ᠠᠷᠰᠯᠠᠨ᠂ ᠬᠤᠯᠤᠭᠠᠨᠠ ᠬᠣᠶᠠᠷАрслан, хулгана хоёр _ Lion and the Mouse
430ᠠᠷᠰᠯᠠᠨ᠂ ᠬᠤᠯᠤᠭᠠᠨᠠ ᠬᠣᠶᠠᠷ
ᠡᠷᠲᠡ ᠤᠷᠲᠤ ᠶ᠋ᠢᠨ ᠴᠠᠭ ᠲᠤ᠌ ᠣᠢ ᠶ᠋ᠢ ᠵᠠᠬᠢᠷᠳᠠᠭ ᠨᠢᠭᠡᠨ ᠠᠷᠰᠯᠠᠨ ᠰᠡᠷᠡᠩᠬᠡᠨ ᠣᠢ ᠳ᠋ᠤ᠌ ᠠᠮᠢᠳᠤᠷᠠᠳᠠᠭ ᠪᠠᠢᠵᠠᠢ᠂ ᠨᠢᠭᠡᠨ ᠡᠳᠦᠷ ᠬᠣᠭᠣᠯᠠ ᠪᠠᠨ ᠢᠳᠡᠴᠢᠬᠡᠭᠡᠳ ᠠᠷᠰᠯᠠᠨ ᠮᠣᠳᠣᠨ ᠳᠣᠣᠷᠠ ᠤᠨᠲᠠᠭᠠᠳ ᠥᠭᠴᠡᠢ ᠭᠡᠨᠡ᠂ ᠪᠢᠴᠢᠬᠠᠨ ᠬᠤᠯᠤᠭᠠᠨᠠ ᠲᠡᠭᠦᠨ ᠢ᠋ ᠬᠠᠷᠠᠭᠠᠳ ᠠᠷᠰᠯᠠᠨ ᠢ᠋ᠶ᠋ᠠᠷ ᠲᠣᠭᠯᠠᠵᠤ ᠵᠤᠭᠠᠴᠠᠶᠠ ᠭᠡᠵᠦ ᠪᠣᠳᠣᠪᠠ ᠤᠨᠲᠠᠵᠤ ᠪᠠᠢᠭᠠ ᠠᠷᠰᠯᠠᠨ ᠤ᠋ ᠳᠡᠭᠡᠭᠦᠷ ᠳᠣᠣᠭᠤᠷ ᠭᠦᠶᠦᠵᠦ ᠡᠬᠢᠯᠡᠯᠡ ᠰᠡᠭᠦᠯ ᠢ᠋ᠶ᠋ᠡᠷ ᠨᠢ ᠳᠡᠭᠡᠭᠰᠢ ᠪᠡᠨ ᠭᠦᠶᠦᠵᠦ ᠳᠣᠭᠣᠭᠰᠢ ᠪᠠᠨ ᠭᠤᠯᠭᠤᠵᠤ ᠪᠠᠭᠤᠪᠠ᠂ ᠠᠷᠰᠯᠠᠨ ᠮᠠᠰᠢ ᠶᠡᠬᠡ ᠠᠭᠤᠷᠯᠠᠵᠤ ᠰᠡᠷᠡᠭᠡᠳ ᠴᠢᠩᠭᠠ ᠭᠡᠭᠴᠢ ᠠᠷᠬᠢᠷᠠᠪᠠ᠂ ᠬᠤᠯᠤᠭᠠᠨᠠ ᠶ᠋ᠢ ᠠᠪᠤᠷᠭᠤ ᠰᠠᠪᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠷᠢᠭᠠᠳ ᠠᠪᠴᠠᠢ ᠭᠡᠨᠡ᠂ ᠬᠤᠯᠤᠭᠠᠨᠠ ᠬᠡᠴᠢᠨᠡᠭᠡᠨ ᠬᠢᠴᠢᠶᠡᠭᠡᠳ ᠴᠦ᠍ ᠵᠢᠭᠤᠲᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ᠂ ᠠᠷᠰᠯᠠᠨ ᠬᠤᠯᠤᠭᠠᠨᠠ ᠶ᠋ᠢ ᠵᠠᠯᠭᠢᠬᠤ ᠪᠠᠷ ᠲᠣᠮᠣ ᠠᠮᠠ ᠪᠠᠨ ᠠᠩᠭᠠᠢᠯᠠ᠂ ᠬᠤᠯᠤᠭᠠᠨᠠ ᠮᠠᠰᠢ ᠶᠡᠬᠡ ᠠᠶᠤᠵᠠᠢ᠂ ᠠᠷᠢᠶᠠᠲᠠᠨ ᠤ᠋ ᠬᠠᠭᠠᠨ ᠮᠢᠨᠢ ᠪᠢ ᠮᠠᠰᠢ ᠶᠡᠬᠡ ᠠᠶᠤᠵᠤ ᠪᠠᠢᠨᠠ ᠮᠠᠰᠢ ᠶᠡᠬᠡ ᠠᠶᠤᠵᠤ ᠪᠠᠢᠨᠠ᠂ ᠨᠠᠮᠠ ᠶ᠋ᠢ ᠪᠢᠲᠡᠭᠡᠢ ᠢᠳᠡᠭᠡᠴᠢ ᠳᠡ ᠭᠠᠭᠴᠠᠬᠠᠨ ᠤᠳᠠᠭᠠ ᠥᠷᠥᠰᠢᠶᠡᠴᠢᠬᠡ᠂ ᠲᠠᠯᠪᠢᠵᠤ ᠶᠠᠪᠤᠭᠤᠯᠤᠭᠠᠴᠢ᠂ ᠠᠴᠢ ᠶ᠋ᠢ ᠲᠠᠨᠢ ᠬᠡᠵᠢᠶᠡ ᠴᠦ᠍ ᠮᠠᠷᠲᠠᠬᠤ ᠦᠭᠡᠢ ᠬᠣᠵᠢᠮ ᠤ᠋ᠨ ᠨᠢᠭᠡᠨ ᠡᠳᠦᠷ ᠲᠠᠨ ᠳ᠋ᠤ᠌ ᠬᠡᠷᠡᠭ ᠪᠣᠯᠵᠤ ᠮᠡᠳᠡᠨᠡ᠂ ᠬᠤᠯᠤᠭᠠᠨᠠ ᠠᠴᠢ ᠶ᠋ᠢ ᠨᠢ ᠬᠠᠷᠢᠭᠤᠯᠠᠨᠠ ᠭᠡᠳᠡᠭ ᠪᠣᠳᠣᠯ ᠠᠷᠰᠯᠠᠨ ᠳ᠋ᠤ᠌ ᠶᠡᠬᠡᠳᠡ ᠵᠤᠭᠠ ᠲᠠᠢ ᠰᠠᠨᠠᠭᠳᠠᠵᠤ ᠰᠠᠪᠠᠷ ᠢ᠋ᠶ᠋ᠠᠨ ᠡᠷᠭᠦᠨ ᠬᠤᠯᠤᠭᠠᠨᠠ ᠶ᠋ᠢ ᠲᠠᠯᠪᠢᠵᠤ ᠶᠠᠪᠤᠭᠤᠯᠪᠠ᠃ ᠭᠢᠯᠠᠢᠯᠠ ᠠᠷᠢᠶᠠᠲᠠᠨ ᠤ᠋ ᠬᠠᠭᠠᠨ ᠮᠢᠨᠢ ᠰᠠᠢᠬᠠᠨ ᠰᠡᠳᠬᠢᠯᠭᠡ ᠳ᠋ᠦ᠍ ᠨᠢ ᠪᠢ ᠬᠡᠵᠢᠶᠡ ᠴᠦ᠍ ᠮᠠᠷᠲᠠᠬᠤ ᠦᠭᠡᠢ᠂ ᠪᠢ ᠳᠥᠩᠭᠡᠵᠦ ᠬᠣᠭᠣᠯᠠ ᠪᠠᠨ ᠢᠳᠡᠭᠡᠳ ᠪᠠᠢᠭᠰᠠᠨ ᠨᠢ ᠴᠢᠨᠦ ᠠᠵᠠ ᠭᠡᠵᠦ ᠮᠡᠳᠡ ᠣᠳᠣ ᠶᠠᠪᠤ᠂ ᠬᠠᠷᠢᠨ ᠳᠠᠬᠢᠵᠤ ᠨᠠᠮᠠ ᠶ᠋ᠢ ᠣᠷᠣᠯᠳᠣᠬᠤ ᠬᠡᠷᠡᠭ ᠦᠭᠡᠢ ᠰᠢᠦ ᠦᠭᠡᠢ ᠪᠣᠯ ᠴᠢᠮᠠ ᠶ᠋ᠢ ᠢᠳᠡᠵᠦ ᠣᠷᠬᠢᠨᠠ ᠭᠡᠵᠦ ᠮᠡᠳᠡᠭᠡᠷᠡᠢ ᠠ᠁ ᠬᠡᠳᠦ ᠬᠣᠨᠣᠭ ᠤ᠋ᠨ ᠳᠠᠷᠠᠭᠠ ᠠᠷᠰᠯᠠᠨ ᠣᠢ ᠪᠠᠷ ᠵᠤᠭᠠᠯᠠᠵᠤ ᠶᠠᠪᠤᠯᠠ᠂ ᠠᠩᠴᠢᠳ ᠠᠷᠰᠯᠠᠨ ᠢ᠋ ᠪᠠᠷᠢᠬᠤ ᠪᠠᠷ ᠬᠠᠪᠬᠠ ᠲᠠᠯᠪᠢᠵᠠᠢ᠂ ᠠᠷᠰᠯᠠᠨ ᠢ᠋ ᠬᠠᠪᠬᠠᠨ ᠳ᠋ᠤ᠌ ᠣᠢᠷᠠᠳᠬᠤ ᠶ᠋ᠢ ᠬᠦᠯᠢᠶᠡᠵᠦ ᠠᠩᠴᠢᠳ ᠮᠣᠳᠣᠨ ᠤ᠋ ᠠᠷᠤ ᠳ᠋ᠤ᠌ ᠨᠢᠭᠤᠭᠳᠠᠯᠠ ᠣᠢᠷᠠᠲᠤᠭᠠᠳ ᠢᠷᠡᠬᠦ ᠳ᠋ᠦ᠍ ᠨᠢ ᠠᠩᠴᠢᠳ ᠣᠯᠣᠰᠣ ᠪᠠᠨ ᠲᠠᠲᠠᠵᠤ ᠠᠷᠰᠯᠠᠨ ᠢ᠋ ᠲᠣᠣᠷ ᠲᠤ ᠪᠠᠨ ᠣᠷᠣᠭᠤᠯᠴᠢᠬᠠᠪᠠ᠂ ᠠᠷᠰᠯᠠᠨ ᠴᠢᠩᠭᠠ ᠠ᠋ᠴᠠ ᠴᠢᠩᠭᠠ ᠠᠷᠬᠢᠷᠠᠵᠤ ᠵᠢᠭᠤᠲᠠᠬᠤ ᠭᠡᠵᠦ ᠣᠷᠣᠯᠳᠣᠨᠠ ᠠᠩᠴᠢᠳ ᠴᠤ᠌ ᠣᠯᠣᠰᠣ ᠪᠠᠨ ᠴᠢᠩᠭᠠᠯᠠᠵᠤ ᠣᠷᠬᠢᠪᠠ᠂ ᠠᠷᠰᠯᠠᠨ ᠢ᠋ ᠵᠥᠭᠡᠭᠡᠬᠦ ᠲᠡᠷᠭᠡ ᠠᠪᠴᠢᠷᠠᠬᠤ ᠪᠠᠷ ᠠᠩᠴᠢᠳ ᠲᠣᠰᠬᠣᠨ ᠤᠷᠤᠭᠤ ᠪᠠᠨ ᠪᠤᠴᠠᠯᠠ᠂ ᠠᠷᠰᠯᠠᠨ ᠴᠢᠩᠭᠠ ᠠᠷᠬᠢᠷᠠᠭᠰᠠᠭᠠᠷ ᠯᠠ ᠣᠢ ᠶ᠋ᠢᠨ ᠪᠦᠬᠦ ᠠᠮᠢᠲᠠᠳ ᠲᠡᠷᠡ ᠳᠤᠮᠳᠠ ᠬᠤᠯᠤᠭᠠᠨᠠ ᠪᠠᠰᠠ ᠰᠣᠨᠣᠰᠴᠠᠢ ᠭᠡᠨᠡ ᠠᠷᠢᠶᠠᠲᠠᠨ ᠤ᠋ ᠬᠠᠭᠠᠨ ᠳ᠋ᠤ᠌ ᠠᠶᠤᠯ ᠲᠣᠬᠢᠶᠠᠯᠳᠤᠵᠠᠢ ᠠᠴᠢ ᠶ᠋ᠢ ᠨᠢ ᠬᠠᠷᠢᠭᠤᠯᠠᠬᠤ ᠶᠤᠮ᠂ ᠬᠤᠯᠤᠭᠠᠨᠠ ᠲᠤᠩ ᠤᠳᠠᠯ ᠦᠭᠡᠢ ᠠᠷᠰᠯᠠᠨ ᠳᠡᠭᠡᠷᠡ ᠢᠷᠡᠯᠡ ᠰᠠᠨᠠᠭᠠ ᠵᠣᠪᠠᠯᠲᠠ ᠦᠭᠡᠢ ᠠᠷᠢᠶᠠᠲᠠᠨ ᠤ᠋ ᠬᠠᠭᠠᠨ ᠮᠢᠨᠢ ᠪᠢ ᠲᠠᠨ ᠢ᠋ ᠰᠤᠯᠠᠯᠠᠨᠠ᠂ ᠬᠤᠯᠤᠭᠠᠨᠠ ᠣᠯᠣᠰᠣ ᠥᠭᠡᠳᠡ ᠠᠪᠠᠷᠢᠵᠤ ᠪᠢᠴᠢᠬᠠᠨ ᠬᠤᠷᠴᠠ ᠰᠢᠲᠦ ᠪᠡᠷ ᠢ᠋ᠶ᠋ᠡᠨ ᠣᠯᠣᠰᠣ ᠶ᠋ᠢ ᠲᠠᠰᠤ ᠮᠡᠷᠡᠵᠦ ᠣᠷᠬᠢᠯᠠ᠂ ᠡᠴᠦᠰ ᠦ᠋ᠨ ᠡᠴᠦᠰ ᠲᠦ᠍ ᠬᠤᠯᠤᠭᠠᠨᠠ ᠠᠷᠰᠯᠠᠨ ᠢ᠋ ᠬᠠᠪᠬᠠᠨ ᠠ᠋ᠴᠠ ᠰᠤᠯᠠᠯᠠᠵᠤ ᠴᠢᠯᠥᠭᠡᠯᠡᠵᠡᠢ ᠭᠡᠨᠡ᠃ ᠠᠷᠰᠯᠠᠨ ᠥᠴᠦᠬᠡᠨ ᠵᠢᠭᠠᠬᠠᠨ ᠬᠤᠯᠤᠭᠠᠨᠠ ᠬᠦᠷᠲᠡᠯᠡ ᠶᠡᠬᠡ ᠲᠤᠰᠠ ᠪᠣᠯᠵᠤ ᠴᠢᠳᠠᠳᠠᠭ ᠢ᠋ ᠣᠢᠯᠠᠭᠠᠪᠠ᠂ ᠪᠠᠶᠠᠷᠯᠠᠯᠠ ᠬᠤᠯᠤᠭᠠᠨᠠ ᠮᠢᠨᠢ ᠪᠢ ᠴᠢᠮᠠ ᠶ᠋ᠢ ᠳᠠᠬᠢᠵᠤ ᠵᠣᠪᠠᠭᠠᠬᠤ ᠦᠭᠡᠢ ᠮᠢᠨᠦ ᠣᠢ ᠳ᠋ᠤ᠌ ᠡᠷᠬᠡ ᠳᠤᠷᠠ ᠪᠠᠷ ᠢ᠋ᠶ᠋ᠠᠨ ᠠᠮᠢᠳᠤᠷᠠ᠂ ᠴᠢ ᠠᠷᠢᠶᠠᠲᠠᠨ ᠤ᠋ ᠬᠠᠭᠠᠨ ᠤ᠋ ᠠᠮᠢ ᠶ᠋ᠢ ᠠᠪᠤᠷᠠᠯᠠ ᠢᠩᠭᠢᠭᠡᠳ ᠴᠢ ᠡᠨᠡ ᠣᠢ ᠶ᠋ᠢᠨ ᠬᠠᠨ ᠬᠦᠦ ᠪᠣᠯᠤᠯᠠ᠂ ᠪᠠᠶᠠᠷᠯᠠᠯᠠ ᠠᠷᠢᠶᠠᠲᠠᠨ ᠤ᠋ ᠬᠠᠭᠠᠨ ᠮᠢᠨᠢ ᠪᠠᠶᠠᠷᠲᠠᠢ ᠤᠳᠠᠬᠤ ᠦᠭᠡᠢ ᠠᠭᠤᠯᠵᠠᠶᠠ᠂ ᠦᠭᠡᠢ ᠴᠢ ᠬᠠᠮᠢᠭᠠ ᠡᠴᠢᠬᠦ ᠨᠢ ᠤᠤ? ᠴᠢ ᠮᠢᠨᠦ ᠳᠡᠭᠡᠷᠡ ᠲᠣᠭᠯᠠᠵᠤ ᠰᠡᠭᠦᠯ ᠢ᠋ᠶ᠋ᠡᠷ ᠮᠢᠨᠢ ᠭᠤᠯᠭᠤᠵᠤ ᠪᠠᠭᠤᠮᠠᠷ ᠦᠭᠡᠢ ᠪᠠᠢᠨᠠ ᠤᠤ? ᠬᠤᠯᠤᠭᠠᠨᠠ ᠠᠷᠰᠯᠠᠨ ᠤ᠋ ᠨᠢᠷᠤᠭᠤᠨ ᠳᠡᠭᠡᠷᠡ ᠦᠰᠦᠷᠴᠦ ᠰᠡᠭᠦᠯ ᠢ᠋ᠶ᠋ᠡᠷ ᠨᠢ ᠭᠤᠯᠭᠤᠵᠤ ᠪᠠᠭᠤᠵᠤ ᠡᠬᠢᠯᠡᠯᠡ᠂ ᠤᠳᠠᠯ ᠦᠭᠡᠢ ᠠᠩᠴᠢᠳ ᠠᠷᠰᠯᠠᠨ ᠢ᠋ ᠵᠥᠭᠡᠭᠡᠬᠦ ᠪᠡᠷ ᠲᠣᠮᠣ ᠲᠡᠷᠭᠡ ᠠᠪᠴᠢᠷᠠᠯᠠ᠂ ᠠᠷᠰᠯᠠᠨ ᠬᠤᠯᠤᠭᠠᠨᠠ ᠬᠣᠶᠠᠷ ᠲᠡᠳᠡᠨ ᠢ᠋ ᠬᠠᠷᠠᠭᠠᠳ ᠥᠭᠡᠳᠡ ᠡᠴᠡ ᠨᠢ ᠳᠠᠪᠬᠢᠯᠠ᠂ ᠠᠷᠰᠯᠠᠨ ᠴᠢᠩᠭᠠ ᠭᠡᠭᠴᠢ ᠠᠷᠬᠢᠷᠠᠬᠤ ᠳ᠋ᠤ᠌ ᠠᠩᠴᠢᠳ ᠮᠠᠰᠢ ᠶᠡᠬᠡ ᠠᠶᠤᠵᠤ ᠲᠣᠰᠬᠣᠨ ᠤᠷᠤᠭᠤ ᠪᠠᠨ ᠪᠤᠴᠠᠵᠤ ᠵᠢᠭᠤᠲᠠᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰ· ᠳᠣᠷᠣᠨᠠ
ᠦᠰᠦᠭ ᠬᠠᠳᠠᠭᠴᠢ᠄ ᠴᠠᠬᠠᠷ ᠪᠠᠲᠤ
ᠬᠢᠨᠠᠭᠴᠢ᠄ ᠢᠷᠡᠭᠡᠳᠦᠢ᠂ ᠭᠠᠷᠮᠠ