ᠱᠣᠭ ᠤᠳ – ᠮ ᠂ ᠴᠠᠳᠠᠨᠳᠣᠷᠵᠢ Шогууд – М ᠂ Цэдэндорж
383ᠱᠣᠭ ᠤᠳ
ᠮ ᠂ ᠴᠠᠳᠠᠨᠳᠣᠷᠵᠢ
ᠪᠠᠷᠳᠠᠮ ᠡᠷᠡ
ᠨᠢᠭᠡ ᠰᠦᠷᠡᠬᠡᠢ ᠡᠷᠡ ᠨᠠᠭᠠᠳᠤᠮ ᠳ᠋ᠤ᠌ ᠣᠴᠢᠬᠤ ᠪᠠᠷ ᠨᠣᠭᠲᠣ ᠭᠠᠨᠵᠤᠭᠠᠯᠠᠨ ᠶᠠᠪᠤᠬᠤ ᠶ᠋ᠢ ᠬᠠᠷᠠᠭᠰᠠᠨ ᠬᠥᠮᠦᠨ ᠠᠰᠠᠭᠤᠭᠰᠠᠨ ᠨᠢ᠄
— ᠲᠠ ᠢᠯᠡᠭᠦᠦ ᠨᠣᠭᠲᠣ ᠭᠠᠨᠵᠤᠭᠠᠯᠠᠭᠠᠳ ᠶᠠᠭᠠᠬᠢᠬᠤ ᠨᠢ ᠪᠣᠢ ᠭᠡᠬᠦ ᠳ᠋ᠦ᠍ ᠰᠦᠷᠡᠬᠡᠢ ᠡᠷᠡ᠄
— ᠪᠢ ᠨᠠᠭᠠᠳᠤᠮ ᠳ᠋ᠤ᠌ ᠪᠠᠷᠢᠯᠳᠤᠨᠠ ᠭᠡᠵᠡᠢ᠃
— ᠪᠠᠷᠢᠯᠳᠤᠬᠤ ᠳ᠋ᠤ᠌ ᠨᠣᠭᠲᠤᠨ ᠤ᠋ ᠬᠡᠷᠡᠭ ᠶᠠᠭᠤ ᠪᠢᠯᠡ ᠭᠡᠬᠦ ᠳ᠋ᠦ᠍
— ᠲᠡᠷᠢᠭᠦᠯᠡᠭᠰᠡᠨ ᠬᠥᠮᠦᠨ ᠳ᠋ᠦ᠍ ᠮᠣᠷᠢ ᠥᠭᠬᠦ ᠶᠦᠮ ᠭᠡᠨᠡ᠂ ᠲᠡᠭᠡᠭᠡᠳ ᠢᠯᠡᠭᠦᠦ ᠨᠣᠭᠲᠣ ᠲᠠᠢ ᠶᠠᠪᠤᠭᠠ ᠶᠤᠮ ᠭᠡᠵᠡᠢ᠃
ᠬᠣᠭᠣᠯᠠᠨ ᠤ᠋ ᠴᠢᠨᠠᠷ ᠰᠠᠢᠨ ᠬᠣᠭᠣᠯᠠ ᠲᠠᠢ ᠭᠡᠵᠦ ᠨᠡᠷᠡᠯᠡᠭᠳᠡᠭᠰᠡᠨ ᠭᠤᠸᠠᠩᠵᠢᠨ ᠳ᠋ᠤ᠌ ᠣᠷᠣᠭᠰᠠᠨ ᠨᠢᠭᠡ ᠬᠥᠮᠦᠨ᠄
— ᠲᠠᠨ ᠤ᠋ ᠭᠤᠸᠠᠩᠵᠢᠨ ᠤ᠋ ᠡᠷᠬᠢᠯᠡᠭᠴᠢ ᠪᠠᠢᠨᠠ ᠤᠤ ᠭᠡᠵᠦ ᠬᠣᠭᠣᠯᠠ ᠵᠥᠭᠡᠭᠡᠭᠴᠢ ᠡᠴᠡ ᠠᠰᠠᠭᠤᠬᠤ ᠳ᠋ᠤ᠌᠂ ᠪᠠᠢᠬᠤ ᠦᠭᠡᠢ᠂ ᠤᠷᠲᠤ ᠭᠤᠸᠠᠩᠵᠢᠨ ᠳ᠋ᠤ᠌ ᠣᠴᠢᠵᠤ ᠬᠣᠭᠣᠯᠠ ᠢᠳᠡᠬᠦ ᠪᠡᠷ ᠶᠠᠪᠤᠭᠰᠠᠨ ᠭᠡᠪᠡ᠃
ᠬᠣᠭᠣᠯᠠᠨ ᠤ ᠴᠢᠨᠠᠷ
ᠰᠠᠢᠨ ᠬᠣᠭᠣᠯᠠ ᠲᠠᠢ ᠭᠡᠵᠦ ᠨᠡᠷᠡᠯᠡᠭᠳᠡᠭᠰᠡᠨ ᠭᠤᠸᠠᠩᠵᠢᠨ ᠳ᠋ᠤ᠌ ᠣᠷᠣᠭᠰᠠᠨ ᠨᠢᠭᠡ ᠬᠥᠮᠦᠨ᠄
— ᠲᠠᠨ ᠤ᠋ ᠭᠤᠸᠠᠩᠵᠢᠨ ᠤ᠋ ᠡᠷᠬᠢᠯᠡᠭᠴᠢ ᠪᠠᠢᠨᠠ ᠤᠤ ᠭᠡᠵᠦ ᠬᠣᠭᠣᠯᠠ ᠵᠥᠭᠡᠭᠡᠭᠴᠢ ᠡᠴᠡ ᠠᠰᠠᠭᠤᠬᠤ ᠳ᠋ᠤ᠌᠂
— ᠪᠠᠢᠬᠤ ᠦᠭᠡᠢ᠂ ᠤᠷᠲᠤ ᠭᠤᠸᠠᠩᠵᠢᠨ ᠳ᠋ᠤ᠌ ᠣᠴᠢᠵᠤ ᠬᠣᠭᠣᠯᠠ ᠢᠳᠡᠬᠦ ᠪᠡᠷ ᠶᠠᠪᠤᠭᠰᠠᠨ ᠭᠡᠪᠡ᠃
ᠴᠥᠬᠥᠷᠡᠲᠡᠯᠡ ᠪᠡᠨ ᠡᠷᠢᠭᠰᠡᠨ ᠨᠢ
— ᠮᠠᠨ ᠤ᠋ ᠳᠣᠷᠵᠢ ᠬᠦᠦ ᠬᠠᠮᠢᠭᠠ ᠪᠠᠢᠨᠠ ᠭᠡᠵᠦ ᠡᠳᠦᠷ ᠲᠤᠵᠢ ᠴᠥᠬᠥᠷᠡᠩᠭᠡ ᠪᠡᠨ ᠪᠠᠷᠠᠲᠠᠯᠠ ᠬᠠᠢᠭᠠᠳ ᠣᠯᠤᠭᠰᠠᠨ ᠦᠭᠡᠢ᠃ ᠲᠡᠭᠡᠭᠡᠳ ᠰᠠᠨᠳᠠᠭ《 ᠮᠢᠨᠦ ᠬᠦᠦ ᠰᠤᠷᠭᠠᠭᠤᠯᠢ ᠲᠠᠷᠬᠠᠴᠢᠬᠠᠬᠤ ᠪᠠᠷ ᠠᠷᠭᠠᠯᠠᠭᠠᠳ ᠭᠡᠷ ᠤᠷᠤᠭᠤ ᠪᠠᠨ ᠶᠠᠪᠤᠴᠢᠬᠠᠭᠰᠠᠨ ᠨᠢ ᠠᠪᠤ ᠲᠠᠢ ᠪᠠᠨ ᠵᠥᠷᠢᠴᠡᠭᠰᠡᠨ ᠶᠦᠮ ᠪᠣᠯᠪᠠ ᠤᠤ》 ᠭᠡᠵᠦ ᠪᠣᠳᠣᠭᠰᠠᠨ ᠢ᠋ᠶ᠋ᠠᠨ《 ᠶᠡᠷᠦ ᠨᠢ ᠠᠩᠭᠢ ᠶ᠋ᠢᠨ ᠬᠢᠨᠢ ᠪᠠᠭᠰᠢ ᠶ᠋ᠢ ᠬᠠᠢᠵᠤ ᠣᠯᠤᠭᠠᠳ ᠤᠴᠢᠷ ᠢ᠋ ᠣᠯᠤᠶᠠ》 ᠭᠡᠵᠦ ᠪᠣᠳᠣᠵᠠᠢ᠃
ᠬᠣᠶᠠᠳᠤᠭᠠᠷ ᠠᠩᠭᠢ ᠶ᠋ᠢᠨ ᠪᠠᠭᠰᠢ ᠲᠠᠢ ᠠᠭᠤᠯᠵᠠᠵᠤ ᠰᠠᠨᠳᠠᠭ ᠭᠤᠸᠠᠢ《 ᠮᠠᠨ ᠤ᠋ ᠬᠦᠦ ᠳᠣᠷᠵᠢ ᠲᠠᠨ ᠤ᠋ ᠠᠩᠭᠢ ᠳ᠋ᠤ᠌ ᠪᠠᠢᠬᠤ ᠶᠣᠰᠣᠲᠠᠢ᠂ ᠪᠢ ᠵᠥᠷᠢᠴᠡᠭᠰᠡᠨ ᠶᠦᠮ ᠤᠤ ᠣᠯᠤᠭᠰᠠᠨ ᠦᠭᠡᠢ ᠭᠡᠬᠦ ᠳ᠋ᠦ᠍᠂
— ᠮᠠᠨ ᠤ᠋ ᠠᠩᠭᠢ ᠳ᠋ᠤ᠌ ᠲᠡᠢᠮᠦ ᠬᠡᠦᠬᠡᠳ ᠪᠠᠢᠬᠤ ᠦᠭᠡᠢ᠂ ᠬᠠᠷᠢᠨ ᠲᠠᠪᠤᠳᠤᠭᠠᠷ ᠠᠩᠭᠢ ᠳ᠋ᠤ᠌ ᠣᠨᠴᠠ ᠰᠤᠷᠤᠯᠭᠠᠲᠠᠨ ᠳᠣᠷᠵᠢ ᠭᠡᠵᠦ ᠪᠣᠢ᠂ ᠲᠡᠷᠡ ᠪᠢᠰᠢ ᠤᠤ ᠭᠡᠯᠡ᠃
— ᠴᠣᠬᠣᠮ ᠶᠠᠮᠠᠷ ᠰᠤᠷᠳᠠᠭ ᠢ᠋ ᠨᠢ ᠴᠦ᠍ ᠮᠡᠳᠡᠬᠦ ᠦᠭᠡᠢ ᠭᠡᠵᠦ ᠰᠠᠨᠳᠠᠭ ᠬᠡᠯᠡᠪᠡ᠃ ᠴᠠᠭᠠᠨᠠ ᠠ᠋ᠴᠠ ᠢᠷᠡᠵᠦ ᠶᠠᠪᠤᠭᠠ ᠲᠠᠪᠤᠳᠤᠭᠠᠷ ᠠᠩᠭᠢ ᠶ᠋ᠢᠨ ᠪᠠᠭᠰᠢ ᠶ᠋ᠢ ᠳᠠᠭᠤᠳᠠᠵᠤ᠄
— ᠲᠠᠨ ᠤ᠋ ᠠᠩᠭᠢ ᠶ᠋ᠢᠨ ᠳᠣᠷᠵᠢ ᠶ᠋ᠢᠨ ᠣᠪᠣᠭ ᠨᠢ ᠬᠡᠨ ᠰᠠᠨ ᠪᠢᠯᠡ ᠭᠡᠵᠦ ᠨᠥᠭᠦᠭᠡ ᠪᠠᠭᠰᠢ ᠠᠰᠠᠭᠤᠪᠠ᠃
— ᠰᠠᠨᠳᠠᠭ ᠤ᠋ᠨ ᠳᠣᠷᠵᠢ ᠭᠡᠬᠦ ᠳ᠋ᠦ᠍᠂
— ᠠ᠋ ᠮᠢᠨᠦ ᠬᠦᠦ ᠲᠡᠢᠮᠦ ᠳᠡᠭᠡᠭᠦᠷ ᠠᠩᠭᠢ ᠳ᠋ᠤ᠌ ᠪᠠᠢᠳᠠᠭ ᠶᠤᠮ ᠤᠤ ᠭᠡᠵᠦ ᠰᠠᠨᠳᠠᠭ ᠡᠪᠦᠭᠡᠨ ᠳᠠᠭᠤ ᠠᠯᠳᠠᠪᠠ᠃
ᠤᠯᠠᠨ ᠬᠡᠴᠡᠭᠦᠦ ᠶᠢᠨ ᠨᠢᠭᠡ ᠬᠡᠴᠡᠭᠦᠦ
ᠮᠣᠳᠣ ᠪᠠᠷᠢᠭᠰᠠᠨ ᠨᠣᠬᠠᠢ ᠳᠠᠭᠠᠭᠤᠯᠤᠭᠰᠠᠨ ᠨᠢᠭᠡ ᠬᠥᠮᠦᠨ ᠲᠡᠢ ᠲᠠᠭᠠᠷᠠᠯᠠ᠃ ᠮᠣᠷᠢᠨ ᠳᠡᠭᠡᠷᠡ ᠡᠴᠡ ᠮᠡᠨᠳᠦᠯᠡᠵᠦ ᠬᠡᠳᠦᠨ ᠦᠭᠡ ᠰᠣᠯᠢᠯᠠ᠃ ᠮᠣᠨᠳᠢ ᠶ᠋ᠢᠨ ᠨᠣᠬᠠᠢ ᠨᠢ ᠲᠡᠷᠢᠭᠦᠯᠡᠭᠡᠳ ᠶᠠᠪᠤᠴᠢᠬᠠᠯᠠ᠃ ᠮᠥᠨᠥᠬᠢ ᠬᠥᠮᠦᠨ ᠨᠠᠳᠠ ᠲᠠᠢ ᠦᠭᠡ ᠰᠣᠯᠢᠵᠤ ᠴᠦ᠍ ᠴᠢᠳᠠᠯ ᠦᠭᠡᠢ ᠨᠣᠬᠠᠢ ᠶ᠋ᠢᠨ ᠢ᠋ᠶ᠋ᠡᠨ ᠬᠣᠢᠨᠠ ᠠ᠋ᠴᠠ ᠶᠠᠪᠤᠯᠠ᠃ ᠲᠡᠷᠡ ᠬᠥᠮᠦᠨ ᠢ᠋ ᠪᠢ ᠨᠣᠬᠠᠢ ᠳᠠᠭᠠᠭᠤᠯᠵᠤ ᠶᠠᠪᠤᠭᠠ ᠶᠤᠮ ᠭᠡᠵᠦ ᠪᠣᠳᠣᠭᠰᠠᠨ ᠴᠢᠨᠢ ᠬᠠᠷᠢᠨ ᠨᠣᠬᠠᠢ ᠪᠠᠨ ᠳᠠᠭᠠᠵᠤ ᠶᠠᠪᠤᠭᠰᠠᠨ ᠶᠤᠮ ᠪᠠᠢᠵᠠᠢ᠃
ᠵᠠᠭᠤᠨ ᠰᠢᠳᠦᠳᠦ
ᠬᠡᠳᠦᠨ ᠵᠢᠯ ᠦ᠋ᠨ ᠡᠮᠦᠨᠡ ᠪᠢ ᠠᠯᠲᠠᠨ ᠭᠡᠳᠡᠭ ᠭᠡᠷᠡᠯ ᠵᠢᠷᠤᠭᠴᠢᠨ ᠲᠠᠢ ᠬᠠᠮᠲᠤ ᠠᠵᠢᠯᠯᠠᠵᠤ ᠪᠠᠢᠯᠠ᠃ ᠬᠡᠵᠢᠶᠡ ᠴᠦ᠍ ᠬᠤᠳᠠᠯ ᠬᠡᠯᠡᠵᠦ ᠪᠣᠯᠬᠤ ᠦᠭᠡᠢ ᠭᠡᠵᠦ ᠲᠡᠷᠡ ᠴᠠᠭ ᠢᠮᠠᠭᠲᠠ ᠶᠠᠷᠢᠬᠤ ᠳᠤᠷᠠᠲᠠᠢ᠂ ᠭᠣᠣᠯ ᠨᠣᠮᠯᠠᠯ ᠨᠢ ᠶᠡᠷᠦ ᠳ᠋ᠡᠭᠡᠨ ᠯᠡ ᠡᠨᠡ ᠣᠯᠠᠨ ᠵᠢᠯ ᠬᠠᠮᠲᠤ ᠠᠵᠢᠯᠯᠠᠬᠤ ᠳ᠋ᠤ᠌ ᠨᠠᠳᠠ ᠳ᠋ᠤ᠌ ᠲᠡᠷᠡ ᠭᠠᠭᠴᠠ ᠯᠠ ᠤᠳᠠᠭᠠ ᠬᠤᠳᠠᠯ ᠬᠡᠯᠡᠭᠰᠡᠨ ᠶᠦᠮ᠃ ᠬᠤᠳᠠᠯ ᠬᠡᠯᠡᠬᠦ ᠴᠦ᠍ ᠭᠡᠵᠦ ᠳᠡ᠂ ᠪᠢᠳᠡ ᠨᠢᠭᠡ ᠤᠳᠠᠭᠠ ᠬᠥᠳᠡᠭᠡ ᠴᠣᠭ ᠶᠠᠪᠤᠯᠠ᠃ ᠬᠣᠲᠠ ᠣᠴᠢᠭᠠᠳ ᠣᠯᠠᠨ ᠵᠢᠷᠤᠭ ᠤᠬᠢᠶᠠᠵᠤ ᠥᠭᠭᠦᠨᠡ ᠭᠡᠳ ᠨᠢᠭᠡ ᠶ᠋ᠢ ᠴᠦ᠍ ᠥᠭᠭᠦᠭᠡ ᠦᠭᠡᠢ ᠯᠡ ᠶᠦᠮ᠃ ᠡᠨᠡ ᠴᠦ᠍ ᠶᠠᠭᠠᠬᠢᠬᠤᠪ᠂ ᠵᠢᠷᠤᠭ ᠨᠢ ᠭᠠᠷᠤᠭᠠ ᠦᠭᠡᠢ ᠠᠫᠫᠠᠷᠠᠲ( ᠭᠡᠷᠡᠯ ᠵᠢᠷᠤᠭ ᠤ᠋ᠨ ᠮᠠᠰᠢᠨ) ᠤ᠋ ᠬᠢᠨᠢ ᠰᠣᠭᠣᠭ ᠪᠠᠢᠵᠤ ᠪᠣᠯᠤᠨᠠ ᠪᠢᠵᠡ ᠳᠡ᠂ ᠬᠠᠷᠢᠨ ᠬᠥᠭᠡᠷᠦᠬᠦᠢ ᠠᠯᠲᠠᠨ ᠮᠠᠨᠢ ᠰᠢᠲᠦ ᠨᠢ ᠶᠡᠬᠡ ᠡᠪᠡᠳᠳᠡᠭ ᠬᠥᠮᠦᠨ ᠪᠠᠢᠭᠰᠠᠨ ᠶᠤᠮ ᠳᠠ᠃ ᠵᠠᠷᠢᠮ ᠳ᠋ᠠᠭᠠᠨ ᠬᠠᠴᠠᠷ ᠳᠠᠭᠠᠨ ᠰᠢᠳᠦᠨ ᠤ᠋ ᠣ ᠳᠦᠷᠬᠢᠴᠢᠭᠰᠡᠨ ᠢᠷᠡᠨᠡ᠃ ᠶᠠᠭᠠᠬᠢᠭᠠᠳ ᠭᠡᠬᠦ ᠳ᠋ᠦ᠍ ᠰᠢᠳᠦ ᠪᠡᠨ ᠵᠢᠭᠠᠵᠤ ᠭᠠᠷ ᠢ᠋ᠶ᠋ᠠᠨ ᠰᠡᠭᠰᠦᠷᠦᠨᠡ᠃ ᠢᠣᠳ᠋ ᠲᠦᠷᠬᠢᠴᠢᠭᠰᠡᠨ ᠴᠦ᠍ ᠢᠷᠡᠨᠡ᠂ ᠲᠣᠯᠣᠭᠠᠢ ᠪᠠᠨ ᠪᠣᠭᠣᠴᠢᠬᠠᠭᠰᠠᠨ ᠢᠷᠡᠨᠡ ᠶᠠᠭᠠᠬᠢᠭᠠᠳ ᠭᠡᠬᠦ ᠳ᠋ᠦ᠍ ᠳᠠᠭᠤ ᠦᠭᠡᠢ ᠳᠠᠭᠤ ᠦᠭᠡᠢ᠁ ᠭᠡᠵᠦ ᠭᠠᠷ ᠢ᠋ᠶ᠋ᠠᠨ ᠰᠡᠭᠰᠦᠷᠦᠨ ᠲᠣᠬᠢᠨᠠ᠃ ᠪᠢᠳᠡ ᠴᠦ᠍ ᠳᠠᠭᠤ ᠦᠭᠡᠢ ᠯᠡ ᠪᠣᠯᠤᠨᠠ᠃ ᠵᠠᠷᠢᠮ ᠳ᠋ᠠᠭᠠᠨ ᠤᠲᠠᠰᠤᠳᠠᠨᠠ᠃
— ᠪᠢ ᠡᠮᠨᠡᠯᠭᠡ ᠳ᠋ᠦ᠍ ᠰᠢᠲᠦ ᠪᠡᠨ ᠠᠪᠤᠭᠤᠯᠬᠤ ᠭᠡᠵᠦ ᠪᠠᠢᠨᠠ ᠦᠳᠡ ᠶ᠋ᠢᠨ ᠡᠮᠦᠨᠡ ᠠᠵᠢᠯ ᠳ᠋ᠠᠭᠠᠨ ᠣᠴᠢᠵᠤ ᠠᠮᠵᠢᠬᠤ ᠦᠭᠡᠢ ᠭᠡᠨᠡ᠃ ᠥᠨᠥᠳᠥᠷ ᠣᠴᠢᠬᠤ ᠦᠭᠡᠢ ᠰᠢᠦ ᠯᠡ ᠭᠡᠨᠡ᠃ ᠬᠥᠭᠡᠷᠦᠬᠦᠢ ᠮᠢᠨᠢ ᠮᠥᠨ ᠴᠦ᠍ ᠣᠯᠠᠨ ᠰᠢᠳᠦ ᠠᠪᠤᠭᠤᠯᠤᠭᠰᠠᠨ ᠰᠢᠦ᠂ ᠪᠢᠳᠡ ᠠᠯᠲᠠᠨ ᠢ᠋ ᠦᠷᠦ ᠡᠪᠡᠳᠬᠦ ᠳ᠋ᠡᠭᠡᠨ ᠲᠣᠭᠠᠯᠠᠵᠤ ᠦᠵᠡᠭᠰᠡᠨ ᠴᠢᠨᠢ ᠶᠠᠭ ᠯᠠ ᠵᠠᠭᠤᠨ ᠰᠢᠳᠦ ᠠᠪᠤᠭᠤᠯᠤᠭᠰᠠᠨ ᠪᠠᠢᠭᠰᠠᠨ ᠶᠤᠮ ᠳᠠ᠃
ᠶᠡᠬᠡ ᠥᠭᠡᠷᠡᠴᠢᠯᠡᠯᠲᠡ
ᠪᠢ ᠰᠤᠮᠤ ᠶ᠋ᠢᠨ ᠲᠥᠪ ᠲᠤ ᠮᠤᠵᠢᠶᠠᠩ ᠬᠢᠵᠦ ᠪᠠᠢᠯᠠ᠃ ᠮᠠᠨ ᠤ᠋ ᠦᠢᠯᠡᠳᠪᠦᠷᠢ ᠶ᠋ᠢᠨ ᠳᠡᠷᠭᠡᠳᠡ ᠨᠢᠭᠡ ᠭᠤᠸᠠᠩᠵᠠ ᠪᠠᠢᠭᠰᠠᠨ ᠶᠤᠮ᠂ ᠭᠡᠲᠡᠯᠡ ᠨᠢᠭᠡ ᠤᠳᠠᠭᠠ ᠮᠠᠨ ᠤ᠋ ᠬᠢ ᠰᠢᠨᠡ ᠳᠠᠷᠤᠭᠠ ᠲᠠᠢ ᠪᠣᠯᠤᠯᠠ᠃
— ᠡᠨᠡ ᠴᠢᠨᠢ ᠭᠤᠸᠠᠩᠵᠠ ᠪᠠᠢᠵᠤ ᠲᠠᠭᠠᠷᠠᠬᠤ ᠦᠭᠡᠢ ᠪᠠᠢᠰᠢᠩ ᠪᠠᠢᠨᠠ ᠭᠡᠳ ᠲᠡᠷᠡ ᠳᠠᠷᠤᠭᠠ ᠨᠥᠭᠦᠭᠡ ᠪᠠᠢᠰᠢᠩ ᠳ᠋ᠤ᠌ ᠭᠤᠲᠤᠯ ᠤ᠋ᠨ ᠵᠠᠩ① ᠲᠠᠯᠪᠢᠳᠠᠭ ᠭᠠᠵᠠᠷ ᠪᠠᠢᠭᠤᠯᠪᠠ᠃ ᠲᠡᠷᠡ ᠶᠡᠷᠦ ᠳ᠋ᠡᠭᠡᠨ ᠯᠡ ᠲᠣᠮᠣ ᠵᠢᠵᠢᠭ ᠬᠣᠶᠠᠷ ᠥᠷᠥᠭᠡ ᠲᠡᠢ ᠳᠠᠩ ᠪᠠᠢᠰᠢᠩ ᠶᠤᠮᠰᠠᠨ᠃ ᠬᠣᠢᠲᠤᠨ ᠨᠢ ᠪᠢᠯᠡ ᠤᠤ ᠳᠠ ᠪᠠᠰᠠ ᠯᠠ ᠮᠠᠨ ᠤ᠋ ᠳᠠᠷᠤᠭᠠ ᠰᠣᠯᠢᠭᠳᠠᠯᠠ᠃
ᠡᠨᠡ ᠴᠢᠨᠢ ᠭᠤᠲᠤᠯ ᠤ᠋ᠨ ᠵᠠᠩ ᠲᠠᠯᠪᠢᠳᠠᠭ ᠭᠠᠵᠠᠷ ᠪᠠᠢᠵᠤ ᠲᠠᠭᠠᠷᠠᠬᠤ ᠦᠭᠡᠢ ᠪᠠᠢᠰᠢᠩ ᠪᠠᠢᠨᠠ ᠭᠡᠳ ᠲᠡᠷᠡ ᠳᠠᠷᠤᠭᠠ ᠨᠥᠭᠦᠭᠡ ᠪᠠᠢᠰᠢᠩ ᠳ᠋ᠤ᠌ ᠮᠤᠬᠤᠯᠠᠭ ᠭᠠᠷᠭᠠᠪᠠ᠃ ᠲᠡᠷᠡ ᠮᠤᠬᠤᠯᠠᠭ ᠲᠤ ᠲᠠᠮᠠᠬᠢ᠂ ᠱᠦᠳᠡᠨᠵᠡ᠂ ᠪᠣᠣᠪᠣ᠂ ᠰᠢᠬᠢᠷ ᠲᠡᠳᠦᠢ ᠶ᠋ᠢ ᠵᠠᠷᠤᠨᠠ᠃ ᠲᠠᠮᠠᠬᠢ ᠱᠦᠳᠡᠨᠵᠡ ᠠᠪᠬᠤ ᠪᠠᠷ ᠨᠠᠮᠠ ᠶ᠋ᠢ ᠨᠢᠭᠡ ᠣᠴᠢᠲᠠᠯᠠ ᠨᠥᠭᠦᠭᠡ ᠪᠠᠢᠰᠢᠩ ᠮᠠᠨᠢ ᠭᠤᠸᠠᠩᠵᠠ ᠪᠣᠯᠵᠤ ᠬᠤᠪᠢᠷᠠᠭᠰᠠᠨ ᠪᠠᠢᠯᠠ᠃ ᠮᠠᠨ ᠤ᠋ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠰᠢᠨᠡ ᠳᠠᠷᠤᠭᠠ ᠲᠠᠢ ᠪᠣᠯᠤᠯᠠ ᠤᠤ᠂ ᠡᠰᠡᠬᠦᠯᠡ ᠲᠦᠷᠦᠭᠦᠴᠢ ᠶ᠋ᠢᠨ ᠳᠠᠷᠤᠭᠠ ᠮᠠᠨᠢ ᠡᠷᠭᠢᠵᠦ ᠢᠷᠡᠯᠡ ᠤᠤ ᠭᠡᠵᠦ ᠪᠢ ᠤᠴᠢᠷ ᠢ᠋ ᠣᠯᠵᠤ ᠶᠠᠳᠠᠨ ᠭᠠᠢᠬᠠᠯᠠ᠃
– – – –
① ᠭᠤᠲᠤᠯ ᠤ᠋ᠨ ᠤᠯᠠ ᠪᠡᠬᠢᠯᠡᠬᠦ ᠲᠡᠮᠦᠷ ᠲᠠᠬᠠ᠃
ᠬᠣᠣᠰ ᠮᠠᠭᠲᠠᠭᠠᠯ
— ᠫᠧᠢ᠂ ᠮᠥᠨ ᠵᠣᠬᠢᠵᠤ ᠳᠠ! ᠴᠢ ᠴᠢᠨᠢ ᠰᠠᠬᠠᠯ ᠲᠠᠢ ᠯᠠ ᠪᠠᠢᠪᠠᠯ ᠰᠦᠷᠯᠢᠭ ᠰᠠᠢᠬᠠᠨ ᠶᠤᠮ ᠭᠡᠵᠦ ᠮᠠᠭᠲᠠᠪᠠ᠃
ᠬᠡᠳᠦ ᠬᠣᠨᠣᠭ ᠤ᠋ᠨ ᠳᠠᠷᠠᠭᠠ ᠳᠠᠰᠢ ᠰᠠᠬᠠᠯ ᠢ᠋ᠶ᠋ᠠᠨ ᠬᠤᠰᠤᠴᠢᠬᠠᠭᠰᠠᠨ ᠣᠷᠣᠵᠤ ᠢᠷᠡᠪᠡ᠃
— ᠫᠧᠢ᠂ ᠮᠥᠨ ᠵᠣᠬᠢᠵᠤ ᠳᠠ! ᠰᠠᠬᠠᠯ ᠦᠭᠡᠢ ᠯᠡ ᠪᠠᠢᠪᠠᠯ ᠰᠠᠢᠬᠠᠨ ᠶᠤᠮ ᠭᠡᠵᠦ ᠵᠢᠵᠢᠭᠦᠷ ᠰᠦᠷᠦᠩ ᠪᠠᠰᠠ ᠮᠠᠭᠲᠠᠵᠠᠢ᠃
ᠰᠦᠷᠯᠢᠭ ᠡᠷᠡᠰ
ᠲᠦᠯᠬᠢᠭᠦᠷ ᠲᠠᠭᠠᠷᠠᠭᠤᠯᠵᠤ ᠪᠣᠢ ᠪᠣᠯᠤᠯᠲᠠᠢ ᠡᠭᠦᠳᠡᠨ ᠦ᠌ ᠴᠣᠣᠵᠢ ᠲᠣᠷᠴᠢᠭᠢᠨᠠᠭᠤᠯᠬᠤ ᠴᠢᠮᠡᠭᠡ ᠰᠣᠨᠣᠰᠳᠠᠪᠠ᠃ ᠭᠡᠷ ᠲᠤ ᠰᠠᠭᠤᠭᠰᠠᠨ ᠲᠠᠪᠤᠨ ᠪᠦᠳᠦᠭᠦᠨ ᠡᠷᠡ ᠲᠠᠭ ᠳᠠᠭᠤ ᠦᠭᠡᠢ ᠪᠣᠯᠵᠤ ᠨᠢᠳᠤᠷᠭᠠ ᠵᠠᠩᠭᠢᠳᠴᠠᠢ᠃
— ᠨᠠᠮ ᠴᠣᠬᠢᠶᠠ ᠭᠡᠵᠦ ᠨᠢᠭᠡ ᠪᠦᠳᠦᠭᠦᠨ ᠡᠷᠡ ᠭᠠᠷ ᠢ᠋ᠶ᠋ᠠᠨ ᠵᠠᠩᠭᠠᠨ ᠰᠢᠳᠦ ᠪᠡᠨ ᠵᠠᠭᠤᠪᠠ᠃
ᠨᠥᠭᠦᠭᠡ ᠪᠦᠳᠦᠭᠦᠨ ᠡᠷᠡ ᠨᠢ ᠦᠭᠡ ᠳᠠᠭᠤ ᠴᠦ᠍ ᠦᠭᠡᠢ ᠰᠡᠮᠡᠬᠡᠨ ᠪᠣᠰᠤᠭᠠᠳ ᠬᠠᠨᠠᠨ ᠳ᠋ᠤ᠌ ᠡᠯᠭᠦᠭᠰᠡᠨ ᠫᠤᠤ ᠶ᠋ᠢ ᠠᠪᠤᠯᠠ᠃ ᠳᠠᠷᠠᠭᠠᠬᠢ ᠪᠦᠳᠦᠭᠦᠨ ᠡᠷᠡ᠄
— ᠰᠦᠬᠡ᠂ ᠰᠦᠬᠡ ᠬᠠᠮᠢᠭᠠ ᠪᠣᠢ ᠭᠡᠵᠦ ᠭᠡᠷ ᠦ᠋ᠨ ᠡᠵᠡᠨ ᠦ᠌ ᠴᠢᠬᠢᠨ ᠳ᠋ᠦ᠍ ᠰᠢᠪᠡᠨᠡᠵᠦ ᠪᠠᠢᠨᠠ᠃ ᠳᠥᠷᠪᠡᠳᠡᠬᠢ ᠪᠦᠳᠦᠭᠦᠨ ᠡᠷᠡ ᠡᠮᠦᠨᠡ ᠪᠡᠨ ᠪᠠᠢᠭᠰᠠᠨ ᠠᠶᠠᠭᠠ ᠲᠠᠢ ᠠᠷᠢᠬᠢ ᠶ᠋ᠢ ᠠᠪᠴᠤ ᠭᠠᠭᠴᠠᠬᠠᠨ ᠬᠥᠨᠳᠡᠷᠡᠭᠡᠳ ᠡᠢᠰᠢ ᠲᠠᠢᠰᠢ ᠬᠠᠷᠠᠵᠤ ᠵᠡᠪᠰᠡᠭᠯᠡᠬᠦ ᠶ᠋ᠢ ᠪᠣᠳᠣᠵᠤ ᠪᠠᠢᠭᠠ ᠪᠣᠯᠤᠯᠲᠠᠢ᠃ ᠡᠭᠦᠳᠡ ᠶ᠋ᠢ ᠲᠤᠩ ᠤᠳᠠᠭᠠᠨ ᠲᠣᠷᠴᠢᠭᠢᠨᠠᠭᠤᠯᠤᠭᠰᠠᠭᠠᠷ ᠯᠠ ᠪᠠᠢᠨᠠ᠂ ᠭᠡᠷ ᠦ᠋ᠨ ᠡᠵᠡᠨ ᠪᠦᠳᠦᠭᠦᠨ ᠡᠷᠡ ᠤᠬᠤᠰᠬᠢᠬᠦ ᠳ᠋ᠦ᠍ ᠬᠠᠭᠠᠯᠭᠠ ᠠᠨᠳᠠᠭᠤᠷᠠᠭᠰᠠᠨ ᠳᠣᠣᠷᠠᠲᠤ ᠠᠢᠯ ᠤ᠋ᠨ ᠡᠮᠡᠭᠡᠨ ᠬᠣᠭ ᠤ᠋ᠨ ᠬᠤᠪᠢᠩ ᠢ᠋ᠶ᠋ᠠᠨ ᠰᠢᠲᠠᠵᠤ ᠬᠠᠰᠬᠢᠷᠤᠨ ᠮᠠᠭᠤᠵᠢᠷᠠᠪᠠ᠃ ᠡᠮᠡᠭᠡᠨ ᠦ᠌ ᠬᠤᠪᠢᠩ ᠫᠤᠤ ᠲᠠᠢ ᠡᠷᠡ ᠶ᠋ᠢᠨ ᠬᠠᠴᠠᠷ ᠢ᠋ ᠰᠢᠷᠬᠠᠳᠤᠭᠤᠯᠤᠭᠰᠨ ᠪᠣᠯᠤᠯᠲᠠᠢ ᠠᠯᠠᠭᠠ ᠪᠠᠷ ᠢ᠋ᠶ᠋ᠠᠨ ᠳᠠᠷᠤᠨ ᠦᠵᠡᠵᠦ ᠶᠣᠣᠯᠠᠵᠤ ᠪᠠᠢᠯᠠ᠃
ᠭᠤᠤᠯ ᠳ᠋ᠦ᠋ᠩ
— ᠮᠢᠨᠦ ᠠᠵᠢᠯ ᠢ᠋ ᠲᠠ ᠨᠠᠷ ᠪᠤᠷᠤᠭᠤ ᠳ᠋ᠦᠩᠨᠡᠵᠦ ᠪᠠᠢᠨᠠ᠃ ᠪᠢ ᠶᠡᠷᠦ ᠡᠴᠡ ᠪᠡᠨ ᠠᠵᠢᠯ ᠲᠠᠰᠤᠯᠵᠤ ᠦᠵᠡᠭᠡ ᠦᠭᠡᠢ᠂ ᠬᠤᠳᠠᠯ ᠭᠡᠪᠡᠯ ᠢᠷᠡᠴᠡ ᠶ᠋ᠢᠨ ᠪᠦᠷᠢᠳᠬᠡᠯ( ᠨᠡᠷᠡ ᠮᠡᠳᠡᠭᠦᠯᠦᠭᠰᠡᠨ ᠪᠠᠢᠳᠠᠯ) ᠰᠢᠯᠭᠠᠭᠠᠳ ᠦᠵᠡ᠂ ᠪᠢ ᠨᠢᠭᠡ ᠴᠦ᠍ ᠮᠢᠨᠦ᠋ᠲ ᠲᠠᠰᠤᠯᠤᠭᠰᠠᠨ ᠦᠭᠡᠢ᠂ ᠲᠡᠷᠡ ᠴᠦ᠍ ᠪᠠᠢᠲᠤᠭᠠᠢ ᠥᠷᠯᠥᠭᠡᠨ ᠦ᠌ ᠬᠥᠮᠦᠵᠢᠯ ᠦ᠋ᠨ ᠠᠵᠢᠯ ᠲᠠᠢ ᠡᠳᠦᠷ ᠭᠣᠣᠯᠳᠠᠭᠤ ᠭᠤᠴᠢᠭᠠᠳ ᠮᠢᠨᠦ᠋ᠲ ᠦ᠋ᠨ ᠡᠮᠦᠨᠡ ᠢᠷᠡᠵᠦ ᠪᠢ ᠬᠥᠮᠦᠰ ᠢ᠋ ᠪᠦᠷᠢᠳᠬᠡᠳᠡᠭ᠃ ᠲᠠ ᠨᠠᠷ ᠬᠥᠮᠦᠨ ᠢ᠋ ᠢᠩᠭᠢᠵᠦ ᠭᠦᠳᠬᠡᠵᠦ ᠪᠣᠯᠬᠤ ᠦᠭᠡᠢ᠂ ᠮᠢᠨᠦ ᠠᠵᠢᠯ ᠤ᠋ᠨ ᠭᠣᠣᠯ ᠳ᠋ᠦᠩ ᠢ᠋ ᠪᠦᠷᠢᠳᠬᠡᠯ ᠬᠡᠯᠡᠭᠡᠳ ᠥᠭᠭᠦᠨᠡ᠃ ᠴᠠᠭ ᠠᠰᠢᠭᠯᠠᠬᠤ ᠲᠠᠯᠠ ᠪᠠᠷ ᠪᠢ ᠬᠡᠨ ᠡᠴᠡ ᠴᠦ᠍ ᠢᠯᠡᠭᠦᠦ ᠭᠡᠵᠦ ᠥᠴᠢᠨᠡᠨ ᠥᠭᠦᠯᠡᠵᠦ ᠤᠬᠢᠯᠠᠩᠨᠠᠪᠠ᠃
ᠰᠡᠲᠦᠪ ᠡᠪᠡᠳᠴᠢᠨ
ᠰᠤᠮᠤ ᠶᠢᠨ ᠲᠥᠪ ᠲᠦ ᠬᠣᠶᠠᠷ ᠵᠠᠯᠠᠭᠤ ᠠᠭᠤᠯᠵᠠᠪᠠ᠃ ᠲᠡᠷᠡ ᠬᠣᠶᠠᠭᠤᠯᠠ ᠶᠡᠬᠡ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠡᠳ ᠭᠠᠭᠴᠠᠬᠠᠨ ᠵᠢᠯ ᠪᠣᠯᠵᠤ ᠪᠣᠢ ᠠᠵᠢ᠃ ᠨᠢᠭᠡ ᠨᠢ ᠤᠯᠠᠭᠠᠨᠪᠠᠭᠠᠲᠤᠷ ᠲᠤ ᠨᠥᠭᠥᠭᠡ ᠨᠢ ᠲᠣᠰ ᠰᠤᠮᠤᠨ ᠳᠤ ᠰᠠᠭᠤᠳᠠᠭ ᠭᠡᠨᠡ᠃
— ᠳᠠᠶᠠ ᠬᠠᠮᠢᠭᠠ ᠰᠠᠭᠤᠵᠤ ᠪᠠᠢᠨᠠ? ᠭᠡᠵᠦ ᠬᠥᠳᠡᠭᠡᠨ ᠦ ᠵᠠᠯᠠᠭᠤ ᠠᠰᠠᠭᠤᠬᠤ ᠳᠤ
— ᠬᠣᠲᠠ ᠳᠤ ᠭᠡᠪᠡ᠃
— ᠳᠠᠶᠠ ᠲᠡᠭᠡᠭᠡᠳ ᠶᠠᠭᠤ ᠬᠢᠵᠦ ᠪᠠᠢᠨᠠ?
— ᠰᠡᠲᠦᠪ ᠠᠪᠤᠭᠰᠠᠨ ᠪᠠᠢᠬᠠ!
— ᠴᠢ ᠰᠡᠲᠦᠪ ᠠᠪᠤᠭᠰᠠᠨ ᠤᠤ?
— ᠠᠪᠬᠤ ᠭᠡᠵᠦ ᠪᠠᠢᠭᠠ !
— ᠶᠠᠮᠠᠷ ᠰᠡᠳᠦᠪ ᠪᠣᠢ ?
— ᠨᠠᠢᠵᠠ ᠨᠢ ᠡᠨᠡ ᠵᠤᠨ ᠰᠢᠷᠠᠯᠠᠭᠰᠠᠨ᠃ ᠡᠮᠨᠡᠯᠭᠡ ᠳ᠋ᠦ᠍ ᠶᠡᠬᠡ ᠶᠠᠭᠤᠮᠠ ᠪᠣᠳᠣᠯ ᠳ᠋ᠤ᠌ ᠣᠷᠣᠬᠤ ᠶᠤᠮ ᠃ ᠲᠡᠭᠡᠭᠡᠳ ᠰᠢᠷᠠ ᠡᠪᠡᠳᠴᠢᠨ ᠦ᠌ ᠰᠡᠳᠦᠪ ᠢ᠋ᠶ᠋ᠡᠷ ᠣᠷᠣᠯᠳᠣᠬᠤ ᠰᠠᠨᠠᠭᠠ ᠲᠠᠢ ᠂ ᠬᠠᠷᠢᠨ ᠴᠢ ᠰᠡᠳᠦᠪ ᠠᠪᠤᠭᠰᠠᠨ ᠤᠤ ?
— ᠬᠠᠢᠵᠤ ᠪᠠᠢᠭᠠ᠂ ᠪᠣᠯᠪᠠᠯ ᠳ᠋ᠣᠺᠲ᠋ᠣᠷ ᠤ᠋ᠨ ᠬᠢ ᠶ᠋ᠢ ᠣᠯᠬᠤ ᠰᠠᠨᠠᠭᠠ ᠲᠠᠢ᠃
ᠬᠣᠨᠵᠢᠶᠠ
ᠭᠠᠢᠭᠤᠢ ᠰᠠᠢᠨ ᠮᠣᠷᠢ ᠬᠤᠯᠠᠭᠠᠢᠯᠠᠭᠠᠳ ᠢᠷᠡᠯᠡ ᠭᠡᠰᠡᠨ ᠴᠢᠨᠢ ᠵᠢᠯ ᠦ᠋ᠨ ᠳᠠᠷᠠᠭᠠ ᠲᠡᠷᠡ ᠮᠣᠷᠢ ᠬᠠᠷᠢᠨ ᠭᠠᠢᠭᠤᠢ ᠰᠠᠢᠨ ᠮᠣᠷᠢ ᠶ᠋ᠢ ᠮᠢᠨᠢ ᠳᠠᠭᠠᠭᠤᠯᠤᠭᠠᠳ ᠭᠦᠶᠦᠳᠡᠭ ᠪᠠᠢᠨᠠ ᠰᠢᠦ ᠭᠡᠮᠡᠨ ᠨᠢᠭᠡ ᠬᠤᠯᠠᠭᠠᠢᠴᠢ ᠥᠭᠦᠯᠡᠨ ᠭᠠᠩᠰᠠ ᠪᠠᠨ ᠭᠦᠳ ᠭᠦᠳ ᠦᠯᠢᠶᠡᠵᠦ ᠰᠠᠭᠤᠭᠰᠠᠨ ᠭᠡᠳᠡᠭ᠃
ᠴᠢ ᠵᠡᠭᠦᠳᠦᠯᠡᠳᠡᠭ ᠤᠤ
— ᠡᠵᠢ ᠠ᠋ ᠂ ᠪᠢ ᠪᠦᠲᠦᠨ ᠵᠢᠯ ᠣᠭᠲᠣ ᠵᠡᠭᠦᠳᠦᠯᠡᠭᠰᠡᠨ ᠦᠭᠡᠢ ᠃ ᠵᠡᠭᠦᠳᠦᠯᠡᠬᠦ ᠦᠭᠡᠢ ᠪᠣᠯ ᠡᠷᠡᠭᠦᠯ ᠮᠡᠨᠳᠦ ᠶ᠋ᠢᠨ ᠪᠠᠢᠳᠠᠯ ᠮᠠᠭᠤ ᠶ᠋ᠢᠨ ᠰᠢᠨᠵᠢ ᠭᠡᠳᠡᠭ ᠪᠢᠵᠡ ᠳᠡ ᠭᠡᠮᠡᠨ ᠬᠦᠦ ᠠᠰᠠᠭᠤᠬᠤ ᠳ᠋ᠤ᠌ ᠡᠵᠢ ᠨᠢ ᠄
— ᠲᠡᠭᠡᠯᠭᠦᠢ ᠶᠠᠭᠠᠬᠢᠬᠤᠪ ! ᠬᠦᠦ ᠮᠢᠨᠢ ᠴᠢ ᠲᠠᠩᠳᠠ ᠰᠣᠭᠲᠣᠭᠤ ᠢᠷᠡᠭᠡᠳ ᠯᠡ ᠤᠨᠲᠠᠴᠢᠬᠠᠬᠤ ᠶᠤᠮ ᠴᠢᠨᠢ᠂ ᠬᠡᠵᠢᠶᠡ ᠨᠢ ᠵᠡᠭᠦᠳᠦᠯᠡᠬᠦ ᠪᠢᠯᠡ ᠳᠠ ᠭᠡᠵᠡᠢ᠃
ᠶᠡᠬᠡ ᠵᠠᠯᠬᠠᠭᠤ ᠪᠠ ᠪᠠᠭᠠ ᠵᠠᠯᠬᠠᠭᠤ
— ᠪᠢ ᠤᠷᠲᠤ ᠭᠣᠣᠯ ᠳ᠋ᠤ᠌ ᠰᠠᠭᠤᠳᠠᠭ ᠪᠠᠭᠠ ᠵᠠᠯᠬᠠᠭᠤ ᠭᠡᠳᠡᠭ ᠪᠠᠢᠨᠠ ᠃ ᠲᠠᠨ ᠢ᠋ᠶ᠋ᠠᠷ ᠵᠢᠭᠠᠬᠠᠨ ᠴᠤ᠌ ᠪᠣᠯ ᠵᠠᠯᠬᠠᠭᠤ ᠵᠢᠭᠠᠯᠭᠠᠬᠤ ᠪᠠᠷ ᠢᠷᠡᠯᠡ ᠭᠡᠰᠡᠨ ᠳ᠋ᠦ᠍ ᠶᠡᠬᠡ ᠵᠠᠯᠬᠠᠭᠤ ᠄
— ᠶᠠᠭᠤ ᠴᠤ᠌ ᠭᠡᠰᠡᠨ ᠬᠣᠶᠠᠭᠤᠯᠠ ᠬᠣᠭᠣᠯᠠ ᠬᠢᠵᠦ ᠢᠳᠡᠶᠡ ᠂ ᠪᠢ ᠥᠴᠥᠭᠡᠳᠦᠷ ᠭᠤᠯᠢᠷ ᠵᠢᠭᠤᠷᠠᠵᠤ ᠲᠠᠯᠪᠢᠭᠰᠠᠨ ᠶᠤᠮ᠂ ᠴᠢ ᠭᠠᠷᠤᠭᠠᠳ ᠳᠡᠭᠡᠪᠦᠷ ᠳᠡᠭᠡᠷᠡ ᠪᠠᠢᠭᠠ ᠭᠤᠯᠢᠷ ᠤ᠋ᠨ ᠮᠣᠳᠣ ᠠᠪᠤᠭᠠᠳ ᠢᠷᠡ ᠭᠡᠬᠦ ᠳ᠋ᠦ᠍ ᠪᠠᠭᠠ ᠵᠠᠯᠬᠠᠭᠤ ᠄
— ᠶᠠᠭᠠᠬᠢᠭᠰᠠᠨ ᠴᠤ᠌ ᠲᠦᠪᠡᠭ ᠲᠡᠢ ᠶᠦᠮ ᠪᠣᠢ ᠳᠠ᠃ ᠭᠤᠯᠢᠷ ᠤ᠋ᠨ ᠮᠣᠳᠣ ᠪᠠᠷ ᠶᠠᠭᠠᠬᠢᠬᠤ ᠪᠣᠢ ᠂ ᠪᠢ ᠪᠥᠬᠥᠢᠵᠦ ᠪᠠᠢᠶᠠ ᠂ ᠮᠢᠨᠦ ᠤᠭᠤᠴᠠᠨ ᠳᠡᠭᠡᠷᠡ ᠲᠡᠷᠡ ᠭᠤᠯᠢᠷ ᠢ᠋ᠶ᠋ᠠᠨ ᠡᠯᠳᠡᠴᠢᠬᠡ ᠭᠡᠪᠡ ᠂ ᠲᠡᠭᠡᠬᠦ ᠳ᠋ᠦ᠍ ᠶᠡᠬᠡ ᠵᠠᠯᠬᠠᠭᠤ ᠄
— ᠴᠢ ᠴᠢᠨᠢ ᠨᠠᠳᠠ ᠪᠠᠷ ᠵᠠᠯᠬᠠᠭᠤ ᠵᠢᠭᠠᠯᠭᠠᠯᠲᠠ ᠦᠭᠡᠢ ᠶᠦᠮ ᠪᠠᠢᠨᠠ ᠭᠡᠵᠡᠢ᠃
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠲᠩᠷᠢ ᠡᠵᠢ ᠂ ᠳᠠᠪᠰᠢᠯᠲᠦ᠂ ᠴᠣᠯᠮᠣᠨᠲᠤᠶᠠᠭᠠ
ᠬᠢᠨᠠᠭ᠍ᠴᠢ : ᠴᠣᠯᠮᠣᠨᠲᠤᠶᠠᠭᠠ
2024᠂ 2᠂ 24 ᠦ᠌ ᠡᠳᠦᠷ