ᠬᠡᠷᠦᠯᠦᠨ ᠭᠣᠣᠯ ᠤᠨ ᠤᠨᠠᠭᠠ Хэрлэн голын унага
402ᠬᠡᠷᠦᠯᠦᠨ ᠭᠣᠣᠯ ᠤᠨ ᠤᠨᠠᠭᠠ
ᠬᠡᠨᠲᠡᠢ ᠠᠢᠮᠠᠭ ᠤ᠋ᠨ ᠤᠨᠠᠭᠠ
ᠬᠡᠭᠡᠷ ᠬᠠᠯᠲᠠᠷ ᠮᠣᠷᠢ ᠮᠢᠨᠢ
ᠬᠡᠷᠦᠯᠦᠨ ᠭᠣᠣᠯ ᠤ᠋ᠨ ᠤᠰᠤᠨ ᠳ᠋ᠤ᠌ ᠪᠠᠨ
ᠱᠤᠩᠭᠤᠵᠤ ᠥᠰᠦᠭᠰᠡᠨ ᠠᠳᠤᠭᠤ ᠮᠢᠨᠢ
ᠳᠠᠭᠠ ᠡᠴᠡ ᠪᠡᠨ ᠳᠠᠪᠬᠢᠵᠤ
ᠲᠠᠩᠳᠠ ᠲᠦᠷᠦᠭᠦᠯᠡᠨ ᠴᠣᠯᠠᠯᠠᠭᠤᠯᠵᠤ
ᠳᠠᠶᠠᠭᠠᠷ ᠣᠯᠠᠨ ᠳ᠋ᠤ᠌ ᠪᠠᠨ ᠠᠯᠳᠠᠷᠲᠠᠢ
ᠳᠠᠭᠠᠭᠠᠮᠠᠢ ᠬᠤᠷᠳᠤᠨ ᠮᠣᠷᠢ ᠮᠢᠨᠢ
ᠪᠠᠶᠠᠷ ᠨᠠᠭᠠᠳᠤᠮ ᠤ᠋ᠨ ᠴᠢᠮᠡᠭ
ᠪᠠᠢᠭᠠ ᠣᠯᠠᠨ ᠤ᠋ ᠭᠠᠢᠬᠠᠮᠰᠢᠭ
ᠪᠠᠶᠠᠯᠢᠭ ᠰᠦᠷᠦᠭ ᠦ᠋ᠨ ᠤᠨᠠᠭᠠᠨ ᠤ᠋ ᠪᠠᠨ
ᠪᠠᠢᠳᠠᠯ ᠲᠥᠯᠥᠪ ᠢ᠋ ᠬᠡᠯᠡᠶᠡ᠄
ᠰᠠᠷᠠᠨ ᠰᠢᠭᠦᠷ ᠦ᠋ᠨ ᠠᠳᠠᠯᠢᠬᠠᠨ
ᠪᠥᠬᠥᠢᠵᠦ ᠤᠷᠭᠤᠭᠰᠠᠨ ᠳᠡᠯ ᠲᠡᠢ
ᠰᠠᠩᠵᠠᠢ ᠶ᠋ᠢᠨ ᠠᠯᠲᠠᠨ ᠵᠢᠭᠠᠰᠤ ᠰᠢᠭ᠋
ᠮᠡᠯᠮᠡᠯᠵᠡᠭᠰᠡᠨ ᠨᠢᠳᠦ ᠲᠡᠢ
ᠰᠠᠮᠢᠶᠠ ᠪᠠᠳᠮᠠ ᠯᠢᠩᠬᠤᠠ ᠰᠢᠭ᠋
ᠴᠣᠷᠪᠣᠯᠵᠠᠭᠰᠠᠨ ᠴᠢᠬᠢ ᠲᠡᠢ
ᠰᠠᠷᠠᠭᠤᠯ ᠡᠷᠳᠡᠨᠢ ᠶ᠋ᠢᠨ ᠬᠣᠩᠬᠣ ᠮᠡᠲᠦ
ᠪᠥᠮᠪᠥᠭᠡᠷᠬᠡᠨ ᠮᠠᠩᠨᠠᠢ ᠲᠠᠢ
ᠰᠠᠢᠬᠠᠨ ᠮᠣᠯᠴᠣᠭ ᠤ᠋ᠨ ᠠᠳᠠᠯᠢᠬᠠᠨ
ᠲᠤᠭ ᠰᠠᠢᠬᠠᠨ ᠰᠡᠭᠦᠯ ᠲᠡᠢ
ᠰᠠᠯᠬᠢᠨ ᠤ᠋ ᠬᠤᠷᠳᠤ ᠠᠳᠠᠯᠢᠬᠠᠨ
ᠬᠤᠷᠳᠤᠨ ᠳᠥᠷᠪᠡᠨ ᠲᠤᠭᠤᠷᠠᠢ ᠲᠠᠢ
ᠽᠠᠨᠳᠠᠨ ᠮᠣᠳᠣᠨ ᠤ᠋ ᠨᠠᠪᠴᠢ ᠰᠢᠭ
ᠥᠨᠢᠷ ᠣᠯᠠᠨ ᠢᠵᠢᠯᠢ ᠲᠡᠢ
ᠰᠠᠢᠪᠤᠷ ᠵᠢᠷᠣᠭᠠ ᠬᠠᠲᠠᠷᠢ ᠲᠠᠢ
ᠰᠠᠢᠨ ᠮᠣᠷᠢ ᠪᠠᠨ ᠶᠠᠷᠢᠬᠤ ᠳ᠋ᠤ᠌
ᠤᠷᠤᠯᠳᠤᠭᠠᠨ ᠳ᠋ᠤ᠌ ᠲᠠᠯᠪᠢᠳᠠᠭ ᠬᠤᠷᠳᠤᠨ ᠮᠣᠷᠢ
ᠤᠰᠤᠨ ᠲᠡᠯᠮᠡᠨ ᠵᠢᠷᠣᠭᠠ ᠮᠣᠷᠢ
ᠠᠭᠤᠳᠠᠮ ᠳᠠᠭᠠᠭᠠᠮᠠᠢ ᠬᠠᠲᠠᠷᠢ ᠲᠠᠢ ᠮᠣᠷᠢ
ᠤᠷᠭᠠ ᠶ᠋ᠢᠨ ᠰᠡᠷᠭᠦᠯᠡᠩ ᠴᠣᠪᠣᠭᠣ ᠮᠣᠷᠢ
ᠣᠨᠣᠯᠭᠠ ᠡᠳ᠋ᠯᠡᠭᠡ ᠲᠠᠲᠠᠭ ᠮᠣᠷᠢ
ᠤᠳᠤᠮ ᠰᠠᠢᠲᠠᠢ ᠡᠷᠬᠢᠮ ᠮᠣᠷᠢ
ᠤᠰᠤ ᠨᠤᠲᠤᠭ ᠤ᠋ᠨ ᠰᠢᠨᠵᠢ ᠪᠡᠷ
ᠠᠭᠤᠳᠠᠮ ᠮᠣᠩᠭᠣᠯ ᠳ᠋ᠤ᠌ ᠲᠥᠷᠥᠳᠡᠭ ᠪᠠᠢᠨᠠ᠃
ᠡᠮᠡᠭᠡᠯ ᠲᠣᠬᠣᠭᠠᠳ ᠤᠶᠠᠴᠢᠬᠠᠬᠤ ᠪᠠᠷ
ᠨᠢᠳᠦᠨ ᠦ᠌ ᠴᠢᠮᠡᠭ ᠮᠣᠷᠢ
ᠡᠳ᠋ᠯᠡᠵᠦ ᠤᠨᠤᠭᠠᠳ ᠶᠠᠪᠤᠬᠤ ᠳ᠋ᠤ᠌
ᠡᠵᠡᠨ ᠪᠡᠶᠡ ᠶ᠋ᠢᠨ ᠴᠢᠮᠡᠭ ᠮᠣᠷᠢ
ᠡᠯᠪᠡᠭ ᠰᠦᠷᠦᠭ ᠦ᠋ᠨ ᠤᠨᠠᠭᠠ
ᠡᠷᠳᠡᠨᠢ ᠬᠦᠯᠦᠭ ᠮᠣᠷᠢ ᠮᠢᠨᠢ
Хэрлэн голын унага
Хэнтий аймгийн унага
Хээр халтар морь минь
Хэрлэн голын усандаа
Шунгаж өссөн адуу минь
Дааганаасаа давхиж
Дандаа түрүүлэн цоллуулж
Даяар олондоо алдартай
Даамай хурдан морь минь
Баяр наадмын чимэг
Байгаа олны гайхамшиг
Баялаг сүргийн унаганыхаа
Байдал төлөвийг хэлье:
Саран шүхрийн адилхан
Бөхийж ургасан дэлтэй
Санзайн алтан загас шиг
Мэлмэлзсэн нүдтэй
Самъяа бадам лянхуа шиг
Цорволзсон чихтэй
Саруул эрдэнийн хонх мэт
Бөмбөгөрхөн магнайтай
Сайхан молцгийн адилхан
Туг сайхан сүүлтэй
Салхины хурд адилхан
Хурдан дөрвөн туурайтай
Зандан модны навч шиг
Өнөр олон ижилтэй
Сайвар жороо хатиртай
Сайн морио ярихад
Уралдаанд тавьдаг хурдан морь
Усан тэлмэн жороо морь
Уудам даамай хатиртай морь
Уургын сэргэлэн цовоо морь
Уналга эдэлгээ даадаг морь
Удам сайтай эрхэм морь
Ус нутгийн шинжээр
Уудам Монголд төрдөг байна.
Эмээл тохоод уячихаар
Нүдний чимэг морь
Эдэлж унаад явахад
Эзэн биеийн чимэг морь
Элбэг сүргийн унага
Эрдэнэ хүлэг морь минь