ᠠᠯᠢᠪᠠᠪᠠ ᠪᠠ ᠲᠥᠴᠢᠨ ᠳᠡᠭᠡᠷᠡᠮᠴᠢᠨАлиБаба ба 40 дээрэмчин
694ᠠᠯᠢᠪᠠᠪᠠ ᠪᠠ ᠳᠥᠴᠢᠨ ᠳᠡᠭᠡᠷᠡᠮᠴᠢᠨ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠫᠠᠷᠢᠰ ᠤ᠋ᠨ ᠨᠢᠭᠡᠨ ᠬᠣᠲᠠ ᠳ᠋ᠤ᠌ ᠬᠡᠪᠢᠰ ᠦ᠋ᠨ ᠬᠤᠳᠠᠯᠳᠤᠭᠠᠴᠢᠨ ᠠᠮᠢᠳᠤᠷᠠᠳᠠᠭ ᠪᠠᠢᠪᠠ᠃ ᠲᠡᠷᠡ ᠬᠣᠶᠠᠷ ᠬᠦᠦ ᠲᠡᠢ᠂ ᠨᠢᠭᠡ ᠨᠢ ᠺᠡᠽᠢᠮ᠂ ᠨᠥᠭᠦᠭᠡ ᠨᠢ ᠠᠯᠢᠪᠠᠪᠠ ᠭᠡᠳᠡᠭ᠃ ᠡᠴᠢᠭᠡ ᠨᠢ ᠨᠠᠰᠤ ᠪᠠᠷᠠᠭᠰᠠᠨ ᠤ᠋ ᠳᠠᠷᠠᠭᠠ ᠰᠢᠨᠤᠯᠲᠤ ᠺᠡᠽᠢᠮ ᠭᠡᠨᠡᠨ ᠴᠠᠢᠯᠭᠠᠨ ᠠᠯᠢᠪᠠᠪᠠ ᠶ᠋ᠢ ᠬᠠᠭᠤᠷᠴᠤ ᠡᠴᠢᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠮᠠᠢᠮᠠᠢ ᠳ᠋ᠤ᠌ ᠡᠵᠡᠨ ᠰᠠᠭᠤᠵᠠᠢ᠃ ᠺᠠᠽᠢᠮ ᠪᠠᠶᠠᠨ ᠡᠮᠡᠭᠲᠡᠢ ᠲᠡᠢ ᠭᠡᠷᠯᠡᠵᠡᠢ᠃ ᠠᠯᠢᠪᠠᠪᠠ ᠡᠬᠡᠨᠡᠷ ᠬᠡᠦᠬᠡᠳ ᠢ᠋ᠶ᠋ᠡᠨ ᠲᠡᠵᠢᠭᠡᠳᠡᠭ᠃ ᠲᠡᠷᠡ ᠮᠣᠳᠣ ᠴᠠᠪᠴᠢᠨ ᠬᠤᠳᠠᠯᠳᠤᠵᠤ᠂ ᠬᠣᠨᠣᠭ ᠤ᠋ᠨ ᠬᠣᠭᠣᠯᠠ ᠪᠠᠨ ᠵᠠᠯᠭᠠᠭᠤᠯᠳᠠᠭ ᠪᠠᠢᠭᠰᠠᠨ ᠶᠤᠮ᠃ ᠨᠢᠭᠡ ᠡᠳᠦᠷ ᠠᠯᠢᠪᠠᠪᠠ ᠣᠢ ᠳ᠋ᠤ᠌ ᠮᠣᠳᠣ ᠪᠡᠯᠡᠳᠬᠡᠵᠦ ᠪᠠᠢᠭᠠᠳ ᠮᠠᠰᠢ ᠣᠯᠠᠨ ᠮᠣᠷᠢ ᠲᠠᠢ ᠬᠥᠮᠦᠨ ᠶᠠᠪᠤᠬᠤ ᠶ᠋ᠢ ᠬᠠᠷᠠᠵᠠᠢ᠃ ᠡᠩ᠂᠂᠂᠂ᠡᠩ᠂᠂᠂᠂ ᠠᠯᠢᠪᠠᠪᠠ ᠠᠶᠤᠭᠰᠠᠨ ᠳ᠋ᠠᠭᠠᠨ ᠮᠣᠳᠣᠨ ᠤ᠋ ᠠᠷᠤ ᠳ᠋ᠤ᠌ ᠨᠢᠭᠤᠭᠳᠠᠪᠠ᠃ ᠮᠣᠷᠢᠨ ᠳ᠋ᠤ᠌ ᠪᠠᠨ ᠰᠢᠭᠤᠳᠠᠢ ᠭᠠᠨᠵᠤᠭᠠᠯᠠᠭᠰᠠᠨ ᠳᠥᠴᠢᠨ ᠮᠣᠷᠢᠲᠠᠨ ᠠᠭᠤᠯᠠ ᠶ᠋ᠢᠨ ᠪᠠᠯ ᠳ᠋ᠠᠬᠢ ᠪᠤᠯᠤ ᠴᠢᠯᠠᠭᠤᠨ ᠤ᠋ ᠳᠡᠷᠭᠡᠳᠡ ᠢᠷᠡᠵᠦ ᠵᠣᠭᠰᠣᠵᠠᠢ᠃ ᠲᠡᠳᠡ ᠪᠥᠰᠡᠨ ᠳ᠋ᠦ᠍ ᠪᠡᠨ ᠢᠯᠳᠦ ᠪᠠᠰᠠ ᠴᠢᠨᠵᠠᠯ ᠬᠢᠭᠰᠡᠨ ᠪᠠᠢᠨᠠ᠂ ᠪᠦᠯᠦᠭ ᠳᠡᠭᠡᠷᠡᠮᠴᠢᠨ ᠪᠠᠢᠵᠤ ᠯᠠ ᠲᠠᠭᠠᠷᠠᠬᠤ ᠨᠢ ᠳᠡ ᠂ ᠲᠡᠳᠡ ᠣᠢ ᠳ᠋ᠤ᠌ ᠶᠠᠭᠤ ᠬᠢᠵᠦ ᠪᠠᠢᠭᠠ ᠶᠤᠮ ᠪᠣᠯ ᠠ᠋? ᠡᠳᠡᠨ ᠦ᠌ ᠲᠣᠯᠣᠭᠠᠢᠯᠠᠭᠴᠢ ᠪᠣᠯᠤᠯᠲᠠᠢ ᠨᠢᠭᠡ ᠳᠡᠭᠡᠷᠡᠮᠴᠢᠨ ᠪᠤᠯᠤ ᠴᠢᠯᠠᠭᠤᠨ ᠤ᠋ ᠡᠮᠦᠨᠡ ᠢᠷᠡᠵᠦ ᠵᠣᠭᠰᠣᠯᠠ᠃《ᠰᠸᠮᠰᠢᠮ ᠣᠩᠭᠣᠢ!》 ᠠᠯᠢᠪᠠᠪᠠ ᠨᠢᠳᠦᠨ ᠳ᠋ᠦ᠍ ᠪᠡᠨ ᠴᠦ᠍ ᠢᠲᠡᠭᠡᠵᠦ ᠴᠢᠳᠠᠭᠰᠠᠨ ᠦᠭᠡᠢ᠂ ᠬᠦ ᠬᠡᠭ᠃ ᠲᠡᠷᠡ ᠪᠤᠯᠤ ᠴᠢᠯᠠᠭᠤ ᠬᠠᠷᠠᠩᠭᠤᠢ ᠠᠭᠤᠢ ᠤᠷᠤᠭᠤ ᠣᠷᠣᠳᠠᠭ ᠡᠭᠦᠳᠡ ᠪᠠᠢᠵᠠᠢ᠃ ᠳᠡᠭᠡᠷᠡᠮᠴᠢᠳ ᠠᠭᠤᠢ ᠤᠷᠤᠭᠤ ᠣᠷᠣᠵᠤ ᠬᠠᠭᠠᠯᠭᠠ ᠲᠡᠳᠡᠨ ᠦ᠌ ᠠᠷᠤ ᠳ᠋ᠤ᠌ ᠬᠠᠭᠠᠭᠳᠠᠯᠠ᠃ ᠠᠯᠢᠪᠠᠪᠠ ᠪᠦᠷ ᠠᠯᠮᠠᠢᠷᠠᠵᠤ ᠠᠶᠤᠭᠰᠠᠨ ᠳ᠋ᠤ᠌ ᠪᠠᠨ ᠬᠥᠳᠡᠯᠵᠦ ᠴᠢᠳᠠᠬᠤ ᠪᠠᠨ ᠪᠠᠢᠭᠰᠠᠨ ᠶᠤᠮ᠃ ᠬᠡᠰᠡᠭ ᠬᠤᠭᠤᠴᠠᠭᠠᠨ ᠤ᠋ ᠳᠠᠷᠠᠭᠠ ᠬᠠᠭᠠᠯᠭᠠ ᠳᠠᠬᠢᠭᠠᠳ ᠨᠡᠭᠡᠭᠡᠭᠳᠡᠵᠦ ᠳᠡᠭᠡᠷᠡᠮᠴᠢᠳ ᠭᠠᠷ ᠬᠣᠭᠣᠰᠣᠨ ᠭᠠᠷᠴᠤ ᠢᠷᠡᠯᠡ᠃ ᠨᠥᠭᠥᠭᠡᠳᠦᠭᠦᠯᠡ ᠴᠢᠨᠢ ᠰᠢᠭᠤᠳᠠᠢ ᠨᠤᠭᠤᠳ ᠢ᠋ᠶ᠋ᠠᠨ ᠠᠭᠤᠢ ᠳᠣᠲᠣᠷᠠ ᠣᠷᠭᠢᠴᠢᠬᠠᠯᠠ᠃ ᠳᠡᠭᠡᠷᠡᠮᠴᠢᠳ ᠮᠣᠷᠢᠨ ᠳ᠋ᠤ᠌ ᠪᠠᠨ ᠮᠣᠷᠳᠠᠭᠠᠳ ᠣᠢ ᠡᠴᠡ ᠶᠠᠪᠤᠭᠠᠳ ᠥᠭᠴᠢᠬᠡᠪᠡ᠃ ᠠ? ᠡᠨᠡ ᠲᠡᠳᠡᠨ ᠦ᠌ ᠡᠷᠳᠡᠨᠢᠰ ᠢ᠋ᠶ᠋ᠡᠨ ᠨᠢᠭᠤᠳᠠᠭ ᠭᠠᠵᠠᠷ ᠪᠠᠢᠵᠤ ᠲᠠᠭᠠᠷᠠᠬᠤ ᠨᠢ ᠠ᠋! ᠠᠯᠢᠪᠠᠪᠠ ᠠᠭᠤᠢ ᠤᠷᠤᠭᠤ ᠣᠷᠣᠬᠤ ᠦᠭᠡᠢ ᠪᠠᠢᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ᠲᠡᠷᠡ ᠪᠤᠯᠤ ᠴᠢᠯᠠᠭᠤᠨ ᠤ᠋ ᠡᠮᠦᠨᠡ ᠵᠣᠭᠰᠣᠭᠠᠳ ᠬᠠᠰᠬᠢᠷᠴᠠᠢ ᠭᠡᠨᠡ᠃《ᠰᠸᠮᠰᠢᠮ ᠣᠩᠭᠣᠢ!》 ᠬᠠᠭᠠᠯᠭᠠ ᠡᠮᠦᠨᠡᠬᠢ ᠰᠢᠭ ᠢ᠋ᠶ᠋ᠡᠨ ᠨᠡᠭᠡᠭᠡᠭᠳᠡᠯᠡ᠂ ᠠᠯᠢᠪᠠᠪᠠ ᠠᠭᠤᠢ ᠤᠷᠤᠭᠤ ᠣᠷᠣᠪᠠ᠃ ᠬᠦᠵᠢ᠂ ᠬᠦ᠂ ᠠᠭᠤᠢ ᠳᠦᠭᠦᠷᠡᠩ ᠠᠯᠲᠠ᠂ ᠮᠥᠩᠭᠥ᠂ ᠦᠨᠡᠲᠦ ᠡᠳ᠋ᠯᠡᠯ᠂ ᠸᠴᠢᠷ ᠡᠷᠳᠡᠨᠢ᠂ ᠪᠠᠳᠮᠠᠷᠠᠭ ᠭᠡᠳ ᠣᠯᠠᠨ ᠥᠭᠡᠷᠡ ᠡᠷᠳᠡᠨᠢᠰ ᠪᠠᠢᠭᠰᠠᠨ ᠶᠤᠮ᠃ ᠠᠯᠢᠪᠠᠪᠠ ᠠᠮᠢᠳᠤᠷᠠᠯ ᠳ᠋ᠤ᠌ ᠪᠠᠨ ᠡᠢᠮᠦ ᠶᠠᠭᠤᠮᠠ ᠬᠠᠷᠠᠵᠤ ᠪᠠᠢᠭᠰᠠᠨ ᠦᠭᠡᠢ᠃ ᠬᠡ᠂ ᠠᠯᠢᠪᠠᠪᠠ ᠦᠨᠡᠮᠰᠢᠵᠦ ᠴᠢᠳᠠᠯ ᠦᠭᠡᠢ ᠨᠢᠳᠦ ᠪᠡᠨ ᠨᠤᠬᠤᠯᠠ᠂ ᠭᠡᠪᠡᠴᠦ ᠶᠠᠭᠠᠬᠢᠬᠤ ᠠᠷᠭᠠ ᠦᠭᠡᠢ ᠡᠮᠦᠨᠡ ᠨᠢ ᠭᠠᠵᠠᠷ ᠲᠤ᠌ ᠬᠡᠪᠲᠡᠵᠦ ᠪᠠᠢᠪᠠ᠃ ᠬᠡᠳᠦᠨ ᠵᠣᠭᠣᠰ ᠠᠪᠤᠨᠠ᠂ ᠳᠡᠭᠡᠷᠡᠮᠴᠢᠳ ᠠᠩᠵᠠᠭᠠᠷᠠᠬᠤ ᠴᠤ᠌ ᠦᠭᠡᠢ᠂ ᠠᠯᠢᠪᠠᠪᠠ ᠤᠭᠤᠲᠠ ᠳᠦᠭᠦᠷᠡᠩ ᠵᠣᠭᠣᠰ
ᠠᠪᠤᠭᠠᠳ ᠭᠡᠷ ᠲᠦ᠍ ᠪᠡᠨ ᠬᠠᠷᠢᠭᠰᠠᠨ ᠶᠤᠮ᠃ 《ᠶᠠᠭᠤ ᠠᠪᠴᠢᠷᠠᠭᠰᠠᠨ ᠢ᠋ ᠮᠢᠨᠢ ᠬᠠᠷᠠᠭᠠᠴᠢ!》ᠠᠯᠢᠪᠠᠪᠠ ᠡᠬᠡᠨᠡᠷ ᠦ᠋ᠨ ᠢ᠋ᠶ᠋ᠡᠨ ᠡᠮᠦᠨᠡ ᠤᠭᠤᠲᠠ ᠳᠦᠭᠦᠷᠡᠩ ᠠᠯᠲᠠᠨ ᠵᠣᠭᠣᠰ ᠠᠰᠬᠠᠯᠠ᠃ ᠡᠢᠮᠦ ᠶᠡᠬᠡ ᠠᠯᠲᠠ ᠬᠠᠷᠠᠭᠠᠳ ᠡᠬᠡᠨᠡᠷ ᠨᠢ ᠤᠤᠯᠭᠠ ᠠᠯᠳᠠᠵᠠᠢ᠃《ᠠ!》 ᠴᠢ ᠡᠨᠡ ᠵᠣᠭᠣᠰ ᠢ᠋ ᠬᠤᠯᠠᠭᠠᠢᠯᠠᠭᠠ ᠤᠤ? ᠶᠠᠷᠢᠪᠠᠯ ᠶᠡᠬᠡ ᠤᠷᠲᠤ ᠲᠡᠦᠬᠡ ᠪᠣᠯᠤᠨᠠ᠃ ᠭᠡᠬᠦ ᠳ᠋ᠦ᠍ ᠪᠡᠨ ᠪᠢ ᠶᠠᠭᠤ ᠴᠤ᠌ ᠬᠤᠯᠠᠭᠠᠢᠯᠠᠭᠠ ᠦᠭᠡᠢ ᠰᠢᠦ᠂ ᠠᠯᠢ ᠬᠡᠳᠦᠢᠨ ᠬᠤᠯᠠᠭᠠᠢᠯᠠᠴᠢᠬᠠᠭᠰᠠᠨ ᠪᠠᠢᠭᠰᠠᠨ ᠶᠤᠮ᠃ ᠬᠡ ᠬᠡ ᠬᠡ《ᠪᠢ ᠡᠬᠢᠯᠡᠭᠡᠳ ᠡᠳᠡᠨ ᠢ᠋ ᠲᠣᠭᠠᠯᠠᠶᠠ》 《ᠬᠡᠷᠡᠭ ᠦᠭᠡᠢ᠂ ᠪᠢᠳᠡ ᠡᠢᠮᠦ ᠶᠡᠬᠡ ᠵᠣᠭᠣᠰ ᠢ᠋ ᠲᠣᠭᠠᠯᠠᠵᠤ ᠴᠢᠳᠠᠬᠤ᠃ ᠴᠢ ᠠᠬᠠ ᠶ᠋ᠢᠨ ᠮᠢᠨᠢ ᠭᠡᠷ ᠲᠦ᠍ ᠣᠴᠢᠭᠠᠳ ᠵᠢᠩ ᠠᠪᠤᠭᠠᠳ ᠢᠷᠡᠬᠦ ᠦᠭᠡᠢ ᠤᠤ?》 ᠠᠯᠢᠪᠠᠪᠠ ᠶ᠋ᠢᠨ ᠡᠬᠡᠨᠡᠷ ᠲᠡᠷᠡ ᠳᠣᠣᠷᠠ ᠪᠠᠨ ᠬᠠᠳᠠᠮ ᠠᠬᠠ ᠶ᠋ᠢᠨ ᠢ᠋ᠶ᠋ᠡᠨ ᠭᠡᠷ ᠤᠷᠤᠭᠤ ᠶᠠᠪᠤᠪᠠ᠃《ᠬᠣᠩᠭᠣᠷ ᠮᠢᠨᠢ᠂ ᠵᠢᠩ ᠢ᠋ᠶ᠋ᠡᠨ ᠥᠨᠥ ᠣᠷᠣᠢ ᠳ᠋ᠤ᠌ ᠪᠠᠨ ᠬᠡᠷᠡᠭᠯᠡᠭᠦᠯᠦᠭᠡᠴᠢ᠂ ᠮᠠᠷᠭᠠᠰᠢ ᠥᠷᠯᠥᠭᠡ ᠠᠪᠤᠭᠠᠳ ᠢᠷᠡᠶᠡ!》《ᠶᠠᠭᠤ ᠵᠢᠩᠯᠡᠬᠦ ᠭᠡᠵᠦ ᠪᠠᠢᠭᠠ ᠶᠤᠮ?》《ᠶᠠᠭᠤ ᠴᠤ᠌ ᠪᠢᠰᠢ᠂ ᠵᠢᠭᠠᠬᠠᠨ ᠪᠤᠭᠤᠳᠠᠢ》 ᠺᠠᠽᠢᠮ ᠤ᠋ᠨ ᠡᠬᠡᠨᠡᠷ ᠵᠠᠯᠢᠲᠠᠢ ᠡᠮᠡᠭᠲᠡᠢ ᠪᠠᠢᠯᠠ᠃ ᠲᠡᠷᠡ ᠠᠯᠢᠪᠠᠪᠠ ᠶ᠋ᠢᠨ ᠬᠢ ᠲᠡᠢᠮᠦ ᠶᠡᠬᠡ ᠪᠤᠭᠤᠳᠠᠢ ᠵᠢᠩᠯᠡᠬᠦ ᠶᠣᠰᠣ ᠦᠭᠡᠢ ᠭᠡᠵᠦ ᠪᠣᠳᠣᠪᠠ᠃ ᠲᠡᠭᠡᠭᠡᠳ ᠵᠢᠩ ᠳᠣᠣᠷᠠ ᠯᠠ ᠳᠤᠰᠤᠭᠠᠭᠠᠳ ᠠᠯᠢᠪᠠᠪᠠ ᠶ᠋ᠢᠨ ᠡᠬᠡᠨᠡᠷ ᠲᠦ᠍ ᠥᠭᠴᠡᠢ᠃ ᠠᠯᠢᠪᠠᠪᠠ ᠶ᠋ᠢᠨ ᠡᠬᠡᠨᠡᠷ ᠵᠣᠭᠣᠰ ᠢ᠋ᠶ᠋ᠠᠨ ᠵᠢᠩᠯᠡᠵᠦ ᠦᠵᠡᠭᠡᠳ᠂ ᠬᠡᠮᠵᠢᠶᠡᠨ ᠳ᠋ᠦ᠍ ᠨᠢ ᠰᠡᠳᠬᠢᠯ ᠬᠠᠩᠬᠤᠯᠤᠭᠤᠨ ᠪᠠᠢᠪᠠ᠃ 《ᠮᠠᠨ ᠤ᠋ ᠬᠢ ᠪᠠᠶᠠᠨ ᠪᠣᠯᠤᠯᠠ᠃ ᠬᠦᠰᠡᠭᠰᠡᠨ ᠪᠦᠬᠦᠨ ᠢ᠋ᠶ᠋ᠡᠨ ᠬᠤᠳᠠᠯᠳᠤᠵᠤ ᠠᠪᠴᠤ ᠪᠣᠯᠤᠨᠠ》《ᠶᠠᠭᠠᠷᠠᠬᠤ ᠬᠡᠷᠡᠭ ᠦᠭᠡᠢ᠂ ᠬᠥᠮᠦᠰ ᠰᠡᠵᠢᠭ ᠠᠪᠴᠢᠬᠠᠨᠠ ᠰᠢᠳᠡ᠂ ᠬᠣᠶᠠᠭᠤᠯᠠ ᠪᠠᠨ ᠨᠢᠭᠤᠴᠠ ᠪᠠᠨ ᠬᠡᠨ ᠳ᠋ᠦ᠍ ᠴᠦ᠍ ᠮᠡᠳᠡᠭᠳᠡᠵᠦ ᠪᠣᠯᠬᠤ ᠦᠭᠡᠢ ᠰᠢᠦ》᠃ ᠠᠯᠢᠪᠠᠪᠠ ᠶ᠋ᠢᠨ ᠡᠬᠡᠨᠡᠷ ᠨᠢᠭᠤᠴᠠ ᠪᠠᠨ ᠬᠠᠳᠠᠭᠠᠯᠠᠨᠠ ᠭᠡᠵᠦ ᠠᠮᠠᠯᠠᠯᠠ᠃ ᠭᠡᠪᠡᠴᠦ ᠬᠣᠶᠠᠳᠠᠬᠢ ᠡᠳᠦᠷ ᠨᠢ ᠺᠠᠽᠢᠮ ᠤ᠋ᠨ ᠡᠬᠡᠨᠡᠷ ᠵᠢᠩ ᠢ ᠬᠠᠷᠠᠭᠠᠳ ᠨᠢᠭᠤᠴᠠ ᠶ᠋ᠢ ᠨᠢ ᠮᠡᠳᠡᠴᠢᠬᠡᠪᠡ᠃ ᠲᠡᠷᠡ ᠳᠣᠣᠷᠠ ᠪᠠᠨ ᠺᠠᠽᠢᠮ ᠳ᠋ᠤ᠌ ᠳᠡᠭᠦᠦ ᠶ᠋ᠢᠨ ᠬᠢᠨᠢ ᠡᠳ᠋ ᠬᠥᠷᠥᠩᠭᠡ ᠶ᠋ᠢᠨ ᠲᠠᠯᠠ ᠪᠠᠷ ᠲᠤᠭᠤᠯᠠᠭᠠᠯᠠ᠃ 《ᠠᠯᠢᠪᠠᠪᠠ ᠠᠯᠲᠠᠨ ᠵᠣᠭᠣᠰ ᠲᠠᠢ ᠪᠣᠯᠴᠢᠬᠠᠵᠠᠢ᠃ ᠬᠠᠮᠢᠭᠠ ᠡᠴᠡ ᠠᠪᠤᠭᠰᠠᠨ ᠶᠤᠮ ᠪᠣᠯ? ᠣᠯᠵᠤ ᠮᠡᠳᠡᠨᠡ ᠳᠠ》᠃ᠺᠠᠽᠢᠮ ᠠᠲᠠᠭᠠᠷᠬᠠᠭᠰᠠᠨ ᠳ᠋ᠤ᠌ ᠪᠠᠨ ᠤᠨᠲᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ᠂ ᠰᠢᠭᠤᠳ ᠠᠯᠢᠪᠠᠪᠠ ᠶ᠋ᠢᠨ ᠭᠡᠷ ᠲᠦ᠍ ᠣᠴᠢᠪᠠ᠃ 《ᠠᠯᠢ᠂ ᠰᠠᠢᠨ ᠤᠤ? ᠳᠡᠭᠦᠦ ᠮᠢᠨᠢ᠂ ᠴᠢᠮᠠ ᠳ᠋ᠤ᠌ ᠬᠡᠷᠡᠭᠲᠡᠢ ᠶᠠᠭᠤᠮᠠ ᠪᠠᠢᠨᠠ ᠦᠦ? ᠭᠡᠵᠦ ᠠᠰᠠᠭᠤᠬᠤ ᠪᠠᠷ ᠢᠷᠡᠯᠡ᠃ ᠲᠡᠭᠡᠨᠡᠭᠡᠯᠵᠡᠬᠦ ᠬᠡᠷᠡᠭ ᠦᠭᠡᠢ ᠰᠢᠦ᠃ ᠶᠠᠭᠤ ᠬᠦᠰᠡᠭᠰᠡᠨ ᠢ᠋ᠶ᠋ᠡᠨ ᠯᠡ ᠭᠣᠶᠣ! ᠠᠬᠠ ᠨᠢ ᠦᠷᠭᠦᠯᠵᠢ ᠳᠡᠭᠦᠦ ᠪᠡᠨ ᠬᠠᠷᠠᠵᠤ ᠬᠠᠨᠳᠤᠬᠤ ᠪᠣᠯᠤᠨᠠ᠂《ᠦᠭᠡᠢ ᠠᠬᠠ ᠮᠢᠨᠢ᠂ ᠨᠠᠳᠠ ᠳ᠋ᠤ᠌ ᠰᠠᠨᠠᠭᠠ ᠲᠠᠯᠪᠢᠵᠤ ᠪᠠᠢᠭᠠ ᠳ᠋ᠤ᠌ ᠦᠨᠡᠬᠡᠷ ᠶᠡᠬᠡ ᠪᠠᠶᠠᠷᠯᠠᠯᠠ! ᠭᠡᠪᠡᠴᠦ ᠨᠠᠳᠠ ᠳ᠋ᠤ᠌ ᠬᠠᠩᠭᠠᠯᠲᠠᠲᠠᠢ ᠬᠥᠷᠥᠩᠭᠡ ᠪᠠᠢᠭᠠ ᠯᠠ ᠳᠠ᠂ ᠥᠭᠡᠷᠡ ᠶᠠᠭᠤ ᠴᠤ᠌ ᠬᠡᠷᠡᠭ ᠦᠭᠡᠢ》 《ᠬᠥᠷᠥᠩᠭᠡ ᠠ᠋? ᠲᠡᠷᠡ ᠲᠠᠯᠠ ᠪᠠᠷ ᠢ᠋ᠶ᠋ᠠᠨ ᠶᠠᠷᠢᠯ ᠳᠠ?》 ᠴᠠᠢᠯᠭᠠᠨ ᠰᠡᠳᠬᠢᠯ ᠲᠡᠢ ᠠᠯᠢᠪᠠᠪᠠ ᠦᠨᠡᠨ ᠢ᠋ ᠤᠳᠠᠭᠠᠨ ᠨᠢᠭᠤᠵᠤ ᠲᠡᠰᠦᠭᠰᠡᠨ ᠦᠭᠡᠢ᠂ ᠲᠡᠭᠡᠭᠡᠳ ᠺᠠᠽᠢᠮ ᠳ᠋ᠤ᠌ ᠳᠡᠭᠡᠷᠡᠮᠴᠢᠳ ᠦ᠋ᠨ ᠲᠠᠯᠠ ᠪᠠᠷ ᠪᠣᠯᠤᠨ ᠠᠭᠤᠢ ᠶ᠋ᠢᠨ ᠲᠠᠯᠠ ᠪᠠᠷ ᠪᠦᠭᠦᠳᠡ ᠶ᠋ᠢ ᠬᠡᠯᠡᠯᠡ᠃ 《ᠵᠠ! ᠲᠤᠩ ᠰᠠᠢᠨ ᠪᠠᠢᠨᠠ᠂ ᠪᠢ ᠮᠠᠷᠭᠠᠰᠢ ᠲᠠᠢᠰᠢ ᠪᠠᠨ ᠣᠴᠢᠨᠠ᠂ ᠲᠡᠭᠡᠭᠡᠳ ᠴᠦ᠍ ᠴᠢᠨᠦ ᠮᠥᠩᠭᠥ᠂ ᠮᠢᠨᠦ ᠡᠭᠦᠷᠭᠡ᠂ ᠪᠢ ᠬᠠᠷᠠᠵᠤ ᠬᠠᠨᠳᠤᠬᠤ ᠶᠣᠰᠣᠲᠠᠢ᠂ ᠠ ᠠ᠂᠂᠂᠂ ᠠᠭᠤᠢ ᠶ᠋ᠢ ᠨᠡᠭᠡᠭᠡᠬᠦ ᠨᠢᠭᠤᠴᠠ ᠦᠭᠡ ᠶᠠᠭᠤ ᠪᠢᠯᠡ?》《ᠰᠸᠮᠰᠢᠮ ᠣᠩᠭᠣᠢ!》《ᠰᠸᠮᠰᠢᠮ ᠣᠩᠭᠣᠢ! ᠰᠸᠮᠰᠢᠮ ᠣᠩᠭᠣᠢ!》 ᠪᠢ ᠴᠡᠭᠡᠵᠢᠯᠡᠴᠢᠬᠡᠨᠡ᠃《ᠰᠸᠮᠰᠢᠮ ᠣᠩᠭᠣᠢ!》 ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠺᠠᠽᠢᠮ᠂ ᠠᠯᠲᠠ ᠵᠥᠭᠡᠭᠡᠬᠦ ᠳᠥᠷᠪᠡᠨ ᠴᠢᠳᠠᠯᠲᠠᠢ ᠯᠠᠭᠤᠰᠠ ᠠᠪᠤᠭᠠᠳ ᠭᠡᠷ ᠡᠴᠡ ᠪᠡᠨ ᠭᠠᠷᠤᠯᠠ᠂ ᠪᠢ ᠪᠠᠶᠠᠴᠤᠳ ᠠ᠋ᠴᠠ ᠴᠤ᠌ ᠪᠠᠶᠠᠨ ᠪᠣᠯᠤᠨᠠ᠂ ᠬᠠ ᠬᠠ ᠂ᠲᠡᠷᠡ ᠠᠭᠤᠢ ᠳ᠋ᠤ᠌ ᠬᠦᠷᠦᠭᠡᠳ ᠬᠠᠰᠬᠢᠷᠤᠯᠠ᠂《ᠰᠸᠮᠰᠢᠮ ᠣᠩᠭᠣᠢ!》 ᠬᠠᠭᠠᠯᠭᠠ ᠨᠡᠭᠡᠭᠡᠭᠳᠡᠵᠦ ᠲᠡᠭᠦᠨ ᠦ᠌ ᠠᠷᠤ ᠳ᠋ᠤ᠌ ᠬᠠᠭᠠᠭᠳᠠᠯᠠ᠂ ᠭᠠᠢᠬᠠᠮᠰᠢᠭᠲᠠᠢ᠂ ᠢᠲᠡᠭᠡᠮᠡᠷ ᠦᠭᠡᠢ ᠶᠦᠮ᠃ ᠮᠠᠰᠢ ᠶᠡᠬᠡ ᠠᠯᠲᠠ᠂ ᠮᠠᠰᠢ ᠶᠡᠬᠡ ᠡᠷᠳᠡᠨᠢᠰ᠂ ᠡᠨᠳᠡ ᠡᠴᠡ ᠪᠦᠭᠦᠳᠡ ᠶ᠋ᠢ ᠨᠢ ᠠᠪᠴᠤ ᠶᠠᠪᠤᠨᠠ ᠳᠠ᠃ ᠺᠠᠽᠢᠮ ᠪᠦᠬᠦ ᠠᠯᠲᠠ ᠡᠷᠳᠡᠨᠢᠰ ᠢ᠋ ᠰᠢᠭᠤᠳᠠᠢ ᠳ᠋ᠤ᠌ ᠬᠢᠯᠡ᠃ ᠭᠡᠪᠡᠴᠦ ᠪᠤᠴᠠᠬᠤ ᠭᠡᠵᠦ ᠬᠠᠭᠠᠯᠭᠠᠨ ᠳ᠋ᠤ᠌ ᠬᠦᠷᠦᠭᠡᠳ ᠲᠡᠨᠳᠡ ᠪᠡᠨ ᠶᠠᠭᠤᠮᠠ ᠪᠣᠳᠣᠭᠠᠳ ᠵᠣᠭᠰᠣᠴᠢᠬᠠᠯᠠ᠂ 《ᠵᠠ ᠪᠠᠢᠵᠠ᠂ ᠶᠠᠮᠠᠷ ᠦᠭᠡ ᠪᠢᠯᠡ? ᠠ ᠠ ᠶᠠᠭᠤ᠂᠂᠂᠂ ᠠᠷᠪᠠᠢ ᠪᠤᠭᠤᠳᠠᠢ ᠣᠩᠭᠣᠢ᠂ ᠡᠭᠦᠳᠡ ᠪᠡᠨ ᠨᠡᠬᠡᠭᠡ ᠪᠤᠳᠠᠭᠠ᠂ ᠬᠠᠭᠠᠯᠭᠠ ᠨᠡᠭᠡᠭᠡᠭᠳᠡ᠂ ᠬᠠᠭᠠᠯᠭᠠ ᠨᠡᠭᠡᠭᠡᠭᠳᠡ᠂ ᠬᠥᠮᠦᠨ ᠪᠠᠢᠨᠠ ᠤᠤ? ᠨᠡᠭᠡᠭᠡᠭᠡᠴᠢ!》 ᠪᠠᠶᠠᠷᠯᠠᠵᠤ ᠶᠠᠪᠤᠭᠠᠳ ᠺᠠᠽᠢᠮ ᠨᠢᠭᠤᠴᠠ ᠦᠭᠡ ᠶ᠋ᠢ ᠮᠠᠷᠲᠠᠵᠤ᠂ ᠠᠭᠤᠢ ᠳᠣᠲᠣᠷᠠ ᠲᠦᠭᠵᠢᠭᠳᠡᠴᠢᠬᠡᠯᠡ᠃ ᠬᠡᠰᠡᠭ ᠬᠤᠭᠤᠴᠠᠭᠠᠨ ᠤ᠋ ᠳᠠᠷᠠᠭᠠ ᠮᠣᠷᠢᠨ ᠲᠦᠪᠡᠷᠭᠡᠨ ᠰᠣᠨᠣᠰᠤᠭᠳᠠᠯᠠ᠃ ᠳᠥᠴᠢᠨ ᠳᠡᠭᠡᠷᠡᠮᠴᠢᠨ ᠠᠭᠤᠢ ᠳ᠋ᠤ᠌ ᠪᠤᠴᠠᠵᠤ ᠢᠷᠡᠯᠡ᠃《ᠰᠸᠮᠰᠢᠮ ᠣᠩᠭᠣᠢ!》 ᠬᠠᠭᠠᠯᠭᠠ ᠨᠡᠭᠡᠭᠡᠭᠳᠡᠬᠦ ᠳ᠋ᠤ᠌ ᠳᠡᠭᠡᠷᠡᠮᠴᠢᠳ ᠺᠠᠽᠢᠮ ᠢ᠋ ᠬᠠᠭᠠᠯᠭᠠᠨ ᠳᠡᠭᠡᠷᠡ ᠰᠥᠬᠥᠷᠡᠨ ᠰᠠᠭᠤᠵᠤ ᠪᠠᠢᠬᠤ ᠶ᠋ᠢ ᠣᠯᠪᠠ᠃ ᠳᠡᠭᠡᠷᠡᠮᠴᠢᠳ ᠤ᠋ᠨ ᠲᠣᠯᠣᠭᠠᠢᠯᠠᠭᠴᠢ ᠨᠢᠭᠡ ᠴᠦ᠍ ᠶᠠᠭᠤᠮᠠ ᠠᠰᠠᠭᠤᠯ ᠦᠭᠡᠢ ᠢᠯᠳᠦ ᠪᠡᠨ ᠰᠤᠭᠤᠯᠵᠤ ᠺᠠᠽᠢᠮ ᠢ ᠬᠣᠷᠣᠭᠠᠭᠠᠳ ᠲᠡᠨᠳᠡ ᠣᠷᠬᠢᠭᠠᠳ ᠶᠠᠪᠤᠴᠢᠬᠠᠯᠠ᠃ ᠺᠠᠽᠢᠮ ᠤ᠋ᠨ ᠡᠬᠡᠨᠡᠷ ᠠᠯᠢᠪᠠᠪᠠ ᠳᠡᠭᠡᠷᠡ ᠣᠴᠢᠵᠤ ᠺᠠᠽᠢᠮ ᠠᠯᠠᠭᠠ ᠪᠣᠯᠤᠭᠰᠠᠨ ᠲᠤᠬᠠᠢ ᠳᠣᠭᠣᠯᠭᠠᠪᠠ᠃ 《ᠲᠡᠷᠡ ᠠᠭᠤᠢ ᠤᠷᠤᠭᠤ ᠶᠠᠪᠤᠭᠰᠠᠨ᠃ ᠪᠢ ᠶᠠᠪᠤᠵᠤ ᠲᠡᠭᠦᠨ ᠢ᠋ ᠣᠯᠵᠤ ᠢᠷᠡᠶᠡ ᠳᠠ》᠃ ᠠᠯᠢᠪᠠᠪᠠ ᠠᠭᠤᠢ ᠤᠷᠤᠭᠤ ᠣᠴᠢᠭᠠᠳ ᠺᠠᠽᠢᠮ ᠤ᠋ᠨ ᠴᠣᠭᠴᠠᠰ ᠲᠡᠨᠳᠡ ᠪᠠᠢᠬᠤ ᠶ᠋ᠢ ᠣᠯᠵᠤ ᠮᠡᠳᠡᠪᠡ᠃《ᠦ᠋ ᠦᠭᠡᠢ᠂ ᠦ᠋ ᠦᠭᠡᠢ》 ᠠᠬᠠ ᠶ᠋ᠢ ᠪᠡᠨ ᠯᠠᠭᠤᠰᠠ ᠳᠡᠭᠡᠷᠡ ᠳᠡᠭᠦᠷᠦᠭᠡᠳ ᠭᠡᠷ ᠲᠤ᠌ ᠨᠢ ᠠᠪᠴᠢᠷᠠᠯᠠ᠃ ᠺᠠᠽᠢᠮ ᠤ᠋ᠨ ᠰᠢᠪᠡᠭᠴᠢᠨ ᠮᠤᠷᠭᠢᠶᠠᠨᠠ ᠪᠣᠯᠤᠭᠰᠠᠨ ᠶᠠᠪᠤᠳᠠᠯ ᠤ᠋ᠨ ᠲᠠᠯᠠ ᠪᠠᠷ ᠪᠦᠭᠦᠳᠡ ᠶ᠋ᠢ ᠳᠣᠭᠣᠯᠵᠠᠢ᠃
《ᠦᠬᠦᠭᠰᠡᠨ ᠰᠢᠯᠲᠠᠭᠠᠨ ᠢ᠋ ᠨᠢ ᠬᠥᠮᠦᠰ ᠡᠴᠡ ᠨᠢᠭᠤᠬᠤ ᠬᠡᠷᠡᠭᠲᠡᠢ᠃ ᠪᠢ ᠶᠠᠪᠤᠵᠤ ᠡᠮᠴᠢ ᠡᠴᠡ ᠡᠮ ᠠᠪᠴᠢᠷᠠᠶᠠ ᠳᠠ᠂ ᠲᠡᠭᠡᠪᠡᠯ ᠡᠪᠡᠳᠴᠢᠨᠲᠡᠢ ᠭᠡᠵᠦ ᠢᠲᠡᠭᠡᠭᠦᠯᠵᠦ ᠪᠠᠢᠭᠠᠳ ᠮᠠᠷᠭᠠᠰᠢ ᠥᠷᠯᠥᠭᠡ ᠦᠬᠦᠭᠰᠡᠨ ᠭᠡᠵᠦ ᠵᠠᠷᠯᠠᠵᠤ ᠪᠣᠯᠬᠤ ᠶᠤᠮ᠃》 ᠲᠡᠭᠦᠨ ᠦ᠌ ᠰᠠᠨᠠᠭᠠ ᠶ᠋ᠢ ᠪᠦᠭᠦᠳᠡ ᠵᠥᠪᠰᠢᠶᠡᠷᠡᠯᠡ᠂ ᠬᠡᠳᠦᠨ ᠡᠳᠦᠷ ᠥᠩᠭᠡᠷᠡᠭᠰᠡᠨ ᠪᠣᠯᠪᠠᠴᠤ ᠺᠠᠽᠢᠮ ᠤ᠋ᠨ ᠡᠬᠡᠨᠡᠷ ᠭᠠᠰᠢᠭᠤᠳᠠᠯ ᠢ᠋ᠶ᠋ᠠᠨ ᠲᠡᠰᠴᠦ ᠴᠢᠳᠠᠯ ᠦᠭᠡᠢ ᠨᠠᠰᠤ ᠨᠢ ᠡᠴᠦᠰᠯᠡᠪᠡ᠃ 《ᠡᠨᠳᠡ ᠦᠢᠯᠡᠴᠢᠯᠡᠬᠦ ᠬᠥᠮᠦᠨ ᠡᠷᠢᠭᠰᠡᠨ ᠦᠭᠡᠢ᠂ ᠂ ᠨᠠᠮᠠ ᠶ᠋ᠢ ᠭᠡᠷ ᠲᠤ᠌ ᠴᠢᠨᠢ ᠠᠵᠢᠯᠯᠠᠬᠤ ᠶ᠋ᠢ ᠵᠥᠪᠰᠢᠶᠡᠷᠡᠭᠡᠴᠢ ᠳᠡ᠃》ᠠᠯᠢᠪᠠᠪᠠ ᠲᠡᠭᠦᠨ ᠢ᠋ ᠤᠬᠠᠭᠠᠨᠲᠠᠢ ᠪᠦᠰᠡᠭᠦᠢ ᠬᠣᠵᠢᠮ ᠬᠡᠷᠡᠭ ᠪᠣᠯᠤᠨᠠ ᠭᠡᠳᠡᠭ ᠢ᠋ ᠮᠡᠳᠡᠵᠦ ᠪᠠᠢᠭᠰᠠᠨ ᠤᠴᠢᠷ᠂ ᠮᠤᠷᠬᠢᠶᠠᠨᠠ ᠶ᠋ᠢ ᠭᠡᠷ ᠲᠦ᠍ ᠪᠡᠨ ᠠᠪᠴᠢᠷᠠᠪᠠ᠃ ᠮᠠᠷᠭᠠᠰᠢ ᠨᠢ ᠳᠡᠭᠡᠷᠡᠮᠴᠢᠳ ᠠᠭᠤᠢ ᠳ᠋ᠤ᠌ ᠢᠷᠡᠯᠡ᠃ 《ᠨᠥᠭᠦᠭᠡ ᠦᠬᠦᠳᠡᠯ ᠬᠠᠮᠢᠭᠠ ᠪᠠᠢᠨᠠ? ᠪᠢᠳᠡᠨ ᠦ᠌ ᠨᠢᠭᠤᠴᠠ ᠶ᠋ᠢ ᠮᠡᠳᠡᠬᠦ ᠥᠭᠡᠷᠡ ᠬᠥᠮᠦᠨ ᠪᠠᠢᠨᠠ ᠳᠠ᠃ ᠡᠨᠡ ᠪᠣᠯ ᠪᠢᠳᠡᠨ ᠦ᠌ ᠨᠠᠰᠤ ᠪᠠᠷ ᠢ᠋ᠶ᠋ᠠᠨ ᠴᠤᠭᠯᠠᠭᠤᠯᠤᠭᠰᠠᠨ ᠬᠥᠷᠥᠩᠭᠡ᠂ ᠬᠥᠷᠥᠩᠭᠡ ᠪᠡᠨ ᠠᠯᠳᠠᠬᠤ ᠡᠴᠡ ᠡᠮᠦᠨᠡ ᠪᠢᠳᠡ ᠳᠠᠢᠰᠤᠨ ᠮᠢᠨᠢ ᠬᠡᠨ ᠪᠣᠯᠬᠤ ᠶ᠋ᠢ ᠣᠯᠵᠤ ᠮᠡᠳᠡᠬᠦ ᠶᠣᠰᠣᠲᠠᠢ᠃ ᠲᠣᠰᠬᠣᠨ ᠵᠦᠭ ᠶᠠᠪᠤ᠂ ᠰᠠᠶᠢᠬᠠᠨ ᠠᠮᠢ ᠪᠠᠨ ᠠᠯᠳᠠᠭᠰᠠᠨ ᠬᠡᠨ ᠪᠠᠢᠭᠠ ᠶ᠋ᠢ ᠣᠯᠵᠤ ᠮᠡᠳᠡ᠃》ᠲᠡᠷᠡ ᠬᠥᠮᠦᠨ ᠢ᠋ ᠣᠯᠬᠤ ᠪᠠᠷ ᠪᠦᠬᠦ ᠳᠡᠭᠡᠷᠡᠮᠴᠢᠳ ᠲᠣᠰᠬᠣᠨ ᠤᠷᠤᠭᠤ ᠶᠠᠪᠤᠪᠠ᠃ ᠨᠢᠭᠡ ᠳᠡᠭᠡᠷᠡᠮᠴᠢᠨ ᠡᠮᠴᠢ ᠶ᠋ᠢᠨ ᠭᠡᠷ ᠲᠦ᠍ ᠢᠷᠡᠯᠡ᠂《ᠰᠠᠢᠨ ᠤᠤ? ᠡᠮᠴᠢ ᠠ᠋! ᠣᠢᠷᠠ ᠶ᠋ᠢᠨ ᠬᠡᠳᠦᠨ ᠡᠳᠦᠷ ᠠᠮᠢ ᠪᠠᠨ ᠠᠯᠳᠠᠭᠰᠠᠨ ᠬᠥᠮᠦᠨ ᠪᠠᠢᠭᠠ ᠡᠰᠡᠬᠦ ᠶ᠋ᠢ ᠮᠡᠳᠡᠬᠦ ᠭᠡᠰᠡᠨ ᠶᠦᠮ ᠯᠡ ᠳᠡ》《ᠲᠡᠢᠮᠦ ᠠ᠋! ᠺᠠᠽᠢᠮ ᠦᠬᠦᠭᠰᠡᠨ᠂ ᠰᠢᠪᠡᠭᠴᠢᠨ ᠨᠢ ᠡᠪᠡᠳᠦᠭᠰᠡᠨ ᠭᠡᠰᠡᠨ ᠪᠣᠯᠬᠣᠷ ᠪᠢ ᠡᠮ ᠥᠭᠭᠦᠭᠰᠡᠨ᠂ ᠭᠡᠬᠦ ᠳ᠋ᠦ᠍ ᠪᠠᠨ ᠯᠠ ᠦᠬᠦᠴᠢᠬᠡᠭᠰᠡᠨ ᠪᠠᠢᠨᠠ᠂ ᠶᠡᠬᠡ ᠯᠡ ᠬᠠᠷᠠᠮᠰᠠᠯᠲᠠᠢ ᠪᠠᠢᠨᠠ᠃》《ᠵᠣᠯ ᠦᠭᠡᠢ ᠶᠠᠭᠤᠮᠠ ᠪᠣᠯᠵᠠᠢ ᠳᠠ ᠂ ᠭᠡᠷ ᠨᠢ ᠬᠠᠮᠢᠭᠠ ᠪᠠᠢᠳᠠᠭ ᠶᠤᠮ ᠪᠣᠢ?》《ᠲᠡᠷᠡ ᠪᠠᠢᠰᠢᠩ ᠳ᠋ᠤ᠌ ᠬᠡᠨ ᠴᠦ᠍ ᠠᠮᠢᠳᠤᠷᠠᠳᠠᠭ ᠦᠭᠡᠢ᠂ ᠭᠡᠪᠡᠴᠦ ᠲᠡᠭᠦᠨ ᠦ᠌ ᠳᠡᠭᠦᠦ ᠠᠯᠢᠪᠠᠪᠠ ᠪᠣᠢ᠃ ᠲᠡᠷᠡ ᠭᠤᠳᠤᠮᠵᠢᠨ ᠤ᠋ ᠮᠤᠬᠤᠷ ᠲᠤ᠌ ᠠᠮᠢᠳᠤᠷᠠᠳᠠᠭ ᠶᠤᠮ᠃》 ᠳᠡᠭᠡᠷᠡᠮᠴᠢᠨ ᠴᠣᠭᠴᠠᠰ ᠢ᠋ ᠠᠪᠴᠤ ᠶᠠᠪᠤᠭᠰᠠᠨ ᠬᠥᠮᠦᠨ ᠠᠯᠢᠪᠠᠪᠠ ᠡᠴᠡ ᠵᠠᠢᠯᠠᠬᠤ ᠦᠭᠡᠢ ᠭᠡᠵᠦ ᠪᠣᠳᠣᠭᠰᠠᠨ ᠤᠴᠢᠷ ᠰᠥᠨᠢ ᠭᠡᠷ ᠲᠦ᠋ᠨᠢ ᠣᠴᠢᠯᠠ᠃ᠭᠤᠳᠤᠮᠵᠢᠨ ᠳ᠋ᠤ᠌ ᠬᠡᠨ ᠴᠦ᠍ ᠪᠠᠢᠭᠰᠠᠨ ᠦᠭᠡᠢ᠃ ᠲᠡᠷᠡ ᠬᠠᠭᠠᠯᠭᠠᠨ ᠳᠡᠭᠡᠷᠡ ᠲᠡᠮᠳᠡᠭ ᠲᠠᠯᠪᠢᠯᠠ᠃《ᠮᠠᠷᠭᠠᠰᠢ ᠪᠢ ᠬᠥᠮᠦᠰ ᠲᠡᠢ ᠪᠡᠨ ᠢᠷᠡᠵᠦ ᠡᠨᠡ ᠪᠠᠢᠰᠢᠩ ᠤ᠋ᠨ ᠬᠥᠮᠦᠨ ᠪᠦᠷᠢ ᠶ᠋ᠢ ᠦᠭᠡᠢ ᠬᠢᠨᠡ ᠳᠡ᠃》ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠮᠤᠷᠬᠢᠶᠠᠨᠠ ᠬᠠᠭᠠᠯᠭᠠᠨ ᠳᠡᠭᠡᠷᠡᠬᠢ ᠲᠡᠮᠳᠡᠭ ᠢ᠋ ᠬᠠᠷᠠᠪᠠ᠃ ᠤᠬᠠᠭᠠᠯᠢᠭ ᠮᠤᠷᠬᠢᠶᠠᠨᠠ ᠭᠡᠷ ᠦ᠋ᠨ ᠬᠢᠨᠢ ᠠᠶᠤᠯ ᠳ᠋ᠤ᠌ ᠣᠷᠣᠭᠰᠠᠨ ᠢ᠋ ᠣᠢᠯᠠᠭᠠᠵᠠᠢ᠃ ᠲᠡᠷᠡ ᠭᠤᠳᠤᠮᠵᠢᠨ ᠤ᠋ ᠠᠢᠯ ᠪᠦᠷᠢ ᠶ᠋ᠢᠨ ᠬᠠᠭᠠᠯᠭᠠᠨ ᠳ᠋ᠤ᠌ ᠶᠠᠭ ᠲᠡᠢᠮᠦ ᠲᠡᠮᠳᠡᠭ ᠲᠠᠯᠪᠢᠪᠠ᠃ ᠰᠥᠨᠢ ᠳᠤᠮᠳᠠ ᠪᠣᠯᠬᠤ ᠳ᠋ᠤ᠌ ᠳᠡᠭᠡᠷᠡᠮᠴᠢᠳ ᠭᠤᠳᠤᠮᠵᠢᠨ ᠳ᠋ᠤ᠌ ᠢᠷᠡᠭᠰᠡᠨ ᠴᠦ᠍ ᠬᠠᠭᠠᠯᠭᠠ ᠪᠦᠷᠢ ᠳ᠋ᠦ᠍ ᠠᠳᠠᠯᠢᠬᠠᠨ ᠲᠡᠮᠳᠡᠭ ᠪᠠᠢᠭᠰᠠᠨ ᠤᠴᠢᠷ ᠪᠠᠯᠠᠮᠠᠭᠳᠠᠵᠤ ᠣᠷᠬᠢᠯᠠ᠃ ᠳᠡᠭᠡᠷᠡᠮᠴᠢᠳ ᠤᠷᠮᠠ ᠨᠢ ᠬᠤᠭᠤᠷᠠᠵᠤ ᠪᠤᠴᠠᠪᠠ᠃ ᠮᠠᠷᠭᠠᠰᠢ ᠪᠢ ᠥᠪᠡᠷ ᠢ᠋ᠶ᠋ᠡᠨ ᠢᠷᠡᠵᠦ ᠤᠴᠢᠷ ᠢ᠋ ᠨᠢ ᠣᠯᠤᠨᠠ᠃ ᠲᠣᠯᠣᠭᠠᠢᠯᠠᠭᠴᠢ ᠨᠢ ᠡᠨᠡ ᠤᠳᠠᠭᠠ ᠥᠪᠡᠷ ᠢ᠋ᠶ᠋ᠡᠨ ᠶᠠᠪᠤᠬᠤ ᠪᠠᠷ ᠰᠢᠢᠳᠦᠯᠡ᠃ ᠭᠡᠪᠡᠴᠦ ᠪᠤᠰᠤᠳ ᠡᠴᠡ ᠪᠡᠨ ᠤᠬᠠᠭᠠᠯᠢᠭ ᠤ᠋ᠨ ᠬᠤᠪᠢ ᠳ᠋ᠤ᠌ ᠲᠡᠷᠡ ᠬᠠᠭᠠᠯᠭᠠᠨ ᠳᠡᠭᠡᠷᠡ ᠲᠡᠮᠳᠡᠭ ᠲᠠᠯᠪᠢᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠶᠠᠭᠠᠬᠢᠭᠰᠠᠨ ᠴᠤ᠌ ᠮᠠᠷᠲᠠᠭᠳᠠᠬᠤ ᠪᠠᠷ ᠦᠭᠡᠢ ᠪᠡᠷ ᠰᠠᠢᠨ ᠬᠠᠷᠠᠵᠤ ᠲᠣᠭᠲᠠᠭᠠᠵᠤ ᠠᠪᠤᠯᠠ᠃ ᠲᠡᠷᠡ ᠳᠥᠴᠢᠨ ᠯᠠᠭᠤᠰᠠ ᠳᠥᠴᠢᠨ ᠬᠣᠭᠣᠰᠣᠨ ᠲᠣᠷᠬᠠ ᠠᠪᠴᠢᠷᠠᠭᠤᠯᠵᠤ ᠨᠢᠭᠡ ᠲᠣᠷᠬᠠ ᠶ᠋ᠢ ᠲᠣᠰᠣ ᠪᠠᠷ ᠳᠦᠭᠦᠷᠭᠡᠯᠡ᠃ ᠦᠯᠡᠳᠡᠭᠰᠡᠨ ᠲᠣᠷᠬᠠ ᠳ᠋ᠤ᠌ ᠲᠡᠷᠡ ᠪᠤᠰᠤᠳ ᠳᠡᠭᠡᠷᠡᠮᠴᠢᠳ ᠢ ᠨᠢᠭᠤᠵᠠᠢ᠃ ᠲᠣᠯᠣᠭᠠᠢᠯᠠᠭᠴᠢᠳ ᠳᠠᠷᠠᠭᠠ ᠨᠢ ᠲᠣᠰᠣᠨ ᠤ᠋ ᠬᠤᠳᠠᠯᠳᠤᠭᠠᠴᠢᠨ ᠤ᠋ ᠳᠦᠷᠢ ᠪᠡᠷ ᠠᠯᠢᠪᠠᠪᠠ ᠶ᠋ᠢᠨ ᠭᠡᠷ ᠲᠤ᠌ ᠣᠴᠢᠭᠰᠠᠨ ᠶᠤᠮ᠃ 《ᠲᠠ ᠬᠡᠨ ᠲᠡᠢ ᠠᠭᠤᠯᠵᠠᠬᠤ ᠶ᠋ᠢ ᠬᠦᠰᠡᠭᠰᠡᠨ ᠶᠦᠮ? ᠪᠢ ᠪᠣᠯ ᠲᠣᠰᠣ ᠬᠤᠳᠠᠯᠳᠤᠭᠠᠯᠠᠬᠤ ᠪᠠᠷ ᠠᠽᠢᠶᠠ ᠤᠷᠤᠭᠤ ᠶᠠᠪᠤᠵᠤ ᠪᠠᠢᠭᠠ ᠲᠣᠰᠣᠨ ᠤ᠋ ᠬᠤᠳᠠᠯᠳᠤᠭᠠᠴᠢᠨ ᠪᠠᠢᠨᠠ᠃ ᠰᠥᠨᠢ ᠣᠷᠣᠢ ᠪᠣᠯᠴᠢᠬᠠᠯᠠ᠃ᠪᠢ ᠬᠣᠨᠣᠭ ᠲᠥᠬᠥᠭᠡᠷᠦᠭᠦᠯᠬᠦ ᠭᠠᠵᠠᠷ ᠬᠠᠢᠵᠤ ᠪᠠᠢᠭᠠ ᠶᠤᠮ᠃》《ᠶᠡᠬᠡ ᠬᠣᠯᠠ ᠵᠠᠮ ᠳ᠋ᠤ᠌ ᠶᠠᠪᠤᠭᠠ ᠶᠤᠮ ᠂ ᠪᠠᠢᠨᠠ ᠳᠠ ᠂ ᠵᠠ᠂ ᠳᠣᠲᠣᠭᠰᠢ ᠪᠠᠨ ᠣᠷᠣᠨ ᠠᠶᠠᠨ ᠵᠠᠮ ᠤ᠋ᠨ ᠢ᠋ᠶ᠋ᠠᠨ ᠠᠯᠵᠢᠶᠠᠯ ᠢ᠋ ᠲᠠᠢᠯ ᠯᠠ ᠳᠠ᠃》《ᠪᠢ ᠡᠬᠢᠯᠡᠭᠡᠳ ᠲᠣᠷᠬᠠ ᠨᠤᠭᠤᠳ ᠢ᠋ ᠴᠢᠨᠢ ᠦᠵᠡᠶᠡ᠃ ᠥ ᠂ᠪᠣᠯᠬᠤ ᠦᠭᠡᠢ ᠶᠠᠭᠤᠮᠠ ᠶᠠᠭᠤ ᠪᠠᠢᠬᠤᠪ ᠳᠠ᠂ ᠵᠠᠪᠠᠯ ᠬᠠᠷᠠ᠂ ᠴᠢᠮᠠ ᠰᠢᠭ ᠰᠠᠢᠬᠠᠨ ᠪᠦᠰᠡᠭᠦᠢ ᠠᠶᠤᠯ ᠦᠭᠡᠢ ᠪᠠᠢᠳᠠᠯ ᠢ᠋ᠶ᠋ᠠᠨ ᠪᠣᠳᠣᠬᠤ ᠶᠣᠰᠣᠲᠠᠢ ᠰᠢᠦ᠃》 ᠮᠣᠷᠭᠢᠶᠠᠨᠠ ᠶᠠᠭ ᠲᠣᠰᠣ ᠲᠠᠢ ᠲᠣᠷᠬᠠ ᠶ᠋ᠢ ᠨᠡᠭᠡᠭᠡᠯᠡ᠃ ᠰᠡᠳᠬᠢᠯ ᠨᠢ ᠲᠠᠢᠪᠤᠰᠢᠷᠠᠵᠠᠢ᠃ ᠲᠣᠯᠣᠭᠠᠢᠯᠠᠭᠴᠢ ᠶ᠋ᠢᠨ ᠰᠠᠨᠠᠭᠠ ᠠᠮᠠᠷᠠᠯᠠ᠃ ᠲᠡᠳᠡ ᠪᠦᠭᠦᠳᠡ ᠳᠣᠲᠣᠭᠰᠢ ᠣᠷᠣᠪᠠ᠃ ᠮᠣᠷᠭᠢᠶᠠᠨᠠ ᠶᠡᠬᠡ ᠠᠮᠲᠠᠲᠠᠢ ᠣᠷᠣᠢ ᠶ᠋ᠢᠨ ᠵᠣᠭᠣᠭ ᠪᠡᠯᠡᠳᠦᠯᠡ᠃ ᠬᠣᠭᠣᠯᠠ ᠵᠥᠭᠡᠭᠡᠵᠦ ᠪᠠᠢᠭᠠᠳ ᠬᠤᠳᠠᠯᠳᠤᠭᠠᠴᠢᠨ ᠤ᠋ ᠬᠤᠷᠤᠭᠤᠨ ᠳ᠋ᠠᠬᠢ ᠨᠢᠭᠡ ᠪᠥᠭᠡᠵᠢ ᠶ᠋ᠢ ᠬᠠᠷᠠᠵᠠᠢ᠃ ᠠᠯᠢᠪᠠᠪᠠ ᠶ᠋ᠢᠨ ᠡᠷᠳᠡᠨᠢᠰ ᠲᠡᠢ ᠬᠠᠮᠲᠤ ᠠᠪᠴᠢᠷᠠᠭᠰᠠᠨ ᠪᠥᠭᠡᠵᠢ ᠲᠡᠢ ᠠᠳᠠᠯᠢᠬᠠᠨ ᠪᠣᠯᠬᠤ ᠶ᠋ᠢ ᠣᠢᠯᠠᠭᠠᠪᠠ᠃ ᠲᠡᠷᠡ ᠳᠠᠬᠢᠭᠠᠳ ᠯᠠ ᠡᠷᠡᠭᠡᠯᠵᠡᠯᠡ᠃ ᠰᠡᠮᠡᠭᠡᠷᠬᠡᠨ ᠲᠣᠷᠬᠠ ᠨᠤᠭᠤᠳ ᠳᠡᠭᠡᠷᠡ ᠶᠠᠪᠤᠵᠤ ᠣᠴᠢᠭᠠᠳ ᠲᠣᠭᠰᠢᠵᠠᠢ ᠭᠡᠨᠡ᠃《ᠪᠢᠳᠡ ᠭᠠᠷᠬᠤ ᠤᠤ? ᠲᠣᠯᠣᠭᠠᠢᠯᠠᠭᠴᠢ ᠠ᠋ !》ᠮᠣᠷᠭᠢᠶᠠᠨᠠ ᠪᠦᠬᠦ ᠵᠠᠯᠢ ᠶ᠋ᠢ ᠣᠢᠯᠠᠭᠠᠵᠠᠢ᠃ᠲᠡᠷᠡ ᠪᠦᠬᠦ ᠲᠣᠷᠬᠠ ᠶ᠋ᠢ ᠰᠢᠯᠭᠠᠵᠤ ᠳᠣᠲᠣᠷᠠ ᠨᠢ ᠳᠡᠭᠡᠷᠡᠮᠴᠢᠨ ᠨᠢᠭᠤᠭᠳᠠᠭᠠ ᠦᠭᠡᠢ ᠲᠣᠷᠬᠠ ᠶ᠋ᠢ ᠣᠯᠪᠠ᠃ ᠲᠣᠰᠣ ᠲᠠᠢ ᠲᠣᠷᠬᠠ ᠶ᠋ᠢ ᠠᠪᠴᠤ ᠶᠠᠪᠤᠵᠤ ᠲᠣᠮᠣ ᠲᠣᠭᠣᠭᠠᠨ ᠳ᠋ᠤ᠌ ᠬᠢᠵᠦ ᠬᠠᠯᠠᠭᠠᠯᠠ᠃ᠳᠠᠷᠠᠭᠠ ᠨᠢ ᠲᠣᠷᠬᠠ ᠪᠣᠯᠭᠠᠨ ᠳ᠋ᠤ᠌ ᠠᠶᠠᠭᠠ ᠳᠦᠭᠦᠷᠡᠩ ᠬᠠᠯᠠᠭᠤᠨ ᠲᠣᠰᠣ ᠬᠢᠵᠡᠢ᠃ 《ᠠ ᠠ᠂᠂᠂᠂ ᠠ ᠠ᠂᠂᠂᠂》ᠢᠩᠭᠢᠭᠡᠳ ᠲᠡᠷᠡ ᠳᠡᠭᠡᠷᠡᠮᠴᠢᠳ ᠡᠴᠡ ᠰᠠᠯᠵᠠᠢ᠃ ᠰᠥᠨᠢ ᠲᠣᠯᠣᠭᠠᠢᠯᠠᠭᠴᠢ ᠨᠢ ᠳᠡᠭᠡᠷᠡᠮᠴᠢᠨ ᠨᠥᠬᠥᠳ ᠢ᠋ᠶ᠋ᠡᠨ ᠳᠠᠭᠤᠳᠠᠬᠤ ᠪᠠᠷ ᠭᠠᠷᠴᠤ ᠢᠷᠡᠪᠡ᠃ ᠭᠡᠪᠡᠴᠦ ᠲᠣᠷᠬᠠ ᠶ᠋ᠢ ᠨᠡᠭᠡᠭᠡᠵᠦ ᠦᠵᠡᠭᠡᠳ ᠠᠶᠤᠵᠤ ᠭᠠᠢᠬᠠᠬᠤ ᠵᠡᠷᠭᠡᠴᠡᠵᠡᠢ᠃ᠲᠡᠷᠡ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠵᠠᠩᠬᠠᠨ ᠳ᠋ᠤ᠌ ᠥᠪᠡᠷ ᠢ᠋ᠶ᠋ᠡᠨ ᠣᠷᠣᠵᠠᠢ᠃ ᠠᠶᠤᠭᠰᠠᠨ ᠳ᠋ᠤ᠌ ᠪᠠᠨ ᠲᠡᠨᠳᠡ ᠡᠴᠡ ᠵᠢᠭᠤᠲᠠᠯᠠ᠃ ᠮᠠᠷᠭᠠᠰᠢ ᠨᠢ ᠮᠣᠷᠬᠢᠶᠠᠨᠠ ᠪᠣᠯᠤᠭᠰᠠᠨ ᠶᠠᠪᠤᠳᠠᠯ ᠢ ᠠᠯᠢᠪᠠᠪᠠ ᠳ᠋ᠤ᠌ ᠬᠡᠯᠡᠵᠡᠢ᠃《ᠴᠢ ᠮᠢᠨᠦ ᠠᠮᠢ ᠶ᠋ᠢ ᠠᠪᠤᠷᠠᠵᠠᠢ᠂ ᠲᠠᠯᠠᠷᠬᠠᠭᠠᠳ ᠪᠠᠷᠠᠰᠢ ᠦᠭᠡᠢ ᠨᠢ ᠠ᠋ ᠂ᠥᠬᠢᠨ ᠮᠢᠨᠢ! ᠣᠳᠣ ᠡᠴᠡ ᠡᠬᠢᠯᠡᠨ ᠴᠢ ᠵᠦᠭᠡᠷ ᠨᠢᠭᠡ ᠰᠢᠪᠡᠭᠴᠢᠨ ᠪᠢᠰᠢ᠂ ᠪᠦᠷ ᠡᠨᠡ ᠭᠡᠷ ᠪᠦᠯᠢ ᠶ᠋ᠢᠨ ᠨᠢᠭᠡ ᠭᠡᠰᠢᠭᠦᠨ ᠭᠡᠰᠡᠨ ᠦᠭᠡ᠃》《ᠪᠠᠶᠠᠷᠯᠠᠯᠠ! ᠡᠵᠡᠨ ᠮᠢᠨᠢ᠃》ᠲᠡᠳᠡ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠨᠢᠭᠡᠨ ᠵᠢᠷᠭᠠᠯᠲᠠᠢ ᠭᠡᠷ ᠪᠦᠯᠢ ᠪᠣᠯᠵᠤ ᠦᠯᠡᠳᠡᠭᠰᠡᠨ ᠶᠦᠮ᠃ ᠡᠷᠳᠡᠨᠢᠰ ᠦ᠋ᠨ ᠠᠭᠤᠢ ᠶ᠋ᠢᠨ ᠨᠢᠭᠤᠴᠠ ᠶ᠋ᠢ ᠮᠡᠳᠡᠳᠡᠭ ᠭᠠᠭᠴᠠ ᠬᠥᠮᠦᠨ ᠠᠯᠢᠪᠠᠪᠠ ᠪᠠᠢᠯᠠ᠃
《ᠰᠸᠢᠮᠰᠸᠢᠮ ᠣᠩᠭᠣᠢ!》
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠦᠷᠴᠠᠢᠬᠤ ᠂ ᠠᠰᠬᠠ᠂ ᠪᠠᠳᠠᠷᠠᠯᠲᠤ
ᠦᠰᠦᠭ ᠬᠠᠲᠠᠭᠰᠠᠨ᠄ ᠢᠷᠠᠭᠤᠬᠠᠨ
ᠦᠰᠦᠭ ᠬᠢᠨᠠᠭᠴᠢ᠄ ᠢᠷᠡᠭᠡᠳᠦᠢ᠂ ᠰᠠᠷᠠᠨᠴᠢᠮᠡᠭ᠂ ᠭᠠᠷᠮᠠ