ᠣᠳᠣᠳ ᠲᠠᠢ ᠬᠥᠪᠡᠭᠦᠳОдодтой хөвгүүд
551ᠣᠳᠣᠳ ᠲᠠᠢ ᠬᠥᠪᠡᠭᠦᠳ
ᠡᠷᠲᠡ ᠤᠷᠢᠳᠤ ᠴᠠᠭ ᠲᠤ᠌ ᠳᠡᠯᠡᠬᠡᠢ ᠶ᠋ᠢᠨ ᠲᠠᠯᠠ ᠶ᠋ᠢ ᠵᠠᠬᠢᠷᠳᠠᠭ᠃ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠴᠢᠷᠠᠢᠯᠢᠭ᠂ ᠨᠢᠭᠡᠨ ᠡᠵᠡᠨ ᠬᠠᠭᠠᠨ ᠪᠠᠢᠵᠠᠢ ᠭᠡᠨᠡ᠃ ᠲᠡᠭᠦᠨ ᠦ᠌ ᠵᠠᠬᠠ ᠬᠢᠵᠠᠭᠠᠷ ᠦᠭᠡᠢ ᠬᠠᠭᠠᠨᠲᠤ ᠤᠯᠤᠰ ᠲᠤ᠌ ᠬᠠᠮᠤᠭ ᠤ᠋ᠨ ᠦᠵᠡᠰᠬᠦᠯᠡᠩ ᠭᠤᠸᠠ ᠪᠦᠰᠡᠭᠦᠢ᠂ ᠯᠠᠪᠲ᠋ᠢᠢᠽᠠ ᠠᠮᠢᠳᠤᠷᠠᠨ ᠰᠠᠭᠤᠳᠠᠭ ᠪᠠᠢᠪᠠ᠃
ᠯᠠᠪᠲ᠋ᠢᠢᠽᠠ᠂ ᠬᠣᠨᠢᠴᠢᠨ ᠤ᠋ ᠥᠬᠢᠨ ᠲᠡᠭᠦᠨ ᠦ᠌ ᠭᠢᠯᠠᠯᠵᠠᠭᠰᠠᠨ ᠬᠥᠪᠰᠥᠭᠡᠷ ᠦᠰᠦ᠂ ᠵᠥᠭᠡᠯᠡᠨ ᠲᠣᠯᠢᠭᠠᠷ ᠠᠷᠠᠰᠤ ᠨᠢ ᠬᠠᠭᠠᠨᠲᠤ ᠤᠯᠤᠰ ᠳᠠᠶᠠᠭᠠᠷ ᠠᠯᠳᠠᠷᠲᠠᠢ ᠪᠠᠢᠪᠠ᠃ ᠲᠣᠰᠬᠣᠨ ᠤ᠋ ᠬᠥᠮᠦᠨ ᠪᠦᠷᠢ ᠲᠡᠭᠦᠨ ᠦ᠌ ᠭᠤᠸᠠ ᠦᠵᠡᠰᠬᠦᠯᠡᠩ ᠳ᠋ᠦ᠍ ᠬᠣᠲᠠᠯᠠᠭᠤᠯᠳᠠᠭ ᠪᠠᠢᠯᠠ᠃ ᠲᠡᠷᠡ ᠪᠦᠬᠦᠢ ᠯᠡ ᠰᠢᠪᠠᠭᠠᠳ ᠠᠮᠢᠲᠠᠳ᠂ ᠮᠣᠳᠣᠳ ᠬᠦᠷᠲᠡᠯᠡ᠂ ᠭᠤᠸᠠ ᠦᠵᠡᠰᠬᠦᠯᠡᠩ ᠳ᠋ᠦ᠍ ᠨᠢ᠂ ᠰᠥᠬᠥᠷᠡᠳᠡᠭ ᠪᠠᠢᠪᠠ᠃ᠯᠠᠪᠲ᠋ᠢᠢᠽᠠ᠂ ᠦᠵᠡᠰᠬᠦᠯᠡᠩ ᠭᠤᠸᠠ ᠪᠠᠢᠭᠠᠳ ᠵᠣᠭᠰᠣᠬᠤ ᠦᠭᠡᠢ᠂ ᠬᠠᠮᠤᠭ ᠤ᠋ᠨ ᠰᠠᠢᠬᠠᠨ ᠰᠡᠳᠬᠢᠯᠲᠡᠢ ᠡᠮᠡᠭᠲᠡᠢ ᠪᠠᠢᠵᠠᠢ ᠭᠡᠨᠡ᠂ ᠲᠡᠭᠦᠨ ᠢ᠋ ᠠᠮᠢᠲᠠᠳ ᠪᠦᠴᠢᠵᠦ᠂ ᠪᠦᠰᠡᠯᠡᠵᠦ ᠲᠣᠭᠣᠷᠢᠨ ᠬᠦᠷᠢᠶᠡᠯᠡᠭᠰᠡᠨ ᠴᠦ᠍ ᠲᠡᠳᠡᠨ ᠢ᠋ ᠭᠣᠮᠣᠳᠠᠭᠠᠳᠠᠭ ᠥᠬᠡᠢ ᠪᠠᠢᠪᠠ᠃ ᠠᠮᠢᠲᠠᠳ ᠰᠢᠪᠠᠭᠤᠳ ᠢ᠋ᠶ᠋ᠠᠷ ᠵᠣᠭᠰᠣᠬᠤ ᠦᠭᠡᠢ ᠣᠳᠣᠳ ᠬᠦᠷᠲᠡᠯᠡ᠂ ᠲᠡᠭᠦᠨ ᠦ᠌ ᠭᠤᠸᠠ ᠦᠵᠡᠰᠬᠦᠯᠡᠩ ᠥᠭᠭᠢᠶᠡᠮᠦᠷ ᠵᠠᠩ ᠳ᠋ᠤ᠌ ᠨᠢ ᠲᠠᠲᠠᠭᠳᠠᠨ ᠳᠡᠯᠡᠬᠡᠢ ᠳᠡᠭᠡᠷᠡ ᠪᠠᠭᠤᠵᠤ ᠢᠷᠡᠳᠡᠭ ᠪᠠᠢᠪᠠ᠃ ᠲᠡᠳᠡᠨ ᠦ᠌ ᠨᠢᠭᠡ ᠪᠣᠯ ᠯᠢᠢᠨ ᠣᠳᠣ ᠶᠤᠮ᠃
ᠯᠢᠢᠨ ᠣᠳᠣ᠄ ᠯᠠᠪᠲ᠋ᠢᠢᠽᠠ᠂ ᠴᠢ ᠦᠨᠡᠬᠡᠷ ᠰᠠᠢᠬᠠᠨ ᠰᠡᠳᠬᠢᠯ ᠲᠠᠢ ᠶᠤᠮ᠂ ᠪᠢᠳᠡ ᠴᠢᠮᠠ ᠶ᠋ᠢ ᠲᠩᠷᠢ ᠡᠴᠡ ᠪᠠᠢᠩᠭᠤ ᠠᠵᠢᠭᠯᠠᠳᠠᠭ᠂ ᠪᠢᠳᠡ ᠴᠢᠨᠦ ᠭᠤᠸᠠ ᠦᠵᠡᠰᠬᠦᠯᠡᠩ᠂ ᠰᠠᠢᠬᠠᠨ ᠰᠡᠳᠬᠢᠯ ᠢ᠋ ᠪᠢᠰᠢᠷᠡᠵᠦ ᠪᠠᠢᠨᠠ᠃ ᠲᠡᠢᠮᠦ ᠡᠴᠡ ᠪᠢ ᠴᠢᠮᠠ ᠳ᠋ᠤ᠌ ᠪᠡᠯᠡᠭ ᠥᠭᠭᠦᠮᠡᠷ ᠪᠠᠢᠨᠠ᠃
ᠯᠠᠪᠲ᠋ᠢᠢᠽᠠ᠄ ᠶᠠᠮᠠᠷ ᠪᠡᠯᠡᠭ
ᠯᠢᠢᠨ ᠣᠳᠣ᠄ ᠠᠳᠢᠰᠯᠠᠯ᠂ ᠬᠤᠷᠢᠮ ᠢ᠋ᠶ᠋ᠠᠨ ᠬᠢᠭᠡᠳ᠂ ᠶᠠᠭ ᠵᠢᠷᠭᠤᠭᠠᠨ ᠰᠠᠷᠠ ᠪᠣᠯᠤᠭᠰᠠᠨ ᠤ᠋ ᠳᠠᠷᠠᠭᠠ᠂ ᠴᠢᠮᠠ ᠳ᠋ᠤ᠌ ᠢᠬᠡᠷᠡ ᠬᠦᠦ ᠪᠡᠯᠡᠭᠯᠡᠬᠦ ᠪᠣᠯᠤᠨᠠ᠃ ᠲᠡᠳᠡ ᠪᠣᠯ ᠴᠢᠨᠦ ᠣᠳᠣᠳ ᠲᠠᠢ ᠬᠥᠪᠡᠭᠦᠳ!
ᠯᠠᠪᠲ᠋ᠢᠢᠽᠠ᠄ ᠣᠳᠣᠳ ᠲᠠᠢ ᠬᠥᠪᠡᠭᠦᠳ ᠠ᠋?
ᠯᠢᠢᠨ ᠣᠳᠣ : ᠲᠡᠢᠮᠦ ᠠ᠋᠂ ᠳᠤᠬᠤᠨ ᠳᠡᠭᠡᠷᠡ ᠪᠡᠨ ᠵᠢᠵᠢᠭ ᠣᠳᠣ ᠭᠢᠯᠲᠠᠭᠠᠨᠠᠭᠤᠯᠤᠭᠰᠠᠨ᠂ ᠬᠥᠪᠡᠭᠦᠳ ᠴᠢᠨᠢ᠂ ᠴᠢᠮᠠ ᠶ᠋ᠢ ᠴᠠᠭ ᠦᠷᠭᠦᠯᠵᠢ ᠬᠠᠮᠠᠭᠠᠯᠠᠬᠤ ᠪᠣᠯᠤᠨᠠ᠃ ᠣᠳᠣ ᠨᠢ ᠲᠡᠳᠡᠨ ᠦ᠌ ᠬᠤᠶᠠᠭ ᠳᠤᠭᠤᠯᠠᠭᠠ ᠭᠡᠵᠦ ᠣᠢᠯᠠᠭᠠ᠂ ᠬᠡᠨ ᠴᠦ᠍ ᠲᠡᠳᠡᠨ ᠢ᠋ ᠭᠡᠮᠲᠦᠭᠡᠵᠦ ᠴᠢᠳᠠᠬᠤ ᠦᠭᠡᠢ᠂ ᠢᠬᠡᠷᠡ ᠬᠥᠪᠡᠭᠦᠳ ᠴᠢᠨᠢ᠂ ᠡᠨᠡ ᠬᠠᠭᠠᠨᠲᠤ ᠤᠯᠤᠰ ᠤ᠋ᠨ ᠬᠠᠮᠤᠭ ᠤ᠋ᠨ ᠴᠢᠷᠠᠢᠯᠢᠭ᠂ ᠬᠠᠮᠤᠭ ᠤ᠋ᠨ ᠤᠬᠠᠭᠠᠯᠢᠭ ᠡᠷᠡᠴᠦᠳ ᠪᠣᠯᠤᠨ ᠥᠰᠬᠦ ᠪᠣᠯᠤᠨᠠ᠃
ᠢᠩᠭᠢᠵᠦ ᠬᠡᠯᠡᠭᠡᠳ᠄ ᠯᠢᠢᠨ ᠲᠩᠷᠢ ᠥᠭᠡᠳᠡ ᠨᠢᠰᠦᠨ ᠣᠳᠤᠯᠠ᠂ ᠮᠠᠷᠭᠠᠰᠢ ᠨᠢ ᠯᠠᠪᠲ᠋ᠢᠢᠽᠠ ᠬᠣᠨᠢᠨ ᠰᠦᠷᠦᠭ ᠢ᠋ᠶ᠋ᠡᠨ ᠪᠡᠯᠴᠢᠭᠡᠷ ᠲᠦ᠍ ᠳᠠᠭᠠᠭᠤᠯᠤᠨ᠂ ᠬᠠᠷᠢᠭᠤᠯᠵᠤ ᠶᠠᠪᠤᠭᠠᠳ᠂ ᠮᠣᠷᠢ ᠱᠣᠭᠰᠢᠨ ᠣᠢᠷᠠᠳᠴᠤ ᠪᠠᠢᠭᠠ ᠶ᠋ᠢ ᠰᠣᠨᠣᠰᠴᠠᠢ᠃ ᠡᠷᠭᠢᠨ ᠬᠠᠷᠠᠲᠠᠯᠠ᠂ ᠡᠵᠡᠨ ᠬᠠᠭᠠᠨ᠂ ᠬᠡᠳᠦᠨ ᠴᠡᠷᠢᠭ ᠦ᠋ᠳ ᠦ᠋ᠨ ᠢ᠋ᠶ᠋ᠡᠨ ᠬᠠᠮᠲᠤ ᠪᠠᠷ ᠲᠡᠭᠦᠨ ᠤᠷᠤᠭᠤ ᠣᠢᠷᠠᠳᠴᠤ ᠶᠠᠪᠤᠭᠠ ᠶ᠋ᠢ ᠬᠠᠷᠠᠭᠠᠳ᠂ ᠯᠠᠪᠲ᠋ᠢᠢᠽᠠ ᠭᠠᠢᠬᠠᠪᠠ᠃ ᠡᠵᠡᠨ ᠬᠠᠭᠠᠨ᠂ᠯᠠᠪᠲ᠋ᠢᠢᠽᠠ ᠳ᠋ᠤ᠌ ᠠᠩᠬᠠᠨ ᠤ᠋ ᠬᠠᠷᠠᠴᠠ ᠪᠠᠷ ᠳᠤᠷᠠᠯᠠᠵᠠᠢ᠃
ᠬᠠᠭᠠᠨ᠄ ᠪᠦᠰᠡᠭᠦᠢ ᠮᠢᠨᠢ᠂ ᠴᠢᠮᠠ ᠶ᠋ᠢ ᠬᠡᠨ ᠭᠡᠳᠡᠭ ᠶᠦᠮ ᠪᠣᠢ?
ᠯᠠᠪᠲ᠋ᠢᠢᠽᠠ᠄ ᠨᠠᠮᠠ ᠶ᠋ᠢ ᠯᠠᠪᠲ᠋ᠢᠢᠽᠠ ᠭᠡᠳᠡᠭ᠂
ᠢᠩᠭᠢᠵᠦ ᠲᠡᠳᠡ ᠠᠭᠤᠯᠵᠠᠵᠠᠢ᠂ ᠡᠵᠡᠨ ᠬᠠᠭᠠᠨ ᠮᠣᠷᠢᠨ ᠠ᠋ᠴᠠ ᠪᠠᠨ ᠪᠠᠭᠤᠨ ᠣᠴᠢᠵᠤ᠂ᠯᠠᠪᠲ᠋ᠢᠢᠽᠠ ᠲᠠᠢ ᠮᠠᠰᠢ ᠤᠳᠠᠭᠠᠨ ᠶᠠᠷᠢᠵᠤ ᠵᠣᠭᠰᠣᠪᠠ᠃ ᠡᠵᠡᠨ ᠬᠠᠭᠠᠨ ᠦᠵᠡᠰᠬᠦᠯᠡᠩ ᠭᠤᠸᠠ᠂ ᠬᠣᠨᠢᠴᠢᠨ ᠪᠦᠰᠡᠭᠦᠢ ᠳ᠋ᠦ᠍ ᠳᠤᠷᠠᠯᠠᠵᠤ ᠲᠡᠭᠦᠨ ᠡᠴᠡ ᠭᠡᠷᠯᠡᠬᠦ ᠶ᠋ᠢ ᠭᠤᠶᠤᠵᠠᠢ᠃ ᠯᠠᠪᠲ᠋ᠢᠢᠽᠠ ᠪᠠᠰᠠ ᠡᠵᠡᠨ ᠬᠠᠭᠠᠨ ᠳ᠋ᠤ᠌ ᠲᠠᠲᠠᠭᠳᠠᠨ ᠲᠡᠭᠦᠨ ᠲᠡᠢ ᠭᠡᠷᠯᠡᠬᠦ ᠶ᠋ᠢ ᠵᠥᠪᠰᠢᠶᠡᠷᠡᠵᠡᠢ᠃ᠭᠡᠬᠦ ᠳ᠋ᠦ᠍ ᠡᠨᠡ ᠪᠦᠬᠦᠨ᠂ ᠲᠡᠢᠮᠦ ᠬᠢᠯᠪᠠᠷ ᠪᠠᠢᠭᠰᠠᠨ ᠦᠭᠡᠢ᠂ ᠡᠵᠡᠨ ᠬᠠᠭᠠᠨ ᠳ᠋ᠤ᠌ ᠪᠠᠨ ᠦᠨᠡᠨᠴᠢ ᠪᠤᠰᠤ ᠮᠦᠷᠢᠺ ᠬᠡᠮᠡᠬᠦ ᠲᠦᠰᠢᠮᠡᠯ ᠪᠠᠢᠳᠠᠭ ᠠᠵᠠᠢ᠃ ᠮᠦᠷᠢᠺ ᠥᠬᠢᠨ ᠢ᠋ᠶ᠋ᠡᠨ ᠡᠵᠡᠨ ᠬᠠᠭᠠᠨ ᠲᠠᠢ ᠭᠡᠷᠯᠡᠭᠦᠯᠵᠦ ᠬᠠᠲᠤᠨ ᠬᠠᠭᠠᠨ ᠪᠣᠯᠭᠠᠬᠤ ᠶ᠋ᠢ ᠬᠦᠰᠡᠳᠡᠭ ᠪᠠᠢᠪᠠ᠃ᠡᠵᠡᠨ ᠬᠠᠭᠠᠨ ᠲᠡᠭᠦᠨ ᠦ᠌ ᠳᠠᠯᠳᠠ ᠰᠠᠨᠠᠭᠠ ᠶ᠋ᠢ ᠮᠠᠲᠠᠯ ᠦᠭᠡᠢ᠂ ᠲᠡᠭᠦᠨ ᠳ᠋ᠦ᠍ ᠢᠲᠡᠭᠡᠯ ᠬᠦᠯᠢᠶᠡᠯᠭᠡᠳᠡᠭ ᠪᠠᠢᠵᠠᠢ᠃
ᠮᠥᠷᠢᠺ᠄ ᠡᠢᠮᠦ ᠵᠦᠢᠯ ᠪᠠᠢᠵᠤ ᠪᠣᠯᠬᠤ ᠦᠭᠡᠢ᠂ ᠡᠨᠡ ᠣᠷᠳᠣᠨ ᠳ᠋ᠤ᠌ ᠵᠥᠷᠢᠴᠡᠵᠦ ᠪᠣᠯᠬᠤ ᠦᠭᠡᠢ ᠤᠯᠠᠮᠵᠢᠯᠠᠯ ᠪᠣᠢ ᠰᠢᠦ ᠳᠡ᠂ ᠲᠡᠷᠡ ᠪᠦᠰᠡᠭᠦᠢ ᠪᠣᠯ ᠬᠣᠨᠢᠴᠢᠨ᠂ ᠬᠣᠨᠢᠴᠢᠨ ᠪᠦᠰᠡᠭᠦᠢ ᠲᠠᠨ ᠲᠠᠢ ᠭᠡᠷᠯᠡᠬᠦ ᠬᠦᠰᠡᠯ ᠲᠡᠢ ᠪᠠᠢᠭᠠ ᠪᠣᠯ ᠬᠠᠷᠢᠭᠤ ᠳ᠋ᠤ᠌ ᠨᠢ᠂ ᠲᠠᠨ ᠳ᠋ᠤ᠌ ᠦᠨᠡ ᠴᠠᠨᠠ ᠲᠠᠢ ᠶᠠᠮᠠᠷ ᠨᠢᠭᠡ ᠵᠦᠢᠯᠡᠰ ᠰᠠᠨᠠᠯ ᠪᠣᠯᠭᠠᠬᠤ ᠶᠣᠰᠣᠲᠠᠢ᠃ᠲᠡᠷᠡ ᠦᠶᠡ ᠳ᠋ᠦ᠍ ᠯᠡ ᠡᠷᠬᠡ ᠲᠡᠭᠰᠢ᠂ᠰᠢᠳᠤᠷᠭᠤ ᠭᠡᠷᠯᠡᠯᠲᠡ ᠭᠡᠵᠦ ᠲᠣᠭᠠᠴᠠᠭᠳᠠᠨᠠ᠂
ᠬᠠᠭᠠᠨ᠄ ᠭᠡᠬᠦ ᠳ᠋ᠦ᠍ ᠪᠡᠨ ᠲᠡᠷᠡ ᠪᠦᠰᠡᠭᠦᠢ ᠪᠣᠯ ᠬᠣᠨᠢᠴᠢᠨ ᠤ᠋ ᠥᠬᠢᠨ ᠰᠢᠦ ᠳᠡ᠂ ᠲᠡᠭᠦᠨ ᠡᠴᠡ ᠦᠨᠡ ᠴᠠᠨᠠ ᠲᠠᠢ ᠵᠦᠢᠯ ᠨᠡᠬᠡᠬᠦ ᠨᠢ ᠰᠢᠳᠤᠷᠭᠤ ᠪᠤᠰᠤ ᠶᠤᠮ ᠰᠢᠭ᠋ ᠰᠠᠨᠠᠭᠳᠠᠵᠤ ᠪᠠᠢᠨᠠ᠃
ᠮᠥᠷᠢᠺ᠄ᠤᠯᠠᠮᠵᠢᠯᠠᠯ ᠪᠣᠯ ᠤᠯᠠᠮᠵᠢᠯᠠᠯ ᠰᠢᠦ ᠳᠡ᠂ ᠡᠵᠡᠨ ᠬᠠᠭᠠᠨᠲᠠᠨ ᠮᠢᠨᠢ ᠪᠢ ᠡᠨᠡ ᠤᠯᠠᠮᠵᠢᠯᠠᠯ ᠢ᠋ ᠵᠣᠬᠢᠶᠠᠭᠠ ᠦᠭᠡᠢ᠂ ᠮᠥᠨ ᠡᠵᠡᠨ ᠬᠠᠭᠠᠨ ᠤ᠋ ᠬᠤᠪᠢ ᠳ᠋ᠤ᠌᠂ ᠲᠠ ᠤᠯᠠᠮᠵᠢᠯᠠᠯ ᠢ᠋ ᠵᠥᠷᠢᠴᠡᠬᠦ ᠶᠣᠰᠣ ᠦᠭᠡᠢ ᠰᠢᠦ ᠳᠡ᠂
ᠬᠠᠭᠠᠨ᠄ ᠭᠡᠬᠦ ᠳ᠋ᠦ᠍ ᠪᠡᠨ
ᠯᠠᠪᠲ᠋ᠢᠢᠽᠠ᠄ ᠦᠭᠡ ᠬᠡᠯᠡᠬᠦ ᠶ᠋ᠢ ᠮᠢᠨᠢ ᠵᠥᠪᠰᠢᠶᠡᠷᠡᠨᠡ ᠤᠤ? ᠨᠠᠳᠠ ᠳ᠋ᠤ᠌ ᠰᠠᠨᠠᠯ ᠪᠣᠯᠭᠠᠬᠤ ᠦᠨᠡᠲᠦ ᠵᠦᠢᠯ ᠪᠣᠢ᠂ ᠬᠤᠷᠢᠮ ᠢ᠋ᠶ᠋ᠠᠨ ᠬᠢᠭᠰᠡᠨ ᠡᠴᠡ ᠬᠣᠢᠰᠢ᠂ ᠵᠢᠷᠭᠤᠭᠠᠨ ᠰᠠᠷᠠ ᠶ᠋ᠢᠨ ᠳᠠᠷᠠᠭᠠ᠂ ᠳᠤᠬᠤᠨ ᠳᠡᠭᠡᠷᠡ ᠪᠡᠨ ᠭᠢᠯᠲᠠᠭᠠᠨᠠᠭᠰᠠᠨ᠂ ᠵᠢᠵᠢᠭ ᠣᠳᠣᠲᠠᠢ ᠢᠬᠡᠷᠡ ᠬᠥᠪᠡᠭᠦᠳ ᠲᠡᠢ ᠪᠣᠯᠤᠨᠠ᠃ ᠣᠳᠣ ᠨᠢ ᠬᠠᠷᠠᠭᠳᠠᠬᠤ ᠦᠭᠡᠢ ᠴᠦ᠍ ᠭᠡᠯᠡ᠂ ᠴᠠᠭ ᠦᠷᠭᠦᠯᠵᠢ ᠨᠠᠮᠠ ᠶ᠋ᠢ ᠪᠣᠯᠤᠨ᠂ ᠡᠨᠡ ᠬᠠᠭᠠᠨᠲᠤ ᠤᠯᠤᠰ ᠢ᠋ ᠬᠠᠮᠠᠭᠠᠯᠠᠵᠤ ᠪᠠᠢᠬᠤ ᠪᠣᠯᠤᠨᠠ᠃
ᠮᠥᠷᠢᠺ᠄ ᠲᠡᠭᠡᠨᠡ ᠤᠤ ᠳᠠ! ᠴᠢᠮᠠ ᠶ᠋ᠢ ᠬᠤᠳᠠᠯ ᠶᠠᠷᠢᠭᠠ ᠦᠭᠡᠢ ᠭᠡᠳᠡᠭ ᠢ᠋ ᠪᠢᠳᠡ ᠶᠠᠭᠠᠬᠢᠵᠤ ᠮᠡᠳᠡᠬᠦ ᠶᠦ᠍ᠮ᠃
ᠯᠠᠪᠲ᠋ᠢᠢᠽᠠ᠄ᠪᠢ ᠬᠤᠳᠠᠯ ᠬᠡᠯᠡᠭᠰᠡᠨ ᠪᠠᠢᠪᠠᠯ᠂ ᠦᠯᠡᠳᠡᠭᠰᠡᠨ ᠠᠮᠢᠳᠤᠷᠠᠯ ᠤ᠋ᠨ ᠢ᠋ᠶ᠋ᠠᠨ ᠲᠤᠷᠰᠢ ᠭᠠᠵᠠᠷ ᠳᠣᠣᠷᠠᠬᠢ ᠭᠢᠨᠳᠠᠨ ᠳ᠋ᠤ᠌ ᠬᠣᠷᠢᠭᠳᠠᠬᠤ ᠳ᠋ᠤ᠌ ᠪᠡᠯᠡᠨ ᠪᠠᠢᠨᠠ᠃
ᠬᠠᠭᠠᠨ᠄ ᠶᠠᠭᠤ? ᠯᠠᠪᠲ᠋ᠢᠢᠽᠠ ᠦᠭᠡᠢ ᠠ᠋!
ᠯᠠᠪᠲ᠋ᠢᠢᠽᠠ᠄ᠨᠠᠮᠠ ᠶ᠋ᠢ ᠥᠷᠥᠰᠢᠶᠡ᠂ ᠡᠵᠡᠨ ᠬᠠᠭᠠᠨ ᠮᠢᠨᠢ᠂ ᠬᠠᠲᠤᠨ ᠬᠠᠭᠠᠨ ᠪᠠᠢᠯᠠ ᠴᠤ᠌᠂ ᠬᠣᠨᠢᠴᠢᠨ ᠪᠠᠢᠯᠠ ᠴᠤ᠌ ᠭᠡᠰᠡᠨ ᠠᠮᠠᠯᠠᠯᠲᠠ ᠪᠣᠯ᠂ ᠠᠮᠠᠯᠠᠯᠲᠠ᠂ ᠪᠢ ᠠᠳᠢᠰᠯᠠᠭᠳᠠᠭᠰᠠᠨ᠂ ᠭᠡᠳᠡᠭ ᠲᠦ᠍ ᠪᠡᠨ ᠪᠠᠰᠠ ᠥᠪᠡᠷ ᠲᠦ᠍ ᠪᠡᠨ ᠢᠲᠡᠭᠡᠵᠦ ᠪᠠᠢᠨᠠ᠃
ᠡᠵᠡᠨ ᠬᠠᠭᠠᠨ ᠡᠷᠡᠭᠡᠯᠵᠡᠭᠰᠡᠨ ᠦᠭᠡᠢ ᠵᠥᠪᠰᠢᠶᠡᠷᠡᠵᠡᠢ᠃
ᠮᠠᠷᠭᠠᠰᠢ ᠨᠢ ᠬᠤᠷᠢᠮ ᠪᠣᠯᠤᠯᠠ᠂ ᠬᠠᠭᠠᠨ ᠤ᠋ ᠣᠷᠳᠣᠨ ᠪᠣᠯᠤᠭᠠᠳ ᠬᠠᠭᠠᠨᠲᠤ ᠤᠯᠤᠰ ᠲᠡᠷᠡ ᠴᠢᠭ ᠲᠦ᠍ ᠪᠡᠨ ᠪᠠᠶᠠᠷ ᠬᠥᠷ ᠲᠦ᠍ ᠤᠮᠪᠠᠨ᠂ ᠣᠯᠠᠨ ᠡᠳᠦᠷ ᠡᠨᠡ ᠬᠦ᠌ ᠪᠠᠶᠠᠷ ᠢ᠋ ᠲᠡᠮᠳᠡᠭᠡᠯᠪᠡ᠃ ᠮᠥᠷᠢᠺ ᠲᠡᠳᠡᠨ ᠢ᠋ ᠪᠣᠯᠢᠭᠤᠯᠬᠤ ᠰᠢᠯᠲᠠᠭ ᠣᠯᠵᠤ ᠴᠢᠳᠠᠭᠰᠠᠨ ᠦᠭᠡᠢ᠂ᠭᠡᠬᠦ ᠳ᠋ᠦ᠍ ᠪᠡᠨ ᠬᠣᠨᠢᠴᠢᠨ ᠪᠦᠰᠡᠭᠦᠢ ᠳ᠋ᠦ᠍ ᠢᠯᠠᠭᠳᠠᠭᠰᠠᠨ ᠢ᠋ᠶ᠋ᠠᠨ ᠬᠦᠯᠢᠶᠡᠨ ᠵᠥᠪᠰᠢᠶᠡᠷᠡᠬᠦ ᠪᠣᠯᠤᠭᠠ ᠦᠭᠡᠢ ᠪᠠᠢᠪᠠ᠃ ᠬᠡᠳᠦᠨ ᠰᠠᠷᠠ ᠥᠩᠭᠡᠷᠡᠵᠦ ᠤᠳᠠᠯ ᠦᠭᠡᠢ᠂ ᠭᠡᠷᠯᠡᠯᠲᠡ ᠶ᠋ᠢᠨ ᠵᠢᠷᠭᠤᠳᠠᠬᠢ ᠰᠠᠷᠠ ᠪᠣᠯᠬᠤ ᠭᠡᠵᠦ ᠪᠠᠢᠯᠠ᠃ ᠮᠥᠷᠢᠺ ᠡᠳᠦᠷ ᠬᠣᠨᠣᠭ ᠪᠦᠷᠢ ᠶ᠋ᠢ ᠠᠯᠳᠠᠯ ᠦᠭᠡᠢ ᠲᠡᠮᠳᠡᠭᠡᠯᠵᠦ ᠪᠠᠢᠯᠠ᠃ ᠡᠴᠦᠰ ᠲᠦ᠍ ᠨᠢ ᠲᠡᠷᠡ ᠪᠡᠷ ᠥᠪᠡᠷ ᠦ᠋ᠨ ᠬᠠᠭᠠᠨᠲᠤ ᠤᠯᠤᠰ ᠤ᠋ᠨ ᠡᠰᠡᠷᠭᠦ ᠡᠴᠦᠰ ᠦ᠋ᠨ ᠨᠡᠭᠦᠳᠡᠯ ᠢ᠋ᠶ᠋ᠡᠨ ᠬᠢᠪᠡ᠃
ᠬᠠᠯᠳᠠᠭᠴᠢᠳ᠄ ᠲᠠ ᠪᠢᠳᠡᠨ ᠢ᠋ ᠬᠠᠭᠠᠨᠲᠤ ᠤᠯᠤᠰ ᠤᠷᠤᠭᠤ ᠪᠠᠨ ᠳᠠᠭᠠᠷᠢᠭᠠᠴᠢ ᠭᠡᠵᠦ ᠪᠠᠢᠭᠠ ᠶᠤᠮ ᠤᠤ? ᠪᠢᠳᠡ ᠢᠯᠠᠭᠳᠠᠨᠠ ᠰᠢᠲᠠ!
ᠮᠥᠷᠢᠺ᠄ ᠮᠡᠳᠡᠨᠡ ᠠ᠋᠂ ᠭᠡᠬᠦ ᠳ᠋ᠦ᠍ ᠪᠡᠨ ᠡᠨᠡ ᠬᠠᠮᠢᠶᠠ ᠦᠭᠡᠢ᠂ ᠪᠢ ᠴᠢᠮᠠ ᠳ᠋ᠤ᠌ ᠬᠣᠶᠠᠷ ᠪᠣᠭᠴᠣ ᠳᠦᠭᠦᠷᠡᠩ ᠠᠯᠲᠠ ᠠᠮᠠᠯᠠᠭᠰᠠᠨ ᠪᠠᠢᠬᠠ! ᠴᠢ ᠣᠯᠵᠠᠯᠠᠭᠳᠠᠯᠠ ᠭᠡᠬᠦ ᠳ᠋ᠦ᠍ ᠪᠢ ᠴᠢᠮᠠ ᠶ᠋ᠢ ᠰᠤᠯᠠᠯᠠᠵᠤ ᠱᠠᠩᠨᠠᠯ ᠢ᠋ ᠴᠢᠨᠢ ᠥᠭᠭᠦᠨᠡ᠃ ᠮᠠᠷᠭᠠᠰᠢ ᠪᠣᠯ ᠵᠢᠷᠭᠤᠳᠠᠬᠢ ᠰᠠᠷᠠ ᠶ᠋ᠢᠨ ᠰᠡᠭᠦᠯ ᠦ᠋ᠨ ᠡᠳᠦᠷ᠂ ᠪᠢ ᠡᠵᠡᠨ ᠬᠠᠭᠠᠨ ᠢ᠋ ᠬᠠᠲᠤᠨ ᠬᠠᠭᠠᠨ ᠠ᠋ᠴᠠ ᠰᠠᠯᠭᠠᠬᠤ ᠶᠣᠰᠣᠲᠠᠢ᠂ ᠣᠳᠣ ᠶᠠᠪᠤᠵᠤ ᠦᠵᠡ!
ᠮᠠᠷᠭᠠᠰᠢ ᠨᠢ ᠡᠵᠡᠨ ᠬᠠᠭᠠᠨ ᠠᠷᠠᠳ ᠢᠷᠭᠡᠳ ᠤᠷᠤᠭᠤ ᠨᠢ ᠳᠠᠭᠠᠷᠢᠵᠤ ᠪᠠᠢᠨᠠ ᠭᠡᠰᠡᠨ ᠮᠡᠳᠡᠭᠡ ᠠᠪᠤᠯᠠ᠂᠂ ᠬᠠᠭᠠᠨ ᠭᠡᠷᠭᠡᠢ ᠪᠡᠨ ᠣᠷᠬᠢᠬᠤ ᠶ᠋ᠢ ᠬᠦᠰᠡᠭᠡ ᠦᠭᠡᠢ ᠴᠦ᠍᠂ ᠠᠷᠠᠳ ᠢᠷᠭᠡᠳ ᠢ᠋ᠶ᠋ᠡᠨ ᠬᠠᠮᠠᠭᠠᠯᠠᠬᠤ ᠨᠢ ᠲᠡᠭᠦᠨ ᠦ᠌ ᠡᠭᠦᠷᠭᠡ ᠭᠡᠳᠡᠭ ᠢ᠋ ᠮᠡᠳᠡᠵᠦ ᠪᠠᠢᠪᠠ᠃
ᠯᠠᠪᠲ᠋ᠢᠢᠽᠠ; ᠴᠢ ᠶᠠᠪᠤᠬᠤ ᠶᠣᠰᠣᠲᠠᠢ ᠬᠠᠢᠷᠠᠲᠤ ᠮᠢᠨᠢ᠂ ᠪᠢ ᠵᠦᠭᠡᠷ ᠳᠡ᠂
ᠬᠠᠭᠠᠨᠲᠤ ᠤᠯᠤᠰ ᠤᠷᠤᠭᠤ ᠬᠠᠯᠳᠠᠭᠴᠢᠳ ᠢ᠋ ᠪᠠᠷᠢᠵᠤ ᠠᠪᠪᠠ᠃ ᠡᠵᠡᠨ ᠬᠠᠭᠠᠨ ᠡᠬᠡᠨᠡᠷ ᠤᠷᠤᠭᠤ ᠪᠠᠨ ᠶᠠᠭᠠᠷᠠᠨ ᠣᠴᠢᠲᠠᠯᠠ᠂ ᠮᠥᠷᠢᠺ ᠲᠡᠭᠦᠨ ᠢ᠋ ᠵᠣᠭᠰᠣᠭᠠᠪᠠ᠃
ᠮᠥᠷᠢᠺ᠄ ᠥᠨᠥᠳᠥᠷ ᠪᠣᠯ ᠵᠢᠷᠭᠤᠳᠠᠬᠢ ᠰᠠᠷᠠ ᠶ᠋ᠢᠨ ᠰᠡᠭᠦᠯᠴᠢ ᠶ᠋ᠢᠨ ᠡᠳᠦᠷ ᠡᠵᠡᠨ ᠬᠠᠭᠠᠨᠲᠠᠨ ᠮᠢᠨᠢ᠂ ᠨᠠᠷᠠ ᠤᠳᠠᠬᠤ ᠦᠭᠡᠢ ᠵᠢᠷᠭᠠᠬᠤ ᠨᠢ ᠭᠡᠲᠡᠯᠡ ᠣᠳᠣᠳ ᠲᠠᠢ ᠬᠥᠪᠡᠭᠦᠳ ᠡᠴᠡ ᠶᠠᠮᠠᠷ ᠴᠤ᠌ ᠰᠤᠷᠠᠭ ᠲᠤᠭᠤᠯᠳᠠᠭᠰᠠᠨ ᠦᠭᠡᠢ᠂ ᠠᠮᠠᠯᠠᠯᠲᠠ ᠪᠣᠯ ᠠᠮᠠᠯᠠᠯᠲᠠ ᠭᠡᠵᠦ ᠬᠠᠲᠤᠨ ᠬᠠᠭᠠᠨ ᠥᠪᠡᠷ ᠢ᠋ᠶ᠋ᠡᠨ ᠬᠡᠯᠡᠭᠰᠡᠨ᠂
ᠬᠠᠭᠠᠨ᠄ᠨᠠᠳᠠ ᠳ᠋ᠤ᠌ ᠪᠣᠯ ᠬᠠᠮᠢᠶᠠ ᠦᠭᠡᠢ᠂ ᠪᠢ ᠯᠠᠪ ᠬᠠᠲᠤᠨ ᠢ᠋ᠶ᠋ᠠᠨ ᠭᠢᠨᠳᠠᠨ ᠳ᠋ᠤ᠌ ᠬᠣᠷᠢᠬᠤ ᠦᠭᠡᠢ ᠰᠢᠦ᠂
ᠮᠥᠷᠢᠺ᠄ᠣᠢᠯᠠᠭᠠᠵᠤ ᠪᠠᠢᠨᠠ ᠬᠠᠲᠤᠨ ᠬᠠᠭᠠᠨ ᠬᠡᠯᠡᠭᠰᠡᠨ ᠠᠮᠠᠯᠠᠯᠲᠠ ᠪᠠᠨ ᠵᠥᠷᠢᠴᠡᠵᠦ ᠪᠣᠯᠤᠨᠠ᠃
ᠯᠠᠪᠲ᠋ᠢᠢᠽᠠ᠄ ᠦᠭᠡᠢ ᠠ᠋! ᠪᠢ ᠵᠥᠷᠢᠴᠡᠬᠦ ᠦᠭᠡᠢ᠂ ᠲᠡᠭᠡᠪᠡᠯ ᠮᠢᠨᠦ ᠪᠣᠯᠤᠭᠠᠳ ᠮᠠᠨ ᠤ᠋ ᠬᠠᠭᠠᠨᠲᠤ ᠤᠯᠤᠰ ᠤ᠋ᠨ ᠨᠡᠷᠡ ᠬᠦᠨᠳᠦ ᠳ᠋ᠦ᠍ ᠬᠣᠯᠪᠣᠭᠳᠠᠨᠠ᠃ ᠦᠨᠡᠨ ᠢᠯᠡ ᠪᠣᠯᠬᠤ ᠬᠦᠷᠲᠡᠯᠡ ᠪᠢ ᠠᠮᠠᠯᠠᠭᠰᠠᠨ ᠶᠣᠰᠣᠭᠠᠷ ᠢ᠋ᠶ᠋ᠠᠨ ᠪᠢ ᠭᠢᠨᠳᠠᠨ ᠳ᠋ᠤ᠌ ᠠᠮᠢᠳᠤᠷᠠᠬᠤ ᠪᠣᠯᠤᠨᠠ ᠃
ᠬᠠᠭᠠᠨᠲᠤ ᠤᠯᠤᠰ ᠤ᠋ᠨ ᠢᠷᠭᠡᠳ ᠴᠣᠴᠢᠷᠳᠠᠪᠠ᠂ ᠲᠡᠳᠡ ᠭᠡᠨᠡᠳᠲᠡ ᠡᠢᠮᠦ ᠵᠦᠢᠯ ᠪᠣᠯᠤᠭᠰᠠᠨ ᠳ᠋ᠤ᠌ ᠶᠡᠬᠡᠳᠡ ᠭᠠᠢᠬᠠᠵᠤ ᠪᠠᠢᠯᠠ᠃ ᠮᠡᠳᠡᠭᠡᠵᠢ᠂ ᠮᠥᠷᠢᠺ ᠡᠴᠡ ᠪᠤᠰᠤᠳ ᠨᠢ᠂ ᠲᠡᠷᠡ ᠰᠥᠨᠢ ᠮᠥᠷᠢᠺ ᠣᠷᠳᠣᠨ ᠠ᠋ᠴᠠ ᠨᠢᠭᠤᠴᠠ ᠪᠠᠷ ᠭᠠᠷᠴᠤ ᠳᠠᠯᠠᠢ ᠶ᠋ᠢ ᠴᠢᠭᠯᠡᠨ ᠠᠯᠬᠤᠯᠠ᠂᠂
ᠮᠥᠷᠢᠺ᠄ ᠵᠢᠩᠬᠢᠨᠢ ᠷᠢᠳᠢ ᠰᠢᠳᠢ ᠭᠡᠵᠦ ᠡᠭᠦᠨ ᠢ᠋ ᠯᠡ ᠬᠡᠯᠡᠬᠦ ᠪᠠᠢᠬᠠ᠂ ᠲᠠ ᠬᠣᠶᠠᠷ ᠭᠠᠭᠴᠠᠬᠠᠨ ᠡᠳᠦᠷ ᠦ᠋ᠨ ᠳᠣᠲᠣᠷᠠ ᠶᠠᠭᠠᠬᠢᠵᠤ ᠡᠢᠮᠦ ᠲᠣᠮᠣ ᠪᠣᠯᠪᠠ? ᠠᠮᠠ ᠪᠠᠨ ᠬᠤᠮᠢᠵᠠᠭᠠ ᠂
ᠯᠢᠢᠨ ᠣᠳᠣᠨ ᠤ᠋ ᠠᠳᠢᠰᠯᠠᠯ᠂ ᠪᠡᠶᠡᠯᠡᠯ ᠢ᠋ᠶ᠋ᠡᠨ ᠣᠯᠤᠭᠰᠠᠨ ᠢ᠋ ᠣᠷᠳᠣᠨ ᠤ᠋ ᠨᠢᠭᠡ ᠴᠦ᠍ ᠬᠥᠮᠦᠨ ᠮᠡᠳᠡᠭᠡ ᠦᠭᠡᠢ ᠪᠠᠢᠯᠠ᠃ᠯᠢᠢᠨ᠂ ᠬᠠᠲᠤᠨ ᠬᠠᠭᠠᠨ ᠳ᠋ᠤ᠌ ᠰᠥᠨᠢ ᠳᠤᠮᠳᠠ ᠪᠣᠯᠬᠤ ᠠ᠋ᠴᠠ ᠡᠮᠦᠨᠡ ᠢᠬᠡᠷᠡ ᠬᠦᠦ ᠥᠭᠭᠦᠭᠰᠡᠨ ᠪᠠᠢᠪᠠ᠃ ᠮᠥᠷᠢᠺ ᠡᠨᠡ ᠪᠦᠭᠦᠳᠡ ᠶ᠋ᠢ ᠬᠠᠷᠠᠵᠤ ᠪᠠᠢᠭᠰᠠᠨ ᠠᠵᠠᠢ᠃ ᠯᠠᠪᠲ᠋ᠢᠢᠽᠠ ᠬᠥᠪᠡᠭᠦᠳ ᠦ᠋ᠨ ᠳᠤᠮᠳᠠ ᠪᠥᠬᠡ ᠭᠡᠭᠴᠢ ᠨᠢ ᠤᠨᠲᠠᠵᠤ ᠪᠠᠢᠯᠠ᠃ ᠥᠷᠯᠥᠭᠡ ᠶᠠᠭᠤ ᠪᠣᠯᠤᠭᠰᠠᠨ ᠢ᠋ ᠮᠡᠳᠡᠬᠦ ᠤᠴᠢᠷ ᠲᠠᠢ ᠪᠠᠢᠪᠠ᠃ ᠮᠥᠷᠢᠺ ᠣᠳᠣᠳ ᠲᠠᠢ ᠬᠥᠪᠡᠭᠦᠳ ᠢ᠋ ᠠᠯᠤᠰ ᠲᠡᠷᠲᠡᠭᠡ ᠬᠣᠯᠠ ᠶ᠋ᠢᠨ ᠬᠣᠯᠠ ᠠᠪᠴᠤ ᠶᠠᠪᠤᠬᠤ ᠶ᠋ᠢ ᠬᠦᠰᠡᠭᠰᠡᠨ ᠠᠵᠠᠢ᠃ ᠮᠥᠷᠢᠺ ᠲᠡᠳᠡᠨ ᠦ᠌ ᠬᠤᠪᠢ ᠲᠥᠭᠡᠷᠭᠡ ᠶ᠋ᠢ ᠤᠷᠢᠳ ᠠ᠋ᠴᠠ ᠲᠥᠯᠥᠪᠯᠡᠭᠰᠡᠨ ᠪᠠᠢᠪᠠ᠃ ᠬᠥᠪᠡᠭᠦᠳ ᠢ᠋ ᠵᠠᠪᠢᠨ ᠳᠡᠭᠡᠷᠡ ᠰᠠᠭᠤᠯᠭᠠᠨ ᠥᠷᠥᠰᠢᠶᠡᠯ ᠦᠭᠡᠢ᠂ ᠭᠡᠭᠴᠢ ᠨᠢ ᠵᠠᠪᠢ ᠶ᠋ᠢ ᠵᠠᠬᠠ ᠦᠭᠡᠢ ᠳᠠᠯᠠᠢ ᠤᠷᠤᠭᠤ ᠲᠦᠯᠬᠢᠪᠡ᠃ ᠢᠩᠭᠢᠭᠡᠳ ᠮᠢᠨᠦ ᠥᠬᠢᠨ᠂ ᠬᠠᠲᠤᠨ ᠬᠠᠭᠠᠨ ᠪᠣᠯᠵᠤ᠂ ᠪᠢ ᠳᠡᠯᠡᠬᠡᠢ ᠶ᠋ᠢᠨ ᠲᠠᠯᠠ ᠶ᠋ᠢ ᠵᠠᠬᠢᠷᠴᠤ ᠴᠢᠳᠠᠬᠤ ᠪᠠᠷ ᠪᠣᠯᠤᠯᠠ᠃ᠲᠡᠷᠡ ᠬᠣᠨᠢᠴᠢᠨ ᠪᠦᠰᠡᠭᠦᠢ ᠪᠠᠰᠠ ᠡᠨᠡ ᠬᠥᠪᠡᠭᠦᠳ᠂ ᠮᠢᠨᠦ ᠲᠥᠯᠥᠪᠯᠡᠭᠡ ᠶ᠋ᠢ ᠨᠤᠷᠠᠭᠠᠵᠤ ᠴᠢᠳᠠᠬᠤ ᠦᠭᠡᠢ᠂ ᠵᠠᠪᠢ ᠣᠯᠠᠨ ᠴᠠᠭ ᠬᠥᠪᠦᠨ ᠬᠥᠪᠦᠭᠰᠡᠭᠡᠷ ᠳᠠᠯᠠᠢ ᠶ᠋ᠢᠨ ᠰᠢᠭᠤᠷᠭᠠᠨ ᠳ᠋ᠤ᠌ ᠣᠷᠣᠵᠤ ᠢᠷᠡᠯᠡ᠂ ᠳᠠᠯᠠᠢ ᠶ᠋ᠢᠨ ᠳᠠᠪᠠᠯᠭᠠᠨ ᠬᠦᠴᠦᠲᠡᠢ ᠨᠢᠷᠭᠢᠯᠡᠵᠦ ᠪᠠᠢᠯᠠ᠂ᠳᠠᠪᠠᠯᠭᠠᠨ ᠵᠠᠪᠢ ᠶ᠋ᠢ ᠬᠦᠴᠦᠲᠡᠢ ᠴᠣᠬᠢᠭᠰᠠᠨ ᠴᠤ᠌ ᠂ ᠬᠥᠪᠡᠭᠦᠳ ᠡᠢᠮᠦ ᠲᠠᠭᠠᠯᠠᠮᠵᠢᠲᠠᠢ᠂ ᠢᠨᠢᠶᠡᠵᠦ ᠬᠥᠭᠵᠢᠯᠳᠦᠨᠡ᠂ ᠤᠳᠠᠯ ᠦᠭᠡᠢ ᠮᠠᠰᠢ ᠲᠣᠮᠣ ᠳᠠᠪᠠᠯᠭᠠᠨ ᠲᠡᠳᠡᠨ ᠢ᠋ ᠨᠥᠮᠥᠷᠦᠨ ᠢᠷᠡᠵᠦ ᠵᠠᠪᠢ ᠶ᠋ᠢ ᠬᠦᠴᠦᠲᠡᠢ ᠴᠣᠬᠢᠨ ᠬᠥᠮᠥᠷᠢᠭᠦᠯᠪᠡ᠃ᠭᠡᠲᠡᠯᠡ ᠣᠳᠣᠳ ᠲᠠᠢ ᠬᠥᠪᠡᠭᠦᠳ ᠵᠢᠪᠦᠯ ᠦᠭᠡᠢ᠂ᠪᠢᠴᠢᠬᠠᠨ ᠬᠣᠶᠠᠷ ᠵᠢᠭᠠᠰᠤ ᠪᠣᠯᠤᠨ ᠬᠤᠪᠢᠷᠠᠵᠠᠢ᠃ ᠲᠡᠳᠡ ᠵᠠᠪᠢᠨ ᠠ᠋ᠴᠠ ᠪᠠᠶᠠᠰᠤᠯᠲᠠᠢ ᠪᠠᠷ ᠦᠰᠦᠷᠴᠦ ᠳᠠᠯᠠᠢ ᠶ᠋ᠢᠨ ᠰᠢᠭᠤᠷᠭᠠ ᠶ᠋ᠢ ᠴᠢᠭᠯᠡᠨ ᠦᠰᠦᠷᠴᠦ ᠪᠠᠢᠪᠠ!
ᠬᠠᠷᠢᠨ ᠬᠠᠭᠠᠨ ᠤ᠋ ᠣᠷᠳᠣᠨ ᠳ᠋ᠤ᠌
ᠮᠥᠷᠢᠺ᠄ ᠣᠢ ᠭᠠᠰᠢᠭᠤ ᠳ᠋ᠤ᠌ ᠠᠪᠲᠠᠭᠳᠠᠭᠰᠠᠨ ᠢ᠋ ᠴᠢᠨᠢ ᠣᠢᠯᠠᠭᠠᠵᠤ ᠪᠠᠢᠨᠠ᠂ ᠡᠵᠡᠨ ᠬᠠᠭᠠᠨᠲᠠᠨ ᠮᠢᠨᠢ! ᠭᠡᠬᠦ ᠳ᠋ᠦ᠍᠂ ᠠᠷᠠᠳ ᠢᠷᠭᠡᠳ ᠲᠠᠨ ᠳ᠋ᠤ᠌ ᠢᠲᠡᠭᠡᠯ ᠨᠠᠢᠳᠠᠪᠤᠷᠢ ᠮᠥᠷᠥᠭᠡᠳᠦᠯ ᠢ᠋ᠶ᠋ᠡᠨ ᠳᠠᠭᠠᠳᠬᠠᠭᠰᠠᠨ ᠭᠡᠳᠡᠭ ᠢ᠋ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ᠂ ᠲᠠ ᠠᠷᠠᠳ ᠢᠷᠭᠡᠳ ᠢ᠋ᠶ᠋ᠡᠨ ᠪᠣᠳᠣᠬᠤ ᠶᠣᠰᠣᠲᠠᠢ᠂ ᠠᠬᠢᠭᠠᠳ ᠭᠡᠷᠯᠡᠬᠦ ᠶᠣᠰᠣᠲᠠᠢ᠂
ᠬᠠᠭᠠᠨ᠄ᠮᠦᠷᠢᠺ ᠪᠢ ᠠᠬᠢᠵᠤ ᠭᠡᠷᠯᠡᠬᠦ ᠦᠭᠡᠢ ᠂ᠠᠬᠢᠵᠤ ᠪᠢ ᠭᠡᠷᠯᠡᠬᠦ ᠦᠭᠡᠢ ᠂
ᠮᠥᠷᠢᠺ᠄ᠠᠷᠠᠳ ᠢᠷᠭᠡᠳ ᠢ᠋ᠶ᠋ᠡᠨ ᠪᠣᠳᠣᠭᠠᠴᠢ ᠳᠠ᠂ ᠬᠠᠭᠠᠨᠲᠠᠨ ᠮᠢᠨᠢ! ᠲᠡᠳᠡ ᠲᠠᠨ ᠳ᠋ᠤ᠌ ᠬᠤᠳᠠᠯ ᠬᠡᠯᠡᠭᠡ ᠦᠭᠡᠢ ᠰᠢᠦ ᠳᠡ᠂ ᠲᠡᠳᠡᠨ ᠳ᠋ᠦ᠍ ᠬᠠᠲᠤᠨ ᠬᠠᠭᠠᠨ ᠬᠡᠷᠡᠭᠲᠡᠢ ᠠ᠋᠂
ᠬᠠᠭᠠᠨ᠄ ᠮᠡᠳᠡᠬᠦ ᠦᠭᠡᠢ ᠶᠦ᠍ᠮ ᠠ᠋᠂
ᠮᠥᠷᠢᠺ᠄ ᠰᠠᠨᠠᠯ ᠪᠣᠯᠭᠠᠬᠤ ᠶ᠋ᠢ ᠮᠢᠨᠢ ᠵᠥᠪᠰᠢᠶᠡᠷᠡᠭᠡᠴᠢ ᠳᠡ᠂ ᠡᠵᠡᠨ ᠬᠠᠭᠠᠨᠲᠠᠨ ᠮᠢᠨᠢ! ᠲᠠ᠂ ᠶᠠᠭᠠᠬᠢᠭᠠᠳ ᠮᠢᠨᠦ ᠥᠬᠢᠨ ᠲᠡᠢ ᠭᠡᠷᠯᠡᠵᠦ ᠪᠣᠯᠬᠤ ᠦᠭᠡᠢ ᠭᠡᠵᠦ ᠲᠡᠷᠡ ᠪᠦᠭᠦᠳᠡ ᠶ᠋ᠢ ᠮᠡᠳᠡᠵᠦ ᠪᠠᠢᠭᠠ᠂ ᠲᠠᠨ ᠤ᠋ ᠵᠣᠪᠠᠯᠠᠩ ᠰᠢᠨᠠᠯᠤᠯ ᠢ᠋ ᠰᠠᠢᠨ ᠣᠢᠯᠠᠭᠠᠬᠤ ᠪᠣᠯᠤᠨᠠ ᠠ᠋!
ᠬᠠᠭᠠᠨ᠄ ᠵᠠ᠂ ᠳᠤᠷᠠ ᠪᠠᠷ ᠢ᠋ᠶ᠋ᠠᠨ ᠪᠣᠯ ᠳᠠ ᠮᠥᠷᠢᠺ ᠨᠠᠳᠠ ᠳ᠋ᠤ᠌ ᠬᠠᠮᠢᠶᠠ ᠦᠭᠡᠢ᠂
ᠨᠢᠭᠡ ᠬᠣᠷᠣᠮ ᠢ᠋ ᠴᠦ᠍ ᠠᠯᠳᠠᠯ ᠦᠭᠡᠢ᠂ ᠮᠥᠷᠢᠺ ᠬᠤᠷᠢᠮ ᠤ᠋ᠨ ᠶᠣᠰᠣᠯᠠᠯ ᠢ᠋ ᠪᠡᠯᠡᠳᠬᠡᠪᠡ᠃ ᠬᠤᠷᠢᠮ ᠲᠡᠷᠡ ᠳᠣᠯᠣᠭᠠᠨ ᠬᠣᠨᠣᠭ ᠲᠤ᠌ ᠪᠠᠨ ᠪᠣᠯᠬᠤ ᠪᠠᠷ ᠲᠣᠪᠯᠠᠭᠳᠠᠪᠠ ᠃ ᠬᠡᠳᠦᠨ ᠡᠳᠦᠷ ᠥᠩᠭᠡᠷᠡᠭᠰᠡᠨ ᠦ᠌ ᠳᠠᠷᠠᠭᠠ ᠵᠢᠭᠠᠰᠤᠴᠢᠨ᠂ ᠲᠣᠣᠷ ᠲᠤ᠌ ᠨᠢ᠂ ᠬᠣᠶᠠᠷ ᠭᠢᠯᠲᠠᠭᠠᠨᠠᠭᠰᠠᠨ ᠵᠢᠭᠠᠰᠤ ᠣᠷᠣᠭᠰᠠᠨ ᠪᠠᠢᠭᠠ ᠶ᠋ᠢ ᠣᠯᠵᠤ ᠬᠠᠷᠠᠪᠠ᠂
ᠵᠢᠭᠠᠰᠤᠴᠢᠨ᠄ᠡᠨᠡ ᠵᠢᠭᠠᠰᠤ ᠨᠤᠭᠤᠳ ᠢ᠋ ᠡᠵᠡᠨ ᠬᠠᠭᠠᠨ ᠳ᠋ᠤ᠌ ᠪᠡᠯᠡᠭᠯᠡᠬᠦ ᠬᠡᠷᠡᠭᠲᠡᠢ᠂
ᠵᠢᠭᠠᠰᠤᠴᠢᠨ᠄ ᠲᠡᠢᠮᠦ ᠰᠢᠦ ᠂ ᠡᠵᠡᠨ ᠬᠠᠭᠠᠨ ᠥᠨᠥᠳᠥᠷ ᠬᠤᠷᠢᠮ ᠢ᠋ᠶ᠋ᠠᠨ ᠬᠢᠨᠡ᠃ ᠬᠤᠷᠢᠮ ᠤ᠋ᠨ ᠰᠠᠢᠬᠠᠨ ᠪᠡᠯᠡᠭ ᠪᠣᠯᠤᠨᠠ ᠳᠠ᠂
ᠣᠳᠣᠳ ᠲᠠᠢ ᠬᠥᠪᠡᠭᠦᠳ ᠄ ᠦᠭᠡᠢ! ᠬᠦᠯᠢᠶᠡ᠂ ᠪᠢᠳᠡᠨ ᠢ᠋ ᠪᠦᠦ ᠠᠯᠠᠭᠠᠴᠢ!
ᠵᠢᠭᠠᠰᠤᠴᠢᠨ ᠦᠭᠡᠢ᠂ᠡᠨᠡ ᠴᠢᠨᠢ ᠶᠠᠷᠢᠳᠠᠭ ᠵᠢᠭᠠᠰᠤ ᠤᠤ ᠳᠠ᠂
ᠣᠳᠣᠳ ᠲᠠᠢ ᠬᠥᠪᠡᠭᠦᠳ ᠄ ᠲᠡᠢᠮᠦ ᠠ᠋! ᠪᠢᠳᠡ ᠬᠣᠶᠠᠷ ᠪᠣᠯ ᠵᠢᠷ ᠦ᠋ᠨ ᠨᠢᠭᠡ ᠵᠢᠭᠠᠰᠤ ᠪᠢᠰᠢ! ᠪᠢᠳᠡᠨ ᠢ᠋ ᠪᠦᠦ ᠠᠯᠠᠭᠠᠴᠢ ᠳᠠ !
ᠵᠢᠭᠠᠰᠤᠴᠢᠨ᠄ ᠲᠡᠭᠡᠭᠡᠳ ᠲᠠ ᠬᠣᠶᠠᠷ ᠢ᠋ ᠶᠠᠭᠠᠬᠢᠬᠤ ᠶᠣᠰᠣᠲᠠᠢ ᠪᠣᠯᠵᠤ ᠪᠠᠢᠨᠠ?
ᠣᠳᠣᠳ ᠲᠠᠢ ᠬᠥᠪᠡᠭᠦᠳ ᠄ ᠲᠣᠮᠣ ᠠᠶᠠᠭᠠ ᠠᠪᠴᠢᠷᠠᠵᠤ ᠴᠡᠪᠡᠷ ᠤᠰᠤ ᠪᠠᠷ ᠳᠦᠭᠦᠷᠭᠡᠬᠦ ᠬᠡᠷᠡᠭᠲᠡᠢ᠃ ᠠᠶᠠᠭᠠ ᠲᠠᠢ ᠤᠰᠤᠨ ᠳ᠋ᠤ᠌ ᠰᠡᠯᠢᠭᠰᠡᠨ ᠦ᠌ ᠳᠠᠷᠠᠭᠠ ᠪᠢᠳᠡᠨ ᠢ᠋ ᠡᠪᠡᠰᠦᠨ ᠳᠡᠭᠡᠷᠡ ᠲᠠᠯᠪᠢᠵᠤ ᠬᠠᠲᠠᠭᠠᠭᠠᠷᠠᠢ !
ᠵᠢᠭᠠᠰᠤᠴᠢᠨ᠄ ᠦ ᠶᠠᠭᠤ ?
ᠵᠢᠭᠠᠰᠤᠴᠢᠨ᠂ᠲᠡᠳᠡᠨ ᠦ᠌ ᠬᠡᠯᠡᠭᠰᠡᠨ ᠢ᠋ᠶ᠋ᠡᠷ ᠬᠢᠪᠡ᠃ᠶᠠᠷᠢᠳᠠᠭ ᠵᠢᠭᠠᠰᠤ ᠨᠤᠭᠤᠳ ᠤ᠋ᠨ ᠦᠭᠡ ᠶ᠋ᠢ ᠳᠠᠭᠠᠬᠤ ᠪᠠᠷ ᠰᠢᠢᠳᠦᠭᠰᠡᠨ ᠠᠵᠠᠢ᠃ ᠰᠡᠯᠢᠭᠰᠡᠨ ᠦ᠌ ᠳᠠᠷᠠᠭᠠ ᠲᠡᠳᠡᠨ ᠢ᠋ ᠡᠪᠡᠰᠦᠨ ᠳᠡᠭᠡᠷᠡ ᠲᠠᠯᠪᠢᠵᠤ ᠬᠠᠲᠠᠭᠠᠪᠠ ᠭᠡᠨᠡ᠃ ᠬᠠᠭᠤᠷᠠᠢ ᠪᠣᠯᠤᠭᠰᠠᠨ ᠬᠣᠶᠠᠷ ᠵᠢᠭᠠᠰᠤ᠂ ᠵᠠᠯᠠᠭᠤ ᠬᠥᠪᠡᠭᠦᠳ ᠪᠣᠯᠵᠤ ᠬᠤᠪᠢᠷᠠᠬᠤ ᠨᠢ ᠲᠡᠷᠡ ᠬᠣᠶᠠᠭᠤᠯᠠ ᠶᠡᠬᠡ ᠴᠢᠷᠠᠢᠯᠢᠭ ᠪᠠ ᠲᠡᠳᠡᠨ ᠦ᠌ ᠳᠤᠬᠤᠨ ᠳᠡᠭᠡᠷᠡ ᠣᠳᠣ ᠭᠢᠯᠲᠠᠭᠠᠨᠠᠵᠤ ᠪᠠᠢᠪᠠ᠃
ᠵᠢᠭᠠᠰᠤᠴᠢᠨ᠄ ᠲᠠ ᠨᠠᠷ ᠬᠡᠨ ᠪᠣᠢ?
ᠣᠳᠣᠳ ᠲᠠᠢ ᠬᠥᠪᠡᠭᠦᠳ ᠄ ᠪᠢᠳᠡ ᠬᠣᠶᠠᠷ ᠪᠣᠯ ᠬᠠᠨ ᠬᠦᠦ᠂ ᠪᠢᠳᠡ ᠬᠣᠶᠠᠷ ᠪᠣᠯ ᠬᠠᠭᠠᠨ ᠡᠵᠡᠨ᠂ ᠬᠠᠲᠤᠨ ᠬᠠᠭᠠᠨ ᠯᠠᠪᠲ᠋ᠢᠢᠽᠠᠠ ᠶ᠋ᠢᠨ ᠬᠥᠪᠡᠭᠦᠳ
ᠵᠢᠭᠠᠰᠤᠴᠢᠨ᠄ ᠦ᠂ ᠬᠦ᠂ ᠬᠠᠲᠤᠨ ᠬᠠᠭᠠᠨ ᠬᠤᠳᠠᠯ ᠬᠡᠯᠡᠭᠡ ᠦᠭᠡᠢ ᠶ᠋ᠢ ᠪᠢ ᠪᠦᠷ ᠮᠡᠳᠡᠭᠡᠳ ᠪᠠᠢᠭᠰᠠᠨ ᠶᠤᠮ ᠠ᠋᠂
ᠣᠳᠣᠳ ᠲᠠᠢ ᠬᠥᠪᠡᠭᠦᠳ ᠄ ᠪᠢᠳᠡ ᠬᠤᠷᠢᠮ ᠪᠣᠯᠬᠤ ᠠ᠋ᠴᠠ ᠡᠮᠦᠨᠡ ᠣᠷᠳᠣᠨ ᠳ᠋ᠤ᠌ ᠠᠮᠵᠢᠵᠤ ᠣᠴᠢᠬᠤ ᠶᠣᠰᠣᠲᠠᠢ
ᠵᠢᠭᠠᠰᠤᠴᠢᠨ᠄ ᠲᠣᠯᠣᠭᠠᠢ ᠪᠠᠨ ᠬᠠᠯᠬᠠᠯᠠᠭᠰᠠᠨ ᠳᠡᠭᠡᠷᠡ ᠪᠠᠢᠬᠠ᠂ ᠬᠡᠨ ᠳ᠋ᠦ᠍ ᠴᠦ᠍ ᠣᠳᠣ ᠪᠠᠨ ᠬᠠᠷᠠᠭᠤᠯᠵᠤ ᠪᠣᠯᠬᠤ ᠦᠭᠡᠢ ᠰᠢᠦ᠂ ᠪᠢᠳᠡ ᠨᠠᠷ ᠲᠠ ᠬᠣᠶᠠᠷ ᠢ᠋ ᠣᠷᠳᠣᠨ ᠳ᠋ᠤ᠌ ᠬᠦᠷᠭᠡᠵᠦ ᠥᠭᠭᠦᠶᠡ᠂
ᠣᠷᠳᠣᠨ ᠳ᠋ᠤ᠌ ᠣᠯᠠᠨ ᠬᠥᠮᠦᠨ ᠬᠤᠷᠠᠨ ᠴᠤᠭᠯᠠᠷᠠᠭᠰᠠᠨ ᠪᠠᠢᠪᠠ᠃ ᠶᠣᠰᠣᠯᠠᠯ ᠢ᠋ ᠪᠦᠭᠦᠳᠡ ᠬᠦᠯᠢᠶᠡᠵᠦ ᠪᠠᠢᠭᠰᠠᠨ ᠴᠤ᠌ ᠡᠵᠡᠨ ᠬᠠᠭᠠᠨ ᠪᠣᠯᠤᠭᠠᠳ ᠣᠷᠳᠣᠨ ᠳ᠋ᠤ᠌ ᠴᠤᠭᠯᠠᠭᠰᠠᠨ ᠬᠥᠮᠦᠰ ᠭᠤᠨᠢᠭᠲᠠᠢ ᠪᠠᠢᠯᠠ᠃
ᠮᠥᠷᠢᠺ᠄ ᠴᠢᠮᠡᠭᠡ ᠦᠭᠡᠢ ᠪᠤᠯᠵᠠᠭᠠᠨᠠ ᠤᠤ!᠂ ᠡᠵᠡᠨ ᠬᠠᠭᠠᠨ ᠮᠠᠨᠢ ᠮᠢᠨᠦ ᠥᠬᠢᠨ ᠲᠡᠢ ᠭᠡᠷᠯᠡᠬᠦ ᠪᠡᠷ ᠰᠢᠢᠳᠦᠭᠰᠡᠨ ᠭᠡᠳᠡᠭ ᠢ᠋ ᠪᠢᠳᠡ ᠪᠦᠭᠦᠳᠡ ᠮᠡᠳᠡᠵᠦ ᠪᠠᠢᠭᠠ᠂ ᠬᠠᠷᠢᠨ ᠣᠳᠣ ᠪᠢᠳᠡ᠂
ᠣᠳᠣᠳ ᠲᠠᠢ ᠬᠥᠪᠡᠭᠦᠳ ᠄ ᠬᠦᠯᠢᠶᠡ! ᠬᠦᠯᠢᠶᠡ ᠠ᠋!
ᠬᠠᠭᠠᠨ᠄ ᠲᠡᠳᠡ᠂ ᠲᠡᠳᠡ ᠬᠡᠨ ᠪᠣᠢ? ᠬᠡᠨ ᠪᠣᠯᠤᠭᠠᠳ ᠮᠢᠨᠢ ᠢᠲᠡᠭᠡᠯᠲᠦ ᠲᠦᠰᠢᠮᠡᠯ ᠦ᠋ᠨ ᠦᠭᠡ ᠶ᠋ᠢ ᠲᠠᠰᠤᠳᠠᠵᠤ ᠵᠢᠷᠦᠬᠡᠯᠡᠵᠦ ᠪᠠᠢᠭᠠ ᠶᠤᠮ ᠪᠣᠢ?
ᠣᠳᠣᠳ ᠲᠠᠢ ᠬᠥᠪᠡᠭᠦᠳ ᠄ ᠪᠢᠳᠡ ᠬᠣᠶᠠᠷ ᠪᠣᠯ ᠲᠠᠨ ᠤ᠋ ᠬᠡᠦᠬᠡᠳ ᠦ᠋ᠳ᠂ ᠠᠪᠤ ᠠ᠋ ᠂ ᠲᠠᠨ ᠤ᠋ ᠬᠥᠪᠡᠭᠦᠳ᠂ ᠣᠳᠣᠳ ᠲᠠᠢ ᠢᠬᠡᠷᠡ ᠬᠥᠪᠡᠭᠦᠳ
ᠬᠠᠭᠠᠨ᠄ ᠦ ᠡᠨᠡ ᠶᠠᠭᠤ? ᠡᠢᠮᠦ ᠵᠦᠢᠯ ᠪᠠᠢᠵᠤ ᠪᠣᠯᠤᠨᠠ ᠭᠡᠵᠢ ᠤᠤ?
ᠣᠳᠣᠳ ᠲᠠᠢ ᠬᠥᠪᠡᠭᠦᠳ ᠄ ᠲᠠᠨ ᠤ᠋ ᠢᠲᠡᠭᠡᠯᠲᠦ ᠲᠦᠰᠢᠮᠡᠯ ᠥᠬᠢᠨ ᠢ᠋ᠶ᠋ᠡᠨ ᠬᠠᠲᠤᠨ ᠬᠠᠭᠠᠨ ᠪᠣᠯᠭᠠᠬᠤ ᠶ᠋ᠢᠨ ᠲᠤᠯᠠᠳᠠ ᠪᠢᠳᠡᠨ ᠢ᠋ ᠦᠬᠦᠭ ᠭᠡᠳ ᠳᠠᠯᠠᠢ ᠳ᠋ᠤ᠌ ᠬᠠᠶᠠᠭᠰᠠᠨ ᠶᠤᠮ᠃ ᠲᠡᠷᠡ ᠲᠠᠨ ᠤ᠋ ᠡᠷᠬᠡ ᠮᠠᠲᠠᠯ ᠢ᠋ ᠪᠤᠯᠢᠶᠠᠬᠤ ᠶ᠋ᠢ ᠬᠦᠰᠡᠳᠡᠭ ᠭᠡᠬᠦ ᠳ᠋ᠦ᠍ ᠪᠡᠨ ᠲᠠᠨ ᠤ᠋ ᠲᠦᠰᠢᠮᠡᠯ ᠪᠢᠳᠡᠨ ᠢ᠋ ᠣᠳᠣᠳ ᠢ᠋ᠶ᠋ᠠᠷ ᠠᠳᠢᠰᠯᠠᠭᠳᠠᠭᠰᠠᠨ ᠭᠡᠳᠡᠭ ᠢ᠋ ᠮᠠᠷᠲᠠᠭᠰᠠᠨ ᠪᠣᠯᠤᠯᠲᠠᠢ᠂ ᠲᠡᠷᠡ ᠪᠢᠳᠡᠨ ᠢ᠋ ᠠᠯᠠᠵᠤ ᠴᠢᠳᠠᠬᠤ ᠦᠭᠡᠢ᠂
ᠬᠠᠭᠠᠨ᠄ ᠮᠥᠷᠢᠺ ᠡᠨᠡ ᠦᠨᠡᠨ ᠭᠡᠵᠡᠢ ᠤᠤ?
ᠮᠥᠷᠢᠺ᠄ ᠦ ᠶᠠᠭᠤ ᠂ ᠪᠢ᠂ ᠪᠢ᠂
ᠬᠠᠭᠠᠨ᠄ ᠡᠭᠦᠨ ᠢ᠋ ᠪᠠᠷᠢᠪᠴᠢᠯᠠ᠂
ᠬᠠᠭᠠᠨ᠄ ᠮᠢᠨᠦ ᠬᠥᠪᠡᠭᠦᠳ ᠲᠡᠢᠮᠦ ᠠ᠋! ᠮᠢᠨᠦ ᠬᠥᠪᠡᠭᠦᠳ
ᠡᠵᠡᠨ ᠬᠠᠭᠠᠨ ᠲᠡᠷᠡ ᠳᠠᠷᠤᠢ ᠳ᠋ᠤ᠌᠂ ᠯᠠᠪᠲ᠋ᠢᠢᠽᠠ ᠤᠷᠤᠭᠤ ᠭᠦᠶᠦᠨ ᠣᠴᠢᠵᠤ ᠭᠢᠨᠲᠠ ᠠ᠋ᠴᠠ ᠰᠤᠯᠠᠯᠠᠵᠠᠢ᠃ᠯᠠᠪᠲ᠋ᠢᠢᠽᠠ ᠬᠥᠪᠡᠭᠦᠳ ᠢ᠋ᠶ᠋ᠡᠨ ᠲᠡᠪᠡᠷᠢᠪᠡ᠃ᠯᠢᠢᠨ ᠣᠳᠣ ᠶ᠋ᠢᠨ ᠵᠥᠪ ᠪᠠᠢᠯᠠ᠃ ᠬᠥᠪᠡᠭᠦᠳ ᠰᠠᠢᠬᠠᠨ ᠰᠡᠳᠬᠢᠯ ᠡᠴᠡ ᠲᠥᠷᠥᠨ ᠭᠠᠷᠤᠭᠰᠠᠨ ᠨᠢ ᠰᠠᠢᠨ ᠰᠠᠢᠬᠠᠨ ᠨᠢ ᠬᠡᠵᠢᠶᠡᠳᠡ ᠬᠣᠷᠣᠨ ᠰᠠᠨᠠᠭᠠ ᠶ᠋ᠢ ᠳᠡᠢᠯᠳᠡᠭ ᠡᠵᠡᠨ ᠬᠠᠭᠠᠨ ᠬᠠᠲᠤᠨ ᠬᠠᠭᠠᠨ ᠯᠠᠪᠲ᠋ᠢᠢᠽᠠ ᠮᠥᠨ ᠣᠳᠣᠳ ᠲᠠᠢ ᠢᠬᠡᠷᠡ ᠬᠥᠪᠡᠭᠦᠳ ᠦ᠋ᠨ ᠲᠤᠰᠠᠯᠠᠮᠵᠢ ᠲᠠᠢ ᠣᠯᠠᠨ ᠵᠢᠯ ᠬᠠᠭᠠᠨᠲᠤ ᠤᠯᠤᠰ ᠢ᠋ᠶ᠋ᠠᠨ ᠤᠳᠤᠷᠢᠳᠴᠠᠢ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ᠰᠠᠢᠠᠠᠥ᠋ᠯᠵᠡᠢ
ᠦᠰᠦᠭ ᠬᠠᠲᠠᠭᠰᠠᠨ ᠨᠢ᠄ᠭᠠᠸᠠ
ᠬᠢᠨᠠᠭᠴᠢ ᠪᠠᠭᠰᠢ᠄ᠢᠷᠡᠭᠡᠳᠦᠢ