ᠨᠣᠭᠣᠭᠠᠨ ᠬᠠᠭᠠᠯᠭᠠНогоон хаалга_Green Door
427ᠨᠣᠭᠣᠭᠠᠨ ᠬᠠᠭᠠᠯᠭᠠ
ᠵᠠᠭᠤᠨ ᠵᠢᠯ ᠣᠷᠴᠢᠮ ᠤ᠋ᠨ ᠡᠮᠦᠨᠡ ᠯᠢᠲ᠋ᠢᠰᠢᠶᠠ ᠭᠡᠬᠦ ᠨᠢᠭᠡᠨ ᠥᠬᠢᠨ ᠧᠦ᠋ᠷᠣᠫᠠ ᠶ᠋ᠢᠨ ᠨᠢᠭᠡᠨ ᠪᠢᠴᠢᠬᠠᠨ ᠲᠣᠰᠬᠣᠨ ᠳ᠋ᠤ᠌ ᠠᠮᠢᠳᠤᠷᠠᠳᠠᠭ ᠪᠠᠢᠵᠠᠢ᠃
《ᠯᠢᠲ᠋ᠢᠰᠢᠶᠠ᠂ ᠡᠨᠡ ᠱᠥᠯᠥ ᠶ᠋ᠢ ᠤᠤᠭᠤ᠃》
《ᠪᠠᠢᠽᠠᠢ ᠲᠠᠢ ᠱᠥᠯᠥ ᠤᠤ? ᠪᠢ ᠤᠤᠭᠤᠬᠤ ᠦᠭᠡᠢ᠃ ᠪᠢ ᠠᠯᠢᠮᠠᠨ ᠤ᠋ ᠨᠤᠬᠤᠰᠢ᠂ ᠡᠰᠡᠪᠡᠯ ᠵᠢᠮᠢᠰ ᠲᠡᠢ ᠠᠮᠲᠠᠲᠠᠨ ᠢᠳᠡᠮᠡᠷ ᠪᠠᠢᠨᠠ᠃》
ᠯᠢᠲ᠋ᠢᠰᠢᠶᠠ ᠳ᠋ᠤ᠌ ᠶᠠᠭᠤ ᠴᠤ᠌ ᠲᠠᠭᠠᠯᠠᠭᠳᠠᠳᠠᠭ ᠦᠭᠡᠢ᠂ ᠪᠦᠬᠦ ᠵᠦᠢᠯ ᠯᠡ ᠮᠠᠭᠤᠬᠠᠢ ᠰᠠᠨᠠᠭᠳᠠᠳᠠᠭ ᠲᠡᠢᠮᠦ ᠬᠡᠦᠬᠡᠳ ᠪᠠᠢᠪᠠ᠃
《ᠠᠪᠤ ᠨᠢ ᠴᠢᠮᠠ ᠳ᠋ᠤ᠌ ᠶᠠᠭᠤ ᠠᠪᠤᠭᠰᠠᠨ ᠢ᠋ ᠬᠠᠷᠠ ᠳᠠ᠂ ᠰᠢᠨᠡ ᠳᠠᠰᠢᠨᠵᠠ!》
《ᠶᠠᠭᠠᠬᠢᠭᠰᠠᠨ ᠮᠠᠭᠤᠬᠠᠢ ᠥᠩᠭᠡ ᠲᠡᠢ ᠶᠦᠮ ᠪᠣᠢ? ᠪᠠᠰᠠ ᠶᠠᠮᠠᠷ ᠴᠤ᠌ ᠴᠠᠴᠤᠭ ᠲᠤᠤᠵᠠ ᠪᠦᠴᠡ ᠦᠭᠡᠢ ᠶᠦᠮ ᠠ᠋᠂ ᠲᠠ ᠯᠣᠣᠷᠠ ᠶ᠋ᠢᠨ ᠤᠷᠢᠳᠤ ᠡᠳᠦᠷ ᠠᠪᠤᠭᠰᠠᠨ ᠰᠠᠢᠬᠠᠨ ᠠᠯᠲᠠᠨ ᠳᠠᠰᠢᠨᠵᠠ ᠶ᠋ᠢ ᠬᠠᠷᠠᠭᠰᠠᠨ ᠤᠤ? ᠨᠠᠳᠠ ᠳ᠋ᠤ᠌ ᠳᠣᠬᠢ ᠠᠶᠠᠲᠠᠢᠬᠠᠨ ᠶᠠᠭᠤᠮᠠ ᠠᠪᠴᠤ ᠥᠭᠬᠦ ᠦᠭᠡᠢ ᠶᠦᠮ ᠠ᠋᠃》
《ᠯᠢᠲ᠋ᠢᠰᠢᠶᠠ᠂ ᠡᠨᠡ ᠪᠣᠯ ᠴᠢᠨᠦ ᠰᠢᠨᠡ ᠬᠠᠷᠠᠨᠳᠠ ᠨᠤᠭᠤᠳ᠂ ᠪᠠᠰᠠ ᠦᠵᠦᠭ ᠪᠡᠬᠡ ᠪᠠᠢᠭᠠ ᠰᠢᠦ!》
《ᠭᠡᠬᠦ ᠳ᠋ᠡᠭᠡᠨ ᠬᠠᠢᠷᠴᠠᠭ ᠨᠢ ᠶᠡᠬᠡ ᠬᠠᠭᠤᠴᠢᠨ ᠬᠠᠷᠠᠭᠳᠠᠵᠤ ᠪᠠᠢᠨᠠ᠂ ᠪᠠᠰᠠ ᠴᠠᠮᠢᠨ ᠪᠢᠰᠢ ᠶᠦᠮ᠂ ᠪᠡᠬᠡᠨ ᠦ᠌ ᠰᠠᠪᠠ ᠨᠢ ᠴᠦ᠍ ᠵᠢᠵᠢᠭᠬᠡᠨ ᠶᠤᠮ ᠠ᠋᠃ ᠬᠠᠷᠢᠨ ᠮᠠᠺᠡᠰ ᠦ᠋ᠨ ᠦᠵᠦᠭ ᠨᠦ᠍ᠭᠦᠳ ᠨᠢ ᠡᠭᠦᠨ ᠡᠴᠡ ᠬᠠᠪᠢ ᠦᠭᠡᠢ ᠢᠯᠡᠭᠦᠦ ᠭᠣᠶᠣ!》
ᠯᠢᠲ᠋ᠢᠰᠢᠶᠠ ᠵᠥᠪᠬᠡᠨ ᠥᠪᠡᠷ ᠦ᠋ᠨ ᠡᠳ᠋ ᠵᠦᠢᠯᠡᠰ ᠲᠦ᠍ ᠪᠠᠨ ᠯᠠ ᠰᠡᠳᠬᠢᠯ ᠬᠠᠩᠭᠠᠯᠤᠭᠤᠨ ᠪᠢᠰᠢ ᠪᠠᠢᠯᠠ᠃ ᠲᠡᠷᠡ ᠮᠥᠨ ᠬᠢᠬᠦ ᠶᠣᠰᠣᠲᠠᠢ ᠵᠦᠢᠯᠡᠰ ᠢ᠋ᠶ᠋ᠡᠨ ᠴᠦ᠍ ᠬᠢᠳᠡᠭ ᠦᠭᠡᠢ ᠪᠠᠢᠪᠠ᠃
《ᠯᠢᠲ᠋ᠢᠰᠢᠶᠠ᠂ ᠮᠢᠨᠦ ᠥᠬᠢᠨ ᠲᠡᠦᠬᠡ ᠶ᠋ᠢᠨ ᠬᠢᠴᠢᠶᠡᠯ ᠢ᠋ᠶ᠋ᠡᠨ ᠬᠢᠭᠰᠡᠨ ᠪᠢᠵᠡ ᠳᠡ?》
《ᠪᠢ ᠲᠡᠦᠬᠡ ᠶ᠋ᠢᠨ ᠬᠢᠴᠢᠶᠡᠯ ᠳ᠋ᠦ᠍ ᠳᠤᠷᠠ ᠦᠭᠡᠢ!》
《ᠯᠢᠲ᠋ᠢᠰᠢᠶᠠ᠂ ᠠᠯᠢᠪ ᠨᠠᠭᠠᠰᠢ ᠢᠷᠡ᠃ ᠪᠢ ᠴᠢᠮᠠ ᠳ᠋ᠤ᠌ ᠴᠢᠪᠠᠭᠠᠨ ᠤ᠋ ᠪᠢᠯᠠᠤ ᠬᠡᠷᠬᠢᠨ ᠬᠢᠬᠦ ᠶ᠋ᠢ ᠵᠢᠭᠠᠵᠤ ᠥᠭᠭᠦᠶᠡ!》
《ᠡᠵᠢ ᠠ᠋᠂ ᠪᠢ ᠬᠣᠭᠣᠯᠠ ᠬᠢᠬᠦ ᠳᠤᠷᠠ ᠦᠭᠡᠢ ᠭᠡᠵᠦ ᠲᠠᠨ ᠳ᠋ᠤ᠌ ᠬᠡᠯᠡᠭᠰᠡᠨ ᠰᠢᠲᠠ᠃ ᠭᠠᠯ ᠲᠣᠭᠣᠭᠠᠨ ᠤ᠋ ᠥᠷᠥᠭᠡᠨ ᠳ᠋ᠦ᠍ ᠬᠠᠯᠠᠭᠤᠨ ᠲᠣᠭᠣᠭᠠᠨ ᠤ᠋ ᠡᠮᠦᠨᠡ ᠬᠠᠯᠠᠭᠤᠴᠠᠭᠠᠳ ᠵᠣᠭᠰᠣᠬᠤ ᠳ᠋ᠤ᠌ ᠪᠢ ᠦᠨᠡᠬᠡᠷ ᠳᠤᠷᠠ ᠦᠭᠡᠢ᠂ ᠪᠠᠰᠠ ᠴᠢᠪᠠᠭᠠᠨ ᠤ᠋ ᠪᠢᠯᠠᠤ ᠭᠡᠨᠡ᠂ ᠮᠠᠭᠤᠬᠠᠢ ᠶᠤᠮ ᠠ᠋᠂ ᠶᠠᠳᠠᠵᠤ ᠲᠠᠷᠢᠮᠢᠰᠤ ᠪᠠᠢᠪᠠᠯ ᠶᠠᠭᠠᠬᠢᠬᠤᠪ ᠭᠡᠰᠡᠨ᠃》
ᠭᠡᠬᠦ ᠳ᠋ᠦ᠍ ᠪᠡᠨ ᠯᠢᠲ᠋ᠢᠰᠢᠶᠠ ᠨᠢᠭᠡ ᠵᠦᠢᠯ ᠬᠢᠬᠦ ᠳᠤᠷᠠ ᠲᠠᠢ ᠪᠠᠢᠯᠠ᠃ ᠲᠡᠷᠡ ᠨᠢ ᠨᠣᠭᠣᠭᠠᠨ ᠬᠠᠭᠠᠯᠭᠠᠨ ᠤ᠋ ᠡᠮᠦᠨᠡ ᠵᠣᠭᠰᠣᠬᠤ᠂ ᠲᠠ ᠪᠦᠬᠦᠨ ᠴᠡᠴᠡᠷᠯᠢᠭ ᠦ᠋ᠨ ᠬᠣᠢᠲᠤ ᠠᠮᠠᠨ ᠳ᠋ᠤ᠌ ᠪᠢᠴᠢᠬᠠᠨ ᠨᠣᠭᠣᠭᠠᠨ ᠬᠠᠭᠠᠯᠭᠠ ᠪᠠᠢᠭᠠ ᠶ᠋ᠢ ᠬᠠᠷᠠᠵᠤ ᠪᠠᠢᠭᠠ ᠪᠠᠢᠬᠠ᠂ ᠡᠨᠡ ᠪᠣᠯ ᠲᠣᠮᠣᠴᠤᠳ ᠵᠥᠪᠬᠡᠨ ᠮᠥᠯᠬᠥᠵᠦ ᠣᠷᠣᠬᠤ ᠲᠡᠢᠮᠦ ᠵᠢᠵᠢᠭᠬᠡᠨ ᠬᠠᠭᠠᠯᠭᠠ ᠪᠠᠢᠯᠠ᠃ ᠭᠡᠬᠦ ᠳ᠋ᠦ᠍ ᠪᠡᠨ ᠦᠷᠭᠦᠯᠵᠢ ᠯᠡ ᠲᠦᠭᠵᠢᠭᠡ ᠲᠡᠢ ᠪᠠᠢᠳᠠᠭ ᠪᠠᠢᠪᠠ᠃ ᠲᠡᠭᠡᠭᠡᠳ ᠯᠢᠲ᠋ᠢᠰᠢᠶᠠ ᠬᠠᠭᠠᠯᠭᠠᠨ ᠤ᠋ ᠴᠠᠭᠠᠨᠠ ᠶᠠᠭᠤ ᠪᠠᠢᠭᠠ ᠶ᠋ᠢ ᠮᠡᠳᠡᠬᠦ ᠶ᠋ᠢ ᠶᠡᠬᠡᠳᠡ ᠬᠦᠰᠡᠳᠡᠭ ᠪᠠᠢᠯᠠ᠃
ᠠᠪᠤ ᠡᠵᠢ ᠶ᠋ᠢ ᠪᠡᠨ ᠬᠠᠭᠠᠯᠭᠠ ᠶ᠋ᠢ ᠨᠡᠭᠡᠭᠡᠵᠦ ᠥᠭᠭᠦᠭᠡᠴᠢ ᠭᠡᠵᠦ ᠢᠳᠬᠠᠬᠤ ᠪᠠᠷ ᠰᠢᠢᠳᠴᠡᠢ᠃
《ᠥᠬᠢᠨ ᠮᠢᠨᠢ᠂ ᠴᠢ ᠬᠠᠮᠢᠭᠠ ᠪᠠᠢᠪᠠ?》
《ᠡᠵᠢ ᠠ᠋᠂ ᠲᠠ ᠨᠠᠳᠠᠳᠤ ᠨᠣᠭᠣᠭᠠᠨ ᠬᠠᠭᠠᠯᠭᠠ ᠶ᠋ᠢ ᠨᠡᠬᠡᠭᠡᠳ ᠥᠭᠭᠦᠭᠡᠴᠢ!》
《ᠯᠢᠲ᠋ᠢᠰᠢᠶᠠ ᠪᠢᠳᠡ ᠡᠮᠦᠨᠡ ᠨᠢ ᠡᠨᠡ ᠲᠤᠬᠠᠢ ᠮᠠᠰᠢ ᠣᠯᠠᠨ ᠤᠳᠠᠭᠠ ᠶᠠᠷᠢᠵᠤ ᠪᠠᠢᠭᠰᠠᠨ ᠰᠢᠦ ᠳᠡ᠂ ᠴᠢ ᠲᠡᠭᠦᠪᠡᠷ ᠭᠠᠷᠴᠤ ᠪᠣᠯᠬᠤ ᠦᠭᠡᠢ᠂ ᠬᠡᠵᠢᠶᠡ ᠴᠦ᠍ ᠲᠡᠢᠰᠢ ᠪᠡᠨ ᠣᠴᠢᠵᠤ ᠪᠣᠯᠬᠤ ᠦᠭᠡᠢ᠂ ᠣᠳᠣ ᠬᠠᠷᠢᠨ ᠥᠷᠯᠥᠭᠡᠨ ᠦ᠌ ᠴᠠᠢ ᠪᠠᠨ ᠤᠤᠭᠤᠴᠢᠬᠠᠭᠠᠳ ᠨᠠᠳᠠ ᠳ᠋ᠤ᠌ ᠳᠡᠭᠡᠪᠦᠷ ᠦ᠋ᠨ ᠥᠷᠥᠭᠡ ᠴᠡᠪᠡᠷᠯᠡᠬᠦ ᠳ᠋ᠦ᠍ ᠲᠤᠰᠠᠯᠠ᠃》
ᠲᠡᠷᠡ ᠡᠳᠦᠷ ᠯᠢᠲ᠋ᠢᠰᠢᠶᠠ ᠡᠵᠢ ᠳ᠋ᠡᠭᠡᠨ ᠲᠤᠰᠠᠯᠠᠬᠤ ᠪᠠᠷ ᠣᠴᠢᠯᠠ᠂ ᠤᠯᠠᠮ ᠢ᠋ᠶ᠋ᠠᠷ ᠲᠡᠳᠡ ᠬᠠᠭᠤᠴᠢᠨ ᠱᠦᠭᠦᠢ ᠡᠴᠡ ᠨᠢᠭᠡᠨ ᠡᠷᠳᠡᠨᠢ ᠶ᠋ᠢᠨ ᠵᠢᠷᠤᠭ ᠤ᠋ᠨ ᠴᠣᠮᠣᠭ ᠢ᠋ ᠣᠯᠵᠠᠢ᠂ ᠡᠵᠢ ᠨᠢ ᠨᠡᠭᠡᠭᠡᠵᠦ ᠦᠵᠡᠪᠡ᠃
《ᠡᠵᠢ ᠠ᠋ ᠡᠪᠦᠭᠡ ᠡᠮᠡᠭᠡ ᠲᠡᠢ ᠬᠠᠮᠲᠤ ᠪᠠᠢᠭᠠ ᠡᠨᠡ ᠬᠥᠮᠦᠰ ᠬᠡᠨ ᠪᠣᠢ?》
《ᠲᠡᠳᠡ ᠴᠢᠨᠦ ᠡᠪᠦᠭᠡ ᠪᠣᠯᠤᠨ ᠡᠯᠦᠨᠴᠡ ᠡᠪᠦᠭᠡ᠂ ᠵᠢᠶᠦᠨ ᠬᠤᠫᠺᠢᠨᠰ ᠨᠠᠷ᠂ᠬᠠᠷᠢᠨ ᠡᠨᠡ ᠨᠢ ᠲᠡᠭᠦᠨ ᠦ᠌ ᠭᠡᠷᠭᠡᠢ ᠮᠠᠷᠢᠶᠠ ᠬᠤᠫᠺᠢᠨᠰ᠂ ᠬᠠᠷᠢᠨ ᠡᠨᠡ ᠥᠬᠢᠨ ᠨᠢ ᠫᠸᠬᠢ ᠬᠤᠫᠺᠢᠨᠰ ᠴᠢᠨᠦ ᠠᠪᠠᠭᠠ ᠡᠭᠡᠴᠢ》 ᠡᠵᠢ ᠶ᠋ᠢ ᠪᠡᠨ ᠴᠣᠮᠣᠭ ᠦᠵᠡᠵᠦ ᠪᠠᠢᠬᠤ ᠵᠠᠭᠤᠷᠠ ᠯᠢᠲ᠋ᠢᠰᠢᠶᠠ ᠨᠢᠭᠡ ᠭᠣᠶᠣᠮᠰᠣᠭ ᠬᠠᠢᠷᠴᠠᠭ ᠬᠠᠷᠠᠵᠠᠢ ᠭᠡᠨᠡ᠃ ᠲᠡᠭᠡᠭᠡᠳ ᠬᠠᠢᠷᠴᠠᠭ ᠢ᠋ ᠨᠡᠭᠡᠭᠡᠵᠦ ᠦᠵᠡᠪᠡ᠂ᠲᠡᠭᠡᠭᠰᠡᠨ ᠳᠣᠲᠣᠷᠠ ᠨᠢ ᠨᠣᠭᠣᠭᠠᠨ ᠲᠤᠤᠵᠠ ᠪᠠᠷ ᠤᠶᠠᠭᠰᠠᠨ ᠲᠦᠯᠬᠢᠭᠦᠷ ᠪᠠᠢᠵᠠᠢ ᠭᠡᠨᠡ᠃
《ᠡᠵᠢ ᠠ᠋᠂ ᠡᠨᠡ ᠶᠠᠭᠤᠨ ᠲᠦᠯᠬᠢᠭᠦᠷ ᠪᠣᠢ?》
《ᠡᠨᠡ ᠵᠦᠭᠡᠷ ᠨᠢᠭᠡ ᠬᠠᠭᠤᠴᠢᠨ ᠲᠦᠯᠬᠢᠭᠦᠷ ᠪᠠᠢᠨᠠ᠂ ᠪᠤᠴᠠᠭᠠᠭᠠᠳ ᠬᠢᠴᠢᠬᠡ᠃ ᠲᠡᠭᠡᠭᠡᠳ ᠭᠠᠷᠴᠤ ᠲᠣᠭᠯᠠ᠃》
ᠯᠢᠲ᠋ᠢᠰᠢᠶᠠ ᠲᠦᠯᠬᠢᠭᠦᠷ ᠦ᠋ᠨ ᠲᠤᠬᠠᠢ ᠪᠣᠳᠣᠭᠰᠠᠭᠠᠷ ᠯᠠ ᠪᠠᠢᠯᠠ᠂ ᠬᠡᠷᠪᠡ ᠨᠣᠭᠣᠭᠠᠨ ᠬᠠᠭᠠᠯᠭᠠᠨ ᠤ᠋ ᠲᠦᠯᠬᠢᠭᠦᠷ ᠪᠠᠢᠭᠰᠠᠨ ᠪᠣᠯ ᠶᠠᠭᠠᠬᠢᠬᠤ ᠪᠣᠢ? ᠯᠢᠲ᠋ᠢᠰᠢᠶᠠ ᠢᠩᠭᠢᠵᠦ ᠪᠣᠳᠣᠬᠤ ᠲᠣᠰᠤᠮ ᠲᠡᠷᠡ ᠲᠦᠯᠬᠢᠭᠦᠷ ᠢ᠋ ᠬᠠᠭᠠᠯᠭᠠᠨ ᠤ᠋ ᠴᠣᠣᠵᠢᠨ ᠳ᠋ᠤ᠌ ᠲᠠᠭᠠᠷᠠᠬᠤ ᠡᠰᠡᠬᠦ ᠶ᠋ᠢ ᠰᠢᠯᠭᠠᠬᠤ ᠶ᠋ᠢ ᠬᠦᠰᠡᠳᠡᠭ ᠪᠠᠢᠯᠠ᠃
ᠨᠢᠭᠡᠨ ᠨᠢᠮᠠ ᠭᠠᠷᠠᠭ ᠲᠡᠭᠦᠨ ᠳ᠋ᠦ᠍ ᠪᠣᠯᠤᠮᠵᠢ ᠣᠯᠳᠠᠵᠠᠢ᠃
《ᠯᠢᠲ᠋ᠢᠰᠢᠶᠠ ᠪᠢᠳᠡ ᠶᠠᠪᠤᠴᠢᠬᠠᠭᠠᠳ ᠢᠷᠡᠶᠡ᠂ ᠭᠡᠷ ᠦ᠋ᠨ ᠳᠠᠭᠠᠭᠠᠯᠭᠠᠪᠤᠷᠢ ᠪᠠᠨ ᠬᠢᠭᠡᠳ ᠭᠡᠷ ᠲᠡᠭᠡᠨ ᠪᠠᠢᠵᠤ ᠪᠠᠢᠭᠠᠷᠠᠢ᠂ ᠪᠢ ᠡᠷᠭᠢᠵᠦ ᠢᠷᠡᠭᠡᠳ ᠰᠢᠯᠭᠠᠨᠠ ᠰᠢᠦ!》
ᠠᠪᠤ ᠡᠵᠢ ᠶ᠋ᠢ ᠪᠡᠨ ᠶᠠᠪᠤᠮᠠᠭᠴᠠ ᠲᠡᠷᠡ ᠳᠡᠭᠡᠪᠦᠷ ᠦ᠋ᠨ ᠥᠷᠥᠭᠡᠨ ᠡᠴᠡ ᠬᠠᠭᠤᠴᠢᠨ ᠲᠦᠯᠬᠢᠭᠦᠷ ᠢ᠋ ᠠᠪᠴᠤ ᠴᠡᠴᠡᠷᠯᠢᠭ ᠤᠷᠤᠭᠤ ᠭᠦᠶᠦᠯᠡ᠂ ᠲᠡᠭᠡᠭᠡᠳ ᠲᠡᠷᠡ ᠲᠦᠯᠬᠢᠭᠦᠷ ᠢ᠋ ᠪᠣᠯᠭᠣᠮᠵᠢᠲᠠᠢ ᠴᠣᠣᠵᠢ ᠤᠷᠤᠭᠤ ᠰᠢᠷᠭᠤᠭᠤᠯᠤᠨ ᠡᠷᠭᠢᠭᠦᠯᠦᠯᠡ᠃ ᠬᠠᠭᠠᠯᠭᠠ ᠣᠩᠭᠣᠢᠵᠤ ᠯᠢᠲ᠋ᠢᠰᠢᠶᠠ ᠬᠠᠭᠠᠯᠭᠠ ᠪᠠᠷ ᠣᠷᠣᠵᠠᠢ ᠭᠡᠨᠡ᠃ ᠭᠡᠬᠦ ᠳ᠋ᠦ᠍ ᠪᠡᠨ ᠡᠨᠡ ᠶᠠᠭᠤ ᠪᠠᠢᠭᠰᠠᠨ ᠪᠣᠯ ? ᠥᠷᠥᠭᠡ ᠪᠠᠢᠭᠰᠠᠨ ᠦᠭᠡᠢ᠃ ᠬᠠᠷᠢᠨ ᠵᠠᠬᠠ ᠬᠢᠵᠠᠭᠠᠷ ᠦᠭᠡᠢ ᠥᠳᠬᠡᠨ ᠣᠢ ᠤᠭᠲᠤᠯᠠ᠃ ᠡᠷᠭᠢᠭᠡᠳ ᠬᠠᠷᠠᠲᠠᠯᠠ ᠯᠢᠲ᠋ᠢᠰᠢᠶᠠ ᠲᠡᠭᠦᠨ ᠦ᠌ ᠠᠷᠤ ᠳ᠋ᠤ᠌ ᠣᠷᠣᠵᠤ ᠢᠷᠡᠭᠰᠡᠨ ᠨᠥᠭᠦᠭᠡ ᠬᠠᠭᠠᠯᠭᠠ ᠨᠢ ᠴᠦ᠍ ᠪᠠᠢᠭᠰᠠᠨ ᠦᠭᠡᠢ᠃
《ᠪᠢ᠂ ᠪᠢ᠂ ᠪᠢ ᠬᠠᠮᠢᠭᠠ ᠢᠷᠡᠴᠢᠬᠡᠪᠡ ᠠ᠋? ᠪᠤᠷᠬᠠᠨ ᠮᠢᠨᠢ! ᠬᠠᠭᠠᠯᠭᠠ᠂ ᠬᠠᠭᠠᠯᠭᠠ ᠬᠠᠮᠢᠭᠠ ᠪᠠᠢᠨᠠ?》
ᠯᠢᠲ᠋ᠢᠰᠢᠶᠠ ᠴᠢᠨᠣᠠ ᠶ᠋ᠢᠨ ᠣᠯᠢᠬᠤ᠂ ᠠᠷᠰᠯᠠᠨ ᠤ᠋ ᠠᠷᠬᠢᠷᠠᠬᠤ ᠳᠠᠭᠤ ᠰᠣᠨᠣᠰᠤᠭᠠᠳ ᠮᠠᠰᠢ ᠶᠡᠬᠡ ᠠᠶᠤᠵᠤ ᠬᠠᠷᠠ ᠬᠤᠷᠳᠤ ᠪᠠᠷ ᠢ᠋ᠶ᠋ᠠᠨ ᠭᠦᠶᠦᠯᠡ᠃ ᠠᠮᠢ ᠪᠠᠨ ᠠᠪᠤᠷᠠᠬᠤ ᠶ᠋ᠢᠨ ᠲᠤᠰᠠᠳᠠ ᠰᠢᠦ ᠳᠡ᠂ ᠭᠡᠬᠦ ᠳ᠋ᠡᠭᠡᠨ ᠥᠬᠢᠨ ᠬᠠᠮᠢᠭᠠᠰᠢ ᠪᠠᠨ ᠭᠦᠶᠦᠵᠦ ᠪᠠᠢᠭᠠ ᠪᠠᠨ ᠴᠤ᠌ ᠮᠡᠳᠡᠬᠦ ᠦᠭᠡᠢ ᠪᠠᠢᠪᠠ᠃ ᠭᠡᠨᠡᠳᠲᠡᠬᠡᠨ ᠣᠢ ᠳ᠋ᠤ᠌ ᠬᠡᠨ ᠨᠢᠭᠡᠨ ᠥᠬᠢᠨ ᠦ᠌ ᠭᠠᠷ ᠠ᠋ᠴᠠ ᠲᠡᠳᠡᠨ ᠮᠣᠷᠢᠨ ᠳ᠋ᠤ᠌ ᠪᠠᠨ ᠰᠤᠨᠳᠠᠯᠠᠭᠠᠳ ᠳᠠᠪᠬᠢᠵᠤ ᠣᠳᠤᠯᠠ᠃
ᠲᠤᠭ ᠲᠤᠭ
《ᠥᠬᠢᠨ ᠮᠢᠨᠢ ᠣᠷᠣᠭᠠᠳ ᠢᠷᠡ ᠠ᠋᠂ ᠡᠨᠳᠡ ᠴᠢ ᠠᠶᠤᠯ ᠦᠭᠡᠢ᠃》
《ᠬᠣᠩᠭᠣᠷᠬᠠᠨ ᠮᠢᠨᠢ ᠳᠧ᠂ ᠪᠦᠷ ᠳᠠᠭᠠᠷᠠᠴᠢᠬᠠᠵᠠᠢ᠂ ᠠᠯᠢᠪ ᠭᠠᠯ ᠤ᠋ᠨ ᠳᠡᠷᠭᠡᠳᠡ ᠰᠠᠭᠤ᠃》
《ᠡᠨᠡ ᠥᠬᠢᠨ ᠢ᠋ ᠣᠢ ᠳ᠋ᠤ᠌ ᠭᠦᠶᠦᠵᠦ ᠶᠠᠪᠤᠬᠤ ᠳ᠋ᠤ᠌ ᠨᠢ ᠣᠯᠤᠭᠰᠠᠨ ᠶᠤᠮ᠂ ᠴᠢᠨᠣᠠ ᠶ᠋ᠢᠨ ᠰᠦᠷᠦᠭ ᠣᠢᠷᠠᠬᠠᠨ ᠪᠠᠢᠭᠰᠠᠨ ᠨᠢ ᠭᠠᠷᠴᠠᠭᠠ ᠦᠭᠡᠢ᠃ ᠪᠤᠷᠬᠠᠨ ᠮᠢᠨᠢ᠂ ᠲᠡᠳᠡᠨ ᠦ᠌ ᠣᠯᠢᠬᠤ ᠴᠤ᠌ ᠁》
《ᠦ ᠬᠥᠭᠡᠷᠦᠬᠦᠢ᠂ ᠲᠡᠷᠡ ᠶᠡᠬᠡ ᠠᠶᠤᠭᠰᠠᠨ ᠪᠠᠢᠬᠤ ᠳᠠ? ᠫᠸᠬᠢ ᠲᠡᠭᠦᠨ ᠢ᠋ ᠥᠷᠥᠭᠡᠨ ᠳ᠋ᠡᠭᠡᠨ ᠣᠷᠣᠭᠤᠯᠤᠭᠠᠴᠢ᠂ ᠪᠠᠰᠠ ᠳᠠᠰᠢᠨᠵᠠ ᠨᠤᠭᠤᠳ ᠠ᠋ᠴᠠ ᠪᠠᠨ ᠨᠢᠭᠡ ᠶ᠋ᠢ ᠥᠭᠭᠦᠭᠡᠷᠡᠢ!》
ᠯᠢᠲ᠋ᠢᠰᠢᠶᠠ ᠪᠦᠷ ᠬᠥᠰᠢᠵᠦ ᠣᠷᠬᠢᠵᠠᠢ᠃ ᠥᠬᠢᠨ ᠲᠡᠷᠡ ᠭᠡᠷ ᠪᠦᠯᠢ ᠶ᠋ᠢ ᠰᠢᠷᠲᠡᠭᠰᠡᠭᠡᠷ ᠯᠡ ᠪᠠᠢᠯᠠ᠂ ᠲᠡᠭᠦᠨ ᠳ᠋ᠦ᠍ ᠦᠨᠡᠬᠡᠷ ᠰᠣᠨᠢᠷᠬᠠᠯᠲᠠᠢ ᠰᠠᠨᠠᠭᠳᠠᠵᠠᠢ᠃
ᠯᠢᠲ᠋ᠢᠰᠢᠶᠠ ᠶᠡᠬᠡᠳᠡ ᠭᠠᠢᠬᠠᠨ ᠬᠠᠷᠠᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠭᠡᠨᠡᠳᠲᠡ ᠨᠢᠭᠡ ᠵᠦᠢᠯ ᠰᠠᠨᠠᠵᠠᠢ ᠭᠡᠨᠡ᠂ ᠡᠨᠡ ᠪᠣᠯ ᠵᠢᠶᠦ᠋ᠨ ᠬᠤᠫᠺᠢᠨᠰ ᠤ᠋ᠨ ᠬᠢᠨ ᠪᠠᠢᠯᠠ᠃ ᠥᠬᠢᠨ ᠦ᠌ ᠡᠯᠦᠨᠴᠡ ᠡᠪᠦᠭᠡ ᠪᠣᠯᠤᠨ ᠭᠡᠷᠭᠡᠢ ᠮᠠᠷᠢᠶᠠ᠂ ᠪᠢᠴᠢᠬᠠᠨ ᠥᠬᠢᠨ ᠫᠸᠬᠢ ᠨᠠᠷ ᠪᠠᠢᠯᠠ᠃ ᠡᠨᠡ ᠴᠢᠨᠢ ᠣᠳᠣ ᠶᠠᠭᠤ ᠪᠣᠯᠬᠤ ᠨᠢ ᠡᠨᠡ ᠪᠣᠢ ᠭᠡᠵᠦ ᠥᠬᠢᠨ ᠮᠠᠰᠢ ᠶᠡᠬᠡ ᠭᠠᠢᠬᠠᠯᠠ᠂ᠨᠣᠭᠣᠭᠠᠨ ᠬᠠᠭᠠᠯᠭᠠ ᠥᠬᠢᠨ ᠢ᠋ ᠭᠡᠷ ᠪᠦᠯᠢ ᠶ᠋ᠢᠨ ᠬᠢᠨᠢ ᠥᠩᠭᠡᠷᠡᠭᠰᠡᠨ ᠦᠶᠡ ᠤᠷᠤᠭᠤ ᠬᠦᠷᠭᠡᠯᠡ ᠭᠡᠵᠢ ᠤᠤ? ᠪᠤᠷᠬᠠᠨ ᠮᠢᠨᠢ ᠡᠢᠮᠦ ᠵᠦᠢᠯ ᠪᠠᠢᠵᠤ ᠪᠣᠯᠤᠨᠠ ᠭᠡᠵᠢ ᠤᠤ? ᠲᠡᠭᠦᠨ ᠢ᠋ ᠡᠢᠨ ᠬᠦ᠌ ᠪᠣᠳᠣᠯ ᠪᠣᠯᠤᠨ ᠰᠠᠭᠤᠵᠤ ᠪᠠᠢᠬᠤ ᠵᠠᠭᠤᠷᠠ ᠠᠪᠠᠭᠠ ᠡᠭᠡᠴᠢ ᠨᠢ ᠲᠡᠭᠦᠨ ᠳ᠋ᠦ᠍ ᠡᠩ ᠦ᠋ᠨ ᠨᠢᠭᠡᠨ ᠳᠠᠰᠢᠨᠵᠠ ᠢᠨᠢᠶᠡᠮᠰᠦᠭᠯᠡᠨ ᠥᠭᠭᠦᠯᠡ᠃
《ᠨᠠᠳᠠ ᠳ᠋ᠤ᠌ ᠡᠨᠡ ᠳᠠᠰᠢᠨᠵᠠ ᠲᠠᠭᠠᠯᠠᠭᠳᠠᠬᠤ ᠦᠭᠡᠢ ᠪᠠᠢᠨᠠ᠂ ᠬᠡᠲᠦᠷᠬᠡᠢ ᠤᠢᠳᠬᠠᠷ ᠲᠠᠢ ᠪᠠᠰᠠ ᠲᠣᠮᠣ ᠶᠤᠮ ᠠ᠋᠃》
《ᠬᠡᠲᠦᠷᠬᠡᠢ ᠤᠢᠳᠬᠠᠷ ᠲᠠᠢ ᠭᠡᠰᠡᠨ ᠴᠢᠨᠢ ᠶᠠᠭᠤ ᠭᠡᠰᠡᠨ ᠦᠭᠡ ᠪᠣᠢ? ᠪᠢ ᠤᠤᠯ ᠨᠢ ᠬᠠᠮᠤᠭ ᠤ᠋ᠨ ᠭᠣᠶᠣ ᠳᠠᠰᠢᠨᠵᠠ ᠨᠤᠭᠤᠳ ᠤ᠋ᠨ ᠢ᠋ᠶ᠋ᠠᠨ ᠨᠢᠭᠡ ᠶ᠋ᠢ ᠠᠪᠴᠢᠷᠠᠭᠰᠠᠨ ᠶᠤᠮ ᠰᠠᠨ᠂ ᠬᠡᠷᠪᠡ ᠴᠢ ᠡᠨᠳᠡ ᠦᠯᠡᠳᠡᠬᠦ ᠶ᠋ᠢ ᠬᠦᠰᠡᠨ ᠬᠦᠰᠡᠵᠦ ᠪᠠᠢᠭᠠ ᠪᠣᠯ ᠡᠮᠦᠰᠬᠦ ᠬᠡᠷᠡᠭᠲᠡᠢ᠂ ᠪᠠᠰᠠ ᠡᠨᠡ ᠱᠠᠬᠠᠢ ᠶ᠋ᠢ ᠡᠮᠦᠰ!》
《ᠡᠭᠦᠨ ᠢ᠋ ᠤᠤ? ᠡᠨᠡ ᠴᠢᠨᠢ ᠮᠣᠳᠣ ᠶᠠᠭᠤᠮᠠ ᠪᠠᠢᠨᠠ ᠰᠢᠲᠠ᠂ ᠠᠷᠠᠢ ᠵᠥᠭᠡᠯᠡᠨ ᠠᠷᠠᠰᠤᠨ ᠬᠠᠢᠮᠠᠷ ᠲᠣᠷᠭᠠᠮᠰᠤᠭ ᠪᠠᠢᠬᠤ ᠦᠭᠡᠢ ᠤᠤ?》
《ᠶᠠᠭᠤ? ᠢᠩᠭᠢᠵᠦ ᠪᠢᠲᠡᠭᠡᠢ ᠶᠠᠷᠢ᠂ ᠡᠢᠮᠦ ᠵᠦᠢᠯ ᠶᠠᠷᠢᠬᠤ ᠶ᠋ᠢᠨ ᠢ᠋ᠶ᠋ᠡᠨ ᠣᠷᠣᠨ ᠳ᠋ᠤ᠌ ᠬᠤᠪᠴᠠᠰᠤ ᠪᠠᠨ ᠰᠣᠯᠢᠭᠠᠳ ᠪᠠᠭᠤᠭᠠᠳ ᠢᠷᠡ᠂ ᠦᠭᠡᠢ ᠪᠣᠯ ᠡᠵᠢ ᠠᠭᠤᠷᠯᠠᠨᠠ ᠰᠢᠦ᠃》
ᠯᠢᠲ᠋ᠢᠰᠢᠶᠠ ᠳ᠋ᠤ᠌ ᠶᠠᠮᠠᠷ ᠴᠤ᠌ ᠰᠣᠩᠭᠣᠯᠲᠠ ᠪᠠᠢᠭᠰᠠᠨ ᠦᠭᠡᠢ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠶᠠᠭᠠᠬᠢᠵᠤ ᠡᠢᠮᠦ ᠲᠣᠮᠣᠳᠠᠭᠰᠠᠨ ᠳᠠᠰᠢᠨᠵᠠ ᠶ᠋ᠢ ᠡᠮᠦᠰᠬᠦ ᠪᠣᠢ? ᠪᠠᠰᠠ ᠮᠣᠳᠣᠨ ᠱᠠᠬᠠᠢ ᠬᠥᠯ ᠢ᠋ ᠨᠢ ᠡᠪᠡᠳᠬᠡᠨᠡ ᠳᠡ᠂ ᠢᠩᠭᠢᠭᠡᠳ ᠲᠡᠷᠡ ᠳᠣᠭᠣᠭᠰᠢ ᠪᠠᠨ ᠪᠠᠭᠤᠵᠤ ᠬᠣᠭᠣᠯᠠ ᠪᠠᠨ ᠬᠠᠷᠠᠭᠠᠳ:《ᠡᠨᠡ ᠪᠠᠰᠠ ᠶᠠᠭᠤ ᠪᠣᠢ?》
《ᠠ᠂ᠡᠷᠳᠡᠨᠢ ᠰᠢᠰᠢ ᠶ᠋ᠢᠨ ᠵᠤᠲᠠᠩ᠂ ᠮᠡᠳᠡᠬᠦ ᠦᠭᠡᠢ ᠭᠡᠵᠢ ᠤᠤ?》
《ᠭᠡᠬᠦ ᠳ᠋ᠦ᠍ ᠪᠡᠨ ᠪᠢ ᠡᠭᠦᠨ ᠳ᠋ᠦ᠍ ᠳᠤᠷᠠ ᠦᠭᠡᠢ ᠰᠢᠲᠠ᠃》
《ᠶᠠᠭᠤ ᠭᠡᠬᠦ ᠪᠡᠷ ᠴᠢ ᠨᠢᠭᠡᠨᠲᠡ ᠥᠪᠡᠷ ᠢ᠋ᠶ᠋ᠡᠨ ᠯᠡ ᠡᠨᠳᠡ ᠢᠷᠡᠭᠰᠡᠨ ᠲᠡᠢᠮᠦ ᠡᠴᠡ ᠡᠭᠦᠨ ᠢ᠋ ᠢᠳᠡᠬᠦ ᠡᠰᠡᠬᠦ ᠨᠢ ᠴᠢᠨᠦ ᠳᠤᠷᠠ᠂ᠬᠠᠷᠢᠨ ᠬᠣᠭᠣᠯᠠᠨ ᠤ᠋ ᠪᠠᠨ ᠳᠠᠷᠠᠭᠠ ᠲᠠ ᠬᠣᠶᠠᠷ ᠤᠲᠠᠰᠤ ᠡᠭᠡᠷᠡᠭᠡᠷᠡᠢ᠃ ᠲᠡᠢᠮᠦ ᠠ᠋ ᠴᠢ ᠃》
《ᠭᠡᠬᠦ ᠳ᠋ᠦ᠍ ᠪᠡᠨ ᠪᠢ ᠶᠠᠭᠠᠬᠢᠵᠤ ᠡᠭᠡᠷᠡᠬᠦ ᠶ᠋ᠢ ᠮᠡᠳᠡᠬᠦ ᠦᠭᠡᠢ ᠰᠢᠦ ᠳᠡ᠃》
《ᠠ?》
《ᠠ᠂ ᠴᠢ ᠤᠲᠠᠰᠤ ᠡᠭᠡᠷᠡᠳᠡᠭ ᠢ᠋ ᠮᠡᠳᠡᠬᠦ ᠦᠭᠡᠢ ᠭᠡᠵᠢ ᠤᠤ?ᠡᠳᠦᠢ ᠪᠣᠯᠴᠢᠬᠠᠭᠠᠳ ᠶᠠᠭᠤ ᠴᠤ᠌ ᠰᠤᠷᠤᠭᠠ ᠦᠭᠡᠢ ᠬᠡᠷᠡᠭ ᠤᠤ ? ᠲᠡᠭᠦᠨ ᠳ᠋ᠦ᠍ ᠶᠠᠭᠠᠬᠢᠵᠤ ᠡᠭᠡᠷᠡᠬᠦ ᠶ᠋ᠢ ᠵᠢᠭᠠᠵᠤ ᠥᠭᠭᠦᠭᠡᠷᠡᠢ ! ᠮᠡᠳᠡᠪᠡ ᠤᠤ?》
《ᠵᠠ᠂ ᠡᠵᠢ ᠠ᠋︕》
ᠯᠢᠲ᠋ᠢᠰᠢᠶᠠ ᠡᠢᠨ ᠬᠦ᠌ ᠬᠡᠷᠬᠢᠨ ᠤᠲᠠᠰᠤ ᠡᠭᠡᠷᠡᠬᠦ ᠶ᠋ᠢ ᠰᠤᠷᠬᠤ ᠠ᠋ᠴᠠ ᠭᠠᠳᠠᠨᠠ ᠥᠪᠡᠷ ᠦ᠋ᠨ ᠬᠤᠪᠴᠠᠰᠤ ᠪᠠᠨ ᠣᠶᠣᠬᠤ ᠳ᠋ᠤ᠌ ᠰᠤᠷᠤᠯᠴᠠᠵᠠᠢ᠃ ᠮᠥᠨ ᠲᠣᠮᠣ ᠴᠢᠯᠠᠭᠤᠨ ᠵᠤᠤᠬᠠᠨ ᠳ᠋ᠤ᠌ ᠭᠠᠯ ᠠᠰᠠᠭᠠᠵᠤ ᠬᠣᠭᠣᠯᠠ ᠬᠢᠳᠡᠭ ᠪᠣᠯᠪᠠ᠃ᠮᠡᠳᠡᠭᠡᠵᠢ ᠡᠨᠡ ᠨᠢ ᠯᠢᠲ᠋ᠢᠰᠢᠶᠠ ᠳ᠋ᠤ᠌ ᠠᠮᠢᠰᠬᠤᠯ ᠳᠠᠪᠴᠢᠳᠠᠮᠠ ᠬᠠᠯᠠᠭᠤᠨ ᠰᠠᠨᠠᠭᠳᠠᠳᠠᠭ ᠪᠠᠢᠭᠰᠠᠨ ᠪᠠᠢᠬᠠ᠂ᠪᠠᠰᠠ ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠤᠬᠢᠶᠠᠯᠭᠠ ᠴᠡᠪᠡᠷᠯᠡᠭᠡ ᠬᠢᠳᠡᠭ ᠪᠠᠢᠯᠠ᠂ ᠬᠥᠭᠡᠷᠦᠬᠦᠢ ᠯᠢᠲ᠋ᠢᠰᠢᠶᠠ ᠭᠡᠷ ᠢ᠋ᠶ᠋ᠡᠨ ᠰᠠᠨᠠᠵᠤ ᠦᠵᠡᠨ ᠶᠠᠳᠠᠳᠠᠭ ᠪᠠᠢᠭᠰᠠᠨ ᠪᠠᠢᠽᠠᠢ ᠲᠠᠢ ᠱᠥᠯᠥ ᠪᠡᠨ ᠦᠭᠡᠢᠯᠡᠨ ᠳᠤᠷᠠ ᠦᠭᠡᠢ ᠳᠠᠰᠢᠨᠵᠠ ᠪᠠᠨ ᠡᠮᠦᠰᠳᠡᠭ ᠪᠠᠢᠯᠠ᠃ᠨᠢᠭᠡᠨ ᠡᠳᠦᠷ ᠥᠬᠢᠨ ᠳᠡᠭᠡᠪᠦᠷ ᠦ᠋ᠨ ᠥᠷᠥᠭᠡ ᠶ᠋ᠢ ᠴᠡᠪᠡᠷᠯᠡᠵᠦ ᠪᠠᠢᠭᠠᠳ ᠭᠡᠷ ᠲᠡᠭᠡᠨ ᠬᠠᠷᠢᠭᠰᠠᠨ ᠲᠠᠢ ᠪᠠᠨ ᠶᠠᠭ ᠢᠵᠢᠯᠬᠡᠨ ᠭᠣᠶᠣᠮᠰᠣᠭ ᠬᠠᠢᠷᠴᠠᠭ ᠢ᠋ ᠣᠯᠵᠤ ᠬᠠᠷᠠᠵᠠᠢ᠃ ᠲᠡᠭᠡᠭᠡᠳ ᠨᠡᠭᠡᠭᠡᠵᠦ ᠦᠵᠡᠲᠡᠯᠡ ᠮᠥᠨ ᠯᠡ ᠨᠣᠭᠣᠭᠠᠨ ᠲᠤᠤᠵᠠ ᠲᠠᠢ ᠲᠦᠯᠬᠢᠭᠦᠷ ᠪᠠᠢᠬᠤ ᠶ᠋ᠢ ᠣᠯᠵᠤ ᠦᠵᠡᠪᠡ ᠭᠡᠨᠡ᠃
《ᠡᠨᠡ ᠶᠠᠭᠤ ᠪᠣᠢ ? ᠡᠨᠡ ᠨᠣᠭᠣᠭᠠᠨ ᠬᠠᠭᠠᠯᠭᠠᠨ ᠤ᠋ ᠬᠢ ᠭᠡᠵᠢ ᠤᠤ?》
《ᠮᠠᠭᠠᠳ ᠦᠭᠡᠢ᠂ ᠪᠠᠢᠰᠢᠩ ᠤ᠋ᠨ ᠬᠣᠢᠲᠤ ᠬᠠᠨᠠᠨ ᠳ᠋ᠤ᠌ ᠨᠢᠭᠡ ᠬᠠᠭᠠᠯᠭᠠ ᠪᠣᠢ᠂ ᠠᠪᠤ ᠡᠵᠢ ᠮᠠᠨᠢ ᠲᠡᠭᠦᠨ ᠢ᠋ ᠣᠭᠲᠣ ᠣᠩᠭᠣᠢᠯᠭᠠᠵᠤ ᠪᠣᠯᠬᠤ ᠦᠭᠡᠢ ᠭᠡᠳᠡᠭ ᠶᠦᠮ᠂ ᠲᠡᠢᠮᠦ ᠡᠴᠡ ᠪᠢ ᠨᠡᠭᠡᠭᠡᠬᠦ ᠦᠭᠡᠢ》
《ᠥᠬᠢᠳ ᠠ᠋᠂ ᠣᠷᠣᠢ ᠶ᠋ᠢᠨ ᠬᠣᠭᠣᠯᠠ ᠪᠡᠯᠡᠨ ᠪᠣᠯᠤᠯᠠ᠃》
《ᠣᠴᠢᠯᠠ!》
《ᠲᠡᠭᠡᠬᠦ ᠪᠡᠷ ᠠᠪᠤ ᠪᠢᠳᠡ ᠬᠣᠶᠠᠷ ᠴᠢᠨᠢ ᠸᠧᠢ ᠳᠡᠸᠰ ᠤᠷᠤᠭᠤ ᠶᠠᠪᠤᠯᠠ᠂ ᠭᠡᠷ ᠲᠡᠭᠡᠨ ᠲᠣᠮᠣᠭᠠ ᠲᠠᠢ ᠪᠠᠢᠵᠤ ᠪᠠᠢᠭᠠᠷᠠᠢ᠃》
ᠢᠩᠭᠢᠭᠡᠳ ᠥᠬᠢᠳ ᠤᠲᠠᠰᠤ ᠡᠭᠡᠷᠡᠨ ᠰᠠᠭᠤᠵᠤ ᠪᠠᠢᠲᠠᠯᠠ ᠬᠠᠭᠠᠯᠭᠠ ᠲᠣᠭᠰᠢᠵᠠᠢ ᠭᠡᠨᠡ᠃ ᠲᠡᠭᠡᠭᠡᠳ ᠬᠠᠭᠠᠯᠭᠠ ᠶ᠋ᠢ ᠣᠩᠭᠣᠢᠯᠭᠠᠲᠠᠯᠠ ᠯᠢᠲ᠋ᠢᠰᠢᠶᠠ ᠶ᠋ᠢᠨ ᠬᠦᠷᠰᠢ ᠠᠢᠯ ᠤ᠋ᠨ ᠬᠥᠪᠡᠭᠦᠨ ᠵᠡᠺ ᠫᠢᠪᠤᠳᠢ ᠵᠣᠭᠰᠣᠵᠤ ᠪᠠᠢᠬᠤ ᠨᠢ ᠲᠡᠷᠡ ᠠ᠋᠃
《ᠵᠠ᠂ ᠮᠠᠨ ᠤ᠋ ᠠᠪᠤ ᠡᠵᠢ ᠭᠡᠷ ᠲᠡᠭᠡᠨ ᠠᠯᠠᠭᠠ ᠪᠠᠢᠨᠠ᠃》
《ᠥᠷᠥᠰᠢᠶᠡᠭᠡᠷᠡᠢ᠂ ᠪᠢ ᠣᠢ ᠳ᠋ᠤ᠌ ᠶᠠᠪᠤᠵᠤ ᠪᠠᠢᠭᠠᠳ ᠲᠥᠭᠡᠷᠢᠴᠢᠬᠡᠯᠡ᠃ ᠪᠢ ᠴᠢᠨᠣᠠ ᠶ᠋ᠢᠨ ᠰᠦᠷᠦᠭ ᠬᠠᠷᠠᠭᠰᠠᠨ᠂ ᠪᠠᠰᠠ ᠭᠠᠳᠠᠭᠠ ᠬᠠᠷᠠᠩᠭᠤᠢ ᠪᠣᠯᠵᠤ ᠪᠠᠢᠭᠠ ᠪᠣᠯᠬᠣᠷ ᠲᠠᠨ ᠢ᠋ ᠳᠤᠷᠠ ᠦᠭᠡᠢᠴᠡᠬᠦ ᠦᠭᠡᠢ ᠪᠣᠯ ᠪᠢ ᠡᠨᠳᠡ ᠵᠢᠭᠠᠬᠠᠨ ᠲᠣᠯᠣᠭᠠᠢ ᠬᠣᠷᠭᠣᠳᠠᠬᠤ ᠭᠡᠰᠡᠨ ᠶᠦ᠍ᠮ᠃》
《ᠪᠢ ᠴᠢᠮᠠ ᠶ᠋ᠢ ᠡᠮᠦᠨᠡ ᠨᠢ ᠬᠠᠷᠠᠵᠤ ᠪᠠᠢᠭᠠ ᠦᠭᠡᠢ ᠶᠦ᠍ᠮ ᠪᠠᠢᠨᠠ᠃》
《ᠪᠢ ᠺᠡᠷᠢᠺᠡᠲᠦᠨ ᠦ᠌ ᠡᠴᠡ ᠠᠷᠪᠠᠨ ᠮᠢᠯ ᠦ᠋ᠨ ᠵᠠᠢ ᠳ᠋ᠤ᠌ ᠠᠮᠢᠳᠤᠷᠠᠳᠠᠭ ᠯᠠ ᠶᠤᠮ ᠳᠠ᠂ ᠭᠡᠲᠡᠯᠡ ᠣᠢ ᠳ᠋ᠤ᠌ ᠴᠢᠨᠣᠠ ᠠ᠋ᠴᠠ ᠵᠢᠭᠤᠲᠠᠵᠤ ᠭᠦᠶᠦᠭᠡᠳ ᠲᠥᠭᠡᠷᠢᠴᠢᠬᠡᠯᠡ᠃》
《ᠦ᠂ ᠪᠢ ᠺᠡᠷᠢᠺᠡᠲᠦᠨ ᠢ᠋ ᠮᠡᠳᠡᠨᠡ᠂ ᠪᠢᠳᠡ ᠥᠩᠭᠡᠷᠡᠭᠰᠡᠨ ᠵᠢᠯ ᠵᠤᠯᠠ ᠰᠠᠷᠠ ᠪᠠᠷ ᠠᠭᠤᠯᠵᠠᠵᠤ ᠪᠠᠢᠭᠰᠠᠨ ᠶᠤᠮ᠃ ᠵᠠ ᠵᠠ᠂ ᠣᠷᠤᠯ ᠳᠠ᠃》
《ᠪᠠᠶᠠᠷᠯᠠᠯᠠ᠃ ᠪᠢ ᠵᠢᠭᠠᠬᠠᠨ ᠤᠰᠤ ᠤᠤᠭᠤᠵᠤ ᠪᠣᠯᠬᠤ ᠪᠣᠯᠪᠠᠤ?》
《ᠲᠡᠭᠡᠯᠭᠦᠢ ᠶᠠᠭᠠᠬᠢᠬᠤᠪ᠃》
《ᠴᠢ ᠮᠠᠨ ᠤ᠋ ᠬᠥᠷᠰᠢ ᠯᠢᠲ᠋ᠢᠰᠢᠶᠠ ᠮᠥᠨ ᠤᠤ?》
《ᠬᠠᠷᠢᠨ ᠴᠢ ᠵᠡᠺ ᠫᠢᠪᠤᠳᠢ ᠤᠤ? ᠴᠢ ᠶᠠᠭᠠᠬᠢᠵᠤ ᠡᠨᠳᠡ ᠢᠷᠡᠭᠰᠡᠨ ᠪᠣᠢ?》
《ᠨᠣᠮ ᠢ᠋ᠶ᠋ᠠᠷ᠂ ᠴᠣᠣᠵᠢ ᠲᠠᠢ ᠨᠣᠭᠣᠭᠠᠨ ᠨᠣᠮ ᠢ᠋ᠶ᠋ᠠᠷ᠃》
《ᠨᠣᠮ ᠠ᠋? ᠴᠣᠣᠵᠢ ᠲᠠᠢ ᠭᠡᠨᠡ? ᠬᠠᠷᠢᠨ ᠪᠢ ᠡᠨᠳᠡ ᠨᠣᠭᠣᠭᠠᠨ ᠬᠠᠭᠠᠯᠭᠠ ᠪᠠᠷ ᠢᠷᠡᠭᠰᠡᠨ᠂ ᠲᠡᠷᠡ ᠴᠦ᠍ ᠭᠡᠰᠡᠨ ᠴᠣᠣᠵᠢ ᠲᠠᠢ ᠪᠠᠢᠭᠰᠠᠨ᠃》
《ᠬᠠᠷᠢᠨ ᠪᠢ ᠡᠯᠦᠨᠴᠡ ᠡᠪᠦᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠭᠡᠷ ᠲᠦ᠍ ᠢᠷᠡᠴᠢᠬᠡᠭᠰᠡᠨ᠂ ᠬᠡᠳᠦᠨ ᠰᠠᠷᠠ ᠪᠣᠯᠵᠤ ᠪᠠᠢᠨᠠ᠃》
《ᠪᠢ ᠪᠠᠰᠠ ᠡᠯᠦᠨᠴᠡ ᠡᠪᠦᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠭᠡᠷ ᠲᠦ᠍ ᠢᠷᠡᠴᠢᠬᠡᠭᠰᠡᠨ ᠪᠠᠢᠭᠠ ᠶᠤᠮ᠂ᠪᠠᠰᠠ ᠬᠡᠳᠦᠨ ᠰᠠᠷᠠ ᠪᠣᠯᠵᠤ ᠪᠠᠢᠨᠠ᠃》
《ᠡᠨᠳᠡ ᠢᠷᠡᠭᠰᠡᠨ ᠡᠴᠡ ᠪᠡᠨ ᠬᠣᠢᠰᠢ ᠪᠢ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠬᠢᠵᠦ ᠪᠠᠢᠭᠠ ᠦᠭᠡᠢ ᠪᠡᠷ ᠶᠡᠬᠡ ᠠᠵᠢᠯ ᠬᠢᠵᠦ ᠪᠠᠢᠭᠠ᠃》
《ᠪᠢ ᠴᠦ᠍ ᠭᠡᠰᠡᠨ ᠠᠳᠠᠯᠢᠬᠠᠨ ᠭᠠᠷ ᠮᠠᠨᠢ ᠡᠨᠡ ᠪᠦᠬᠦ ᠠᠵᠢᠯ ᠠ᠋ᠴᠠ ᠪᠣᠯᠵᠤ ᠡᠪᠡᠳᠴᠦ ᠪᠠᠢᠨᠠ᠃ ᠪᠢ ᠡᠭᠦᠨ ᠦ᠌ ᠭᠤᠷᠪᠠᠨ ᠤ᠋ ᠨᠢᠭᠡ ᠶ᠋ᠢ ᠴᠦ᠍ ᠭᠡᠷ ᠲᠦ᠍ ᠪᠡᠨ ᠬᠢᠵᠦ ᠪᠠᠢᠭᠠ ᠦᠭᠡᠢ᠃》
《ᠪᠢᠳᠡ ᠥᠪᠡᠷᠰᠡᠳ ᠦ᠋ᠨ ᠭᠡᠷ ᠤᠷᠤᠭᠤ ᠪᠠᠨ ᠪᠤᠴᠠᠵᠤ ᠶᠠᠪᠤᠮᠠᠷ ᠪᠠᠢᠨᠠ᠃》
《ᠪᠢ ᠪᠤᠴᠠᠵᠤ ᠶᠠᠪᠤᠬᠤ ᠶ᠋ᠢ ᠶᠠᠮᠠᠷ ᠶᠡᠬᠡ ᠬᠦᠰᠡᠵᠦ ᠪᠠᠢᠨᠠ ᠭᠡᠴᠢ?》
《ᠶᠠᠭᠤ ᠭᠡᠴᠢ᠂ ᠨᠠᠮᠠ ᠶ᠋ᠢ ᠡᠨᠳᠡ ᠠᠪᠴᠢᠷᠠᠭᠰᠠᠨ ᠨᠣᠮ ᠲᠠᠢ ᠢᠵᠢᠯ ᠨᠣᠮ ᠢ᠋ ᠪᠢ ᠬᠠᠷᠠᠭᠰᠠᠨ᠂ ᠪᠠᠰᠠ ᠠᠳᠠᠯᠢᠬᠠᠨ ᠴᠣᠣᠵᠢ ᠲᠠᠢ ᠪᠢ ᠨᠡᠭᠡᠭᠡᠬᠦ ᠭᠡᠵᠦ ᠪᠠᠢᠭᠠ᠂ ᠡᠨᠳᠡ ᠪᠠᠰᠠ ᠨᠣᠭᠣᠭᠠᠨ ᠬᠠᠭᠠᠯᠭᠠ ᠪᠠᠢᠨᠠ ᠤᠤ?》
《ᠲᠡᠢᠮᠦ ᠠ᠋᠃》
ᠲᠡᠷᠡ ᠦᠳᠡᠰᠢ ᠯᠢᠲ᠋ᠢᠰᠢᠶᠠ ᠳᠡᠭᠡᠪᠦᠷ ᠦ᠋ᠨ ᠥᠷᠥᠭᠡᠨ ᠳ᠋ᠦ᠍ ᠨᠢᠭᠤᠴᠠ ᠪᠠᠷ ᠣᠷᠣᠵᠤ ᠲᠦᠯᠬᠢᠭᠦᠷ ᠢ᠋ ᠠᠪᠤᠭᠠᠳ ᠪᠠᠢᠰᠢᠩ ᠤ᠋ᠨ ᠬᠣᠢᠲᠤ ᠠᠮᠠ ᠶ᠋ᠢᠨ ᠨᠢᠭᠤᠴᠠ ᠬᠠᠭᠠᠯᠭᠠ ᠤᠷᠤᠭᠤ ᠭᠦᠶᠦᠯᠡ᠃ ᠲᠡᠷᠡ ᠴᠡᠴᠡᠷᠡᠭᠰᠡᠨ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠴᠣᠣᠵᠢ ᠶ᠋ᠢ ᠣᠩᠭᠣᠢᠯᠭᠠᠨ ᠭᠡᠷ ᠤᠷᠤᠭᠤ ᠪᠠᠨ ᠣᠷᠣᠵᠠᠢ᠃
ᠲᠡᠷᠡ ᠴᠡᠴᠡᠷᠯᠢᠭ ᠡᠴᠡ ᠭᠦᠶᠦᠵᠦ ᠢᠷᠡᠭᠡᠳ : 《ᠡᠵᠢ ᠠ᠋᠂ ᠠᠪᠤ ᠠ᠋ ᠪᠢ ᠡᠷᠭᠢᠭᠡᠳ ᠢᠷᠡᠯᠡ᠂ ᠡᠷᠭᠢᠭᠡᠳ ᠢᠷᠡᠯᠡ᠃》
《ᠬᠠᠮᠢᠭᠠ ᠠ᠋ᠴᠠ?》
ᠯᠢᠲ᠋ᠢᠰᠢᠶᠠ ᠲᠡᠳᠡᠨ ᠳ᠋ᠦ᠍ ᠥᠪᠡᠷ ᠲᠦ᠍ ᠨᠢ ᠲᠣᠬᠢᠶᠠᠯᠳᠤᠭᠰᠠᠨ ᠪᠦᠬᠦ ᠠᠳᠠᠯ ᠶᠠᠪᠤᠳᠠᠯ ᠢ᠋ ᠶᠠᠷᠢᠵᠤ ᠥᠭᠴᠡᠢ᠃
《ᠲᠡᠷᠡ ᠦᠶᠡ ᠳ᠋ᠦ᠍ ᠪᠦᠬᠦ ᠵᠦᠢᠯ ᠦᠨᠡᠬᠡᠷ ᠬᠡᠴᠡᠭᠦᠦ ᠪᠠᠢᠭᠰᠠᠨ᠂ ᠬᠠᠷᠢᠨ ᠪᠢ ᠡᠭᠦᠨ ᠡᠴᠡ ᠬᠣᠢᠰᠢ ᠳᠠᠬᠢᠵᠤ ᠬᠡᠵᠢᠶᠡ ᠴᠦ᠍ ᠶᠠᠭᠤ ᠶ᠋ᠢ ᠴᠦ᠍ ᠭᠣᠯᠣᠵᠤ ᠪᠠᠢᠬᠤ ᠦᠭᠡᠢ᠂ ᠪᠢ ᠪᠠᠢᠽᠠᠢ ᠲᠠᠢ ᠱᠥᠯᠦᠨ ᠳ᠋ᠦ᠍ ᠮᠠᠰᠢ ᠶᠡᠬᠡ ᠳᠤᠷᠠᠲᠠᠢ᠂ ᠠᠪᠤ ᠠ᠋ ᠲᠠᠨ ᠤ᠋ ᠨᠠᠳᠠᠳᠤ ᠪᠡᠯᠭᠡᠯᠡᠭᠰᠡᠨ ᠳᠠᠰᠢᠨᠵᠠ ᠦᠨᠡᠬᠡᠷ ᠶᠡᠬᠡ ᠲᠠᠭᠠᠯᠠᠭᠳᠠᠭᠰᠠᠨ᠂ ᠪᠠᠰᠠ ᠪᠢ ᠰᠢᠨᠡ ᠦᠵᠦᠭ ᠬᠠᠷᠠᠨᠳᠠ ᠪᠠᠷ ᠢ᠋ᠶ᠋ᠠᠨ ᠬᠢᠴᠢᠶᠡᠯ ᠢ᠋ᠶ᠋ᠡᠨ ᠬᠢᠭᠡᠳ ᠬᠢᠭᠡᠳ ᠯᠡ ᠪᠠᠢᠮᠠᠷ ᠪᠠᠢᠨᠠ᠂ᠨᠠᠮᠠ ᠶ᠋ᠢ ᠮᠠᠭᠤᠬᠠᠢ ᠠᠭᠠᠰᠢ ᠭᠠᠷᠭᠠᠵᠤ ᠪᠠᠢᠭᠰᠠᠨ ᠳ᠋ᠤ᠌ ᠠᠭᠤᠴᠢᠯᠠᠭᠠᠷᠠᠢ᠂ ᠪᠠᠰᠠ ᠲᠠ ᠬᠣᠶᠠᠷ ᠤ᠋ᠨ ᠦᠭᠡᠨ ᠡᠴᠡ ᠵᠥᠷᠢᠵᠦ ᠨᠣᠭᠣᠭᠠᠨ ᠬᠠᠭᠠᠯᠭᠠ ᠶ᠋ᠢ ᠣᠩᠭᠣᠢᠯᠭᠠᠭᠰᠠᠨ ᠳ᠋ᠤ᠌ ᠠᠭᠤᠴᠢᠯᠠᠭᠠᠷᠠᠢ!》
《ᠬᠠ ᠬᠠ ᠬᠠ᠂ ᠴᠢᠮᠠ ᠶ᠋ᠢ ᠡᠭᠦᠨ ᠢ᠋ ᠣᠢᠯᠠᠭᠠᠭᠰᠠᠨ ᠭᠡᠵᠦ ᠪᠣᠳᠣᠵᠤ ᠪᠠᠢᠨᠠ᠂ ᠬᠡᠷᠪᠡ ᠪᠢᠳᠡ ᠪᠠᠢᠭᠠ ᠪᠦᠬᠦᠨ ᠳ᠋ᠦ᠍ ᠪᠡᠨ ᠰᠡᠳᠬᠢᠯ ᠬᠠᠩᠭᠠᠯᠤᠭᠤᠨ ᠪᠢᠰᠢ ᠪᠠᠢᠪᠠᠯ ᠠᠮᠢᠳᠤᠷᠠᠯ ᠪᠢᠳᠡᠨ ᠢ᠋ ᠬᠠᠲᠠᠭᠤᠬᠠᠨ ᠰᠤᠷᠭᠠᠳᠠᠭ ᠶᠤᠮ᠃》
《ᠭᠡᠬᠦ ᠳ᠋ᠦ᠍ ᠪᠡᠨ ᠬᠦᠯᠢᠶᠡᠭᠡᠷᠡᠢ᠂ ᠪᠢᠳᠡ ᠡᠨᠳᠡ ᠬᠡᠳᠦᠨ ᠰᠠᠷᠠ ᠪᠠᠢᠭᠰᠠᠨ ᠰᠢᠦ ᠳᠡ᠂ ᠭᠡᠲᠡᠯᠡ ᠲᠠ ᠬᠣᠶᠠᠷ ᠣᠳᠣ ᠯᠠ ᠪᠤᠴᠠᠵᠤ ᠢᠷᠡᠵᠦ ᠪᠠᠢᠭᠠ ᠭᠡᠵᠢ ᠤᠤ ᠳᠠ?》 《ᠥᠩᠭᠡᠷᠡᠭᠰᠡᠨ ᠦᠶᠡ ᠳ᠋ᠦ᠍ ᠴᠠᠭ ᠬᠤᠭᠤᠴᠠᠭᠠ ᠣᠳᠣ ᠶ᠋ᠢᠨ ᠬᠢ ᠡᠴᠡ ᠬᠠᠪᠢ ᠦᠭᠡᠢ ᠬᠤᠷᠳᠤᠨ ᠥᠩᠭᠡᠷᠡᠳᠡᠭ ᠶᠦ᠍ᠮ ᠠ᠋᠂ ᠥᠬᠢᠨ ᠮᠢᠨᠢ ᠬᠡᠳᠦᠨ ᠰᠠᠷᠠ ᠶᠤᠮ ᠰᠢᠭ᠋ ᠰᠠᠨᠠᠭᠳᠠᠵᠤ ᠪᠠᠢᠬᠤ ᠴᠤ᠌ ᠣᠳᠣ ᠴᠠᠭ ᠲᠤ᠌ ᠶᠡᠷᠦ ᠳ᠋ᠦ᠍ ᠪᠡᠨ ᠬᠡᠳᠦᠬᠡᠨ ᠴᠠᠭ ᠯᠠ ᠭᠡᠰᠡᠨ ᠦᠭᠡ ᠰᠢᠦ ᠳᠡ᠃》
ᠤᠳᠠᠯ ᠦᠭᠡᠢ ᠵᠠᠮ ᠳᠡᠭᠡᠷᠡ ᠨᠢᠭᠡᠨ ᠮᠠᠰᠢᠨ ᠢᠷᠡᠬᠦ ᠳ᠋ᠦ᠍ ᠳᠣᠲᠣᠷᠠ ᠠ᠋ᠴᠠ ᠨᠢ ᠨᠣᠶᠠᠨ ᠬᠠᠲᠤᠭᠲᠠᠢ ᠫᠢᠪᠤᠳᠢ᠂ ᠪᠠᠰᠠ ᠲᠡᠭᠦᠨ ᠦ᠌ ᠬᠦᠦ ᠵᠡᠺ ᠫᠢᠪᠤᠳᠢ ᠨᠠᠷ ᠭᠠᠷᠴᠤ ᠢᠷᠡᠪᠡ᠃ ᠵᠡᠺ ᠯᠢᠲ᠋ᠢᠰᠢᠶᠠ ᠤᠷᠤᠭᠤ᠂ ᠯᠢᠲ᠋ᠢᠰᠢᠶᠠ ᠵᠡᠺ ᠤᠷᠤᠭᠤ ᠬᠠᠷᠠᠨ ᠪᠡᠶᠡ ᠪᠡᠶᠡ ᠤᠷᠤᠭᠤ ᠪᠠᠨ ᠨᠢᠳᠦ ᠢᠷᠮᠡᠵᠡᠭᠡᠯᠡ᠃ ᠣᠳᠣ ᠲᠡᠳᠡ ᠥᠪᠡᠷᠰᠡᠳ ᠦ᠋ᠨ ᠨᠢᠭᠤᠴᠠ ᠪᠠᠨ ᠪᠤᠰᠤᠳ ᠲᠠᠢ ᠬᠤᠪᠢᠶᠠᠯᠴᠠᠪᠠᠯ ᠬᠡᠨ ᠨᠢᠭᠡᠨ ᠲᠡᠳᠡᠨ ᠳ᠋ᠦ᠍ ᠢᠲᠡᠭᠡᠬᠦ ᠪᠣᠯᠪᠠ ᠤᠤ? ᠶᠠᠭᠠᠬᠢᠬᠤ ᠪᠣᠯ?
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲ· ᠲᠦᠮᠡᠨᠴᠡᠴᠡᠭ
ᠦᠰᠦᠭ ᠬᠠᠳᠠᠭᠴᠢ᠄ ᠴᠠᠬᠠᠷ ᠪᠠᠲᠤ
ᠬᠢᠨᠠᠭᠴᠢ᠄ ᠭᠠᠷᠮᠠ᠂ ᠢᠷᠡᠭᠡᠳᠦᠢ