ᠠᠷᠪᠠᠨ ᠬᠣᠶᠠᠷ ᠪᠦᠵᠢᠭᠴᠢᠨ ᠭᠦᠩᠵᠦбүжигчин гүнж_Dancing Princess
802ᠠᠷᠪᠠᠨ ᠬᠣᠶᠠᠷ ᠪᠦᠵᠢᠭᠴᠢᠨ ᠭᠦᠩᠵᠦ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠠᠷᠪᠠᠨ ᠬᠣᠶᠠᠷ ᠥᠬᠢᠨ ᠲᠡᠢ ᠨᠢᠭᠡᠨ ᠬᠠᠭᠠᠨ ᠪᠠᠢᠵᠠᠢ᠃ ᠠᠷᠪᠠᠨ ᠬᠣᠶᠠᠷ ᠭᠦᠩᠵᠦ ᠭᠡᠰᠡᠨ ᠦᠭᠡ ᠰᠢᠦ ᠳᠡ᠂ ᠪᠦᠭᠦᠳᠡ ᠨᠢᠭᠡ ᠨᠢ ᠨᠥᠭᠦᠭᠡ ᠡᠴᠡ ᠪᠡᠨ ᠢᠯᠡᠭᠦᠦ ᠬᠥᠭᠡᠷᠦᠬᠦᠨ᠂ᠪᠦᠭᠦᠳᠡ ᠵᠠᠯᠠᠭᠤ ᠪᠦᠰᠡᠭᠦᠢᠴᠦᠳ ᠪᠣᠯᠵᠠᠢ᠃ ᠬᠠᠭᠠᠨ ᠭᠦᠩᠵᠦ ᠨᠠᠷ ᠢ᠋ᠶ᠋ᠠᠨ ᠭᠡᠷᠯᠡᠭᠦᠯᠬᠦ ᠠᠷᠭᠠ ᠪᠣᠳᠣᠵᠤ ᠣᠯᠵᠠᠢ᠃ ᠭᠡᠪᠡᠴᠦ ᠤᠳᠠᠯ ᠦᠭᠡᠢ ᠬᠠᠭᠠᠨ ᠠᠷᠪᠠᠨ ᠬᠣᠶᠠᠷ ᠭᠦᠩᠵᠦ ᠨᠢ ᠰᠥᠨᠢᠵᠢᠨ ᠪᠥᠵᠢᠭᠯᠡᠳᠡᠭ ᠪᠣᠯᠬᠤ ᠶ᠋ᠢ ᠣᠯᠵᠤ ᠮᠡᠳᠡᠯᠡ᠃ ᠲᠡᠳᠡᠨ ᠦ᠌ ᠬᠠᠮᠢᠭᠠ ᠣᠴᠢᠭᠰᠠᠨ ᠢ᠋ ᠰᠢᠯᠲᠦᠭᠡᠨ ᠳ᠋ᠦ᠍ ᠮᠡᠳᠡᠬᠦ ᠬᠥᠮᠦᠨ ᠪᠠᠢᠭᠰᠠᠨ ᠦᠭᠡᠢ᠃ ᠬᠠᠭᠠᠨ ᠤ᠋ ᠰᠠᠨᠠᠭᠠ ᠵᠣᠪᠠᠯᠠ᠃ ᠲᠡᠷᠡ ᠭᠦᠩᠵᠦ ᠨᠠᠷ ᠢ᠋ᠶ᠋ᠠᠨ ᠭᠠᠳᠠᠭᠰᠢ ᠨᠢ ᠭᠠᠷᠭᠠᠬᠤ ᠦᠭᠡᠢ ᠭᠡᠵᠦ ᠬᠠᠭᠠᠯᠭᠠ ᠶ᠋ᠢ ᠨᠢ ᠴᠣᠣᠵᠢᠯᠠᠳᠠᠭ ᠪᠠᠢᠵᠠᠢ᠃ ᠭᠡᠪᠡᠴᠦ ᠭᠦᠩᠵᠦ ᠨᠠᠷ ᠤ᠋ᠨ ᠭᠤᠲᠤᠯ ᠴᠣᠭᠣᠷᠠᠭᠰᠠᠨ ᠢ᠋ ᠬᠠᠷᠠᠭᠠᠳ ᠪᠦᠬᠦ ᠬᠢᠴᠢᠶᠡᠯ ᠵᠢᠳᠬᠦᠯ ᠨᠢ ᠲᠠᠯᠠᠭᠠᠷ ᠪᠣᠯᠤᠭᠰᠠᠨ ᠢ᠋ ᠬᠠᠭᠠᠨ ᠮᠡᠳᠡᠯᠡ᠃ ᠬᠠᠭᠠᠨ ᠤ᠋ ᠰᠠᠨᠠᠭᠠ ᠵᠣᠪᠠᠵᠤ ᠨᠢᠭᠡᠨ ᠮᠡᠳᠡᠭᠳᠡᠯ ᠭᠠᠷᠭᠠᠵᠠᠢ᠃
《 ᠭᠦᠩᠵᠦ ᠨᠠᠷ ᠤ᠋ᠨ ᠪᠥᠵᠢᠭ ᠦ᠋ᠨ ᠲᠠᠯᠠ ᠪᠠᠷ ᠬᠢ ᠨᠢᠭᠤᠴᠠ ᠶ᠋ᠢ ᠣᠯᠵᠤ ᠮᠡᠳᠡᠭᠰᠡᠨ ᠬᠡᠨ ᠪᠣᠯᠪᠠᠴᠤ ᠬᠦᠰᠡᠭᠰᠡᠨ ᠭᠦᠩᠵᠦ ᠲᠡᠢ ᠪᠡᠨ ᠭᠡᠷᠯᠡᠬᠦ ᠪᠣᠯᠣᠮᠵᠢᠲᠠᠢ ᠪᠣᠯᠵᠤ᠂ ᠲᠡᠭᠡᠭᠡᠳ ᠪᠠᠰᠠ ᠨᠠᠮᠠ ᠶ᠋ᠢ ᠦᠬᠦᠭᠰᠡᠨ ᠦ᠌ ᠳᠠᠷᠠᠭᠠ ᠬᠠᠭᠠᠨ ᠪᠣᠯᠤᠨᠠ ᠭᠡᠰᠡᠨ ᠦᠭᠡ᠂ ᠭᠡᠪᠡᠴᠦ ᠲᠡᠷᠡ ᠬᠥᠮᠦᠨ ᠭᠤᠷᠪᠠ ᠬᠣᠨᠣᠭ ᠤ᠋ᠨ ᠳᠣᠲᠣᠷᠠ ᠨᠢᠭᠤᠴᠠ ᠶ᠋ᠢ ᠣᠯᠵᠤ ᠴᠢᠳᠠᠬᠤ ᠦᠭᠡᠢ ᠪᠣᠯ ᠠᠮᠢ ᠪᠠᠨ ᠠᠯᠳᠠᠨᠠ ᠭᠡᠰᠡᠨ ᠦᠭᠡ
ᠰᠢᠦ》
ᠡᠨᠡ ᠮᠡᠳᠡᠭᠡ ᠰᠠᠯᠬᠢ ᠮᠡᠲᠦ ᠲᠠᠷᠬᠠᠵᠤ ᠤᠳᠠᠯ ᠦᠭᠡᠢ ᠨᠢᠭᠡᠨ ᠬᠠᠨ ᠬᠦᠦ ᠭᠦᠩᠵᠦ ᠨᠠᠷ ᠤ᠋ᠨ ᠨᠢᠭᠤᠴᠠ ᠶ᠋ᠢ ᠣᠯᠵᠤ ᠮᠡᠳᠡᠬᠦ ᠪᠡᠷ ᠵᠣᠷᠢᠭ ᠰᠢᠯᠤᠭᠤᠳᠪᠠ᠃
《ᠪᠢ ᠪᠣᠯ ᠲᠠᠨ ᠤ᠋ ᠬᠦᠷᠰᠢ ᠬᠠᠭᠠᠨᠲᠤ ᠤᠯᠤᠰ ᠤ᠋ᠨ ᠬᠠᠨ ᠬᠦᠦ ᠪᠠᠢᠨᠠ᠂ ᠪᠠᠰᠠ ᠪᠢ ᠭᠦᠩᠵᠦ ᠨᠠᠷ ᠤ᠋ᠨ ᠨᠢᠭᠤᠴᠠ ᠶ᠋ᠢ ᠣᠯᠵᠤ ᠮᠡᠳᠡᠬᠦ ᠪᠡᠷ ᠡᠨᠳᠡ ᠬᠦᠷᠦᠯᠴᠡᠨ ᠢᠷᠡᠯᠡ》
ᠲᠡᠭᠦᠨ ᠢ᠋ ᠬᠠᠭᠠᠨ ᠤ᠋ ᠣᠷᠳᠣᠨ ᠬᠠᠯᠠᠭᠤᠨ ᠳᠣᠲᠣᠨᠣ ᠪᠠᠷ ᠬᠦᠯᠢᠶᠡᠵᠦ ᠠᠪᠤᠯᠠ᠂ ᠣᠷᠣᠢ ᠶ᠋ᠢᠨ ᠵᠣᠭᠣᠭ ᠤ᠋ᠨ ᠳᠠᠷᠠᠭᠠ ᠬᠠᠨ ᠬᠦᠦ ᠳ᠋ᠦ᠍ ᠤᠨᠲᠠᠬᠤ ᠥᠷᠭᠥᠭᠡ ᠭᠠᠷᠭᠠᠵᠤ ᠥᠭᠪᠡ᠃ ᠲᠡᠷᠡ ᠥᠷᠭᠥᠭᠡ ᠭᠦᠩᠵᠦ ᠨᠠᠷ ᠤ᠋ᠨ ᠥᠷᠭᠥᠭᠡ ᠶ᠋ᠢᠨ ᠳᠡᠷᠭᠡᠳᠡ ᠪᠠᠢᠳᠠᠭ᠃ ᠲᠡᠭᠦᠨ ᠦ᠌ ᠣᠷᠣ ᠶ᠋ᠢ ᠭᠦᠩᠵᠦ ᠨᠠᠷ ᠢ᠋ ᠬᠠᠮᠢᠭᠠ ᠣᠴᠢᠵᠤ ᠪᠥᠵᠢᠭᠯᠡᠳᠡᠭ ᠢ᠋ ᠰᠢᠭᠤᠳ ᠬᠠᠷᠠᠵᠤ ᠪᠣᠯᠬᠤ ᠪᠠᠷ ᠭᠠᠵᠠᠷ ᠲᠤ ᠲᠠᠯᠪᠢᠵᠠᠢ᠃ ᠭᠦᠩᠵᠦ ᠨᠠᠷ ᠤ᠋ᠨ ᠦᠷᠭᠦᠭᠡᠨ ᠦ᠌ ᠬᠠᠭᠠᠯᠭᠠ ᠶ᠋ᠢ ᠨᠡᠭᠡᠭᠡᠯᠲᠡ ᠲᠡᠢ ᠣᠷᠬᠢᠯᠠ. ᠬᠠᠨ ᠬᠦᠦ ᠦᠷᠭᠦᠭᠡᠨ ᠳ᠋ᠦ᠍ ᠪᠡᠨ ᠪᠠᠢᠪᠠ᠃ ᠬᠣᠶᠠᠷ ᠭᠦᠩᠵᠦ ᠲᠡᠭᠦᠨ ᠳᠡᠭᠡᠷᠡ ᠢᠷᠡᠵᠦ ᠬᠤᠨᠳᠠᠭᠠ ᠳᠠᠷᠠᠰᠤ ᠪᠠᠷᠢᠯᠠ᠃ ᠬᠠᠨ ᠬᠦᠦ ᠳᠠᠷᠠᠰᠤ ᠤᠤᠭᠤᠭᠠᠳ ᠭᠦᠩᠵᠦ ᠨᠠᠷ ᠶᠠᠭᠤ ᠬᠢᠳᠡᠭ ᠢ᠋ ᠠᠵᠢᠭᠯᠠᠵᠤ ᠡᠬᠢᠯᠡᠯᠡ᠂ ᠲᠡᠷᠡ ᠬᠡᠰᠡᠭ ᠰᠠᠭᠤᠭᠠᠳ ᠲᠣᠯᠣᠭᠠᠢ ᠨᠢ ᠬᠦᠨᠳᠦᠷᠡᠵᠦ ᠨᠠᠮ ᠤᠨᠲᠠᠭᠠᠳ ᠥᠭᠭᠦᠯᠡ᠃ ᠥᠷᠯᠥᠭᠡ ᠰᠡᠷᠡᠲᠡᠯᠡ ᠭᠦᠩᠵᠦ ᠨᠠᠷ ᠬᠡᠵᠢᠶᠡᠨ ᠦ᠌ ᠪᠥᠵᠢᠭᠯᠡᠭᠡᠳ ᠠᠮᠵᠢᠭᠰᠠᠨ ᠪᠠᠢᠪᠠ᠃ ᠳᠠᠷᠠᠭᠠ ᠶ᠋ᠢᠨ ᠬᠣᠶᠠᠷ ᠰᠥᠨᠢ ᠴᠤ᠌ ᠪᠠᠰᠠ ᠯᠠ ᠡᠢᠮᠦ ᠶᠠᠭᠤᠮᠠ ᠪᠣᠯᠤᠯᠠ᠂ ᠳᠥᠷᠪᠡᠳᠡᠬᠢ ᠡᠳᠦᠷ ᠨᠢ ᠬᠠᠨ ᠬᠦᠦ ᠬᠠᠭᠠᠨᠲᠠᠨ ᠳ᠋ᠤ᠌ ᠬᠠᠷᠢᠭᠤᠯᠲᠠ ᠣᠯᠵᠤ ᠥᠭᠴᠦ ᠴᠢᠳᠠᠭᠠ ᠦᠭᠡᠢ ᠤᠴᠢᠷ ᠬᠠᠭᠠᠨ ᠶᠠᠮᠠᠷ ᠴᠤ᠌ ᠥᠷᠥᠰᠢᠶᠡᠯ ᠦᠭᠡᠢ ᠴᠠᠭᠠᠵᠠ ᠪᠠᠷ ᠠᠪᠴᠢᠬᠠᠪᠠ᠃ ᠳᠠᠷᠠᠭᠠ ᠨᠢ ᠣᠯᠠᠨ ᠬᠥᠮᠦᠨ ᠡᠨᠡ ᠦᠢᠯᠡᠰ ᠦ᠋ᠨ ᠲᠥᠯᠥᠭᠡ ᠵᠣᠷᠢᠭ ᠰᠢᠯᠤᠭᠤᠳᠤᠭᠰᠠᠨ ᠴᠤ᠌ ᠪᠦᠭᠦᠳᠡ ᠨᠢᠭᠤᠴᠠ ᠶ᠋ᠢ ᠣᠯᠵᠤ ᠴᠢᠳᠠᠭᠰᠠᠨ ᠦᠭᠡᠢ᠂ ᠬᠠᠭᠠᠨ ᠪᠦᠭᠦᠳᠡ ᠶ᠋ᠢᠨ ᠬᠢᠨᠢ ᠲᠣᠯᠣᠭᠠᠢ ᠶ᠋ᠢ ᠠᠪᠤᠯᠠ᠃ ᠬᠠᠭᠠᠨ ᠲᠣᠯᠣᠭᠠᠢ ᠶ᠋ᠢ ᠨᠢ ᠠᠪᠴᠤ ᠪᠠᠢᠭᠠ ᠳ᠋ᠤ᠌ ᠪᠠᠨ ᠪᠠᠶᠠᠷᠯᠠᠭᠠ ᠦᠭᠡᠢ᠂ ᠪᠠᠰᠠ ᠲᠡᠭᠦᠨ ᠳ᠋ᠦ᠍ ᠭᠦᠩᠵᠦ ᠨᠠᠷ ᠤ᠋ᠨ ᠪᠥᠵᠢᠭ ᠦ᠋ᠨ ᠨᠢᠭᠤᠴᠠ ᠶ᠋ᠢ ᠣᠯᠵᠤ ᠴᠢᠳᠠᠬᠤ ᠦᠭᠡᠢ ᠭᠡᠵᠦ ᠬᠡᠯᠡᠵᠡᠢ᠃
ᠡᠵᠡᠨᠲᠦ ᠭᠦᠷᠦᠨ ᠳ᠋ᠦ᠍ ᠭᠡᠮᠲᠦᠯ ᠠᠪᠤᠭᠰᠠᠨ ᠠ᠋ᠴᠠ ᠪᠠᠨ ᠪᠣᠯᠤᠭᠠᠳ ᠴᠡᠷᠢᠭ ᠡᠴᠡ ᠭᠠᠷᠤᠭᠰᠠᠨ ᠨᠢᠭᠡᠨ ᠴᠡᠷᠢᠭ ᠪᠠᠢᠵᠠᠢ᠃ ᠠᠮᠢᠳᠤᠷᠠᠯ ᠳ᠋ᠤ᠌ ᠪᠠᠨ ᠬᠢᠬᠦ ᠶᠠᠭᠤᠮᠠ ᠦᠭᠡᠢ ᠪᠣᠯᠤᠭᠰᠠᠨ ᠲᠡᠷᠡ ᠬᠠᠭᠠᠨ ᠤ᠋ ᠣᠷᠳᠣᠨ ᠤᠷᠤᠭᠤ ᠶᠠᠪᠤᠬᠤ ᠪᠠᠷ ᠰᠢᠢᠳᠦᠯᠡ᠂ ᠨᠡᠢᠰᠯᠡᠯ ᠤᠷᠤᠭᠤ ᠶᠠᠪᠤᠬᠤ ᠵᠠᠮ ᠳ᠋ᠤ᠌ ᠪᠠᠨ ᠲᠡᠷᠡ ᠨᠢᠭᠡᠨ ᠡᠮᠡᠭᠡᠨ ᠳ᠋ᠦ᠍ ᠲᠤᠰᠠᠯᠠᠵᠠᠢ᠃ ᠡᠮᠡᠭᠡᠨ ᠲᠡᠭᠦᠨ ᠳ᠋ᠦ᠍ ᠲᠠᠯᠠᠷᠬᠠᠭᠠᠳ ᠢᠩᠭᠢᠵᠦ ᠠᠰᠠᠭᠤᠪᠠ᠄《ᠬᠠᠮᠢᠭᠠᠰᠢ ᠪᠠᠨ ᠶᠠᠪᠤᠵᠤ ᠪᠠᠢᠭᠠ ᠶᠤᠮ?》
《 ᠮᠡᠳᠡᠬᠦ ᠦᠭᠡᠢ᠂ ᠬᠠᠭᠠᠨ ᠤ᠋ ᠣᠷᠳᠣᠨ ᠤᠷᠤᠭᠤ ᠯᠠ ᠶᠠᠪᠤᠳᠠᠭ ᠶᠤᠮ ᠤᠤ ᠭᠡᠳ ᠶᠠᠪᠤᠵᠤ ᠯᠠ ᠪᠠᠢᠨᠠ》
《 ᠦ᠂ ᠭᠦᠩᠵᠦ ᠨᠠᠷ ᠤ᠋ᠨ ᠲᠥᠯᠥᠭᠡ ᠤᠤ?》
《 ᠦᠭᠡᠢ᠂ ᠭᠦᠩᠵᠦ ᠨᠠᠷ ᠶᠠᠮᠠᠷ ᠬᠠᠮᠢᠶᠠᠲᠠᠢ ᠶᠤᠮ ᠪᠣᠢ?》
《ᠬᠠᠭᠠᠨ ᠤ᠋ ᠵᠠᠷᠯᠠᠯ ᠤ᠋ᠨ ᠲᠠᠯᠠ ᠪᠠᠷ ᠮᠡᠳᠡᠭᠡ ᠦᠭᠡᠢ ᠶᠦ᠍ᠮ ᠤᠤ?》
《 ᠠ᠁ ᠪᠢ ᠲᠡᠷᠡ ᠲᠠᠯᠠ ᠪᠠᠷ ᠰᠣᠨᠣᠰᠤᠭᠰᠠᠨ ᠭᠡᠬᠦ ᠳ᠋ᠦ᠍ ᠪᠡᠨ ᠪᠢ ᠲᠡᠭᠡᠵᠦ ᠵᠣᠷᠢᠭᠯᠠᠪᠠᠯ ᠠᠮᠢ ᠪᠠᠨ ᠠᠯᠳᠠᠬᠤ ᠪᠠᠢᠬᠤ ᠭᠡᠵᠦ ᠪᠣᠳᠣᠵᠤ ᠪᠠᠢᠨᠠ ᠯᠠ ᠳᠠ᠂ ᠦᠵᠡᠭᠡᠳ ᠠᠯᠳᠠᠭᠰᠠᠨ ᠣᠯᠠᠨ ᠬᠥᠮᠦᠨ ᠦ᠌ ᠠᠳᠠᠯᠢ ᠪᠠᠷ》
《ᠣᠷᠣᠨ ᠳ᠋ᠤ᠌ ᠪᠠᠨ ᠣᠷᠣᠬᠤ ᠶ᠋ᠢᠨ ᠴᠢᠨᠢ ᠡᠮᠦᠨᠡ ᠥᠭᠬᠦ ᠳᠠᠷᠠᠰᠤ ᠶ᠋ᠢ ᠯᠡ ᠤᠤᠭᠤᠵᠤ ᠪᠣᠯᠬᠤ ᠦᠭᠡᠢ ᠲᠡᠭᠡᠭᠡᠳ ᠤᠨᠲᠠᠭᠰᠠᠨ ᠳᠦᠷᠢ ᠡᠰᠬᠡ》
ᠡᠮᠡᠭᠡᠨ ᠢᠩᠭᠢᠵᠦ ᠬᠡᠯᠡᠭᠡᠳ ᠨᠢᠭᠡᠨ ᠨᠥᠮᠥᠷᠭᠡ ᠥᠭᠴᠡᠢ᠃
《ᠡᠨᠡ ᠨᠥᠮᠥᠷᠭᠡ ᠶ᠋ᠢ ᠨᠥᠮᠥᠷᠪᠡᠯ ᠴᠢ ᠦᠯᠦ ᠦᠵᠡᠭᠳᠡᠭᠴᠢ ᠪᠣᠯᠤᠨᠠ᠃ ᠲᠡᠷᠡ ᠠᠷᠪᠠᠨ ᠬᠣᠶᠠᠷ ᠭᠦᠩᠵᠦ ᠶ᠋ᠢ ᠳᠠᠭᠠᠬᠤ ᠳ᠋ᠤ᠌ ᠴᠢᠨᠢ ᠲᠤᠰᠠᠯᠠᠬᠤ ᠪᠣᠯᠤᠨᠠ》
ᠲᠡᠷᠡ ᠭᠡᠷ ᠦ᠋ᠨ ᠨᠥᠭᠦᠭᠡ ᠡᠮᠡᠭᠲᠡᠢ ᠳ᠋ᠦ᠍ ᠪᠠᠶᠠᠷᠯᠠᠭᠰᠠᠨ ᠢ᠋ᠶ᠋ᠠᠨ ᠬᠡᠯᠡᠭᠡᠳ ᠰᠢᠯᠲᠦᠭᠡᠨ ᠢ᠋ ᠵᠣᠷᠢᠯᠠ᠃ ᠬᠠᠭᠠᠨ ᠲᠡᠭᠦᠨ ᠢ᠋ ᠴᠤ᠌ ᠤᠭᠲᠤᠵᠤ ᠠᠪᠴᠠᠢ᠃ ᠴᠡᠷᠢᠭ ᠢ᠋ ᠪᠤᠰᠤᠳ ᠲᠠᠢ ᠠᠳᠠᠯᠢ ᠳᠠᠢᠯᠠᠵᠤ ᠴᠡᠢᠯᠡᠯᠡ᠃ ᠦᠳᠡᠰᠢ ᠪᠣᠯᠬᠤ ᠳ᠋ᠤ᠌ ᠲᠡᠭᠦᠨ ᠢ᠋ ᠭᠦᠩᠵᠦ ᠨᠠᠷ ᠤ᠋ᠨ ᠦᠷᠭᠦᠭᠡᠨ ᠦ᠌ ᠳᠡᠷᠭᠡᠳᠡᠬᠢ ᠦᠷᠭᠦᠭᠡᠨ ᠳ᠋ᠦ᠍ ᠣᠷᠣᠭᠤᠯᠤᠯᠠ᠂ ᠬᠡᠰᠡᠭ ᠬᠤᠭᠤᠴᠠᠭᠠᠨ ᠤ᠋ ᠳᠠᠷᠠᠭᠠ ᠤᠤᠭᠠᠨ ᠭᠦᠩᠵᠦ ᠴᠡᠷᠢᠭ ᠦ᠋ᠨ ᠥᠷᠥᠭᠡᠨ ᠳ᠋ᠦ᠍ ᠣᠷᠣᠵᠤ ᠢᠷᠡᠯᠡ᠃
《ᠰᠠᠢᠨ ᠪᠠᠢᠨᠠ ᠤᠤ? ᠭᠦᠩᠵᠦ ᠮᠢᠨᠢ》
《 ᠰᠠᠢᠨ᠂ ᠪᠢ ᠲᠠᠨ ᠳ᠋ᠤ᠌ ᠳᠠᠷᠠᠰᠤ ᠠᠪᠴᠢᠷᠠᠯᠠ ᠪᠢᠳᠡ ᠪᠦᠭᠦᠳᠡ ᠶ᠋ᠢᠨ ᠨᠠᠢᠷᠰᠠᠭ ᠵᠠᠩ ᠤ᠋ᠨ ᠪᠡᠯᠡᠭ ᠢ᠋ ᠬᠦᠯᠢᠶᠡᠵᠦ ᠠᠪᠤᠨᠠ ᠤᠤ?》
ᠴᠡᠷᠢᠭ ᠡᠨᠡ ᠲᠠᠯᠠ ᠪᠠᠷ ᠮᠡᠳᠡᠵᠦ ᠪᠠᠢᠯᠠ᠂ ᠳᠠᠷᠠᠰᠤ ᠶ᠋ᠢ ᠪᠦᠭᠦᠳᠡ ᠶ᠋ᠢ ᠠᠮᠠᠨ ᠳ᠋ᠤ᠌ ᠪᠠᠨ ᠬᠢᠭᠰᠡᠨ ᠴᠦ᠍ ᠵᠠᠯᠭᠢᠭᠰᠠᠨ ᠦᠭᠡᠢ ᠠᠮᠠᠨ ᠳᠣᠣᠷᠠ ᠪᠠᠨ ᠳᠠᠷᠠᠰᠤ ᠠᠭᠤᠰᠬᠠᠬᠤ ᠳᠠᠪᠤᠤ ᠬᠢᠵᠡᠢ᠃ ᠭᠦᠩᠵᠦ ᠶ᠋ᠢ ᠥᠷᠥᠭᠡᠨ ᠡᠴᠡ ᠭᠠᠷᠤᠭᠰᠠᠨ ᠤ᠋ ᠳᠠᠷᠠᠭᠠ ᠳᠠᠪᠤᠤ ᠶ᠋ᠢ ᠭᠠᠷᠭᠠᠭᠠᠳ ᠲᠡᠷᠡ ᠤᠨᠲᠠᠭᠰᠠᠨ ᠳᠦᠷᠢ ᠡᠰᠬᠡᠯᠡ᠃ ᠤᠨᠲᠠᠵᠤ ᠪᠠᠢᠭᠠ ᠶ᠋ᠢ ᠨᠢ ᠬᠠᠷᠠᠭᠠᠳ ᠭᠦᠩᠵᠦ ᠨᠠᠷ ᠪᠠᠶᠠᠷᠯᠠᠵᠠᠢ᠃ ᠪᠦᠭᠦᠳᠡ ᠭᠠᠳᠠᠭᠰᠢ ᠪᠠᠨ ᠭᠠᠷᠬᠤ ᠪᠠᠷ ᠭᠤᠶᠤᠵᠤ ᠭᠣᠣᠳᠠᠪᠠ᠃ ᠪᠦᠭᠦᠳᠡ ᠪᠡᠯᠡᠨ ᠪᠣᠯᠬᠤ ᠳ᠋ᠤ᠌ ᠤᠤᠭᠠᠨ ᠭᠦᠩᠵᠦ ᠣᠷᠣ ᠪᠠᠨ ᠲᠣᠭᠰᠢᠲᠠᠯᠠ ᠣᠷᠣ ᠨᠢ ᠭᠠᠵᠠᠷ ᠲᠤ ᠠᠭᠤᠰᠤᠨ ᠠᠯᠠᠭᠠ ᠪᠣᠯᠪᠠ᠃ ᠠᠷᠪᠠᠨ ᠬᠣᠶᠠᠷ ᠭᠦᠩᠵᠦ ᠨᠢᠭᠡ ᠨᠢᠭᠡ ᠪᠡᠷ ᠢ᠋ᠶ᠋ᠡᠨ ᠲᠡᠷᠡ ᠨᠦᠬᠡ ᠤᠷᠤᠭᠤ ᠪᠠᠭᠤᠯᠠ᠃ ᠴᠡᠷᠢᠭ ᠡᠷᠡ ᠡᠭᠦᠨ ᠢ᠋ ᠨᠢ ᠬᠠᠷᠠᠵᠤ ᠪᠠᠢᠪᠠ᠃ ᠲᠡᠷᠡ ᠨᠥᠮᠥᠷᠭᠡ ᠪᠡᠨ ᠨᠥᠮᠥᠷᠦᠭᠡᠳ ᠲᠡᠳᠡᠨ ᠢ᠋ ᠳᠠᠭᠠᠯᠠ᠃ ᠴᠡᠷᠢᠭ ᠡᠷᠡ ᠤᠳᠬᠤᠨ ᠭᠦᠩᠵᠦ ᠲᠡᠢ ᠬᠠᠮᠲᠤ ᠤᠷᠤᠭᠤᠳᠠᠪᠠ᠃ ᠱᠠᠲᠤᠨ ᠤ᠋ ᠲᠠᠯᠠ ᠳ᠋ᠤ᠌ ᠣᠷᠣᠭᠠᠳ ᠤᠳᠬᠤᠨ ᠭᠦᠩᠵᠦ ᠠᠶᠤᠵᠠᠢ᠃
《ᠨᠢᠭᠡ ᠬᠥᠮᠦᠨ ᠨᠠᠳᠠ ᠲᠠᠢ ᠬᠠᠮᠲᠤ ᠶᠠᠪᠤᠭᠠᠳ ᠪᠠᠢᠬᠤ ᠰᠢᠭ᠋ ᠪᠠᠢᠨᠠ》
《ᠬᠠᠷᠠᠩᠭᠤᠢ ᠳ᠋ᠤ᠌ ᠠᠯᠬᠤᠬᠤ ᠪᠠᠷ ᠬᠠᠶᠠ ᠲᠡᠭᠡᠵᠦ ᠰᠠᠨᠠᠭᠳᠠᠳᠠᠭ ᠶᠤᠮ ᠠ᠋᠂ ᠶᠠᠪᠤᠵᠠᠭᠠᠶᠠ》
ᠴᠡᠷᠢᠭ ᠡᠷᠡ ᠲᠡᠭᠦᠨ ᠦ᠌ ᠳᠠᠰᠢᠨᠵᠠ ᠠ᠋ᠴᠠ ᠵᠥᠭᠡᠯᠡᠨ ᠲᠠᠲᠠᠪᠠ᠂ ᠭᠦᠩᠵᠦ ᠪᠦᠷ ᠶᠡᠬᠡ ᠠᠶᠤᠵᠠᠢ᠃
《 ᠨᠢᠭᠡ ᠶᠠᠭᠤᠮᠠ ᠮᠢᠨᠦ ᠳᠠᠰᠢᠨᠵᠠᠨ ᠠ᠋ᠴᠠ ᠲᠠᠲᠠᠭᠠᠳ ᠪᠠᠢᠨᠠ ᠪᠢ ᠶᠡᠬᠡ ᠠᠶᠤᠵᠤ ᠪᠠᠢᠨᠠ》
《 ᠴᠢ ᠬᠠᠳᠠᠭᠠᠰᠤᠨ ᠳ᠋ᠤ᠌ ᠲᠡᠭᠡᠭᠯᠡᠭᠦᠯᠴᠢᠬᠡᠵᠡᠢ᠂ ᠬᠠᠳᠠᠭᠠᠰᠤᠨ ᠠ᠋ᠴᠠ ᠨᠢ ᠭᠠᠷᠭᠠᠭᠠᠳ ᠳᠠᠭᠠᠭᠠᠳ ᠶᠠᠪᠤ》
ᠴᠡᠷᠢᠭ ᠢᠨᠢᠶᠡᠮᠰᠦᠭᠯᠡᠭᠡᠳ ᠭᠦᠩᠵᠦ ᠨᠠᠷ ᠢ᠋ ᠳᠠᠭᠠᠯᠠ᠃ ᠭᠦᠩᠵᠦ ᠨᠠᠷ ᠶᠡᠬᠡ ᠰᠠᠢᠬᠠᠨ ᠴᠡᠴᠡᠷᠯᠢᠭ ᠲᠦ᠍ ᠣᠷᠣᠯᠠ᠃ ᠲᠡᠨᠳᠡ ᠪᠦᠬᠦ ᠮᠣᠳᠣ ᠨᠢ ᠮᠥᠩᠭᠥᠨ ᠳᠡᠯᠪᠢ ᠲᠡᠢ᠂ ᠴᠡᠷᠢᠭ ᠡᠷᠡ ᠨᠤᠲᠠᠯᠠᠭᠠ ᠪᠣᠯᠭᠠᠵᠤ ᠨᠢᠭᠡ ᠳᠡᠯᠪᠢ ᠠᠪᠤᠯᠠ᠃ ᠳᠡᠯᠪᠢ ᠲᠠᠰᠤᠷᠠᠬᠤ ᠳ᠋ᠤ᠌ ᠳᠡᠰ ᠬᠢᠬᠦ ᠴᠢᠮᠡᠭᠡ ᠭᠠᠷᠤᠯᠠ᠂ ᠤᠳᠬᠤᠨ ᠭᠦᠩᠵᠦ ᠳᠠᠬᠢᠭᠠᠳ ᠯᠠ ᠠᠶᠤᠵᠠᠢ᠃
《ᠡᠨᠡ ᠴᠢᠮᠡᠭᠡ ᠶ᠋ᠢ ᠰᠣᠨᠣᠰᠪᠠ ᠤᠤ?》
《 ᠲᠡᠢᠮᠦ ᠠ᠋᠂ ᠠᠵᠠ ᠵᠢᠷᠭᠠᠯ ᠤ᠋ᠨ ᠫᠤᠤ ᠶ᠋ᠢᠨ ᠳᠠᠭᠤᠨ᠂ ᠪᠢᠳᠡ ᠳᠠᠬᠢᠭᠠᠳ ᠨᠢᠭᠡ ᠬᠥᠮᠦᠨ ᠡᠴᠡ ᠰᠠᠯᠵᠤ ᠪᠠᠢᠭᠠ ᠨᠢ ᠡᠨᠡ》
ᠲᠡᠳᠡ ᠴᠠᠭᠠᠰᠢ ᠶᠠᠪᠤᠭᠰᠠᠭᠠᠷ ᠮᠣᠳᠣ ᠪᠦᠷᠢ ᠨᠢ ᠠᠯᠲᠠᠨ ᠳᠡᠯᠪᠢ ᠲᠡᠢ ᠪᠠᠰᠠ ᠨᠢᠭᠡᠨ ᠴᠡᠴᠡᠷᠯᠢᠭ ᠲᠦ᠍ ᠣᠷᠣᠯᠠ᠂ ᠴᠡᠷᠢᠭ ᠨᠢᠭᠡ ᠨᠠᠪᠴᠢ ᠠᠪᠤᠯᠠ᠃ ᠳᠠᠬᠢᠭᠠᠳ ᠯᠠ ᠳᠡᠰ ᠬᠢᠬᠦ ᠴᠢᠮᠡᠭᠡ ᠭᠠᠷᠪᠠ᠃ ᠤᠤᠭᠠᠨ ᠭᠦᠩᠵᠦ ᠤᠳᠬᠤᠨ ᠭᠦᠩᠵᠦ ᠳ᠋ᠦ᠍ ᠪᠢᠲᠡᠭᠡᠢ ᠲᠣᠭᠣ ᠭᠡᠪᠡ᠃ ᠴᠠᠭᠠᠰᠢ ᠪᠠᠨ ᠶᠠᠪᠤᠭᠠᠳ ᠭᠦᠩᠵᠦ ᠨᠠᠷ ᠸᠴᠢᠷ ᠡᠷᠳᠡᠨᠢ ᠳᠦᠭᠦᠷᠡᠩ ᠥᠷᠭᠡᠨ ᠴᠢᠯᠥᠭᠡᠨ ᠳ᠋ᠦ᠍ ᠣᠷᠣᠯᠠ᠃ ᠴᠡᠷᠢᠭ ᠡᠷᠡ ᠨᠢᠭᠡ ᠸᠴᠢᠷ ᠡᠷᠳᠡᠨᠢ ᠠᠪᠤᠪᠠ᠃ ᠡᠨᠡ ᠤᠳᠠᠭᠠ ᠳ᠋ᠤ᠌ ᠴᠤ᠌ ᠪᠠᠰᠠ ᠤᠳᠬᠤᠨ ᠭᠦᠩᠵᠦ ᠳᠡᠰ ᠬᠢᠬᠦ ᠴᠢᠮᠡᠭᠡ ᠰᠣᠨᠣᠰᠤᠭᠠᠳ ᠮᠠᠰᠢ ᠶᠡᠬᠡ ᠠᠶᠤᠵᠠᠢ᠃
ᠳᠠᠷᠠᠭᠠ ᠨᠢ ᠲᠡᠨᠳᠡ ᠨᠢᠭᠡ ᠨᠠᠭᠤᠷ ᠲᠤ ᠬᠦᠷᠲᠡᠯᠡ ᠲᠡᠨᠳᠡ ᠠᠷᠪᠠᠨ ᠬᠣᠶᠠᠷ ᠵᠠᠪᠢ ᠲᠠᠢ ᠠᠷᠪᠠᠨ ᠬᠣᠶᠠᠷ ᠬᠠᠨ ᠬᠦᠦ ᠲᠡᠳᠡᠨ ᠢ᠋ ᠬᠦᠯᠢᠶᠡᠵᠦ ᠪᠠᠢᠪᠠ᠃ ᠭᠦᠩᠵᠦ ᠨᠠᠷ ᠨᠢᠭᠡ ᠨᠢᠭᠡ ᠪᠡᠷ ᠢ᠋ᠶ᠋ᠡᠨ ᠬᠠᠨ ᠬᠥᠪᠡᠭᠦᠳ ᠦ᠋ᠨ ᠵᠠᠪᠢᠨ ᠳ᠋ᠤ᠌ ᠰᠠᠭᠤᠪᠠ᠂ ᠴᠡᠷᠢᠭ ᠡᠷᠡ ᠣᠳᠬᠣᠨ ᠭᠦᠩᠵᠦ ᠶ᠋ᠢᠨ ᠵᠠᠪᠢ ᠶ᠋ᠢ ᠰᠣᠩᠭᠣᠯᠠ᠃
《 ᠭᠦᠩᠵᠦ ᠮᠢᠨᠢ ᠥᠨᠥᠳᠥᠷ ᠵᠠᠪᠢ ᠬᠦᠨᠳᠦ ᠪᠠᠢᠭᠠ ᠨᠢ ᠮᠡᠳᠡᠭᠳᠡᠵᠦ ᠪᠠᠢᠨᠠ᠃ ᠪᠢ ᠪᠦᠷ ᠪᠦᠬᠦ ᠬᠦᠴᠦ ᠪᠡᠷ ᠢ᠋ᠶ᠋ᠡᠨ ᠰᠡᠯᠢᠭᠦᠷᠳᠡᠵᠦ ᠪᠠᠢᠨᠠ ᠰᠢᠦ ᠳᠡ》
《 ᠮᠡᠳᠡᠬᠦ ᠦᠭᠡᠢ ᠶᠦ᠍ᠮ ᠳᠡ ᠭᠡᠬᠦ ᠳ᠋ᠦ᠍ ᠪᠡᠨ ᠨᠠᠳᠠ ᠳ᠋ᠤ᠌ ᠨᠢᠭᠡ ᠯᠡ ᠳᠤᠯᠠᠭᠠᠬᠠᠨ ᠪᠠᠢᠨᠠ》
ᠠᠷᠪᠠᠨ ᠬᠣᠶᠠᠷ ᠵᠠᠪᠢ ᠨᠠᠭᠤᠷ ᠤ᠋ᠨ ᠨᠥᠭᠦᠭᠡ ᠲᠠᠯᠠ ᠳ᠋ᠤ᠌ ᠬᠦᠷᠦᠯᠡ᠃ ᠲᠡᠨᠳᠡ ᠰᠦᠷᠯᠢᠭ ᠰᠠᠢᠬᠠᠨ ᠰᠢᠯᠲᠦᠭᠡᠨ ᠪᠠᠢᠪᠠ᠃ ᠠᠷᠪᠠᠨ ᠬᠣᠶᠠᠷ ᠬᠣᠣᠰ ᠰᠢᠯᠲᠦᠭᠡᠨ ᠳ᠋ᠦ᠍ ᠣᠷᠣᠯᠠ ᠂ᠦᠯᠦ ᠦᠵᠡᠭᠳᠡᠭᠴᠢ ᠴᠡᠷᠢᠭ ᠴᠤ᠌ ᠮᠥᠨ ᠠᠷᠤ ᠠ᠋ᠴᠠ ᠨᠢ ᠣᠷᠣᠪᠠ᠃ ᠲᠡᠳᠡᠨ ᠢ᠋ ᠲᠠᠩᠬᠢᠮ ᠳ᠋ᠤ᠌ ᠣᠷᠣᠬᠤ ᠳ᠋ᠤ᠌ ᠬᠥᠭᠵᠢᠮ ᠡᠬᠢᠯᠡᠯᠡ᠃ ᠠᠷᠪᠠᠨ ᠬᠣᠶᠠᠷ ᠭᠦᠩᠵᠦ ᠲᠡᠷᠡ ᠬᠠᠨ ᠬᠥᠪᠡᠭᠦᠳ ᠲᠡᠢ ᠪᠥᠵᠢᠯᠡ᠂ ᠲᠡᠳᠡ ᠭᠤᠷᠪᠠᠨ ᠴᠠᠭ ᠬᠦᠷᠲᠡᠯᠡ ᠪᠥᠵᠢᠭᠯᠡᠵᠦ ᠭᠤᠲᠤᠯ ᠳ᠋ᠤ᠌ ᠨᠢ ᠨᠦᠬᠡ ᠭᠠᠷᠴᠠᠢ᠃ ᠲᠡᠳᠡ ᠪᠤᠴᠠᠬᠤ ᠪᠠᠷ ᠰᠢᠢᠳᠴᠡᠢ᠂ ᠠᠷᠪᠠᠨ ᠬᠣᠶᠠᠷ ᠬᠠᠨ ᠬᠦᠦ ᠲᠡᠳᠡᠨ ᠢ᠋ ᠨᠠᠭᠤᠷ ᠤ᠋ᠨ ᠨᠥᠭᠦᠭᠡ ᠲᠠᠯᠠ ᠳ᠋ᠤ᠌ ᠭᠠᠷᠭᠠᠪᠠ᠃ ᠡᠨᠡ ᠤᠳᠠᠭᠠ ᠴᠡᠷᠢᠭ ᠤᠤᠭᠠᠨ ᠭᠦᠩᠵᠦ ᠲᠡᠢ ᠬᠠᠮᠲᠤ ᠶᠠᠪᠤᠯᠠ᠃ ᠲᠡᠳᠡᠨ ᠢ᠋ ᠥᠷᠭᠥᠭᠡ ᠤᠷᠤᠭᠤ ᠪᠠᠨ ᠪᠤᠴᠠᠬᠤ ᠵᠠᠭᠤᠷᠠ ᠴᠡᠷᠢᠭ ᠤᠷᠲᠤ ᠨᠢ ᠣᠷᠣᠵᠤ ᠭᠦᠶᠦᠭᠡᠳ ᠭᠦᠩᠵᠦ ᠨᠠᠷ ᠢ᠋ ᠦᠷᠭᠦᠭᠡᠨ ᠳ᠋ᠦ᠍ ᠪᠡᠨ ᠢᠷᠡᠬᠦ ᠦᠶᠡ ᠳ᠋ᠦ᠍ ᠣᠷᠣᠨ ᠳᠡᠭᠡᠷᠡ ᠪᠡᠨ ᠬᠡᠪᠲᠡᠵᠦ ᠠᠮᠵᠢᠯᠠ᠃
《 ᠦ᠂ ᠬᠡ ᠰᠠᠨᠠᠭᠠ ᠵᠣᠪᠠᠯᠲᠠ ᠦᠭᠡᠢ ᠬᠤᠪᠴᠠᠰᠤ ᠪᠠᠨ ᠰᠣᠯᠢᠭᠠᠳ ᠣᠷᠣᠨ ᠳ᠋ᠤ᠌ ᠪᠠᠨ ᠣᠷᠣᠵᠠᠭᠠᠶᠠ》
ᠰᠥᠨᠢ ᠪᠣᠯᠭᠠᠨ ᠡᠢᠮᠦ ᠶᠠᠪᠤᠳᠠᠯ ᠳᠠᠪᠲᠠᠭᠳᠠᠯᠠ᠃ᠴᠡᠷᠢᠭ ᠲᠡᠳᠡᠨ ᠢ᠋ ᠳᠠᠭᠠᠵᠤ ᠨᠤᠲᠠᠯᠠᠭᠠ ᠴᠤᠭᠯᠠᠭᠤᠯᠵᠤ ᠲᠡᠳᠡᠨ ᠡᠴᠡ ᠤᠷᠢᠲᠠᠵᠤ ᠢᠷᠡᠭᠡᠳ ᠣᠷᠣᠨ ᠳ᠋ᠤ᠌ ᠪᠠᠨ ᠬᠡᠪᠲᠡᠨᠡ᠃
ᠰᠡᠭᠦᠯᠴᠢ ᠶ᠋ᠢᠨ ᠡᠳᠦᠷ ᠬᠠᠭᠠᠨ ᠴᠡᠷᠢᠭ ᠡᠷᠡ ᠶ᠋ᠢ ᠳᠠᠭᠤᠳᠠᠬᠤ ᠳ᠋ᠤ᠌᠄《ᠡᠵᠡᠨᠲᠡᠨ ᠮᠢᠨᠢ ᠠᠷᠪᠠᠨ ᠬᠣᠶᠠᠷ ᠭᠦᠩᠵᠦ ᠦᠷᠭᠦᠭᠡᠨ ᠦ᠌ ᠪᠡᠨ ᠳᠣᠣᠷᠠ ᠲᠠᠯᠠ ᠤᠷᠤᠭᠤ ᠣᠷᠣᠳᠠᠭ᠂ ᠲᠠᠨ ᠤ᠋ ᠡᠵᠡᠨᠲᠦ ᠭᠦᠷᠦᠨ ᠦ᠌ ᠳᠣᠣᠷᠠ ᠨᠢᠭᠡ ᠰᠢᠯᠲᠦᠭᠡᠨ ᠪᠠᠢᠭᠠ 》
ᠢᠩᠭᠢᠭᠡᠳ ᠪᠦᠭᠦᠳᠡ ᠶ᠋ᠢ ᠨᠢ ᠶᠠᠷᠢᠵᠤ ᠥᠭᠭᠦᠯᠡ᠃ ᠬᠠᠭᠠᠨ ᠭᠦᠩᠵᠦ ᠨᠠᠷ ᠤᠷᠤᠭᠤ ᠬᠠᠷᠠᠯᠠ᠃ ᠲᠡᠳᠡ ᠲᠣᠮᠣ ᠬᠥᠰᠢᠭᠡᠨ ᠦ᠌ ᠠᠷᠤ ᠠ᠋ᠴᠠ ᠡᠭᠦᠨ ᠢ᠋ ᠰᠣᠨᠣᠰᠴᠤ ᠪᠠᠢᠵᠠᠢ᠃
《ᠡᠨᠡ ᠲᠡᠭᠡᠭᠡᠳ ᠦᠨᠡᠨ ᠤᠤ?》
《 ᠨᠤᠲᠠᠯᠠᠭᠠ ᠨᠢ ᠡᠨᠡ ᠪᠠᠢᠨᠠ ᠡᠵᠡᠨᠲᠡᠨ ᠮᠢᠨᠢ》
ᠲᠡᠷᠡ ᠥᠪᠡᠷ ᠦ᠋ᠨ ᠲᠡᠭᠦᠭᠰᠡᠨ ᠠᠯᠲᠠᠨ ᠮᠥᠩᠭᠥᠨ ᠨᠠᠪᠴᠢ ᠸᠴᠢᠷ ᠡᠷᠳᠡᠨᠢ ᠶ᠋ᠢ ᠭᠠᠷᠭᠠᠵᠤ ᠥᠭᠪᠡ᠃ ᠭᠦᠩᠵᠦ ᠨᠠᠷ ᠦᠨᠡᠨ ᠢ᠋ᠶ᠋ᠡᠨ ᠬᠦᠯᠢᠶᠡᠯᠡ᠃ ᠲᠡᠳᠡ ᠶᠠᠭᠤ ᠬᠢᠳᠡᠭ ᠢ᠋ᠶ᠋ᠡᠨ ᠦᠨᠡᠨ ᠢ᠋ᠶ᠋ᠡᠷ ᠨᠢ ᠬᠡᠯᠡᠪᠡ᠃ ᠬᠠᠭᠠᠨ ᠦᠨᠡᠨ ᠢ᠋ ᠮᠡᠳᠡᠭᠡᠳ ᠪᠠᠶᠠᠷᠯᠠᠵᠠᠢ᠃ ᠲᠡᠷᠡ ᠴᠡᠷᠢᠭ ᠲᠦ᠍ ᠬᠠᠨᠳᠤᠨ ᠬᠡᠯᠡᠯᠡ᠃
《ᠵᠠ᠂ ᠵᠠᠯᠠᠭᠤ ᠮᠢᠨᠢ ᠴᠢ ᠠᠯᠢ ᠥᠬᠢᠨ ᠲᠡᠢ ᠮᠢᠨᠢ ᠭᠡᠷᠯᠡᠮᠡᠷ ᠪᠠᠢᠨᠠ?》
《ᠪᠢ ᠵᠠᠯᠠᠭᠤ ᠬᠥᠮᠦᠨ ᠪᠠᠢᠬᠤ ᠪᠠᠨ ᠪᠣᠯᠢᠭᠰᠠᠨ ᠲᠡᠢᠮᠦ ᠡᠴᠡ ᠤᠤᠭᠠᠨ ᠥᠬᠢᠨ ᠲᠡᠢ ᠴᠢᠨᠢ ᠭᠡᠷᠯᠡᠮᠡᠷ ᠪᠠᠢᠨᠠ》
ᠬᠠᠭᠠᠨᠲᠠᠨ ᠬᠤᠷᠢᠮ ᠳ᠋ᠤ᠌ ᠪᠡᠯᠡᠳᠬᠡᠵᠦ ᠬᠥᠮᠦᠰ ᠲᠦ᠍ ᠪᠡᠨ ᠵᠠᠷᠯᠢᠭᠳᠠᠯᠠ᠂ ᠬᠤᠷᠢᠮ ᠤ᠋ᠨ ᠶᠣᠰᠣᠯᠠᠯ ᠢ᠋ ᠲᠡᠷᠡ ᠡᠳᠦᠷ ᠲᠦ᠍ ᠨᠢ ᠬᠢᠵᠡᠢ᠃
《ᠨᠠᠮᠠ ᠶ᠋ᠢ ᠨᠢᠳᠦ ᠠᠨᠢᠭᠰᠠᠨ ᠤ᠋ ᠳᠠᠷᠠᠭᠠ ᠬᠦᠷᠭᠡᠨ ᠬᠦᠦ ᠮᠢᠨᠢ ᠲᠢᠲᠢᠮ ᠵᠡᠭᠦ!》
ᠢᠩᠭᠢᠭᠡᠳ ᠲᠡᠳᠡ ᠠᠮᠤᠷ ᠰᠠᠢᠬᠠᠨ ᠳ᠋ᠤ᠌ ᠪᠠᠨ ᠵᠢᠷᠭᠠᠵᠠᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠦᠮᠡᠨᠴᠡᠴᠡᠭ
ᠦᠰᠦᠭ ᠬᠠᠳᠠᠭᠴᠢ᠄ ᠲᠣᠳᠣᠭᠡᠷᠡᠯ
ᠬᠢᠨᠠᠭᠴᠢ᠄ ᠢᠷᠡᠭᠡᠳᠦᠢ᠂ᠲᠥᠮᠡᠨᠴᠡᠴᠡᠭ