ᠦᠬᠡᠷ ᠰᠥᠷᠦᠭ Үхэр сүрэг
330ᠦᠬᠡᠷ ᠰᠥᠷᠦᠭ
ᠦᠬᠡᠷ ᠮᠥᠷᠭᠦᠳᠡᠭ ᠦᠭᠡᠢ
ᠦᠨᠢᠶᠡ ᠰᠤᠪᠠᠢᠷᠠᠭᠤᠯᠳᠠᠭ ᠦᠭᠡᠢ
ᠳᠤᠭᠤᠯᠠᠭᠠ ᠬᠦᠵᠦᠭᠦᠦ ᠨᠢ ᠪᠦᠳᠦᠭᠦᠷᠡᠭᠰᠡᠨ
ᠳᠤᠬᠤ ᠮᠠᠩᠨᠠᠢ ᠨᠢ ᠪᠤᠷᠵᠢᠢᠭᠰᠠᠨ
ᠪᠥᠭᠲᠥᠷ ᠰᠡᠷᠪᠡᠭᠡ ᠲᠡᠢ
ᠪᠥᠭᠡᠷᠡᠩᠬᠡᠢ ᠡᠪᠡᠷ ᠲᠡᠢ
ᠲᠤᠷᠠᠵᠤ ᠡᠴᠡᠵᠦ ᠶᠠᠳᠠᠷᠠᠭᠠ ᠦᠭᠡᠢ
ᠲᠤᠭᠤᠯ ᠮᠢᠬᠠ ᠪᠠᠨ ᠪᠠᠷᠠᠭᠠ ᠦᠭᠡᠢ
ᠤᠭᠲᠤᠵᠤ ᠬᠡᠷᠳᠡᠭ
ᠤᠷᠤᠮᠳᠠᠵᠤ ᠮᠥᠭᠡᠷᠡᠳᠡᠭ
ᠤᠯᠠᠭᠠᠨ ᠬᠦᠷᠡᠩ ᠪᠤᠬᠠᠨ ᠤ᠋
ᠠᠭᠤᠯᠠ ᠢᠵᠢᠯᠢ ᠰᠦᠷᠦᠭ ᠨᠢ ᠭᠡᠪᠡᠯ
ᠰᠡᠪᠡᠭ ᠰᠠᠢᠲᠠᠢ ᠰᠠᠷᠯᠤᠭ ᠤ᠋ᠳ
ᠰᠠᠢᠬᠠᠨ ᠪᠡᠶᠡ ᠲᠡᠢ ᠬᠠᠢᠨᠤᠭ ᠤ᠋ᠳ
ᠰᠠᠢᠨ ᠤᠭᠰᠠᠭᠠᠨ ᠤ᠋ ᠦᠨᠢᠶᠡ ᠨᠦ᠍ᠭᠦᠳ
ᠷᠠᠰᠢᠶᠠᠨ ᠪᠤᠯᠠᠭ ᠰᠢᠭ᠋ ᠰᠦ ᠪᠡᠷ ᠢ᠋ᠶ᠋ᠡᠨ
ᠠᠷᠠᠳ ᠲᠦᠮᠡᠨ ᠢ᠋ ᠬᠠᠩᠭᠠᠭᠰᠠᠨ
ᠠᠷᠠᠰᠤ ᠰᠢᠷᠢ ᠪᠡᠷ ᠵᠤᠵᠠᠭᠠᠨ
ᠠᠰᠢᠭ ᠰᠢᠮᠡ ᠪᠡᠷ ᠠᠷᠪᠢᠨ
ᠰᠠᠯᠠᠭᠠ ᠳᠥᠷᠪᠡᠨ ᠲᠤᠭᠤᠷᠠᠢ ᠲᠠᠢ
ᠰᠠᠬᠤᠯᠢᠭ ᠶᠡᠬᠡ ᠬᠥᠭᠡᠪᠦᠷ ᠲᠡᠢ
ᠰᠠᠭᠠᠯᠭᠠᠭᠰᠠᠨ ᠰᠦ ᠨᠢ ᠰᠠᠪᠠ ᠳᠦᠭᠦᠷᠴᠦ
ᠰᠠᠢᠬᠠᠨ ᠢᠳᠡᠭᠡ ᠨᠢ ᠲᠠᠪᠠᠭ ᠳᠦᠭᠦᠷᠴᠦ
ᠮᠥᠭᠡᠷᠡᠵᠦ ᠠᠭᠤᠯᠵᠠᠬᠤ ᠨᠢ
ᠮᠥᠷᠥᠭᠡᠳᠦᠯ ᠦ᠋ᠨ ᠰᠢᠨᠵᠢ ᠲᠡᠢ
ᠮᠥᠷᠭᠥᠯᠳᠦᠵᠦ ᠰᠠᠯᠬᠤ ᠨᠢ
ᠲᠡᠷᠰᠡᠬᠦ ᠶ᠋ᠢᠨ ᠶᠠᠩᠵᠤ ᠲᠠᠢ
ᠲᠡᠷᠭᠡᠨ ᠳ᠋ᠦ᠍ ᠣᠷᠣᠪᠠᠯ ᠲᠡᠩᠬᠡᠭᠡ ᠲᠡᠢ
ᠲᠡᠨᠡᠭ ᠨᠢ ᠬᠥᠳᠡᠯᠪᠡᠯ ᠠᠲᠠᠷᠠᠭᠠ ᠲᠠᠢ
ᠵᠠᠭᠠᠨ ᠠ᠋ᠴᠠ ᠳᠤᠲᠠᠭᠤ ᠦᠭᠡᠢ ᠴᠢᠳᠠᠯ ᠲᠠᠢ
ᠵᠢᠭᠠᠰᠤᠨ ᠠ᠋ᠴᠠ ᠳᠤᠲᠠᠭᠤ ᠦᠭᠡᠢ ᠤᠰᠤᠴᠢᠨ
ᠵᠠᠮ ᠲᠠᠭᠠᠷᠠᠪᠠᠯ ᠴᠤᠪᠤᠳᠠᠭ
ᠵᠠᠯᠬᠠᠭᠤ ᠨᠢ ᠭᠥᠷᠪᠡᠯ ᠬᠡᠪᠲᠡᠳᠡᠭ
ᠬᠡᠭᠡᠷᠡ ᠶ᠋ᠢᠨ ᠪᠡᠯᠴᠢᠭᠡᠷ ᠲᠦ᠍ ᠬᠡᠪᠲᠡᠮᠡᠲᠡᠭᠡᠢ
ᠬᠡᠯᠡ ᠪᠡᠨ ᠣᠷᠢᠶᠠᠵᠤ ᠢᠳᠡᠮᠡᠲᠡᠭᠡᠢ
ᠨᠠᠨᠵᠢᠨ ᠰᠤᠭᠤ ᠡᠪᠡᠷ ᠲᠡᠢ
ᠨᠠᠷᠢᠨ ᠭᠣᠶᠣᠮᠰᠣᠭ ᠰᠡᠭᠦᠯ ᠲᠡᠢ
ᠬᠦᠵᠦᠭᠦᠦ ᠰᠡᠷᠪᠡᠭᠡ ᠨᠢ ᠲᠦᠭᠦᠢᠭᠰᠡᠨ
ᠬᠥᠬᠥ ᠳᠠᠯᠠᠩ ᠨᠢ ᠰᠡᠷᠡᠢᠭᠰᠡᠨ
ᠬᠦᠳᠡᠷ ᠴᠢᠭᠢᠷᠠᠭ ᠰᠢᠨᠳᠠᠰᠤ ᠲᠠᠢ
ᠬᠦᠴᠦ ᠲᠠᠷᠭᠤ ᠶᠡᠬᠡ ᠲᠡᠢ
ᠲᠥᠭᠡᠷᠢᠵᠥ ᠶᠡᠷᠦ ᠳ᠋ᠡᠭᠡᠨ ᠦᠵᠡᠭᠡ ᠦᠭᠡᠢ
ᠲᠥᠯ ᠶᠡᠷᠦᠳᠡᠭᠡᠨ ᠠᠯᠳᠠᠳᠠᠭ ᠦᠭᠡᠢ
ᠴᠤᠪᠤᠵᠤ ᠢᠷᠡᠳᠡᠭ
ᠴᠤᠭᠯᠠᠷᠠᠵᠤ ᠰᠠᠭᠠᠯᠭᠠᠳᠠᠭ
ᠰᠦᠨ ᠳᠠᠯᠠᠢ ᠰᠦᠷᠦᠭ ᠦ᠋ᠨ ᠳᠡᠭᠡᠳᠦ
ᠦᠬᠡᠷ ᠰᠦᠷᠦᠭ ᠶᠤᠮ ᠡ᠃
Үхэр сүрэг
Үхэр мөргөдөггуй
Үнээ сувайруулдаггүй
Дуулга хүзүү нь бүдүүрсэн
Дух магнай нь буржийсан
Бөгтөр сэрвээтэй
Бөөрөнхий эвэртэй
Турж эцэж ядраагүй
Тугал махаа бараагүй
Угтаж хэрдэг
Урамдаж мөөрдөг
Улаан хүрэн бухны
Уул ижил сүрэг нь гэвэл
Саваг сайтай сарлагууд
Сайхан биетэй хайнагууд
Сайн угсааны үнээнүүд
Рашаан булаг шиг сүүгээрээ
Ард түмнийг хангасан
Арьс ширээр зузаан
Ашиг шимээр арвин
Салаа дөрвөн туурайтай
Сахлаг их хөөвөртэй
Саалгасан сүү нь сав дүүрч
Сайхан идээ нь таваг дүүрч
Мөөрч уулзах нь
Мөрөөдлийн шинжтэй
Мөргөлдөж салах нь
Тэрсэхийн янзтай
Тэргэнд орвол тэнхээтэй
Тэнэг нь хөдөлбөл адраатай
Заанаас дутуугүй чадалтай
Загаснаас дутуугүй усчин
Зам таарвал цувдаг
Залхуу нь хүрвэл хэвтдэг
Хээрийн бэлчээрт хэвтэмтгий
Хэлээ ороож идэмтгий
Нанжин согоо эвэртэй
Нарийн гоёмсог сүүлтэй
Хүзүү сэрвээ нь түхийсэн
Хөх дэлэн нь сэрийсэн
Хүдэр чийрэг шандастай
Хүч тарга ихтэй
Төөрч ердөө үзээгүй
Төл ердөө алддаггүй
Цувж ирдэг цугларч саалгадаг
Сүүн далай сүргийн дээд үхэр сүрэг юмаа.