ᠪᠦᠭᠦᠳᠡ ᠶ᠋ᠢᠨ ᠡᠮᠦᠨᠡ ᠪᠥᠬᠡ ᠲᠠᠯᠪᠢᠬᠤ ᠢᠷᠥᠭᠡᠯ -ᠬᠡᠷᠡᠢᠳ ᠪᠠ᠊ ᠬᠡᠢᠷᠦᠪБүгдийн өмнө бөх тавих ерөөл-Хэрэйд Б·Хийрүб
408ᠪᠦᠭᠦᠳᠡ ᠶ᠋ᠢᠨ ᠡᠮᠦᠨᠡ ᠪᠥᠬᠡ ᠲᠠᠯᠪᠢᠬᠤ ᠢᠷᠥᠭᠡᠯ
ᠢᠷᠦᠭᠡᠯᠴᠢ ᠬᠡᠷᠡᠢᠳ ᠦ᠋ᠨ ᠂ ᠬᠡᠢᠷᠦᠪ
ᠤᠸᠮ ᠰᠠᠢᠨ ᠠᠮᠤᠭᠤᠯᠠᠩ ᠲᠠᠨ ᠪᠣᠯᠲᠤᠭᠠᠢ!
ᠡᠩᠬᠡ ᠰᠠᠢᠨ ᠵᠢᠷᠭᠠᠯᠠᠩ ᠲᠠᠨ ᠪᠣᠯᠲᠤᠭᠠᠢ!
ᠡᠷᠲᠡ ᠢᠵᠠᠭᠤᠷ ᠠ᠋ᠴᠠ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ
ᠡᠷᠡ ᠶ᠋ᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠤ᠋ᠨ
ᠨᠢᠭᠡ ᠨᠢ ᠪᠣᠯᠬᠤ
ᠤᠯᠤᠰ ᠣᠷᠣᠨ ᠳ᠋ᠤ᠌ ᠪᠠᠨ
ᠠᠯᠳᠠᠷ ᠨᠡᠷᠡ ᠲᠡᠢ
ᠣᠷᠳᠣᠰ ᠮᠣᠩᠭᠣᠯ ᠤ᠋ᠨ
ᠠᠪᠤᠷᠭᠤ ᠪᠥᠬᠡ ᠭᠡᠭᠴᠢ ᠪᠣᠯ
ᠠᠭᠤᠯᠠ ᠶ᠋ᠢ ᠡᠷᠭᠦᠭᠴᠢ
ᠤᠷᠭᠤᠭᠠ ᠮᠣᠳᠣ ᠶ᠋ᠢ ᠰᠤᠭᠤᠯᠴᠢᠬᠠᠳᠠᠭ
ᠪᠠᠷᠰ ᠢ᠋ ᠪᠠᠷᠢᠭᠴᠢ
ᠪᠠᠷᠢᠴᠠᠨ ᠭᠤᠶᠠᠳᠠᠭᠴᠢ
ᠭᠠᠷᠮᠠᠭᠠᠢ ᠡᠨᠡ ᠪᠥᠬᠡ ᠶ᠋ᠢᠨ
ᠬᠠᠪᠰᠤᠷᠴᠤ ᠲᠠᠰᠢᠬᠤ
ᠭᠠᠪᠰᠢᠭᠠᠢ ᠭᠡᠳᠡᠭ ᠢ᠋ ᠪᠢᠰᠢᠷᠡᠮᠡᠷ
ᠭᠠᠷ ᠬᠥᠯ ᠦ᠋ᠨ ᠬᠢᠨᠢ
ᠬᠤᠷᠳᠤᠨ ᠭᠡᠭᠴᠢ ᠭᠠᠢᠬᠠᠮᠠᠷ
ᠡᠭᠦᠷᠬᠦ ᠮᠤᠰᠬᠢᠬᠤ
ᠡᠷᠭᠦᠬᠦ ᠳᠡᠭᠡᠭᠡᠯᠡᠬᠦ
ᠳᠠᠯᠤ ᠮᠥᠷᠦᠨ ᠡᠴᠡ ᠪᠡᠨ
ᠳᠠᠪ ᠭᠡᠲᠡᠯᠡ ᠠᠪᠴᠤ
ᠳᠠᠷᠤᠢ ᠲᠦᠷᠭᠡᠨ
ᠰᠦᠷ ᠭᠡᠲᠡᠯᠡ ᠴᠣᠬᠢᠳᠠᠭ
ᠠᠷᠰᠯᠠᠨ ᠪᠠᠷᠰ ᠢ᠋ ᠠᠶᠤᠯᠭᠠᠴᠢᠬᠮᠠᠷ
ᠠᠪᠤᠷᠭᠤ ᠬᠦᠴᠦᠲᠦ
ᠣᠷᠳᠣᠰ ᠪᠥᠬᠡ ᠪᠡᠨ
ᠣᠳᠣ ᠲᠠᠯᠪᠢᠮᠤᠢ!
ᠮᠠᠭᠲᠠᠮᠤᠢ! ᠢᠷᠥᠭᠡᠮᠦᠢ!
2009 ᠣᠨ8 ᠰᠠᠷᠠ ᠶ᠋ᠢᠨ8 ᠤ᠋ ᠡᠳᠦᠷ ᠬᠡᠷᠡᠢᠳ ᠦ᠋ᠨ ᠬᠡᠢᠷᠦᠪ ᠡᠮᠬᠢᠳᠬᠡᠨ ᠨᠠᠢᠷᠠᠭᠤᠯᠪᠠ᠂(2010 ᠣᠨ ᠤ᠋《 ᠣᠯᠠᠨ ᠬᠤᠷᠠᠬᠤ ᠰᠡᠳᠬᠦᠯ ᠳ᠋ᠦ᠍ ᠨᠡᠢᠲᠡᠯᠡᠭᠳᠡᠪᠡ᠃)
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠬᠠᠲᠠᠭᠴᠢ᠄ ᠬᠡᠷᠡᠢᠳ ᠨᠠᠷᠠᠰᠤ
ᠬᠢᠨᠠᠭᠴᠢ᠄ ᠠ᠊ ᠰᠠᠷᠠᠨᠭᠡᠷᠡᠯ