ᠠᠷᠢᠶᠠᠲᠠᠨ ᠪᠠ ᠭᠣᠸᠠ ᠦᠵᠡᠰᠬᠦᠯᠡᠩАраатан ба гоо үзээсгэлэн _ Beauty and the Beast
1401ᠠᠷᠢᠶᠠᠲᠠᠨ ᠪᠠ ᠭᠣᠸᠠ ᠦᠵᠡᠰᠬᠦᠯᠡᠩ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠠᠯᠤᠰ ᠬᠣᠯᠠ ᠶ᠋ᠢᠨ ᠨᠢᠭᠡᠨ ᠨᠤᠲᠤᠭ ᠲᠤ᠌ ᠪᠠᠶᠠᠨ ᠬᠤᠳᠠᠯᠳᠤᠭᠠᠴᠢᠨ᠂ ᠦᠵᠡᠰᠬᠦᠯᠡᠩᠲᠦ ᠭᠤᠷᠪᠠᠨ ᠥᠬᠢᠨ ᠲᠡᠢ ᠪᠡᠨ ᠠᠮᠢᠳᠤᠷᠠᠳᠠᠭ ᠪᠠᠢᠵᠠᠢ᠃ ᠪᠠᠭᠠ ᠥᠬᠢᠨ ᠨᠢ ᠬᠣᠶᠠᠷ ᠡᠭᠡᠴᠢ ᠡᠴᠡ ᠪᠡᠨ ᠢᠯᠡᠭᠦᠦ ᠬᠥᠭᠡᠷᠦᠬᠦᠨ ᠢᠯᠡᠭᠦᠦ ᠤᠬᠠᠭᠠᠨᠲᠠᠢ ᠤᠴᠢᠷ ᠬᠥᠮᠦᠨ ᠪᠦᠷ ᠭᠤᠸᠠ ᠦᠵᠡᠰᠬᠦᠯᠡᠩ ᠪᠤᠶᠤ ᠪᠡᠢᠯᠡ ᠭᠡᠳᠡᠭ ᠪᠠᠢᠪᠠ᠃ ᠬᠠᠷᠢᠨ ᠬᠣᠶᠠᠷ ᠡᠭᠡᠴᠢ ᠨᠢ ᠮᠠᠭᠤᠬᠠᠢ ᠠᠭᠠᠰᠢ ᠲᠠᠢ᠂ ᠪᠠᠰᠠ ᠠᠲᠠᠭᠠᠷᠬᠠᠤ᠂ ᠲᠡᠳᠡ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠮᠥᠩᠭᠥ ᠶ᠋ᠢ ᠦᠷᠡᠬᠦ ᠡᠴᠡ ᠥᠭᠡᠷᠡ ᠶ᠋ᠢ ᠪᠣᠳᠣᠳᠠᠭ ᠦᠭᠡᠢ᠃ ᠪᠡᠢᠯᠡ ᠴᠢᠷᠠᠢᠯᠢᠭ ᠬᠠᠨ ᠬᠦᠦ ᠵᠡᠭᠦᠳᠦᠯᠡᠳᠡᠭ ᠪᠠᠢᠪᠠ᠃ ᠨᠢᠭᠡᠨ ᠡᠳᠦᠷ ᠬᠠᠨ ᠬᠦᠦ ᠲᠡᠢ ᠭᠡᠷᠯᠡᠵᠦ ᠰᠠᠢᠬᠠᠨ ᠣᠷᠳᠣᠨ ᠳ᠋ᠤ᠌ ᠬᠠᠮᠲᠤ ᠠᠮᠢᠳᠤᠷᠠᠨᠠ ᠭᠡᠵᠦ ᠪᠣᠳᠣᠳᠠᠭ ᠪᠠᠢᠯᠠ᠃ ᠪᠡᠢᠯᠡ ᠶ᠋ᠢᠨ ᠠᠮᠢᠳᠤᠷᠠᠯ ᠳ᠋ᠤ᠌ ᠪᠦᠬᠦ ᠵᠦᠢᠯ ᠵᠡᠭᠦᠳᠦ ᠮᠡᠲᠦ ᠠᠵᠠ ᠵᠢᠷᠭᠠᠯ ᠲᠠᠢ ᠪᠠᠢᠳᠠᠭ ᠪᠠᠢᠯᠠ᠃ ᠨᠢᠭᠡ ᠡᠳᠦᠷ ᠲᠡᠭᠦᠨ ᠦ᠌ ᠬᠤᠪᠢ ᠲᠠᠪᠢᠯᠠᠩ ᠥᠭᠡᠷᠡᠴᠢᠯᠡᠭᠳᠡᠪᠡ᠃ ᠠᠶᠤᠮᠰᠢᠭᠲᠤ ᠰᠢᠭᠤᠷᠭᠠᠨ ᠠ᠋ᠴᠠ ᠪᠣᠯᠵᠤ᠂ ᠠᠪᠤ ᠨᠢ ᠪᠦᠬᠦ ᠬᠥᠯᠭᠡ ᠣᠩᠭᠣᠴᠠ ᠪᠠᠨ᠂ ᠪᠦᠬᠦ ᠮᠥᠩᠭᠥ ᠪᠡᠨ ᠠᠯᠳᠠᠵᠠᠢ᠃
ᠬᠤᠳᠠᠯᠳᠤᠭᠠᠴᠢᠨ ᠄ ᠪᠦᠬᠦ ᠶᠠᠭᠤᠮᠠ ᠳᠠᠭᠤᠰᠤᠯᠠ! ᠥᠬᠢᠳ ᠮᠢᠨᠢ᠂ ᠪᠢᠳᠡ ᠬᠥᠷᠥᠩᠭᠡ ᠮᠥᠩᠭᠥ ᠦᠭᠡᠢ ᠪᠣᠯᠤᠭᠰᠠᠨ
ᠪᠡᠢᠯᠡ᠄ ᠰᠠᠨᠠᠭᠠ ᠵᠣᠪᠠᠬᠤ ᠬᠡᠷᠡᠭ ᠦᠭᠡᠢ ᠳᠡ᠂ᠠᠪᠤ ᠮᠢᠨᠢ! ᠤᠳᠠᠬᠤ ᠦᠭᠡᠢ ᠪᠦᠬᠦ ᠵᠦᠢᠯ ᠰᠠᠢᠬᠠᠨ ᠪᠣᠯᠤᠨᠠ᠃ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠭᠠᠷᠬᠤ ᠭᠠᠷᠤᠵᠠ ᠪᠣᠯᠤᠨᠠ᠃ ᠲᠠ ᠮᠢᠨᠢ ᠪᠠᠢᠪᠠᠯ ᠪᠢ ᠪᠠᠶᠠᠨ᠂ ᠪᠢ ᠲᠠᠨ ᠲᠠᠢ ᠪᠠᠨ ᠵᠢᠷᠭᠠᠯᠲᠠᠢ ᠪᠠᠢᠳᠠᠭ᠃
ᠬᠤᠳᠠᠯᠳᠤᠭᠠᠴᠢᠨ ᠶᠠᠳᠠᠭᠤᠷᠠᠭᠰᠠᠨ ᠤᠴᠢᠷ᠂ ᠤᠳᠠᠬᠤ ᠦᠭᠡᠢ ᠪᠦᠬᠦ ᠵᠠᠷᠤᠴᠠ ᠨᠠᠷ ᠶᠠᠪᠤᠭᠠᠳ ᠥᠭᠭᠦᠯᠡ᠃ ᠪᠡᠢᠯᠡ ᠭᠡᠷ ᠣᠷᠣᠨ ᠢ᠋ᠶ᠋ᠠᠨ ᠬᠠᠷᠢᠭᠤᠴᠠᠳᠠᠭ ᠪᠠᠢᠪᠠ᠃ ᠬᠠᠷᠢᠨ ᠬᠣᠶᠠᠷ ᠡᠭᠡᠴᠢ ᠨᠢ ᠶᠠᠳᠠᠭᠤ ᠵᠦᠳᠡᠭᠦᠦ ᠠᠮᠢᠳᠤᠷᠠᠵᠤ ᠪᠠᠢᠨᠠ ᠭᠡᠵᠦ ᠴᠠᠭ ᠦᠷᠭᠦᠯᠵᠢ ᠭᠣᠮᠣᠳᠠᠯᠯᠠᠨᠠ ᠃ ᠠᠪᠤ ᠶ᠋ᠢᠨ ᠬᠢᠨᠢ ᠴᠢᠷᠠᠢ ᠶ᠋ᠢ ᠳᠠᠬᠢᠨ ᠠᠵᠠ ᠵᠢᠷᠭᠠᠯ ᠢ᠋ᠶ᠋ᠠᠷ ᠭᠡᠢᠭᠦᠯᠦᠭᠡᠴᠢ! ᠭᠡᠵᠦ ᠪᠡᠢᠯᠡ ᠪᠤᠷᠬᠠᠨ ᠳ᠋ᠤ᠌ ᠪᠠᠢᠩᠭᠤ ᠵᠠᠯᠪᠠᠷᠢᠨᠠ᠃
ᠨᠢᠭᠡ ᠡᠳᠦᠷ ᠬᠤᠳᠠᠯᠳᠤᠭᠠᠴᠢᠨ ᠨᠢᠭᠡ ᠬᠥᠯᠭᠡ ᠨᠢ ᠤᠰᠤᠨ ᠵᠣᠭᠰᠣᠭᠠᠯ ᠳ᠋ᠤ᠌ ᠢᠷᠡᠵᠦ ᠪᠠᠢᠭᠠ ᠲᠤᠬᠠᠢ ᠮᠡᠳᠡᠭᠡ ᠠᠪᠤᠯᠠ᠃
ᠬᠤᠳᠠᠯᠳᠤᠭᠠᠴᠢᠨ ᠄ ᠰᠠᠢᠬᠠᠨ ᠮᠡᠳᠡᠭᠡ ᠲᠡᠢ ᠰᠢᠦ᠂ ᠮᠢᠨᠦ ᠨᠢᠭᠡ ᠬᠥᠯᠭᠡ ᠪᠣᠭᠣᠮᠲᠠ ᠳ᠋ᠤ᠌ ᠢᠷᠡᠭᠰᠡᠨ ᠭᠡᠵᠦ ᠪᠠᠢᠨᠠ᠃ ᠪᠢᠳᠡ ᠳᠠᠬᠢᠵᠤ ᠶᠠᠳᠠᠭᠤ ᠠᠮᠢᠳᠤᠷᠠᠬᠤ ᠦᠭᠡᠢ᠂ ᠪᠢ ᠣᠳᠣᠬᠠᠨ ᠪᠣᠭᠣᠮᠲᠠ ᠤᠷᠤᠭᠤ ᠶᠠᠪᠤᠨᠠ᠃ ᠲᠠᠨᠠᠷ ᠲᠤ᠌ ᠶᠠᠭᠤ ᠠᠪᠴᠢᠷᠠᠬᠤ ᠶ᠋ᠢ ᠮᠢᠨᠢ ᠠᠪᠤ ᠳ᠋ᠤ᠌ ᠪᠠᠨ ᠬᠡᠯᠡᠭᠡᠴᠢ!
ᠶᠡᠬᠡ ᠥᠬᠢᠨ᠄ ᠪᠢ ᠰᠢᠨᠡ ᠳᠠᠰᠢᠨᠵᠠ ᠠᠪᠤᠮᠠᠷ ᠪᠠᠢᠨᠠ᠂
ᠬᠣᠶᠠᠳᠤᠭᠠᠷ ᠥᠬᠢᠨ᠄ ᠪᠢ ᠦᠨᠡᠲᠦ ᠡᠳ᠋ᠯᠡᠯ ᠠᠪᠤᠨᠠ
ᠬᠤᠳᠠᠯᠳᠤᠭᠠᠴᠢᠨ ᠄ᠠᠪᠤ ᠨᠢ ᠬᠠᠢᠷᠠᠲᠠᠢ ᠥᠬᠢᠨ ᠳ᠋ᠦ᠍ ᠪᠡᠨ ᠶᠠᠭᠤ ᠠᠪᠴᠢᠷᠠᠪᠠᠯ ᠪᠣᠯᠬᠤ
ᠪᠣᠢ?
ᠪᠡᠢᠯᠡ᠄ ᠪᠢ ᠲᠠᠨ ᠢ᠋ ᠡᠰᠡᠨ ᠮᠡᠨᠳᠦ ᠡᠷᠭᠢᠵᠦ ᠢᠷᠡᠭᠡᠰᠡᠢ ᠯᠡ ᠭᠡᠵᠦ ᠬᠦᠰᠡᠵᠦ ᠪᠠᠢᠨᠠ ᠠᠪᠤ ᠮᠢᠨᠢ
ᠬᠤᠳᠠᠯᠳᠤᠭᠠᠴᠢᠨ ᠄ ᠴᠢ ᠮᠢᠨᠢ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠰᠢᠦ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠶᠠᠭᠤ ᠠᠪᠤᠮᠠᠷ ᠪᠠᠢᠭᠠ ᠪᠠᠨ ᠬᠡᠯᠡ ᠯᠡ ᠳᠡ!ᠥᠬᠢᠨ ᠮᠢᠨᠢ᠃
ᠪᠡᠢᠯᠡ᠄ ᠤᠯᠠᠭᠠᠨ ᠰᠠᠷᠠᠨᠠᠢ᠂ ᠨᠠᠳᠠ ᠳ᠋ᠤ᠌ ᠭᠠᠭᠴᠠ ᠶ᠋ᠢ ᠠᠪᠴᠢᠷᠠᠵᠤ ᠥᠭᠭᠦᠭᠡᠴᠢ!
ᠬᠤᠳᠠᠯᠳᠤᠭᠠᠴᠢᠨ ᠄ ᠳᠡᠭᠡᠯ ᠦᠭᠡᠢ ᠶᠠᠭᠠᠬᠢᠬᠤᠪ ᠳᠠ! ᠬᠥᠭᠡᠷᠦᠬᠦᠨ ᠥᠬᠢᠨ ᠮᠢᠨᠢ᠂
ᠪᠠᠶᠠᠷᠲᠠᠢ ᠮᠡᠳᠡᠭᠡ ᠲᠤᠭᠤᠯᠤᠭᠰᠠᠨ ᠬᠤᠳᠠᠯᠳᠤᠭᠠᠴᠢᠨ ᠪᠣᠭᠣᠮᠲᠠ ᠤᠷᠤᠭᠤ ᠶᠠᠪᠤᠯᠠ᠃
ᠪᠣᠭᠣᠮᠲᠠ ᠳ᠋ᠤ᠌ ᠢᠷᠡᠭᠡᠳ ᠬᠤᠳᠠᠯᠳᠤᠭᠠᠴᠢᠨ᠂ ᠬᠥᠯᠭᠡ ᠨᠢ ᠶᠠᠮᠠᠷ ᠴᠤ᠌ ᠬᠥᠮᠦᠨ ᠦᠭᠡᠢ᠂ ᠬᠥᠯᠭᠡ ᠶ᠋ᠢᠨ ᠪᠠᠭ ᠦᠯᠡᠳᠡᠭᠰᠡᠨ ᠠᠴᠢᠶᠠ ᠪᠠᠷᠠᠭᠠ ᠪᠠᠨ ᠪᠦᠭᠦᠳᠡ ᠶ᠋ᠢ ᠨᠢ ᠠᠪᠴᠤ ᠵᠢᠭᠤᠲᠠᠭᠰᠠᠨ ᠢ᠋ ᠬᠠᠷᠠᠯᠠ᠃ ᠭᠣᠮᠣᠳᠠᠭᠰᠠᠨ ᠬᠤᠳᠠᠯᠳᠤᠭᠠᠴᠢᠨ ᠭᠡᠷ ᠦ᠋ᠨ ᠵᠦᠭ ᠵᠢᠯᠣᠭᠣ ᠮᠤᠰᠬᠢᠯᠡ᠃ ᠪᠣᠳᠣᠯ ᠳ᠋ᠤ᠌ ᠳᠠᠷᠤᠭᠳᠠᠭᠰᠠᠨ ᠬᠤᠳᠠᠯᠳᠤᠭᠠᠴᠢᠨ ᠵᠠᠮ ᠠ᠋ᠴᠠ ᠪᠠᠨ ᠲᠥᠭᠡᠷᠢᠵᠦ ᠥᠳᠬᠡᠨ ᠣᠢ ᠤᠷᠤᠭᠤ ᠶᠠᠪᠤᠭᠠᠳ ᠣᠷᠣᠴᠢᠬᠠᠵᠠᠢ᠃ ᠳᠠᠯᠠᠢ ᠶ᠋ᠢᠨ ᠤᠰᠤ ᠪᠦᠭᠦᠳᠡ ᠴᠠᠰᠤ ᠪᠣᠯᠴᠢᠬᠠᠪᠠ ᠤᠤ? ᠭᠡᠮᠡᠷ ᠶᠡᠬᠡ ᠴᠠᠰᠤ ᠣᠷᠣᠵᠤ ᠪᠠᠢᠯᠠ᠃ ᠬᠤᠳᠠᠯᠳᠤᠭᠠᠴᠢᠨ ᠬᠤᠩᠭᠠᠷᠯᠠᠭᠰᠠᠨ ᠴᠠᠰᠤᠨ ᠳ᠋ᠤ᠌ ᠶᠠᠪᠤᠵᠤ ᠴᠢᠳᠠᠬᠤ ᠪᠠᠷ ᠦᠭᠡᠢ ᠪᠣᠯᠤᠭᠰᠠᠨ ᠮᠣᠷᠢ ᠪᠠᠨ ᠮᠣᠳᠣᠨ ᠳᠣᠣᠷᠠ ᠠᠮᠠᠷᠠᠭᠠᠬᠤ ᠪᠠᠷ ᠣᠷᠬᠢᠵᠠᠢ᠃ ᠬᠣᠯᠠ ᠭᠠᠵᠠᠷ ᠬᠤᠷᠴᠠ ᠭᠡᠷᠡᠯ ᠣᠯᠵᠤ ᠬᠠᠷᠠᠭᠠᠳ ᠬᠤᠳᠠᠯᠳᠤᠭᠠᠴᠢᠨ ᠭᠡᠷᠡᠯ ᠢ᠋ ᠴᠢᠭᠯᠡᠨ ᠶᠠᠪᠤᠪᠠ᠃ ᠠᠪᠤᠷᠭᠤ ᠲᠣᠮᠣ ᠰᠠᠢᠬᠠᠨ ᠣᠷᠳᠣᠨ ᠪᠠᠢᠬᠤ ᠨᠢ ᠲᠡᠷᠡ᠂ ᠣᠢᠷᠠᠲᠤᠭᠠᠳ ᠣᠴᠢᠲᠠᠯᠠ ᠰᠢᠵᠢᠷ ᠠᠯᠲᠠᠨ ᠬᠠᠭᠠᠯᠭᠠ ᠨᠢ ᠥᠪᠡᠷ ᠢ᠋ᠶ᠋ᠡᠨ ᠨᠡᠭᠡᠭᠡᠭᠳᠡᠵᠡᠢ᠃ ᠵᠦᠷᠵᠢ ᠶ᠋ᠢᠨ ᠮᠣᠳᠣᠳ ᠤ᠋ᠨ ᠵᠥᠷᠢᠭ ᠳᠡᠭᠡᠷᠡ ᠴᠠᠰᠤ ᠣᠷᠣᠭᠠ ᠦᠭᠡᠢ ᠨᠢ ᠶᠡᠬᠡᠳᠡ ᠬᠠᠴᠢᠨ ᠰᠠᠨᠠᠭᠳᠠᠵᠠᠢ ᠭᠡᠨᠡ᠃
ᠬᠤᠳᠠᠯᠳᠤᠭᠠᠴᠢᠨ᠄ ᠬᠥᠥᠭ ! ᠶᠠᠮᠠᠷ ᠰᠠᠢᠬᠠᠨ ᠭᠠᠵᠠᠷ ᠪᠣᠢ? ᠣᠷᠳᠣᠨ ᠤᠷᠤᠭᠤ ᠨᠢ ᠣᠷᠣᠵᠤ ᠡᠨᠡ ᠣᠷᠳᠣᠨ ᠤ᠋ ᠬᠠᠭᠠᠨ ᠳ᠋ᠤ᠌ ᠪᠠᠷᠠᠯᠠᠬᠤ ᠬᠡᠷᠡᠭᠲᠡᠢ ᠶᠤᠮ ᠪᠠᠢᠨᠠ ᠳᠠ!
ᠬᠤᠳᠠᠯᠳᠤᠭᠠᠴᠢᠨ ᠡᠭᠦᠳᠡᠨ ᠦ᠌ ᠲᠣᠮᠣ ᠲᠠᠩᠬᠢᠮ ᠢ᠋ᠶ᠋ᠠᠷ ᠶᠠᠪᠤᠵᠤ ᠥᠩᠭᠡᠷᠡᠯᠡ᠃ ᠬᠤᠳᠠᠯᠳᠤᠭᠠᠴᠢᠨ ᠡᠢᠰᠢ ᠲᠡᠢᠰᠢ ᠬᠠᠷᠠᠵᠤ ᠬᠥᠮᠦᠨ ᠣᠷᠣᠵᠤ ᠢᠷᠡᠬᠦ ᠶ᠋ᠢ ᠬᠦᠯᠢᠶᠡᠨᠡ᠃ ᠭᠡᠪᠡᠴᠦ ᠤᠳᠠᠲᠠᠯᠠ ᠬᠦᠯᠢᠶᠡᠭᠰᠡᠨ ᠦ᠌ ᠳᠠᠷᠠᠭᠠ ᠬᠡᠨ ᠴᠦ᠍ ᠣᠷᠣᠵᠤ ᠢᠷᠡᠭᠰᠡᠨ ᠦᠭᠡᠢ᠃
ᠬᠤᠳᠠᠯᠳᠤᠭᠠᠴᠢᠨ᠄ ᠬᠥᠮᠦᠨ ᠪᠠᠢᠨᠠ ᠤᠤ? ᠡᠨᠡ ᠣᠷᠳᠣᠨ ᠳ᠋ᠤ᠌ ᠬᠡᠨ ᠨᠢᠭᠡᠨ ᠪᠠᠢᠨᠠ ᠤᠤ? ᠬᠥᠶᠢ! ᠬᠥᠮᠦᠨ ᠪᠠᠢᠨᠠ ᠤᠤ?
ᠲᠠᠩᠰᠤᠭ ᠪᠢᠯᠠᠭᠤ ᠰᠢᠨᠡᠬᠡᠨ ᠵᠢᠮᠢᠰ ᠢ᠋ᠶ᠋ᠡᠷ ᠵᠠᠰᠠᠭᠰᠠᠨ ᠵᠣᠭᠣᠭ ᠤ᠋ᠨ ᠰᠢᠷᠡᠭᠡ ᠡᠮᠦᠨᠡ ᠨᠢ ᠪᠠᠢᠯᠠ᠃
ᠬᠤᠳᠠᠯᠳᠤᠭᠠᠴᠢᠨ ᠄ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠯᠠ ᠢᠳᠡᠵᠦ ᠡᠬᠢᠯᠡᠬᠦ ᠪᠣᠯᠬᠤ ᠨᠢ ᠳᠡ ! ᠡᠨᠡ ᠨᠠᠢᠷᠰᠠᠭ ᠵᠣᠴᠢᠯᠠᠮᠠᠲᠠᠭᠠᠢ ᠡᠵᠡᠨ ᠳ᠋ᠦ᠍ ᠨᠢ ᠳᠠᠷᠠᠭᠠ ᠨᠢ ᠲᠠᠯᠠᠷᠬᠠᠯ ᠢᠯᠡᠷᠬᠡᠢᠯᠡᠶᠡ!
ᠲᠡᠳᠦ ᠤᠳᠠᠯ ᠦᠭᠡᠢ ᠲᠡᠷᠡ ᠬᠣᠭᠣᠯᠠᠯᠠᠵᠤ ᠡᠬᠢᠯᠡᠯᠡ᠃ ᠴᠠᠳᠲᠠᠯᠠ ᠢᠳᠡᠵᠦ ᠠᠪᠤᠭᠠᠳ ᠳᠡᠭᠡᠭᠰᠢ ᠪᠡᠨ ᠭᠠᠷᠤᠯᠠ᠃ ᠡᠬᠢᠨ ᠦ᠌ ᠬᠠᠭᠠᠯᠭᠠ ᠶ᠋ᠢ ᠨᠡᠭᠡᠭᠡᠲᠡᠯᠡ ᠴᠡᠪᠡᠷᠬᠡᠨ ᠵᠠᠰᠠᠭᠰᠠᠨ ᠰᠠᠢᠬᠠᠨ ᠣᠷᠣ ᠲᠠᠢ ᠥᠷᠥᠭᠡ ᠪᠠᠢᠬᠤ ᠨᠢ ᠲᠡᠷᠡ᠂
ᠬᠤᠳᠠᠯᠳᠤᠭᠠᠴᠢᠨ᠄ ᠠ᠋ ᠪᠤᠷᠬᠠᠨ ᠮᠢᠨᠢ᠂ ᠪᠢ ᠴᠢᠨᠢ ᠶᠡᠬᠡ ᠯᠡ ᠠᠵᠠ ᠲᠠᠢ ᠶᠠᠪᠤᠭᠠ ᠶᠤᠮ ᠪᠠᠢᠨᠠ ᠳᠠ᠃
ᠬᠤᠳᠠᠯᠳᠤᠭᠠᠴᠢᠨ ᠨᠢᠳᠦ ᠪᠡᠨ ᠨᠡᠭᠡᠭᠡᠲᠡᠯᠡ ᠭᠡᠷᠡᠯᠲᠦ ᠰᠢᠨᠡ ᠥᠷᠯᠥᠭᠡ ᠤᠭᠲᠤᠪᠠ᠃ ᠲᠡᠭᠦᠨ ᠳ᠋ᠦ᠍ ᠰᠢᠨᠡ ᠬᠤᠪᠴᠠᠰᠤ ᠪᠡᠯᠡᠳᠵᠦ ᠲᠠᠯᠪᠢᠵᠠᠢ᠃ ᠬᠤᠳᠠᠯᠳᠤᠭᠠᠴᠢᠨ ᠬᠤᠪᠴᠠᠰᠤ ᠪᠠᠨ ᠡᠮᠦᠰᠴᠦ ᠪᠡᠯᠡᠨ ᠪᠣᠯᠤᠭᠠᠳ ᠲᠠᠩᠬᠢᠮ ᠤᠷᠤᠭᠤ ᠪᠠᠭᠤᠯᠠ᠃ ᠰᠢᠷᠡᠭᠡᠨ ᠳᠡᠭᠡᠷᠡ ᠥᠷᠯᠥᠭᠡᠨ ᠦ᠌ ᠴᠠᠢ ᠪᠡᠯᠡᠳᠴᠡᠢ ᠂ᠰᠦ᠂ ᠰᠢᠨᠡᠬᠡᠨ ᠵᠢᠮᠢᠰ ᠦ᠋ᠨ ᠰᠢᠭᠦᠰᠦ᠂ ᠲᠠᠯᠬᠠ᠃ ᠲᠡᠷᠡ ᠪᠡᠷ ᠴᠠᠳᠲᠠᠯᠠ ᠪᠠᠨ ᠢᠳᠡᠭᠡᠳ ᠪᠣᠰᠤᠯᠠ᠃
ᠬᠤᠳᠠᠯᠳᠤᠭᠠᠴᠢᠨ᠄ ᠠ᠋ ᠬᠥᠮᠦᠨ ᠪᠠᠢᠨᠠ ᠤᠤ? ᠡᠨᠳᠡ ᠬᠥᠮᠦᠨ ᠪᠠᠢᠨᠠ ᠤᠤ? ᠵᠣᠴᠢᠯᠠᠮᠠᠲᠠᠭᠠᠢ ᠵᠠᠩ ᠳ᠋ᠤ᠌ ᠲᠠᠨᠢ ᠭᠢᠯᠠᠢᠯᠠ! ᠲᠠ ᠦᠨᠡᠬᠡᠷ ᠥᠭᠭᠢᠶᠡᠮᠦᠷ ᠶᠦ᠍ᠮ ᠂ ᠵᠠ ᠪᠢ ᠶᠠᠪᠤᠯᠠ ᠰᠢᠦ᠂ ᠪᠠᠶᠠᠷᠲᠠᠢ!
ᠭᠠᠳᠠᠭᠰᠢ ᠪᠠᠨ ᠭᠠᠷᠤᠭᠠᠳ ᠬᠠᠷᠠᠭᠠ ᠭᠦᠢᠴᠡᠮᠡ ᠦᠭᠡᠢ ᠶᠡᠬᠡ ᠰᠠᠷᠠᠨᠠᠢ ᠪᠠᠢᠬᠤ ᠶ᠋ᠢ ᠬᠠᠷᠠᠪᠠ᠃
ᠬᠤᠳᠠᠯᠳᠤᠭᠠᠴᠢᠨ᠄ ᠬᠦ ᠂ ᠤᠯᠠᠭᠠᠨ ᠰᠠᠷᠠᠨᠠᠢ ᠪᠠᠢᠨᠠ ᠰᠢᠦ ᠳᠡ! ᠵᠠ᠂ ᠵᠠ ᠪᠡᠢᠯᠡ ᠳ᠋ᠦ᠍ ᠪᠡᠨ ᠭᠠᠭᠴᠠ ᠶ᠋ᠢ ᠠᠪᠴᠢᠬᠠᠶᠠ᠃
ᠬᠤᠳᠠᠯᠳᠤᠭᠠᠴᠢᠨ ᠰᠢᠭᠤᠳ ᠴᠡᠴᠡᠷᠯᠢᠭ ᠤᠷᠤᠭᠤ ᠶᠠᠪᠤᠵᠤ ᠨᠢᠭᠡ ᠰᠠᠷᠠᠨᠠᠢ ᠠᠪᠤᠯᠠ᠃ ᠰᠠᠷᠠᠨᠠᠢ ᠶ᠋ᠢ ᠲᠠᠰᠤᠳᠠᠭᠰᠠᠨ ᠳᠠᠷᠤᠢ ᠠᠷᠤ ᠳ᠋ᠤ᠌ ᠨᠢ ᠴᠢᠩᠭᠠ ᠭᠡᠭᠴᠢ ᠠᠷᠬᠢᠷᠠᠬᠤ ᠴᠢᠮᠡᠭᠡ ᠰᠣᠨᠣᠰᠳᠠᠪᠠ᠃ ᠡᠷᠭᠢᠭᠡᠳ ᠬᠠᠷᠠᠲᠠᠯᠠ ᠥᠨᠳᠥᠷ ᠭᠡᠭᠴᠢ ᠶ᠋ᠢᠨ ᠮᠠᠩᠭᠤᠰ ᠵᠣᠭᠰᠣᠵᠤ ᠪᠠᠢᠪᠠ᠃ ᠴᠢᠰᠤᠨ ᠤᠯᠠᠭᠠᠨ ᠨᠢᠳᠦ ᠲᠡᠢ᠂ ᠬᠢᠲᠤᠭᠠ ᠰᠢᠭ᠋ ᠬᠤᠷᠴᠠ ᠰᠢᠳᠦ ᠬᠢᠮᠤᠰᠤ ᠲᠠᠢ᠃
ᠠᠷᠢᠶᠠᠲᠠᠨ ᠄ ᠮᠢᠨᠦ ᠰᠠᠷᠠᠨᠠᠢ ᠶ᠋ᠢ ᠲᠡᠭᠦ ᠭᠡᠵᠦ ᠬᠡᠨ ᠴᠢᠮᠠ ᠳ᠋ᠤ᠌ ᠬᠡᠯᠡᠪᠡ? ᠣᠷᠳᠣᠨ ᠳ᠋ᠤ᠌ ᠪᠠᠨ ᠣᠷᠣᠩᠨᠠᠭᠤᠯᠤᠭᠰᠠᠨ ᠨᠢ ᠬᠠᠩᠭᠠᠯᠲᠠ ᠦᠭᠡᠢ ᠪᠠᠢᠪᠠ ᠤᠤ? ᠲᠠᠯᠠᠷᠬᠠᠭᠰᠠᠨ ᠰᠡᠳᠬᠢᠯ ᠢ᠋ᠶ᠋ᠡᠨ ᠢᠩᠭᠢᠵᠦ ᠢᠯᠡᠷᠬᠡᠢᠯᠡᠵᠦ ᠪᠠᠢᠭᠠ ᠶᠤᠮ ᠤᠤ? ᠡᠷᠡᠭᠡ ᠴᠡᠭᠡᠷ ᠦᠭᠡᠢ ᠵᠠᠩ ᠢ᠋ ᠴᠢᠨᠢ ᠴᠡᠭᠡᠷᠯᠡᠭᠦᠯᠦᠯ ᠦᠭᠡᠢ ᠥᠩᠭᠡᠷᠡᠭᠦᠯᠵᠦ ᠪᠣᠯᠬᠤ ᠦᠭᠡᠢ!
ᠬᠤᠳᠠᠯᠳᠤᠭᠠᠴᠢᠨ᠄ ᠦᠭᠡᠢ ᠠᠮᠢ ᠥᠷᠥᠰᠢᠶᠡ! ᠥᠷᠥᠰᠢᠶᠡᠯᠲᠦ ᠡᠵᠡᠨ ᠮᠢᠨᠢ ᠵᠣᠪᠠᠬᠤ ᠴᠠᠭ ᠲᠤ᠌ ᠦᠷᠭᠦᠭᠡᠨ ᠳ᠋ᠦ᠍ ᠪᠡᠨ ᠣᠷᠣᠩᠨᠠᠭᠤᠯᠵᠤ ᠬᠣᠭᠣᠯᠠ ᠤᠮᠳᠠ ᠪᠠᠷ ᠳᠠᠢᠯᠠᠭᠰᠠᠨ ᠥᠭᠭᠢᠶᠡᠮᠦᠷ ᠡᠵᠡᠨ ᠂ᠥᠬᠢᠨ ᠳ᠋ᠦ᠍ ᠪᠡᠨ ᠭᠠᠭᠴᠠ ᠰᠠᠷᠠᠨᠠᠢ ᠠᠪᠬᠤ ᠳ᠋ᠤ᠌ ᠳᠤᠷᠠ ᠦᠭᠡᠢᠴᠡᠬᠦ ᠦᠭᠡᠢ ᠭᠡᠵᠦ ᠪᠣᠳᠣᠭᠰᠠᠨ ᠶᠤᠮ ᠠ᠋! ᠥᠷᠥᠰᠢᠶᠡᠭᠡᠷᠡᠢ ᠡᠵᠡᠨ ᠮᠢᠨᠢ᠃
ᠠᠷᠢᠶᠠᠲᠠᠨ ᠄ ᠦ ᠬᠦ᠂ ᠵᠠ ᠲᠡᠭᠡᠪᠡᠯ ᠪᠢ ᠴᠢᠮᠠ ᠳ᠋ᠤ᠌ ᠠᠮᠢ ᠶ᠋ᠢ ᠴᠢᠨᠢ ᠠᠪᠤᠷᠠᠬᠤ ᠨᠢᠭᠡ ᠰᠠᠨᠠᠯ ᠲᠠᠯᠪᠢᠶᠠ᠃
ᠬᠤᠳᠠᠯᠳᠤᠭᠠᠴᠢᠨ᠄ ᠶᠠᠮᠠᠷ ᠰᠠᠨᠠᠯ ᠪᠢᠯᠡ ᠡᠵᠡᠨ ᠮᠢᠨᠢ᠂ ᠪᠢ ᠲᠠᠨ ᠤ᠋ ᠲᠥᠯᠥᠭᠡ ᠶᠠᠭᠤ ᠴᠤ᠌ ᠬᠢᠬᠦ ᠳ᠋ᠦ᠍ ᠪᠡᠯᠡᠨ ᠪᠠᠢᠨᠠ᠂ ᠭᠤᠷᠪᠠᠨ ᠥᠬᠢᠨ ᠮᠢᠨᠢ ᠨᠠᠮᠠ ᠶ᠋ᠢ ᠣᠳᠣ ᠭᠡᠷ ᠲᠦ᠍ ᠪᠡᠨ ᠬᠦᠯᠢᠶᠡᠵᠦ ᠪᠠᠢᠭᠠ᠂
ᠠᠷᠢᠶᠠᠲᠠᠨ ᠄ ᠭᠤᠷᠪᠠᠨ ᠥᠬᠢᠨ? ᠵᠠ ᠵᠠ ᠨᠢᠭᠡ ᠥᠬᠢᠨ ᠢ᠋ᠶ᠋ᠡᠨ ᠡᠨᠡ ᠣᠷᠳᠣᠨ ᠳ᠋ᠤ᠌ ᠠᠪᠴᠢᠷᠠ᠂ ᠪᠢ ᠥᠬᠢᠨ ᠢ᠋ ᠴᠢᠨᠢ ᠡᠨᠳᠡ ᠦᠯᠡᠳᠡᠭᠡᠵᠦ ᠣᠷᠣᠨ ᠳ᠋ᠤ᠌ ᠨᠢ ᠴᠢᠮᠠ ᠶ᠋ᠢ ᠴᠢᠯᠥᠭᠡᠯᠡᠵᠦ ᠶᠠᠪᠤᠭᠤᠯᠤᠨᠠ ᠶᠠᠮᠠᠷ ᠪᠣᠢ ᠳᠠ ?
ᠬᠤᠳᠠᠯᠳᠤᠭᠠᠴᠢᠨ᠄ ᠠᠮᠠᠯᠠᠶᠠ᠂ ᠠᠮᠠᠯᠠᠶᠠ᠃ ᠥᠬᠢᠳ ᠦ᠋ᠨ ᠮᠢᠨᠢ ᠨᠢᠭᠡ ᠂ ᠲᠠᠨ ᠳᠡᠭᠡᠷᠡ ᠢᠷᠡᠬᠦ ᠨᠢ ᠭᠠᠷᠴᠠᠭᠠ ᠦᠭᠡᠢ᠂
ᠠᠷᠢᠶᠠᠲᠠᠨ᠄ ᠰᠠᠢᠨ ᠪᠠᠢᠨᠠ᠂ ᠪᠢ ᠴᠢᠮᠠ ᠳ᠋ᠤ᠌ ᠬᠤᠷᠳᠤᠨ ᠰᠢᠨᠳᠠᠰᠤᠲᠤ ᠬᠦᠯᠦᠭ ᠡᠴᠡ ᠪᠡᠨ ᠨᠢᠭᠡ ᠶ᠋ᠢ ᠥᠭᠭᠦᠶᠡ᠂ ᠪᠠᠰᠠ ᠥᠬᠢᠨ ᠢ᠋ᠶ᠋ᠡᠨ ᠠᠪᠴᠢᠷᠠᠬᠤ ᠨᠢᠭᠡ ᠰᠠᠷᠠ ᠶ᠋ᠢᠨ ᠬᠤᠭᠤᠴᠠᠭᠠ ᠥᠭᠴᠦ ᠪᠠᠢᠨᠠ᠃ ᠢᠷᠡᠬᠦ ᠪᠡᠷ ᠪᠣᠯ ᠥᠪᠡᠷ ᠦ᠋ᠨ ᠳᠤᠷᠠ ᠪᠠᠷ ᠢᠷᠡᠬᠦ ᠶᠣᠰᠣᠲᠠᠢ ᠰᠢᠦ! ᠦᠭᠡᠢ ᠪᠣᠯ ᠪᠢ ᠬᠦᠯᠢᠶᠡᠵᠦ ᠠᠪᠬᠤ ᠦᠭᠡᠢ᠃ ᠰᠠᠷᠠ ᠶ᠋ᠢᠨ ᠳᠠᠷᠠᠭᠠ ᠴᠢ ᠢᠷᠡᠬᠦ ᠦᠭᠡᠢ ᠪᠣᠯ ᠪᠢ ᠴᠢᠮᠠ ᠶ᠋ᠢ ᠥᠪᠡᠷ ᠢ᠋ᠶ᠋ᠡᠨ ᠬᠠᠢᠵᠤ ᠣᠯᠤᠨᠠ᠃ ᠣᠳᠣ ᠶᠠᠪᠤ ᠥᠬᠢᠨ ᠳ᠋ᠦ᠍ ᠪᠡᠨ ᠨᠢᠭᠡ ᠰᠠᠷᠠᠨᠠᠢ ᠠᠪᠴᠤ ᠶᠠᠪᠤᠭᠠᠷᠠᠢ ᠵᠠ!
ᠡᠬᠢᠨ ᠳ᠋ᠦ᠍ ᠪᠡᠨ ᠠᠮᠢ ᠪᠠᠨ ᠠᠪᠤᠷᠠᠬᠤ ᠶ᠋ᠢᠨ ᠲᠤᠯᠠᠳᠠ ᠡᠨᠡ ᠰᠠᠨᠠᠯ ᠢ᠋ ᠨᠢ ᠵᠥᠪᠰᠢᠶᠡᠷᠡᠭᠰᠡᠨ ᠴᠦ᠍ ᠥᠬᠢᠳ ᠦ᠋ᠨ ᠬᠢᠨᠢ ᠬᠡᠨ ᠨᠢ ᠴᠦ᠍ ᠡᠨᠳᠡ ᠢᠷᠡᠬᠦ ᠶ᠋ᠢ ᠵᠥᠪᠰᠢᠶᠡᠷᠡᠬᠦ ᠦᠭᠡᠢ ᠳᠡ ᠭᠡᠵᠦ ᠪᠣᠳᠣᠪᠠ᠃ ᠠᠮᠢᠳᠤ ᠶ᠋ᠢᠨ ᠰᠢᠨᠵᠢ ᠦᠭᠡᠢ ᠪᠣᠯᠤᠭᠰᠠᠨ ᠬᠥᠭᠡᠷᠦᠬᠦᠢ ᠬᠤᠳᠠᠯᠳᠤᠭᠠᠴᠢᠨ ᠭᠡᠷ ᠦ᠋ᠨ ᠢ᠋ᠶ᠋ᠡᠨ ᠵᠦᠭ ᠬᠥᠳᠡᠯᠦᠯᠡ ᠃ ᠰᠢᠨᠳᠠᠰᠤᠲᠤ ᠬᠦᠯᠦᠭ ᠰᠠᠯᠬᠢ ᠲᠠᠲᠠᠭᠤᠯᠤᠨ ᠳᠠᠪᠬᠢᠵᠤ ᠭᠱᠠᠨ ᠵᠠᠭᠤᠷᠠ ᠬᠤᠳᠠᠯᠳᠤᠭᠠᠴᠢᠨ ᠤ᠋ ᠭᠡᠷ ᠲᠦ᠍ ᠢᠷᠡᠵᠡᠢ ᠭᠡᠨᠡ᠃ ᠥᠬᠢᠳ ᠶᠠᠭᠠᠷᠠᠨ ᠭᠠᠷᠴᠤ ᠢᠷᠡᠯᠡ᠃
ᠶᠡᠬᠡ ᠥᠬᠢᠨ᠄ᠠᠪᠤ ᠠ᠋! ᠮᠢᠨᠦ ᠪᠡᠯᠡᠭ ᠢ᠋ ᠥᠭ
ᠬᠣᠶᠠᠳᠤᠭᠠᠷ ᠥᠬᠢᠨ᠄ᠮᠢᠨᠦ ᠪᠡᠯᠡᠭ ᠬᠠᠮᠢᠭᠠ ᠪᠠᠢᠨᠠ ᠠᠪᠤ ᠠ᠋?
ᠪᠡᠢᠯᠡ᠄ ᠲᠠᠨ ᠤ᠋ ᠪᠡᠶᠡ ᠰᠠᠢᠨ ᠤᠤ?ᠠᠪᠤ ᠠ᠋? ᠶᠡᠬᠡ ᠶᠠᠳᠠᠷᠠᠭᠰᠠᠨ ᠪᠠᠢᠬᠠ ᠳᠠ?
ᠬᠤᠳᠠᠯᠳᠤᠭᠠᠴᠢᠨ᠄ ᠡᠨᠡ ᠴᠢᠨᠦ ᠵᠠᠬᠢᠭᠰᠠᠨ ᠶᠠᠭᠤᠮᠠ ᠂ ᠶᠠᠮᠠᠷ ᠦᠨᠡ ᠪᠡᠷ ᠠᠪᠤᠭᠰᠠᠨ ᠢ᠋ ᠮᠢᠨᠢ ᠴᠢ ᠮᠡᠳᠡᠬᠦ ᠦᠭᠡᠢ ᠳᠡ
ᠥᠬᠢᠳ ᠲᠦ᠍ ᠪᠡᠨ ᠬᠥᠯᠭᠡ ᠣᠩᠭᠣᠴᠠ ᠪᠣᠯᠤᠨ ᠠᠷᠢᠶᠠᠲᠠᠨ ᠤ᠋ ᠲᠤᠬᠠᠢ ᠶᠠᠷᠢᠯᠠ᠃
ᠶᠡᠬᠡ ᠥᠬᠢᠨ᠄ ᠠᠢ᠂ ᠴᠢᠨᠦ ᠯᠡ ᠪᠤᠷᠤᠭᠤ᠂ ᠶᠠᠭᠠᠬᠢᠬᠤ ᠭᠡᠵᠦ ᠴᠡᠴᠡᠭ ᠠᠪᠴᠢᠷᠠ ᠭᠡᠰᠡᠨ ᠶᠤᠮ ᠪᠣᠢ?
ᠬᠣᠶᠠᠳᠤᠭᠠᠷ ᠥᠬᠢᠨ᠄ᠲᠡᠢᠮᠦ ᠠ᠋! ᠬᠡᠷᠪᠡ ᠴᠢ ᠣᠯᠢᠭᠲᠠᠢᠬᠠᠨ ᠪᠡᠯᠡᠭ ᠬᠦᠰᠡᠭᠰᠡᠨ ᠪᠣᠯ ᠡᠢᠮᠦ ᠶᠠᠭᠤᠮᠠ ᠪᠣᠯᠬᠤ ᠦᠭᠡᠢ ᠯᠡ ᠪᠠᠢᠬᠤ ᠪᠠᠢᠭᠰᠠᠨ᠃
ᠪᠡᠢᠯᠡ᠄ ᠨᠠᠳᠠ ᠠ᠋ᠴᠠ ᠯᠠ ᠪᠣᠯᠵᠤ ᠡᠢᠮᠦ ᠵᠣᠯ ᠦᠭᠡᠢ ᠶᠠᠭᠤᠮᠠ ᠲᠣᠬᠢᠶᠠᠯᠳᠤᠯᠠ ᠲᠡᠢᠮᠦ ᠡᠴᠡ ᠪᠢ ᠠᠪᠤ ᠶ᠋ᠢᠨ ᠠᠮᠠᠯᠠᠯᠲᠠ ᠶ᠋ᠢ ᠪᠡᠶᠡᠯᠡᠭᠦᠯᠬᠦ ᠪᠡᠷ ᠬᠠᠮᠲᠤ ᠶᠠᠪᠤᠶᠠ᠃
ᠬᠤᠳᠠᠯᠳᠤᠭᠠᠴᠢᠨ᠄ ᠪᠡᠢᠯᠡ ᠮᠢᠨᠢ ᠳᠡ ᠠ! ᠠᠪᠤ ᠶ᠋ᠢ ᠪᠡᠨ ᠠᠭᠤᠴᠢᠯᠠ᠂ ᠥᠬᠢᠨ ᠮᠢᠨᠢ ᠠᠪᠤ ᠨᠢ ᠯᠡ᠂ ᠡᠢᠮᠦ ᠵᠣᠯ ᠦᠭᠡᠢ ᠶᠠᠪᠤᠳᠠᠯ ᠠᠪᠴᠢᠷᠠᠯᠠ᠃
ᠪᠡᠢᠯᠡ᠄ ᠬᠢᠭᠰᠡᠨ ᠬᠡᠷᠡᠭ ᠦ᠋ᠨ ᠢ᠋ᠶ᠋ᠡᠨ ᠭᠣᠣᠯ ᠢ᠋ ᠪᠢ ᠥᠪᠡᠷ ᠢ᠋ᠶ᠋ᠡᠨ ᠯᠡ ᠡᠭᠦᠷᠬᠦ ᠶᠣᠰᠣᠲᠠᠢ᠃
ᠪᠡᠢᠯᠡ ᠬᠠᠲᠠᠭᠤ ᠰᠢᠢᠳᠦᠭᠰᠡᠨ ᠪᠠᠢᠯᠠ᠃ ᠠᠪᠤ ᠶ᠋ᠢ ᠪᠡᠨ ᠵᠣᠷᠢᠭᠵᠢᠭᠤᠯᠵᠤ ᠤᠷᠮᠠ ᠥᠭᠴᠦ ᠪᠠᠢᠪᠠ᠃
ᠬᠤᠳᠠᠯᠳᠤᠭᠠᠴᠢᠨ᠄ᠭᠡᠷ ᠤᠷᠤᠭᠤ ᠪᠠᠨ ᠪᠤᠴᠠ ᠪᠡᠢᠯᠡ᠂ ᠠᠮᠢᠳᠤᠷᠠᠯ ᠢ᠋ᠶ᠋ᠠᠨ ᠪᠤᠤ ᠦᠷᠡᠨ ᠳᠡᠷᠡᠨ ᠬᠢ᠂
ᠪᠡᠢᠯᠡ᠄ ᠨᠠᠳᠠ ᠳ᠋ᠤ᠌ ᠡᠨᠡ ᠪᠠᠢᠳᠠᠯ ᠲᠠᠢ ᠨᠢᠭᠤᠷ ᠲᠤᠯᠬᠤ ᠬᠠᠩᠭᠠᠯᠲᠠᠲᠠᠢ ᠵᠣᠷᠢᠭ ᠪᠣᠢ ᠃
ᠲᠡᠳᠡᠨ ᠢ᠋ ᠶᠠᠷᠢᠯᠴᠠᠬᠤ ᠦᠶᠡ ᠳ᠋ᠦ᠍ ᠰᠥᠨᠢ ᠶ᠋ᠢᠨ ᠬᠠᠷᠠᠩᠭᠤᠢ ᠨᠥᠮᠥᠷᠴᠡᠢ᠃ ᠭᠠᠢᠬᠠᠮᠠᠷ ᠨᠢ ᠣᠷᠴᠢᠯᠠᠩ ᠬᠣᠷᠸᠠ ᠲᠡᠷᠡ ᠴᠢᠭ ᠲᠦ᠍ ᠪᠡᠨ ᠲᠡᠭᠦᠨ ᠢ᠋ ᠤᠭᠲᠤᠨ ᠠᠪᠬᠤ ᠰᠢᠭ᠋ ᠣᠢ ᠳᠡᠭᠡᠷᠡ ᠵᠢᠭᠲᠡᠢ ᠬᠡᠷᠡᠯᠳᠦᠵᠦ ᠪᠠᠢᠪᠠ᠃
ᠪᠡᠢᠯᠡ᠄ ᠬᠥᠥᠭ ᠂ ᠦᠨᠡᠬᠡᠷ ᠭᠣᠶᠣ ᠶᠤᠮ ᠠ᠋!
ᠤᠳᠠᠬᠤ ᠦᠭᠡᠢ ᠲᠡᠳᠡ ᠵᠦᠷᠵᠢ ᠶ᠋ᠢᠨ ᠮᠣᠳᠣᠳ ᠤ᠋ᠨ ᠵᠥᠷᠢᠭ ᠲᠦ᠍ ᠢᠷᠡᠵᠦ ᠰᠦᠷ ᠵᠢᠪᠬᠤᠯᠠᠩᠲᠠᠢ ᠬᠡᠷᠡᠯᠳᠦᠬᠦ ᠰᠢᠯᠲᠦᠭᠡᠨ ᠢ᠋ ᠬᠠᠷᠠᠯᠠ᠃ ᠶᠡᠬᠡ ᠲᠠᠩᠬᠢᠮ ᠳ᠋ᠤ᠌ ᠣᠷᠣᠬᠤ ᠳ᠋ᠤ᠌ ᠰᠠᠢᠬᠠᠨ ᠭᠠᠯ ᠲᠦᠯᠡᠵᠦ᠂ ᠠᠮᠲᠠᠲᠤ ᠬᠣᠭᠣᠯᠠ ᠦᠷᠦᠭᠰᠡᠨ ᠲᠠᠩᠰᠤᠭ ᠰᠢᠷᠡᠭᠡ ᠲᠡᠳᠡᠨ ᠢ᠋ ᠤᠭᠲᠤᠪᠠ᠃ ᠬᠣᠯᠠ ᠵᠠᠮ ᠳ᠋ᠤ᠌ ᠠᠶᠠᠯᠠᠭᠰᠠᠨ ᠲᠡᠳᠡ ᠥᠯᠥᠰᠴᠦ ᠤᠮᠳᠠᠭᠠᠰᠴᠠᠢ ᠢᠩᠭᠢᠭᠡᠳ ᠬᠣᠶᠠᠭᠤᠯᠠ ᠬᠣᠭᠣᠯᠠ ᠢᠳᠡᠵᠦ ᠡᠬᠢᠯᠡᠯᠡ᠃ ᠭᠡᠪᠡᠴᠦ ᠲᠡᠳᠡᠨ ᠢ᠋ ᠬᠣᠭᠣᠯᠠᠯᠠᠵᠤ ᠳᠠᠭᠤᠰᠤᠭᠠ ᠦᠭᠡᠢ ᠪᠠᠢᠲᠠᠯᠠ ᠠᠷᠢᠶᠠᠲᠠᠨ ᠤ᠋ ᠬᠥᠯ ᠦ᠋ᠨ ᠴᠢᠮᠡᠭᠡ ᠣᠢᠷᠠᠳᠴᠤ ᠰᠣᠨᠣᠰᠤᠭᠳᠠᠪᠠ ᠃
ᠠᠷᠢᠶᠠᠲᠠᠨ᠄ ᠣᠷᠣᠢ ᠶ᠋ᠢᠨ ᠮᠡᠨᠳᠦ ᠪᠡᠢᠯᠡ᠂
ᠪᠡᠢᠯᠡ᠄᠂ ᠣᠷᠣᠢ ᠶ᠋ᠢᠨ ᠮᠡᠨᠳᠦ ᠡᠷᠬᠢᠮ ᠳᠡᠭᠡᠳᠦᠰ ᠠ᠋!
ᠠᠷᠢᠶᠠᠲᠠᠨ᠄ ᠵᠠ ᠴᠢ ᠥᠪᠡᠷ ᠦ᠋ᠨ ᠬᠦᠰᠡᠯ ᠢ᠋ᠶ᠋ᠡᠷ ᠢᠷᠡᠭᠰᠡᠨ ᠤᠤ?
ᠪᠡᠢᠯᠡ᠄ ᠲᠡᠢᠮᠦ ᠠ᠋!
ᠠᠷᠢᠶᠠᠲᠠᠨ᠄ ᠲᠡᠭᠡᠪᠡᠯ ᠠᠪᠤ ᠶ᠋ᠢ ᠪᠡᠨ ᠶᠠᠪᠤᠬᠤ ᠪᠠᠷ ᠴᠢ ᠡᠨᠳᠡ ᠦᠯᠡᠳᠡᠬᠦ ᠤᠤ?
ᠪᠡᠢᠯᠡ᠄ ᠲᠡᠢᠮᠦ ᠠ᠋!
ᠠᠷᠢᠶᠠᠲᠠᠨ᠄ ᠮᠣᠷᠢ ᠤᠷᠤᠭᠤ ᠪᠠᠨ ᠪᠤᠴᠠ! ᠲᠡᠨᠳᠡ ᠴᠢᠮᠠ ᠳ᠋ᠤ᠌ ᠪᠣᠯᠤᠨ ᠪᠤᠰᠤᠳ ᠥᠬᠢᠳ ᠲᠦ᠍ ᠴᠢᠨᠢ ᠵᠣᠷᠢᠭᠤᠯᠤᠭᠰᠠᠨ ᠳᠦᠭᠦᠷᠡᠩ ᠠᠯᠲᠠ ᠲᠠᠢ ᠠᠪᠳᠠᠷᠠ ᠠᠴᠢᠭᠰᠠᠨ ᠪᠠᠰᠠ ᠨᠢᠭᠡ ᠮᠣᠷᠢ ᠪᠠᠢᠭᠠ᠃
ᠬᠤᠳᠠᠯᠳᠤᠭᠠᠴᠢᠨ᠄ ᠪᠠᠶᠠᠷᠲᠠᠢ ᠪᠡᠢᠯᠡ᠂ ᠠᠪᠤ ᠨᠢ ᠥᠬᠢᠨ ᠢ᠋ᠶ᠋ᠡᠨ ᠡᠳᠦᠷ ᠪᠦᠷᠢ ᠦᠭᠡᠢᠯᠡᠬᠦ ᠪᠣᠯᠤᠨᠠ᠂
ᠪᠡᠢᠯᠡ᠄ ᠪᠢ ᠴᠦ᠍ ᠭᠡᠰᠡᠨ ᠲᠠᠨ ᠢ᠋ ᠰᠠᠨᠠᠨᠠ ᠠᠪᠤ ᠠ᠋!
ᠮᠣᠷᠢᠳ ᠬᠥᠳᠡᠯᠵᠦ ᠲᠡᠷᠡ ᠳᠣᠣᠷᠠ ᠪᠠᠨ ᠵᠠᠮᠬᠠᠷᠠᠨ ᠠᠯᠠᠭᠠ ᠪᠣᠯᠤᠯᠠ᠃
ᠠᠷᠢᠶᠠᠲᠠᠨ᠄ ᠳᠡᠭᠡᠭᠰᠢ ᠪᠡᠨ ᠭᠠᠷ ᠵᠢᠭᠠᠬᠠᠨ ᠠᠮᠠᠷᠠᠭᠠᠳ ᠠᠪ᠂ ᠰᠠᠢᠬᠠᠨ ᠠᠮᠠᠷᠠᠭᠠᠷᠠᠢ!
ᠪᠡᠢᠯᠡ᠄ ᠰᠠᠢᠬᠠᠨ ᠠᠮᠠᠷᠠᠭᠠᠷᠠᠢ!
ᠪᠡᠢᠯᠡ ᠡᠬᠢᠨ ᠦ᠌ ᠬᠠᠭᠠᠯᠭᠠ ᠶ᠋ᠢ ᠨᠡᠭᠡᠭᠡᠲᠡᠯᠡ ᠮᠠᠰᠢ ᠰᠠᠢᠬᠠᠨ ᠴᠢᠮᠡᠭᠯᠡᠭᠰᠡᠨ ᠥᠷᠥᠭᠡ ᠪᠠᠢᠪᠠ᠃ ᠣᠷᠣᠨ ᠳᠡᠭᠡᠷᠡ ᠬᠡᠪᠲᠡᠭᠰᠡᠨ ᠳᠠᠷᠤᠢ ᠳ᠋ᠤ᠌ ᠪᠠᠨ ᠪᠥᠬᠡ ᠭᠡᠭᠴᠢ ᠨᠢ ᠨᠣᠢᠷᠰᠤᠯᠠ᠃ᠥᠷᠯᠥᠭᠡ ᠰᠡᠷᠡᠭᠡᠳ ᠭᠣᠶᠣᠯᠠᠯ ᠤ᠋ᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠬᠦᠰᠡᠵᠦ ᠪᠣᠯᠬᠤ ᠪᠦᠬᠦ ᠵᠦᠢᠯ ᠢ᠋ ᠨᠢ ᠪᠡᠯᠡᠳᠦᠭᠰᠡᠨ ᠪᠠᠢᠬᠤ ᠶ᠋ᠢ ᠬᠠᠷᠠᠵᠠᠢ᠃ ᠶᠡᠬᠡ ᠲᠠᠩᠬᠢᠮ ᠳ᠋ᠤ᠌ ᠬᠣᠭᠣᠯᠠ ᠪᠡᠯᠡᠳᠦᠭᠰᠡᠨ ᠪᠠᠢᠯᠠ᠃ ᠬᠣᠭᠣᠯᠠ ᠢᠳᠡᠴᠢᠬᠡᠭᠡᠳ ᠪᠤᠢᠳᠠᠩ ᠤ᠋ᠨ ᠪᠤᠯᠤᠩ ᠳᠡᠭᠡᠷᠡ ᠲᠡᠷᠡ ᠲᠤᠬᠠᠰᠢᠨ ᠰᠠᠭᠤᠪᠠ᠃
ᠪᠡᠢᠯᠡ᠄ ᠡᠨᠡ ᠠᠶᠤᠮᠰᠢᠭᠲᠤ ᠠᠷᠢᠶᠠᠲᠠᠨ ᠨᠠᠮᠠ ᠶ᠋ᠢ ᠡᠭᠦᠷᠢᠳᠡ ᠬᠣᠷᠢᠭᠳᠠᠯ ᠳ᠋ᠤ᠌ ᠪᠠᠢᠯᠭᠠᠬᠤ ᠪᠣᠯ ᠤᠤ? ᠶᠠᠭᠠᠬᠢᠪᠠᠯ ᠥᠪᠡᠷ ᠢ᠋ ᠪᠡᠨ ᠴᠢᠯᠥᠭᠡᠯᠡᠬᠦ ᠪᠣᠢ? ᠡᠭᠦᠨ ᠢ᠋ ᠪᠣᠳᠣᠨ ᠪᠣᠳᠣᠭᠰᠠᠭᠠᠷ ᠲᠡᠷᠡ ᠤᠨᠲᠠᠭᠠᠳ ᠥᠭᠴᠡᠢ᠃ ᠣᠷᠣᠢ ᠪᠣᠯᠤᠭᠰᠠᠨ ᠬᠣᠢᠨᠠ ᠪᠡᠢᠯᠡ ᠠᠷᠢᠶᠠᠲᠠᠨ ᠢᠷᠡᠬᠦ ᠶ᠋ᠢ ᠰᠣᠨᠣᠰᠤᠯᠠ᠃
ᠠᠷᠢᠶᠠᠲᠠᠨ᠄ ᠣᠷᠣᠢ ᠶ᠋ᠢᠨ ᠮᠡᠨᠳᠦ ᠪᠡᠢᠯᠡ ᠠ᠋!
ᠪᠡᠢᠯᠡ᠄ ᠣᠷᠣᠢ ᠶ᠋ᠢᠨ ᠮᠡᠨᠳᠦ᠂
ᠠᠷᠢᠶᠠᠲᠠᠨ᠄ ᠴᠢ ᠨᠠᠳᠠ ᠳ᠋ᠤ᠌ ᠬᠠᠢᠷᠠᠲᠠᠢ ᠤᠤ? ᠪᠡᠢᠯᠡ ᠂ ᠴᠢ ᠨᠠᠳᠠ ᠲᠠᠢ ᠭᠡᠷᠯᠡᠬᠦ ᠤᠤ?
ᠪᠡᠢᠯᠡ᠄ ᠶᠠᠭᠤ?
ᠠᠷᠢᠶᠠᠲᠠᠨ᠄ ᠠᠶᠤᠬᠤ ᠶᠠᠭᠤᠮᠠ ᠦᠭᠡᠢ᠂ ᠲᠡᠢᠮᠦ᠂ ᠡᠰᠡᠬᠦᠯᠡ ᠦᠭᠡᠢ ᠭᠡᠳᠡᠭ ᠢ᠋ᠶ᠋ᠡᠨ ᠬᠡᠯᠡ᠂
ᠪᠡᠢᠯᠡ᠄ᠦᠭᠡᠢ!
ᠠᠷᠢᠶᠠᠲᠠᠨ᠄ ᠬᠡᠷᠪᠡ ᠦᠭᠡᠢ ᠪᠣᠯ ᠰᠠᠢᠬᠠᠨ ᠠᠮᠠᠷᠠᠭᠠᠷᠠᠢ ᠪᠡᠢᠯᠡ!
ᠪᠡᠢᠯᠡ᠄ ᠰᠠᠢᠬᠠᠨ ᠠᠮᠠᠷᠠᠭᠠᠷᠠᠢ!
ᠦᠭᠡᠢ ᠭᠡᠰᠡᠨ ᠬᠠᠷᠢᠭᠤ ᠠᠷᠢᠶᠠᠲᠠᠨ ᠢ᠋ ᠠᠭᠤᠷᠯᠠᠭᠤᠯᠤᠭᠠ ᠦᠭᠡᠢ ᠳ᠋ᠦ᠍ ᠪᠡᠢᠯᠡ ᠶᠡᠬᠡ ᠪᠠᠶᠠᠷᠯᠠᠯᠠ᠃ ᠣᠷᠣᠢ ᠪᠦᠷᠢ ᠬᠣᠭᠣᠯᠠᠨ ᠤ᠋ ᠳᠠᠷᠠᠭᠠ ᠠᠷᠢᠶᠠᠲᠠᠨ ᠲᠡᠭᠦᠨ ᠳᠡᠭᠡᠷᠡ ᠢᠷᠡᠵᠦ ᠰᠠᠢᠬᠠᠨ ᠠᠮᠠᠷᠠᠭᠠᠷᠠᠢ ᠭᠡᠵᠦ ᠬᠡᠯᠡᠬᠦ ᠶ᠋ᠢᠨ ᠢ᠋ᠶ᠋ᠡᠨ ᠡᠮᠦᠨᠡ ᠢᠩᠭᠢᠵᠦ ᠠᠰᠠᠭᠤᠨᠠ᠃ ᠪᠡᠢᠯᠡ ᠴᠢ ᠨᠠᠳᠠ ᠲᠠᠢ ᠭᠡᠷᠯᠡᠬᠦ ᠤᠤ? ᠲᠡᠭᠡᠭᠡᠳ ᠪᠡᠢᠯᠡ ᠶ᠋ᠢ ᠦᠭᠡᠢ ᠭᠡᠵᠦ ᠬᠠᠷᠢᠭᠤᠯᠬᠤ ᠪᠠᠷ ᠭᠤᠨᠢᠭᠲᠠᠢᠬᠠᠨ ᠶᠠᠪᠤᠭᠠᠳ ᠥᠭᠭᠦᠨᠡ᠂ ᠴᠠᠭ ᠬᠤᠭᠤᠴᠠᠭᠠ ᠥᠩᠭᠡᠷᠡᠵᠦ ᠪᠡᠢᠯᠡ ᠠᠷᠢᠶᠠᠲᠠᠨ ᠠ᠋ᠴᠠ ᠠᠶᠤᠬᠤ ᠪᠠᠨ ᠪᠣᠯᠢᠵᠠᠢ᠃ ᠠᠷᠢᠶᠠᠲᠠᠨ ᠲᠡᠭᠦᠨ ᠳ᠋ᠦ᠍ ᠲᠠᠩᠳᠠ ᠰᠠᠢᠬᠠᠨ ᠬᠠᠨᠳᠤᠨᠠ᠃ ᠣᠷᠳᠣᠨ ᠳ᠋ᠤ᠌ ᠠᠮᠢᠳᠤᠷᠠᠬᠤ ᠪᠡᠢᠯᠡ ᠳ᠋ᠦ᠍ ᠶᠡᠬᠡ ᠰᠠᠢᠬᠠᠨ ᠪᠠᠢᠯᠠ᠃ ᠪᠡᠢᠯᠡ ᠴᠡᠴᠡᠷᠯᠢᠭ ᠲᠦ᠍ ᠵᠤᠭᠠᠴᠠᠨᠠ᠃ ᠴᠡᠴᠡᠷᠯᠢᠭ ᠲᠦ᠍ ᠤᠰᠤᠨ ᠣᠷᠭᠢᠯᠤᠭᠤᠷ ᠵᠦᠷᠵᠢ ᠶ᠋ᠢᠨ ᠮᠣᠳᠣᠳ᠂ ᠬᠤᠸᠠᠢᠰᠠ ᠮᠣᠳᠣ᠂ ᠰᠢᠪᠠᠭᠤᠳ ᠪᠠᠢᠳᠠᠭ᠃ ᠠᠷᠢᠶᠠᠲᠠᠨ ᠬᠦᠷᠲᠡᠯᠡ ᠵᠠᠷᠢᠮ ᠳ᠋ᠠᠭᠠᠨ ᠪᠡᠢᠯᠡ ᠳ᠋ᠦ᠍ ᠲᠡᠭᠦᠯᠳᠡᠷ ᠬᠤᠭᠤᠷ ᠲᠣᠭᠯᠠᠵᠤ ᠥᠭᠴᠦ ᠤᠳᠠᠭᠠᠨ ᠭᠡᠭᠴᠢ ᠶᠠᠷᠢᠯᠴᠠᠳᠠᠭ ᠪᠠᠢᠪᠠ᠃ ᠡᠢᠮᠦ ᠪᠠᠢᠳᠠᠯ ᠲᠠᠢ ᠶᠡᠬᠡ ᠤᠳᠠᠵᠠᠢ᠃ ᠡᠴᠦᠰ ᠲᠦ᠍ ᠨᠢ ᠪᠡᠢᠯᠡ ᠠᠪᠤ ᠲᠠᠢ ᠪᠠᠨ ᠬᠣᠶᠠᠷ ᠡᠭᠡᠴᠢ ᠲᠡᠢ ᠪᠡᠨ ᠠᠭᠤᠯᠵᠠᠬᠤ ᠶ᠋ᠢᠨ ᠬᠦᠰᠡᠯᠡᠩ ᠪᠣᠯᠵᠠᠢ᠃ ᠭᠤᠨᠢᠭ ᠲᠠᠢ ᠪᠠᠢᠬᠤ ᠶ᠋ᠢ ᠨᠢ ᠬᠠᠷᠠᠭᠠᠳ ᠠᠷᠢᠶᠠᠲᠠᠨ ᠲᠡᠭᠦᠨ ᠡᠴᠡ ᠠᠰᠠᠭᠤᠪᠠ᠃
ᠠᠷᠢᠶᠠᠲᠠᠨ᠄ ᠶᠠᠭᠤ ᠪᠣᠯᠤᠭᠠ ᠪᠣᠢ᠂ ᠬᠣᠩᠭᠣᠷ ᠮᠢᠨᠢ᠂ ᠴᠢ ᠣᠢᠷᠠ ᠳ᠋ᠤ᠌ ᠶᠡᠬᠡ ᠭᠤᠨᠢᠭ ᠲᠠᠢ ᠬᠠᠷᠠᠭᠳᠠᠬᠤ ᠪᠣᠯᠵᠠᠢ᠃
ᠪᠡᠢᠯᠡ᠄ ᠳᠠᠬᠢᠨ ᠠᠪᠤ ᠲᠠᠢ ᠪᠠᠨ ᠠᠭᠤᠯᠵᠠᠬᠤ ᠶ᠋ᠢ ᠬᠦᠰᠡᠵᠦ ᠪᠠᠢᠨᠠ᠂ ᠭᠤᠶᠤᠶᠠ᠂ ᠠᠪᠤ ᠲᠠᠢ ᠪᠠᠨ ᠠᠭᠤᠯᠵᠠᠬᠤ ᠪᠠᠷ ᠳᠣᠯᠣᠭᠠᠬᠠᠨ ᠬᠣᠨᠣᠭ ᠶᠠᠪᠤᠬᠤ ᠶ᠋ᠢ ᠮᠢᠨᠢ ᠵᠥᠪᠰᠢᠶᠡᠷᠡᠭᠡᠴᠢ ᠳᠡ ! ᠪᠢ ᠡᠷᠭᠢᠵᠦ ᠢᠷᠡᠨᠡ ᠭᠡᠳᠡᠭ ᠢ᠋ᠶ᠋ᠡᠨ ᠠᠮᠠᠯᠠᠶᠠ᠃
ᠠᠷᠢᠶᠠᠲᠠᠨ᠄ ᠪᠡᠢᠯᠡ ᠮᠢᠨᠢ ᠳᠡ ᠂ ᠨᠠᠮᠠ ᠶ᠋ᠢ ᠦᠵᠡᠨ ᠶᠠᠳᠠᠭᠰᠠᠨ ᠳ᠋ᠤ᠌ ᠪᠠᠨ ᠴᠢ ᠡᠨᠳᠡ ᠡᠴᠡ ᠵᠢᠭᠤᠲᠠᠬᠤ ᠶ᠋ᠢ ᠬᠦᠰᠡᠭᠡ ᠤᠤ?
ᠪᠡᠢᠯᠡ᠄ ᠦᠭᠡᠢ᠂ ᠲᠡᠢᠮᠦ ᠪᠢᠰᠢ ᠠ᠋! ᠪᠢ ᠴᠢᠮᠠ ᠶ᠋ᠢ ᠦᠵᠡᠨ ᠶᠠᠳᠠᠭᠠ ᠦᠭᠡᠢ᠂ ᠪᠠᠰᠠ ᠬᠡᠰᠡᠭ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠴᠢᠮᠠ ᠶ᠋ᠢ ᠣᠷᠬᠢᠬᠤ ᠪᠣᠯᠤᠭᠰᠠᠨ ᠳ᠋ᠤ᠌ ᠪᠠᠨ ᠮᠠᠰᠢ ᠶᠡᠬᠡ ᠬᠠᠷᠠᠮᠰᠠᠵᠤ ᠪᠠᠢᠨᠠ᠃
ᠠᠷᠢᠶᠠᠲᠠᠨ᠄ ᠪᠢ ᠴᠢᠮᠠ ᠶ᠋ᠢ ᠶᠠᠭᠤ ᠭᠤᠶᠤᠭᠰᠠᠨ ᠴᠤ᠌ ᠲᠠᠲᠠᠭᠠᠯᠵᠠᠵᠤ ᠴᠢᠳᠠᠬᠤ ᠦᠭᠡᠢ ᠶᠦ᠍ᠮ᠃ ᠮᠢᠨᠦ ᠠᠮᠢ ᠨᠠᠰᠤᠨ ᠳ᠋ᠤ᠌ ᠬᠦᠷᠬᠦ ᠪᠠᠢᠭᠰᠠᠨ ᠴᠤ᠌ ᠬᠡᠷᠪᠡ ᠴᠢ ᠴᠠᠭ ᠲᠤ᠌ ᠪᠠᠨ ᠢᠷᠡᠬᠦ ᠦᠭᠡᠢ ᠪᠣᠯ ᠨᠠᠮᠠ ᠶ᠋ᠢ ᠦᠬᠦᠭᠰᠡᠨ ᠪᠠᠢᠬᠤ ᠶ᠋ᠢ ᠬᠠᠷᠠᠨᠠ ᠰᠢᠦ᠃
ᠪᠡᠢᠯᠡ᠄ ᠦ ᠲᠩᠷᠢ ᠮᠢᠨᠢ᠂ ᠪᠢ ᠲᠡᠢᠮᠦ ᠶᠠᠭᠤᠮᠠ ᠪᠣᠯᠬᠤ ᠶ᠋ᠢ ᠵᠥᠪᠰᠢᠶᠡᠷᠡᠬᠦ ᠦᠭᠡᠢ᠂ ᠴᠢ ᠨᠠᠳᠠ ᠳ᠋ᠤ᠌ ᠲᠠᠩᠳᠠ ᠰᠠᠢᠨ ᠪᠠᠢᠳᠠᠭ᠂
ᠠᠷᠢᠶᠠᠲᠠᠨ᠄ ᠪᠢ ᠴᠢᠮᠠ ᠳ᠋ᠤ᠌ ᠠᠶᠠᠨ ᠤ᠋ ᠰᠡᠦᠬᠡ ᠲᠡᠷᠭᠡ ᠶᠠᠪᠤᠭᠤᠯᠬᠤ ᠦᠭᠡᠢ᠂ ᠡᠨᠡ ᠪᠥᠭᠡᠵᠢ ᠶ᠋ᠢ ᠵᠡᠭᠦᠭᠡᠳ ᠤᠨᠲᠠ ᠶᠠᠭᠤᠨ ᠠ᠋ᠴᠠ ᠴᠤ᠌ ᠪᠢᠲᠡᠭᠡᠢ ᠠᠶᠤ᠂ ᠠᠮᠤᠭᠤᠯᠠᠩ ᠨᠣᠢᠷᠰᠤ᠂ ᠰᠡᠷᠡᠭᠡᠳ ᠴᠢ ᠠᠪᠤ ᠲᠠᠢ ᠪᠠᠨ ᠠᠭᠤᠯᠵᠠᠬᠤ ᠪᠣᠯᠤᠨᠠ ᠵᠠ ᠤᠤ᠃
ᠪᠡᠢᠯᠡ᠄ ᠦ ᠦᠨᠡᠨ ᠭᠡᠵᠢ ᠤᠤ? ᠪᠠᠶᠠᠷᠯᠠᠯᠠ᠃ᠮᠠᠰᠢ ᠶᠡᠬᠡ ᠪᠠᠶᠠᠷᠯᠠᠯᠠ᠃
ᠠᠷᠢᠶᠠᠲᠠᠨ᠄ ᠡᠷᠭᠢᠵᠦ ᠢᠷᠡᠬᠦ ᠶ᠋ᠢ ᠬᠦᠰᠡᠬᠦ ᠪᠡᠷ ᠢ᠋ᠶ᠋ᠡᠨ ᠬᠤᠷᠤᠭᠤᠨ ᠠ᠋ᠴᠠ ᠪᠠᠨ ᠡᠨᠡ ᠪᠥᠭᠡᠵᠢ ᠶ᠋ᠢ ᠠᠪ᠃ ᠲᠡᠭᠡᠪᠡᠯ ᠴᠢ ᠳᠠᠬᠢᠭᠠᠳ ᠣᠷᠳᠣᠨ ᠳ᠋ᠤ᠌ ᠢᠷᠡᠭᠰᠡᠨ ᠪᠠᠢᠬᠤ ᠪᠣᠯᠤᠨᠠ᠃ ᠰᠠᠢᠬᠠᠨ ᠠᠮᠠᠷᠠᠭᠠᠷᠠᠢ ᠪᠡᠢᠯᠡ᠃ ᠪᠢ ᠴᠢᠮᠠ ᠶ᠋ᠢ ᠶᠡᠬᠡ ᠰᠠᠨᠠᠬᠤ ᠪᠠᠢᠬᠠ ᠳᠠ᠂
ᠪᠡᠢᠯᠡ᠄ ᠰᠠᠢᠬᠠᠨ ᠠᠮᠠᠷᠠᠭᠠᠷᠠᠢ ᠬᠣᠩᠭᠣᠷ ᠮᠢᠨᠢ ᠰᠠᠢᠬᠠᠨ ᠰᠡᠳᠬᠢᠯ ᠳ᠋ᠦ᠍ ᠴᠢᠨᠢ ᠲᠠᠯᠠᠷᠬᠠᠶᠠ!
ᠠᠷᠢᠶᠠᠲᠠᠨ᠄ ᠠᠮᠠᠯᠠᠯᠲᠠ ᠪᠠᠨ ᠰᠠᠨᠠᠭᠠᠷᠠᠢ!
ᠪᠡᠢᠯᠡ᠄ ᠲᠡᠢᠮᠦ ᠠ᠋᠂ ᠲᠡᠢᠮᠦ ᠠ᠋᠂ ᠪᠢ ᠰᠠᠨᠠᠨᠠ᠃ ᠬᠠ ᠬᠠ᠂᠂᠂
ᠠᠷᠢᠶᠠᠲᠠᠨ ᠢ᠋ ᠭᠠᠷᠤᠮᠠᠭᠴᠠ ᠪᠡᠢᠯᠡ ᠤᠨᠲᠠᠬᠤ ᠪᠠᠷ ᠶᠠᠭᠠᠷᠠᠯᠠ᠃ ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠲᠡᠷᠡ ᠭᠡᠷ ᠲᠦ᠍ ᠪᠡᠨ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠣᠷᠣᠨ ᠳ᠋ᠤ᠌ ᠬᠡᠪᠲᠡᠵᠦ ᠪᠠᠢᠪᠠ᠃ ᠷᠢᠳᠢ ᠰᠢᠳᠢ ᠮᠡᠲᠦ ᠭᠠᠷᠤᠭᠠᠳ ᠢᠷᠡᠭᠰᠡᠨ ᠳ᠋ᠦ᠍ ᠡᠭᠡᠴᠢ ᠨᠠᠷ ᠨᠢ ᠶᠡᠬᠡᠳᠡ ᠭᠠᠢᠬᠠᠵᠠᠢ᠃ ᠠᠪᠤ ᠨᠢ ᠥᠬᠢᠨ ᠢ᠋ᠶ᠋ᠡᠨ ᠴᠢᠩᠭᠠ ᠭᠡᠭᠴᠢ ᠲᠡᠪᠡᠷᠢᠵᠦ᠂ ᠠᠵᠠ ᠵᠢᠷᠭᠠᠯ ᠤ᠋ᠨ ᠨᠢᠯᠪᠤᠰᠤ ᠤᠨᠠᠭᠠᠵᠠᠢ ᠭᠡᠨᠡ᠃
ᠬᠤᠳᠠᠯᠳᠤᠭᠠᠴᠢᠨ᠄ᠦ ᠪᠡᠢᠯᠡ ᠮᠢᠨᠢ ᠪᠢ ᠴᠢᠮᠠ ᠳ᠋ᠤ᠌ ᠮᠠᠰᠢ ᠶᠡᠬᠡ ᠰᠠᠨᠠᠭᠠ ᠵᠣᠪᠠᠭᠰᠠᠨ᠂ ᠴᠢᠮᠠ ᠶ᠋ᠢ ᠪᠡᠨ ᠮᠠᠰᠢ ᠶᠡᠬᠡ ᠰᠠᠨᠠᠯᠠ᠂ ᠥᠬᠢᠨ ᠮᠢᠨᠢ!
ᠪᠡᠢᠯᠡ᠄ ᠪᠢ ᠴᠦ᠍ ᠭᠡᠰᠡᠨ ᠲᠠᠨ ᠢ᠋ ᠰᠠᠨᠠᠭᠰᠠᠨ ᠠᠪᠤ ᠠ᠋!
ᠪᠡᠢᠯᠡ ᠠᠪᠤ ᠳ᠋ᠤ᠌ ᠪᠠᠨ ᠠᠷᠢᠶᠠᠲᠠᠨ ᠤ᠋ ᠰᠠᠢᠬᠠᠨ ᠰᠡᠳᠬᠢᠯ ᠦ᠋ᠨ ᠲᠠᠯᠠ ᠪᠠᠷ ᠶᠠᠷᠢᠯᠠ᠃ ᠤᠳᠠᠭᠠᠨ ᠪᠣᠳᠣᠭᠰᠠᠨ ᠠᠪᠤ ᠨᠢ ᠢᠩᠭᠢᠵᠦ ᠬᠠᠷᠢᠭᠤᠯᠪᠠ᠃
ᠬᠤᠳᠠᠯᠳᠤᠭᠠᠴᠢᠨ᠄ ᠴᠢ ᠨᠠᠳᠠ ᠳ᠋ᠤ᠌ ᠠᠷᠢᠶᠠᠲᠠᠨ ᠴᠢᠮᠠ ᠶ᠋ᠢ ᠶᠡᠬᠡᠳᠡ ᠬᠠᠢᠷᠠᠯᠠᠳᠠᠭ᠂ ᠪᠠᠰᠠ ᠵᠥᠭᠡᠯᠡᠨ ᠰᠠᠢᠬᠠᠨ ᠰᠡᠳᠬᠢᠯ ᠦ᠋ᠨ ᠢ᠋ᠶ᠋ᠡᠨ ᠲᠥᠯᠥᠭᠡ ᠴᠢᠨᠦ ᠬᠠᠢᠷᠠ ᠲᠠᠯᠠᠷᠬᠠᠯ ᠢ᠋ ᠬᠦᠷᠲᠡᠬᠦ ᠶᠣᠰᠣᠲᠠᠢ ᠪᠢᠯᠡ᠃ ᠪᠢ ᠴᠢᠮᠠ ᠶ᠋ᠢ ᠲᠡᠭᠦᠨ ᠦ᠌ ᠦᠵᠡᠰᠢ ᠦᠭᠡᠢ ᠴᠢᠷᠠᠢ ᠦᠯᠦ ᠲᠣᠭᠣᠬᠤ ᠬᠦᠰᠡᠯ ᠢ᠋ ᠨᠢ ᠪᠡᠶᠡᠯᠡᠭᠦᠯᠬᠦ ᠶᠣᠰᠣᠲᠠᠢ ᠭᠡᠵᠦ ᠪᠣᠳᠣᠵᠤ ᠪᠠᠢᠨᠠ᠃
ᠳᠣᠯᠣᠭᠠᠨ ᠬᠣᠨᠣᠭ ᠬᠤᠷᠳᠤᠨ ᠥᠩᠭᠡᠷᠡᠵᠦ ᠪᠡᠢᠯᠡ ᠰᠢᠯᠲᠦᠭᠡᠨ ᠤᠷᠤᠭᠤ ᠪᠤᠴᠠᠬᠤ ᠶᠣᠰᠣᠲᠠᠢ ᠪᠠᠨ ᠲᠠᠭ ᠮᠠᠷᠲᠠᠵᠠᠢ᠃ ᠨᠢᠭᠡᠨ ᠰᠥᠨᠢ ᠲᠡᠷᠡ ᠠᠷᠢᠶᠠᠲᠠᠨ ᠢ᠋ ᠭᠠᠵᠠᠷ ᠲᠤ᠌ ᠦᠬᠦᠯᠦᠭᠦᠲᠡ ᠬᠡᠪᠲᠡᠵᠦ ᠪᠠᠢᠨᠠ ᠭᠡᠵᠦ ᠵᠡᠭᠦᠳᠦᠯᠡᠯᠡ᠃
ᠪᠡᠢᠯᠡ᠄ ᠠ᠋ ᠪᠤᠷᠬᠠᠨ ᠮᠢᠨᠢ᠂᠂᠂᠂᠂᠂
ᠪᠡᠢᠯᠡ ᠡᠨᠡ ᠵᠡᠭᠦᠳᠦᠨ ᠡᠴᠡ ᠪᠡᠨ ᠮᠠᠰᠢ ᠶᠡᠬᠡ ᠠᠶᠤᠵᠤ ᠲᠡᠷᠡ ᠣᠷᠣᠢ ᠨᠢ ᠠᠪᠤ ᠪᠣᠯᠤᠨ ᠬᠣᠶᠠᠷ ᠡᠭᠡᠴᠢ ᠲᠡᠢ ᠪᠡᠨ ᠰᠠᠯᠬᠤ ᠶᠣᠰᠣ ᠬᠢᠯᠡ᠃ ᠣᠷᠣᠨ ᠳ᠋ᠤ᠌ ᠪᠠᠨ ᠣᠷᠣᠮᠠᠭᠴᠠ ᠪᠠᠨ ᠪᠥᠭᠡᠵᠢ ᠪᠡᠨ ᠠᠪᠴᠠᠢ ᠭᠡᠨᠡ᠃ ᠲᠡᠭᠡᠭᠡᠳ ᠲᠡᠷᠡ ᠳᠣᠣᠷᠠ ᠪᠠᠨ ᠤᠨᠲᠠᠵᠤ᠂ ᠥᠷᠯᠥᠭᠡ ᠨᠢ ᠠᠷᠢᠶᠠᠲᠠᠨ ᠤ᠋ ᠰᠢᠯᠲᠦᠭᠡᠨ ᠳ᠋ᠦ᠍ ᠰᠡᠷᠡᠵᠡᠢ᠃ ᠠᠷᠢᠶᠠᠲᠠᠨ ᠢ᠋ ᠦᠬᠦᠵᠦ ᠪᠠᠢᠨᠠ ᠭᠡᠵᠦ ᠵᠡᠭᠦᠳᠦᠯᠡᠭᠰᠡᠨ ᠭᠠᠵᠠᠷ ᠤᠷᠤᠭᠤ ᠪᠠᠨ ᠶᠠᠭᠠᠷᠠᠯᠠ᠃ ᠠᠷᠢᠶᠠᠲᠠᠨ ᠲᠡᠨᠳᠡ ᠬᠥᠳᠡᠯᠭᠡᠭᠡᠨ ᠦᠭᠡᠢ ᠰᠢᠬᠠᠭᠤ ᠬᠡᠪᠲᠡᠭᠰᠡᠭᠡᠷ ᠪᠠᠢᠪᠠ᠃
ᠪᠡᠢᠯᠡ᠄ ᠠ᠋ ᠪᠤᠷᠬᠠᠨ ᠮᠢᠨᠢ᠂ ᠦᠨᠡᠬᠡᠷ ᠦᠬᠦᠴᠢᠬᠡᠭᠰᠡᠨ ᠭᠡᠵᠢ ᠤᠤ? ᠴᠢᠮᠠ ᠶ᠋ᠢ ᠭᠠᠭᠴᠠᠭᠠᠷ ᠢ᠋ ᠴᠢᠨᠢ ᠣᠷᠬᠢᠳᠠᠭ ᠨᠢ ᠮᠢᠨᠦ ᠪᠤᠷᠤᠭᠤ ᠬᠣᠩᠭᠣᠷ ᠮᠢᠨᠢ᠂
ᠳᠠᠷᠠᠭᠠ ᠨᠢ ᠠᠷᠢᠶᠠᠲᠠᠨ ᠤᠷᠤᠭᠤ ᠳᠠᠬᠢᠨ ᠨᠢᠭᠡ ᠬᠠᠷᠠᠭᠠᠳ ᠠᠮᠢᠰᠬᠤᠭᠠ ᠲᠠᠢ ᠪᠠᠢᠭᠠ ᠶ᠋ᠢ ᠨᠢ ᠮᠡᠳᠡᠪᠡ᠃ ᠶᠠᠭᠠᠷᠠᠨ ᠤᠰᠤ ᠠᠪᠴᠢᠷᠠᠵᠤ ᠠᠷᠢᠶᠠᠲᠠᠨ ᠤ᠋ ᠨᠢᠭᠤᠷ ᠤ᠋ᠨ ᠳᠡᠭᠡᠷᠡ ᠰᠠᠴᠤᠪᠠ᠃ ᠠᠷᠢᠶᠠᠲᠠᠨ ᠢ᠋ ᠰᠡᠷᠭᠦᠬᠦ ᠳ᠋ᠦ᠍ ᠪᠡᠢᠯᠡ ᠶᠡᠬᠡᠳᠡ ᠪᠠᠶᠠᠷᠯᠠᠵᠠᠢ᠃
ᠪᠡᠢᠯᠡ᠄ ᠦ ᠬᠣᠩᠭᠣᠷ ᠮᠢᠨᠢ᠂ ᠴᠢ ᠨᠠᠮᠠ ᠶ᠋ᠢ ᠶᠠᠮᠠᠷ ᠶᠡᠬᠡ ᠠᠶᠤᠯᠭᠠᠪᠠ? ᠪᠢ ᠴᠢᠮᠠ ᠳ᠋ᠤ᠌ ᠶᠠᠮᠠᠷ ᠶᠡᠬᠡ ᠬᠠᠢᠷᠠᠲᠠᠢ ᠪᠠᠨ ᠳᠥᠩᠭᠡᠵᠦ ᠰᠠᠶᠢ ᠮᠡᠳᠡᠯᠡ᠃ ᠠᠮᠢ ᠶ᠋ᠢ ᠴᠢᠨᠢ ᠠᠪᠤᠷᠠᠬᠤ ᠠ᠋ᠴᠠ ᠣᠷᠣᠢᠲᠠᠵᠠᠢ ᠳᠠ ᠯᠠ ᠭᠡᠵᠦ ᠶᠡᠬᠡ ᠠᠶᠤᠭᠰᠠᠨ ᠰᠢᠦ᠃
ᠠᠷᠢᠶᠠᠲᠠᠨ᠄ ᠴᠢ ᠨᠠᠳᠠ ᠰᠢᠭ᠋ ᠦᠵᠡᠰᠢ ᠦᠭᠡᠢ ᠮᠠᠭᠤᠬᠠᠢ ᠠᠮᠢᠲᠠᠨ ᠢ᠋ ᠦᠨᠡᠬᠡᠷ ᠬᠠᠢᠷᠠᠯᠠᠵᠤ ᠴᠢᠳᠠᠨᠠ ᠭᠡᠵᠢ ᠤᠤ?
ᠪᠡᠢᠯᠡ᠄ ᠲᠡᠢᠮᠦ ᠠ᠋ ᠪᠢ ᠴᠢᠮᠠ ᠶ᠋ᠢ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠶ᠋ᠢ ᠮᠡᠳᠡᠨᠡ᠃ ᠡᠨᠡ ᠠᠮᠢᠳᠤᠷᠠᠯ ᠠ᠋ᠴᠠ ᠪᠢ ᠥᠭᠡᠷᠡ ᠶᠠᠭᠤ ᠶ᠋ᠢ ᠴᠦ᠍ ᠬᠦᠰᠡᠬᠦ ᠦᠭᠡᠢ᠃
ᠠᠷᠢᠶᠠᠲᠠᠨ᠄ ᠪᠡᠢᠯᠡ ᠴᠢ ᠨᠠᠳᠠ ᠲᠠᠢ ᠭᠡᠷᠯᠡᠬᠦ ᠤᠤ?
ᠪᠡᠢᠯᠡ᠄ ᠲᠡᠢᠮᠦ ᠠ᠋ ᠭᠡᠷᠯᠡᠨᠡ᠃
ᠪᠡᠢᠯᠡ ᠶ᠋ᠢ ᠢᠩᠭᠢᠵᠦ ᠬᠡᠯᠡᠵᠦ ᠳᠠᠭᠤᠰᠤᠮᠠᠭᠴᠠ ᠠᠷᠢᠶᠠᠲᠠᠨ ᠢ᠋ ᠨᠢᠳᠦ ᠭᠢᠯᠠᠰᠤᠮᠠ ᠬᠤᠷᠴᠠ ᠭᠡᠷᠡᠯ ᠪᠦᠷᠬᠦᠵᠦ᠂ ᠠᠭᠠᠷ ᠥᠭᠡᠳᠡ ᠬᠥᠭᠡᠷᠴᠦ ᠰᠡᠳᠬᠢᠯ ᠲᠠᠲᠠᠮᠠ ᠰᠠᠢᠬᠠᠨ ᠬᠠᠨ ᠬᠦᠦ ᠪᠣᠯᠤᠭᠠᠳ ᠪᠠᠭᠤᠵᠤ ᠢᠷᠡᠪᠡ᠃
ᠪᠡᠢᠯᠡ᠄ ᠠ᠋ ᠪᠤᠷᠬᠠᠨ ᠮᠢᠨᠢ᠂ ᠮᠢᠨᠦ ᠵᠡᠭᠦᠳᠦᠨ ᠳ᠋ᠦ᠍ ᠣᠷᠣᠭᠰᠠᠨ ᠬᠠᠨ ᠬᠦᠦ ᠪᠠᠢᠨᠠ᠃ ᠪᠢ ᠦᠷᠭᠦᠯᠵᠢ ᠴᠢᠮᠠ ᠶ᠋ᠢ ᠵᠡᠭᠦᠳᠦᠯᠡᠳᠡᠭ᠃
ᠠᠷᠢᠶᠠᠲᠠᠨ᠄ ᠪᠡᠢᠯᠡ ᠮᠢᠨᠢ ᠳᠡ ᠬᠣᠩᠭᠣᠷᠬᠠᠨ ᠭᠤᠸᠠ ᠦᠵᠡᠰᠬᠦᠯᠡᠩ ᠮᠢᠨᠢ᠂ ᠠᠶᠤᠮᠰᠢᠭᠲᠤ ᠬᠠᠷᠢᠶᠠᠯ ᠠ᠋ᠴᠠ ᠨᠠᠮᠠ ᠶ᠋ᠢ ᠴᠢᠯᠥᠭᠡᠯᠡᠭᠰᠡᠨ ᠳ᠋ᠦ᠍ ᠮᠠᠰᠢ ᠶᠡᠬᠡ ᠪᠠᠶᠠᠷᠯᠠᠯᠠ᠃ ᠳᠣᠯᠣᠭᠠᠨ ᠳ᠋ᠤ᠌ ᠮᠢᠨᠦ ᠭᠠᠷ ᠲᠤ᠌ ᠠᠮᠢ ᠪᠠᠨ ᠠᠯᠳᠠᠭᠰᠠᠨ ᠰᠢᠮᠨᠤ ᠦᠬᠦᠬᠦ ᠦᠶᠡ ᠳ᠋ᠡᠭᠡᠨ ᠨᠠᠮᠠ ᠶ᠋ᠢ ᠬᠠᠷᠢᠶᠠᠴᠢᠬᠠᠭᠰᠠᠨ ᠶᠤᠮ ᠠ᠋! ᠨᠠᠮᠠ ᠶ᠋ᠢ ᠬᠡᠨ ᠴᠦ᠍ ᠬᠡᠵᠢᠶᠡ ᠴᠦ᠍ ᠬᠠᠢᠷᠠᠯᠠᠬᠤ ᠦᠭᠡᠢ ᠭᠡᠵᠦ ᠬᠠᠷᠢᠶᠠᠭᠠᠳ ᠠᠶᠤᠮᠰᠢᠭᠲᠤ ᠠᠷᠢᠶᠠᠲᠠᠨ ᠪᠣᠯᠭᠠᠵᠤ ᠬᠤᠪᠢᠷᠠᠭᠤᠯᠤᠭᠰᠠᠨ᠂ ᠭᠡᠪᠡᠴᠦ ᠦᠨᠡᠨ ᠬᠠᠢᠷᠠ ᠶ᠋ᠢᠨ ᠰᠡᠳᠬᠢᠯ ᠴᠢᠨᠢ ᠬᠠᠷᠢᠶᠠᠯ ᠢ᠋ ᠠᠷᠢᠯᠭᠠᠯᠠ ᠰᠢᠦ ᠳᠡ᠃
ᠪᠡᠢᠯᠡ᠄ ᠦ ᠡᠢᠮᠦ ᠶᠠᠭᠤᠮᠠ ᠪᠣᠯᠵᠤ ᠪᠠᠢᠭᠠ ᠳ᠋ᠤ᠌ ᠢᠲᠡᠭᠡᠵᠦ ᠴᠢᠳᠠᠬᠤ ᠦᠭᠡᠢ ᠨᠢ ᠠ᠋ ᠂ ᠪᠢ ᠵᠡᠭᠦᠳᠦᠯᠡᠭᠡᠳ ᠪᠠᠢᠨᠠ ᠤᠤ?
ᠠᠷᠢᠶᠠᠲᠠᠨ ᠪᠡᠢᠯᠡ ᠶ᠋ᠢ ᠵᠥᠭᠡᠯᠡᠨ ᠴᠢᠮᠬᠢᠯᠡ᠃
ᠪᠡᠢᠯᠡ᠄ ᠵᠡᠭᠦᠳᠦ ᠪᠢᠰᠢ ᠪᠠᠢᠨᠠ᠃ ᠴᠢ ᠪᠣᠯ ᠮᠢᠨᠦ ᠬᠠᠨ ᠬᠦᠦ ᠮᠢᠨᠦ ᠦᠨᠡᠨ ᠬᠠᠢᠷᠠ᠃
ᠠ᠋ ᠬᠡ ᠬᠡ ᠬᠡ᠂᠂᠂᠂᠂᠂
ᠠᠷᠢᠶᠠᠲᠠᠨ᠄ ᠣᠳᠣ ᠬᠣᠶᠠᠭᠤᠯᠠ ᠪᠠᠨ ᠴᠠᠭ ᠠᠯᠳᠠᠬᠤ ᠬᠡᠷᠡᠭ ᠦᠭᠡᠢ᠂ ᠲᠠᠨ ᠤ᠋ ᠭᠡᠷ ᠲᠦ᠍ ᠬᠤᠷᠳᠤᠬᠠᠨ ᠣᠴᠢᠵᠤ ᠭᠡᠷ ᠦ᠋ᠨ ᠬᠢᠨ ᠢ᠋ ᠴᠢᠨᠢ ᠬᠤᠷᠢᠮ ᠤ᠋ᠨ ᠪᠥᠵᠢᠭ ᠲᠦ᠍ ᠪᠡᠨ ᠪᠡᠯᠡᠳᠴᠡᠭᠡᠶᠡ! ᠢᠩᠭᠢᠭᠡᠳ ᠬᠡᠯᠡᠭᠰᠡᠨ ᠶᠣᠰᠣᠭᠠᠷ ᠨᠢ ᠪᠣᠯᠤᠯᠠ᠃ ᠮᠠᠷᠭᠠᠰᠢ ᠨᠢ ᠲᠡᠳᠡ ᠬᠤᠷᠢᠮ ᠢ᠋ᠶ᠋ᠠᠨ ᠬᠢᠵᠦ ᠨᠢᠵᠢᠭᠢᠷ ᠨᠠᠢᠷ ᠨᠠᠭᠠᠳᠤᠮ ᠪᠣᠯᠤᠭᠰᠠᠨ ᠶᠤᠮ ᠠ᠋᠂ ᠡᠴᠦᠰ ᠲᠦ᠍ ᠨᠢ ᠰᠠᠢᠬᠠᠨ ᠰᠡᠳᠬᠢᠯ ᠭᠤᠸᠠ ᠦᠵᠡᠰᠬᠦᠯᠡᠩ ᠢ᠋ ᠳᠡᠢᠯᠦᠭᠰᠡᠨ ᠶᠤᠮ ᠃ ᠭᠤᠸᠠ ᠦᠵᠡᠰᠬᠦᠯᠡᠩ ᠭᠡᠳᠡᠭ ᠬᠥᠭᠡᠷᠦᠬᠦᠨ ᠴᠢᠷᠠᠢ ᠶ᠋ᠢ ᠬᠡᠯᠡᠬᠦ ᠦᠭᠡᠢ᠂ ᠰᠠᠨᠠᠭᠠ ᠨᠢ ᠵᠥᠪ ᠵᠢᠷᠦᠬᠡ ᠨᠢ ᠠᠷᠢᠭᠤᠨ ᠪᠠᠰᠠ ᠬᠠᠮᠤᠭ ᠤ᠋ᠨ ᠴᠢᠬᠤᠯᠠ ᠨᠢ ᠰᠡᠳᠬᠢᠯ ᠰᠠᠢᠬᠠᠨ ᠪᠠᠢᠬᠤ ᠶᠣᠰᠣᠲᠠᠢ᠃ ᠬᠠᠨ ᠬᠦᠦ ᠦᠵᠡᠰᠬᠦᠯᠡᠩᠲᠦ ᠪᠦᠰᠡᠭᠦᠢ ᠬᠣᠶᠠᠷ ᠠᠮᠤᠷ ᠰᠠᠢᠬᠠᠨ ᠳ᠋ᠤ᠌ ᠪᠠᠨ ᠵᠢᠷᠭᠠᠭᠰᠠᠨ ᠶᠤᠮ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠮᠢᠳᠤ ᠦᠰᠦᠭ ᠦ᠋ᠨ ᠬᠣᠯᠪᠣᠭᠠ
ᠦᠰᠦᠭ ᠬᠠᠲᠠᠭᠰᠠᠨ ᠨᠢ᠄ᠭᠠᠸᠠ
ᠦᠰᠦᠭ ᠬᠢᠨᠠᠭᠴᠢ ᠄ᠢᠷᠡᠭᠡᠳᠦᠢ
ᠪᠤᠰᠤᠳ ᠰᠠᠨᠠᠯ ᠵᠥᠪᠯᠡᠯᠭᠡ ᠬᠠᠢᠷᠠᠯᠠᠭᠰᠠᠨ ᠪᠠᠭᠰᠢ᠄ ᠮᠥᠩᠬᠡᠭᠠᠯ᠂ ᠨᠠᠷᠠᠨᠮᠠᠨᠳᠤᠯᠠ᠂ ᠭᠠᠷᠮᠠ