ᠣᠨᠢᠰᠤᠭᠠ – ᠠ ᠶᠢᠨ ᠠᠢᠮᠠᠭ - ᠴᠣ᠂ ᠳᠤᠭᠠᠷᠵᠠᠪ ᠡᠮᠬᠢᠳᠬᠡᠨ ᠨᠠᠢᠢᠷᠠᠭᠤᠯᠪᠠ Оньсого – Агийн аймаг - Чо ᠂ Дугаржав эмхэтгэн найруулав
8813ᠠ ᠶᠢᠨ ᠠᠢᠮᠠᠭ
ᠠᠢᠯ ᠤ᠋ᠨ ᠭᠠᠳᠠᠨᠠ
ᠳᠠᠯᠢ ᠰᠢᠪᠠᠭᠤ
( ᠬᠡᠢ ᠮᠣᠷᠢ)
ᠠᠢᠯ ᠨᠢᠭᠡᠲᠦ ᠶ᠋ᠢᠨ ᠠᠮᠠ ᠨᠢᠭᠡ
ᠠᠮᠠ ᠨᠢᠭᠡᠲᠦ ᠶ᠋ᠢᠨ ᠬᠥᠯ ᠬᠣᠶᠠᠷ
( ᠥᠮᠥᠳᠥ )
ᠠᠢᠮᠠᠭ ᠵᠠᠢᠮᠠᠭ ᠲᠡᠮᠡᠭᠡᠨ ᠠᠮᠠ
ᠠᠢᠵᠢᠷ ᠪᠢᠵᠢᠷ ᠢᠰᠢᠭᠡᠨ ᠠᠮᠠ
ᠠᠷᠢᠭᠤᠨ ᠰᠠᠢᠬᠠᠨ ᠮᠣᠷᠢᠨ ᠠᠮᠠ
ᠬᠣᠶᠠᠷ ᠰᠠᠢᠬᠠᠨ ᠬᠣᠨᠢᠨ ᠠᠮᠠ
( ᠮᠣᠩᠭᠣᠯ ᠳᠡᠪᠡᠯ )
ᠠᠢᠮᠠᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠣᠷᠣ
ᠠᠵᠢᠷᠭᠠ ᠪᠠᠷ ᠢ᠋ᠶ᠋ᠠᠨ ᠵᠢᠷᠣᠭᠠ
( ᠢᠲᠤᠭᠤ )
ᠠᠩᠭᠠᠢ ᠲᠠᠩᠭᠠᠢ ᠮᠣᠳᠣ
ᠠᠯᠠᠭ ᠳᠠᠬᠢ ᠶ᠋ᠢᠨ ᠠᠷᠠᠰᠤ
ᠵᠠᠭᠤᠨ ᠪᠤᠭᠤ ᠶ᠋ᠢᠨ ᠪᠠᠭᠤᠳᠠᠯ
ᠵᠤᠰᠠᠯᠠᠩ ᠬᠡᠭᠡᠷᠡ ᠶ᠋ᠢᠨ ᠲᠠᠯᠠ
( ᠬᠡᠩᠭᠡᠷᠭᠡ )
ᠠᠪᠤ ᠶ᠋ᠢᠨ ᠪᠦᠰᠡ ᠶ᠋ᠢ ᠠᠯᠳᠠᠯᠠᠵᠤ ᠪᠣᠯᠬᠤ ᠦᠭᠡᠢ
ᠡᠵᠢ ᠶ᠋ᠢᠨ ᠳᠡᠪᠡᠯ ᠢ᠋ ᠡᠪᠬᠡᠵᠦ ᠪᠣᠯᠬᠤ ᠦᠭᠡᠢ
( ᠰᠣᠯᠣᠩᠭᠠ᠂ ᠡᠭᠦᠯᠡ )
ᠠᠪᠳᠠᠷᠠ ᠳᠡᠭᠡᠷᠡ ᠠᠯᠲᠠᠨ ᠠᠶᠠᠭᠠ
( ᠨᠠᠷᠠ )
ᠠᠪᠤ ᠶ᠋ᠢᠨ ᠲᠠᠮᠤᠭᠰᠠᠨ ᠳᠡᠭᠡᠰᠦ ᠶ᠋ᠢ
ᠠᠯᠳᠠᠯᠠᠭᠠᠳ ᠠᠯᠲᠠᠯᠠᠭᠠᠳ ᠪᠠᠷᠠᠬᠤ ᠦᠭᠡᠢ
ᠡᠵᠢ ᠶ᠋ᠢᠨ ᠣᠶᠣᠭᠰᠠᠨ ᠬᠥᠨᠵᠢᠯᠡ ᠶ᠋ᠢ
ᠡᠪᠬᠡᠭᠡᠳ ᠡᠪᠬᠡᠭᠡᠳ ᠳᠠᠭᠤᠰᠬᠤ ᠦᠭᠡᠢ
( ᠵᠠᠮ᠂ ᠣᠭᠲᠠᠷᠭᠤᠢ)
ᠠᠪᠤ ᠶ᠋ᠢᠨ ᠳᠡᠪᠡᠯ ᠢ᠋ ᠠᠯᠳᠠᠯᠠᠵᠤ ᠪᠣᠯᠬᠤ ᠦᠭᠡᠢ
ᠡᠵᠢ ᠶ᠋ᠢᠨ ᠳᠡᠪᠡᠯ ᠢ᠋ ᠡᠪᠬᠡᠵᠦ ᠪᠣᠯᠬᠤ ᠦᠭᠡᠢ
( ᠲᠩᠷᠢ᠂ ᠭᠠᠵᠠᠷ )
ᠠᠪᠤ ᠶ᠋ᠢᠨ ᠠᠷᠪᠠᠨ ᠬᠦᠦ ᠠᠵᠢᠯ ᠲᠠᠢ
ᠡᠵᠢ ᠶ᠋ᠢᠨ ᠠᠷᠪᠠᠨ ᠬᠦᠦ ᠡᠷᠬᠡ ᠲᠡᠢ
( ᠭᠠᠷ ᠬᠥᠯ ᠦ᠋ᠨ ᠬᠤᠷᠤᠭᠤ)
ᠠᠪᠤ ᠶ᠋ᠢᠨ ᠰᠤᠮᠤ ᠶ᠋ᠢ ᠲᠣᠭᠠᠯᠠᠭᠠᠳ ᠪᠠᠷᠠᠬᠤ ᠦᠭᠡᠢ
ᠡᠵᠢ ᠶ᠋ᠢᠨ ᠬᠥᠨᠵᠢᠯᠡ ᠶ᠋ᠢ ᠡᠪᠬᠡᠭᠡᠳ ᠪᠠᠷᠠᠬᠤ ᠦᠭᠡᠢ
( ᠣᠳᠣ᠂ ᠲᠩᠷᠢ )
ᠠᠬᠠ ᠳᠡᠭᠦᠦ ᠠᠷᠪᠠᠭᠤᠯᠠ
ᠠᠷᠤ ᠶ᠋ᠢᠨ ᠬᠣᠩᠬᠣᠷ ᠲᠤ ᠨᠣᠴᠣᠯᠳᠤᠨᠠ
( ᠭᠠᠷ ᠤᠬᠢᠶᠠᠬᠤ )
ᠠᠬᠠ ᠳᠡᠭᠦᠦ ᠠᠷᠪᠠᠭᠤᠯᠠ
ᠡᠳᠦᠷ ᠨᠡᠢᠯᠡᠵᠦ ᠦᠳᠡᠰᠢ ᠰᠠᠯᠤᠨᠠ
( ᠳᠡᠪᠡᠯ ᠦ᠋ᠨ ᠲᠣᠪᠴᠢ )
ᠠᠬᠠ ᠳᠡᠭᠦᠦ ᠠᠷᠪᠠᠭᠤᠯᠠ
ᠨᠢᠭᠡ ᠯᠡ ᠳᠡᠷᠡ ᠲᠡᠢ
( ᠪᠠᠢᠰᠢᠩ ᠤ᠋ᠨ ᠨᠢᠷᠤᠭᠤ)
ᠠᠬᠠ ᠳᠡᠭᠦᠦ ᠬᠣᠶᠠᠷ ᠨᠢᠭᠡ ᠨᠠᠰᠤ ᠪᠠᠷ ᠢ᠋ᠶ᠋ᠠᠨ
ᠨᠢᠭᠤᠷ ᠨᠢᠭᠤᠷ ᠢ᠋ᠶ᠋ᠠᠨ ᠦᠵᠡᠬᠦ ᠦᠭᠡᠢ
( ᠡᠮᠡᠭᠡᠯ ᠦ᠋ᠨ ᠪᠦᠭᠦᠷᠭᠡ)
ᠠᠬᠠ ᠨᠢ ᠠᠵᠢᠯᠯᠠᠬᠤ ᠳ᠋ᠠᠭᠠᠨ ᠮᠠᠯᠠᠭᠠᠢ ᠪᠠᠨ ᠠᠪᠤᠨᠠ
ᠳᠡᠭᠦᠦ ᠨᠢ ᠠᠵᠢᠯᠯᠠᠬᠤ ᠳ᠋ᠠᠭᠠᠨ ᠰᠠᠬᠠᠯ ᠢ᠋ᠶ᠋ᠠᠨ ᠬᠤᠰᠤᠨᠠ
ᠡᠭᠡᠴᠢ ᠨᠢ ᠠᠵᠢᠯᠯᠠᠬᠤ ᠳ᠋ᠠᠭᠠᠨ ᠦᠰᠦ ᠪᠡᠨ ᠤᠬᠢᠶᠠᠨᠠ
ᠥᠬᠢᠨ ᠳᠡᠭᠦᠦ ᠨᠢ ᠠᠵᠢᠯᠯᠠᠬᠤ ᠳ᠋ᠠᠭᠠᠨ ᠣ ᠲᠦᠷᠬᠢᠨᠡ
( ᠦᠰᠦᠨ ᠪᠢᠷ᠂ ᠬᠠᠷᠠᠨᠳᠠ᠂ ᠪᠣᠯᠣᠳ ᠪᠢᠷ᠂ ᠣ ᠶ᠋ᠢᠨ ᠪᠢᠷ)
ᠠᠬᠠ ᠶ᠋ᠢᠨ ᠡᠭᠦᠳᠡ ᠬᠠᠭᠠᠭᠠᠰᠤᠲᠠᠢ
ᠳᠡᠭᠦᠦ ᠶ᠋ᠢᠨ ᠡᠭᠦᠳᠡ ᠨᠡᠬᠡᠭᠡᠰᠦᠲᠡᠢ
( ᠬᠣᠨᠢ᠂ ᠢᠮᠠᠭᠠᠨ ᠤ᠋ ᠰᠡᠭᠦᠯ)
ᠠᠭᠠᠯ ᠪᠠᠯ ᠤ᠋ᠨ ᠬᠠᠲᠤᠨ
ᠠᠷᠪᠠᠨ ᠬᠣᠶᠠᠷ ᠳᠠᠭᠠᠯᠲᠠ ᠲᠠᠢ
ᠬᠣᠶᠠᠷ ᠳᠤᠷᠳᠤᠩ ᠠᠯᠴᠢᠭᠤᠷ ᠲᠠᠢ
ᠨᠢᠭᠡ ᠮᠥᠩᠭᠥᠨ ᠬᠠᠯᠪᠠᠭᠠ ᠲᠠᠢ
( ᠬᠣᠨᠢᠨ ᠡᠪᠴᠢᠭᠦᠦ )
ᠠᠭᠠᠯᠵᠢ ᠬᠠᠭᠠᠨ ᠤ᠋ ᠬᠠᠲᠤᠨ
ᠠᠷᠪᠠᠨ ᠬᠣᠶᠠᠷ ᠵᠡᠭᠦᠪᠴᠢ ᠲᠡᠢ
ᠨᠢᠭᠡ ᠮᠥᠩᠭᠥᠨ ᠬᠠᠯᠪᠠᠭᠠ ᠲᠠᠢ
( ᠡᠪᠴᠢᠭᠦᠦ )
ᠠᠭᠤᠢ ᠳᠣᠲᠣᠷᠠ ᠠᠯᠠᠭ ᠪᠥᠮᠪᠥᠭᠡ
( ᠨᠢᠳᠦ )
ᠠᠭᠤᠯᠠᠨ ᠠ᠋ᠴᠠ ᠥᠨᠳᠥᠷ
ᠡᠪᠡᠰᠦᠨ ᠡᠴᠡ ᠠᠯᠴᠠᠭᠠᠷ
( ᠵᠠᠮ )
ᠠᠭᠤᠯᠠ ᠲᠣᠭᠣᠷᠢᠭᠰᠠᠨ
ᠤᠯᠠᠭᠠᠨ ᠪᠢᠷᠠᠭᠤ
( ᠲᠠᠲᠠᠭᠤᠷ ᠤ᠋ᠨ ᠱ᠌ᠢᠷᠦ)
ᠠᠭᠤᠯᠠ ᠶ᠋ᠢᠨ ᠠᠷᠤ ᠳ᠋ᠤ᠌
ᠲᠠᠤᠯᠠᠢ ᠶ᠋ᠢᠨ ᠬᠡᠪᠲᠡᠷᠢ
( ᠰᠢᠯᠢᠨ ᠦ᠌ ᠬᠣᠩᠬᠣᠷᠬᠠᠢ)
ᠠᠯᠠᠭ ᠪᠢᠷᠠᠭᠤ
ᠠᠷᠭᠠᠯ ᠤ᠋ᠨ ᠬᠣᠭ ᠳᠠᠭᠠᠭᠠᠬᠤ ᠦᠭᠡᠢ
( ᠨᠢᠳᠦ )
ᠠᠯᠢᠶᠠ ᠪᠠᠨᠳᠢ
ᠠᠯᠠ ᠪᠠᠷ ᠢ᠋ᠶ᠋ᠠᠨ ᠨᠠᠭᠠᠳᠤᠨᠠ
( ᠬᠣᠩᠬᠣ )
ᠠᠯᠲᠠ ᠶ᠋ᠢ ᠨᠢ ᠠᠪᠤᠭᠠᠳ
ᠠᠪᠳᠠᠷᠠ ᠶ᠋ᠢ ᠨᠢ ᠬᠠᠶᠠᠪᠠ
( ᠴᠢᠮᠥᠭᠡ ᠢᠳᠡᠬᠦ )
ᠠᠯᠲᠠᠨ ᠲᠡᠮᠡᠭᠡ ᠠᠩᠭᠠᠰ ᠬᠢᠨᠡ
ᠠᠷᠭᠠᠮᠵᠢᠶᠠ ᠶ᠋ᠢᠨ ᠦᠵᠦᠭᠦᠷ ᠭᠢᠯᠠᠰ ᠬᠢᠨᠡ
( ᠭᠢᠯᠪᠠᠭᠠ )
ᠠᠯᠲᠠᠢ ᠬᠠᠩᠭᠠᠢ ᠶ᠋ᠢᠨ ᠳᠠᠪᠠᠭᠠᠨ ᠳᠡᠭᠡᠷᠡ
ᠠᠷᠪᠠᠨ ᠠᠳᠤᠭᠤ ᠪᠠᠢᠨᠠ
ᠲᠣᠭᠠ ᠶ᠋ᠢ ᠨᠢ ᠠᠪᠤᠭᠰᠠᠨ ᠳᠣᠯᠣᠭᠠ ᠪᠠᠢᠨᠠ
ᠲᠣᠪᠴᠢᠯᠠᠭᠰᠠᠨ ᠨᠢ ᠭᠤᠷᠪᠠ ᠪᠠᠢᠨᠠ
( ᠳᠣᠬᠢᠭᠤᠷ ᠳᠣᠯᠣᠭᠠ᠂ ᠭᠤᠷᠪᠠᠨ ᠨᠣᠬᠠᠢ᠂ ᠣᠳᠣ)
ᠠᠯᠲᠠᠯᠠᠬᠤ ᠳ᠋ᠤ᠌ ᠠᠷᠪᠠᠨ ᠬᠣᠶᠠᠷ ᠠᠯᠲᠠ
ᠠᠮᠠᠯᠠᠬᠤ ᠳ᠋ᠤ᠌ ᠭᠤᠷᠪᠠᠨ ᠵᠠᠭᠤᠨ ᠵᠢᠷᠠᠨ ᠠᠯᠲᠠ
( ᠵᠢᠯ᠂ ᠰᠠᠷᠠ᠂ ᠡᠳᠦᠷ )
ᠠᠯᠴᠠᠢᠬᠤ ᠳ᠋ᠤ᠌ ᠪᠤᠯᠲᠠᠢᠨᠠ
( ᠳᠡᠪᠡᠯ ᠲᠣᠪᠴᠢᠯᠠᠬᠤ )
ᠠᠯᠴᠠᠩ ᠠᠯᠴᠠᠩ ᠠᠯᠬᠤᠳᠠᠯ ᠲᠠᠢ
ᠠᠯᠲᠠᠨ ᠬᠠᠯᠪᠠᠭᠠ ᠠᠮᠠ ᠲᠠᠢ
ᠠᠯᠠᠭ ᠡᠷᠢᠶᠡᠨ ᠬᠦᠵᠦᠭᠦᠦ ᠲᠡᠢ
ᠠᠯᠠᠭᠠ ᠨᠢ ᠪᠢᠲᠡᠭᠦᠦ ᠲᠠᠪᠠᠭ ᠲᠠᠢ
( ᠨᠤᠭᠤᠰᠤ )
ᠠᠯᠴᠠᠭᠠᠷ ᠡᠪᠦᠭᠡᠨ
ᠠᠯᠠ ᠪᠠᠷ ᠢ᠋ᠶ᠋ᠠᠨ ᠪᠠᠷᠬᠢᠷᠠᠨᠠ
( ᠬᠣᠩᠬᠣ )
ᠠᠮᠠ ᠳᠥᠷᠪᠡᠯᠵᠢᠨ ᠪᠡᠶᠡ ᠲᠡᠢ
ᠠᠯᠲᠠ ᠰᠢᠬᠠᠮ ᠰᠡᠭᠦᠯ ᠲᠡᠢ
( ᠬᠦᠷᠵᠡ )
ᠠᠮᠠ ᠦᠭᠡᠢ ᠪᠠᠢᠲᠠᠯᠠ ᠪᠠᠨ ᠰᠢᠳᠦ ᠲᠡᠢ
ᠬᠥᠯ ᠦᠭᠡᠢ ᠪᠠᠢᠲᠠᠯᠠ ᠪᠠᠨ ᠭᠠᠷ ᠲᠠᠢ
( ᠬᠢᠷᠥᠭᠡ )
ᠠᠮᠲᠠ ᠦᠭᠡᠢ ᠶᠠᠭᠤᠮᠠ ᠶ᠋ᠢ ᠠᠯᠪᠠ ᠪᠠᠷ ᠤᠤᠭᠤᠨᠠ
ᠠᠭᠠᠰᠢᠯᠠᠭᠠᠳ ᠤᠤᠭᠤᠬᠤ ᠦᠭᠡᠢ ᠪᠣᠯ ᠠᠮᠢᠨ ᠳ᠋ᠤ᠌ ᠠᠶᠤᠯ ᠪᠣᠯᠤᠨᠠ
( ᠡᠮ ᠤᠤᠭᠤᠬᠤ )
ᠠᠲᠠᠨ ᠲᠡᠮᠡᠭᠡ ᠠᠩᠭᠠᠰ ᠬᠢᠨᠡ
ᠠᠯᠤᠰ ᠬᠣᠯᠠ ᠬᠦᠯᠢᠰ ᠬᠢᠨᠡ
( ᠰᠤᠮᠤ ᠬᠠᠷᠪᠤᠬᠤ)
ᠠᠳᠬᠤᠨ ᠳ᠋ᠤ᠌ ᠪᠠᠭᠲᠠᠨᠠ
ᠠᠪᠳᠠᠷᠠ ᠳ᠋ᠤ᠌ ᠪᠠᠭᠲᠠᠬᠤ ᠦᠭᠡᠢ
( ᠤᠷᠭᠠ )
ᠠᠳᠬᠤᠬᠤ ᠳ᠋ᠤ᠌ ᠠᠳᠬᠤ ᠳᠦᠭᠦᠷᠬᠦ ᠦᠭᠡᠢ
ᠲᠠᠯᠪᠢᠪᠠᠯ ᠲᠠᠯᠠ ᠳᠦᠭᠦᠷᠦᠨᠡ
( ᠨᠢᠳᠦ )
ᠠᠷᠵᠠᠭᠠᠲᠠᠢ ᠡᠪᠦᠭᠡᠨ ᠵᠠᠳᠠᠭᠠᠯᠠᠭᠠᠳ
ᠠᠷᠪᠠᠨ ᠬᠥᠮᠦᠨ ᠢ᠋ ᠮᠣᠷᠳᠠᠭᠤᠯᠪᠠ
ᠱᠣᠨᠳᠤᠳᠠᠢ ᠪᠥᠬᠡ ᠶ᠋ᠢ ᠠᠪᠴᠢᠷᠠᠭᠠᠳ
ᠰᠢᠪᠲᠤ ᠨᠡᠪᠲᠡ ᠬᠠᠳᠬᠤᠪᠠ
( ᠰᠢᠳᠦ ᠰᠢᠭᠢᠴᠢᠯᠡᠬᠦ )
ᠠᠷᠢᠭᠤᠨ ᠴᠠᠭᠠᠨ ᠪᠡᠶᠡ ᠲᠡᠢ
ᠠᠰᠬᠠᠨ ᠲᠥᠷᠥᠭᠰᠡᠨ ᠨᠢᠭᠡ ᠵᠠᠯᠠᠭᠤ
ᠤᠴᠢᠷ ᠦᠭᠡᠢ ᠪᠡᠷ ᠪᠤᠰᠤᠳ ᠤ᠋ᠨ ᠲᠥᠯᠥᠭᠡ
ᠤᠬᠢᠯᠠᠭᠰᠠᠭᠠᠷ ᠨᠢᠭᠡ ᠨᠠᠰᠤ ᠪᠠᠷᠠᠪᠠ
( ᠯᠠ )
ᠠᠷᠪᠠᠨ ᠯᠠᠮᠠ ᠠᠮᠠᠰᠠᠷ ᠢ᠋ ᠪᠠᠷᠢᠨᠠ
ᠲᠠᠪᠤᠨ ᠯᠠᠮᠠ ᠳᠣᠲᠣᠷᠠ ᠬᠦᠷᠦᠨᠡ
( ᠣᠢᠮᠣᠰᠤ ᠡᠮᠦᠰᠬᠦ )
ᠠᠷᠪᠠᠨ ᠬᠥᠮᠦᠨ ᠠᠷᠵᠠᠭᠠᠲᠠᠢ ᠶ᠋ᠢ ᠮᠣᠷᠳᠠᠭᠤᠯᠪᠠ
ᠬᠣᠷᠢᠨ ᠬᠥᠮᠦᠨ ᠬᠣᠷᠴᠢᠭᠠᠲᠠᠢ ᠶ᠋ᠢ ᠮᠣᠷᠳᠠᠭᠤᠯᠪᠠ
( ᠮᠠᠯᠠᠭᠠᠢ ᠭᠤᠲᠤᠯ ᠡᠮᠦᠰᠬᠦ)
ᠠᠷᠪᠠᠨ ᠬᠣᠶᠠᠷ ᠥᠷᠲᠡᠭᠡ ᠲᠡᠢ
ᠥᠷᠲᠡᠭᠡ ᠪᠦᠷᠢ ᠨᠢ ᠬᠡᠮᠵᠢᠶᠡ ᠲᠡᠢ
ᠠᠯᠪᠠᠨ ᠤ᠋ ᠬᠣᠶᠠᠷ ᠡᠯᠴᠢ ᠲᠡᠢ
ᠡᠯᠴᠢ ᠪᠦᠷᠢ ᠲᠤᠰᠢᠶᠠᠯ ᠲᠠᠢ
( ᠴᠠᠭ )
ᠠᠷᠪᠠᠨ ᠬᠣᠶᠠᠷ ᠠᠳᠤᠭᠤ
ᠬᠣᠶᠠᠷ ᠠᠵᠢᠷᠭᠠ ᠲᠠᠢ
ᠬᠣᠶᠠᠷ ᠠᠵᠢᠷᠭᠠ ᠶ᠋ᠢᠨ
ᠪᠥᠭᠡᠷᠡ ᠨᠢ ᠴᠣᠭᠣᠷᠬᠠᠢ
ᠬᠣᠶᠠᠷ ᠨᠢ ᠬᠠᠷᠠ ᠰᠤᠪᠠᠢ
ᠨᠠᠢ᠍ᠮᠠ ᠨᠢ ᠬᠡᠭᠡᠯ ᠲᠡᠢ
( ᠬᠣᠨᠢᠨ ᠤ᠋ 12 ᠮᠥᠴᠢ)
ᠠᠷᠪᠠᠢ ᠳᠠᠷᠪᠠᠢ ᠮᠠᠲᠠᠷ ᠲᠠᠢ
ᠠᠷᠰᠢ ᠶ᠋ᠢᠨ ᠱᠦᠭᠦᠷ ᠦᠨᠦᠷ ᠲᠡᠢ
ᠠᠯᠢ ᠭᠠᠵᠠᠷ ᠤ᠋ᠨ ᠴᠣᠢᠵᠢᠨ ᠪᠣᠢ
( ᠦᠮᠡᠬᠡᠢ ᠴᠣᠬᠣ )
ᠢᠷᠪᠠᠢ ᠨᠢ ᠵᠢᠷᠪᠠᠢ ᠳ᠋ᠠᠭᠠᠨ ᠥᠭᠪᠡ
ᠵᠢᠷᠪᠠᠢ ᠨᠢ ᠨᠢᠴᠦᠭᠦᠨ ᠳ᠋ᠡᠭᠡᠨ ᠥᠭᠪᠡ
ᠨᠢᠴᠦᠭᠦᠨ ᠨᠢ ᠨᠦᠬᠡᠨ ᠳ᠋ᠡᠭᠡᠨ ᠬᠢᠪᠡ
( ᠬᠣᠭᠣᠯᠠ ᠢᠳᠡᠬᠦ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 04 18