ᠪᠢ ᠳᠤᠷᠠ ᠦᠭᠡᠢ- ᠴ᠂ ᠬᠤᠯᠠᠨБи дургүй-Ц,Хулан
581ᠪᠢ ᠳᠤᠷᠠ ᠦᠭᠡᠢ
ᠴ᠂ ᠬᠤᠯᠠᠨ
ᠴᠠᠭ ᠭᠣᠵᠣᠢᠵᠤ ᠪᠠᠢᠬᠤ ᠳ᠋ᠤ᠌
ᠪᠢ ᠠᠯᠤᠰ ᠵᠠᠮ ᠳ᠋ᠤ᠌ ᠭᠠᠷᠬᠤ ᠦᠭᠡᠢ
ᠴᠠᠩᠭᠢᠨᠠᠲᠠᠯᠠ ᠬᠤᠨᠳᠠᠭᠠ ᠬᠠᠭᠠ ᠰᠢᠳᠡᠳᠡᠭ
ᠣᠷᠣᠰ ᠵᠠᠩ ᠳ᠋ᠤ᠌ ᠪᠢ ᠳᠤᠷᠠ ᠦᠭᠡᠢ
ᠴᠠᠢ ᠶ᠋ᠢ ᠨᠢ ᠤᠤᠭᠤᠴᠢᠬᠠᠭᠠᠳ
ᠠᠶᠠᠭᠠ ᠶ᠋ᠢ ᠨᠢ ᠬᠥᠮᠥᠷᠢᠬᠦ ᠳ᠋ᠦ᠍ ᠳᠤᠷᠠ ᠦᠭᠡᠢ
ᠴᠠᠭ ᠢ᠋ᠶ᠋ᠠᠨ ᠣᠯᠵᠤ ᠤᠬᠠᠭᠠᠨᠲᠠᠨ ᠢ᠋ᠶ᠋ᠠᠨ ᠬᠠᠢᠷᠠᠯᠠᠳᠠᠭ ᠦᠭᠡᠢ
ᠮᠣᠩᠭᠣᠯ ᠵᠠᠩ ᠳ᠋ᠤ᠌ ᠪᠢ ᠳᠤᠷᠠ ᠦᠭᠡᠢ
ᠥᠯᠢ ᠳ᠋ᠦ᠍ ᠪᠦᠳᠦᠷᠢᠭᠡ ᠦᠭᠡᠢ ᠠᠵᠢᠨᠠᠢ ᠶ᠋ᠢ
ᠮᠠᠭᠲᠠᠭᠠᠯ ᠢ᠋ᠶ᠋ᠠᠷ ᠪᠤᠯᠠᠵᠤ ᠠᠯᠠᠬᠤ ᠳ᠋ᠤ᠌ ᠳᠤᠷᠠ ᠦᠭᠡᠢ
ᠦᠬᠦᠯ ᠳ᠋ᠦ᠍ ᠴᠤ᠌ ᠠᠪᠲᠠᠭᠠ ᠦᠭᠡᠢ ᠪᠠᠭᠠᠲᠤᠷ ᠡᠷᠡ ᠶ᠋ᠢ
ᠣᠳᠣᠨ ᠢ᠋ᠶ᠋ᠠᠷ ᠳᠠᠷᠤᠵᠤ ᠠᠪᠬᠤ ᠳᠤᠷᠠ ᠦᠭᠡᠢ
ᠦᠯᠢᠭᠡᠷ ᠨᠢᠯᠠᠭᠤᠨ ᠲᠡᠭᠦᠰᠳᠡᠭ ᠴᠤ᠌
ᠰᠠᠢᠨ ᠬᠥᠮᠦᠨ ᠵᠣᠪᠠᠬᠤ ᠳ᠋ᠤ᠌ ᠪᠢ ᠳᠤᠷᠠ ᠦᠭᠡᠢ
ᠦᠰᠦ ᠨᠢ ᠪᠤᠭᠤᠷᠤᠯ ᠬᠥᠭᠰᠢᠨ
ᠨᠠᠮᠪᠠ ᠦᠭᠡᠢ ᠶᠠᠪᠤᠪᠠᠯ ᠪᠦᠷ ᠳᠤᠷᠠ ᠦᠭᠡᠢ
ᠴᠡᠷᠢᠭ ᠦ᠋ᠨ ᠳᠠᠷᠤᠭᠠ ᠨᠠᠷ
ᠰᠣᠭᠲᠣᠭᠤ ᠭᠤᠢᠪᠢᠬᠤ ᠳ᠋ᠤ᠌ ᠪᠢ ᠳᠤᠷᠠ ᠦᠭᠡᠢ
ᠴᠡᠴᠡᠭᠡᠨ ᠥᠬᠢᠳ ᠨᠠᠳᠠ ᠠ᠋ᠴᠠ
ᠶᠠᠨᠵᠤᠤᠷ ᠤ᠋ᠨ ᠭᠠᠯ ᠰᠤᠷᠠᠭᠯᠠᠬᠤ ᠳ᠋ᠤ᠌ ᠳᠤᠷᠠ ᠦᠭᠡᠢ
ᠴᠡᠮᠴᠡᠭᠡᠷ ᠨᠢ ᠳᠡᠩᠳᠡᠭᠦᠦ ᠬᠠᠷᠠᠴᠤᠤᠯ
ᠴᠠᠭᠠᠨ ᠭᠠᠷᠳᠠᠨ ᠨᠤᠭᠤᠳ ᠲᠤ᠌ ᠪᠢ ᠳᠤᠷᠠ ᠦᠭᠡᠢ
ᠴᠡᠪᠡᠷ ᠴᠠᠭᠠᠰᠤᠨᠠ ᠰᠢᠯᠦᠭ ᠪᠢᠰᠢ
ᠮᠠᠲᠠᠭᠠᠰᠤ ᠪᠢᠴᠢᠬᠦ ᠳ᠋ᠦ᠍ ᠪᠦᠷ ᠳᠤᠷᠠ ᠦᠭᠡᠢ
ᠳᠣᠭᠣᠯᠠᠩ ᠬᠥᠮᠦᠨ ᠦ᠌ ᠳᠡᠷᠭᠡᠳᠡᠭᠦᠷ ᠪᠢ
ᠭᠦᠶᠦᠵᠦ ᠥᠩᠭᠡᠷᠡᠬᠦ ᠳᠤᠷᠠ ᠦᠭᠡᠢ
ᠳᠣᠣᠷᠠ ᠪᠠᠨ ᠡᠷᠭᠢᠴᠡᠬᠦ ᠡᠯᠵᠢᠭᠡ ᠮᠡᠲᠦ
ᠣᠯᠠᠨ ᠤ᠋ ᠳᠤᠮᠳᠠ ᠬᠡᠯᠲᠦᠷᠢᠬᠦ ᠳᠤᠷᠠ ᠦᠭᠡᠢ
ᠶᠠᠳᠠᠭᠤᠰ ᠤ᠋ᠨ ᠳᠤᠮᠳᠠ ᠭᠠᠩᠭᠠᠯᠠᠬᠤ ᠳᠤᠷᠠ ᠦᠭᠡᠢ
ᠲᠠᠩᠰᠤᠭ ᠨᠠᠢᠷ ᠳᠡᠭᠡᠷᠡ ᠭᠠᠭᠴᠠᠭᠠᠷᠳᠠᠬᠤ ᠳᠤᠷᠠ ᠦᠭᠡᠢ
ᠢᠷᠠᠭᠤ ᠨᠠᠢᠷᠠᠭᠴᠢ ᠶ᠋ᠢ ᠬᠡᠲᠦᠷᠬᠡᠢ ᠤᠷᠲᠤ ᠨᠠᠰᠤᠯᠠᠬᠤ ᠳ᠋ᠤ᠌
ᠶᠠᠭᠠᠬᠢᠭᠠᠳ ᠴᠤ᠌ ᠶᠤᠮ ᠳᠤᠷᠠ ᠦᠭᠡᠢ
ᠬᠣᠯᠠ ᠠ᠋ᠴᠠ ᠠᠢᠰᠤᠢ ᠮᠣᠷᠢᠲᠠᠨ ᠭᠡᠨᠡᠳᠲᠡ
ᠥᠭᠡᠷᠡ ᠵᠦᠭ ᠲᠦ᠍ ᠳᠠᠪᠬᠢᠬᠤ ᠳ᠋ᠤ᠌ ᠳᠤᠷᠠ ᠦᠭᠡᠢ
ᠬᠤᠯᠪᠤᠷᠢᠮᠠᠲᠠᠭᠠᠢ ᠠᠭᠠᠰᠢ
ᠤᠶᠠᠨ ᠵᠢᠳᠠᠨ ᠳ᠋ᠤ᠌ ᠪᠢ ᠳᠤᠷᠠ ᠦᠭᠡᠢ
ᠨᠢᠭᠤᠷ ᠠ᠋ᠴᠠ ᠳᠠᠯᠳᠠᠭᠤᠷ
ᠬᠥᠮᠦᠨ ᠮᠠᠭᠤ ᠬᠡᠯᠡᠬᠦ
ᠨᠢᠳᠦᠨ ᠳᠡᠭᠡᠷᠡ ᠮᠢᠨᠢ
ᠭᠥᠯᠥᠭᠡ ᠵᠣᠳᠣᠬᠤ ᠳ᠋ᠤ᠌ ᠪᠦᠷ ᠳᠤᠷᠠ ᠦᠭᠡᠢ
ᠬᠡᠲᠦᠷᠬᠡᠢ ᠬᠠᠯᠠᠭᠤᠨ
ᠬᠡᠲᠦᠷᠬᠡᠢ ᠬᠦᠢᠲᠡᠨ ᠳ᠋ᠦ᠍ ᠪᠢ ᠳᠤᠷᠠ ᠦᠭᠡᠢ
ᠬᠡᠲᠦᠷᠬᠡᠢ ᠣᠮᠣᠭᠣᠯᠠᠩ-
ᠬᠡᠲᠦᠷᠬᠡᠢ ᠨᠣᠮᠣᠢ ᠳ᠋ᠤ᠌ ᠳᠤᠷᠠ ᠦᠭᠡᠢ
ᠪᠤᠷᠬᠠᠨ ᠢ᠋ ᠨᠢᠯᠪᠤᠬᠤ
ᠠᠳᠠ ᠶ᠋ᠢ ᠡᠷᠭᠦᠮᠵᠢᠯᠡᠬᠦ ᠳᠤᠷᠠ ᠦᠭᠡᠢ
ᠪᠤᠰᠤᠳ ᠲᠤ᠌ ᠳᠠᠭᠠᠷᠠ ᠣᠷᠣᠬᠤ
ᠠᠳᠤᠭᠤᠰᠤ ᠶ᠋ᠢ ᠲᠠᠮᠤᠯᠠᠬᠤ ᠳ᠋ᠤ᠌ ᠪᠦᠷ ᠳᠤᠷᠠ ᠦᠭᠡᠢ
ᠳᠤᠷᠠ ᠦᠭᠡᠢ ᠪᠦᠬᠦᠨ ᠢ᠋ ᠮᠢᠨᠢ ᠨᠠᠳᠠ ᠳ᠋ᠤ᠌ ᠴᠢ
ᠦᠵᠡᠭᠦᠯᠵᠦ ᠬᠠᠨᠤᠭᠰᠠᠨ ᠡᠬᠡ ᠣᠷᠣᠨ ᠮᠢᠨᠢ
ᠳᠤᠷᠠ ᠦᠭᠡᠢ ᠪᠡᠨ ᠬᠦᠷᠲᠡᠯᠡ ᠬᠠᠢᠷᠠᠯᠠᠬᠤ ᠭᠡᠵᠦ ᠪᠢ
ᠬᠦᠦ ᠴᠢᠨᠢ ᠪᠣᠯᠤᠭᠰᠠᠨ
ᠴᠠᠢ ᠶ᠋ᠢ ᠨᠢ ᠤᠤᠭᠤᠴᠢᠬᠠᠭᠠᠳ
ᠠᠶᠠᠭᠠ ᠶ᠋ᠢ ᠨᠢ ᠬᠥᠮᠥᠷᠢᠳᠡᠭ ᠦᠭᠡᠢ ᠶᠣᠰᠣ ᠪᠠᠨ ᠪᠣᠳᠣᠵᠤ
ᠴᠠᠭ ᠭᠣᠵᠣᠢᠵᠤ ᠪᠠᠢᠭᠰᠠᠨ ᠴᠤ᠌ ᠪᠢ ᠲᠠᠨ ᠳᠡᠭᠡᠷᠡ
ᠶᠠᠰᠤ ᠪᠠᠨ ᠲᠠᠯᠪᠢᠨᠠ ᠳᠠ᠂ ᠡᠬᠡ ᠣᠷᠣᠨ ᠠ᠋
ᠦᠰᠦᠭ ᠬᠠᠲᠠᠭᠰᠠᠨ ᠨᠢ᠄ ᠮᠣᠳᠣᠲᠤ ᠬᠠᠪᠤᠷᠵᠢᠶᠠ
ᠬᠢᠨᠠᠭᠴᠢ᠄ ᠢᠷᠡᠭᠡᠳᠦᠢ᠂ ᠠᠯᠲᠠᠨᠴᠢᠮᠡᠭ᠂ ᠤᠷᠠᠨᠠ