ᠣᠨᠢᠰᠤᠭᠠ – ᠢ ᠂ ᠣ ᠂ ᠤ ᠶᠢᠨ ᠠᠢᠮᠠᠭ - ᠴᠣ᠂ ᠳᠤᠭᠠᠷᠵᠠᠪ ᠡᠮᠬᠢᠳᠬᠡᠨ ᠨᠠᠢᠷᠠᠭᠤᠯᠪᠠ Оньсого – И᠂О᠂Угийн аймаг - Чо ᠂ Дугаржав эмхэтгэн найруулав
2239 ᠢᠩ ᠠᠪᠳᠠᠷᠠ ᠭᠦᠨ ᠴᠣᠣᠵᠢ ᠲᠠᠢ
( ᠬᠥᠮᠦᠨ ᠦ᠌ ᠰᠠᠨᠠᠭᠠ )
ᠢᠰᠡᠭᠡᠢ ᠲᠣᠯᠣᠭᠠᠢ ᠲᠠᠢ ᠬᠦᠦ
ᠡᠴᠢᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠭᠡᠳᠡᠰᠦ ᠶ᠋ᠢ ᠠᠯᠠᠭᠠᠳᠠᠨᠠ
( ᠬᠡᠩᠭᠡᠷᠭᠡ ᠴᠣᠬᠢᠬᠤ )
ᠢᠳᠡᠳᠡᠭ ᠨᠢ ᠢᠷᠭᠡ ᠰᠡᠷᠬᠡ
ᠬᠣᠨᠣᠳᠠᠭ ᠨᠢ ᠬᠣᠩᠬᠢᠶᠠ
( ᠬᠢᠲᠤᠭᠠ )
ᠢᠳᠡᠪᠡᠴᠦ ᠠᠮᠠ ᠪᠠᠨ ᠬᠡᠷᠡᠭᠯᠡᠬᠦ ᠦᠭᠡᠢ
ᠶᠠᠳᠠᠷᠠᠪᠠᠴᠤ ᠬᠥᠯ ᠢ᠋ᠶ᠋ᠡᠨ ᠬᠥᠳᠡᠯᠭᠡᠬᠦ ᠦᠭᠡᠢ
ᠭᠣᠣᠯ ᠪᠣᠯᠪᠠᠴᠤ ᠤᠰᠤ ᠦᠭᠡᠢ
ᠭᠣᠮᠣᠳᠠᠯ ᠲᠠᠢ ᠪᠣᠯᠪᠠᠴᠤ ᠨᠢᠯᠪᠤᠰᠤ ᠦᠭᠡᠢ
( ᠬᠢᠲᠠᠳ ᠰᠢᠲᠠᠷᠠ )
ᠢᠷᠡᠭᠰᠡᠨ ᠭᠡᠢᠴᠢᠨ ᠰᠢᠲᠦ ᠦᠭᠡᠢ
ᠲᠠᠯᠪᠢᠭᠰᠠᠨ ᠮᠢᠬᠠ ᠶᠠᠰᠤ ᠦᠭᠡᠢ
( ᠨᠢᠯᠬᠠ ᠬᠡᠦᠬᠡᠳ᠂ ᠮᠥᠮᠥ)
ᠣ 4
ᠣᠭᠲᠠᠷᠭᠤᠢ ᠠ᠋ᠴᠠ ᠡᠯᠭᠦᠭᠰᠡᠨ
ᠣᠭᠣᠰᠣᠷ ᠦᠭᠡᠢ ᠬᠥᠰᠢᠭᠡ
ᠣᠯᠠᠨ ᠶᠠᠩᠵᠤ ᠪᠠᠷ ᠬᠤᠪᠢᠷᠠᠳᠠᠭ
ᠤᠷᠠᠯᠠᠭᠰᠠᠨ ᠦᠭᠡᠢ ᠵᠢᠷᠤᠭ
( ᠡᠭᠦᠯᠡ )
ᠣᠯᠠᠨ ᠲᠡᠮᠡᠭᠡᠨ ᠳᠣᠲᠣᠷᠠ
ᠣᠩᠭᠣᠷᠬᠠᠢ ᠬᠠᠷᠠ ᠪᠤᠤᠷᠠ
( ᠲᠣᠭᠣᠨᠣ)
ᠣᠯᠣᠭᠠᠢ ᠮᠤᠬᠤᠷ ᠡᠬᠡ ᠲᠡᠢ
ᠣᠷᠣᠭᠴᠢᠨ ᠭᠠᠷᠤᠭᠴᠢᠨ ᠡᠴᠢᠭᠡ ᠲᠡᠢ
ᠣᠯᠠᠨ ᠰᠢᠷᠠ ᠬᠡᠦᠬᠡᠳ ᠲᠡᠢ
( ᠣᠭᠣᠷ᠂ ᠰᠦᠬᠡ᠂ ᠴᠠᠢ)
ᠣᠳᠣᠢᠯᠠᠢ ᠮᠣᠳᠣᠨ ᠳ᠋ᠤ᠌
ᠲᠣᠳᠣᠢᠯᠠᠢ ᠰᠢᠪᠠᠭᠤ
( ᠬᠤᠷᠤᠭᠤᠪᠴᠢ)
ᠣᠷᠣᠢ ᠳᠡᠭᠡᠷᠡ ᠸᠴᠢᠷ᠂
ᠸᠴᠢᠷ ᠬᠠᠨ ᠤ᠋ ᠳᠡᠪᠢᠭᠦᠷ
ᠪᠡᠭᠡᠵᠢᠩ ᠬᠣᠶᠠᠷ ᠴᠣᠩᠬᠣ᠂
ᠪᠢᠯᠢᠭ ᠦ᠋ᠨ ᠬᠣᠶᠠᠷ ᠳᠠᠯᠠᠪᠴᠢ᠂
ᠣᠶᠣᠳᠠᠯ ᠦᠭᠡᠢ ᠳᠡᠪᠡᠯ᠂
ᠵᠠᠯᠭᠠᠭᠠ ᠦᠭᠡᠢ ᠳᠡᠭᠡᠰᠦ
ᠵᠠᠳᠠᠭᠠᠢ ᠬᠠᠢᠯᠠᠰᠤᠨ ᠲᠠᠰᠢᠭᠤᠷ
( ᠦᠬᠡᠷ ᠦ᠋ᠨ ᠡᠪᠡᠷ᠂ ᠴᠢᠬᠢ᠂ ᠨᠢᠳᠦ᠂ ᠬᠠᠮᠠᠷ ᠤ᠋ᠨ ᠨᠦᠬᠡ᠂ ᠠᠷᠠᠰᠤ᠂ ᠦᠰᠦ᠂ ᠰᠡᠭᠦᠯ )
ᠣ 5
ᠤᠤᠬᠠᠢ ᠲᠤᠤᠬᠠᠢ ᠪᠠᠭᠠᠲᠤᠷ
ᠤᠭᠤᠴᠠ ᠳᠤᠮᠳᠠᠭᠤᠷ ᠢ᠋ᠶ᠋ᠠᠨ ᠲᠠᠰᠤᠷᠬᠠᠢ ᠪᠠᠭᠠᠲᠤᠷ
ᠬᠠᠳᠠᠨ ᠳ᠋ᠤ᠌ ᠬᠠᠯᠲᠤᠷᠢᠬᠤ ᠦᠭᠡᠢ ᠪᠠᠭᠠᠲᠤᠷ
ᠬᠠᠷᠪᠤᠬᠤ ᠳ᠋ᠤ᠌ ᠣᠨᠣᠭᠳᠠᠬᠤ ᠦᠭᠡᠢ ᠪᠠᠭᠠᠲᠤᠷ
( ᠰᠢᠷᠭᠤᠯᠵᠢ )
ᠣᠨᠢ ᠦᠭᠡᠢ ᠭᠡᠷ ᠲᠤ
ᠤᠲᠤᠭᠠ ᠦᠭᠡᠢ ᠭᠠᠯ
( ᠤᠯᠠ )
ᠤᠬᠢᠶᠠᠬᠤ ᠦᠭᠡᠢ ᠪᠣᠯ ᠤᠤᠭᠤᠵᠤ ᠪᠣᠯᠤᠨᠠ
ᠤᠬᠢᠶᠠᠪᠠᠯ ᠤᠤᠭᠤᠵᠤ ᠪᠣᠯᠬᠤ ᠦᠭᠡᠢ
ᠤᠬᠢᠶᠠᠬᠤ ᠦᠭᠡᠢ ᠪᠣᠯ ᠠᠷᠢᠭᠤᠨ
ᠤᠬᠢᠶᠠᠪᠠᠯ ᠪᠤᠵᠠᠷ
( ᠤᠰᠤ )
ᠤᠯᠠᠭᠠᠨ ᠨᠢᠳᠦ ᠲᠡᠢ
ᠣᠬᠣᠷ ᠰᠡᠭᠦᠯ ᠲᠡᠢ
ᠤᠷᠲᠤ ᠴᠢᠬᠢ ᠲᠡᠢ
ᠴᠠᠭᠠᠨ ᠳᠡᠪᠡᠯ ᠲᠡᠢ
( ᠲᠠᠤᠯᠠᠢ)
ᠤᠯᠠᠭᠠᠨ ᠢᠮᠠᠭᠠ ᠮᠠᠢ ᠮᠠᠢ
ᠤᠯᠬᠡ ᠰᠢᠷᠭᠠ ᠢ ᠣ
( ᠯᠠᠮᠠ᠂ ᠴᠠᠩ )
ᠤᠯᠠᠭᠠᠨ ᠲᠤᠭᠤᠯ ᠤᠷᠤᠭᠤᠳᠠᠵᠤ ᠭᠦᠶᠦᠭᠡᠳ
ᠠᠭᠤᠯᠠᠨ ᠵᠡᠪᠡ ᠳ᠋ᠦ᠍ ᠣᠴᠢᠭᠠᠳ ᠲᠣᠭᠲᠠᠨᠠ
( ᠭᠤᠲᠤᠯ ᠡᠮᠦᠰᠬᠦ )
ᠤᠯᠠᠭᠠᠨ ᠲᠣᠷᠭᠠᠨ ᠳᠣᠲᠣᠷ ᠲᠠᠢ
ᠦᠵᠦᠮ ᠦ᠋ᠨ ᠰᠠᠢᠬᠠᠨ ᠠᠮᠲᠠ ᠲᠠᠢ
ᠬᠣᠷᠭᠣᠯ ᠬᠠᠷᠠ ᠦᠷᠡ ᠲᠡᠢ
( ᠲᠠᠷᠪᠤᠰ )
ᠤᠯᠠᠭᠠᠨ ᠲᠠᠬᠢᠶᠠ ᠨᠣᠭᠣᠭᠠᠨ ᠥᠷᠪᠡᠯᠭᠡ ᠲᠡᠢ
( ᠮᠠᠩᠭᠢᠷ )
ᠤᠯᠠᠭᠠᠨ ᠦᠬᠡᠷ ᠬᠠᠷᠠ ᠦᠬᠡᠷ ᠢ᠋ᠶ᠋ᠡᠨ ᠳᠣᠯᠢᠶᠠᠨᠠ
( ᠭᠠᠯ ᠲᠣᠭᠣᠭᠠ )
ᠤᠯᠠᠭᠠᠨ ᠪᠢᠷᠠᠭᠤ ᠴᠠᠭᠠᠨ ᠬᠦᠵᠦᠭᠦᠪᠴᠢ ᠲᠡᠢ
( ᠵᠢᠷᠦᠬᠡ )
ᠤᠯᠠᠭᠠᠨ ᠥᠷᠭᠥᠭᠡ ᠴᠠᠭᠠᠨ ᠬᠠᠶᠠᠭᠠᠪᠴᠢ ᠲᠠᠢ
( ᠵᠢᠷᠦᠬᠡ )
ᠤᠯᠠᠭᠠᠨ ᠲᠣᠷᠭᠠᠨ ᠮᠠᠯᠠᠭᠠᠢ ᠲᠠᠢ
ᠤᠭᠤᠴᠠᠨ ᠳᠡᠭᠡᠷᠡ ᠪᠡᠨ ᠰᠠᠨᠵᠢᠯᠭᠠ ᠲᠠᠢ
ᠴᠠᠭᠠᠨ ᠬᠢᠯᠢᠩ ᠬᠤᠪᠴᠠᠰᠤ ᠲᠠᠢ
ᠴᠠᠭᠠᠰᠢ ᠨᠠᠭᠠᠰᠢ ᠨᠠᠬᠢᠯᠵᠠᠳᠠᠭ
( ᠭᠠᠯᠠᠭᠤ )
ᠤᠯᠠᠭᠠᠨ ᠳᠠᠭᠠ ᠪᠠᠷ ᠤᠭᠲᠤᠭᠤᠯᠵᠤ
ᠴᠠᠭᠠᠨ ᠳᠠᠭᠠ ᠪᠠᠷ ᠴᠠᠪᠴᠢᠭᠤᠯᠵᠤ
ᠳᠠ ᠯᠠᠮᠠ ᠪᠠᠷ ᠲᠠᠭᠠᠷᠢᠭᠤᠯᠤᠭᠠᠳ
ᠲᠠᠢᠰᠠ ᠪᠦᠰᠡ ᠪᠡᠷ ᠰᠢᠷᠭᠤᠭᠤᠯᠤᠭᠠᠳ ᠬᠣᠷᠢᠨ ᠲᠣᠬᠣᠢ
ᠲᠣᠭᠣᠷᠢᠭᠤᠯᠤᠭᠠᠳ ᠬᠣᠢᠲᠤ ᠴᠣᠩᠬᠣ ᠪᠠᠷ ᠬᠠᠶᠠᠪᠠ
( ᠬᠣᠭᠣᠯᠠ ᠢᠳᠡᠬᠦ᠂ ᠰᠢᠩᠭᠡᠭᠡᠬᠦ ᠢᠯᠭᠠᠷᠠᠭᠤᠯᠬᠤ)
ᠤᠯᠠᠭᠠᠨ ᠯᠠᠮᠠ ᠰᠢᠷᠠ ᠯᠠᠮᠠ ᠪᠠᠨ ᠪᠠᠷᠢᠵᠤ ᠢᠳᠡᠨᠡ
( ᠵᠤᠯᠠ )
ᠤᠯᠠᠭᠠᠨ ᠪᠢᠷᠠᠭᠤ ᠶᠠᠰᠤᠨ ᠬᠣᠳᠣᠭᠣᠳᠣ ᠲᠠᠢ
( ᠴᠢᠪᠠᠭᠠ )
ᠤᠳᠤᠮ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠣᠷᠣᠭᠠ
ᠤᠨᠠᠭᠠ ᠪᠠᠷ ᠢ᠋ᠶ᠋ᠠᠨ ᠵᠢᠷᠣᠭᠠ
( ᠢᠳᠤᠭᠤ )
ᠤᠶᠠᠬᠠᠨ ᠳᠠᠭᠤ ᠲᠠᠢ
ᠤᠲᠠᠰᠤᠨ ᠬᠣᠭᠣᠯᠠᠢ ᠲᠠᠢ
( ᠬᠤᠭᠤᠷ )
ᠤᠷᠲᠤ ᠠ᠋ᠴᠠ ᠢᠷᠡᠭᠰᠡᠨ ᠤᠯᠠᠭᠠᠨ ᠨᠣᠶᠠᠨ
ᠤᠷᠲᠤ ᠬᠥᠯ ᠨᠢ ᠲᠠᠲᠠᠭᠤ ᠨᠣᠶᠠᠨ
ᠬᠣᠢᠨᠠ ᠠ᠋ᠴᠠ ᠢᠷᠡᠭᠰᠡᠨ ᠬᠣᠪᠤᠨ ᠨᠣᠶᠠᠨ
ᠬᠣᠢᠲᠤ ᠬᠥᠯ ᠨᠢ ᠲᠠᠲᠠᠭᠤ ᠨᠣᠶᠠᠨ
( ᠬᠦᠬᠦᠷ )
ᠤᠷᠭᠤᠬᠤ ᠨᠢ ᠨᠠᠷᠠᠨ ᠳ᠋ᠤ᠌
ᠤᠨᠠᠬᠤ ᠨᠢ ᠰᠠᠯᠬᠢᠨ ᠳ᠋ᠤ᠌
ᠦᠳᠡᠰᠢᠯᠡᠬᠦ ᠨᠢ ᠡᠷᠭᠢᠨ ᠳ᠋ᠦ᠍
ᠦᠬᠦᠬᠦ ᠨᠢ ᠭᠣᠣ ᠳ᠋ᠤ᠌
( ᠬᠠᠮᠬᠤᠤᠯ )
ᠤᠷᠭᠤᠭᠠ ᠮᠣᠳᠣᠨ ᠳ᠋ᠤ᠌ ᠡᠭᠦᠷᠯᠡᠳᠡᠭ ᠬᠠᠷᠠ
ᠤᠴᠢᠷ ᠶᠠᠪᠤᠳᠠᠯ ᠳ᠋ᠤ᠌ ᠳᠤᠷᠠᠲᠠᠢ ᠬᠠᠷᠠ
ᠤᠷᠤᠭᠤᠯ ᠠᠮᠠ ᠨᠢ ᠪᠤᠵᠠᠷ ᠬᠠᠷᠠ
ᠤᠯᠠᠢ ᠦᠵᠡᠬᠦ ᠶ᠋ᠢ ᠬᠦᠰᠡᠳᠡᠭ ᠬᠠᠷᠠ
( ᠬᠡᠷᠢᠶᠡ )
ᠤᠷᠲᠤ ᠰᠠᠢᠬᠠᠨ ᠤᠯᠢᠶᠠᠰᠤ
ᠤᠷᠠᠨ ᠰᠠᠢᠬᠠᠨ ᠰᠢᠨᠳᠠᠰᠤ
ᠳᠡᠪᠢᠭᠦᠷ ᠰᠠᠢᠲᠠᠢ ᠬᠠᠷᠴᠠᠭᠠᠢ
ᠳᠥᠷᠪᠡᠨ ᠬᠥᠯ ᠲᠡᠢ ᠰᠢᠷᠡᠭᠡ
( ᠮᠣᠷᠢ ᠤᠷᠭᠠᠯᠠᠬᠤ )
ᠤᠷᠲᠤ ᠰᠠᠢᠬᠠᠨ ᠰᠣᠯᠣᠩᠭᠠ
ᠤᠷᠭᠤᠮᠠᠯ ᠰᠠᠢᠬᠠᠨ ᠴᠡᠴᠡᠭ
ᠭᠠᠩ ᠭᠠᠯᠵᠠᠭᠤᠲᠤ ᠡᠷᠳᠡᠨᠢ
ᠭᠠᠢᠬᠠᠵᠤ ᠪᠣᠯᠬᠤ ᠦᠭᠡᠢ ᠲᠡᠨᠡᠭ
( ᠠᠷᠭᠠᠮᠵᠢᠶᠠ ᠭᠠᠳᠠᠰᠤ᠂ ᠮᠣᠷᠢ᠂ ᠯᠠᠩᠲᠤᠤ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 04 19