ᠲᠠᠷᠪᠠᠭᠠᠴᠠᠬᠤ Тарвагацах
500ᠲᠠᠷᠪᠠᠭᠠᠴᠠᠬᠤ
ᠡᠨᠡ ᠲᠣᠭᠯᠠᠭᠠᠮ ᠳ᠋ᠤ᠌ ᠲᠠᠷᠪᠠᠭᠠ ᠭᠡᠰᠡᠨ ᠬᠡᠰᠡᠭ ᠬᠡᠦᠬᠡᠳ ᠪᠠ ᠴᠢᠨᠣᠠ ᠭᠡᠰᠡᠨ ᠨᠢᠭᠡ ᠬᠡᠦᠬᠡᠳ ᠪᠠᠢᠨᠠ᠃ ᠲᠠᠷᠪᠠᠭᠠ ᠬᠣᠷᠢ ᠠ᠋ᠴᠠ ᠭᠤᠴᠢᠨ ᠮᠧᠲ᠋ᠷ ᠵᠠᠢᠲᠠᠢ ᠬᠣᠶᠠᠷ ᠨᠦᠬᠡ ᠲᠡᠢ ᠪᠥᠭᠡᠳ ᠲᠠᠷᠪᠠᠭᠠᠨ ᠤ᠋ ᠭᠦᠢᠳᠫ ᠦ᠋ᠨ ᠳᠤᠮᠳᠠ ᠬᠢᠷᠢ ᠳ᠋ᠦ᠍ ᠴᠢᠭᠢᠭ ᠲᠡᠢ᠂ ᠲᠡᠭᠦᠨ ᠡᠴᠡ ᠨᠡᠯᠢᠶᠡᠳ ᠵᠠᠢᠳᠠᠭᠤ ᠬᠣᠩᠭᠢᠯ ᠳ᠋ᠤ᠌ ᠴᠢᠨᠣᠠ ᠠᠮᠢᠳᠤᠷᠠᠨᠠ᠃ ᠡᠬᠢᠯᠡᠭᠡᠳ ᠬᠣᠶᠠᠷ ᠲᠠᠷᠪᠠᠭᠠ ᠴᠢᠨᠤᠨ ᠳ᠋ᠤ᠌ ᠣᠴᠢᠵᠤ ᠲᠠᠮᠠᠬᠢᠯᠠᠨ ᠳᠠᠷᠠᠭᠠ ᠦᠭᠡ ᠶ᠋ᠢ ᠬᠡᠯᠡᠯᠴᠡᠨᠡ᠃ ᠲᠠᠷᠪᠠᠭᠠ ᠬᠣᠶᠠᠷ ᠨᠦᠬᠡᠨ ᠦ᠌ ᠪᠡᠨ ᠬᠣᠭᠣᠷᠣᠨᠳᠣ ᠭᠦᠶᠦᠯᠴᠡᠬᠦ ᠳ᠋ᠦ᠍ ᠴᠢᠨᠣᠠ ᠬᠠᠵᠠᠭᠤ ᠠ᠋ᠴᠠ ᠨᠢ ᠳᠠᠭᠠᠷᠢᠵᠤ ᠪᠠᠷᠢᠨᠠ᠃ ᠪᠠᠷᠢᠭᠰᠠᠨ ᠲᠠᠷᠪᠠᠭᠠ ᠪᠠᠨ ᠬᠣᠩᠭᠢᠯ ᠳ᠋ᠤ᠌ ᠪᠠᠨ ᠠᠪᠠᠴᠢᠵᠤ ᠬᠠᠳᠠᠭᠠᠯᠠᠨᠠ᠃ ᠲᠠᠷᠪᠠᠭᠠ ᠶ᠋ᠢ ᠨᠦᠬᠡᠨ ᠳ᠋ᠦ᠍ ᠪᠡᠨ ᠣᠷᠣᠬᠤ ᠶ᠋ᠢᠨ ᠡᠮᠦᠨᠡ ᠬᠥᠭᠡᠭᠡᠵᠦ ᠪᠠᠷᠢᠬᠤ ᠪᠠ ᠪᠠᠷᠢᠵᠤ ᠴᠢᠳᠠᠬᠤ ᠦᠭᠡᠢ ᠨᠦᠬᠡᠨ ᠳ᠋ᠦ᠍ ᠨᠢ ᠣᠷᠣᠭᠤᠯᠪᠠᠯ ᠳᠠᠬᠢᠨ ᠭᠠᠷᠴᠤ ᠭᠦᠶᠦᠬᠦ ᠶ᠋ᠢ ᠬᠦᠯᠢᠶᠡᠨᠡ᠃ ᠲᠠᠷᠪᠠᠭᠠ ᠶ᠋ᠢ ᠪᠦᠭᠦᠳᠡ ᠶ᠋ᠢ ᠪᠠᠷᠢᠵᠤ ᠠᠪᠤᠭᠰᠠᠨ ᠢ᠋ᠶ᠋ᠠᠷ ᠲᠣᠭᠯᠠᠭᠠᠮ ᠳᠠᠭᠤᠰᠤᠨᠠ᠃
- ᠴᠢᠨᠣᠠ ᠭᠤᠸᠠᠢ᠂ ᠴᠢᠨᠣᠠ ᠭᠤᠸᠠᠢ ᠲᠠᠮᠠᠬᠢ!
- ᠲᠠᠷᠪᠠᠭᠠᠨ ᠤ᠋ ᠵᠢᠭᠠᠷ ᠶᠠᠮᠠᠷ ᠦᠮᠦᠬᠡᠢ ᠶᠦᠮ
- ᠲᠠᠷᠪᠠᠭᠠ ᠭᠤᠸᠠᠢ᠂ ᠲᠠᠷᠪᠠᠭᠠ ᠭᠤᠸᠠᠢ ᠲᠠᠮᠠᠬᠢ
- ᠴᠢᠨᠣᠠ ᠶ᠋ᠢᠨ ᠰᠢᠭᠡᠰᠦ ᠶᠠᠰᠤᠨ ᠱᠡᠪᠲᠦᠷ ᠶᠦᠮ ᠭᠡᠳ ᠬᠥᠭᠡᠷᠭᠡ ᠶ᠋ᠢ ᠰᠢᠳᠡᠨᠡ᠃
- ᠴᠢᠨᠣᠠ ᠭᠤᠸᠠᠢ ᠴᠢᠨᠣᠠ ᠭᠤᠸᠠᠢ ᠭᠡᠲᠡ ᠪᠡᠨ ᠥᠭᠭᠦᠭᠡᠴᠢ
- ᠭᠡᠲᠡ ᠪᠡᠷ ᠶᠠᠭᠠᠬᠢᠬᠤ ᠭᠡᠰᠡᠨ ᠶᠦᠮ ᠪᠣᠢ?
- ᠭᠠᠯ ᠲᠦᠯᠡᠶᠡ
- ᠭᠠᠯ ᠢ᠋ᠶ᠋ᠠᠷ ᠶᠠᠭᠠᠬᠢᠬᠤ ᠭᠡᠰᠡᠨ ᠶᠦᠮ ᠪᠣᠢ?
- ᠴᠠᠪᠠᠤ ᠪᠤᠴᠠᠯᠭᠠᠶᠠ
- ᠴᠠᠪᠠᠤ ᠪᠠᠷ ᠶᠠᠭᠠᠬᠢᠬᠤ ᠭᠡᠰᠡᠨ ᠶᠦᠮ ᠪᠣᠢ?
- ᠨᠤᠮᠤ ᠰᠤᠮᠤ ᠨᠠᠭᠠᠶᠠ
- ᠨᠤᠮᠤ ᠰᠤᠮᠤ ᠪᠠᠷ ᠶᠠᠭᠠᠬᠢᠬᠤ ᠭᠡᠰᠡᠨ ᠶᠦᠮ ᠪᠣᠢ?
- ᠴᠢᠨᠣᠠ ᠶ᠋ᠢᠨ ᠲᠣᠯᠣᠭᠠᠢ ᠶ᠋ᠢ ᠬᠠᠭᠠ ᠬᠠᠷᠪᠤᠶᠠ
ᠭᠡᠰᠡᠨ ᠦ᠌ ᠳᠠᠷᠠᠭᠠ ᠪᠠᠷ ᠵᠡᠭᠡᠷᠭᠡᠵᠢᠨ᠂ ᠨᠡᠭᠦᠷᠭᠡᠨᠴᠢᠨ᠂ ᠨᠣᠭᠲᠣᠴᠢᠨ᠂ ᠴᠢᠭᠲᠠᠴᠢᠨ ᠭᠡᠳ ᠵᠢᠭᠤᠲᠠᠭᠠᠵᠤ ᠲᠣᠭᠯᠠᠭᠠᠮ ᠡᠬᠢᠯᠡᠨᠡ᠃
Тарвагацах
Энэ тоглоомд тарвага гэсэн хэсэг хүүхэд ба чоно гэсэн нэг хүүхэд байна. Тарвага хориос
гучин метр зайтай хоёр нүхтэй бөгөөд тарваганы гүйдпийн дунд хэрд чигтэй түүнээс нэлээд
зайдуу хонгилд чоно амьдарна. Эхлээд хоёр тарвага чононд очиж тамхилан дараа үгийг
хэлэлцэнэ.
Тарвага хоёр нүхнийхээ хооронд гүйлцэхэд чоно хажуунаас нь дайрч барина. Барьсан
тарвагаа хонгилдоо аваачиж хадгална.
Тарвагыг нүхэндээ орохын өмнө хөөж барих ба барьж
чадахгүй нүхэнд нь оруулбал дахин гарч гүйхийг хүлээнэ.
Тарвагыг бүгдийг барьж авснаар тоглоом дуусна.
- Чоно гуай, чоно гуай тамхи︕
- Тарваганы заар ямар өмхий юм
- Тарвага гуай, тарвага гуай тамхи
- Чонын шээс яасан шөвтөр юм гээд хөөргийг шиднэ.
- Чоно гуай чоно гуай хэтээ өгөөч
- Хэтээр яах гэсэн юм бэ︖
- Гал түлье
- Галаар яах гэсэн юм бэ︖
- Цавуу буцалгая
- Цавуугаар яах гэсэн юм бэ︖
- Нум сум наая
- Нум сумаар яах гэсэн юм бэ︖
- Чонын толгойг хага харвая гэсний дараагаар зээргэжин. нүүргэнчин. ногтчин. чагтчин гээд
зугтааж тоглоом эхэлнэ.