ᠠᠯᠳᠠᠭᠳᠠᠭᠰᠠᠨ ᠦᠯᠢᠭᠡᠷAldagdsan ülgerАлдагдсан үлгэр
479ᠠᠯᠳᠠᠭᠳᠠᠭᠰᠠᠨ ᠦᠯᠢᠭᠡᠷ
ᠡᠨᠡ ᠪᠣᠯ ᠦᠨᠡᠨ ᠬᠠᠢᠷᠠ᠂ ᠢᠲᠡᠭᠡᠯ ᠦᠨᠡᠮᠰᠢᠯ ᠦ᠋ᠨ ᠲᠤᠬᠠᠢ ᠦᠯᠢᠭᠡᠷ ᠶᠤᠮ᠃
ᠵᠤᠨ ᠤ᠋ ᠨᠢᠭᠡᠨ ᠰᠠᠢᠬᠠᠨ ᠥᠷᠯᠥᠭᠡ ᠠᠯᠠᠷᠢᠺᠡ ᠬᠦᠩ ᠮᠣᠷᠢ ᠪᠠᠨ ᠱᠣᠭᠰᠢᠭᠤᠯᠤᠨ ᠬᠠᠭᠠᠨᠲᠤ ᠤᠯᠤᠰ ᠤᠷᠤᠭᠤ ᠪᠠᠨ ᠴᠢᠭᠯᠡᠨ ᠶᠠᠪᠤᠵᠤ ᠪᠠᠢᠵᠠᠢ᠃ ᠵᠠᠳᠠᠭᠠᠢ ᠲᠠᠯᠠ ᠳ᠋ᠤ᠌ ᠶᠠᠪᠤᠵᠤ ᠪᠠᠢᠲᠠᠯᠠ᠁
— ᠰᠠᠢᠨ ᠤᠤ! ᠲᠠ ᠵᠦᠭᠡᠷ ᠤᠤ᠂ ᠬᠠᠲᠤᠭᠲᠠᠢ?
— ᠬᠠᠲᠤᠭᠲᠠᠢ᠂ ᠲᠠ ᠪᠡᠷᠲᠡᠭᠡ ᠤᠤ? ᠨᠠᠳᠠ ᠳ᠋ᠤ᠌ ᠬᠠᠷᠢᠭᠤᠯᠤᠭᠠᠴᠢ ᠳᠠ᠃
— ᠦᠭᠡᠢ ᠳᠡ᠂ ᠪᠢ ᠪᠡᠷᠲᠡᠭᠡ ᠦᠭᠡᠢ᠃ ᠨᠠᠷᠠ ᠤᠷᠤᠭᠤ ᠬᠠᠷᠠᠭᠠᠴᠢ! ᠦᠵᠡᠰᠬᠦᠯᠡᠩ ᠲᠡᠢ ᠪᠢᠰᠢ ᠪᠠᠢᠨᠠ ᠭᠡᠵᠢ ᠤᠤ?
— ᠠ᠂ᠦᠨᠡᠬᠡᠷ ᠦᠵᠡᠰᠬᠦᠯᠡᠩ ᠲᠡᠢ ᠶᠤᠮ ᠠ᠋᠂ ᠲᠡᠢᠮᠦ ᠠ᠋᠃
ᠭᠡᠪᠡᠴᠦ ᠠᠯᠠᠷᠢᠺᠡ ᠬᠦᠩ ᠠᠯᠲᠠᠨ ᠰᠢᠷᠭᠠᠯ ᠨᠠᠷᠠ ᠤᠷᠤᠭᠤ ᠬᠠᠷᠠᠭᠠ ᠦᠭᠡᠢ ᠪᠠᠢᠯᠠ᠃ ᠲᠡᠷᠡ ᠪᠡᠷ ᠬᠠᠲᠤᠭᠲᠠᠢ ᠶ᠋ᠢᠨ ᠭᠤᠸᠠ ᠦᠵᠡᠰᠬᠦᠯᠡᠩ ᠳ᠋ᠦ᠍ ᠬᠣᠪᠣᠰᠣᠳᠠᠭᠤᠯᠵᠠᠢ᠂ ᠲᠡᠭᠦᠨ ᠦ᠌ ᠲᠣᠯᠢᠭᠠᠷ ᠠᠷᠠᠰᠤ᠂ ᠭᠡᠷᠡᠯᠲᠦᠭᠰᠡᠨ ᠨᠢᠳᠦ ᠨᠢ ᠠᠯᠠᠷᠢᠺᠡ ᠬᠦᠩ ᠳ᠋ᠦ᠍ ᠬᠠᠷᠠᠭᠳᠠᠵᠤ ᠪᠠᠢᠯᠠ᠃ ᠠᠯᠠᠷᠢᠺᠡ ᠬᠦᠩ ᠲᠡᠷᠡ ᠳᠣᠣᠷᠠ ᠪᠠᠨ ᠬᠠᠲᠤᠭᠲᠠᠢ ᠳ᠋ᠤ᠌ ᠳᠤᠷᠠᠯᠠᠵᠤ ᠡᠬᠢᠯᠡᠪᠡ᠃
— ᠠ᠂ ᠬᠠᠲᠤᠭᠲᠠᠢ᠃ ᠲᠠ ᠲᠥᠭᠡᠷᠢᠭᠡ ᠤᠤ? ᠲᠠᠨ ᠢ᠋᠂ ᠲᠠᠨ ᠢ᠋ ᠬᠡᠨ ᠭᠡᠳᠡᠭ ᠶᠤᠮ ᠪᠣᠢ?
— ᠪᠢ᠂ ᠪᠢ ᠮᠡᠳᠡᠬᠦ ᠦᠭᠡᠢ᠃
— ᠲᠠ ᠦᠨᠡᠬᠡᠷ ᠨᠡᠷᠡ ᠪᠡᠨ ᠮᠡᠳᠡᠬᠦ ᠦᠭᠡᠢ ᠭᠡᠵᠦ ᠤᠤ?
— ᠲᠡᠢᠮᠦ ᠠ᠋᠃
— ᠡᠨᠳᠡ ᠶᠠᠭᠠᠬᠢᠵᠤ ᠢᠷᠡᠭᠰᠡᠨ ᠶᠤᠮ ᠪᠣᠢ?
— ᠪᠢ ᠶᠠᠭᠤ ᠴᠤ᠌ ᠰᠠᠨᠠᠬᠤ ᠦᠭᠡᠢ ᠪᠠᠢᠨᠠ᠃ ᠤᠨᠲᠠᠵᠤ ᠪᠠᠢᠭᠠᠳ ᠰᠡᠷᠡᠲᠡᠯᠡ ᠡᠨᠡ ᠲᠠᠯᠠ ᠭᠠᠵᠠᠷ ᠢᠷᠡᠭᠰᠡᠨ᠃ ᠦᠵᠡᠰᠬᠦᠯᠡᠩᠲᠦ ᠨᠠᠷᠠ ᠮᠠᠨᠳᠤᠵᠤ ᠪᠠᠢᠭᠠ ᠶ᠋ᠢ ᠬᠠᠷᠠᠭᠠᠳ ᠵᠣᠭᠰᠣᠵᠤ ᠪᠠᠢᠭᠰᠠᠨ᠃ ᠪᠢ ᠥᠭᠡᠷᠡ ᠶᠠᠭᠤ ᠴᠤ᠌ ᠰᠠᠨᠠᠬᠤ ᠦᠭᠡᠢ ᠪᠠᠢᠨᠠ᠃
ᠠᠯᠠᠷᠢᠺᠡ ᠬᠦᠩ ᠬᠠᠲᠤᠭᠲᠠᠢ ᠳ᠋ᠤ᠌ ᠲᠤᠰᠠᠯᠠᠬᠤ ᠶᠣᠰᠣᠲᠠᠢ ᠭᠡᠳᠡᠭ ᠢ᠋ᠶ᠋ᠡᠨ ᠮᠡᠳᠡᠵᠦ ᠪᠠᠢᠯᠠ᠃ ᠵᠠᠳᠠᠭᠠᠢ ᠲᠠᠯᠠ ᠳ᠋ᠤ᠌ ᠬᠠᠲᠤᠭᠲᠠᠢ ᠶ᠋ᠢ ᠭᠠᠭᠴᠠᠭᠠᠷ ᠢ᠋ ᠨᠢ ᠣᠷᠬᠢᠵᠤ ᠶᠠᠪᠤᠵᠤ ᠶᠠᠭᠠᠬᠢᠪᠠᠴᠤ ᠪᠣᠯᠬᠤ ᠦᠭᠡᠢ ᠭᠡᠮᠡᠨ ᠪᠣᠳᠣᠵᠠᠢ᠃
— ᠬᠠᠲᠤᠭᠲᠠᠢ᠂ ᠨᠠᠳᠠ ᠲᠠᠢ ᠬᠠᠮᠲᠤ ᠰᠢᠯᠲᠦᠭᠡᠨ ᠤᠷᠤᠭᠤ ᠶᠠᠪᠤᠭᠠᠴᠢ ᠳᠠ᠃ ᠲᠡᠳᠡ ᠲᠠᠨ ᠢ᠋ ᠰᠠᠢᠨ ᠬᠠᠷᠠᠵᠤ ᠬᠠᠨᠳᠤᠬᠤ ᠪᠣᠯᠤᠨᠠ᠃ ᠲᠡᠷᠡ ᠬᠣᠭᠣᠷᠣᠨᠳᠣ ᠪᠢ ᠶᠠᠪᠤᠵᠤ ᠭᠡᠷ ᠪᠦᠯᠢ ᠶ᠋ᠢ ᠴᠢᠨᠢ ᠣᠯᠬᠤ ᠶ᠋ᠢ ᠬᠢᠴᠢᠶᠡᠶᠡ᠃
— ᠲᠠ ᠦᠨᠡᠬᠡᠷ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠶᠤᠮ ᠠ᠋᠃ ᠪᠢ ᠲᠠᠨ ᠲᠠᠢ ᠬᠠᠮᠲᠤ ᠶᠠᠪᠤᠶᠠ᠃
ᠠᠯᠠᠷᠢᠺᠡ ᠬᠦᠩ ᠡᠢᠮᠦ ᠦᠭᠡ ᠰᠣᠨᠣᠰᠤᠭᠠᠳ ᠶᠡᠬᠡᠳᠡ ᠪᠠᠶᠠᠷᠲᠠᠢ ᠪᠠᠢᠪᠠ᠃ ᠭᠡᠰᠡᠨ ᠴᠦ᠍ ᠬᠠᠲᠤᠭᠲᠠᠢ ᠠ᠋ᠴᠠ ᠨᠢᠳᠦ ᠪᠡᠨ ᠰᠠᠯᠭᠠᠵᠤ ᠴᠢᠳᠠᠬᠤ ᠦᠭᠡᠢ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠯᠡ ᠪᠠᠢᠯᠠ᠃ ᠬᠠᠲᠤᠭᠲᠠᠢ ᠲᠡᠭᠦᠨ ᠤᠷᠤᠭᠤ ᠬᠠᠷᠠᠵᠤ ᠪᠠᠢᠭᠰᠠᠨ ᠴᠤ᠌ ᠬᠠᠷᠠᠴᠠ ᠨᠢ ᠲᠣᠭᠲᠠᠵᠤ ᠥᠭᠬᠦ ᠦᠭᠡᠢ ᠪᠠᠢᠵᠤ ᠭᠡᠨᠡ᠃ ᠣᠭᠲᠣ ᠥᠭᠡᠷᠡ ᠵᠦᠢᠯ ᠪᠣᠳᠣᠵᠤ ᠪᠣᠢ ᠮᠡᠲᠦ ᠬᠠᠷᠠᠭᠳᠠᠵᠤ ᠪᠠᠢᠯᠠ᠃ ᠮᠠᠭᠠᠳ ᠦᠭᠡᠢ ᠠᠶᠤᠭᠰᠠᠨ ᠪᠠᠢᠵᠤ ᠮᠡᠳᠡᠨᠡ᠂ ᠪᠢ ᠲᠡᠭᠦᠨ ᠢ᠋ ᠬᠠᠮᠠᠭᠠᠯᠠᠬᠤ ᠶᠣᠰᠣᠲᠠᠢ᠃
ᠲᠡᠳᠡ ᠰᠢᠯᠲᠦᠭᠡᠨ ᠤᠷᠤᠭᠤ ᠶᠠᠪᠤᠯᠠ᠃ ᠠᠯᠠᠷᠢᠺᠡ ᠬᠦᠩ ᠰᠢᠪᠡᠭᠴᠢᠨ ᠨᠦ᠍ᠭᠦᠳ ᠲᠦ᠍ ᠪᠡᠨ ᠵᠣᠴᠢᠨ ᠢ᠋ ᠰᠠᠢᠨ ᠬᠠᠷᠠᠵᠤ ᠬᠠᠯᠠᠮᠵᠢᠯᠠᠬᠤ ᠶ᠋ᠢ ᠳᠠᠭᠠᠭᠠᠯᠭᠠᠯᠠ᠃ ᠤᠳᠠᠯ ᠦᠭᠡᠢ ᠲᠡᠷᠡ ᠬᠦ᠌ ᠦᠵᠡᠰᠬᠦᠯᠡᠩᠲᠦ ᠬᠠᠲᠤᠭᠲᠠᠢ ᠳ᠋ᠤ᠌ ᠨᠡᠷᠡ ᠥᠭᠬᠦ ᠶᠣᠰᠣᠲᠠᠢ ᠭᠡᠳᠡᠭ ᠢ᠋ᠶ᠋ᠡᠨ ᠤᠬᠠᠭᠠᠷᠠᠯᠠ᠃ ᠤᠳᠠᠭᠠᠨ ᠪᠣᠳᠣᠯ ᠦᠭᠡᠢ ᠬᠠᠲᠤᠭᠲᠠᠢ ᠶ᠋ᠢ ᠺᠠᠲ᠋ᠡᠷᠢᠨ ᠭᠡᠵᠦ ᠨᠠᠷᠠᠯᠠᠪᠠ᠃ ᠥᠭᠡᠷᠡ ᠲᠣᠬᠢᠷᠠᠬᠤ ᠨᠡᠷᠡ ᠬᠦᠩ ᠦ᠋ᠨ ᠲᠣᠯᠣᠭᠠᠢ ᠳ᠋ᠤ᠌ ᠣᠷᠣᠵᠤ ᠢᠷᠡᠬᠦ ᠦᠭᠡᠢ ᠪᠠᠢᠯᠠ ᠃
— ᠰᠠᠢᠬᠠᠨ ᠨᠡᠷᠡ ᠪᠠᠢᠨᠠ᠂ ᠪᠠᠶᠠᠷᠯᠠᠯᠠ᠃
ᠺᠠᠲ᠋ᠡᠷᠢᠨ ᠪᠠᠶᠠᠷᠲᠠᠢ ᠪᠠᠢᠪᠠ᠃ ᠭᠡᠪᠡᠴᠦ ᠦᠨᠡᠨ ᠳ᠋ᠦ᠍ ᠪᠡᠨ ᠪᠦᠷᠢᠨ ᠳᠦᠭᠦᠷᠡᠩ ᠪᠢᠰᠢ᠃ ᠪᠦᠰᠡᠭᠦᠢ ᠥᠭᠡᠷᠡ ᠵᠦᠢᠯ ᠪᠣᠳᠣᠵᠤ ᠪᠠᠢᠭᠠ ᠮᠡᠲᠦ ᠬᠠᠷᠠᠭᠳᠠᠵᠤ ᠪᠠᠢᠪᠠ᠃ ᠮᠠᠭᠠᠳ ᠦᠭᠡᠢ ᠲᠡᠷᠡ ᠶᠠᠳᠠᠷᠠᠭᠰᠠᠨ ᠪᠠᠢᠬᠠ᠂ ᠪᠢ ᠲᠡᠭᠦᠨ ᠢ᠋ ᠰᠠᠢᠨ ᠬᠠᠯᠠᠮᠵᠢᠯᠠᠬᠤ ᠶᠣᠰᠣᠲᠠᠢ᠃
ᠣᠯᠠᠨ ᠡᠳᠦᠷ᠂ ᠣᠯᠠᠨ ᠳᠣᠯᠣᠭᠠ ᠬᠣᠨᠣᠭ᠂ ᠣᠯᠠᠨ ᠰᠠᠷᠠ ᠥᠩᠭᠡᠷᠡᠭᠰᠡᠨ ᠬᠡᠳᠦᠢ ᠴᠦ᠍ ᠺᠠᠲ᠋ᠡᠷᠢᠨ ᠦ᠌ ᠭᠡᠷ ᠪᠦᠯᠢ ᠡᠴᠡ ᠰᠤᠷᠠᠭ ᠠᠵᠢᠭ ᠰᠣᠨᠣᠰᠳᠠᠭᠰᠠᠨ ᠦᠭᠡᠢ᠃ ᠬᠥᠷᠰᠢ ᠬᠠᠭᠠᠨᠲᠤ ᠤᠯᠤᠰ ᠲᠤ᠌ ᠴᠤ᠌ ᠲᠡᠭᠦᠨ ᠦ᠌ ᠲᠤᠬᠠᠢ ᠤᠷᠢᠳ ᠡᠮᠦᠨᠡ ᠰᠣᠨᠣᠰᠳᠠᠭᠠ ᠦᠭᠡᠢ ᠠᠵᠢ᠃ ᠬᠦᠩ ᠬᠠᠲᠤᠭᠲᠠᠢ ᠳ᠋ᠤ᠌ ᠲᠤᠰᠠᠯᠠᠬᠤ ᠶ᠋ᠢ ᠮᠠᠰᠢ ᠶᠡᠬᠡ ᠬᠦᠰᠡᠵᠦ ᠪᠠᠢᠯᠠ᠃ ᠲᠡᠭᠦᠨ ᠦ᠌ ᠨᠢᠳᠦ ᠤᠷᠤᠭᠤ ᠡᠭᠴᠡᠯᠡᠵᠦ ᠬᠠᠷᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠣᠯᠤᠭᠰᠠᠨ ᠪᠠᠢᠪᠠ᠃ ᠪᠦᠰᠡᠭᠦᠢ ᠶᠠᠮᠠᠷ ᠨᠢᠭᠡᠨ ᠵᠦᠢᠯ ᠢ᠋ ᠥᠭᠦᠯᠡᠭᠡᠳ ᠪᠠᠢᠭᠠ ᠮᠡᠲᠦ ᠬᠠᠷᠠᠭᠳᠠᠳᠠᠭ ᠪᠠᠢᠵᠤ ᠭᠡᠨᠡ᠃ ᠬᠦᠩ ᠲᠡᠭᠦᠨ ᠢ᠋ ᠵᠢᠷᠭᠠᠯ ᠲᠠᠢ ᠪᠣᠯᠭᠠᠬᠤ ᠶ᠋ᠢ ᠬᠦᠰᠡᠵᠦ ᠪᠠᠢᠪᠠ᠃
ᠨᠠᠳᠠ ᠲᠠᠢ ᠭᠡᠷᠯᠡᠭᠡᠴᠢ ᠭᠡᠵᠦ ᠭᠤᠶᠤᠵᠤ ᠦᠵᠡᠳᠡᠭ ᠶᠤᠮ ᠪᠢᠯᠡ ᠤᠤ? ᠨᠠᠳᠠ ᠳ᠋ᠤ᠌ ᠵᠥᠪᠰᠢᠶᠡᠷᠡᠬᠦ ᠶᠤᠮ ᠪᠣᠯ ᠤᠤ? ᠪᠢ ᠲᠡᠭᠦᠨ ᠳ᠋ᠦ᠍ ᠬᠠᠢᠷᠠᠲᠠᠢ ᠭᠡᠳᠡᠭ ᠢ᠋ᠶ᠋ᠡᠨ ᠬᠡᠯᠡᠬᠦ ᠶᠣᠰᠣᠲᠠᠢ᠃ ᠨᠠᠳᠠ ᠳ᠋ᠤ᠌ ᠲᠡᠭᠦᠨ ᠢ᠋ ᠠᠵᠠ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠭᠤᠯᠬᠤ ᠪᠦᠬᠦᠢᠯᠡ ᠵᠦᠢᠯ ᠪᠣᠢ ᠰᠢᠦ ᠳᠡ᠃
ᠲᠡᠷᠡ ᠳᠠᠷᠤᠢ ᠳ᠋ᠤ᠌ ᠬᠦᠩ ᠺᠠᠲ᠋ᠡᠷᠢᠨ ᠳ᠋ᠦ᠍ ᠭᠡᠷᠯᠡᠬᠦ ᠰᠠᠨᠠᠯ ᠲᠠᠯᠪᠢᠵᠤ ᠭᠡᠨᠡ᠃
ᠺᠠᠲ᠋ᠡᠷᠢᠨ ᠢᠨᠢᠶᠡᠮᠰᠦᠭᠯᠡᠪᠡ᠃ ᠥᠪᠡᠷ ᠲᠦ᠍ ᠨᠢ ᠲᠤᠰᠠᠯᠠᠭᠰᠠᠨ ᠰᠠᠢᠬᠠᠨ ᠰᠡᠳᠬᠢᠯᠲᠦ ᠬᠦᠩ ᠲᠡᠭᠦᠨ ᠳ᠋ᠦ᠍ ᠲᠠᠭᠠᠯᠠᠭᠳᠠᠵᠤ ᠪᠠᠢᠯᠠ᠃ ᠪᠦᠰᠡᠭᠦᠢ ᠵᠥᠪᠰᠢᠶᠡᠷᠡᠵᠦ ᠤᠳᠠᠯ ᠦᠭᠡᠢ ᠲᠡᠳᠡ ᠬᠤᠷᠢᠮ ᠢ᠋ᠶ᠋ᠠᠨ ᠬᠢᠵᠡᠢ᠃
ᠬᠦᠩ ᠬᠠᠭᠠᠨᠲᠤ ᠤᠯᠤᠰ ᠲᠤ᠌ ᠤᠷᠢᠳ ᠡᠮᠦᠨᠡ ᠦᠵᠡᠭᠳᠡᠭᠡ ᠦᠭᠡᠢ ᠬᠠᠮᠤᠭ ᠤ᠋ᠨ ᠨᠦᠰᠡᠷ᠂ ᠬᠠᠮᠤᠭ ᠤ᠋ᠨ ᠲᠠᠩᠰᠤᠭ ᠬᠤᠷᠢᠮ ᠬᠢᠵᠦ ᠭᠡᠨᠡ᠃ ᠬᠦᠩ ᠨᠠᠰᠤᠨ ᠲᠤᠷᠰᠢ ᠶ᠋ᠢᠨ ᠢ᠋ᠶ᠋ᠡᠨ ᠬᠠᠢᠷᠠ ᠲᠠᠢ ᠭᠡᠷᠯᠡᠵᠦ ᠪᠠᠢᠭᠠ ᠤᠴᠢᠷ ᠠ᠋ᠴᠠ ᠡᠢᠮᠦ ᠨᠦᠰᠡᠷ ᠬᠤᠷᠢᠮ ᠬᠢᠵᠡᠢ᠃ ᠪᠠᠭᠠ ᠳ᠋ᠤ᠌ ᠪᠠᠨ ᠯᠠ ᠮᠢᠩᠭᠠ ᠭᠠᠷᠤᠢ ᠬᠥᠮᠦᠨ ᠬᠤᠷᠢᠮ ᠤ᠋ᠨ ᠶᠣᠰᠣᠯᠠᠯ ᠳ᠋ᠤ᠌ ᠤᠷᠢᠭᠳᠠᠵᠠᠢ᠃ ᠢᠷᠡᠭᠰᠡᠨ ᠪᠦᠬᠦ ᠵᠣᠴᠢᠳ ᠤ᠋ᠨ ᠰᠡᠳᠬᠢᠯ ᠳᠣᠭᠳᠣᠯᠤᠭᠰᠠᠨ ᠪᠠᠢᠭᠠ ᠶ᠋ᠢ ᠬᠦᠩ ᠬᠠᠷᠠᠵᠤ ᠪᠠᠢᠯᠠ᠃
— ᠬᠦ᠂ ᠬᠦᠩ ᠦ᠋ᠨ ᠠᠪᠠᠬᠠᠢ ᠪᠣᠯ ᠡᠨᠡ ᠳᠡᠯᠡᠬᠡᠢ ᠳᠡᠭᠡᠷᠡ ᠬᠠᠮᠤᠭ ᠤ᠋ᠨ ᠠᠵᠠᠲᠠᠢ ᠡᠮᠡᠭᠲᠡᠢ᠃ ᠶᠠᠮᠠᠷ ᠨᠢᠵᠢᠭᠢᠷ ᠬᠤᠷᠢᠮ ᠪᠣᠯᠵᠤ ᠪᠠᠢᠭᠠ ᠶ᠋ᠢ ᠬᠠᠷᠠᠭᠠᠴᠢ! ᠬᠦᠩ ᠲᠡᠭᠦᠨ ᠳ᠋ᠦ᠍ ᠮᠠᠰᠢ ᠶᠡᠬᠡ ᠬᠠᠢᠷᠠᠲᠠᠢ ᠨᠢ ᠳᠠᠮᠵᠢᠭ ᠦᠭᠡᠢ᠃ ᠬᠦᠩ ᠦ᠋ᠨ ᠠᠪᠠᠬᠠᠢ ᠶᠡᠬᠡ ᠵᠢᠷᠭᠠᠯᠲᠠᠢ ᠪᠠᠢᠭᠠ ᠪᠠᠢᠬᠤ ᠳᠠ᠃
ᠬᠦᠩ ᠢᠨᠢᠶᠡᠮᠰᠦᠭᠯᠡᠪᠡ᠃ ᠭᠡᠪᠡᠴᠦ ᠭᠡᠷᠭᠡᠢ ᠤᠷᠤᠭᠤ ᠪᠠᠨ ᠬᠠᠷᠠᠭᠠᠳ ᠰᠡᠳᠬᠢᠯ ᠨᠢ ᠡᠮᠲᠡᠷᠡᠬᠦ ᠰᠢᠭ ᠪᠣᠯᠪᠠ᠃
— ᠬᠣᠩᠭᠣᠷ ᠮᠢᠨᠢ᠂ ᠴᠢ ᠵᠢᠷᠭᠠᠯ ᠲᠠᠢ ᠪᠢᠰᠢ ᠪᠠᠢᠨᠠ ᠭᠡᠵᠦ ᠤᠤ?
— ᠮᠡᠳᠡᠭᠡᠵᠢ᠂ ᠵᠢᠷᠭᠠᠯ ᠲᠠᠢ ᠪᠠᠢᠨᠠ᠃ ᠬᠠᠢᠷᠠᠲᠤ ᠮᠢᠨᠢ᠃
ᠠᠯᠠᠷᠢᠺᠡ ᠬᠦᠩ ᠲᠡᠭᠦᠨ ᠳ᠋ᠦ᠍ ᠢᠲᠡᠭᠡᠪᠡ᠃ ᠭᠡᠪᠡᠴᠦ ᠥᠨᠥᠬᠢ ᠬᠠᠷᠠᠴᠠ ᠶ᠋ᠢ ᠬᠦᠩ ᠠᠬᠢᠨ ᠣᠯᠵᠤ ᠬᠠᠷᠠᠪᠠ᠃ ᠣᠭᠲᠣ ᠥᠭᠡᠷᠡ ᠵᠦᠢᠯ ᠪᠣᠳᠣᠵᠤ ᠪᠠᠢᠭᠠ ᠮᠡᠲᠦ ᠥᠨᠥᠬᠢ ᠯᠡ ᠬᠠᠷᠠᠴᠠ᠃
ᠠᠯᠠᠷᠢᠺᠡ ᠬᠦᠩ ᠥᠪᠡᠷ ᠢ᠋ ᠪᠡᠨ ᠥᠭᠡᠷᠡ ᠵᠦᠢᠯ ᠳ᠋ᠦ᠍ ᠲᠠᠲᠠᠷᠠᠭᠤᠯᠬᠤ ᠪᠠᠷ ᠶᠠᠪᠤᠪᠠ᠃᠂
ᠬᠠᠭᠠᠨᠲᠤ ᠤᠯᠤᠰ ᠲᠤ᠌ ᠺᠠᠲ᠋ᠡᠷᠢᠨ ᠡᠴᠡ ᠢᠯᠡᠭᠦᠦ ᠬᠦᠩ ᠦ᠋ᠨ ᠠᠪᠠᠬᠠᠢ ᠪᠣᠯᠬᠤ ᠪᠦᠰᠡᠭᠦᠢ ᠪᠠᠢᠬᠤ ᠦᠭᠡᠢ ᠪᠠᠢᠯᠠ᠃ ᠬᠥᠮᠦᠨ ᠪᠦᠷᠢ ᠲᠡᠭᠦᠨ ᠳ᠋ᠦ᠍ ᠰᠠᠢᠬᠠᠨ ᠬᠠᠨᠳᠤᠵᠤ ᠪᠠᠢᠪᠠ᠃ ᠺᠠᠲ᠋ᠡᠷᠢᠨ ᠴᠦ᠍ ᠮᠥᠨ ᠠᠳᠠᠯᠢ ᠲᠡᠳᠡᠨ ᠳ᠋ᠦ᠍ ᠬᠠᠢᠷᠠ ᠬᠦᠨᠳᠦᠳᠬᠡᠯ ᠲᠡᠢ ᠪᠡᠷ ᠬᠠᠨᠳᠤᠵᠤ ᠪᠠᠢᠪᠠ᠃ ᠭᠡᠰᠡᠨ ᠴᠦ᠍ ᠠᠯᠠᠷᠢᠺᠡ ᠬᠦᠩ ᠭᠤᠨᠢᠭᠲᠠᠢ ᠪᠠᠢᠪᠠ᠃ ᠪᠦᠰᠡᠭᠦᠢ ᠪᠦᠬᠦᠯᠢ ᠳ᠋ᠦ᠍ ᠪᠡᠨ ᠲᠡᠭᠦᠨ ᠦ᠌ ᠬᠢ ᠪᠢᠰᠢ ᠭᠡᠳᠡᠭ ᠢ᠋ ᠬᠦᠩ ᠤᠬᠠᠭᠠᠷᠠᠵᠤ ᠪᠠᠢᠭᠰᠠᠨ ᠶᠤᠮ᠃ ᠵᠢᠯ ᠪᠦᠷᠢ ᠬᠦᠩ ᠠᠷᠠᠳ ᠢᠷᠭᠡᠳ ᠲᠦ᠍ ᠪᠠᠨᠵᠣᠷᠢᠭᠤᠯᠵᠤ ᠴᠡᠩᠭᠡᠭᠦᠨ ᠵᠣᠬᠢᠶᠠᠳᠠᠭ ᠪᠠᠢᠯᠠ᠃ ᠬᠥᠮᠦᠨ ᠪᠦᠷᠢ ᠵᠢᠷᠦᠬᠡ ᠰᠡᠳᠬᠢᠯ ᠡᠴᠡ ᠪᠡᠨ ᠪᠥᠵᠢᠭᠯᠡᠳᠡᠭ ᠪᠠᠢᠪᠠ᠃ ᠪᠥᠵᠢᠭᠯᠡᠵᠦ ᠮᠡᠳᠡᠬᠦ ᠦᠭᠡᠢ ᠬᠥᠮᠦᠰ ᠴᠦ᠍ ᠮᠥᠨ ᠠᠳᠠᠯᠢ᠃ ᠭᠡᠪᠡᠴᠦ ᠬᠦᠩ ᠦ᠋ᠨ ᠠᠪᠠᠬᠠᠢ ᠠᠨᠢᠷ ᠴᠢᠮᠡᠭᠡ ᠦᠭᠡᠢ ᠪᠠᠢᠯᠠ᠃ ᠢᠨᠢᠶᠡᠬᠦ ᠴᠦ᠍ ᠦᠭᠡᠢ᠂ ᠪᠥᠵᠢᠭᠯᠡᠬᠦ ᠴᠦ᠍ ᠦᠭᠡᠢ᠃ ᠪᠦᠰᠡᠭᠦᠢ ᠶ᠋ᠢᠨ ᠬᠠᠷᠠᠴᠠ ᠡᠳᠦᠷ ᠪᠦᠷᠢ ᠠᠯᠠᠷᠢᠺᠡ ᠬᠦᠩ ᠢ᠋ ᠵᠣᠪᠠᠭᠠᠳᠠᠭ ᠪᠠᠢᠪᠠ᠃ ᠬᠦᠩ ᠬᠡᠳᠦ ᠬᠡᠳᠦᠨ ᠤᠳᠠᠭᠠ ᠲᠡᠭᠦᠨ ᠡᠴᠡ ᠠᠰᠠᠭᠤᠬᠤ ᠭᠡᠵᠦ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠲᠡᠷᠡ ᠲᠣᠭᠠᠯᠠᠩ ᠳ᠋ᠤ᠌ ᠪᠦᠰᠡᠭᠦᠢ ᠬᠦᠩ ᠦ᠋ᠨ ᠭᠠᠷ ᠠ᠋ᠴᠠ ᠴᠢᠩᠭᠠ ᠠᠳᠬᠤᠵᠤ ᠢᠨᠢᠶᠡᠵᠦ ᠢᠩᠭᠢᠵᠦ ᠬᠡᠯᠡᠳᠡᠭ ᠪᠠᠢᠪᠠ᠃
— ᠪᠢ ᠴᠢᠮᠠ ᠳ᠋ᠤ᠌ ᠬᠠᠢᠷᠠᠲᠠᠢ ᠬᠣᠩᠭᠣᠷ ᠮᠢᠨᠢ᠂ ᠴᠢᠮᠠ ᠲᠠᠢ ᠬᠠᠮᠲᠤ ᠪᠠᠢᠬᠤ ᠳ᠋ᠤ᠌ ᠨᠠᠳᠠ ᠳ᠋ᠤ᠌ ᠵᠢᠷᠭᠠᠯ ᠲᠠᠢ ᠪᠠᠢᠨᠠ᠃ ᠭᠡᠵᠦ ᠬᠡᠯᠡᠨ ᠲᠡᠭᠦᠨ ᠤᠷᠤᠭᠤ ᠬᠠᠷᠠᠳᠠᠭ ᠴᠤ᠌ ᠥᠭᠡᠷᠡ ᠵᠦᠢᠯ ᠪᠣᠳᠣᠵᠤ ᠪᠠᠢᠭᠠ ᠶ᠋ᠢ ᠨᠢ ᠬᠦᠩ ᠮᠡᠳᠡᠳᠡᠭ ᠪᠠᠢᠪᠠ᠃
ᠨᠢᠭᠡᠨ ᠰᠥᠨᠢ ᠬᠦᠩ ᠥᠷᠥᠭᠡᠨ ᠳ᠋ᠦ᠍ ᠪᠡᠨ ᠣᠷᠣᠵᠤ ᠢᠷᠡᠲᠡᠯᠡ᠂ ᠺᠠᠲ᠋ᠡᠷᠢᠨ ᠪᠥᠵᠢᠭᠯᠡᠵᠦ ᠪᠠᠢᠨᠠ ᠭᠡᠨᠡ᠃ ᠬᠦᠩ ᠡᠭᠦᠨ ᠢ᠋ ᠬᠠᠷᠠᠭᠠᠳ ᠶᠡᠬᠡᠳᠡ ᠭᠠᠢᠬᠠᠵᠠᠢ᠃
— ᠬᠣᠩᠭᠣᠷ ᠮᠢᠨᠢ᠂ ᠴᠢ ᠶᠠᠭᠠᠬᠢᠭᠠᠳ ᠨᠠᠳᠠ ᠲᠠᠢ ᠣᠭᠲᠣ ᠪᠥᠵᠢᠭᠯᠡᠳᠡᠭ ᠦᠭᠡᠢ ᠶᠤᠮ ᠪᠣᠢ?
— ᠶᠠᠭᠤ? ᠪᠢ ᠪᠥᠵᠢᠭᠯᠡᠳᠡᠭ ᠦᠭᠡᠢ᠃ ᠴᠢ ᠮᠡᠳᠡᠨᠡ ᠰᠢᠲᠠ᠃
— ᠦ᠂ ᠬᠠᠢᠷᠠᠲᠤ ᠬᠣᠩᠭᠣᠷ ᠮᠢᠨᠢ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠴᠢ ᠨᠠᠮᠠ ᠶ᠋ᠢ ᠥᠷᠥᠭᠡᠨ ᠳ᠋ᠦ᠍ ᠣᠷᠣᠵᠤ ᠢᠷᠡᠬᠦ ᠳ᠋ᠦ᠍ ᠪᠥᠵᠢᠭᠯᠡᠵᠦ ᠪᠠᠢᠭᠰᠠᠨ ᠰᠢᠦ ᠳᠡ᠃ ᠰᠠᠨᠠᠬᠤ ᠦᠭᠡᠢ ᠪᠠᠢᠨᠠ ᠭᠡᠵᠦ ᠤᠤ ᠳᠠ?
— ᠶᠠᠭᠤ? ᠦᠭᠡᠢ᠂ ᠪᠢ ᠪᠥᠵᠢᠭᠯᠡᠳᠡᠭ ᠦᠭᠡᠢ᠃ ᠭᠡᠬᠦ ᠳ᠋ᠦ᠍ ᠪᠡᠨ ᠵᠠᠷᠢᠮ ᠳ᠋ᠤ᠌ ᠪᠠᠨ ᠨᠠᠳᠠ ᠳ᠋ᠤ᠌ ᠨᠠᠮᠤᠭᠤᠬᠠᠨ ᠬᠥᠭᠵᠢᠮ ᠯᠡ ᠰᠣᠨᠣᠰᠳᠠᠳᠠᠭ᠃ ᠠᠯᠤᠰ ᠬᠣᠯᠠ ᠬᠠᠮᠢᠭᠠ ᠨᠢᠭᠡᠲᠡᠭᠡ ᠲᠣᠭᠯᠠᠵᠤ ᠪᠠᠢᠭᠠ ᠮᠡᠲᠦ᠂ ᠨᠠᠮᠠ ᠶ᠋ᠢ ᠳᠠᠭᠤᠳᠠᠭᠠᠳ ᠪᠠᠢᠭᠠ ᠶᠤᠮ ᠰᠢᠭ᠋᠃
ᠠᠯᠠᠷᠢᠺᠡ ᠬᠦᠩ ᠪᠣᠳᠣᠯ ᠳ᠋ᠤ᠌ ᠠᠪᠲᠠᠵᠠᠢ᠃ ᠨᠢᠭᠡ ᠵᠢᠯ ᠥᠩᠭᠡᠷᠡᠨ ᠣᠳᠤᠯᠠ᠃ ᠤᠳᠠᠬᠤ ᠦᠭᠡᠢ ᠲᠡᠳᠡᠨ ᠦ᠌ ᠬᠤᠷᠢᠮ ᠤ᠋ᠨ ᠣᠢ ᠪᠣᠯᠬᠤ ᠪᠠᠢᠯᠠ᠃ ᠬᠦᠩ ᠬᠠᠢᠷᠠᠲᠤ ᠭᠡᠷᠭᠡᠢ ᠳ᠋ᠦ᠍ ᠪᠡᠨ ᠶᠠᠭᠤ ᠥᠭᠬᠦ ᠲᠠᠯᠠ ᠪᠠᠷ ᠪᠣᠳᠣᠵᠤ ᠰᠠᠭᠤᠯᠠ᠃
ᠬᠤᠷᠢᠮ ᠤ᠋ᠨ ᠣᠢ ᠪᠣᠯᠬᠤ ᠡᠮᠦᠨᠡᠬᠢ ᠣᠷᠣᠢ ᠬᠦᠩ ᠭᠡᠷᠭᠡᠢ ᠲᠡᠢ ᠪᠡᠨ ᠬᠠᠮᠲᠤ ᠲᠠᠨᠢᠯᠴᠠᠭᠰᠠᠨ ᠭᠠᠵᠠᠷ ᠢ᠋ᠶ᠋ᠠᠨ ᠣᠴᠢᠵᠤ ᠭᠡᠨᠡ᠃ ᠺᠠᠲ᠋ᠡᠷᠢᠨ ᠮᠢᠨᠢ ᠪᠠᠶᠠᠷᠯᠠᠬᠤ ᠪᠠᠢᠬᠠ ᠳᠠ᠃
ᠬᠦᠯᠢᠶᠡᠭᠡᠷᠡᠢ! ᠲᠡᠷᠡ ᠶᠠᠭᠤ ᠪᠣᠢ? ᠪᠢ ᠠᠮᠢᠳᠤᠷᠠᠯ ᠳ᠋ᠤ᠌ ᠪᠠᠨ ᠡᠢᠮᠦ ᠰᠣᠨᠣᠰᠬᠤᠯᠠᠩ ᠲᠠᠢ ᠠᠶᠠ ᠰᠣᠨᠣᠰᠴᠤ ᠪᠠᠢᠭᠰᠠᠨ ᠦᠭᠡᠢ᠃
ᠶᠠᠭᠤ? ᠰᠢᠳᠢᠲᠦ ᠳᠠᠭᠢᠨᠢ ᠨᠤᠭᠤᠳ ᠠ᠋ ? ᠪᠢ ᠡᠭᠦᠨ ᠢ᠋ ᠳᠣᠮᠣᠭ ᠶᠠᠷᠢᠶᠠ ᠯᠠ ᠭᠡᠵᠦ ᠪᠣᠳᠣᠭᠰᠠᠨ ᠰᠢᠲᠠ᠃
ᠴᠢᠮᠡᠭᠡ ᠦᠭᠡᠢ! ᠡᠢᠮᠦ ᠵᠦᠢᠯ ᠤᠷᠢᠳᠤ ᠨᠢ ᠬᠠᠷᠠᠵᠤ ᠪᠠᠢᠭᠰᠠᠨ ᠦᠭᠡᠢ᠃ ᠬᠦᠯᠢᠶᠡᠭᠡᠷᠡᠢ᠂ ᠲᠡᠷᠡ ᠬᠡᠨ ᠪᠣᠢ? ᠲᠡᠷᠡ ᠠᠷᠠᠢ᠁
ᠭᠣᠶᠣᠯᠠᠯ ᠤ᠋ᠨ ᠭᠣᠶᠣᠮᠰᠣᠭ ᠶᠠᠭᠠᠨ ᠳᠠᠰᠢᠨᠵᠠ ᠡᠮᠦᠰᠦᠭᠰᠡᠨ ᠲᠡᠷᠡ ᠰᠢᠳᠢᠲᠦ ᠳᠠᠭᠢᠨᠢ ᠬᠦᠩ ᠦ᠋ᠨ ᠨᠠᠰᠤᠨ ᠲᠤᠷᠰᠢ ᠶ᠋ᠢᠨ ᠬᠠᠢᠷᠠ ᠺᠠᠲ᠋ᠡᠷᠢᠨ ᠪᠠᠢᠯᠠ᠃
— ᠺᠠᠲ᠋ᠡᠷᠢᠨ!
ᠲᠡᠭᠡᠭᠡᠳ ᠬᠦᠩ ᠢᠯᠡᠭᠦᠦ ᠣᠢᠷᠠᠳᠴᠤ ᠬᠠᠷᠠᠬᠤ ᠭᠡᠲᠡᠯᠡ ᠮᠣᠷᠢ ᠨᠢ ᠪᠤᠯᠭᠢᠪᠠ ᠭᠡᠨᠡ᠃ ᠮᠣᠷᠢ ᠬᠦᠩ ᠦ᠋ᠨ ᠬᠤᠪᠴᠠᠰᠤᠨ ᠠ᠋ᠴᠠ ᠠᠶᠤᠭᠰᠠᠨ ᠪᠠᠢᠪᠠ᠃ ᠲᠡᠭᠡᠭᠡᠳ ᠭᠦᠨ ᠣᠢ ᠶ᠋ᠢ ᠴᠢᠭᠯᠡᠨ ᠳᠠᠪᠬᠢᠨ ᠣᠳᠤᠯᠠ᠃
ᠠ᠋᠂ ᠴᠢᠮᠡᠭᠡ ᠦᠭᠡᠢ᠂ ᠲᠠᠢᠪᠤᠰᠢᠷᠠ᠃ ᠴᠢ ᠨᠠᠮᠠ ᠶ᠋ᠢ ᠰᠢᠳᠢᠲᠦ ᠳᠠᠭᠢᠨᠢ ᠨᠤᠭᠤᠳ ᠠ᠋ᠴᠠ ᠤᠯᠠᠮ ᠬᠣᠯᠠᠳᠠᠭᠤᠯᠤᠭᠠᠳ ᠪᠠᠢᠨᠠ᠃ ᠲᠠᠢᠪᠤᠰᠢᠷᠠ᠂ ᠲᠠᠢᠪᠤᠰᠢᠷᠠ᠃ ᠰᠠᠢᠨ ᠵᠠᠭᠠᠯ᠂ ᠨᠠᠮᠠ ᠶ᠋ᠢ ᠶᠠᠮᠠᠷ ᠬᠣᠯᠠ ᠠᠪᠴᠢᠷᠠᠭᠰᠠᠨ ᠢ᠋ᠶ᠋ᠠᠨ ᠬᠠᠷᠠᠭᠠᠴᠢ᠃ ᠪᠤᠴᠠᠭᠠᠳ ᠶᠠᠪᠤᠵᠠᠭᠠᠶᠠ᠃
ᠦᠭᠡᠢ᠂ ᠲᠡᠳᠡ ᠶᠠᠪᠤᠴᠢᠬᠠᠵᠠᠢ᠃
ᠬᠦᠩ ᠶᠠᠭᠠᠷᠠᠨ ᠪᠤᠴᠠᠯᠠ᠃ ᠭᠡᠷᠭᠡᠢ ᠨᠢ ᠤᠨᠲᠠᠯᠭᠠ ᠶ᠋ᠢᠨ ᠥᠷᠥᠭᠡᠨ ᠳ᠋ᠦ᠍ ᠪᠡᠨ ᠪᠥᠬᠡ ᠭᠡᠭᠴᠢ ᠤᠨᠲᠠᠵᠤ ᠪᠠᠢᠬᠤ ᠶ᠋ᠢ ᠬᠠᠷᠠᠭᠠᠳ ᠰᠡᠳᠬᠢᠯ ᠨᠢ ᠲᠠᠢᠪᠤᠰᠢᠷᠠᠵᠤ ᠭᠡᠨᠡ ᠃
— ᠬᠠᠢᠷᠠᠲᠤ ᠮᠢᠨᠢ᠂ ᠴᠢ ᠬᠠᠮᠢᠭᠠ ᠨᠢ ᠪᠠᠢᠭᠰᠠᠨ ᠶᠤᠮ ᠪᠣᠢ?
— ᠶᠠᠭᠤ? ᠪᠢ ᠤᠨᠲᠠᠵᠤ ᠯᠠ ᠪᠠᠢᠭᠰᠠᠨ ᠰᠢᠲᠠ᠃ ᠴᠢ ᠶᠡᠬᠡ ᠶᠠᠳᠠᠷᠠᠭᠰᠠᠨ ᠪᠣᠯᠤᠯᠲᠠᠢ᠂ ᠴᠢ ᠭᠡᠰᠡᠨ ᠴᠦ᠍ ᠤᠨᠲᠠᠬᠤ ᠶᠣᠰᠣᠲᠠᠢ᠃ ᠣᠷᠣᠢ ᠪᠣᠯᠤᠭᠰᠠᠨ ᠪᠠᠢᠨᠠ᠃
ᠬᠦᠯᠢᠶᠡ᠂ ᠪᠢ ᠡᠨᠳᠡᠭᠦᠷᠡᠭᠡ ᠦᠭᠡᠢ ᠪᠠᠵᠠ? ᠲᠡᠷᠡ ᠮᠥᠨ ᠪᠠᠢᠵᠠᠢ᠃ ᠶᠠᠭᠠᠬᠢᠭᠠᠳ ᠨᠠᠳᠠ ᠳ᠋ᠤ᠌ ᠬᠤᠳᠠᠯ ᠬᠡᠯᠡᠭᠰᠡᠨ ᠶᠤᠮ ᠪᠣᠯ? ᠲᠡᠨᠳᠡ ᠶᠡᠬᠡ ᠯᠡ ᠵᠢᠷᠭᠠᠯ ᠲᠠᠢ ᠬᠠᠷᠠᠭᠳᠠᠵᠤ ᠪᠠᠢᠭᠰᠠᠨ ᠳᠠ᠃
ᠠ᠂ ᠪᠢ ᠣᠳᠣ ᠶᠠᠭᠠᠬᠢᠪᠠᠯ ᠳᠡᠭᠡᠷᠡ ᠪᠣᠢ? ᠨᠢᠭᠡ ᠯᠡ ᠬᠥᠮᠦᠨ ᠨᠠᠳᠠ ᠳ᠋ᠤ᠌ ᠲᠤᠰᠠᠯᠠᠵᠤ ᠴᠢᠳᠠᠨᠠ᠂ ᠮᠠᠾᠭᠳᠠ᠃ ᠬᠦᠩ ᠮᠠᠾᠭᠳᠠ ᠳ᠋ᠤ᠌ ᠢᠲᠡᠭᠡᠳᠡᠭ ᠪᠠᠢᠯᠠ᠃ ᠮᠠᠾᠭᠳᠠ ᠡᠨᠡ ᠳᠡᠯᠡᠬᠡᠢ ᠶ᠋ᠢᠨ ᠪᠦᠬᠦᠢᠯᠡ ᠨᠢᠭᠤᠴᠠ ᠶ᠋ᠢ ᠮᠡᠳᠡᠳᠡᠭ ᠪᠠᠢᠭᠰᠠᠨ ᠶᠤᠮ᠃
ᠪᠦᠲᠦᠨ ᠬᠣᠶᠠᠷ ᠡᠳᠦᠷ ᠳᠠᠪᠬᠢᠭᠰᠠᠨ ᠤ᠋ ᠡᠴᠦᠰ ᠲᠦ᠍ ᠭᠦᠩᠲᠡᠨ ᠣᠢ ᠶ᠋ᠢᠨ ᠭᠦᠨ ᠳ᠋ᠦ᠍ ᠪᠠᠢᠬᠤ ᠵᠢᠵᠢᠭ ᠣᠷᠤᠴᠠᠨ ᠳ᠋ᠤ᠌ ᠬᠦᠷᠴᠦ ᠢᠷᠡᠯᠡ᠃
— ᠦ᠂ ᠠᠯᠠᠷᠢᠺᠡ ᠭᠦᠩᠲᠡᠨ᠂ ᠲᠠ ᠡᠨᠳᠡ ᠶᠠᠮᠠᠷ ᠬᠡᠷᠡᠭ ᠢ᠋ᠶ᠋ᠡᠷ ᠢᠷᠡᠪᠡ?
— ᠭᠡᠷᠭᠡᠢ ᠡᠴᠡ ᠪᠡᠨ ᠪᠣᠯᠵᠤ ᠢᠷᠡᠯᠡ᠂ ᠮᠠᠾᠭᠳᠠ᠃ ᠨᠠᠳᠠ ᠳ᠋ᠤ᠌ ᠲᠠᠨ ᠤ᠋ ᠲᠤᠰᠠᠯᠠᠮᠵᠢ ᠬᠡᠷᠡᠭ ᠲᠡᠢ ᠪᠠᠢᠨᠠ᠃ ᠬᠦᠩ ᠪᠣᠯᠤᠭᠰᠠᠨ ᠪᠦᠬᠦ ᠶᠠᠪᠤᠳᠠᠯ ᠢ᠋ ᠮᠠᠾᠭᠳᠠ ᠳ᠋ᠤ᠌ ᠶᠠᠷᠢᠯᠠ᠃ ᠲᠡᠷᠡ ᠶ᠋ᠢ ᠪᠦᠦ ᠬᠡᠯᠡ ᠺᠠᠲ᠋ᠡᠷᠢᠨ ᠦ᠌ ᠬᠠᠷᠠᠴᠠ ᠦᠷᠭᠦᠯᠵᠢ ᠥᠪᠡᠷ ᠢ᠋ ᠨᠢ ᠵᠣᠪᠠᠭᠠᠳᠠᠭ ᠲᠤᠬᠠᠢ ᠴᠤ᠌ ᠬᠡᠯᠡᠯᠡ᠃
— ᠲᠡᠷᠡ ᠨᠠᠳᠠ ᠤᠷᠤᠭᠤ ᠬᠠᠷᠠᠳᠠᠭ ᠴᠤ᠌ ᠴᠠᠭ ᠦᠷᠭᠦᠯᠵᠢ ᠯᠡ ᠣᠭᠲᠣ ᠥᠭᠡᠷᠡ ᠵᠦᠢᠯ ᠪᠣᠳᠣᠵᠤ ᠪᠠᠢᠳᠠᠭ᠃ ᠪᠢ ᠶᠠᠭᠠᠬᠢᠬᠤ ᠶᠣᠰᠣᠲᠠᠢ ᠶᠤᠮ ᠪᠣᠢ?
— ᠦ ᠬᠥᠭᠡᠷᠦᠬᠦᠢ ᠮᠢᠨᠢ ᠳᠡ᠃ ᠲᠠᠨ ᠳ᠋ᠤ᠌ ᠬᠢᠵᠦ ᠴᠢᠳᠠᠬᠤ ᠵᠦᠢᠯ ᠨᠢᠭᠡᠬᠡᠨ ᠴᠦ᠍ ᠪᠠᠢᠬᠤ ᠦᠭᠡᠢ᠃ ᠡᠬᠡᠨᠡᠷ ᠴᠢᠨᠢ ᠰᠢᠳᠢᠲᠦ ᠳᠠᠭᠢᠨᠢ ᠨᠤᠭᠤᠳ ᠤ᠋ᠨ ᠨᠢᠭᠡ᠃ ᠲᠠ ᠡᠬᠡᠨᠡᠷ ᠢ᠋ ᠪᠡᠨ ᠠᠩᠬᠠ ᠣᠯᠬᠤ ᠳ᠋ᠤ᠌᠂ ᠲᠡᠷᠡ ᠥᠩᠭᠡᠷᠡᠭᠰᠡᠨ ᠵᠤᠨ ᠢ᠋ ᠦᠳᠡᠵᠦ ᠪᠠᠢᠭᠰᠠᠨ ᠪᠠᠢᠬᠠ᠃ ᠲᠡᠳᠡ ᠡᠬᠡᠨᠡᠷ ᠢ᠋ ᠴᠢᠨᠢ ᠳᠠᠭᠤᠳᠠᠵᠤ ᠪᠠᠢᠭᠠ ᠶᠤᠮ᠃ ᠲᠡᠷᠡ ᠵᠤᠨ ᠪᠦᠷᠢ ᠲᠡᠳᠡᠨ ᠳᠡᠭᠡᠷᠡ ᠣᠴᠢᠵᠤ ᠬᠠᠮᠲᠤ ᠪᠥᠵᠢᠭᠯᠡᠳᠡᠭ᠃ ᠣᠳᠣ ᠪᠤᠴᠠᠵᠤ ᠢᠷᠡᠭᠰᠡᠨ ᠪᠠᠢᠬᠠ᠃ ᠭᠡᠬᠦ ᠳ᠋ᠦ᠍ ᠪᠡᠨ ᠴᠠᠭ ᠨᠢ ᠪᠣᠯᠬᠤ ᠳ᠋ᠤ᠌ ᠲᠡᠷᠡ ᠪᠤᠴᠠᠵᠤ ᠢᠷᠡᠬᠦ ᠦᠭᠡᠢ ᠪᠡᠷ ᠶᠠᠪᠤᠬᠤ ᠪᠣᠯᠤᠨᠠ᠃
— ᠶᠠᠭᠤ? ᠦᠭᠡᠢ᠃ ᠺᠠᠲ᠋ᠡᠷᠢᠨ ᠪᠣᠯ ᠮᠢᠨᠦᠬᠢ᠃ ᠲᠡᠷᠡ ᠠᠮᠢᠳᠤᠷᠠᠯ ᠢ᠋ ᠨᠢ ᠡᠭᠦᠷᠢᠳᠡ ᠮᠠᠷᠲᠠᠭᠤᠯᠵᠤ ᠨᠠᠰᠤᠨ ᠲᠤᠷᠰᠢ ᠳ᠋ᠤ᠌ ᠪᠠᠨ ᠮᠢᠨᠦᠬᠢ ᠪᠠᠢᠯᠭᠠᠬᠤ ᠶᠠᠮᠠᠷ ᠨᠢᠭᠡᠨ ᠠᠷᠭᠠ ᠪᠠᠢᠬᠤ ᠦᠭᠡᠢ ᠭᠡᠵᠢ ᠤᠤ? ᠨᠠᠳᠠ ᠳ᠋ᠤ᠌ ᠰᠢᠳᠢᠲᠦ ᠬᠠᠨᠳᠠ᠂ ᠰᠢᠳᠢᠲᠦ ᠤᠷᠭᠤᠮᠠᠯ ᠠ᠋ᠴᠠ ᠪᠠᠨ ᠥᠭᠭᠦᠭᠡᠴᠢ ᠳᠡ᠃ ᠶᠠᠭᠤ ᠴᠤ᠌ ᠪᠠᠢᠭᠰᠠᠨ ᠪᠣᠯᠤᠨᠠ᠃
— ᠵᠠᠯᠠᠭᠤ ᠡᠷᠡ ᠮᠢᠨᠢ᠂ ᠶᠠᠮᠠᠷ ᠴᠤ᠌ ᠰᠢᠳᠢᠲᠦ ᠤᠷᠭᠤᠮᠠᠯ ᠤ᠋ᠨ ᠬᠠᠨᠳᠠ ᠲᠡᠭᠦᠨ ᠦ᠌ ᠥᠩᠭᠡᠷᠡᠭᠰᠡᠨ ᠢ᠋ ᠮᠠᠷᠲᠠᠭᠤᠯᠵᠤ ᠬᠦᠴᠦᠷᠡᠬᠦ ᠦᠭᠡᠢ᠃ ᠲᠡᠷᠡ ᠬᠡᠵᠢᠶᠡᠳᠡ ᠴᠦ᠍ ᠢᠷᠡᠭᠰᠡᠨ ᠭᠠᠵᠠᠷ ᠲᠠᠢ ᠪᠠᠨ ᠬᠣᠯᠪᠣᠭᠳᠠᠬᠤ ᠪᠣᠯᠤᠨᠠ᠃ ᠭᠡᠬᠦ ᠳ᠋ᠦ᠍ ᠪᠡᠨ ᠨᠢᠭᠡ ᠠᠷᠭᠠ ᠪᠠᠢᠨᠠ᠃
— ᠶᠠᠭᠤ ᠶᠤᠮ? ᠪᠢ ᠶᠠᠭᠤ ᠴᠤ᠌ ᠬᠢᠬᠦ ᠳ᠋ᠦ᠍ ᠪᠡᠯᠡᠨ ᠪᠠᠢᠨᠠ᠃ ᠨᠠᠳᠠ ᠳ᠋ᠤ᠌ ᠬᠡᠯᠡᠭᠡᠴᠢ ᠳᠡ᠃
— ᠴᠢᠨᠦ ᠬᠠᠢᠷᠠ ᠲᠡᠭᠦᠰ ᠪᠠᠢᠬᠤ ᠶᠣᠰᠣᠲᠠᠢ᠃ ᠲᠡᠷᠡ ᠦᠶᠡ ᠳ᠋ᠦ᠍ ᠯᠡ ᠡᠬᠡᠨᠡᠷ ᠴᠢᠨᠢ ᠥᠩᠭᠡᠷᠡᠭᠰᠡᠨ ᠢ᠋ᠶ᠋ᠡᠨ ᠮᠠᠷᠲᠠᠬᠤ ᠪᠣᠯᠤᠨᠠ᠃
— ᠮᠢᠨᠦ ᠬᠠᠢᠷᠠ ᠲᠡᠭᠦᠰ ᠪᠢᠰᠢ ᠭᠡᠵᠦ ᠤᠤ? ᠲᠡᠢᠮᠦ ᠪᠣᠯ ᠶᠠᠭᠠᠬᠢᠵᠤ ᠲᠡᠭᠦᠰ ᠪᠣᠯᠭᠠᠬᠤ ᠪᠣᠢ?
— ᠡᠨᠡ ᠶ᠋ᠢ ᠴᠠᠭ ᠬᠤᠭᠤᠴᠠᠭᠠ ᠯᠠ ᠴᠢᠮᠠ ᠳ᠋ᠤ᠌ ᠵᠢᠭᠠᠬᠤ ᠪᠣᠯᠤᠨᠠ᠃ ᠰᠠᠨᠠᠭᠠ ᠵᠣᠪᠠᠬᠤ ᠬᠡᠷᠡᠭ ᠦᠭᠡᠢ ᠵᠠᠯᠠᠭᠤ ᠡᠷᠡ ᠮᠢᠨᠢ᠂ ᠭᠡᠷ ᠲᠦ᠍ ᠪᠠᠨᠬᠠᠷᠢ ᠃ ᠬᠠᠢᠷᠠ ᠰᠡᠳᠬᠢᠯ ᠳ᠋ᠦ᠍ ᠪᠡᠨ ᠦᠨᠡᠨ ᠭᠣᠣᠯ ᠠ᠋ᠴᠠ ᠪᠠᠨ ᠢᠳᠡᠭᠡ᠃
ᠲᠡᠭᠡᠭᠡᠳ ᠠᠯᠠᠷᠢᠺᠡ ᠬᠦᠩ ᠰᠢᠯᠲᠦᠭᠡᠨ ᠤᠷᠤᠭᠤ ᠪᠠᠨ ᠪᠤᠴᠠᠵᠤ ᠣᠴᠢᠯᠠ᠃ ᠲᠡᠷᠡ ᠡᠳᠦᠷ ᠡᠴᠡ ᠡᠬᠢᠯᠡᠨ ᠡᠬᠡᠨᠡᠷ ᠲᠦ᠍ ᠪᠠᠨᠢᠯᠡᠭᠦᠦ ᠡᠶᠡᠯᠳᠡᠭ ᠰᠠᠢᠬᠠᠨ ᠬᠠᠨᠳᠤᠬᠤ ᠪᠣᠯᠵᠤ ᠭᠡᠨᠡ᠃ ᠲᠡᠭᠡᠭᠰᠡᠨ ᠴᠦ᠍ ᠣᠷᠣᠢ ᠪᠦᠷᠢ ᠭᠡᠷᠭᠡᠢ ᠨᠢ ᠰᠢᠯᠲᠦᠭᠡᠨ ᠢ᠋ ᠣᠷᠬᠢᠵᠤ ᠶᠠᠪᠤᠳᠠᠭ ᠪᠠᠢᠵᠠᠢ᠃ ᠡᠨᠡ ᠶᠠᠪᠤᠳᠠᠯ ᠠ᠋ᠴᠠ ᠪᠣᠯᠵᠤ ᠬᠦᠩ ᠬᠡᠳᠦᠨ ᠰᠥᠨᠢ ᠨᠣᠢᠷ ᠦᠭᠡᠢ ᠬᠣᠨᠣᠵᠠᠢ᠃ ᠥᠨᠥ ᠣᠷᠣᠢ ᠬᠠᠢᠷᠠᠲᠤ ᠡᠬᠡᠨᠡᠷ ᠢ᠋ ᠨᠢ ᠡᠭᠦᠷᠢᠳᠡ ᠠᠪᠴᠤ ᠶᠠᠪᠤᠬᠤ ᠪᠣᠢ ᠭᠡᠳᠡᠭ ᠡᠴᠡ ᠠᠶᠤᠳᠠᠭ ᠪᠠᠢᠵᠤ ᠭᠡᠨᠡ᠃
ᠲᠡᠭᠡᠭᠡᠳ ᠨᠢᠭᠡᠨ ᠲᠣᠭᠲᠠᠭᠤᠨ ᠡᠳᠦᠷ᠂ ᠣᠳᠣ ᠬᠠᠩᠭᠠᠯᠲᠠ ᠲᠠᠢ᠂ ᠪᠢ ᠥᠨᠥᠳᠥᠷ ᠲᠡᠭᠦᠨ ᠢ᠋ ᠳ᠋ᠦ᠍ ᠪᠡᠨ ᠶᠠᠪᠤᠵᠤ ᠲᠡᠭᠦᠨ ᠳ᠋ᠦ᠍ ᠶᠠᠮᠠᠷ ᠬᠠᠢᠷᠠᠲᠠᠢ ᠪᠠᠨ ᠬᠠᠷᠠᠭᠤᠯᠬᠤ ᠪᠣᠯᠤᠨᠠ᠃ ᠮᠢᠨᠦ ᠬᠠᠢᠷᠠ ᠪᠣᠯ ᠲᠡᠭᠦᠰ᠂ ᠪᠢ ᠡᠭᠦᠨ ᠢ᠋ ᠪᠠᠲᠤᠯᠠᠬᠤ ᠪᠣᠯᠤᠨᠠ᠃
ᠡᠨᠳᠡ ᠪᠠᠢᠬᠤ ᠰᠢᠪ᠃
— ᠺᠠᠲ᠋ᠡᠷᠢᠨ! ᠪᠢ ᠪᠠᠢᠨᠠ ᠰᠢᠦ᠂ ᠡᠷᠡ ᠨᠥᠬᠥᠷ ᠴᠢᠨᠢ᠃ ᠪᠢ ᠴᠢᠮᠠ ᠶ᠋ᠢ ᠠᠪᠴᠤ ᠶᠠᠪᠤᠬᠤ ᠪᠠᠷ ᠢᠷᠡᠯᠡ᠂ ᠨᠠᠳᠠ ᠲᠠᠢ ᠬᠠᠮᠲᠤ ᠶᠠᠪᠤᠭᠠᠴᠢ᠃
— ᠠ᠂ ᠨᠠᠮᠠ ᠶ᠋ᠢ ᠳᠡᠯᠪᠢ!
— ᠪᠢᠳᠡᠨ ᠤᠷᠤᠭᠤ ᠬᠦᠷᠦᠭᠡᠳ ᠢᠷᠡ ᠳᠡᠭᠦᠦ ᠮᠢᠨᠢ!
— ᠨᠠᠮᠠ ᠶ᠋ᠢ ᠶᠠᠪᠤᠭᠤᠯ!
— ᠴᠢ ᠰᠠᠨᠠᠬᠤ ᠦᠭᠡᠢ ᠪᠠᠢᠭᠠ ᠶᠤᠮ ᠤᠤ᠂ ᠬᠠᠢᠷᠠᠲᠤ ᠮᠢᠨᠢ! ᠨᠠᠳᠠ ᠲᠠᠢ ᠬᠠᠮᠲᠤ ᠶᠠᠪᠤᠭᠠᠴᠢ᠃
ᠺᠠᠲ᠋ᠡᠷᠢᠨ᠂ ᠠᠯᠠᠷᠢᠺᠡ ᠬᠦᠩ ᠢ᠋ ᠬᠦᠴᠦᠷᠡᠬᠦ ᠦᠭᠡᠢ ᠭᠡᠳᠡᠭ ᠢ᠋ᠶ᠋ᠡᠨ ᠤᠬᠠᠭᠠᠷᠠᠵᠤ ᠡᠶᠡᠯᠳᠡᠭ ᠢ᠋ᠶ᠋ᠡᠷ ᠢᠨᠢᠶᠡᠮᠰᠦᠭᠯᠡᠨ
— ᠬᠣᠩᠭᠣᠷ ᠮᠢᠨᠢ! ᠪᠢ ᠪᠥᠵᠢᠭ ᠢ᠋ᠶ᠋ᠡᠨ ᠳᠠᠭᠤᠰᠬᠠᠭᠠᠳ ᠳᠠᠷᠠᠭᠠ ᠨᠢ ᠴᠢᠮᠠ ᠲᠠᠢ ᠬᠠᠮᠲᠤ ᠶᠠᠪᠤᠨᠠ ᠭᠡᠵᠦ ᠠᠮᠠᠯᠠᠶᠠ᠃
— ᠦᠭᠡᠢ᠂ ᠴᠢ ᠬᠤᠳᠠᠯ ᠬᠡᠯᠡᠵᠦ ᠪᠠᠢᠨᠠ᠃
— ᠨᠠᠳᠠ ᠤᠷᠤᠭᠤ ᠬᠠᠷᠠ᠂ ᠮᠢᠨᠦ ᠨᠢᠳᠦᠨ ᠳ᠋ᠦ᠍ ᠨᠢᠯᠪᠤᠰᠤ ᠬᠤᠷᠠᠭᠰᠠᠨ ᠪᠠᠢᠨᠠ᠃ ᠰᠢᠳᠢᠲᠦ ᠳᠠᠭᠢᠨᠢ ᠨᠤᠭᠤᠳ ᠤᠬᠢᠯᠠᠵᠤ ᠮᠡᠳᠡᠳᠡᠭ ᠦᠭᠡᠢ ᠶᠤᠮ᠂ ᠴᠢᠨᠦ ᠬᠠᠢᠷᠠ ᠡᠭᠦᠨ ᠢ᠋ ᠨᠠᠳᠠ ᠳ᠋ᠤ᠌ ᠵᠢᠭᠠᠭᠰᠠᠨ᠃
— ᠦᠭᠡᠢ ᠺᠠᠲ᠋ᠡᠷᠢᠨ᠂ ᠴᠢ ᠪᠣᠯ ᠮᠢᠨᠦᠬᠢ!
ᠡᠭᠡᠴᠢ ᠳᠡᠭᠦᠦᠰ ᠮᠢᠨᠢ᠃ ᠨᠠᠳᠠ ᠳ᠋ᠤ᠌ ᠬᠦᠴᠦ ᠬᠠᠢᠷᠠᠯᠠᠭᠠᠴᠢ!
ᠬᠦᠴᠦᠲᠡᠢ ᠪᠠᠢ ᠡᠭᠡᠴᠢ ᠮᠢᠨᠢ᠂ ᠬᠦᠴᠦᠲᠡᠢ ᠪᠠᠢ! ᠬᠦᠴᠦᠲᠡᠢ ᠪᠠᠢ ᠳᠡᠭᠦᠦ ᠮᠢᠨᠢ᠂ ᠬᠦᠴᠦᠲᠡᠢ ᠪᠠᠢ! ᠬᠦᠴᠦᠲᠡᠢ ᠪᠠᠢ ᠡᠭᠡᠴᠢ ᠮᠢᠨᠢ᠂ ᠬᠦᠴᠦᠲᠡᠢ ᠪᠠᠢ!
ᠲᠣᠭᠰᠢᠨ ᠪᠠᠢ ᠡᠭᠡᠴᠢ ᠮᠢᠨᠢ᠂ ᠲᠣᠭᠰᠢᠨ ᠪᠠᠢ! ᠳᠣᠭᠰᠢᠨ ᠪᠠᠢ ᠳᠡᠭᠦᠦ ᠮᠢᠨᠢ᠂ ᠳᠣᠭᠰᠢᠨ ᠪᠠᠢ! ᠳᠣᠭᠰᠢᠨ ᠪᠠᠢ ᠡᠭᠡᠴᠢ ᠮᠢᠨᠢ᠂ ᠳᠣᠭᠰᠢᠨ ᠪᠠᠢ!
ᠣᠷᠣᠰ ᠡᠭᠡᠴᠢ ᠮᠢᠨᠢ ᠣᠷᠣᠰ! ᠣᠷᠣᠰ ᠡᠭᠡᠴᠢ ᠮᠢᠨᠢ ᠣᠷᠣᠰ!
ᠰᠢᠲᠠ ᠡᠭᠡᠴᠢ ᠮᠢᠨᠢ᠂ ᠰᠢᠲᠠᠭᠠᠷᠠᠢ! ᠰᠢᠲᠠ ᠡᠭᠡᠴᠢ᠂ ᠮᠢᠨᠢ ᠰᠢᠲᠠᠭᠠᠷᠠᠢ!
ᠪᠢ ᠴᠢᠮᠠ ᠶ᠋ᠢ ᠦᠦᠷ ᠴᠠᠢᠲᠠᠯᠠ ᠪᠠᠷᠢᠵᠤ ᠴᠢᠳᠠᠪᠠᠯ ᠨᠢᠭᠡ ᠬᠡᠰᠡᠭ ᠴᠢᠨᠢ ᠮᠢᠨᠦ ᠬᠡᠪ ᠢ᠋ᠶ᠋ᠡᠷ ᠦᠯᠡᠳᠡᠨᠡ᠃
ᠬᠦᠩ ᠭᠠᠯ ᠤ᠋ᠨ ᠳᠥᠯᠥ ᠶ᠋ᠢ ᠠᠳᠬᠤᠭᠰᠠᠭᠠᠷ ᠪᠠᠢᠯᠠ᠃
— ᠴᠢ ᠮᠢᠨᠦ ᠬᠤᠪᠢ ᠳ᠋ᠤ᠌ ᠬᠡᠲᠦᠷᠬᠡᠢ ᠬᠦᠴᠦᠲᠡᠢ ᠶᠤᠮ᠃ ᠪᠢ ᠴᠢᠮᠠ ᠠ᠋ᠴᠠ ᠬᠣᠯᠠᠳᠠᠵᠤ ᠴᠢᠳᠠᠬᠤ ᠦᠭᠡᠢ᠃
ᠬᠦᠩ ᠵᠢᠷᠭᠠᠯ ᠲᠠᠢ ᠪᠠᠢᠯᠠ᠃
— ᠬᠠᠢᠷᠠ ᠮᠢᠨᠢ ᠲᠡᠭᠦᠰ ᠭᠡᠳᠡᠭ ᠢ᠋ ᠮᠡᠳᠡᠭᠡᠳ ᠪᠠᠢᠭᠰᠠᠨ ᠶᠤᠮ᠃ ᠺᠠᠲ᠋ᠡᠷᠢᠨ ᠴᠢ ᠵᠦᠭᠡᠷ ᠤᠤ? ᠬᠠᠢᠷᠠᠲᠤ ᠮᠢᠨᠢ!
ᠭᠡᠪᠡᠴᠦ ᠬᠦᠩ ᠦ᠋ᠨ ᠠᠪᠠᠬᠠᠢ ᠦᠭᠡ ᠬᠡᠯᠡᠭᠰᠡᠨ ᠦᠭᠡᠢ᠂ ᠤᠷᠤᠭᠤ ᠴᠢᠷᠠᠢᠯᠠᠨ ᠭᠤᠨᠢᠭᠯᠠᠵᠤ ᠪᠠᠢᠯᠠ᠃ ᠡᠬᠡᠨᠡᠷ ᠨᠢ ᠭᠤᠨᠢᠭ ᠲᠠᠢ ᠪᠠᠢᠬᠤ ᠶ᠋ᠢ ᠬᠠᠷᠠᠬᠤ ᠬᠦᠩ ᠳ᠋ᠦ᠍ ᠮᠠᠰᠢ ᠬᠡᠴᠡᠭᠦᠦ ᠪᠠᠢᠪᠠ᠃
— ᠺᠠᠲ᠋ᠡᠷᠢᠨ᠂ ᠴᠢ ᠨᠠᠳᠠ ᠲᠠᠢ ᠬᠠᠮᠲᠤ ᠦᠯᠡᠳᠡᠪᠡᠯ᠂ ᠴᠢ ᠰᠢᠳᠢᠲᠦ ᠳᠠᠭᠢᠨᠢ ᠨᠤᠭᠤᠳ ᠢ᠋ ᠰᠠᠨᠠᠵᠤ ᠭᠤᠨᠢᠭᠯᠠᠭᠰᠠᠨ ᠬᠡᠪ ᠢ᠋ᠶ᠋ᠡᠷ ᠪᠠᠢᠬᠤ ᠤᠤ?
— ᠪᠢ ᠲᠡᠳᠡᠨ ᠢ᠋ ᠦᠯᠦ ᠢᠯᠠᠬᠤ ᠰᠠᠨᠠᠬᠤ ᠬᠡᠳᠦᠢ ᠴᠦ᠍ ᠪᠢ ᠭᠤᠨᠢᠭᠯᠠᠬᠤ ᠦᠭᠡᠢ᠃ ᠭᠡᠪᠡᠴᠦ ᠥᠪᠡᠷ ᠦ᠋ᠨ ᠨᠢᠭᠡ ᠬᠡᠰᠡᠭ ᠢ᠋ᠶ᠋ᠡᠨ ᠠᠯᠳᠠᠭᠰᠠᠨ ᠭᠡᠳᠡᠭ ᠢ᠋ᠶ᠋ᠡᠨ ᠦᠷᠭᠦᠯᠵᠢ ᠮᠡᠳᠡᠷᠡᠬᠦ ᠪᠣᠯᠤᠨᠠ᠃
— ᠴᠢ ᠲᠡᠳᠡᠨ ᠳᠡᠭᠡᠷᠡ ᠪᠤᠴᠠᠵᠤ ᠣᠴᠢᠪᠠᠯ ᠨᠠᠮᠠ ᠶ᠋ᠢ ᠰᠠᠨᠠᠬᠤ ᠤᠤ?
— ᠦᠭᠡᠢ᠂ ᠪᠢ ᠴᠢᠮᠠ ᠶ᠋ᠢ ᠣᠭᠲᠣ ᠠ᠋ᠴᠠ ᠰᠠᠨᠠᠬᠤ ᠦᠭᠡᠢ᠃ ᠪᠢ ᠵᠥᠪᠬᠡᠨ ᠠᠵᠠ ᠵᠢᠷᠭᠠᠯ ᠲᠠᠢ ᠪᠠᠢᠬᠤ ᠪᠣᠯᠤᠨᠠ᠃
— ᠪᠢ ᠴᠢᠮᠠ ᠶ᠋ᠢ ᠭᠤᠨᠢᠭ ᠲᠠᠢ ᠪᠠᠢᠬᠤ ᠶ᠋ᠢ ᠬᠠᠷᠠᠵᠤ ᠴᠢᠳᠠᠬᠤ ᠦᠭᠡᠢ ᠨᠢ ᠬᠠᠢᠷᠠᠲᠤ ᠮᠢᠨᠢ᠃ ᠪᠢ ᠴᠢᠮᠠ ᠳ᠋ᠤ᠌ ᠬᠡᠲᠦᠷᠬᠡᠢ ᠶᠡᠬᠡ ᠬᠠᠢᠷᠠᠲᠠᠢ᠃ ᠬᠠᠢᠷᠠᠲᠤ ᠮᠢᠨᠢ! ᠲᠡᠳᠡᠨ ᠳᠡᠭᠡᠷᠡ ᠪᠡᠨ ᠪᠤᠴᠠᠭᠠᠳ ᠣᠴᠢ ᠳᠠ᠃ ᠠᠵᠠ ᠵᠢᠷᠭᠠᠯ ᠲᠠᠢ ᠪᠠᠢᠬᠤ ᠭᠠᠵᠠᠷ ᠤᠷᠤᠭᠤ ᠪᠠᠨ ᠶᠠᠪᠤ᠃
ᠠᠯᠠᠷᠢᠺᠡ ᠬᠦᠩ ᠨᠢᠭᠡ ᠴᠦ᠍ ᠤᠳᠠᠭᠠ ᠡᠷᠭᠢᠵᠦ ᠬᠠᠷᠠᠭᠰᠠᠨ ᠦᠭᠡᠢ᠃ ᠡᠷᠭᠢᠵᠦ ᠬᠠᠷᠠᠵᠤ ᠰᠡᠳᠬᠢᠯ ᠢ᠋ᠶ᠋ᠡᠨ ᠤᠯᠠᠮ ᠰᠢᠷᠬᠠᠲᠤᠭᠤᠯᠬᠤ ᠶ᠋ᠢ ᠬᠦᠰᠡᠭᠰᠡᠨ ᠦᠭᠡᠢ᠃ ᠣᠯᠠᠨ ᠴᠠᠭ ᠵᠣᠭᠰᠣᠯᠲᠠ ᠦᠭᠡᠢ ᠳᠠᠪᠬᠢᠭᠰᠠᠨ ᠤ᠋ ᠡᠴᠦᠰ ᠲᠦ᠍ ᠰᠢᠯᠲᠦᠭᠡᠨ ᠳ᠋ᠦ᠍ ᠪᠡᠨ ᠣᠴᠢᠯᠠ᠃
ᠲᠡᠷᠡ ᠬᠡᠨ ᠪᠣᠢ?
— ᠺᠠᠲ᠋ᠡᠷᠢᠨ!
— ᠦ᠂ ᠬᠠᠢᠷᠠᠲᠤ ᠮᠢᠨᠢ! ᠶᠠᠭᠤ ᠪᠣᠯᠤᠭᠠ ᠪᠣᠢ? ᠭᠡᠨᠡᠳᠲᠡ ᠰᠡᠷᠡᠲᠡᠯᠡ ᠪᠢ ᠡᠵᠡᠭᠦᠢ ᠲᠠᠯᠠ ᠳ᠋ᠤ᠌ ᠪᠢ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠪᠠᠢᠭᠰᠠᠨ᠃ ᠪᠢ ᠶᠠᠭᠠᠬᠢᠵᠤ ᠲᠡᠨᠳᠡ ᠣᠴᠢᠭᠰᠠᠨ ᠪᠣᠯ? ᠨᠠᠮᠠ ᠶ᠋ᠢ ᠬᠠᠢᠵᠤ ᠪᠠᠢᠭᠠ ᠶ᠋ᠢ ᠴᠢᠨᠢ ᠪᠢ ᠮᠡᠳᠡᠵᠦ ᠪᠠᠢᠭᠰᠠᠨ᠃
— ᠬᠣᠩᠭᠣᠷ ᠮᠢᠨᠢ᠂ ᠡᠨᠡ ᠴᠢᠬᠤᠯᠠ ᠪᠢᠰᠢ ᠳᠡ᠃ ᠬᠠᠮᠤᠭ ᠤ᠋ᠨ ᠭᠣᠣᠯ ᠨᠢ ᠴᠢ ᠡᠨᠳᠡ ᠨᠠᠳᠠ ᠲᠠᠢ ᠬᠠᠮᠲᠤ ᠪᠠᠢᠨᠠ᠃ ᠪᠢ ᠴᠢᠮᠠ ᠳ᠋ᠤ᠌ ᠬᠠᠢᠷᠠᠲᠠᠢ!
— ᠪᠢ ᠴᠦ᠍ ᠪᠠᠰᠠ ᠴᠢᠮᠠ ᠳ᠋ᠤ᠌ ᠪᠠᠨ ᠬᠠᠢᠷᠠᠲᠠᠢ᠃
ᠦᠨᠡᠨ ᠰᠡᠳᠬᠢᠯ ᠡᠴᠡ ᠪᠡᠨ ᠬᠡᠯᠡᠵᠦ ᠪᠠᠢᠭᠠ ᠶ᠋ᠢ ᠨᠢ ᠬᠦᠩ ᠮᠡᠳᠡᠵᠦ ᠪᠠᠢᠯᠠ᠃ ᠺᠠᠲ᠋ᠡᠷᠢᠨ ᠵᠥᠪᠬᠡᠨ ᠲᠡᠭᠦᠨ ᠤᠷᠤᠭᠤ ᠯᠠ ᠬᠠᠷᠠᠵᠤ ᠪᠠᠢᠯᠠ᠃ ᠠᠯᠠᠷᠢᠺᠡ ᠬᠦᠩ ᠦ᠋ᠨ ᠢᠲᠡᠭᠡᠯ ᠦᠨᠡᠮᠰᠢᠯ᠂ ᠦᠨᠡᠨ ᠬᠠᠢᠷᠠ ᠭᠡᠷᠭᠡᠢ ᠶ᠋ᠢ ᠨᠢ ᠲᠡᠭᠦᠨ ᠳᠡᠭᠡᠷᠡ ᠪᠤᠴᠠᠭᠠᠨ ᠠᠪᠴᠢᠷᠠᠭᠰᠠᠨ ᠪᠠᠢᠪᠠ᠃
ᠲᠡᠭᠦᠰ ᠬᠠᠢᠷᠠ ᠭᠡᠵᠦ ᠬᠠᠢᠷᠠᠲᠠᠢ ᠬᠥᠮᠦᠨ ᠦ᠌ ᠪᠡᠨ ᠠᠵᠠ ᠵᠢᠷᠭᠠᠯ ᠢ᠋ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠠᠵᠠ ᠵᠢᠷᠭᠠᠯ ᠠ᠋ᠴᠠ ᠢᠯᠡᠭᠦᠦ ᠳ᠋ᠦ᠍ ᠦᠵᠡᠬᠦ ᠶ᠋ᠢ ᠬᠡᠯᠡᠳᠡᠭ ᠶᠤᠮ᠃