ᠬᠣᠨᠢᠨ ᠰᠥᠷᠦᠭ Хонин сүрэг
329ᠬᠣᠨᠢᠨ ᠰᠥᠷᠦᠭ
ᠬᠣᠨᠢᠨ ᠰᠥᠷᠦᠭ
ᠬᠣᠷᠣᠭᠠ ᠬᠣᠲᠠ ᠪᠠᠨ ᠴᠢᠮᠡᠭᠯᠡᠭᠰᠡᠨ
ᠬᠣᠩᠬᠣᠷ ᠳᠦᠭᠦᠷᠡᠩ ᠪᠢᠯᠬᠠᠭᠰᠠᠨ
ᠬᠣᠩᠭᠣᠷ ᠰᠦ ᠨᠢ ᠮᠡᠯᠲᠡᠯᠵᠡᠭᠰᠡᠨ
ᠬᠣᠭᠣᠷᠮᠠᠭ ᠲᠠᠷᠠᠭ ᠨᠢ ᠳᠡᠯᠭᠡᠷᠡᠭᠰᠡᠨ
ᠬᠣᠲᠠᠯᠠᠵᠤ ᠢᠷᠡᠳᠡᠭ ᠬᠤᠷᠠᠵᠤ ᠵᠣᠭᠰᠣᠳᠠᠭ
ᠬᠤᠨ ᠴᠠᠭᠠᠨ ᠵᠢᠰᠦ ᠲᠡᠢ
ᠬᠣᠨᠢᠨ ᠣᠯᠠᠨ ᠰᠦᠷᠦᠭ
ᠬᠤᠷᠠᠭᠠᠯᠠᠵᠤ ᠲᠥᠯᠯᠡᠬᠦ ᠦᠶᠡ ᠳ᠋ᠦ᠍ ᠨᠢ
ᠬᠠᠭᠤᠷᠠᠢ ᠪᠠᠭᠤᠴᠠ ᠪᠠᠵᠠᠭᠠᠭᠰᠠᠨ
ᠬᠤᠵᠢᠷ ᠱᠡᠦ ᠵᠡᠬᠡᠭᠰᠡᠨ
ᠬᠠᠰᠢᠶᠠ ᠬᠣᠷᠣᠭᠠ ᠵᠠᠰᠠᠭᠰᠠᠨ
ᠬᠠᠳᠤᠯᠠᠩ ᠪᠣᠷᠳᠣᠭᠠ ᠪᠡᠯᠡᠳᠦᠭᠰᠡᠨ
ᠬᠠᠯᠠᠭᠤᠴᠠᠮᠠ ᠳᠤᠯᠠᠭᠠᠨ ᠬᠡᠪᠲᠡᠷᠢ
ᠬᠦᠷᠪᠡ ᠨᠢᠯᠬᠠ ᠶ᠋ᠢᠨ ᠲᠠᠰᠤᠯᠭᠠ
ᠤᠭᠤᠲᠠ᠂ ᠤᠭᠵᠢ ᠬᠦᠷᠲᠡᠯᠡ ᠪᠡᠯᠡᠨ
ᠤᠰᠤ ᠨᠢ ᠬᠥᠯᠳᠡᠬᠦ ᠦᠭᠡᠢ ᠬᠤᠳᠳᠤᠭ ᠲᠠᠢ
ᠠᠷᠢᠭᠤᠨ ᠴᠡᠪᠡᠷ ᠦ᠋ᠨ ᠬᠡᠷᠡᠭᠯᠡᠯ ᠲᠡᠢ
ᠠᠨᠠᠭᠠᠬᠤ ᠡᠮ ᠢ᠋ᠶ᠋ᠡᠷ ᠬᠠᠩᠭᠠᠯᠲᠠ ᠲᠠᠢ
ᠠᠷᠠᠴᠢᠯᠠᠬᠤ ᠡᠮᠴᠢ ᠵᠢᠵᠢᠭᠦᠷ ᠲᠡᠢ
ᠬᠥᠪᠦᠩ ᠵᠥᠭᠡᠯᠡᠨ ᠨᠣᠣᠰᠣ ᠪᠠᠷ ᠢ᠋ᠶ᠋ᠠᠨ
ᠬᠥᠷᠥᠰᠥᠯᠢᠭ ᠳᠤᠯᠠᠭᠠᠨ ᠠᠷᠠᠰᠤ ᠪᠠᠷ ᠢ᠋ᠶ᠋ᠠᠨ
ᠬᠥᠯᠳᠡᠭᠦᠦ ᠲᠦᠭᠦᠬᠡᠢ ᠡᠳ᠋ ᠢ᠋ᠶ᠋ᠡᠷ ᠢ᠋ᠶ᠋ᠡᠨ
ᠪᠡᠯᠡᠳᠬᠡᠯ ᠦ᠋ᠨ ᠲᠥᠯᠥᠪᠯᠡᠭᠡ ᠬᠠᠩᠭᠠᠵᠤ
ᠪᠡᠯᠡᠨ ᠰᠠᠢᠬᠠᠨ ᠡᠳ᠋ ᠪᠣᠯᠵᠤ
ᠪᠢᠳᠡ ᠪᠦᠬᠦᠨ ᠢ᠋ᠶ᠋ᠡᠨ ᠬᠠᠩᠭᠠᠳᠠᠭ
ᠬᠠᠪᠲᠠᠭᠠᠢ ᠳᠥᠷᠪᠡᠯᠵᠢᠨ ᠤᠭᠤᠴᠠ ᠲᠠᠢ᠂
ᠬᠠᠯᠪᠠᠭᠠᠷ ᠲᠣᠭᠣᠷᠢᠭ ᠰᠡᠭᠦᠯ ᠲᠡᠢ
ᠬᠠᠯᠠᠭᠤᠨ ᠳᠤᠯᠠᠭᠠᠨ ᠢᠯᠴᠢ ᠲᠡᠢ
ᠬᠠᠮᠤᠭ ᠤ᠋ᠨ ᠴᠢᠬᠤᠯᠠ ᠠᠰᠢᠭᠲᠠᠢ
ᠬᠠᠰᠢᠷ ᠮᠠᠯᠴᠢᠨ ᠡᠵᠡᠨ ᠲᠡᠢ
ᠣᠯᠠᠨ ᠵᠤᠤᠭᠠ ᠪᠠᠷ ᠰᠠᠭᠤᠷᠢᠯᠠᠭᠰᠠᠨ
ᠣᠪᠣᠭᠠ ᠲᠤᠯᠤᠭᠠᠳ ᠪᠦᠷᠬᠦᠭᠰᠡᠨ
ᠣᠢᠷᠠ ᠬᠣᠯᠠ ᠶ᠋ᠢᠨ ᠬᠠᠷᠢᠭᠤᠯᠭᠠ ᠲᠠᠢ
ᠣᠯᠠᠨ ᠵᠠᠮ ᠤ᠋ᠨ ᠪᠡᠯᠴᠢᠭᠡᠷ ᠲᠡᠢ
ᠳᠠᠭᠠᠨᠠ ᠨᠣᠭᠣᠭᠠ ᠬᠠᠩᠬᠤᠯᠤᠭᠰᠠᠨ
ᠳᠡᠪᠡᠷ ᠲᠣᠪᠣᠷ ᠬᠡᠪᠢᠰᠦᠨ
ᠲᠠᠷᠠᠢᠵᠤ ᠲᠡᠷᠡᠢᠵᠦ ᠢᠷᠠᠭᠯᠠᠭᠰᠠᠨ
ᠲᠠᠷᠭᠤ ᠬᠦᠴᠦ ᠨᠢ ᠭᠦᠢᠴᠡᠭᠰᠡᠨ
ᠲᠠᠷᠢᠶᠠ ᠪᠤᠳᠠᠭᠠ ᠰᠢᠭ᠋ ᠦᠷᠡᠵᠢᠭᠰᠡᠨ
ᠲᠠᠩᠰᠤᠭ ᠪᠠᠶᠠᠨ ᠰᠦᠷᠦᠭ ᠶᠤᠮ ᠡ᠃
Хонин сүрэг
Хороо хотоо чимэглэсэн
Хонхор дүүрэн бялхсан
Хонгор сүү нь мэлтэлзсэн
Хоормог тараг нь дэлгэрсэн
Хотолж ирдэг хурж зогсдог
Хун цагаан зүстэй
Хонин олон сүрэг
Хургалж төллөх үед нь
Хуурай бууц базаасан
Хужир шүү зэхсэн
Хашаа хороо зассан
Хадлан бордоо бэлдсэн
Халууцам дулаан хэвтэр
Хөрвө нялхын тасалгаа
Уут, угж хүртэл бэлэн
Ус нь хөлдөхгүй худагтай
Ариун цэврийн хэрэглэлтэй
Анагаах эмээр хангалттай
Арчлах эмч жижүүртэй
Хөвөн зөөлөн ноосоороо
Хөрслөг дулаан арьсаараа
Хөлдүү түүхий эдээрээ
Бэлтгэлийн төлөвлөгөө хангаж
Бэлэн сайхан эд болж
Бид бүхнээ хангадаг
Хавтгай дөрвөлжин ууцтай,
Халбагар дугариг сүүлтэй
Халуун дулаан илчтэй
Хамгийн чухал ашигтай
Хашир малчин эзэнтэй
Олон зуугаар суурилсан
Овоо толгод бүрхсэн
Ойр холын хариулгатай
Олон замын бэлчээртэй
Таана ногоо ханхалсан
Тавар товор хивсэн
Тарайж тэрийж ярагласан
Тарга хүч нь гүйцсэн
Тариа будаа шиг үржсэн
Тансаг баян сүрэг юмаа.