ᠤᠬᠠᠭᠠᠨᠲᠤ ᠲᠠᠤᠯᠠᠢ ᠶᠢᠨ ᠦᠯᠢᠭᠡᠷУхаант туулайн үлгэр
636ᠤᠬᠠᠭᠠᠨᠲᠤ ᠲᠠᠤᠯᠠᠢ ᠶ᠋ᠢᠨ ᠦᠯᠢᠭᠡᠷ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠂ ᠤᠨᠠᠭᠠ ᠬᠡᠭᠡᠷᠡ ᠤᠨᠲᠠᠵᠤ ᠪᠠᠢᠭᠠᠳ ᠡᠬᠡ ᠡᠴᠡ ᠪᠡᠨ ᠲᠥᠭᠡᠷᠢᠵᠦ ᠬᠣᠴᠣᠷᠴᠤ ᠭᠡᠨᠡ᠃ ᠲᠡᠭᠡᠭᠡᠳ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠢᠵᠢᠯᠢ ᠣᠯᠠᠨ ᠰᠦᠷᠦᠭ ᠂ ᠢᠵᠢᠢ ᠪᠡᠨ ᠬᠠᠢᠵᠤ ᠶᠠᠪᠤᠭᠠᠳ ᠨᠢᠭᠡᠨ ᠤᠭᠤᠲᠠ ᠲᠠᠢ ᠵᠦᠢᠯ ᠲᠡᠢ ᠲᠠᠭᠠᠷᠠᠵᠤ ᠭᠡᠨᠡ᠃ ᠤᠨᠠᠭᠠ ᠤᠭᠤᠲᠠ ᠲᠠᠢ ᠵᠦᠢᠯ ᠢ᠋ ᠶᠡᠬᠡᠳᠡ ᠰᠣᠨᠢᠷᠬᠠᠨ ᠪᠠᠬᠠᠨ ᠠᠵᠢᠭᠯᠠᠯᠠ᠂ ᠡᠴᠦᠰ ᠲᠦ᠋ᠨᠢ ᠰᠣᠨᠢᠭᠤᠴᠢ ᠵᠠᠩ ᠳ᠋ᠤ᠌ ᠪᠠᠨ ᠲᠠᠢᠯᠳᠠᠨ ᠣᠩᠭᠣᠢᠯᠭᠠᠵᠤ ᠦᠵᠡᠬᠦ ᠪᠡᠷ ᠰᠢᠢᠳᠴᠡᠢ᠃ ᠲᠡᠭᠡᠭᠡᠳ ᠤᠭᠤᠲᠠᠨ ᠤ᠋ ᠠᠮᠠ ᠶ᠋ᠢ ᠳᠡᠢᠯᠲᠡᠯᠡ ᠳᠣᠲᠣᠷᠠ ᠠ᠋ᠴᠠ ᠨᠢ ᠥᠯᠥᠨ ᠬᠥᠬᠡ ᠴᠢᠨᠣᠠ ᠠᠷᠠᠭᠠ ᠰᠢᠳᠦ ᠪᠡᠨ ᠢᠷᠵᠠᠯᠵᠠᠭᠤᠯᠤᠨ ᠦᠰᠦᠷᠦᠨ ᠭᠠᠷᠴᠤ ᠢᠷᠡᠭᠡᠳ ᠄ 《 ᠬᠣᠳᠣᠭᠣᠳᠣ ᠭᠡᠳᠡᠰᠦ ᠬᠣᠩᠬᠣᠯᠵᠠᠵᠤ ᠪᠠᠢᠨᠠ ᠭᠡᠵᠦ ᠵᠢᠭᠲᠡᠢᠬᠡᠨ᠂ ᠬᠤᠷᠮᠤᠰᠲᠠ ᠲᠡᠭᠷᠢ ᠡᠭᠦᠨ ᠢ᠋ ᠮᠡᠳᠡᠭᠡᠳ ᠨᠠᠳᠠ ᠳ᠋ᠤ᠌ ᠠᠮᠲᠠᠲᠤ ᠵᠥᠭᠡᠯᠡᠨ ᠵᠣᠭᠣᠭ ᠶᠠᠪᠤᠭᠤᠯᠵᠠᠢ᠃ ᠬᠠ ᠬᠠ ᠬᠠ ᠁ 》 ᠭᠡᠳ ᠤᠨᠠᠭᠠ ᠶ᠋ᠢ ᠢᠳᠡᠬᠦ ᠪᠡᠷ ᠵᠠᠪᠳᠤᠵᠠᠢ ᠃ ᠤᠨᠠᠭᠠ ᠮᠠᠰᠢ ᠶᠡᠬᠡ ᠠᠶᠤᠨ ᠰᠠᠨᠳᠤᠷᠴᠤ ᠂ ᠶᠠᠭᠠᠬᠢᠬᠤ ᠪᠠᠨ ᠮᠡᠳᠡᠬᠦ ᠦᠭᠡᠢ ᠪᠦᠯᠲᠡᠯᠵᠡᠨ ᠪᠠᠢᠲᠠᠯᠠ ᠂ ᠪᠤᠲᠠᠨ ᠳᠤᠮᠳᠠ ᠠ᠋ᠴᠠ ᠪᠣᠷᠣ ᠲᠠᠤᠯᠠᠢ ᠳᠡᠭᠳᠡᠨ ᠳᠡᠭᠳᠡᠨ ᠭᠠᠷᠴᠤ ᠢᠷᠡᠵᠦ ᠭᠡᠨᠡ᠃ 《 ᠵᠠ ᠂ ᠲᠠ ᠬᠣᠶᠠᠷ ᠴᠢᠨᠢ ᠶᠠᠭᠤ ᠪᠣᠯᠤᠭᠠ ᠪᠣᠢ ? 》 《ᠪᠢ ᠬᠠᠷᠢᠨ ᠡᠨᠡ ᠴᠢᠨᠣᠠ ᠭᠤᠸᠠᠢ ᠶ᠋ᠢ ᠡᠨᠡ ᠤᠭᠤᠲᠠᠨ ᠠ᠋ᠴᠠ ᠭᠠᠷᠭᠠᠵᠤ ᠦᠭᠭᠦᠭᠰᠡᠨ ᠴᠢᠨᠢ ᠨᠠᠮᠠ ᠶ᠋ᠢ ᠢᠳᠡᠨᠡ ᠭᠡᠳ ᠪᠠᠢᠬᠤ ᠶᠤᠮ᠃ 》 《 ᠴᠢᠨᠣᠠ ᠭᠤᠸᠠᠢ ᠂ ᠴᠢᠨᠣᠠ ᠭᠤᠸᠠᠢ ᠂ ᠲᠠ ᠡᠨᠡ ᠥᠴᠦᠬᠡᠨ ᠵᠢᠵᠢᠭ ᠤᠭᠤᠲᠠᠨ ᠳ᠋ᠤ᠌ ᠪᠠᠭᠲᠠᠵᠤ ᠪᠠᠢᠭᠰᠠᠨ ᠭᠡᠵᠦ ᠤᠤ ? ᠪᠢ ᠯᠠᠪ ᠢᠲᠡᠭᠡᠬᠦ ᠦᠭᠡᠢ ! ᠬᠡᠷᠪᠡ ᠪᠠᠭᠲᠠᠪᠠᠯ ᠪᠢ ᠤᠨᠠᠭᠠ ᠲᠠᠢ ᠬᠠᠮᠲᠤ ᠥᠪᠡᠷ ᠢ᠋ ᠪᠡᠨ ᠪᠠᠰᠠ ᠢᠳᠡᠭᠦᠯᠦᠶᠡ 》 ᠲᠡᠭᠡᠬᠦ ᠳ᠋ᠦ᠍ ᠨᠢ ᠴᠢᠨᠣᠠ ᠮᠠᠭᠠᠳ ᠤᠭᠤᠲᠠᠨ ᠳ᠋ᠤ᠌ ᠪᠠᠭᠲᠠᠬᠤ ᠨᠢ ᠳᠠᠮᠵᠢᠭ ᠦᠭᠡᠢ ᠲᠤᠯᠠ ᠬᠠᠷᠢᠨ ᠤᠨᠠᠭᠠᠨ ᠳᠡᠭᠡᠷᠡ ᠡᠴᠡ ᠲᠠᠤᠯᠠᠢ ᠶ᠋ᠢ ᠨᠡᠮᠡᠭᠡᠳ ᠵᠣᠭᠣᠭᠯᠠᠬᠤ ᠪᠣᠯᠤᠯᠠ ᠭᠡᠮᠡᠨ ᠰᠡᠳᠬᠢᠵᠦ ᠵᠥᠪᠰᠢᠶᠡᠷᠡᠭᠡᠳ ᠤᠭᠤᠲᠠ ᠤᠷᠤᠭᠤ ᠣᠷᠣᠬᠤ ᠪᠠᠷ ᠪᠣᠯᠵᠤ ᠭᠡᠨᠡ ᠃ ᠲᠡᠭᠡᠭᠡᠳ ᠤᠭᠤᠲᠠ ᠤᠷᠤᠭᠤ ᠤᠭᠤᠬᠢᠯᠠᠨ ᠣᠷᠣᠲᠠᠯᠠ ᠲᠠᠤᠯᠠᠢ ᠄ 《ᠲᠡᠷᠡ ᠬᠡᠯᠡᠭᠡ ᠦᠭᠡᠢ ᠤᠤ ? ᠰᠡᠭᠦᠯ ᠨᠢ ᠪᠠᠭᠲᠠᠬᠤ ᠦᠭᠡᠢ ᠪᠠᠢᠨᠠ ᠰᠢᠲᠠ 》 ᠭᠡᠬᠦ ᠳ᠋ᠦ᠍ ᠴᠢᠨᠣᠠ ᠰᠡᠭᠦᠯ ᠢ᠋ᠶ᠋ᠡᠨ ᠤᠭᠤᠲᠠᠨ ᠳ᠋ᠤ᠌ ᠬᠢᠲᠡᠯᠡ ᠤᠨᠠᠭᠠ ᠲᠠᠤᠯᠠᠢ ᠬᠣᠶᠠᠷ ᠡᠪᠯᠡᠨ ᠂ ᠤᠭᠤᠲᠠᠨ ᠤ᠋ ᠠᠮᠠ ᠶ᠋ᠢ ᠨᠢ ᠰᠠᠢᠨ ᠪᠣᠭᠣᠭᠠᠳ ᠬᠡᠭᠡᠷᠡ ᠣᠷᠬᠢᠵᠠᠢ᠃
ᠢᠩᠭᠢᠵᠦ ᠤᠨᠠᠭᠠ ᠂ ᠤᠬᠠᠭᠠᠨᠲᠤ ᠲᠠᠤᠯᠠᠢ ᠶᠢᠨ ᠠᠴᠢ ᠪᠠᠷ ᠴᠢᠨᠣᠠ ᠳ᠋ᠤ᠌ ᠢᠳᠡᠭᠦᠯᠬᠦ ᠠᠶᠤᠯ ᠠ᠋ᠴᠠ ᠠᠪᠤᠷᠠᠭᠳᠠᠭᠰᠠᠨ ᠭᠡᠨᠡ ᠪᠢᠯᠡ᠃
ᠢᠩᠭᠢᠵᠦ ᠤᠨᠠᠭᠠ ᠂ ᠤᠬᠠᠭᠠᠨᠲᠤ ᠲᠠᠤᠯᠠᠢ ᠶᠢᠨ ᠠᠴᠢ ᠪᠠᠷ ᠴᠢᠨᠣᠠ ᠳ᠋ᠤ᠌ ᠢᠳᠡᠭᠦᠯᠬᠦ ᠠᠶᠤᠯ ᠠ᠋ᠴᠠ ᠠᠪᠤᠷᠠᠭᠳᠠᠭᠰᠠᠨ ᠭᠡᠨᠡ ᠪᠢᠯᠡ᠃