ᠳᠥᠷᠪᠡᠨ ᠮᠥᠷᠲᠦ ᠰᠢᠯᠦᠭ – ᠭᠡ᠊ ᠂ ᠰᠠᠮᠫᠢᠯᠳᠠᠨᠳᠠᠪ Дөрвөн мөрт шүлэг – Г ᠂ Сампилдандав
313ᠳᠥᠷᠪᠡᠨ ᠮᠥᠷᠲᠦ ᠰᠢᠯᠦᠭ
ᠬᠡ᠂ ᠰᠠᠮᠫᠢᠯᠳᠡᠩᠳᠡᠪ
( ᠱᠣᠭ ᠰᠢᠯᠦᠭ)
ᠰᠠᠷᠬᠤᠳ ᠤ᠋ᠨ ᠰᠢᠷᠡᠭᠡᠨ ᠳ᠋ᠦ᠍ ᠬᠠᠨᠢ ᠪᠣᠯᠤᠭᠠᠴᠢ ᠭᠡᠵᠦ
ᠰᠠᠶᠢᠬᠠᠨ ᠨᠢᠭᠡ ᠨᠢ ᠨᠠᠮᠠ ᠶ᠋ᠢ ᠤᠷᠢᠪᠠ᠃
ᠠᠷᠢᠬᠢᠨ ᠤ᠋ ᠬᠣᠣᠷ ᠤ᠋ᠨ ᠲᠤᠬᠠᠢ ᠰᠣᠨᠢᠨ ᠳ᠋ᠤ᠌ ᠪᠢᠴᠢᠭᠡᠳ
ᠠᠪᠤᠭᠰᠠᠨ ᠱᠠᠩᠨᠠᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠳᠠᠢᠯᠠᠬᠤ ᠭᠡᠪᠡ᠃
※※※
ᠵᠢᠷᠪᠢᠰ ᠬᠠᠷᠠᠭᠠᠳ ᠲᠠᠨᠢᠯ ᠮᠢᠨᠢ ᠪᠤᠷᠤᠭᠤᠯᠠᠰᠬᠢᠨ ᠣᠳᠤᠯᠠ᠃
ᠵᠢᠭᠡᠯᠡᠭᠰᠡᠨ ᠲᠥᠭᠥᠷᠢᠭ ᠢ᠋ᠶ᠋ᠡᠨ ᠨᠠᠳᠠ ᠳ᠋ᠤ᠌ ᠥᠭᠭᠦᠭᠡ ᠦᠭᠡᠢ ᠶᠠᠪᠤᠭᠠ ᠨᠢ ᠰᠠᠨᠠᠭᠳᠠᠯᠠ᠃
ᠥᠪᠡᠷ ᠦ᠋ᠨ ᠬᠢᠨᠢ ᠨᠡᠷᠡ ᠨᠢ ᠬᠣᠷᠢᠬᠠᠨ ᠲᠥᠭᠥᠷᠢᠭ ᠦ᠋ᠨ ᠦᠨᠡᠲᠡᠢ ᠶᠦᠮ ᠪᠣᠯ
ᠥᠷᠢ ᠪᠡᠨ ᠨᠡᠬᠡᠨᠡ ᠭᠡᠵᠦ ᠨᠠᠳᠠ ᠠ᠋ᠴᠠ ᠵᠢᠭᠤᠲᠠᠬᠤ ᠶ᠋ᠢᠨ ᠬᠡᠷᠡᠭ ᠶᠠᠭᠤᠨ?
※※※
ᠠᠮᠢᠲᠠᠨ ᠰᠦᠢᠳᠪᠡᠯ ᠬᠢᠯᠢᠨᠴᠡ ᠭᠡᠳ ᠨᠢᠭᠡᠨ ᠰᠦᠰᠦᠭᠲᠡᠨ
ᠠᠷᠢᠶᠠᠲᠠᠨ ᠴᠢᠨᠣᠠ ᠶ᠋ᠢ ᠬᠠᠪᠬᠠᠨ ᠳ᠋ᠤ᠌ ᠪᠠᠢᠬᠤ ᠳ᠋ᠤᠨᠢ ᠰᠤᠯᠠᠯᠠᠵᠠᠢ᠃
《 ᠥᠷᠥᠰᠢᠶᠡᠯ》 ᠬᠦᠷᠲᠡᠭᠰᠡᠨ ᠥᠯᠥᠨ ᠴᠢᠨᠣᠠ ᠲᠡᠷᠡ ᠳᠣᠣᠷᠠ ᠪᠠᠨ
ᠥᠪᠡᠷ ᠦ᠋ᠨ ᠬᠢᠨᠢ ᠬᠣᠨᠢ ᠤᠷᠤᠭᠤ ᠳᠠᠭᠠᠷᠢᠭᠠᠳ ᠣᠷᠣᠵᠠᠢ᠃
※※※
ᠬᠠᠶᠠ ᠲᠡᠷᠡ ᠬᠤᠳᠠᠯᠳᠤᠭᠴᠢ
ᠬᠠᠷᠢᠭᠤᠯᠲᠠ ᠶ᠋ᠢ ᠮᠢᠨᠢ ᠳᠤᠲᠠᠭᠤ ᠥᠭᠭᠦᠨᠡ᠃
ᠪᠤᠰᠤᠳ ᠲᠤ ᠬᠠᠨᠳᠤᠬᠤ ᠢᠲᠡᠭᠡᠯ ᠢ᠋ ᠮᠢᠨᠢ
ᠪᠤᠲᠠᠷᠬᠠᠢ ᠮᠥᠩᠭᠥ ᠲᠡᠢ ᠴᠣᠭ ᠬᠢᠮᠤᠰᠤᠯᠠᠨᠠ᠃
※※※
ᠲᠥᠯ ᠪᠦᠷᠢ ᠶ᠋ᠢ ᠮᠠᠯ ᠪᠣᠯᠭᠠ ᠭᠡᠵᠦ
ᠲᠥᠪ ᠡᠴᠡ ᠢᠷᠡᠭᠰᠡᠨ ᠲᠥᠯᠥᠭᠡᠯᠡᠭᠴᠢ ᠶᠠᠷᠢᠵᠠᠢ᠃
ᠬᠤᠷᠠᠯ ᠲᠠᠷᠬᠠᠭᠰᠠᠨ ᠤ᠋ ᠳᠠᠷᠠᠭᠠ ᠪᠠᠷ
ᠬᠤᠷᠠᠭᠠᠨ ᠤ᠋ ᠠᠷᠠᠰᠤ ᠶ᠋ᠢ ᠰᠤᠷᠬᠠᠯᠠᠵᠠᠢ᠃
※※※
ᠠᠢᠯ ᠳ᠋ᠤ᠌ ᠣᠷᠣᠬᠤ ᠭᠡᠲᠡᠯᠡ ᠵᠠᠭᠤᠳᠠᠭ ᠨᠣᠬᠠᠢ ᠨᠢ ᠬᠤᠴᠠᠪᠠ᠃
ᠠᠶᠤᠯᠭᠠᠬᠤ ᠰᠠᠨᠠᠭᠠ ᠲᠠᠢ ᠵᠠᠩᠳᠤᠷᠲᠠᠯᠠ ᠤᠯᠠᠮ ᠠᠷᠬᠢᠷᠠᠨ ᠳᠠᠭᠠᠷᠢᠪᠠ᠃
ᠠᠷᠭᠠ ᠪᠠᠷᠠᠭᠳᠠᠨ ᠬᠣᠷᠮᠣᠢ ᠪᠦᠲᠦᠨ ᠭᠠᠷᠬᠤ ᠶ᠋ᠢᠨ ᠲᠤᠯᠠ
ᠠᠪᠴᠤ ᠶᠠᠪᠤᠭᠰᠠᠨ ᠬᠦᠨᠡᠰᠦ ᠪᠡᠨ ᠬᠠᠶᠠᠵᠤ ᠥᠭᠭᠦᠨ ᠵᠢᠰᠤᠷᠳᠠᠪᠠ᠃
ᠬᠠᠶᠠᠵᠤ ᠥᠭᠭᠦᠭᠰᠡᠨ ᠢ᠋ ᠮᠢᠨᠢ ᠭᠠᠵᠠᠷ ᠬᠦᠷᠭᠡᠯ ᠦᠭᠡᠢ ᠡᠮᠬᠦᠴᠢᠭᠡᠳ
ᠬᠠᠷᠠ ᠨᠣᠬᠠᠢ ᠨᠠᠳᠠ ᠳ᠋ᠤ᠌ ᠰᠡᠭᠦᠯ ᠬᠥᠳᠡᠯᠭᠡᠨ ᠡᠷᠬᠢᠯᠡᠪᠡ᠃
ᠬᠡᠯᠡ ᠮᠡᠳᠡᠬᠦ ᠦᠭᠡᠢ ᠨᠣᠬᠠᠢ ᠶ᠋ᠢ ᠥᠪᠡᠷ ᠲᠡᠭᠡᠨ ᠡᠢᠨ ᠬᠦ᠌ ᠳᠠᠰᠬᠠᠬᠠᠳ
ᠬᠡᠭᠡᠯᠢ ᠬᠠᠬᠤᠤᠯᠢ ᠨᠣᠬᠠᠢ ᠶ᠋ᠢᠨ ᠬᠣᠭᠣᠯᠠ ᠭᠡᠵᠦ ᠣᠢᠯᠭᠠᠪᠠ᠃
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠲᠩᠷᠢ ᠡᠵᠢ
ᠬᠢᠨᠠᠭ᠍ᠴᠢ : ᠰᠠᠷᠠᠨᠠ
2024᠂ 1᠂ 26 ᠦ᠌ ᠡᠳᠦᠷ