ᠪᠦᠰᠡᠭᠦᠢᠴᠦᠳ ᠲᠡᠭᠡᠨ-ᠰᠠᠢᠨᠵᠢᠷᠭᠠᠯБүсгүйчүүддээ-Сайнжаргал
377ᠪᠦᠰᠡᠭᠦᠢᠴᠦᠳ ᠲᠡᠭᠡᠨ
ᠰᠠᠢᠨᠵᠢᠷᠭᠠᠯ
ᠰᠦ ᠪᠡᠨ ᠡᠷᠭᠦᠵᠦ ᠲᠩᠷᠢ ᠳ᠋ᠡᠭᠡᠨ ᠰᠦᠵᠢᠷᠡᠭᠰᠡᠨ
ᠰᠠᠭᠠᠯᠢ ᠶ᠋ᠢᠨ ᠳᠠᠯᠠᠢ ᠮᠣᠩᠭᠣᠯ ᠪᠦᠰᠡᠭᠦᠢ
ᠰᠦᠷᠦᠭ ᠢ᠋ᠶ᠋ᠡᠨ ᠮᠢᠯᠢᠶᠠᠵᠤ ᠳᠡᠯᠡᠬᠡᠢ ᠪᠡᠨ ᠴᠢᠮᠡᠭᠰᠡᠨ
ᠰᠠᠷᠠᠭᠤᠯ ᠲᠠᠯᠠ ᠶ᠋ᠢᠨ ᠮᠠᠯᠴᠢᠨ ᠪᠦᠰᠡᠭᠦᠢ
ᠲᠤᠯᠭᠠ ᠪᠠᠨ ᠪᠠᠳᠠᠷᠠᠭᠠᠵᠤ ᠤᠳᠤᠮ ᠢ᠋ᠶ᠋ᠠᠨ ᠵᠠᠯᠭᠠᠭᠰᠠᠨ
ᠲᠣᠭᠣᠨᠣᠲᠤ ᠭᠡᠷ ᠦ᠋ᠨ ᠬᠠᠲᠤᠨ ᠪᠦᠰᠡᠭᠦᠢ
ᠲᠣᠷᠭᠠ ᠪᠠᠨ ᠡᠰᠬᠡᠵᠦ ᠦᠢᠯᠡ ᠪᠡᠨ ᠤᠷᠠᠯᠠᠭᠰᠠᠨ
ᠲᠣᠷᠮᠣᠭᠣᠷ ᠨᠢᠳᠦᠨ ᠤᠷᠠᠨ ᠪᠦᠰᠡᠭᠦᠢ
ᠬᠠᠨᠢ ᠶ᠋ᠢᠨ ᠵᠠᠶᠠᠭᠠᠨ ᠳ᠋ᠤ᠌ ᠬᠠᠢᠷᠠ ᠪᠠᠷ ᠵᠢᠷᠭᠠᠭᠰᠠᠨ
ᠬᠠᠯᠠᠭᠤᠨ ᠪᠦᠯᠢ ᠶ᠋ᠢᠨ ᠢ᠋ᠶ᠋ᠡᠨ ᠳᠠᠭᠢᠨᠢ ᠪᠦᠰᠡᠭᠦᠢ
ᠬᠤᠪᠢ ᠢᠷᠦᠭᠡᠯ ᠢ᠋ᠶ᠋ᠡᠷ ᠰᠡᠳᠬᠢᠯ ᠢ᠋ᠶ᠋ᠡᠨ ᠬᠣᠯᠪᠣᠭᠰᠠᠨ
ᠬᠠᠢᠷᠠᠲᠠᠢ ᠨᠥᠬᠥᠷ ᠦ᠋ᠨ ᠢ᠋ᠶ᠋ᠡᠨ ᠠᠮᠠᠷᠠᠭ ᠪᠦᠰᠡᠭᠦᠢ
ᠪᠤᠭᠤᠷᠤᠯ ᠢ᠋ᠶ᠋ᠠᠨ ᠠᠰᠠᠷᠠᠵᠤ ᠨᠢᠯᠬᠠ ᠪᠠᠨ ᠥᠰᠬᠡᠭᠰᠡᠨ
ᠪᠤᠶᠠᠨᠰᠠᠭ ᠴᠠᠢᠯᠭᠠᠨ ᠡᠯᠪᠡᠷᠢᠯᠳᠦ ᠪᠦᠰᠡᠭᠦᠢ
ᠪᠠᠢᠭᠠᠯᠢ ᠪᠠᠨ ᠬᠠᠢᠷᠠᠯᠠᠵᠤ ᠨᠤᠲᠤᠭ ᠢ᠋ᠶ᠋ᠠᠨ ᠰᠠᠬᠢᠭᠰᠠᠨ
ᠪᠠᠶᠠᠨ ᠬᠣᠷᠸᠠ ᠶ᠋ᠢᠨ ᠡᠵᠡᠨ ᠪᠦᠰᠡᠭᠦᠢ
ᠦᠷ ᠢ᠋ ᠤᠭᠲᠤᠵᠤ ᠡᠷᠦᠬᠡ ᠪᠡᠨ ᠰᠡᠬᠦᠭᠰᠡᠨ
ᠦᠵᠡᠰᠬᠦᠯᠡᠩ ᠭᠤᠸᠠ ᠠᠵᠢᠯᠴᠢ ᠪᠦᠰᠡᠭᠦᠢ
ᠥᠨᠢᠷ ᠵᠢᠷᠭᠠᠯᠲᠤ ᠠᠮᠢᠳᠤᠷᠠᠯ ᠢ᠋ᠶ᠋ᠠᠨ ᠴᠣᠭᠴᠠᠯᠠᠭᠰᠠᠨ
ᠦᠢᠯᠡᠰᠴᠢ ᠪᠣᠷᠣᠭᠵᠢᠭᠤᠨ ᠬᠥᠳᠡᠯᠮᠦᠷᠢᠴᠢ ᠪᠦᠰᠡᠭᠦᠢ
ᠲᠥᠯᠵᠢᠬᠦ ᠬᠠᠪᠤᠷ ᠢ᠋ᠶ᠋ᠠᠨ ᠤᠭᠲᠤᠨ ᠶᠠᠭᠠᠷᠠᠭᠰᠠᠨ
ᠲᠣᠢᠭ ᠤ᠋ᠨ ᠳᠠᠭᠤᠤ ᠲᠠᠢ ᠲᠥᠯᠴᠢᠨ ᠪᠦᠰᠡᠭᠦᠢ
ᠤᠨᠠᠭᠠ ᠲᠤᠭᠤᠯ ᠢ᠋ᠶ᠋ᠠᠨ ᠲᠣᠰᠴᠤ ᠪᠠᠶᠠᠰᠤᠭᠰᠠᠨ
ᠤᠭᠤᠷᠠᠭ ᠰᠠᠭᠠᠭᠰᠠᠨ ᠰᠠᠭᠠᠯᠢᠴᠢᠨ ᠪᠦᠰᠡᠭᠦᠢ
ᠮᠠᠰᠢᠨ ᠴᠠᠬᠢᠯᠭᠠᠨ ᠢ᠋ ᠡᠵᠡᠮᠰᠢᠵᠦ ᠴᠠᠭᠠᠷᠠᠭᠰᠠᠨ
ᠮᠡᠷᠭᠡᠵᠢᠯ ᠥᠨᠳᠥᠷ ᠴᠢᠳᠠᠪᠤᠷᠢᠲᠤ ᠪᠦᠰᠡᠭᠦᠢ
ᠮᠠᠯ ᠲᠠᠷᠢᠶᠠᠯᠠᠩ ᠢ᠋ ᠡᠵᠡᠩᠨᠡᠵᠦ ᠪᠠᠶᠠᠵᠢᠭᠰᠠᠨ
ᠮᠡᠷᠭᠡᠨ ᠰᠡᠴᠡᠨ ᠪᠣᠳᠣᠯᠭᠠᠲᠤ ᠪᠦᠰᠡᠭᠦᠢ
ᠴᠢᠨᠡᠭᠡᠯᠢᠭ ᠨᠡᠢᠭᠡᠮ ᠢ᠋ᠶ᠋ᠡᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠭᠰᠠᠨ
ᠴᠢᠳᠠᠪᠤᠷᠢ ᠤᠬᠠᠭᠠᠨ ᠬᠣᠣᠰᠯᠠᠭᠰᠠᠨ ᠪᠦᠰᠡᠭᠦᠢ
ᠰᠢᠷᠭᠠᠭᠤ ᠬᠥᠳᠡᠯᠮᠦᠷᠢ ᠪᠡᠷ ᠥᠭᠡᠳᠡᠯᠡᠨ ᠳᠡᠭᠵᠢᠭᠰᠡᠨ
ᠰᠢᠨᠳᠠᠰᠤ ᠬᠠᠲᠠᠭᠤ ᠬᠥᠳᠡᠭᠡ ᠶ᠋ᠢᠨ ᠪᠦᠰᠡᠭᠦᠢ
ᠰᠣᠶᠣᠯ ᠡᠷᠳᠡᠮ ᠳ᠋ᠦ᠍ ᠬᠢᠴᠢᠶᠡᠨ ᠰᠢᠮᠳᠠᠭᠰᠠᠨ
ᠰᠤᠤ ᠪᠢᠯᠢᠭᠲᠦ ᠣᠶᠤᠲᠠᠨ ᠪᠦᠰᠡᠭᠦᠢ
ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠠᠷ ᠠᠵᠤ ᠲᠥᠷᠥᠭᠰᠡᠨ
ᠰᠢᠨᠡ ᠴᠠᠭ ᠤ᠋ᠨ ᠰᠣᠳᠣᠨ ᠪᠦᠰᠡᠭᠦᠢᠴᠦᠳ ᠠ᠋᠁
2024.3.7 ᠳ᠋ᠤ᠌
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠳᠬᠠᠨᠰᠣᠠ
ᠬᠢᠨᠠᠭ᠍ᠴᠢ᠄ ᠰ ᠳᠣᠷᠣᠨᠠ