ᠲᠥᠷᠥ ᠶ᠋ᠢᠨ ᠳᠥᠷᠪᠡᠨ ᠳᠠᠭᠤᠤ- ᠣᠶᠣᠮᠠТөрийн дөрвөн дуу-Оём
2048ᠲᠥᠷᠥ ᠶ᠋ᠢᠨ ᠳᠥᠷᠪᠡᠨ ᠳᠠᠭᠤᠤ
ᠣᠶᠣᠮᠠ
ᠵᠠ᠂ ᠳᠠᠶᠠᠭᠠᠷ ᠢ᠋ᠶ᠋ᠠᠨ ᠰᠠᠢᠨ ᠪᠠᠢᠨᠠ ᠤᠤ?
ᠲᠠ ᠪᠦᠬᠦᠨ ᠳ᠋ᠦ᠍ ᠪᠡᠨ ᠣᠷᠣᠢ ᠶ᠋ᠢᠨ ᠮᠡᠨᠳᠦ ᠬᠦᠷᠭᠡᠨ ᠵᠣᠯᠭᠠᠵᠤ ᠪᠠᠢᠨᠠ!
ᠪᠢ ᠪᠣᠯ ᠠᠷᠤ ᠬᠣᠷᠴᠢᠨ ᠬᠤᠰᠢᠭᠤᠨ ᠤ᠋ ᠰᠠᠢᠬᠠᠨᠳᠠᠯᠡ ᠰᠤᠮᠤ ᠪᠠᠷ ᠨᠤᠲᠤᠭ ᠲᠠᠢ ᠨᠢᠭᠡᠨ ᠮᠠᠯᠴᠢᠨ ᠬᠥᠭᠰᠢᠨ ᠣᠶᠣᠮᠠ ᠭᠡᠳᠡᠭ ᠠ᠋᠂ᠡᠨᠡ ᠵᠢᠯ ᠳᠠᠯᠠᠨ ᠬᠣᠶᠠᠷ ᠨᠠᠰᠤᠲᠠᠢ᠂ᠵᠠ᠂ ᠢᠩᠭᠢᠭᠡᠳ ᠪᠢ ᠣᠳᠣ(ᠪᠠᠰᠠ) ᠨᠢᠭᠡ ᠬᠣᠰᠢᠭᠤ ᠨᠤᠲᠤᠭ ᠤ᠋ᠨ ᠢ᠋ᠶ᠋ᠠᠨ ᠲᠥᠷᠥ ᠶ᠋ᠢᠨ ᠳᠥᠷᠪᠡᠨ ᠳᠠᠭᠤᠤ ᠶ᠋ᠢ ᠳᠠᠭᠤᠯᠠᠬᠤ ᠪᠠᠷ ᠪᠣᠯᠤᠭᠰᠠᠨ ᠳ᠋ᠤ᠌ ᠪᠠᠨ (ᠪᠠᠰᠠ ) ᠮᠠᠰᠢ ᠪᠠᠶᠠᠷᠲᠠᠢ ᠪᠠᠢᠨᠠ(ᠣᠳᠣ) ᠥᠪᠡᠷ ᠦ᠋ᠨ (ᠣᠳᠣ ᠨᠢᠭᠡ) ᠳᠠᠭᠤᠯᠠᠳᠠᠭ (ᠲᠡᠷᠡ ᠶᠠᠭᠤ ᠪᠠᠷ ᠢ᠋ᠶ᠋ᠠᠨ )ᠴᠢᠳᠠᠪᠤᠷᠢ ᠪᠠᠷ ᠢ᠋ᠶ᠋ᠠᠨ (ᠣᠳᠣ ᠨᠢᠭᠡ)ᠳᠠᠭᠤᠯᠠᠨᠠ ᠠ᠋(ᠣᠳᠣ)᠃ᠲᠡᠢᠮᠦ ᠰᠠᠢᠬᠠᠨ ᠳᠠᠭᠤᠯᠠᠵᠤ ᠴᠢᠳᠠᠬᠤ ᠦᠭᠡᠢ ᠶᠦᠮ ᠠ᠋ ᠪᠢ (ᠪᠠᠰᠠ )᠂ᠵᠠ ᠢᠩᠭᠢᠭᠡᠳ ᠂ᠲᠥᠷᠥ ᠶ᠋ᠢᠨ ᠳᠥᠷᠪᠡᠨ ᠳᠠᠭᠤᠤ ᠪᠣᠭᠳᠠ ᠴᠢᠩᠭᠢᠰ᠂ ᠠᠯᠲᠠᠨ ᠪᠣᠭᠳᠠ ᠶ᠋ᠢᠨ ᠰᠢᠯᠢ ᠂ᠰᠠᠴᠤᠷᠠᠨᠠ ᠭᠡᠢᠭᠦᠯᠦᠨᠡ᠂ ᠤᠷᠭᠤᠮᠠᠯ ᠴᠡᠴᠡᠭ᠂ᠳᠥᠷᠪᠡ ᠶ᠋ᠢ ᠳᠠᠭᠤᠯᠠᠶᠠ᠃ᠥᠨᠥ ᠪᠣᠯ ᠭᠣᠣᠯᠳᠠᠭᠤ ᠪᠠᠰᠠ ᠢᠯᠠᠭᠤᠭᠰᠠᠨ ᠡᠷᠬᠡᠲᠦ ᠣᠷᠣᠭᠠᠳ ᠲᠠᠪᠤᠨ ᠳᠠᠭᠤᠤ ᠳᠠᠭᠤᠯᠠᠵᠤ ᠪᠠᠢᠨᠠ᠂ᠡᠨᠡ ᠢᠯᠠᠭᠤᠭᠰᠠᠨ ᠡᠷᠬᠡᠲᠦ ᠭᠡᠳᠡᠭ ᠢ᠋ ᠪᠠᠰᠠ ᠨᠠᠰᠤᠲᠠᠢᠴᠤᠳ ᠠ᠋ᠴᠠ ᠰᠣᠨᠣᠰᠴᠤ ᠪᠠᠢᠭᠰᠠᠨ ᠨᠢ(ᠪᠣᠯ ) ᠶᠡᠬᠡ ᠳᠠᠭᠤᠤ (ᠣᠳᠣ) ᠪᠤᠷᠬᠠᠨ ᠭᠡᠭᠡᠨ᠂ ᠬᠤᠪᠢᠯᠭᠠᠨ ᠤ᠋ ᠨᠡᠷᠡᠰ ᠣᠷᠣᠭᠰᠠᠨ ᠶᠡᠬᠡ ᠳᠠᠭᠤᠤ ᠪᠣᠯᠬᠣᠷ ᠶᠡᠬᠡᠴᠦᠦᠯ ᠦ᠋ᠨ ᠡᠮᠦᠨᠡ ᠶᠡᠬᠡᠴᠦᠦᠯ ᠦ᠋ᠨ ᠨᠣᠶᠠᠳ ᠪᠠᠶᠠᠳ᠂ ᠬᠡᠷᠭᠡᠮᠲᠡᠨ᠂ ᠭᠡᠭᠡᠨ ᠬᠤᠪᠢᠯᠭᠠᠳ ᠶᠤᠮ ᠤᠤ ᠡᠢᠮᠦ᠂ᠬᠤᠷᠢᠮ ᠲᠥᠷᠥ ᠳᠡᠭᠡᠷᠡ ᠶᠡᠬᠡᠴᠦᠦᠯ ᠦ᠋ᠨ ᠤᠷᠢᠲᠠᠢ ᠳᠠᠭᠤᠯᠠᠳᠠᠭ ᠳᠠᠭᠤᠤ ᠭᠡᠵᠦ ᠬᠡᠯᠡᠳᠡᠭ ᠶᠦᠮ (ᠠᠩᠬᠠᠨ ᠳ᠋ᠤ᠌ ᠪᠠᠨ ᠪᠣᠯ)᠃ᠬᠠᠷᠠᠴᠤ ᠠᠷᠠᠳ ᠤ᠋ᠨ ᠬᠤᠷᠢᠮ ᠳᠡᠭᠡᠷᠡ(ᠪᠣᠯ ) ᠳᠠᠭᠤᠯᠠᠳᠠᠭ ᠦᠭᠡᠢ ᠭᠡᠳᠡᠭ ᠠ᠋
ᠪᠣᠭᠳᠠ ᠴᠢᠩᠭᠢᠰ
ᠪᠣᠭᠳᠠ ᠴᠢᠩᠭᠢᠰ ᠦ᠋ᠨ ᠬᠥᠶᠢ ᠵᠣᠬᠢᠶᠠᠭᠰᠠᠨ ᠵᠢᠷᠤᠮ ᠶᠣᠰᠣ ᠬᠥᠶᠢ
ᠪᠤᠯᠪᠠᠷᠠᠢᠬᠠᠨ ᠬᠣᠶᠠᠷ ᠦᠷᠡ ᠶ᠋ᠢᠨ ᠴᠢᠨᠢ ᠬᠥᠶᠢ ᠨᠠᠢᠷ ᠬᠤᠷᠢᠮ ᠠ᠋ ᠬᠥᠶᠢ
ᠨᠠᠢᠷᠯᠠᠭᠠᠳ ᠰᠠᠭᠤᠶᠠ ᠳᠠ ᠬᠥᠶᠢ
ᠬᠠᠭᠠᠨ ᠴᠢᠩᠭᠢᠰ ᠦ᠋ᠨ ᠵᠣᠬᠢᠶᠠᠭᠰᠠᠨ ᠵᠢᠷᠤᠮ ᠶᠣᠰᠣ ᠬᠥᠶᠢ
ᠬᠠᠢᠷᠠᠲᠠᠢ ᠬᠣᠶᠠᠷ ᠦᠷᠡ ᠶ᠋ᠢᠨ ᠴᠢᠨᠢ ᠬᠥᠶᠢ ᠨᠠᠢᠷ ᠬᠤᠷᠢᠮ ᠠ᠋ ᠬᠥᠶᠢ
ᠨᠠᠢᠷᠯᠠᠭᠠᠳ ᠰᠠᠭᠤᠶᠠ ᠳᠠ ᠬᠥᠶᠢ
ᠠᠷᠤ ᠵᠣ ᠶ᠋ᠢᠨ ᠪᠡᠯᠴᠢᠭᠡᠷ ᠪᠠᠢᠨᠠ ᠳᠠ ᠬᠥᠶᠢ
ᠠᠳᠤᠭᠤ ᠪᠠᠨ ᠬᠥᠶᠢ᠂ ᠲᠠᠯᠪᠢᠶᠠ ᠳᠠ ᠬᠥᠶᠢ
ᠠᠮᠠᠷᠠᠭ ᠬᠣᠶᠠᠷ ᠦᠷᠡ ᠶ᠋ᠢᠨ ᠴᠢᠨᠢ ᠬᠥᠶᠢ
ᠨᠠᠢᠷ ᠬᠤᠷᠢᠮ ᠠ᠋ ᠬᠥᠶᠢ
ᠨᠠᠢᠷᠯᠠᠭᠠᠳ ᠰᠠᠭᠤᠶᠠ ᠳᠠ ᠬᠥᠶᠢ
ᠥᠪᠥᠷ ᠵᠣ ᠶ᠋ᠢᠨ ᠪᠡᠯᠴᠢᠭᠡᠷ ᠪᠠᠢᠨᠠ ᠳᠠ ᠬᠥᠶᠢ
ᠦᠬᠡᠷ ᠢ᠋ ᠪᠡᠨ ᠬᠥᠶᠢ ᠲᠠᠯᠪᠢᠶᠠ ᠳᠠ ᠬᠥᠶᠢ
ᠥᠪᠡᠷ ᠦ᠋ᠨ ᠬᠣᠶᠠᠷ ᠦᠷᠡ ᠶ᠋ᠢᠨ ᠴᠢᠨᠢ ᠬᠥᠶᠢ
ᠨᠠᠢᠷ ᠬᠤᠷᠢᠮ ᠠ᠋ ᠬᠥᠶᠢ
ᠨᠠᠢᠷᠯᠠᠭᠠᠳ ᠰᠠᠭᠤᠶᠠ ᠳᠠ ᠬᠥᠶᠢ
ᠠᠯᠲᠠᠨ ᠪᠣᠭᠳᠠ ᠶ᠋ᠢᠨ ᠰᠢᠯᠢ
ᠠᠯᠲᠠᠨ ᠴᠤ᠌ ᠪᠣᠭᠳᠠ ᠶ᠋ᠢᠨ ᠰᠢᠯᠢ ᠳᠡᠭᠡᠷᠡ
ᠠᠯᠲᠠᠨ ᠴᠤ᠌ ᠭᠤᠷᠭᠤᠤᠯᠳᠠᠢ ᠨᠢ ᠳᠣᠩᠭᠣᠳᠤᠨᠠ
ᠠᠭᠰᠢᠷᠠᠭᠠ ᠪᠤᠭᠤᠷᠤᠯ ᠨᠠᠰᠤᠲᠠᠳ ᠲᠠᠢ ᠪᠠᠨ
ᠠᠮᠤᠷ ᠮᠡᠨᠳᠦ ᠪᠡᠷ ᠵᠣᠯᠭᠠᠶᠠ ᠪᠢᠳᠡ
ᠬᠥᠬᠡᠷᠡᠭᠴᠢ ᠳᠠᠪᠠᠭᠠᠨ ᠳᠡᠭᠡᠷᠡ
ᠬᠥᠬᠥᠭᠡ ᠰᠢᠪᠠᠭᠤ ᠨᠢ ᠳᠣᠩᠭᠣᠳᠤᠨᠠ
ᠬᠥᠭᠰᠢᠨ ᠪᠤᠭᠤᠷᠤᠯ ᠨᠠᠰᠤᠲᠠᠳ ᠲᠠᠢ ᠪᠠᠨ
ᠬᠥᠭᠵᠢᠮ ᠦ᠋ᠨ ᠢ᠋ᠶ᠋ᠡᠨ ᠠᠶᠠᠰ ᠢ᠋ᠶ᠋ᠠᠷ ᠵᠣᠯᠭᠠᠶᠠ ᠪᠢᠳᠡ
ᠳᠠᠭᠠᠷᠢ ᠭᠠᠩ ᠤ᠋ᠨ ᠤᠰᠤ ᠶ᠋ᠢ ᠨᠢ
ᠳᠠᠭᠠᠷᠢᠯᠭᠠᠨ ᠳ᠋ᠤ᠌ ᠪᠠᠨ ᠠᠮᠰᠠᠶᠠ ᠳᠠ
ᠳᠠᠯᠠᠢ ᠴᠤ᠌ ᠯᠠᠮᠠ ᠶ᠋ᠢᠨ ᠠᠪᠤᠷᠠᠯ ᠢ᠋ᠶ᠋ᠠᠷ
ᠳᠠᠶᠠᠭᠠᠷ ᠬᠠᠮᠲᠤ ᠵᠢᠷᠭᠠᠶᠠ ᠪᠢᠳᠡ
ᠰᠠᠴᠤᠷᠠᠨᠠ ᠭᠡᠢᠭᠦᠯᠦᠨᠡ
ᠰᠠᠴᠤᠷᠠᠨᠠ ᠭᠡᠢᠭᠦᠯᠦᠨᠡ ᠭᠡᠭᠴᠢ
ᠰᠠᠷᠠ ᠨᠠᠷᠠᠨ ᠤ᠋ ᠪᠠᠨ ᠭᠡᠷᠡᠯ ᠪᠠᠢᠨᠠ ᠳᠠ
ᠱᠠᠰᠢᠨ ᠢ᠋ ᠪᠡᠨ ᠳᠡᠯᠭᠡᠷᠡᠭᠦᠯᠦᠨᠡ ᠭᠡᠭᠴᠢ
ᠯᠠᠮᠠ ᠭᠤᠷᠪᠠᠨ ᠡᠷᠳᠡᠨᠢ ᠶ᠋ᠢᠨ ᠢ᠋ᠶ᠋ᠡᠨ ᠠᠪᠤᠷᠠᠯ ᠪᠠᠢᠨᠠ ᠳᠠ ᠳᠠ
ᠰᠠᠭᠠᠷᠠᠯ ᠢ᠋ ᠪᠡᠨ ᠤᠨᠤᠨᠠ ᠭᠡᠭᠴᠢ
ᠰᠠᠢᠨ ᠴᠤ᠌ ᠳᠡᠭᠡᠳᠦ ᠶ᠋ᠢᠨ ᠢ᠋ᠶ᠋ᠡᠨ ᠪᠤᠶᠠᠨ ᠢ᠋ᠶ᠋ᠠᠷ ᠪᠠᠢᠨᠠ ᠳᠠ
ᠰᠠᠭᠠᠳᠠᠭᠯᠠᠵᠤ ᠬᠤᠷᠢᠮᠯᠠᠵᠤ ᠠᠪᠤᠨᠠ ᠭᠡᠭᠴᠢ
ᠴᠢᠩᠭᠢᠰ ᠪᠣᠭᠳᠠ ᠶ᠋ᠢᠨ ᠢ᠋ᠶ᠋ᠡᠨ ᠵᠣᠬᠢᠶᠠᠰᠤ ᠪᠠᠢᠨᠠ ᠳᠠ
ᠪᠤᠭᠤᠷᠤᠯ ᠢ᠋ ᠪᠡᠨ ᠤᠨᠤᠨᠠ ᠭᠡᠭᠴᠢ
ᠪᠤᠶᠠᠨᠲᠤ ᠳᠡᠭᠡᠳᠦ ᠶ᠋ᠢᠨ ᠢ᠋ᠶ᠋ᠡᠨ ᠪᠤᠶᠠᠨ ᠢ᠋ᠶ᠋ᠠᠷ ᠪᠠᠢᠨᠠ ᠳᠠ
ᠪᠣᠭᠲᠣᠯᠠᠵᠤ ᠬᠤᠷᠢᠮᠯᠠᠭᠠᠳ ᠥᠭᠭᠦᠨᠡ ᠭᠡᠭᠴᠢ
ᠪᠣᠭᠳᠠ ᠴᠢᠩᠭᠢᠰ ᠦ᠋ᠨ ᠵᠣᠬᠢᠶᠠᠰᠤ ᠪᠠᠢᠨᠠ ᠳᠠ
ᠤᠷᠭᠤᠮᠠᠯ ᠴᠡᠴᠡᠭ
ᠤᠷᠭᠤᠮᠠᠯ ᠴᠡᠴᠡᠭ ᠤᠷᠭᠤᠨᠠ ᠭᠡᠭᠴᠢ
ᠤᠭ ᠪᠣᠯᠤᠨ ᠦᠨᠳᠦᠰᠦ ᠡᠴᠡ ᠪᠡᠨ ᠳᠡᠯᠭᠡᠷᠡᠨᠡ ᠰᠢᠦ
ᠥᠪᠡᠷ ᠦ᠋ᠨ ᠤᠷᠤᠭ ᠲᠠᠨ ᠲᠠᠢ ᠪᠠᠨ
ᠥᠩᠭᠡᠷᠡᠦ ᠶᠡᠬᠡ ᠪᠠᠶᠠᠷᠯᠠᠬᠤ ᠳ᠋ᠤ᠌ ᠪᠠᠨ ᠳᠠᠭᠤᠯᠠᠭᠰᠠᠨ ᠶᠤᠮ ᠰᠢᠦ
ᠠᠯᠲᠠᠨ ᠵᠢᠭᠦᠷ ᠲᠡᠢ ᠲᠣᠳᠢ ᠰᠢᠪᠠᠭᠤ ᠨᠢ
ᠠᠭᠠᠷ ᠤ᠋ᠨ ᠳᠠᠩ ᠳ᠋ᠤ᠌ ᠪᠠᠨ ᠵᠢᠷᠭᠢᠨᠡ ᠰᠢᠦ
ᠠᠰ ᠤ᠋ᠨ ᠤᠷᠤᠭ ᠲᠠᠨ ᠲᠠᠢ ᠪᠠᠨ
ᠠᠰᠤᠷᠤ ᠶᠡᠬᠡ ᠪᠠᠶᠠᠷᠯᠠᠬᠤ ᠳ᠋ᠤ᠌ ᠪᠠᠨ ᠳᠠᠭᠤᠯᠠᠵᠤ ᠪᠠᠢᠨᠠ ᠰᠢᠦ
ᠠᠭᠤᠯᠠᠨ ᠤ᠋ ᠴᠢᠯᠠᠭᠤ ᠨᠢ ᠣᠭ᠌ᠶᠤ ᠪᠣᠯᠤᠭ ᠠ᠋
ᠤᠴᠠᠷᠠᠭᠰᠠᠨ ᠪᠦᠬᠦᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠮᠥᠩᠬᠡ ᠪᠣᠯᠤᠭ ᠠ᠋
ᠬᠠᠳᠠᠨ ᠤ᠋ ᠴᠢᠯᠠᠭᠤ ᠨᠢ ᠬᠠᠰ ᠪᠣᠯᠤᠭ ᠠ᠋
ᠬᠠᠮᠲᠤᠷᠠᠭᠰᠠᠨ ᠪᠦᠬᠦᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠮᠥᠩᠬᠡ ᠪᠣᠯᠤᠭ ᠠ᠋᠃
ᠳᠠᠭᠤᠤ ᠡᠮᠬᠢᠳᠬᠡᠵᠦ ᠦᠰᠦᠭ ᠬᠠᠲᠠᠭᠰᠠᠨ ᠨᠢ ᠤᠷᠢᠶᠠᠩᠬᠠᠢ ᠨᠠᠷᠠᠨᠮᠠᠨᠳᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰ᠂ ᠲᠦᠮᠡᠨᠴᠡᠴᠡᠭ
ᠦᠰᠦᠭ ᠬᠢᠨᠠᠭᠴᠢ᠄ ᠤᠷᠢᠶᠠᠩᠬᠠᠢ ᠨᠠᠷᠠᠨᠮᠠᠨᠳᠠ