ᠦᠨᠡᠭᠡ ᠡᠭᠡᠴᠢ ᠪᠠ ᠰᠡᠷᠡᠯ ᠴᠢᠨᠣᠠ - ᠦᠯᠢᠭᠡᠷ ᠦᠨ ᠴᠠᠭ Үнэг эгч ба Саарал Чоно- Үлгэрийн цаг
402ᠦᠨᠡᠭᠡ ᠡᠭᠡᠴᠢ ᠪᠠ ᠰᠡᠷᠡᠯ ᠴᠢᠨᠣᠠ
ᠨᠢᠭᠡᠨ ᠵᠠᠮ ᠢ᠋ᠶ᠋ᠠᠷ ᠦᠨᠡᠭᠡ ᠭᠦᠶᠦᠵᠦ ᠶᠠᠪᠤᠲᠠᠯᠠ ᠴᠢᠷᠭᠠ ᠪᠠᠷ ᠢ᠋ᠶ᠋ᠠᠨ ᠳᠦᠭᠦᠷᠡᠩ ᠵᠢᠭᠠᠰᠤ ᠠᠴᠢᠭᠰᠠᠨ ᠡᠪᠦᠭᠡᠨ ᠢᠷᠡᠵᠦ ᠪᠠᠢᠬᠤ ᠶ᠋ᠢ ᠬᠠᠷᠠᠵᠤ ᠭᠡᠨᠡ᠃ ᠵᠠᠯᠢᠲᠤ ᠦᠨᠡᠭᠡ ᠮᠡᠬᠡ ᠭᠠᠷᠭᠠᠨ ᠵᠠᠮ ᠤ᠋ᠨ ᠭᠣᠣᠯ ᠳ᠋ᠤ᠌ ᠦᠬᠦᠭᠰᠡᠨ ᠶᠦᠮ ᠰᠢᠭ ᠬᠡᠪᠲᠡᠭᠡᠳ ᠥᠭᠴᠦ ᠭᠡᠨᠡ᠃ ᠭᠡᠲᠡᠯᠡ ᠡᠪᠦᠭᠡᠨ ᠬᠡᠪᠲᠡᠵᠦ ᠪᠠᠢᠭᠠ ᠦᠨᠡᠭᠡ ᠶ᠋ᠢ ᠬᠠᠷᠠᠭᠠᠳ ᠪᠢ ᠴᠢᠨᠢ ᠥᠨᠥᠳᠥᠷ ᠶᠠᠮᠠᠷ ᠰᠠᠢᠬᠠᠨ ᠠᠵᠠ ᠲᠠᠢ ᠶᠠᠪᠤᠭᠠ ᠪᠣᠢ᠂ ᠵᠢᠭᠠᠰᠤ ᠶᠡᠬᠡ ᠪᠠᠷᠢᠭᠠᠳ ᠪᠠᠰᠠ ᠳᠡᠭᠡᠷᠡ ᠨᠢ ᠡᠮᠡᠭᠡᠨ ᠳ᠋ᠦ᠍ ᠪᠡᠨ ᠳᠤᠯᠠᠭᠠᠬᠠᠨ ᠰᠠᠢᠬᠠᠨ ᠦᠨᠡᠭᠡᠨ ᠦ᠌ ᠵᠠᠬᠠ ᠲᠠᠢ ᠪᠣᠯᠤᠯᠠ ᠭᠡᠳ ᠦᠨᠡᠭᠡ ᠶ᠋ᠢ ᠴᠢᠷᠭᠠᠨ ᠳᠡᠭᠡᠷᠡ ᠪᠡᠨ ᠲᠠᠯᠪᠢᠭᠠᠳ ᠴᠠᠰᠢ ᠶᠠᠪᠤᠯᠠ᠃
ᠦᠨᠡᠭᠡ ᠡᠪᠦᠭᠡᠨ ᠦ᠌ ᠨᠢᠳᠦ ᠶ᠋ᠢ ᠬᠠᠷᠢᠭᠤᠯᠵᠤ ᠪᠠᠢᠭᠠᠳ ᠪᠦᠬᠦ ᠵᠢᠭᠠᠰᠤ ᠶ᠋ᠢ ᠨᠢ ᠴᠠᠰᠤ ᠤᠷᠤᠭᠤ ᠴᠤᠪᠤᠭᠤᠯᠤᠭᠠᠳ ᠰᠢᠳᠡᠴᠢᠬᠡᠵᠦ ᠭᠡᠨᠡ᠃
ᠡᠪᠦᠭᠡᠨ ᠭᠡᠷ ᠲᠦ᠍ ᠪᠡᠨ ᠢᠷᠡᠭᠡᠳ᠄《 ᠵᠠ ᠡᠮᠡᠭᠡᠨ ᠮᠢᠨᠢ ᠪᠢ ᠴᠢᠮᠠ ᠳ᠋ᠤ᠌ ᠦᠨᠡᠭᠡᠨ ᠦ᠌ ᠳᠤᠯᠠᠭᠠᠬᠠᠨ ᠰᠠᠢᠬᠠᠨ ᠵᠠᠬᠠ ᠲᠠᠢ ᠢᠷᠡᠯᠡ᠂ ᠪᠠᠰᠠ ᠴᠢᠷᠭᠠ ᠳᠦᠭᠦᠷᠡᠩ ᠵᠢᠭᠠᠰᠤ ᠲᠠᠢ ᠢᠷᠡᠯᠡ》 ᠭᠡᠵᠦ ᠭᠡᠨᠡ᠃ ᠭᠡᠲᠡᠯᠡ ᠡᠮᠡᠭᠡᠨ ᠴᠢᠷᠭᠠᠨ ᠳ᠋ᠤ᠌ ᠳᠥᠭᠥᠵᠦ ᠣᠴᠢᠲᠠᠯᠠ ᠶᠠᠭᠤ ᠴᠤ᠌ ᠪᠠᠢᠭᠰᠠᠨ ᠦᠭᠡᠢ ᠭᠡᠨᠡ᠃ ᠡᠮᠡᠭᠡᠨ ᠠᠭᠤᠷᠯᠠᠵᠤ᠄《 ᠵᠥᠨᠥᠭ ᠡᠪᠦᠭᠡᠨ ᠮᠢᠨᠢ ᠴᠢ ᠴᠢᠷᠭᠠᠨ ᠳᠡᠭᠡᠷᠡ ᠵᠠᠬᠠ᠂ ᠵᠢᠭᠠᠰᠤ ᠬᠣᠶᠠᠷ ᠤ᠋ᠨ ᠠᠯᠢ ᠠᠯᠢᠨ ᠴᠤ᠌ ᠠᠯᠠᠭᠠ ᠭᠡᠯᠡ᠃ ᠬᠠᠷᠢᠨ ᠡᠪᠦᠭᠡᠨ ᠦᠨᠡᠭᠡᠨ ᠳ᠋ᠦ᠍ ᠮᠡᠬᠡᠯᠡᠭᠦᠯᠦᠭᠰᠡᠨ ᠢ᠋ᠶ᠋ᠠᠨ ᠲᠡᠭᠡᠲᠡᠯᠡ ᠣᠢᠯᠠᠭᠠᠪᠠ ᠭᠡᠨᠡ᠃
ᠡᠨᠡ ᠦᠶᠡ ᠳ᠋ᠦ᠍ ᠦᠨᠡᠭᠡ ᠪᠦᠬᠦ ᠵᠢᠭᠠᠰᠤ ᠪᠠᠨ ᠴᠤᠭᠯᠠᠭᠤᠯᠵᠤ ᠠᠮᠲᠠᠷᠬᠠᠨ ᠢᠳᠡᠵᠦ ᠡᠬᠢᠯᠡᠯᠡ᠂ ᠭᠡᠲᠡᠯᠡ ᠬᠠᠵᠠᠭᠤ ᠪᠠᠷ ᠨᠢ ᠨᠢᠭᠡᠨ ᠴᠢᠨᠣᠠ ᠭᠦᠶᠦᠵᠦ ᠶᠠᠪᠤᠭᠠᠳ᠄《 ᠦᠨᠡᠭᠡ ᠮᠢᠨᠢ ᠠ᠋᠂ ᠴᠢ ᠨᠠᠳᠠ ᠳ᠋ᠤ᠌ ᠵᠢᠭᠠᠰᠤᠨ ᠠ᠋ᠴᠠ ᠪᠠᠨ ᠥᠭᠭᠦᠭᠡᠴᠢ》 ᠭᠡᠵᠦ ᠭᠡᠨᠡ᠃ ᠭᠡᠲᠡᠯᠡ ᠦᠨᠡᠭᠡ᠄《 ᠴᠢ ᠥᠪᠡᠷ ᠢ᠋ᠶ᠋ᠠᠨ ᠪᠠᠷᠢᠵᠤ ᠢᠳᠡᠭᠡᠴᠢ》 ᠭᠡᠬᠦ ᠳ᠋ᠦ᠍ ᠴᠢᠨᠣᠠ᠄《 ᠪᠢ ᠴᠢᠳᠠᠬᠤ ᠦᠭᠡᠢ ᠰᠢᠦ ᠳᠠ! ᠶᠠᠭᠠᠬᠢᠵᠤ ᠪᠠᠷᠢᠬᠤ ᠪᠣᠢ? ᠭᠡᠵᠦ ᠠᠰᠠᠭᠤᠲᠠᠯᠠ᠂ ᠬᠥᠭᠡᠷᠦᠬᠦᠢ ᠳᠠ᠂ ᠴᠢ ᠮᠢᠨᠢ ᠭᠣᠣᠯ ᠳᠡᠭᠡᠷᠡ ᠣᠴᠢᠭᠠᠳ ᠴᠣᠨᠣᠭ ᠳᠣᠲᠣᠷᠠ ᠰᠡᠭᠦᠯ ᠢ᠋ᠶ᠋ᠠᠨ ᠬᠢᠭᠡᠳ ᠲᠣᠮᠣ ᠵᠢᠵᠢᠭ ᠵᠢᠭᠠᠰᠤ ᠨᠤᠭᠤᠳ ᠠ᠋᠂ ᠪᠠᠷᠢᠭᠳᠠᠭᠠᠷᠠᠢ ᠠ᠋! ᠭᠡᠳ ᠰᠢᠪᠡᠨᠡᠭᠡᠳ ᠪᠠᠢ》 ᠭᠡᠵᠦ ᠭᠡᠨᠡ᠃ ᠴᠢᠨᠣᠠ ᠭᠣᠣᠯ ᠳᠡᠭᠡᠷᠡ ᠣᠴᠢᠭᠠᠳ ᠴᠣᠨᠣᠭ ᠲᠤ᠌ ᠰᠡᠭᠦᠯ ᠢ᠋ᠶ᠋ᠠᠨ ᠬᠢᠵᠦ ᠲᠣᠮᠣ ᠵᠢᠵᠢᠭ ᠵᠢᠭᠠᠰᠤ ᠨᠤᠭᠤᠳ ᠠ᠋᠂ ᠪᠠᠷᠢᠭᠳᠠᠭᠠᠷᠠᠢ ᠠ᠋! ᠲᠣᠮᠣ ᠵᠢᠵᠢᠭ ᠵᠢᠭᠠᠰᠤ ᠨᠤᠭᠤᠳ ᠠ᠋᠂ ᠪᠠᠷᠢᠭᠳᠠᠭᠠᠷᠠᠢ! ᠭᠡᠳ ᠰᠠᠭᠤᠭᠠᠳ ᠯᠠ ᠪᠠᠢᠵᠤ ᠭᠡᠨᠡ᠃ ᠰᠠᠭᠤᠭᠠᠳ ᠯᠠ ᠪᠠᠢᠵᠤ ᠭᠡᠨᠡ᠃
ᠴᠢᠨᠣᠠ ᠰᠠᠭᠤᠭᠰᠠᠭᠠᠷ ᠪᠠᠢᠲᠠᠯᠠ ᠰᠡᠭᠦᠯ ᠨᠢ ᠮᠥᠰᠥ ᠲᠡᠢ ᠪᠠᠷᠢᠯᠳᠤᠭᠠᠳ ᠬᠥᠯᠳᠡᠵᠡᠢ᠃
ᠥᠷᠯᠥᠭᠡ ᠨᠢ ᠲᠣᠰᠬᠣᠨ ᠤ᠋ ᠠᠪᠠᠭᠠᠢᠴᠤᠳ ᠭᠣᠣᠯ ᠳᠡᠭᠡᠷᠡ ᠢᠷᠡᠵᠦ ᠴᠢᠨᠣᠠ ᠶ᠋ᠢ ᠬᠠᠷᠠᠭᠠᠳ᠄《 ᠴᠣᠬᠢᠭᠠᠷᠠᠢ᠂ ᠴᠣᠬᠢᠭᠠᠷᠠᠢ ᠨᠠᠭᠠᠳᠤ ᠮᠠᠭᠤ ᠴᠢᠨᠣᠠ ᠪᠠᠨ ᠴᠣᠬᠢᠭᠠᠷᠠᠢ!》 ᠭᠡᠳ ᠯᠡ ᠬᠠᠰᠬᠢᠷᠤᠯᠳᠤᠵᠤ ᠭᠡᠨᠡ᠃
ᠦᠨᠡᠭᠡ ᠵᠢᠭᠠᠰᠤ ᠪᠠᠨ ᠢᠳᠡᠵᠦ ᠳᠠᠭᠤᠰᠤᠭᠠᠳ ᠳᠠᠬᠢᠭᠠᠳ ᠬᠡᠨ ᠨᠢᠭᠡᠨ ᠢ᠋ ᠴᠢᠳᠠᠮᠠᠷ ᠰᠠᠨᠠᠭᠳᠠᠵᠤ ᠪᠠᠢᠰᠢᠩ ᠳ᠋ᠤ᠌ ᠣᠷᠣᠭᠠᠳ ᠵᠠᠭᠤᠷᠠᠭᠰᠠᠨ ᠭᠤᠯᠢᠷ ᠲᠤ᠌ ᠲᠣᠯᠣᠭᠠᠢ ᠪᠠᠨ ᠲᠦᠷᠢᠴᠢᠬᠡᠭᠡᠳ ᠶᠠᠪᠤᠵᠤ ᠪᠠᠢᠲᠠᠯᠠ ᠴᠢᠨᠣᠠ ᠲᠠᠢ ᠲᠠᠭᠠᠷᠠᠯᠳᠤᠵᠤ ᠭᠡᠨᠡ᠃ ᠴᠢᠨᠣᠠ᠄《 ᠪᠢ ᠴᠢᠮᠠ ᠠ᠋ᠴᠠ ᠪᠣᠯᠤᠭᠠᠳ ᠰᠡᠭᠦᠯ ᠢ᠋ᠶ᠋ᠠᠨ ᠲᠠᠰᠤᠳᠠᠭᠠᠳ ᠵᠣᠳᠣᠭᠤᠯᠤᠭᠠᠳ ᠶᠠᠪᠤᠵᠤ ᠪᠠᠢᠨᠠ》 ᠭᠡᠲᠡᠯᠡ ᠬᠥᠭᠡᠷᠦᠬᠦᠢ ᠴᠢᠨᠣᠠ ᠮᠢᠨᠢ ᠴᠢᠨᠦ ᠰᠡᠭᠦᠯ ᠲᠠᠰᠤᠷᠠᠬᠤ ᠨᠢ ᠴᠦ᠍ ᠶᠠᠭᠠᠬᠢᠮᠤᠢ᠂ ᠬᠠᠷᠢᠨ ᠪᠢ ᠲᠠᠷᠢᠬᠢ ᠪᠠᠨ ᠭᠣᠭᠣᠵᠢᠲᠠᠯᠠ ᠴᠣᠬᠢᠭᠤᠯᠤᠭᠠᠳ ᠶᠠᠪᠤᠵᠤ ᠪᠠᠢᠨᠠ ᠭᠡᠳ ᠦᠨᠡᠭᠡ ᠬᠡᠯᠡᠵᠦ ᠭᠡᠨᠡ᠃ ᠭᠡᠲᠡᠯᠡ ᠴᠢᠨᠣᠠ᠄《 ᠬᠥᠭᠡᠷᠦᠬᠦᠢ ᠳᠠ᠂ ᠮᠠᠭᠤ ᠦᠨᠡᠭᠡ ᠮᠢᠨᠢ ᠴᠢ ᠮᠢᠨᠦ ᠨᠢᠷᠤᠭᠤᠨ ᠳᠡᠭᠡᠷᠡ ᠰᠠᠭᠤᠴᠢᠬᠠ! ᠪᠢ ᠴᠢᠮᠠ ᠶ᠋ᠢ ᠬᠦᠷᠭᠡᠵᠦ ᠦᠭᠬᠦᠶᠡ》 ᠭᠡᠵᠦ ᠭᠡᠨᠡ᠃
ᠦᠨᠡᠭᠡ ᠵᠣᠳᠣᠭᠤᠯᠤᠭᠰᠠᠨ ᠨᠢ ᠵᠣᠳᠣᠭᠤᠯᠤᠭᠠ ᠦᠭᠡᠢ ᠪᠡᠨ ᠡᠭᠦᠷᠦᠭᠡᠳ ᠶᠠᠪᠤᠵᠤ ᠪᠠᠢᠨᠠ ᠭᠡᠵᠦ ᠳᠣᠲᠣᠷᠠ ᠪᠠᠨ ᠪᠣᠳᠣᠵᠤ ᠶᠣᠰᠣᠲᠠᠢ ᠯᠠ ᠲᠡᠨᠡᠭ ᠴᠢᠨᠣᠠ ᠶᠤᠮ ᠳᠠ ᠭᠡᠵᠦ ᠬᠥᠬᠡ ᠢᠨᠢᠶᠡᠳᠦ ᠨᠢ ᠬᠦᠷᠦᠭᠡᠳ ᠴᠢᠨᠣᠠ ᠪᠠᠷ ᠡᠭᠦᠷᠦᠭᠦᠯᠦᠭᠡᠳ ᠶᠠᠪᠤᠭᠰᠠᠨ ᠭᠡᠳᠡᠭ ᠠ᠋᠃
ᠬᠡᠦᠬᠡᠳ ᠦ᠋ᠳ ᠠ᠋᠂ ᠬᠠᠢᠷᠠᠲᠤ ᠬᠡᠦᠬᠡᠳ ᠦ᠋ᠳ ᠠ᠋! ᠨᠠᠢᠵᠠ ᠨᠥᠬᠥᠳ ᠲᠦ᠍ ᠪᠡᠨ ᠬᠤᠳᠠᠯ ᠬᠡᠯᠡᠵᠦ᠂ ᠬᠤᠯᠠᠭᠠᠢ ᠬᠢᠵᠦ ᠬᠠᠭᠤᠷᠤᠨ ᠮᠡᠬᠡᠯᠡᠵᠦ ᠪᠣᠯᠬᠤ ᠦᠭᠡᠢ ᠨᠢ ᠪᠠᠢᠨᠠ ᠰᠢᠦ ᠳᠠ!
ᠲᠡᠢᠮᠦ ᠠ᠋᠂ ᠦᠯᠢᠭᠡᠷ ᠡᠴᠡ ᠰᠤᠷᠬᠤ ᠶᠠᠭᠤᠮᠠ ᠶᠡᠬᠡ ᠪᠣᠢ᠂ ᠮᠠᠰᠢ ᠰᠠᠢᠨ ᠮᠠᠭᠲᠠᠨ ᠳᠠᠭᠤᠯᠠᠭᠠᠳ ᠮᠠᠷᠭᠠᠰᠢ ᠶ᠋ᠢᠨ ᠦᠯᠢᠭᠡᠷ ᠢ᠋ᠶ᠋ᠠᠨ ᠬᠦᠯᠢᠶᠡᠨ ᠠᠪᠴᠤ ᠦᠵᠡᠭᠡᠷᠡᠢ ᠬᠡᠦᠬᠡᠳ ᠦ᠋ᠳ ᠠ᠋
ᠠᠮᠢᠯᠠᠭᠤᠯᠤᠭᠴᠢ᠄ ᠬᠠᠰᠴᠢᠮᠡᠭ
ᠬᠢᠨᠠᠭᠴᠢ᠄ ᠳ᠂ ᠪᠥᠬᠡᠴᠢᠯᠠᠭᠤ