲᠡᠯᠡ ᠬᠣᠶᠠᠷ ᠵᠠᠯᠢ ᠲᠠᠢ ᠠᠮᠢᠲᠠᠨ ᠨᠠᠮᠠ ᠶ᠋ᠢ ᠪᠠᠷᠢᠭᠠᠳ ᠡᠨᠡ ᠨᠦᠬᠡ ᠤᠷᠤᠭᠤ ᠰᠢᠳᠡᠴᠢᠬᠡᠭᠰᠡᠨ᠂ ᠲᠡᠭᠡᠭᠡᠳ ᠠᠯᠲᠠᠨ ᠵᠣᠭᠣᠰ ᠢ᠋ ᠮᠢᠨᠢ ᠪᠤᠯᠢᠶᠠᠴᠢᠬᠠᠯᠠ᠃ ᠢᠩᠭᠢᠵᠦ ᠬᠡᠯᠡᠭᠰᠡᠨ ᠳᠠᠷᠤᠢ ᠳ᠋ᠤ᠌ ᠬᠠᠮᠠᠷ ᠨᠢ ᠤᠷᠲᠤ ᠠ᠋ᠴᠠ ᠤᠷᠲᠤ ᠪᠣᠯᠵᠤ ᠡᠬᠢᠯᠡᠯᠡ᠂ ᠠ᠋᠁ ᠮᠢᠨᠦ ᠬᠠᠮᠠᠷ ᠶᠠᠭᠠᠬᠢᠭᠠᠳ ᠪᠠᠢᠨᠠ? ᠶᠠᠭᠠᠬᠢᠭᠠᠳ ᠤᠷᠲᠤ ᠪᠣᠯᠤᠭᠠᠳ ᠪᠠᠢᠭᠠ ᠶᠤᠮ ᠪᠣᠯ? ᠴᠢ ᠬᠤᠳᠠᠯ ᠶᠠᠷᠢᠭᠰᠠᠨ ᠪᠣᠯᠬᠣᠷ᠂ ᠴᠢᠮᠠ ᠶ᠋ᠢ ᠬᠤᠳᠠᠯ ᠬᠡᠯᠡᠬᠦ ᠪᠦᠷᠢ ᠳ᠋ᠦ᠍ ᠬᠠᠮᠠᠷ ᠴᠢᠨᠢ ᠤᠷᠲᠤ ᠪᠣᠯᠬᠤ ᠪᠣᠯᠤᠨᠠ᠃ ᠫᠢᠨᠤᠺᠺᠢᠤ᠋ ᠢᠴᠢᠵᠦ ᠰᠢᠳᠢᠲᠦ ᠳᠠᠭᠢᠨᠢ ᠳ᠋ᠤ᠌ ᠦᠨᠡᠨ ᠢ᠋ᠶ᠋ᠡᠨ ᠬᠡᠯᠡᠯᠡ᠃ ᠦᠨᠡᠨ ᠢ᠋ᠶ᠋ᠡᠨ ᠬᠡᠯᠡᠬᠦ ᠦᠶᠡ ᠳ᠋ᠦ᠍ ᠬᠠᠮᠠᠷ ᠨᠢ ᠪᠤᠴᠠᠭᠠᠳ ᠬᠡᠪ ᠦ᠋ᠨ ᠪᠣᠯᠵᠤ ᠡᠬᠢᠯᠡᠪᠡ᠃ ᠴᠢ ᠦᠨᠡᠨ ᠢ᠋ᠶ᠋ᠡᠨ ᠬᠡᠯᠡᠭᠰᠡᠨ ᠪᠣᠯᠬᠣᠷ ᠴᠢᠮᠠ ᠶ᠋ᠢ ᠭᠠᠷᠭᠠᠵᠤ ᠠᠪᠤ ᠤᠷᠤᠭᠤ ᠴᠢᠨᠢ ᠶᠠᠪᠤᠭᠤᠯᠤᠶᠠ ᠳᠠ! ᠳᠠᠭᠢᠨᠢ ᠰᠢᠳᠢᠲᠦ ᠳᠣᠬᠢᠭᠤᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠫᠢᠨᠤᠺᠺᠢᠣ᠋ ᠶ᠋ᠢᠨ ᠳᠡᠭᠡᠷᠡ ᠲᠣᠬᠢᠬᠤ ᠳ᠋ᠤ᠌ ᠲᠡᠷᠡ ᠨᠦᠬᠡᠨ ᠡᠴᠡ ᠨᠢᠰᠦᠨ ᠭᠠᠷᠴᠤ ᠢᠷᠡᠯᠡ᠃ ᠪᠠᠶᠠᠷᠯᠠᠯᠠ᠂ ᠳᠠᠭᠢᠨᠢ ᠮᠢᠨᠢ᠃
ᠪᠤᠷᠬᠠᠨ ᠴᠢᠮᠠ ᠶ᠋ᠢ ᠢᠪᠡᠭᠡᠭ! ᠰᠠᠢᠨ ᠬᠦᠦ ᠪᠣᠯᠤᠭᠠᠷᠠᠢ! ᠳᠠᠭᠢᠵᠤ ᠬᠤᠳᠠᠯ ᠬᠡᠯᠡᠵᠦ ᠪᠣᠯᠬᠤ ᠦᠭᠡᠢ ᠰᠢᠦ! ᠫᠢᠨᠤᠺᠺᠢᠣ᠋ ᠭᠡᠷ ᠤᠷᠤᠭᠤ ᠪᠠᠨ ᠶᠠᠪᠤᠵᠤ ᠡᠬᠢᠯᠡᠯᠡ᠃ ᠶᠠᠪᠤᠬᠤ ᠵᠠᠮ ᠳ᠋ᠠᠭᠠᠨ ᠲᠡᠷᠡ ᠨᠠᠢᠵᠠ ᠷᠤᠮᠶᠣ᠋ ᠲᠠᠢ ᠪᠠᠨ ᠲᠠᠭᠠᠷᠠᠪᠠ᠃ ᠬᠦᠯᠢᠶᠡ᠁ ᠬᠦᠯᠢᠶᠡᠭᠡᠴᠢ ᠳᠡ᠂ ᠫᠢᠨᠤᠺᠺᠢᠣ᠋᠂ ᠬᠠᠮᠢᠭᠠᠰᠢ ᠪᠠᠨ ᠢᠩᠭᠢᠲᠡᠯᠡ ᠪᠡᠨ ᠶᠠᠭᠠᠷᠠᠭᠠᠳ ᠪᠠᠢᠭᠠ ᠶᠤᠮ ᠪᠣᠢ? ᠨᠠᠳᠠ ᠲᠠᠢ ᠬᠠᠮᠲᠤ ᠶᠠᠪᠤᠯ ᠳᠠ᠂ ᠪᠢ ᠲᠣᠭᠯᠠᠭᠠᠮ ᠤ᠋ᠨ ᠣᠷᠣᠨ ᠤᠷᠤᠭᠤ ᠶᠠᠪᠤᠵᠤ ᠪᠠᠢᠨᠠ᠂ ᠲᠣᠭᠯᠠᠭᠠᠮ ᠤ᠋ᠨ ᠣᠷᠣᠨ ᠭᠡᠨᠡ ᠤᠤ? ᠬᠠᠮᠢᠭᠠ ᠪᠠᠢᠳᠠᠭ ᠶᠤᠮ ᠪᠣᠢ? ᠪᠠᠰᠠ ᠪᠢ ᠶᠠᠭᠠᠬᠢᠭᠠᠳ ᠲᠡᠨᠳᠡ ᠣᠴᠢᠬᠤ ᠶᠣᠰᠣᠲᠠᠢ ᠶᠤᠮ᠂ ᠲᠣᠭᠯᠠᠭᠠᠮ᠂ ᠰᠢᠬᠢᠷ ᠂ ᠱᠦᠺᠦᠯᠠᠳᠢ ᠪᠠᠷ ᠳᠦᠭᠦᠷᠡᠩ ᠪᠠᠢᠳᠠᠭ ᠭᠠᠵᠠᠷ ᠪᠠᠢᠭᠠ ᠶᠤᠮ᠃ ᠵᠠᠩᠨᠠᠵᠤ ᠵᠢᠮᠡᠯᠡᠬᠦ ᠠᠪᠤ ᠡᠵᠢ ᠲᠡᠨᠳᠡ ᠪᠠᠢᠬᠤ ᠦᠭᠡᠢ᠂ ᠲᠣᠭᠯᠠᠵᠤ ᠪᠠᠢᠬᠤ ᠳ᠋ᠤ᠌ ᠬᠡᠨ ᠴᠦ᠍ ᠰᠠᠭᠠᠳ ᠪᠣᠯᠬᠤ ᠦᠭᠡᠢ᠂ ᠪᠦᠷ ᠬᠢᠴᠢᠶᠡᠯ ᠴᠦ᠍ ᠬᠢᠬᠦ ᠦᠭᠡᠢ ᠭᠡᠳ ᠪᠣᠳᠣ ᠳᠠ᠂ ᠶᠠᠩᠵᠤ ᠲᠠᠢ ᠰᠣᠨᠣᠰᠳᠠᠵᠤ ᠪᠠᠢᠨᠠ᠂ ᠶᠠᠪᠤᠵᠠᠭᠠᠶᠠ᠃ ᠫᠢᠨᠤᠺᠺᠢᠣ᠋ ᠨᠠᠢᠵᠠ ᠲᠠᠢ ᠪᠠᠨ ᠬᠠᠮᠲᠤ ᠲᠣᠭᠯᠠᠭᠠᠮ ᠤ᠋ᠨ ᠣᠷᠣᠨ ᠤᠷᠤᠭᠤ ᠶᠠᠪᠤᠪᠠ᠃ ᠫᠢᠨᠤᠺᠺᠢᠣ᠋ ᠷᠤᠮᠶᠣ᠋ ᠬᠣᠶᠠᠷ ᠰᠢᠬᠢᠷ ᠢᠳᠡᠵᠦ ᠲᠣᠭᠯᠠᠭᠠᠮ ᠤ᠋ᠳ ᠳᠡᠭᠡᠷᠡ ᠲᠣᠭᠯᠠᠵᠤ ᠵᠤᠭᠠᠴᠠᠵᠤ ᠡᠬᠢᠯᠡᠪᠡ᠃ ᠭᠣᠶᠣ ᠠ᠋᠁ ᠬᠦ᠁ ᠬᠦ᠁ᠲᠡᠳᠡ ᠲᠣᠭᠯᠠᠭᠠᠮ ᠤ᠋ᠨ ᠣᠷᠣᠨ ᠳ᠋ᠤ᠌ ᠣᠯᠠᠨ ᠡᠳᠦᠷ ᠪᠣᠯᠵᠠᠢ᠃
ᠨᠢᠭᠡ ᠡᠳᠦᠷ ᠫᠢᠨᠤᠺᠺᠢᠣ᠋ ᠪᠡᠶᠡ ᠨᠢ ᠨᠢᠭᠡᠯᠡ ᠬᠠᠴᠢᠨ ᠥᠭᠡᠷᠡᠴᠢᠯᠡᠭᠳᠡᠭᠡᠳ ᠪᠠᠢᠬᠤ ᠶ᠋ᠢ ᠮᠡᠳᠡᠷᠡᠪᠡ ᠭᠡᠨᠡ᠃ ᠲᠡᠷᠡ ᠡᠯᠵᠢᠭᠡᠨ ᠦ᠌ ᠲᠣᠮᠣ ᠴᠢᠬᠢ ᠤᠷᠲᠤ ᠰᠡᠭᠦᠯ ᠲᠡᠢ ᠪᠣᠯᠵᠠᠢ᠃ ᠠ ᠂ ᠠ ᠂ ᠪᠢ ᠶᠠᠭᠠᠬᠢᠭᠠᠳ ᠪᠠᠢᠨᠠ? ᠡᠨᠡ ᠭᠠᠵᠠᠷ ᠨᠢᠭᠡᠯᠡ ᠰᠡᠵᠢᠭᠲᠡᠢ ᠪᠠᠢᠨᠠ ᠳᠠ᠂ ᠲᠡᠳᠡᠨ ᠡᠴᠡ ᠵᠠᠢᠲᠠᠢ ᠨᠢᠭᠡ ᠬᠥᠮᠦᠨ ᠡᠯᠵᠢᠭᠡ ᠬᠥᠯᠭᠡᠯᠡᠨ ᠶᠠᠪᠤᠬᠤ ᠶ᠋ᠢ ᠬᠠᠷᠠᠯᠠ᠃ ᠬᠤᠷᠳᠤᠨ ᠶᠠᠪᠤᠭᠠᠴᠢ᠂ ᠪᠢ ᠲᠠ ᠨᠠᠷ ᠢ᠋ ᠵᠠᠬᠠ ᠳᠡᠭᠡᠷᠡ ᠠᠪᠠᠴᠢᠵᠤ ᠵᠠᠷᠤᠨᠠ ᠮᠠᠭᠤ ᠲᠡᠨᠡᠭ ᠦ᠋ᠳ ᠠ᠋! ᠫᠢᠨᠤᠺᠺᠢᠣ᠋ ᠡᠨᠡ ᠪᠦᠬᠦᠨ ᠵᠠᠯᠢ ᠪᠠᠢᠭᠰᠠᠨ ᠢ᠋ ᠣᠢᠯᠠᠭᠠᠯᠠ᠃ ᠲᠣᠭᠯᠠᠭᠠᠮ ᠤ᠋ᠨ ᠣᠷᠣᠨ ᠢ᠋ ᠬᠣᠷᠣᠨ ᠰᠠᠨᠠᠭᠠᠲᠤ ᠡᠯᠵᠢᠭᠡᠨ ᠦ᠌ ᠬᠤᠳᠠᠯᠳᠤᠭᠠᠴᠢᠨ ᠡᠵᠡᠮᠰᠢᠳᠡᠭ ᠪᠠᠢᠵᠠᠢ᠃ ᠬᠡᠦᠬᠡᠳ ᠦ᠋ᠳ ᠢ᠋ ᠠᠮᠲᠠᠲᠠᠨ ᠲᠣᠭᠯᠠᠭᠠᠮ ᠢ᠋ᠶ᠋ᠠᠷ ᠤᠷᠠᠬᠠᠳᠠᠨ ᠠᠪᠴᠢᠷᠠᠵᠤ ᠡᠯᠵᠢᠭᠡ ᠪᠣᠯᠭᠠᠵᠤ ᠬᠤᠪᠢᠷᠠᠭᠠᠭᠠᠳ ᠵᠠᠬᠠ ᠳᠡᠭᠡᠷᠡ ᠵᠠᠷᠤᠳᠠᠭ ᠪᠠᠢᠪᠠ᠃ ᠫᠢᠨᠤᠺᠺᠢᠣ᠋ ᠲᠡᠨᠳᠡ ᠡᠴᠡ ᠴᠢᠳᠠᠬᠤ ᠴᠢᠨᠡᠭᠡ ᠪᠡᠷ ᠢ᠋ᠶ᠋ᠡᠨ ᠬᠤᠷᠳᠤᠨ ᠵᠢᠭᠤᠲᠠᠯᠠ᠃ ᠲᠣᠰᠬᠣᠨ ᠤ᠋ ᠵᠠᠬᠠ ᠳᠡᠭᠡᠷᠡ ᠬᠦᠷᠬᠦ ᠳ᠋ᠦ᠍ ᠪᠠᠰᠠ ᠬᠥᠮᠦᠰ ᠦ᠋ᠨ ᠶᠠᠷᠢᠵᠤ ᠪᠠᠢᠬᠤ ᠶ᠋ᠢ ᠰᠣᠨᠣᠰᠪᠠ᠃ ᠵᠢᠫᠢᠲ᠋ᠣ᠋ ᠶ᠋ᠢᠨ ᠲᠠᠯᠠ ᠪᠠᠷ ᠳᠤᠭᠤᠯᠪᠠ ᠤᠤ? ᠲᠣᠰᠬᠣᠨ ᠳᠠᠶᠠᠭᠠᠷ ᠬᠦᠦ ᠪᠡᠨ ᠬᠠᠢᠭᠠᠳ ᠣᠯᠵᠤ ᠴᠢᠳᠠᠭᠠ ᠦᠭᠡᠢ ᠭᠡᠨᠡ᠃
ᠲᠡᠭᠡᠭᠡᠳ ᠬᠦᠦ ᠪᠡᠨ ᠬᠠᠢᠵᠤ ᠲᠠᠩᠭᠢᠰ ᠲᠤ᠌ ᠭᠠᠷᠤᠭᠰᠠᠨ ᠭᠡᠨᠡ᠃ ᠲᠡᠢᠮᠦ ᠠ᠋! ᠪᠠᠰᠠ ᠵᠠᠪᠢ ᠨᠢ ᠰᠢᠭᠤᠷᠭᠠᠨ ᠳ᠋ᠤ᠌ ᠵᠢᠪᠦᠭᠰᠡᠨ ᠢ᠋ ᠲᠤᠭᠤᠯᠤᠭᠰᠠᠨ ᠨᠢ ᠭᠤᠨᠢᠭᠲᠠᠢ ᠶᠤᠮ ᠰᠢᠦ᠃ ᠡᠨᠡ ᠶ᠋ᠢ ᠰᠣᠨᠣᠰᠤᠭᠠᠳ ᠫᠢᠨᠤᠺᠺᠢᠣ᠋ ᠮᠠᠰᠢ ᠶᠡᠬᠡ ᠭᠤᠨᠢᠭᠯᠠᠵᠤ ᠭᠡᠮᠰᠢᠪᠡ᠃ ᠲᠡᠭᠡᠭᠡᠳ ᠭᠦᠶᠦᠭᠰᠡᠭᠡᠷ ᠵᠢᠪᠦᠨᠡ ᠭᠡᠵᠦ ᠴᠦ᠍ ᠠᠶᠤᠯ ᠦᠭᠡᠢ ᠲᠠᠩᠭᠢᠰ ᠤᠷᠤᠭᠤ ᠦᠰᠦᠷᠴᠢᠬᠡᠯᠡ ᠬᠤᠪᠢ ᠪᠠᠨ ᠬᠢᠴᠢᠶᠡᠭᠰᠡᠨ ᠵᠠᠩ ᠳ᠋ᠠᠭᠠᠨ ᠭᠡᠮᠰᠢᠭᠰᠡᠨ ᠪᠣᠯᠬᠣᠷ ᠫᠢᠨᠤᠺᠺᠢᠣ᠋ ᠪᠤᠴᠠᠭᠠᠳ ᠬᠡᠪ ᠲᠦ᠍ ᠪᠡᠨ ᠣᠷᠣᠵᠠᠢ ᠭᠡᠨᠡ᠃ ᠤᠷᠲᠤ ᠰᠡᠭᠦᠯ ᠲᠣᠮᠣ ᠴᠢᠬᠢ ᠪᠠᠢᠬᠤ ᠦᠭᠡᠢ ᠪᠣᠯᠤᠯᠠ᠃ ᠲᠡᠭᠦᠨ ᠢ᠋ ᠮᠣᠳᠣ ᠪᠠᠷ ᠬᠢᠭᠰᠡᠨ ᠪᠣᠯᠬᠣᠷ ᠤᠰᠤᠨ ᠳ᠋ᠤ᠌ ᠬᠥᠪᠴᠦ ᠪᠠᠢᠪᠠ᠃ ᠬᠠᠮᠢᠭᠠᠰᠢ ᠪᠠᠨ ᠴᠤ᠌ ᠶᠠᠪᠤᠬᠤ ᠪᠠᠨ ᠮᠡᠳᠡᠬᠦ ᠦᠭᠡᠢ ᠰᠡᠯᠢᠭᠡᠳ ᠯᠡ ᠰᠡᠯᠢᠭᠡᠳ ᠯᠡ ᠪᠠᠢᠵᠢ ᠭᠡᠨᠡ᠃ ᠲᠠᠩᠭᠢᠰ ᠤ᠋ᠨ ᠳᠤᠮᠳᠠ ᠶᠠᠪᠤᠲᠠᠯᠠ ᠤᠰᠤᠨ ᠠ᠋ᠴᠠ ᠲᠣᠮᠣ ᠠᠮᠠ ᠠᠩᠭᠠᠢᠵᠤ ᠭᠠᠷᠴᠤ ᠢᠷᠡᠭᠡᠳ ᠫᠢᠨᠤᠺᠺᠢᠣ᠋ ᠶ᠋ᠢ ᠵᠠᠯᠭᠢᠴᠢᠬᠠᠯᠠ᠃ ᠠ᠁ ᠠ᠁ ᠠᠪᠤᠷᠭᠤ ᠲᠣᠮᠣ ᠬᠠᠯᠢᠮᠤ ᠪᠠᠢᠵᠠᠢ᠃ ᠬᠡ᠁ ᠪᠢ ᠬᠠᠮᠢᠭᠠ ᠪᠠᠢᠨᠠ! ᠡᠨᠳᠡ ᠬᠠᠪ ᠬᠠᠷᠠᠩᠭᠤᠢ ᠶᠤᠮ? ᠠᠪᠤ ᠮᠢᠨᠢ ᠳᠡ ᠂ ᠪᠢ ᠶᠠᠭᠤ ᠬᠢᠴᠢᠬᠡᠪᠡ? ᠲᠠᠨ ᠲᠠᠢ ᠪᠠᠨ ᠳᠠᠬᠢᠭᠠᠳ ᠭᠠᠭᠴᠠ ᠤᠳᠠᠭᠠ ᠠᠭᠤᠯᠵᠠᠳᠠᠭ ᠴᠤ᠌ ᠪᠣᠯᠤᠭᠠᠰᠢ! ᠳᠡᠭᠡᠯ ᠦᠭᠡᠢ ᠶᠠᠭᠠᠬᠢᠬᠤᠪ ᠬᠦᠦ ᠮᠢᠨᠢ ᠠᠪᠤ ᠨᠢ ᠴᠢᠨᠦ ᠪᠡᠨ ᠳᠡᠷᠭᠡᠳᠡ ᠪᠠᠢᠨᠠ᠃ ᠠᠪᠤ ᠠ᠁ᠫᠢᠨᠤᠺᠺᠢᠣ᠋ ᠠ᠋᠁ ᠠᠪᠤ ᠬᠦᠦ ᠬᠣᠶᠠᠷ ᠲᠡᠪᠡᠷᠢᠯᠳᠦᠨ ᠠᠭᠤᠯᠵᠠᠯᠠ᠃
ᠨᠠᠮᠠ ᠶ᠋ᠢ ᠠᠭᠤᠴᠢᠯᠠᠭᠠᠷᠠᠢ ᠠᠪᠤ ᠠ᠋ ! ᠪᠢ ᠲᠠᠨ ᠢ᠋ ᠬᠤᠳᠠᠯ ᠬᠡᠯᠡᠭᠡᠳ ᠥᠭᠭᠦᠭᠰᠡᠨ ᠮᠥᠩᠭᠥ ᠪᠡᠷ ᠴᠢᠨᠢ ᠼᠢᠷᠺ ᠦᠵᠡᠴᠢᠬᠡᠭᠰᠡᠨ ᠶᠦᠮ᠂ ᠫᠢᠨᠤᠺᠺᠢᠣ᠋ ᠠᠪᠤ ᠳ᠋ᠠᠭᠠᠨ ᠪᠦᠬᠦ ᠦᠨᠡᠨ ᠢ᠋ᠶ᠋ᠡᠨ ᠬᠡᠯᠡᠯᠡ᠃ ᠵᠦᠭᠡᠷ ᠳᠡ ᠬᠦᠦ ᠮᠢᠨᠢ ᠪᠢ ᠴᠢᠮᠠ ᠶ᠋ᠢ ᠪᠡᠨ ᠠᠭᠤᠴᠢᠯᠠᠯᠠ! ᠣᠳᠣ ᠬᠣᠶᠠᠭᠤᠯᠠ ᠡᠨᠳᠡ ᠡᠴᠡ ᠵᠢᠭᠤᠲᠠᠬᠤ ᠬᠡᠷᠡᠭᠲᠡᠢ᠂ ᠶᠠᠭᠠᠬᠢᠵᠤ ᠵᠢᠭᠤᠲᠠᠬᠤ ᠪᠣᠢ? ᠠᠪᠤ ᠠ᠋᠂ ᠲᠠᠨ ᠳ᠋ᠤ᠌ ᠴᠦᠢᠳᠡᠩ ᠪᠠᠢᠭᠠ ᠪᠢᠵᠡ ᠳᠡ ? ᠲᠡᠢᠮᠦ ᠠ᠋᠂ ᠪᠠᠰᠠ ᠡᠨᠳᠡ ᠪᠢᠳᠡᠨ ᠳ᠋ᠦ᠍ ᠰᠦᠢᠷᠡᠭᠰᠡᠨ ᠵᠠᠪᠢᠨ ᠤ᠋ ᠦᠯᠡᠳᠡᠭᠳᠡᠯ ᠶᠡᠬᠡ ᠪᠠᠢᠨᠠ᠃ ᠲᠡᠢᠮᠦ ᠠ᠋ ᠪᠢ ᠡᠨᠡ ᠮᠣᠳᠣ ᠶ᠋ᠢ ᠰᠢᠲᠠᠭᠠᠵᠤ ᠬᠠᠯᠢᠮᠤᠨ ᠤ᠋ ᠵᠠᠯᠭᠢᠭᠰᠠᠨ ᠵᠢᠭᠠᠰᠤ ᠨᠤᠭᠤᠳ ᠢ᠋ ᠰᠢᠷᠠᠳᠠᠭ᠂ ᠲᠡᠭᠡᠵᠦ ᠯᠡ ᠪᠢ ᠤᠳᠠᠭᠠᠨ ᠠᠮᠢᠳᠤ ᠶᠠᠪᠤᠭᠰᠠᠨ ᠰᠢᠦ ᠳᠡ ! ᠵᠠ ᠲᠡᠭᠡᠪᠡᠯ ᠬᠣᠶᠠᠭᠤᠯᠠ ᠪᠠᠨ ᠡᠨᠳᠡ ᠪᠠᠢᠭᠠ ᠪᠦᠬᠦ ᠮᠣᠳᠣ ᠶ᠋ᠢ ᠰᠢᠲᠠᠭᠠᠵᠤ ᠡᠴᠦᠰ ᠲᠦ᠍ ᠨᠢ ᠤᠲᠤᠭᠠ ᠬᠣᠭᠣᠯᠠᠢ ᠬᠠᠮᠠᠷ ᠲᠤ᠌ ᠨᠢ ᠬᠦᠷᠦᠨᠡ᠂ ᠲᠡᠢᠮᠦ ᠪᠢᠵᠡ ᠳᠡ ᠂ ᠰᠠᠢᠬᠠᠨ ᠰᠠᠨᠠᠭᠠ ᠪᠠᠢᠨᠠ᠂ ᠫᠢᠨᠤᠺᠺᠢᠣ᠋ ᠠᠪᠤ ᠨᠢ ᠠᠯᠢ ᠡᠷᠲᠡ ᠢᠩᠭᠢᠬᠦ ᠶᠣᠰᠣᠲᠠᠢ ᠪᠠᠢᠭᠰᠠᠨ ᠶᠤᠮ᠃ ᠠᠪᠤ ᠬᠦᠦ ᠬᠣᠶᠠᠷ ᠶᠡᠬᠡ ᠮᠣᠳᠣ ᠬᠤᠷᠢᠶᠠᠵᠤ ᠪᠠᠢᠭᠠᠳ ᠰᠢᠲᠠᠭᠠᠯᠠ᠃ ᠭᠠᠯ ᠠ᠋ᠴᠠ ᠶᠡᠬᠡ ᠳᠥᠯᠥ ᠬᠠᠷᠠ ᠤᠲᠤᠭᠠ ᠭᠠᠷᠪᠠ᠃ ᠬᠠᠯᠢᠮᠤᠨ ᠤ᠋ ᠭᠡᠳᠡᠰᠦᠨ ᠳᠣᠲᠣᠷᠠ ᠰᠢᠲᠠᠵᠤ ᠪᠠᠢᠭᠠ ᠨᠢ ᠮᠡᠳᠡᠷᠡᠭᠳᠡᠵᠦ ᠡᠬᠢᠯᠡᠪᠡ᠃
ᠬᠠᠯᠢᠮᠤ ᠬᠠᠨᠢᠶᠠᠬᠤ ᠳ᠋ᠠᠭᠠᠨ ᠵᠢᠫᠢᠲ᠋ᠣ᠋ ᠫᠢᠨᠤᠺᠺᠢᠣ᠋ ᠬᠣᠶᠠᠷ ᠢ᠋ ᠠᠮᠠᠨ ᠠ᠋ᠴᠠ ᠪᠠᠨ ᠭᠠᠷᠭᠠᠪᠠ᠃ ᠲᠡᠷᠡ ᠬᠣᠶᠠᠷ ᠡᠷᠭᠢ ᠤᠷᠤᠭᠤ ᠰᠡᠯᠢᠵᠦ ᠭᠠᠷᠤᠯᠠ᠂ ᠫᠢᠨᠤᠺᠺᠢᠣ᠋ ᠴᠢ ᠨᠠᠮᠠ ᠶ᠋ᠢ ᠠᠪᠤᠷᠠᠯᠠ᠃ ᠪᠢ ᠪᠣᠯ ᠲᠠᠨ ᠤ᠋ ᠬᠦᠦ ᠲᠠᠨ ᠢ᠋ ᠬᠠᠮᠠᠭᠠᠯᠠᠬᠤ ᠨᠢ ᠮᠢᠨᠦ ᠡᠭᠦᠷᠭᠡ᠂᠂ ᠣᠮ ᠁ᠠᠪᠤ ᠨᠢ ᠬᠦᠦ ᠪᠡᠷ ᠢ᠋ᠶ᠋ᠡᠨ ᠪᠠᠬᠠᠷᠬᠠᠵᠤ ᠪᠠᠢᠨᠠ᠃ ᠲᠡᠷᠡ ᠦᠶᠡ ᠰᠢᠳᠢᠲᠦ ᠳᠠᠭᠢᠨᠢ ᠭᠠᠷᠴᠤ ᠢᠷᠡᠯᠡ᠃ ᠫᠢᠨᠤᠺᠺᠢᠣ᠋ ᠡᠴᠦᠰ ᠦ᠋ᠨ ᠡᠴᠦᠰ ᠲᠦ᠍ ᠴᠢ ᠰᠠᠢᠨ ᠬᠦᠦ ᠭᠡᠳᠡᠭ ᠢ᠋ᠶ᠋ᠡᠨ ᠪᠠᠲᠤᠯᠠᠯᠠ᠃ ᠴᠢ ᠠᠪᠤ ᠶ᠋ᠢ ᠪᠡᠨ ᠠᠪᠤᠷᠠᠯᠠ ᠰᠢᠦ ᠳᠡ ᠃ ᠬᠡᠯᠡᠵᠦ ᠪᠠᠢᠭᠰᠠᠨ ᠶᠣᠰᠣ ᠪᠠᠷ ᠢ᠋ᠶ᠋ᠠᠨ ᠪᠢ ᠴᠢᠮᠠ ᠳ᠋ᠤ᠌ ᠣᠨᠴᠣᠭᠣᠢ ᠪᠡᠯᠡᠭ ᠥᠭᠴᠦ ᠪᠠᠢᠨᠠ᠃ ᠳᠠᠭᠢᠨᠢ ᠰᠢᠳᠢᠲᠦ ᠳᠣᠬᠢᠭᠤᠷ ᠢ᠋ᠶ᠋ᠠᠨ ᠫᠢᠨᠤᠺᠺᠢᠣ᠋ ᠳᠡᠭᠡᠷᠡ ᠳᠣᠬᠢᠯᠠ᠃ ᠠ ᠁ᠨᠢᠭᠡ ᠶᠠᠭᠤᠮᠠ ᠴᠣᠬᠢᠯᠠᠭᠠᠳ ᠪᠠᠢᠨᠠ᠃ ᠪᠠᠰᠠ ᠮᠢᠨᠦ ᠠᠷᠠᠰᠤ᠂ ᠪᠢ ᠬᠥᠮᠦᠨ ᠪᠣᠯᠴᠢᠬᠠᠵᠠᠢ! ᠮᠢᠨᠦ ᠵᠢᠷᠦᠬᠡ ᠴᠣᠬᠢᠯᠠᠵᠤ ᠪᠠᠢᠨᠠ᠃
ᠠ᠋᠁ ᠳᠠᠭᠢᠨᠢ ᠮᠢᠨᠢ᠂ ᠲᠠ ᠨᠠᠳᠠ ᠳ᠋ᠤ᠌ ᠬᠦᠦ ᠪᠡᠯᠡᠭᠯᠡᠯᠡ᠃ ᠲᠠᠨ ᠤ᠋ ᠰᠠᠢᠬᠠᠨ ᠰᠡᠳᠬᠢᠯ ᠳ᠋ᠦ᠍ ᠲᠠᠯᠠᠷᠬᠠᠶᠠ! ᠲᠠᠨ ᠤ᠋ ᠰᠠᠢᠨ ᠦᠢᠯᠡᠰ ᠦ᠋ᠨ ᠲᠥᠯᠥᠭᠡ ᠡᠨᠡ ᠰᠠᠢᠨ ᠦᠢᠯᠡᠰ ᠪᠦᠲᠦᠭᠡᠵᠦ ᠶᠠᠪᠤᠭᠠ ᠴᠠᠭ ᠲᠤ᠌ ᠡᠨᠡ ᠣᠷᠴᠢᠯᠠᠩ ᠦᠷᠭᠦᠯᠵᠢ ᠢᠪᠡᠭᠡᠯ ᠢ᠋ᠶ᠋ᠡᠨ ᠬᠠᠢᠷᠠᠯᠠᠵᠤ ᠪᠠᠢᠳᠠᠭ ᠶᠤᠮ᠃ ᠲᠡᠷᠡ ᠴᠠᠭ ᠠ᠋ᠴᠠ ᠬᠣᠢᠰᠢ ᠫᠢᠨᠤᠺᠺᠢᠣ᠋᠂ ᠵᠢᠫᠢᠲ᠋ᠣ᠋ ᠬᠣᠶᠠᠷ ᠠᠵᠠ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠵᠤ ᠬᠡᠦᠬᠡᠳ ᠦ᠋ᠳ ᠲᠦ᠍ ᠵᠣᠷᠢᠭᠤᠯᠵᠤ ᠤᠯᠠᠮ ᠶᠡᠬᠡ ᠭᠣᠶᠣ ᠲᠣᠭᠯᠠᠭᠠᠮ ᠬᠢᠬᠦ ᠪᠣᠯᠵᠠᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠭᠡᠷᠡᠯᠴᠢᠮᠡᠭ
ᠦᠰᠦᠭ ᠬᠠᠲᠠᠭᠰᠠᠨ ᠨᠢ ᠄ ᠭᠠᠸᠠ
ᠦᠰᠦᠭ ᠬᠢᠨᠠᠭᠴᠢ ᠄ ᠢᠷᠡᠭᠡᠳᠦᠢ᠂ᠬᠠᠨᠳᠠᠵᠠᠪ ᠤᠷᠠᠨᠲᠠᠨᠠ