ᠮᠥᠩᠭᠥᠨ ᠭᠦᠢᠯᠡᠰᠦМөнгөн гүйлс
725
ᠮᠥᠩᠭᠥᠨ ᠭᠦᠢᠯᠡᠰᠦ
ᠮᠥᠩᠭᠥᠨ ᠭᠦᠢᠯᠡᠰᠦᠨ ᠦ᠌ ᠢᠵᠠᠭᠤᠷ
ᠨᠠᠪᠴᠢ ᠵᠤᠯᠭᠠᠷᠠᠬᠤ ᠲᠤᠷᠤᠭ ᠮᠣᠳᠣ᠂30—40m ᠥᠨᠳᠥᠷ᠂ ᠮᠥᠴᠢᠷ ᠨᠢ ᠤᠷᠲᠤ ᠪᠣᠭᠣᠨᠢ ᠬᠣᠶᠠᠷ ᠵᠦᠢᠯ ᠪᠣᠢ᠃ ᠳᠠᠩ ᠨᠠᠪᠴᠢ ᠨᠢ ᠳᠡᠪᠢᠭᠦᠷ ᠬᠡᠯᠪᠡᠷᠢ ᠲᠡᠢ᠂4—8cm ᠤᠷᠲᠤ᠂ ᠤᠷᠲᠤ ᠮᠥᠴᠢᠷ ᠳᠡᠭᠡᠷᠡ ᠪᠡᠨ ᠴᠤᠪᠤᠷᠠᠨ ᠤᠷᠭᠤᠵᠤ᠂ ᠪᠣᠭᠣᠨᠢ ᠮᠥᠴᠢᠷ ᠳᠡᠭᠡᠷᠡ ᠪᠡᠨ ᠪᠠᠭᠯᠠᠷᠠᠨ ᠤᠷᠭᠤᠨᠠ᠂ ᠢᠯᠲᠠᠰᠤ ᠨᠢ ᠦᠵᠦᠭᠦᠷ ᠲᠡᠭᠡᠨ ᠭᠦᠢᠬᠡᠨ ᠣᠨᠢ ᠲᠠᠢ᠂ ᠵᠡᠷᠭᠡᠴᠡᠭᠡ ᠠᠴᠠ ᠰᠢᠭ᠋ ᠰᠤᠳᠠᠯ ᠲᠠᠢ᠂2.5—7cm ᠤᠷᠲᠤ ᠪᠠᠷᠢᠭᠤᠯ ᠲᠠᠢ᠂ ᠴᠡᠴᠡᠭ ᠨᠢ ᠭᠠᠭᠴᠠ ᠪᠡᠯᠭᠡ ᠲᠡᠢ ᠪᠥᠭᠡᠳ ᠣᠨᠳᠣᠣ ᠭᠡᠷ ᠲᠡᠢ᠃ ᠡᠷᠡ ᠴᠡᠴᠡᠭ ᠨᠢ ᠣᠬᠣᠷᠬᠠᠨ ᠤᠨᠵᠢᠭᠢᠷ ᠪᠠᠭ ᠴᠡᠴᠡᠭ ᠪᠦᠷᠢᠯᠳᠦᠵᠦ ᠣᠬᠣᠷ ᠮᠥᠴᠢᠷ ᠦ᠋ᠨ ᠨᠠᠪᠴᠢᠨ ᠤ᠋ ᠥᠪᠥᠷ ᠲᠦ᠍ 4—6 ᠪᠠᠷ ᠤᠷᠭᠤᠨᠠ᠂ ᠣᠯᠠᠨ ᠡᠷᠡ ᠲᠣᠭᠣᠷᠴᠣᠭ ᠲᠠᠢ᠃ ᠡᠮᠡ ᠴᠡᠴᠡᠭ ᠨᠢ2—6 ᠪᠠᠷ ᠪᠣᠭᠣᠨᠢ ᠮᠥᠴᠢᠷ ᠳᠡᠭᠡᠷᠡ ᠪᠡᠨ ᠴᠣᠮᠬᠠᠷᠠᠨ ᠤᠷᠭᠤᠳᠠᠭ᠂ ᠴᠡᠴᠡᠭ ᠪᠦᠷᠢ ᠨᠢ ᠨᠢᠭᠡ ᠤᠷᠲᠤ ᠪᠠᠷᠢᠭᠤᠯ ᠲᠠᠢ ᠪᠥᠭᠡᠳ ᠪᠠᠷᠢᠭᠤᠯ ᠨᠢ ᠦᠵᠦᠭᠦᠷ ᠲᠡᠭᠡᠨ ᠠᠴᠠ ᠲᠠᠢ᠂ ᠠᠴᠠ ᠨᠢᠭᠡ ᠪᠦᠷᠢ ᠶ᠋ᠢᠨ ᠣᠷᠣᠢ ᠳ᠋ᠤᠨᠢ ᠨᠢᠵᠡᠭᠡᠳ ᠦᠷᠡ ᠨᠠᠬᠢᠶᠠ ᠶ᠋ᠢᠨ ᠰᠠᠭᠤᠳᠠᠯ ᠤᠷᠭᠤᠪᠠᠴᠤ ᠶᠡᠷᠦ ᠳ᠋ᠡᠭᠡᠨ ᠨᠢᠭᠡ ᠯᠡ ᠦᠷᠡ ᠨᠠᠬᠢᠶᠠ ᠨᠢ ᠬᠥᠭᠵᠢᠵᠦ ᠪᠣᠯᠪᠠᠰᠤᠷᠠᠳᠠᠭ᠃ ᠦᠷᠡ ᠨᠢ ᠶᠠᠰᠤᠲᠤ ᠵᠢᠮᠢᠰ ᠰᠢᠭ᠂ ᠲᠣᠩᠭᠣᠷᠠᠭᠤ ᠥᠨᠳᠡᠭᠡᠯᠵᠢᠨ ᠪᠤᠶᠤ ᠵᠤᠤᠪᠠᠩ᠂ ᠰᠢᠷᠠᠪᠲᠤᠷ᠂ ᠳᠡᠭᠡᠷᠡ ᠨᠢ ᠯᠡ ᠰᠢᠭ ᠨᠤᠨᠲᠠᠭ ᠪᠣᠢ ᠪᠣᠯᠤᠨᠠ᠃ ᠦᠷᠡ ᠶ᠋ᠢᠨ ᠭᠠᠳᠠᠷ ᠬᠠᠯᠢᠰᠤ ᠨᠢ ᠮᠢᠬᠠᠯᠢᠭ᠂ ᠦᠮᠡᠬᠡᠢ᠂ ᠳᠤᠮᠳᠠ ᠬᠠᠯᠢᠰᠤ ᠨᠢ ᠦᠨᠡᠰᠦᠨ ᠥᠩᠭᠡᠲᠡᠢ᠂ ᠶᠠᠰᠤᠯᠢᠭ᠃
ᠮᠠᠨ ᠤ᠋ ᠤᠯᠤᠰ ᠲᠤ᠌ ᠤᠭ ᠭᠠᠷᠤᠯ ᠲᠠᠢ᠂ ᠣᠳᠣ ᠨᠡᠢᠳᠡᠮ ᠵᠠᠢᠯᠠᠵᠤ ᠪᠣᠢ᠃ ᠴᠥᠮᠡ ᠶ᠋ᠢ ᠨᠢ ᠢᠳᠡᠵᠦ ᠪᠣᠯᠤᠨᠠ᠂ ᠡᠮ ᠳ᠋ᠦ᠍ ᠪᠠᠰᠠ ᠣᠷᠣᠨᠠ᠃ ᠮᠣᠳᠣᠨ ᠮᠠᠲ᠋ᠧᠷᠢᠶᠠᠯ ᠤ᠋ᠨ ᠴᠢᠨᠠᠷ ᠨᠢ ᠰᠠᠢᠨ᠃ ᠨᠠᠪᠴᠢ ᠨᠢ ᠡᠮ ᠳ᠋ᠦ᠍ ᠣᠷᠣᠨᠠ᠃ ᠵᠠᠮ ᠤ᠋ᠨ ᠬᠠᠵᠠᠭᠤ ᠬᠢᠭᠡᠳ ᠴᠡᠴᠡᠷᠯᠢᠭ ᠲᠦ᠍ ᠵᠠᠢᠯᠠᠵᠤ ᠦᠵᠡᠮᠵᠢ ᠶ᠋ᠢᠨ ᠤᠷᠭᠤᠮᠠᠯ ᠪᠣᠯᠭᠠᠳᠠᠭ᠃ ᠦᠷᠡ ᠶ᠋ᠢᠨ ᠭᠠᠳᠠᠷ ᠬᠠᠯᠢᠰᠤ ᠪᠣᠯᠤᠨ ᠨᠠᠪᠴᠢ ᠪᠠᠷ ᠨᠢ ᠲᠠᠷᠢᠶᠠᠨ ᠤ᠋ ᠡᠮ ᠬᠢᠳᠡᠭ᠃
ᠬᠢᠲᠠᠳ ᠨᠠᠷᠡ᠄银杏
ᠠᠩᠭ᠌ᠯᠢ ᠨᠡᠷᠡ ᠄ Ginkgo
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠳ᠂ ᠡᠷᠬᠢᠮᠪᠠᠭᠠᠲᠤᠷ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ