ᠠᠮᠲᠠᠲᠤ ᠵᠤᠲᠠᠩAмтат Зутан in Mongolian _ Sweet Porridge in Mangolian _ Mangolian Fairy Tales
444ᠠᠮᠲᠠᠲᠤ ᠵᠤᠲᠠᠩ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌᠂ ᠨᠢᠭᠡᠨ ᠵᠢᠵᠢᠭ ᠲᠣᠰᠬᠣᠨ ᠳ᠋ᠤ᠌ ᠡᠭᠡᠴᠢ ᠳᠡᠭᠦᠦ ᠬᠣᠶᠠᠭᠤᠯᠠ ᠠᠮᠢᠳᠤᠷᠠᠨ ᠰᠠᠭᠤᠳᠠᠭ ᠪᠠᠢᠵᠠᠢ ᠃ᠲᠡᠷᠡ ᠬᠣᠶᠠᠭᠤᠯᠠ ᠶ᠋ᠢ ᠵᠸᠨ ᠠᠢᠯᠠ ᠭᠡᠳᠡᠭ ᠪᠠᠢᠯᠠ᠃ ᠡᠭᠡᠴᠢ ᠵᠸᠨ ᠨᠢ ᠶᠡᠬᠡ ᠤᠬᠠᠭᠠᠨ ᠲᠠᠢ ᠬᠡᠦᠬᠡᠳ ᠪᠠᠢᠯᠠ᠃ ᠭᠡᠪᠡᠴᠦ ᠤᠬᠠᠭᠠᠨ ᠲᠠᠢ ᠭᠡᠳᠡᠭ ᠲᠦ᠍ ᠪᠡᠨ ᠡᠷᠳᠦᠵᠦ᠂ ᠶᠡᠬᠡ ᠪᠠᠷᠳᠠᠮ ᠵᠠᠩ ᠲᠠᠢ ᠪᠣᠯᠵᠠᠢ᠃ ᠥᠪᠡᠷ ᠢ᠋ ᠪᠡᠨ ᠬᠡᠳᠦ ᠤᠬᠠᠭᠠᠨ ᠲᠠᠢ ᠭᠡᠵᠦ ᠪᠣᠳᠣᠭᠰᠠᠨ ᠵᠸᠨ ᠲᠣᠰᠬᠣᠨ ᠤ᠋ ᠬᠥᠮᠦᠰ ᠲᠡᠢ ᠲᠠᠭᠠᠷᠠᠬᠤ ᠪᠣᠯᠭᠠᠨ ᠳ᠋ᠤ᠌ ᠪᠠᠨ ᠲᠣᠭᠣᠬᠤ ᠦᠭᠡᠢ ᠥᠩᠭᠡᠷᠡᠳᠡᠭ ᠪᠠᠢᠯᠠ᠃ ᠬᠠᠷᠢᠨ ᠳᠡᠭᠦᠦ ᠠᠢᠯᠠ ᠨᠢ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ᠂ ᠬᠥᠮᠦᠨ ᠪᠣᠯᠭᠠᠨ ᠲᠠᠢ ᠢᠨᠢᠶᠡᠮᠰᠦᠭᠯᠡᠨ ᠮᠡᠨᠳᠦᠯᠡᠳᠡᠭ ᠪᠠᠢᠯᠠ᠃ ᠭᠡᠪᠡᠴᠦ ᠪᠦᠬᠦᠨ ᠦ᠌ ᠬᠠᠢᠷᠠ ᠶ᠋ᠢ ᠪᠤᠯᠢᠶᠠᠭᠰᠠᠨ ᠳᠡᠭᠦᠦ ᠨᠢ ᠮᠠᠷᠲᠠᠮᠲᠠᠭᠠᠢ ᠭᠡᠭᠴᠢ ᠵᠢᠭᠲᠡᠢᠬᠡᠨ᠂ ᠡᠭᠡᠴᠢ ᠳᠡᠭᠦᠦ ᠬᠣᠶᠠᠭᠤᠯᠠ ᠥᠪᠡᠷᠰᠡᠳ ᠦ᠋ᠨ ᠢ᠋ᠶ᠋ᠡᠨ ᠪᠠᠭᠤᠷᠠᠢ ᠲᠠᠯᠠ ᠶ᠋ᠢ ᠵᠠᠰᠠᠬᠤ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠬᠣᠭᠣᠷᠣᠨᠳᠣ ᠪᠠᠨ ᠪᠠᠢᠩᠭᠤ ᠮᠠᠷᠭᠤᠳᠠᠭ ᠪᠣᠯᠵᠠᠢ᠃
ᠵᠸᠨ ᠠᠢᠯᠠ ᠬᠣᠶᠠᠭᠤᠯᠠ ᠵᠦᠳᠡᠭᠦᠦ ᠶᠠᠳᠠᠭᠤ ᠠᠮᠢᠳᠤᠷᠠᠳᠠᠭ ᠪᠠᠢᠪᠠ᠃ ᠣᠷᠣᠢ ᠪᠣᠯᠭᠠᠨ ᠬᠣᠭᠣᠯᠠ ᠦᠭᠡᠢ ᠬᠣᠨᠣᠵᠤ᠂ ᠠᠵᠠ ᠳᠠᠭᠠᠷᠢᠪᠠᠯ ᠲᠠᠯᠬᠠᠨ ᠤ᠋ ᠪᠤᠯᠤᠩ ᠣᠯᠵᠤ ᠭᠣᠣᠯ ᠢ᠋ᠶ᠋ᠠᠨ ᠵᠣᠭᠣᠳᠠᠭ ᠪᠠᠢᠭᠰᠠᠨ ᠶᠤᠮ ᠠ᠋᠃ ᠨᠢᠭᠡᠨ ᠡᠳᠦᠷ ᠠᠢᠯᠠ ᠰᠢᠷᠡᠭᠡᠨ ᠳᠡᠭᠡᠷᠡ ᠰᠠᠭᠤᠭᠠᠳ᠂ ᠲᠩᠷᠢ ᠥᠭᠡᠳᠡ ᠬᠠᠷᠠᠵᠤ ᠪᠠᠢᠯᠠ᠃ ᠭᠡᠲᠡᠯᠡ ᠭᠡᠨᠡᠳᠲᠡ ᠭᠡᠳᠡᠰᠦ ᠨᠢ ᠬᠤᠷᠴᠢᠭᠢᠨᠠᠨ ᠳᠤᠤᠭᠠᠷᠴᠤ ᠡᠬᠢᠯᠡᠯᠡ᠃
ᠠᠢᠯᠠ᠄ ᠦ᠂ ᠥᠯᠥᠰᠦᠭᠡᠳ ᠪᠠᠢᠬᠤ ᠴᠢᠨᠢ᠂ ᠬᠡᠳᠦ ᠬᠣᠨᠣᠭ ᠬᠡᠯᠡᠨ ᠳᠡᠭᠡᠷᠡ ᠪᠡᠨ ᠶᠠᠭᠤᠮᠠ ᠲᠠᠯᠪᠢᠭᠰᠠᠨ ᠦᠭᠡᠢ ᠂ᠥᠨᠥᠳᠥᠷ ᠴᠦ᠍ ᠭᠡᠰᠡᠨ ᠢᠳᠡᠬᠦ ᠶᠠᠭᠤᠮᠠ ᠠᠯᠠᠭᠠ᠂ ᠭᠠᠳᠠᠭᠤᠷ ᠶᠠᠪᠤᠪᠠᠯ ᠥᠯᠥᠰᠬᠦ ᠪᠡᠨ ᠮᠠᠷᠲᠠᠬᠤ ᠪᠣᠯᠪᠠ ᠤᠤ?
ᠢᠩᠭᠢᠭᠡᠳ ᠠᠢᠯᠠ ᠣᠢ ᠳ᠋ᠤ᠌ ᠵᠤᠭᠠᠯᠠᠬᠤ ᠪᠠᠷ ᠶᠠᠪᠤᠯᠠ᠃ ᠢᠳᠡᠬᠦ ᠶᠠᠭᠤᠮᠠ ᠪᠠᠢᠬᠤ ᠦᠭᠡᠢ ᠲᠤᠯᠠ ᠰᠠᠪᠠ ᠲᠠᠢ ᠤᠰᠤ ᠠᠪᠤᠭᠠᠳ ᠶᠠᠪᠤᠵᠠᠢ᠃ ᠵᠣᠭᠰᠣᠯᠲᠠ ᠦᠭᠡᠢ ᠠᠯᠬᠤᠭᠰᠠᠨ ᠠᠢᠯᠠ ᠡᠴᠦᠰ ᠲᠦ᠍ ᠨᠢ ᠪᠦᠷ ᠶᠠᠳᠠᠷᠠᠵᠤ ᠰᠤᠯᠠᠳᠠᠭᠠᠳ ᠠᠮᠠᠷᠠᠬᠤ ᠪᠠᠷ ᠵᠣᠭᠰᠣᠯᠠ᠃
ᠠᠢᠯᠠ᠄ ᠠ!ᠶᠠᠮᠠᠷ ᠶᠡᠬᠡ ᠶᠠᠳᠠᠷᠠᠵᠤ ᠪᠠᠢᠨᠠ᠂ ᠰᠠᠷᠬᠢᠨᠠᠭ ᠬᠠᠲᠠᠬᠤ ᠨᠢ ᠪᠠᠢᠨᠠ᠂ ᠤᠰᠤ ᠤᠤᠭᠤᠬᠤ ᠠ᠋ᠴᠠ᠃
ᠭᠡᠲᠡᠯᠡ ᠠᠢᠯᠠ ᠶ᠋ᠢ ᠤᠰᠤ ᠤᠤᠭᠤᠬᠤ ᠪᠠᠷ ᠰᠠᠪᠠ ᠪᠠᠨ ᠣᠩᠭᠣᠢᠯᠭᠠᠲᠠᠯᠠ ᠨᠢᠭᠡ ᠡᠮᠡᠭᠡᠨ ᠭᠡᠨᠡᠳᠲᠡ ᠭᠠᠷᠴᠤ ᠢᠷᠡᠯᠡ᠃ ᠪᠠᠷᠠᠭᠠᠨ ᠬᠤᠪᠴᠠᠰᠤ ᠶ᠋ᠢ ᠨᠢ ᠬᠠᠷᠠᠭᠠᠳ ᠦᠩᠬᠦᠯᠴᠡᠭ ᠢ᠋ᠶ᠋ᠡᠨ ᠬᠠᠭᠠᠷᠠᠲᠠᠯᠠ ᠠᠶᠤᠭᠰᠠᠨ ᠠᠢᠯᠠ ᠵᠣᠯ ᠲᠠᠢ ᠯᠠ ᠵᠢᠭᠤᠲᠠᠭᠠᠳ ᠶᠠᠪᠤᠴᠢᠬᠠᠭᠰᠠᠨ ᠦᠭᠡᠢ᠃
ᠡᠮᠡᠭᠡᠨ᠄ ᠥᠬᠢᠨ ᠮᠢᠨᠢ᠂ ᠠᠭᠤᠴᠢᠯᠠᠭᠠᠷᠠᠢ! ᠤᠰᠤᠨ ᠠ᠋ᠴᠠ ᠪᠠᠨ ᠥᠭᠬᠦ ᠦᠭᠡᠢ ᠤᠤ? ᠠᠮᠠ ᠮᠠᠰᠢ ᠶᠡᠬᠡ ᠴᠠᠩᠭᠠᠵᠤ ᠪᠠᠢᠨᠠ᠂ ᠪᠦᠲᠦᠨ ᠬᠣᠶᠠᠷ ᠬᠣᠨᠣᠭ ᠤᠰᠤ ᠤᠤᠭᠤᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃
ᠶᠡᠬᠡ ᠬᠠᠨᠢᠶᠠᠯᠭᠠᠵᠤ ᠪᠠᠢᠭᠠ ᠡᠮᠡᠭᠡ ᠶ᠋ᠢ ᠬᠠᠷᠠᠭᠠᠳ ᠠᠢᠯᠠ ᠡᠬᠢᠨ ᠳ᠋ᠦ᠍ ᠪᠡᠨ ᠠᠶᠤᠭᠰᠠᠨ ᠪᠣᠯᠪᠠᠴᠤ᠂ ᠥᠷᠥᠪᠳᠦᠬᠦ ᠰᠡᠳᠬᠢᠯ ᠳ᠋ᠦ᠍ ᠪᠡᠨ ᠳᠡᠢᠯᠦᠭᠳᠡᠭᠡᠳ ᠠᠶᠤᠬᠤ ᠪᠠᠨ ᠪᠣᠯᠢᠭᠰᠠᠨ ᠪᠠᠢᠨᠠ᠃
ᠠᠢᠯᠠ᠄ᠥᠭᠭᠦᠯ ᠦᠭᠡᠢ ᠶᠠᠭᠠᠬᠢᠬᠤᠪ ᠳᠠ᠂ ᠮᠠᠢ ᠠᠮᠠᠨ ᠤ᠋ ᠪᠠᠨ ᠴᠠᠩᠭᠠᠭᠠ ᠶ᠋ᠢ ᠭᠠᠷᠲᠠᠯᠠ ᠤᠤᠭᠤ᠂ ᠠᠮᠠᠨ ᠤ᠋ ᠴᠢᠨᠢ ᠴᠠᠩᠭᠠᠭᠠ ᠶ᠋ᠢ ᠲᠠᠢᠯᠵᠤ ᠴᠢᠳᠠᠬᠤ ᠪᠠᠢᠬᠤ ᠠ᠋᠃
ᠡᠮᠡᠭᠡᠨ᠄ ᠶᠠᠮᠠᠷ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠥᠬᠢᠨ ᠪᠣᠢ!ᠦᠨᠡᠬᠡᠷ ᠶᠡᠬᠡ ᠪᠠᠶᠠᠷᠯᠠᠯᠠ᠃ ᠠᠴᠢ ᠶ᠋ᠢ ᠴᠢᠨᠢ ᠪᠢ ᠵᠠᠪᠠᠯ ᠬᠠᠷᠢᠭᠤᠯᠤᠨᠠ᠃
ᠭᠡᠲᠡᠯᠡ ᠭᠡᠷᠡᠯ ᠰᠠᠴᠤᠷᠠᠭᠠᠳ ᠡᠮᠡᠭᠡᠨ ᠦᠵᠡᠰᠬᠦᠯᠡᠩᠲᠡᠢ ᠪᠦᠰᠡᠭᠦᠢ ᠪᠣᠯᠤᠨ ᠬᠤᠪᠢᠷᠠᠵᠠᠢ᠃ ᠦᠵᠡᠰᠬᠦᠯᠡᠩᠲᠡᠢ ᠪᠦᠰᠡᠭᠦᠢ ᠶ᠋ᠢ ᠬᠠᠷᠠᠭᠠᠳ᠂ ᠠᠢᠯᠠ ᠮᠠᠯ ᠭᠠᠢᠬᠠᠵᠤ ᠬᠣᠴᠣᠷᠪᠠ᠃
ᠠᠢᠯᠠ᠄ ᠬᠥᠥᠭ!
ᠰᠢᠳᠢᠲᠡᠨ᠄ ᠵᠠ! ᠬᠦᠰᠡᠯ ᠢ᠋ᠶ᠋ᠡᠨ ᠬᠡᠯᠡᠭᠡᠷᠡᠢ᠂ᠬᠦᠰᠡᠭᠰᠡᠨ ᠪᠣᠯᠭᠠᠨ ᠢ᠋ ᠴᠢᠨᠢ ᠪᠢ ᠪᠡᠶᠡᠯᠡᠭᠦᠯᠵᠦ ᠥᠭᠭᠦᠨᠡ ᠃
ᠢᠩᠭᠢᠭᠡᠳ ᠠᠢᠯᠠ ᠰᠢᠳᠢᠲᠡᠨ ᠳ᠋ᠦ᠍ ᠶᠠᠮᠠᠷ ᠶᠠᠳᠠᠭᠤ ᠠᠮᠢᠳᠤᠷᠠᠳᠠᠭ ᠢ᠋ᠶ᠋ᠠᠨ ᠬᠡᠯᠡᠵᠡᠢ᠂ ᠬᠡᠳᠦ ᠬᠣᠨᠣᠭ ᠥᠯᠥᠰᠦᠭᠰᠡᠨ ᠢ᠋ᠶ᠋ᠡᠨ ᠴᠦ᠍ ᠭᠡᠰᠡᠨ ᠬᠡᠯᠡᠯᠡ᠃
ᠰᠢᠳᠢᠲᠡᠨ᠄ ᠲᠡᠢᠮᠦ ᠤᠤ? ᠰᠠᠢᠨ ᠣᠢᠯᠠᠭᠠᠯᠠ᠂ ᠭᠡᠷ ᠲᠦ᠍ ᠪᠡᠨ ᠬᠠᠷᠢᠬᠤ ᠳ᠋ᠤ᠌ ᠴᠢᠨᠢ ᠰᠢᠷᠡᠭᠡᠨ ᠳᠡᠭᠡᠷᠡ ᠴᠢᠨᠢ ᠨᠢᠭᠡ ᠰᠠᠪᠠ ᠬᠠᠷᠠᠭᠳᠠᠨᠠ᠂ ᠲᠡᠷᠡ ᠰᠢᠳᠢᠲᠦ ᠰᠠᠪᠠ ᠪᠠᠢᠭᠠ ᠶᠤᠮ ᠰᠢᠦ᠃
ᠠᠢᠯᠠ᠄ ᠰᠢᠳᠢᠲᠦ ᠭᠡᠨᠡ?
ᠰᠢᠳᠢᠲᠡᠨ᠄ ᠲᠡᠢᠮᠦ ᠠ᠋᠂ ᠰᠢᠳᠢᠲᠦ ᠰᠠᠪᠠ᠂ ᠰᠢᠳᠢᠲᠦ ᠰᠠᠪᠠᠨ ᠳ᠋ᠤ᠌ ᠴᠢ ᠢᠩᠭᠢᠵᠦ ᠬᠡᠯᠡᠭᠡᠷᠡᠢ᠂《ᠬᠣᠭᠣᠯᠠ ᠬᠢᠵᠦ ᠥᠭᠭᠦᠭᠡᠷᠡᠢ ᠰᠢᠳᠢᠲᠦ ᠰᠠᠪᠠ ᠮᠢᠨᠢ》 ᠲᠡᠭᠡᠪᠡᠯ ᠴᠢᠨᠦ ᠳᠤᠷᠠᠲᠠᠢ ᠠᠮᠲᠠᠲᠠᠢ ᠵᠤᠲᠠᠩ ᠢ᠋ ᠬᠢᠵᠦ ᠥᠭᠭᠦᠨᠡ ᠃ ᠢᠩᠭᠢᠭᠡᠳ ᠲᠠ ᠬᠣᠶᠠᠭᠤᠯᠠ ᠬᠡᠵᠢᠶᠡ ᠴᠦ᠍ ᠥᠯᠥᠰᠬᠦ ᠪᠡᠨ ᠪᠣᠯᠢᠨᠠ᠃ ᠢᠳᠡᠵᠦ ᠳᠠᠭᠤᠰᠤᠭᠰᠠᠨ ᠤ᠋ ᠪᠠᠨ ᠳᠠᠷᠠᠭᠠ ᠢᠩᠭᠢᠵᠦ ᠬᠡᠯᠡᠭᠡᠷᠡᠢ《ᠣᠳᠣ ᠪᠣᠯᠤᠨᠠ ᠰᠠᠪᠠ ᠮᠢᠨᠢ》ᠭᠡᠵᠦ ᠬᠡᠯᠡᠩᠭᠦᠲᠡ ᠳᠠᠬᠢᠵᠦ ᠬᠣᠭᠣᠯᠠ ᠬᠢᠬᠦ ᠪᠡᠨ ᠪᠣᠯᠢᠨᠠ᠃_
ᠠᠢᠯᠠ᠄ ᠶᠠᠮᠠᠷ ᠭᠣᠶᠣ ᠶᠤᠮ ᠪᠣᠢ!ᠪᠢ ᠣᠳᠣ ᠰᠢᠭᠤᠳ ᠬᠠᠷᠢᠯᠠ᠃
ᠰᠢᠳᠢᠲᠡᠨ᠄ ᠪᠠᠢᠵᠤ ᠪᠠᠢᠭᠠᠷᠠᠢ!ᠶᠠᠪᠤᠬᠤ ᠠ᠋ᠴᠠ ᠴᠢᠨᠢ ᠡᠮᠦᠨᠡ ᠨᠢᠭᠡ ᠶᠠᠭᠤᠮᠠ ᠬᠡᠯᠡᠬᠦ ᠬᠡᠷᠡᠭᠲᠡᠢ ᠃ ᠰᠢᠳᠢᠲᠦ ᠰᠠᠪᠠ ᠶ᠋ᠢ ᠨᠠᠰᠤᠨ ᠲᠤᠷᠰᠢᠳᠠ ᠪᠠᠨ ᠬᠡᠷᠡᠭᠯᠡᠬᠦ ᠶ᠋ᠢᠨ ᠲᠤᠰᠠᠳᠠ ᠠᠩᠬᠠᠷᠬᠤ ᠶᠠᠭᠤᠮᠠ ᠪᠠᠢᠭᠠ᠂《ᠣᠳᠣ ᠲᠠᠬᠢᠵᠦ ᠬᠡᠷᠡᠭ ᠦᠭᠡᠢ ᠪᠣᠯᠤᠯᠠ ᠭᠡᠪᠡᠯ ᠠᠯᠠᠭᠠ ᠪᠣᠯᠤᠨᠠ》᠂ ᠲᠡᠷᠡ ᠴᠠᠭ ᠲᠤ᠌ ᠴᠢ ᠳᠠᠬᠢᠭᠠᠳ ᠯᠠ ᠥᠯᠥᠰᠬᠦ ᠪᠠᠢᠬᠤ᠃ ᠮᠢᠨᠦ ᠬᠡᠯᠡᠭᠰᠡᠨ ᠢ᠋ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ ᠰᠢᠦ᠂ ᠲᠡᠭᠡᠬᠦ ᠦᠭᠡᠢ ᠪᠣᠯ ᠠᠰᠠᠭᠤᠳᠠᠯ ᠡᠭᠦᠰᠴᠦ ᠮᠠᠭᠠᠳ ᠦᠭᠡᠢ᠃
ᠠᠢᠯᠠ᠄ ᠲᠡᠭᠡᠨᠡ᠂ ᠦᠨᠡᠬᠡᠷ ᠶᠡᠬᠡ ᠪᠠᠶᠠᠷᠯᠠᠯᠠ ᠰᠢᠳᠢᠲᠡᠨ ᠠ᠋᠃ ᠪᠢ ᠣᠳᠣ ᠬᠠᠷᠢᠯᠠ᠃
ᠰᠢᠳᠢᠲᠡᠨ᠄ ᠰᠠᠢᠬᠠᠨ ᠬᠣᠭᠣᠯᠠᠯᠠᠭᠠᠷᠠᠢ ᠠᠢᠯᠠ᠂ ᠬᠠ ᠬᠠ ᠬᠠ!
ᠠᠢᠯᠠ᠄ ᠪᠠᠢᠵᠤ ᠪᠠᠢᠭᠠᠷᠠᠢ!ᠮᠢᠨᠦ ᠨᠡᠷᠡ ᠶ᠋ᠢ ᠶᠠᠭᠠᠬᠢᠵᠤ ᠮᠡᠳᠡᠳᠡᠭ ᠶᠦᠮ?
ᠠᠢᠯᠠ ᠶ᠋ᠢ ᠡᠷᠭᠢᠭᠡᠳ ᠬᠠᠷᠠᠲᠠᠯᠠ ᠰᠢᠳᠢᠲᠡᠨ ᠠᠯᠠᠭᠠ ᠪᠣᠯᠴᠢᠬᠠᠭᠰᠠᠨ ᠪᠠᠢᠯᠠ᠃ ᠲᠡᠷᠡ ᠳᠣᠣᠷᠠ ᠪᠠᠨ ᠭᠡᠷ ᠲᠦ᠍ ᠪᠡᠨ ᠡᠷᠭᠢᠵᠦ ᠢᠷᠡᠭᠡᠳ᠂ ᠰᠢᠳᠢᠲᠡᠨ ᠦ᠌ ᠬᠡᠯᠡᠭᠰᠡᠨ ᠰᠢᠳᠢᠲᠦ ᠰᠠᠪᠠ ᠰᠢᠷᠡᠭᠡᠨ ᠳᠡᠭᠡᠷᠡ ᠨᠢ ᠪᠠᠢᠭᠠ ᠶ᠋ᠢ ᠬᠠᠷᠠᠯᠠ᠃ ᠡᠭᠡᠴᠢ ᠨᠢ ᠬᠠᠵᠠᠭᠤ ᠳ᠋ᠤ᠌ ᠨᠢ ᠵᠣᠭᠰᠣᠭᠠᠳ ᠭᠠᠢᠬᠠᠨ ᠬᠠᠷᠠᠵᠤ ᠪᠠᠢᠯᠠ᠃
ᠵᠸᠨ᠄ ᠠᠢᠯᠠ ᠡᠭᠦᠨ ᠢ᠋ ᠴᠢ ᠠᠪᠴᠢᠷᠠᠭᠰᠠᠨ ᠶᠤᠮ ᠤᠤ?
ᠠᠢᠯᠠ᠄ ᠲᠡᠢᠮᠦ ᠠ᠋᠂ ᠪᠢ ᠮᠤᠨᠳᠠᠭ ᠪᠠᠢᠭᠠ ᠪᠢᠵᠡ ᠳᠡ᠃
ᠵᠸᠨ᠄ ᠮᠤᠨᠳᠠᠭ ᠭᠡᠨᠡ᠂ ᠬᠣᠭᠣᠯᠠ ᠬᠢᠵᠦ ᠴᠢᠳᠠᠳᠠᠭ ᠰᠠᠪᠠ ᠠᠪᠴᠢᠷᠠᠭᠰᠠᠨ ᠪᠣᠯ ᠮᠤᠨᠳᠠᠭ ᠭᠡᠵᠦ ᠬᠡᠯᠡᠵᠦ ᠪᠣᠯᠬᠤ ᠪᠠᠢᠬᠤ᠃
ᠠᠢᠯᠠ᠄ ᠡᠭᠡᠴᠢ ᠠ᠋᠂ ᠡᠨᠡ ᠰᠠᠪᠠᠨ ᠤ᠋ ᠷᠢᠳᠢ ᠰᠢᠳᠢ ᠶ᠋ᠢ ᠮᠡᠳᠡᠭᠰᠡᠨ ᠦ᠌ ᠪᠡᠨ ᠳᠠᠷᠠᠭᠠ ᠲᠠ ᠪᠠᠶᠠᠷᠯᠠᠬᠤ ᠪᠠᠢᠬᠤ᠂ ᠣᠳᠣ ᠥᠯᠥᠰᠬᠦ ᠪᠡᠷ ᠦᠭᠡᠢ ᠪᠣᠯᠤᠭᠰᠠᠨ᠃
ᠵᠸᠨ᠄ ᠲᠡᠨᠡᠭ ᠪᠠᠢᠨᠠ ᠳᠠ᠂ ᠬᠣᠭᠣᠯᠠ ᠦᠭᠡᠢ ᠪᠣᠯᠬᠣᠷ ᠬᠣᠳᠣᠭᠣᠳᠣ ᠴᠢᠨᠢ ᠠᠭᠰᠢᠵᠤ ᠪᠠᠢᠭᠠ ᠶ᠋ᠢ ᠣᠢᠯᠠᠭᠠᠵᠤ ᠪᠠᠢᠨᠠ ᠯᠠ ᠳᠠ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠴᠢᠨᠦ ᠲᠠᠷᠢᠬᠢ ᠴᠤ᠌ ᠭᠡᠰᠡᠨ ᠠᠭᠰᠢᠭᠰᠠᠨ ᠪᠣᠯᠤᠯᠲᠠᠢ᠃
ᠠᠢᠯᠠ᠄ ᠬᠡᠩ! ᠪᠢ ᠣᠳᠣᠬᠠᠨ ᠬᠠᠷᠠᠭᠤᠯᠤᠭᠠᠳ ᠥᠭᠭᠦᠶᠡ᠃
ᠠᠢᠯᠠ ᠰᠢᠳᠢᠲᠦ ᠰᠠᠪᠠ ᠤᠷᠤᠭᠤ ᠬᠠᠷᠠᠭᠠᠳ ᠢᠩᠭᠢᠵᠦ ᠬᠡᠯᠡᠯᠡ᠃《ᠬᠣᠭᠣᠯᠠ ᠬᠢᠵᠦ ᠥᠭᠭᠦᠭᠡᠷᠡᠢ ᠰᠢᠳᠢᠲᠦ ᠰᠠᠪᠠ ᠠ᠋》
ᠠᠢᠯᠠ ᠶ᠋ᠢ ᠲᠡᠭᠡᠵᠦ ᠬᠡᠯᠡᠩᠭᠦᠲᠡ ᠰᠢᠳᠢᠲᠦ ᠰᠠᠪᠠᠨ ᠠ᠋ᠴᠠ ᠠᠭᠤᠷ ᠰᠠᠪᠰᠠᠨ ᠳᠦᠭᠦᠷᠡᠩ ᠵᠤᠲᠠᠩ ᠭᠠᠷᠴᠤ ᠢᠷᠡᠯᠡ᠃ ᠵᠸᠨ ᠮᠠᠯ ᠭᠠᠢᠬᠠᠵᠤ ᠠᠢᠯᠠ ᠶ᠋ᠢ ᠬᠠᠷᠠᠨ ᠪᠠᠶᠠᠷᠯᠠᠵᠤ ᠪᠠᠢᠯᠠ᠃ ᠨᠢᠳᠦ ᠢᠷᠮᠡᠬᠦ ᠵᠠᠭᠤᠷᠠ ᠯᠠ ᠬᠣᠭᠣᠯᠠ ᠪᠡᠯᠡᠨ ᠪᠣᠯᠵᠤ᠂ ᠭᠡᠷ ᠢ᠋ᠶ᠋ᠡᠷ ᠳᠦᠭᠦᠷᠡᠩ ᠠᠮᠲᠠᠲᠤ ᠬᠣᠭᠣᠯᠠ ᠦᠨᠦᠷᠲᠡᠨ᠂ ᠡᠭᠡᠴᠢ ᠳᠡᠭᠦᠦ ᠬᠣᠶᠠᠭᠤᠯᠠ ᠪᠦᠷ ᠴᠦ᠍ ᠢᠯᠡᠭᠦᠦ ᠥᠯᠦᠰᠦᠯᠡ᠃ ᠵᠤᠲᠠᠩ ᠢᠳᠡᠭᠡᠳ ᠠᠮᠢᠳᠤᠷᠠᠯ ᠳ᠋ᠤ᠌ ᠪᠠᠨ ᠡᠢᠮᠦ ᠰᠠᠢᠬᠠᠨ ᠵᠤᠲᠠᠩ ᠢᠳᠡᠵᠦ ᠦᠵᠡᠭᠡ ᠦᠭᠡᠢ ᠶᠦᠮ ᠪᠠᠢᠨᠠ ᠭᠡᠵᠦ ᠠᠮᠠ ᠤᠷᠤᠯᠳᠤᠨ ᠬᠡᠯᠡᠵᠡᠭᠡᠯᠡ᠃ ᠢᠩᠭᠢᠭᠡᠳ ᠡᠭᠡᠴᠢ ᠳᠡᠭᠦᠦ ᠬᠣᠶᠠᠭᠤᠯᠠ ᠡᠳᠦᠷ ᠪᠣᠯᠭᠠᠨ ᠴᠠᠳᠲᠠᠯᠠ ᠪᠠᠨ ᠢᠳᠡᠵᠦ᠂ ᠳᠠᠬᠢᠵᠤ ᠥᠯᠥᠰᠬᠦ ᠪᠡᠨ ᠪᠣᠯᠢᠵᠠᠢ᠃ ᠦᠨᠡᠬᠡᠷ ᠠᠮᠲᠠᠲᠠᠢ ᠪᠣᠯᠬᠣᠷ ᠵᠤᠲᠠᠩ ᠠ᠋ᠴᠠ ᠤᠢᠳᠠᠭᠰᠠᠨ ᠦᠭᠡᠢ᠃ ᠭᠡᠲᠡᠯᠡ ᠨᠢᠭᠡ ᠡᠳᠦᠷ ᠠᠢᠯᠠ ᠭᠠᠳᠠᠭᠰᠢ ᠶᠠᠪᠤᠬᠤ ᠪᠣᠯᠤᠯᠠ᠃
ᠠᠢᠯᠠ᠄ ᠶᠠᠪᠤᠬᠤ ᠠ᠋ᠴᠠ ᠪᠠᠨ ᠡᠮᠦᠨᠡ ᠬᠣᠭᠣᠯᠠ ᠬᠢᠬᠦ ᠶ᠋ᠢ ᠵᠣᠭᠰᠣᠭᠠᠳᠠᠭ ᠰᠢᠪᠰᠢᠯᠭᠡ ᠪᠡᠨ ᠬᠡᠯᠡᠬᠦ ᠬᠡᠷᠡᠭᠲᠡᠢ ᠶᠤᠮᠰᠠᠨ᠂ ᠶᠠᠭᠠᠬᠢᠳᠠᠭ ᠪᠢᠯᠡ? ᠶᠠᠭᠤ ᠭᠡᠳᠡᠭ ᠦᠭᠡ ᠪᠠᠢᠯᠠ?
ᠵᠸᠨ᠄ ᠶᠠᠭᠤ ᠪᠣᠢ?ᠶᠠᠭᠠᠬᠢᠭᠠᠳ ᠢᠩᠭᠢᠲᠡᠯᠡ ᠪᠡᠨ ᠰᠢᠷᠲᠡᠭᠡᠳ ᠪᠠᠢᠭᠠ ᠶᠤᠮ ?
ᠠᠢᠯᠠ᠄ᠡᠭᠡᠴᠢ ᠠ᠋᠂ ᠲᠠᠨ ᠳ᠋ᠤ᠌ ᠨᠢᠭᠡ ᠦᠭᠡ ᠬᠡᠯᠡᠬᠦ ᠬᠡᠷᠡᠭᠲᠡᠢ ᠪᠠᠢᠭᠰᠠᠨ ᠶᠤᠮ᠂ ᠶᠡᠬᠡ ᠴᠢᠬᠤᠯᠠ ᠶᠤᠮ ᠯᠠ ᠳᠠ᠃
ᠵᠸᠨ᠄ ᠲᠡᠢᠮᠦ ᠴᠢᠬᠤᠯᠠ ᠶᠤᠮ ᠤᠤ?ᠬᠠ ᠬᠠ ᠬᠠ᠂ ᠲᠡᠭᠡᠭᠡᠳ ᠲᠡᠷᠡ ᠴᠢᠬᠤᠯᠠ ᠦᠭᠡ ᠴᠢᠨᠢ ᠶᠠᠭᠤ ᠶᠤᠮ ᠳᠠ᠃
ᠠᠢᠯᠠ᠄ ᠶᠠᠭᠤ ᠪᠣᠢ? ᠳᠤᠷᠠ ᠦᠭᠡᠢ ᠶ᠋ᠢ ᠬᠦᠷᠭᠡᠴᠢᠬᠡᠯᠡ᠂ ᠪᠣᠯᠢᠯᠠ᠂ ᠲᠠᠨ ᠳ᠋ᠤ᠌ ᠬᠡᠯᠡᠬᠦ ᠦᠭᠡᠢ᠃
ᠵᠸᠨ᠄ ᠴᠢ ᠳᠠᠬᠢᠭᠠᠳ ᠬᠡᠯᠡᠬᠦ ᠦᠭᠡ ᠪᠡᠨ ᠮᠠᠷᠲᠠᠭᠰᠠᠨ ᠪᠠᠢᠯᠭᠦᠢ ᠳᠡ᠃
ᠠᠢᠯᠠ᠄ ᠦᠭᠡᠢ᠂ ᠮᠠᠷᠲᠠᠭᠠ ᠦᠭᠡᠢ᠂ ᠪᠢ ᠶᠠᠪᠤᠯᠠ᠃
ᠠᠢᠯᠠ ᠭᠡᠷᠠ᠋ᠴᠠ ᠪᠠᠨ ᠭᠠᠷᠤᠭᠰᠠᠨ ᠬᠣᠢᠨᠠ ᠨᠥᠭᠦᠭᠡ ᠰᠢᠪᠰᠢᠯᠭᠡ ᠪᠡᠨ ᠰᠠᠨᠠᠵᠠᠢ᠃
ᠠᠢᠯᠠ᠄ ᠦ ᠣᠳᠣ ᠰᠠᠨᠠᠴᠢᠬᠠᠯᠠ᠂ ᠵᠠ ᠶᠠᠭᠠᠬᠢᠬᠠᠤᠪ ᠂ ᠤ᠌ᠭ ᠡᠴᠡ ᠪᠡᠨ ᠬᠣᠭᠣᠯᠠ ᠪᠠᠨ ᠢᠳᠡᠴᠢᠬᠡᠭᠰᠡᠨ ᠪᠣᠯᠬᠣᠷ ᠵᠦᠭᠡᠷ ᠠ᠋᠂ ᠳᠠᠬᠢᠭᠠᠳ ᠥᠯᠥᠰᠬᠦ ᠦᠭᠡᠢ ᠪᠠᠢᠯᠭᠦᠢ᠃
ᠲᠦᠳᠡ ᠤᠳᠠᠯ ᠦᠭᠡᠢ ᠡᠭᠡᠴᠢ ᠶ᠋ᠢᠨ ᠬᠢᠨᠢ ᠭᠡᠳᠡᠰᠦ ᠥᠯᠥᠰᠦᠭᠡᠳ ᠡᠬᠢᠯᠡᠵᠡᠢ᠃
ᠵᠸᠨ᠄ ᠥᠩ᠂ ᠠᠮᠲᠠᠲᠠᠢ ᠵᠤᠲᠠᠩ ᠢᠳᠡᠮᠡᠷ ᠰᠠᠨᠠᠭᠳᠠᠴᠢᠬᠠᠯᠠ᠂ ᠠᠢᠯᠠ ᠪᠠᠢᠬᠤ ᠦᠭᠡᠢ ᠪᠣᠯᠬᠣᠷ ᠪᠢ ᠥᠪᠡᠷ ᠢ᠋ᠶ᠋ᠡᠨ ᠯᠡ ᠬᠢᠵᠦ ᠦᠵᠡᠬᠦ ᠬᠡᠷᠡᠭᠲᠡᠢ᠃
ᠰᠢᠳᠢᠲᠦ ᠰᠠᠪᠠᠨ ᠳ᠋ᠤ᠌ ᠳᠥᠭᠥᠵᠦ ᠣᠴᠢᠭᠠᠳ᠂ ᠵᠸᠨ ᠠᠯᠠᠭᠠ ᠪᠠᠨ ᠲᠠᠰᠢᠭᠠᠳ᠂ ᠠᠵᠠ ᠵᠢᠷᠭᠠᠯ ᠲᠠᠢ ᠰᠢᠪᠰᠢᠯᠭᠡ ᠦᠭᠡ ᠬᠡᠯᠡᠯᠡ᠃《ᠬᠣᠭᠣᠯᠠ ᠬᠢᠭᠡᠷᠡᠢ ᠰᠢᠳᠢᠲᠦ ᠰᠠᠪᠠ ᠮᠢᠨᠢ》 ᠤᠳᠠᠭᠰᠠᠨ ᠴᠤ᠌ ᠦᠭᠡᠢ ᠵᠸᠨ ᠦ᠌ ᠳᠤᠷᠠᠲᠠᠢ ᠠᠮᠲᠠᠲᠠᠢ ᠵᠤᠲᠠᠩ ᠪᠡᠯᠡᠨ ᠪᠣᠯᠵᠠᠢ ᠭᠡᠨᠡ᠃ ᠦᠨᠦᠷ ᠠᠮᠲᠠᠨ ᠳ᠋ᠤᠨᠢ ᠮᠠᠩᠰᠢᠭᠤᠷᠠᠭᠰᠠᠨ ᠵᠸᠨ ᠴᠠᠳᠲᠠᠯᠠ ᠪᠠᠨ ᠢᠳᠡᠴᠢᠬᠡᠪᠡ᠃
ᠵᠸᠨ᠄ ᠠ ᠦᠨᠡᠬᠡᠷ ᠠᠮᠲᠠᠲᠠᠢ ᠵᠤᠲᠠᠩ ᠪᠠᠢᠯᠠ᠂ ᠪᠦᠷ ᠴᠠᠳᠴᠢᠬᠠᠯᠠ᠂ ᠬᠥᠥᠭ ᠣᠳᠣ ᠪᠣᠯᠤᠨᠠ ᠭᠡᠵᠦ ᠬᠡᠯᠡᠶᠡ ᠳᠡ᠃ ᠥᠩ᠃ ᠶᠠᠮᠠᠷ ᠰᠢᠪᠰᠢᠯᠭᠡ ᠬᠡᠯᠡᠭᠡᠳ ᠪᠠᠢᠯᠠ ᠳᠠ᠂ ᠠ ᠠ᠂ ᠣᠳᠣ ᠬᠣᠭᠣᠯᠠ ᠬᠢᠬᠦ ᠪᠡᠨ ᠪᠣᠯᠢᠭᠠᠷᠠᠢ!
ᠭᠡᠪᠡᠴᠦ ᠡᠨᠡ ᠵᠥᠪ ᠰᠢᠪᠰᠢᠯᠭᠡ ᠪᠢᠰᠢ ᠪᠠᠢᠯᠠ᠂ ᠠᠢᠯᠠ ᠡᠭᠡᠴᠢ ᠳ᠋ᠦ᠍ ᠪᠡᠨ ᠬᠣᠭᠣᠯᠠ ᠵᠣᠭᠰᠣᠭᠠᠬᠤ ᠰᠢᠪᠰᠢᠯᠭᠡ ᠶ᠋ᠢ ᠵᠢᠭᠠᠵᠤ ᠥᠭᠭᠦᠭᠡ ᠦᠭᠡᠢ ᠶᠠᠪᠤᠴᠢᠬᠠᠵᠠᠢ᠃
ᠵᠸᠨ᠄ ᠦ ᠶᠠᠭᠠᠬᠢᠳᠠᠭ ᠪᠢᠯᠡ? ᠶᠠᠭᠠᠬᠢᠬᠤ ᠤᠤ? ᠪᠣᠯᠤᠨᠠ ᠬᠣᠭᠣᠯᠠ ᠬᠢᠬᠦ ᠪᠡᠨ ᠪᠣᠯᠢ᠂ᠶᠠᠭᠠᠬᠢᠳᠠᠭ ᠲᠡᠨᠡᠭ ᠰᠠᠪᠠ ᠪᠣᠢ?
ᠶᠠᠭᠠᠬᠢᠵᠤ ᠰᠢᠪᠰᠢᠯᠭᠡ ᠬᠡᠯᠡᠭᠰᠡᠨ ᠴᠦ᠍ ᠵᠤᠲᠠᠩ ᠵᠣᠭᠰᠣᠯᠲᠠ ᠦᠭᠡᠢ ᠣᠷᠭᠢᠯᠤᠭᠰᠠᠭᠠᠷ ᠰᠡᠭᠦᠯ ᠳ᠋ᠦ᠍ ᠪᠡᠨ ᠰᠠᠪᠠᠨ ᠠ᠋ᠴᠠ ᠪᠠᠨ ᠬᠠᠯᠢᠵᠤ ᠡᠬᠢᠯᠡᠯᠡ᠂ ᠵᠸᠨ ᠰᠢᠳᠢᠲᠦ ᠰᠠᠪᠠᠨ ᠳ᠋ᠤ᠌ ᠠᠭᠤᠷ ᠢ᠋ᠶ᠋ᠠᠨ ᠭᠠᠷᠭᠠᠭᠰᠠᠨ ᠴᠤ᠌ ᠶᠠᠮᠠᠷ ᠴᠤ᠌ ᠨᠡᠮᠡᠷᠢ ᠪᠣᠯᠤᠭᠰᠠᠨ ᠦᠭᠡᠢ᠃ ᠤᠳᠠᠯ ᠦᠭᠡᠢ ᠠᠢᠯᠠ ᠭᠡᠷ ᠲᠦ᠍ ᠪᠡᠨ ᠡᠷᠭᠢᠨ ᠢᠷᠡᠯᠡ᠃
ᠠᠢᠯᠠ᠄ ᠮᠠᠭᠤ ᠶᠠᠭᠤᠮᠠ ᠪᠣᠯᠤᠭᠠ ᠦᠭᠡᠢ ᠪᠠᠢᠯᠭᠦᠢ ᠳᠡ᠂ ᠭᠠᠭᠴᠠᠬᠠᠨ ᠰᠢᠪᠰᠢᠯᠭᠡ ᠮᠠᠷᠲᠠᠯᠠ ᠭᠡᠳ ᠰᠦᠷ ᠲᠡᠢ ᠶᠠᠭᠤᠮᠠ ᠪᠣᠯᠬᠤ ᠦᠭᠡᠢ ᠪᠠᠢᠯᠭᠦᠢ ᠳᠡ᠃ ᠠ!ᠥᠩ᠂ ᠶᠠᠭᠤ ᠬᠠᠯᠢᠵᠤ ᠭᠠᠷᠤᠭᠠᠳ ᠪᠠᠢᠨᠠ᠂ ᠡᠨᠡ ᠵᠤᠲᠠᠩ ᠰᠢᠭ᠋ ᠬᠠᠷᠠᠭᠳᠠᠭᠠᠳ ᠪᠠᠢᠬᠤ ᠴᠢᠨᠢ᠃
ᠠᠢᠯᠠ ᠴᠣᠩᠬᠣ ᠪᠠᠷ ᠬᠠᠷᠠᠭᠠᠳ ᠮᠠᠯ ᠭᠠᠢᠬᠠᠯᠠ᠃ ᠠᠮᠲᠠᠲᠠᠢ ᠵᠤᠲᠠᠩ ᠭᠡᠷ ᠢ᠋ᠶ᠋ᠡᠷ ᠨᠢ ᠨᠢᠭᠡ ᠠᠰᠬᠠᠷᠠᠭᠰᠠᠨ ᠪᠠᠢᠯᠠ᠃ ᠥᠳᠬᠡᠨ ᠵᠤᠲᠠᠩ ᠬᠠᠮᠢᠭᠠ ᠰᠠᠢ ᠦᠭᠡᠢ ᠠᠰᠬᠠᠷᠠᠭᠰᠠᠨ ᠪᠠᠢᠯᠠ᠃
ᠠᠢᠯᠠ᠄ ᠦ᠂ ᠵᠢᠩᠬᠢᠨᠢ ᠠᠶᠤᠮᠰᠢᠭ ᠪᠣᠯᠵᠠᠢ᠂ ᠡᠭᠡᠴᠢ ᠬᠠᠮᠢᠭᠠ ᠪᠠᠢᠭᠠ ᠶᠤᠮ ᠪᠣᠯ ᠠ᠋᠃
ᠶᠠᠭ ᠲᠡᠷᠡ ᠦᠶᠡ ᠳ᠋ᠦ᠍ ᠠᠢᠯᠠ ᠰᠢᠷᠡᠭᠡᠨ ᠳᠡᠭᠡᠷᠡ ᠰᠠᠭᠤᠵᠤ ᠪᠠᠢᠭᠠ ᠡᠭᠡᠴᠢ ᠶ᠋ᠢ ᠪᠡᠨ ᠣᠯᠵᠤ ᠬᠠᠷᠠᠯᠠ᠃ ᠭᠡᠷ ᠨᠢ ᠬᠠᠯᠠᠭᠤᠨ ᠵᠤᠲᠠᠩ ᠳ᠋ᠤ᠌ ᠪᠠᠷᠤᠭ ᠯᠠ ᠵᠢᠪᠴᠦ ᠪᠠᠢᠯᠠ᠃
ᠵᠸᠨ᠄ ᠦ ᠶᠠᠭᠠᠬᠢᠨᠠ᠂ ᠪᠣᠯᠬᠤ ᠦᠭᠡᠢ᠂ ᠶᠠᠭᠠᠬᠢᠬᠤ ᠪᠣᠢ?ᠠᠢᠯᠠ ᠶᠠᠭᠠᠬᠢᠭᠠᠳ ᠢᠷᠡᠬᠦ ᠦᠭᠡᠢ ᠪᠠᠢᠨᠠ᠃
ᠠᠢᠯᠠ᠄ ᠡᠭᠡᠴᠢ ᠠ᠋ ᠡᠭᠡᠴᠢ ᠠ᠋ ᠪᠢ ᠢᠷᠡᠴᠢᠬᠡᠯᠡ᠂ ᠶᠠᠭᠤ ᠪᠣᠯᠤᠭᠠ ᠪᠣᠢ?
ᠵᠸᠨ᠄ ᠠᠢᠯᠠ ᠠ᠋᠂ᠮᠢᠨᠦ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠳᠡᠭᠦᠦ ᠮᠢᠨᠢ᠂ ᠬᠠᠯᠠᠭᠤᠨ ᠵᠤᠲᠠᠩ ᠭᠠᠷᠭᠠᠭᠠᠳ ᠪᠠᠢᠭᠠ ᠡᠨᠡ ᠰᠢᠳᠢᠲᠦ ᠰᠠᠪᠠ ᠶ᠋ᠢ ᠵᠣᠭᠰᠣᠭᠠᠭᠠᠳ ᠥᠭᠭᠦᠭᠡᠴᠢ ᠳᠡ᠃
ᠠᠢᠯᠠ᠄ ᠵᠣᠭᠰᠣᠭᠠᠷᠠᠢ ᠰᠢᠳᠢᠲᠦ ᠰᠠᠪᠠ ᠠ᠋᠃
ᠠᠷᠠᠢ ᠭᠡᠵᠦ ᠰᠢᠳᠢᠲᠦ ᠰᠠᠪᠠ ᠵᠤᠲᠠᠩ ᠭᠠᠷᠭᠠᠬᠤ ᠪᠠᠨ ᠪᠣᠯᠢᠭᠰᠠᠨ ᠶᠤᠮ᠂ ᠰᠢᠳᠢᠲᠦ ᠰᠠᠪᠠ ᠵᠤᠲᠠᠩ ᠭᠠᠷᠭᠠᠬᠤ ᠪᠠᠨ ᠪᠣᠯᠢᠭᠰᠠᠨ ᠤ᠋ ᠳᠠᠷᠠᠭᠠ ᠡᠭᠡᠴᠢ ᠳᠡᠭᠦᠦ ᠬᠣᠶᠠᠭᠤᠯᠠ ᠶ᠋ᠢᠨ ᠰᠠᠨᠠᠭᠠ ᠪᠠᠭᠠ ᠴᠤ᠌ ᠭᠡᠰᠡᠨ ᠠᠮᠠᠷᠠᠯᠠ᠃
ᠠᠢᠯᠠ᠄ ᠪᠤᠷᠬᠠᠨ ᠮᠢᠨᠢ ᠪᠠᠶᠠᠷᠯᠠᠯᠠ᠂ᠭᠡᠬᠦ ᠳ᠋ᠦ᠍ ᠪᠡᠨ ᠭᠡᠷ ᠣᠷᠣᠨ ᠮᠠᠨᠢ ᠨᠣᠬᠠᠢ ᠶ᠋ᠢᠨ ᠬᠣᠷᠣᠭᠠ ᠰᠢᠭ᠋ ᠪᠣᠯᠴᠢᠬᠠᠵᠠᠢ᠂ ᠥᠷᠯᠥᠭᠡ ᠰᠢᠪᠰᠢᠯᠭᠡ ᠪᠡᠨ ᠮᠠᠷᠲᠠᠭᠰᠠᠨ ᠳ᠋ᠤ᠌ ᠠᠭᠤᠴᠢᠯᠠᠭᠠᠷᠠᠢ ᠡᠭᠡᠴᠢ ᠠ᠋᠂ ᠪᠦᠭᠦᠳᠡ ᠮᠢᠨᠦ ᠪᠤᠷᠤᠭᠤ᠃
ᠵᠸᠨ᠄ ᠦᠭᠡᠢ ᠳᠡ᠂ ᠮᠢᠨᠦ ᠴᠦ᠍ ᠭᠡᠰᠡᠨ ᠪᠤᠷᠤᠭᠤ᠂ ᠥᠷᠯᠥᠭᠡ ᠬᠡᠯᠡᠬᠦ ᠭᠡᠵᠦ ᠪᠠᠢᠭᠰᠠᠨ ᠦᠭᠡ ᠶ᠋ᠢ ᠴᠢᠨᠢ ᠰᠣᠨᠣᠰᠬᠤ ᠬᠡᠷᠡᠭᠲᠡᠢ ᠪᠠᠢᠵᠠᠢ᠃ ᠪᠢ ᠬᠡᠲᠦᠷᠬᠡᠢ ᠪᠠᠷᠳᠠᠮ ᠵᠠᠩ ᠲᠠᠢ ᠪᠣᠯᠬᠣᠷ ᠴᠢᠮᠠ ᠲᠠᠢ ᠮᠠᠭᠤᠬᠠᠢ ᠬᠠᠷᠢᠴᠠᠵᠢᠬᠠᠵᠠᠢ᠃
ᠠᠢᠯᠠ᠄ ᠡᠭᠡᠴᠢ ᠠ᠋ ᠣᠳᠣ ᠶᠠᠭᠠᠬᠢᠬᠤ ᠤᠤ? ᠭᠡᠷ ᠢ᠋ᠶ᠋ᠡᠷ ᠳᠦᠭᠦᠷᠡᠩ ᠵᠤᠲᠠᠩ ᠪᠣᠯᠴᠢᠬᠠᠯᠠ᠂ ᠴᠡᠪᠡᠷᠯᠡᠬᠦ ᠭᠡᠵᠦ ᠬᠡᠳᠦ ᠬᠣᠨᠣᠭ ᠪᠣᠯᠬᠤ ᠪᠠᠢᠬᠤ ᠳᠠ᠃
ᠪᠣᠳᠣᠯ ᠳ᠋ᠤ᠌ ᠳᠠᠷᠤᠭᠳᠠᠵᠤ ᠪᠠᠢᠭᠰᠠᠨ ᠡᠭᠡᠴᠢ ᠨᠢ ᠳᠡᠭᠦᠦ ᠳ᠋ᠦ᠍ ᠪᠡᠨ ᠬᠠᠨᠳᠤᠨ᠂《ᠮᠠᠨ ᠤ᠋ ᠲᠣᠰᠬᠣᠨ ᠳ᠋ᠤ᠌ ᠶᠠᠳᠠᠭᠤ ᠬᠥᠮᠦᠰ ᠵᠥᠩᠳᠡᠭᠡᠨ ᠪᠠᠢᠭᠠ ᠰᠢᠦ ᠳᠡ᠂ ᠲᠡᠷᠡ ᠬᠥᠮᠦᠰ ᠲᠦ᠍ ᠡᠨᠡ ᠵᠤᠲᠠᠩ ᠠ᠋ᠴᠠ ᠪᠠᠨ ᠥᠭᠪᠡᠯ ᠶᠠᠮᠠᠷ ᠪᠣᠢ ?》᠃
ᠠᠢᠯᠠ᠄ ᠦ ᠲᠡᠭᠡᠶᠡ!ᠣᠯᠠᠨ ᠬᠥᠮᠦᠨ ᠥᠯᠥᠰᠴᠦ ᠪᠠᠢᠭᠠ ᠪᠠᠢᠬᠤ᠂ ᠬᠠᠯᠠᠭᠤᠨ ᠵᠤᠲᠠᠩ ᠲᠡᠳᠡ ᠨᠠᠷ ᠲᠤ᠌ ᠲᠠᠭᠠᠯᠠᠭᠳᠠᠨᠠ᠃
ᠢᠩᠭᠢᠭᠡᠳ ᠠᠢᠯᠠ ᠥᠯᠥᠰᠴᠦ ᠴᠠᠩᠭᠠᠭᠰᠠᠨ ᠶᠠᠳᠠᠭᠤ ᠠᠢᠯ ᠤ᠋ᠳ ᠢ᠋ᠶ᠋ᠠᠷ ᠣᠷᠣᠵᠤ᠂ ᠬᠥᠮᠦᠰ ᠢ᠋ ᠲᠠᠭᠤᠲᠠᠯᠠ᠃
ᠠᠢᠯᠠ᠄ ᠬᠥᠮᠦᠰ ᠠ᠋ ᠲᠠ ᠨᠠᠷ ᠲᠤ᠌ ᠠᠮᠲᠠᠲᠠᠢ ᠵᠤᠲᠠᠩ ᠥᠭᠭᠦᠶᠡ᠂ ᠮᠡᠳᠡᠭᠡᠵᠢ ᠲᠠ ᠨᠠᠷ ᠲᠤ᠌ ᠲᠠᠭᠠᠯᠠᠭᠳᠠᠬᠤ ᠪᠣᠯᠤᠨᠠ᠂ ᠬᠠᠯᠪᠠᠭᠠ ᠠᠪᠴᠢᠷᠠᠭᠠᠳ ᠢᠷᠡᠵᠦ ᠵᠤᠲᠠᠩ ᠢᠳᠡᠭᠡᠷᠡᠢ!
ᠠᠢᠯᠠ ᠶ᠋ᠢᠨ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠨᠢᠳᠦ ᠨᠢ ᠰᠡᠷᠭᠦᠭᠰᠡᠨ ᠬᠥᠮᠦᠰ ᠬᠦᠷᠴᠦ ᠢᠷᠡᠯᠡ᠃ ᠵᠸᠨ ᠠᠶᠠᠭᠠ ᠲᠠᠪᠠᠭ ᠲᠤ᠌ ᠨᠢ ᠵᠤᠲᠠᠩ ᠬᠢᠵᠦ ᠥᠭᠭᠦᠭᠡᠳ᠂ ᠠᠢᠯᠠ ᠬᠥᠮᠦᠰ ᠲᠦ᠍ ᠵᠤᠲᠠᠩ ᠲᠠᠷᠬᠠᠵᠤ ᠥᠭᠭᠦᠭᠰᠡᠨ ᠶᠦᠮ᠂ ᠬᠥᠮᠦᠰ ᠵᠤᠲᠠᠩ ᠢ᠋ ᠠᠮᠠ ᠪᠠᠨ ᠣᠯᠬᠤ ᠦᠭᠡᠢ ᠢᠳᠡᠵᠦ ᠪᠠᠢᠯᠠ᠃
ᠬᠥᠮᠦᠰ᠄ ᠠᠢᠯᠠ ᠵᠸᠨ ᠳ᠋ᠦ᠍ ᠦᠨᠡᠬᠡᠷ ᠶᠡᠬᠡ ᠪᠠᠶᠠᠷᠯᠠᠯᠠ᠂ ᠲᠠᠪᠤᠨ ᠡᠳᠦᠷ ᠬᠣᠭᠣᠯᠠ ᠢᠳᠡᠭᠡ ᠦᠭᠡᠢ ᠶᠦᠮ ᠯᠡ ᠳᠡ᠃ᠦᠨᠡᠬᠡᠷ ᠶᠡᠬᠡ ᠪᠠᠶᠠᠷᠯᠠᠵᠤ ᠲᠠᠯᠠᠷᠬᠠᠭᠰᠠᠨ ᠢ᠋ᠶ᠋ᠠᠨ ᠢᠯᠡᠷᠬᠡᠢᠯᠡᠶᠡ᠃
ᠤᠳᠠᠯ ᠦᠭᠡᠢ ᠭᠡᠷ ᠨᠢ ᠴᠠᠪ ᠴᠡᠪᠡᠷᠬᠡᠨ ᠪᠣᠯᠤᠯᠠ᠃ ᠨᠢᠭᠡ ᠴᠦ᠍ ᠳᠤᠰᠤᠯ ᠵᠤᠲᠠᠩ ᠦᠯᠡᠳᠡᠭᠰᠡᠨ ᠦᠭᠡᠢ᠃ ᠵᠸᠨ ᠴᠣᠩᠬᠣᠨ ᠤ᠋ ᠲᠠᠪᠴᠠᠩ ᠠ᠋ᠴᠠ ᠪᠠᠭᠤᠵᠤ ᠳᠡᠭᠦᠦ ᠳᠡᠭᠡᠷᠡ ᠪᠡᠨ ᠣᠴᠢᠪᠠ᠃ ᠬᠥᠮᠦᠰ ᠦ᠋ᠨ ᠪᠠᠶᠠᠷᠯᠠᠵᠤ ᠬᠥᠭᠡᠷᠦᠭᠰᠡᠨ ᠴᠢᠷᠠᠢ ᠶ᠋ᠢ ᠬᠠᠷᠠᠭᠰᠠᠨ ᠡᠭᠡᠴᠢ ᠳᠡᠭᠦᠦ ᠬᠣᠶᠠᠭᠤᠯᠠ ᠦᠨᠡᠬᠡᠷ ᠠᠵᠠ ᠵᠢᠷᠭᠠᠯ ᠲᠠᠢ ᠪᠠᠢᠯᠠ᠃
ᠵᠸᠨ᠄ ᠠᠢᠯᠠ ᠬᠥᠮᠦᠰ ᠲᠦ᠍ ᠲᠤᠰᠠᠯᠠᠨᠠ ᠭᠡᠳᠡᠭ ᠴᠢᠨᠢ ᠶᠠᠭᠠᠬᠢᠭᠰᠠᠨ ᠰᠠᠢᠬᠠᠨ ᠶᠤᠮ ᠪᠣᠢ ?
ᠠᠢᠯᠠ᠄ ᠬᠠᠷᠢᠨ ᠲᠡᠢᠮᠦ ᠠ᠋᠂ ᠬᠣᠶᠠᠭᠤᠯᠠ ᠪᠠᠨ ᠣᠯᠠᠨ ᠡᠳᠦᠷ ᠵᠤᠲᠠᠩ ᠢᠳᠡᠭᠰᠡᠨ ᠬᠢᠷᠢᠨ ᠢ᠋ᠶ᠋ᠡᠨ ᠬᠥᠮᠦᠰ ᠲᠦ᠍ ᠲᠠᠷᠠᠭᠠᠵᠤ ᠥᠭᠭᠦᠭᠡ ᠦᠭᠡᠢ ᠶᠦᠮ ᠪᠠᠢᠨᠠ ᠰᠢᠦ ᠳᠡ᠃
ᠵᠸᠨ᠄ ᠣᠳᠣ ᠶᠠᠳᠠᠭᠤ ᠬᠥᠮᠦᠰ ᠲᠦ᠍ ᠵᠤᠲᠠᠩ ᠲᠠᠷᠠᠭᠠᠵᠤ ᠥᠭᠪᠡᠯ ᠶᠠᠮᠠᠷ ᠤᠤ? ᠡᠳᠦᠷ ᠪᠣᠯᠭᠠᠨ ᠵᠤᠲᠠᠩ ᠥᠭᠭᠦᠭᠡᠳ ᠪᠠᠢᠪᠠᠯ ᠪᠦᠭᠦᠳᠡ ᠥᠯᠥᠰᠬᠦ ᠪᠡᠨ ᠪᠣᠯᠢᠨᠠ ᠰᠢᠦ ᠳᠡ᠃
ᠢᠩᠭᠢᠭᠡᠳ ᠡᠭᠡᠴᠢ ᠳᠡᠭᠦᠦ ᠬᠣᠶᠠᠭᠤᠯᠠ ᠡᠳᠦᠷ ᠪᠦᠷᠢ ᠭᠠᠳᠠᠭᠠ ᠭᠠᠷᠴᠤ ᠶᠠᠳᠠᠭᠤ ᠬᠥᠮᠦᠰ ᠲᠦ᠍ ᠠᠮᠲᠠᠲᠠᠢ ᠰᠠᠢᠬᠠᠨ ᠵᠤᠲᠠᠩ ᠲᠠᠷᠠᠭᠠᠵᠤ ᠥᠭᠳᠡᠭ ᠪᠣᠯᠪᠠ᠃ ᠨᠡᠯᠢᠶᠡᠨ ᠣᠯᠠᠨ ᠵᠢᠯ ᠵᠤᠲᠠᠩ ᠲᠠᠷᠠᠭᠠᠵᠤ ᠥᠭᠭᠦᠭᠰᠡᠨ ᠭᠡᠳᠡᠭ᠃ ᠭᠡᠲᠡᠯᠡ ᠨᠢᠭᠡ ᠡᠳᠦᠷ ᠨᠢᠭᠡ ᠡᠪᠦᠭᠡᠨ ᠬᠦᠷᠴᠦ ᠢᠷᠡᠯᠡ᠃ ᠨᠣᠣᠷᠬᠠᠢ ᠬᠤᠪᠴᠠᠰᠤ ᠲᠠᠢ ᠡᠪᠦᠭᠡᠨ ᠡᠭᠡᠴᠢ ᠳᠡᠭᠦᠦ ᠬᠣᠶᠠᠭᠤᠯᠠ ᠳᠡᠭᠡᠷᠡ ᠢᠷᠡᠭᠡᠳ ᠢᠩᠭᠢᠵᠦ ᠬᠡᠯᠡᠵᠡᠢ᠃ ᠬᠡᠦᠬᠡᠳ ᠦ᠋ᠳ ᠠ᠋᠂ ᠨᠠᠳᠠ ᠳ᠋ᠤ᠌ ᠡᠨᠡ ᠵᠤᠲᠠᠩ ᠬᠢᠳᠡᠭ ᠰᠢᠳᠢᠲᠦ ᠰᠠᠪᠠ ᠪᠠᠨ ᠥᠭᠬᠦ ᠦᠭᠡᠢ ᠤᠤ? ᠪᠢ ᠬᠣᠯᠠ ᠭᠠᠵᠠᠷ ᠠ᠋ᠴᠠ ᠢᠷᠡᠭᠰᠡᠨ᠂ ᠠᠵᠠ ᠪᠤᠰᠤ ᠶ᠋ᠢᠨ ᠭᠠᠷᠤᠮᠠ ᠪᠠᠷ ᠥᠯᠥᠰᠴᠦ ᠪᠠᠢᠭᠠ ᠬᠡᠦᠬᠡᠳ ᠦ᠋ᠳ ᠲᠦ᠍ ᠪᠡᠨ ᠥᠭᠬᠦ ᠶᠠᠭᠤᠮᠠ ᠪᠠᠢᠳᠠᠭ ᠦᠭᠡᠢ᠂ ᠰᠢᠳᠢᠲᠦ ᠰᠠᠪᠠ ᠪᠠᠨ ᠥᠭᠴᠦ ᠶᠠᠪᠤᠭᠤᠯᠬᠤ ᠦᠭᠡᠢ ᠤᠤ? ᠲᠤᠰᠠ ᠪᠣᠯᠤᠭᠠᠴᠢ᠃
ᠠᠢᠯᠠ᠄ ᠶᠠᠭᠠᠬᠢᠬᠤ ᠤᠤ ᠡᠭᠡᠴᠢ ᠠ᠋᠂ ᠡᠨᠡ ᠬᠥᠮᠦᠨ ᠠᠪᠤᠭᠠᠳ ᠶᠠᠪᠤᠴᠢᠬᠠᠪᠠᠯ᠂ ᠬᠣᠶᠠᠭᠤᠯᠠ ᠪᠠᠨ ᠳᠠᠬᠢᠭᠠᠳ ᠥᠯᠥᠰᠦᠨᠡ ᠰᠢᠦ ᠳᠡ᠃
ᠵᠸᠨ᠄ ᠵᠦᠭᠡᠷ ᠠ᠋᠂ ᠬᠡᠳᠦᠭᠦᠯᠡ ᠪᠡᠨ ᠬᠠᠩᠭᠠᠯᠲᠠ ᠲᠠᠢ ᠶᠡᠬᠡ ᠢᠳᠡᠭᠰᠡᠨ ᠰᠢᠦ ᠳᠡ᠂ ᠬᠡᠦᠬᠡᠳ ᠦ᠋ᠳ ᠥᠯᠥᠰᠴᠦ ᠪᠠᠢᠨᠠ ᠭᠡᠳᠡᠭ ᠠᠶᠤᠮᠰᠢᠭ ᠲᠠᠢ ᠶᠠᠪᠤᠳᠠᠯ ᠰᠢᠦ ᠳᠡ᠃
ᠵᠸᠨ ᠡᠪᠦᠭᠡ ᠶ᠋ᠢ ᠬᠠᠷᠠᠨ ᠢᠨᠢᠶᠡᠮᠰᠦᠭᠯᠡᠭᠰᠡᠭᠡᠷ ᠳᠥᠭᠥᠨ ᠣᠴᠢᠪᠠ᠃
ᠵᠸᠨ᠄ ᠡᠪᠦᠭᠡ ᠠ᠋᠂ ᠡᠭᠦᠨ ᠢ᠋ ᠠᠪᠴᠤ ᠶᠠᠪᠤᠭᠠᠳ ᠠᠴᠢ ᠵᠢᠭᠡ ᠨᠠᠷ ᠲᠤ᠌ ᠪᠠᠨ ᠬᠣᠭᠣᠯᠠ ᠥᠭᠭᠦᠭᠡᠷᠡᠢ᠂ ᠡᠭᠦᠨ ᠢ᠋ ᠢᠳᠡᠭᠡᠳ ᠡᠷᠡᠭᠦᠯ ᠰᠠᠷᠠᠭᠤᠯ ᠪᠣᠯᠤᠨᠠ᠃
ᠡᠪᠦᠭᠡᠨ ᠰᠢᠳᠢᠲᠡᠨ ᠪᠣᠯᠤᠨ ᠬᠤᠪᠢᠷᠠᠵᠠᠢ᠃
ᠠᠢᠯᠠ᠄ ᠦ᠂ ᠰᠢᠳᠢᠲᠦ ᠲᠠᠪᠠᠭ ᠥᠭᠭᠦᠭᠰᠡᠨ ᠰᠢᠳᠢᠲᠡᠨ ᠪᠠᠢᠨᠠ ᠰᠢᠦ ᠳᠡ᠃
ᠰᠢᠳᠢᠲᠡᠨ᠄ ᠲᠠ ᠬᠣᠶᠠᠭᠤᠯᠠ ᠦᠨᠡᠬᠡᠷ ᠰᠡᠳᠬᠢᠯ ᠢ᠋ ᠮᠢᠨᠢ ᠬᠥᠳᠡᠯᠭᠡᠵᠦ ᠴᠢᠳᠠᠯᠠ᠃ ᠦᠪᠡᠷᠰᠡᠳᠠ᠋ᠴᠠ ᠪᠠᠨ ᠢᠯᠡᠭᠦᠦ ᠪᠤᠰᠤᠳ ᠤ᠋ᠨ ᠲᠥᠯᠥᠭᠡ ᠰᠡᠳᠬᠢᠯ ᠭᠠᠷᠭᠠᠵᠤ ᠪᠠᠢᠨᠠ᠂ ᠪᠠᠰᠠ ᠲᠣᠰᠬᠣᠨ ᠤ᠋ ᠪᠠᠨ ᠶᠠᠳᠠᠭᠤ ᠬᠥᠮᠦᠰ ᠲᠦ᠍ ᠲᠤᠰᠠᠯᠠᠯᠠ ᠰᠢᠦ ᠳᠡ᠃
ᠵᠸᠨ᠄ ᠡᠨᠡ ᠴᠢᠨᠢ ᠶᠠᠭᠤ ᠭᠡᠰᠡᠨ ᠦᠭᠡ ᠪᠣᠢ ?
ᠰᠢᠳᠢᠲᠡᠨ᠄ ᠪᠣᠯᠤᠨᠠ᠂ ᠲᠠ ᠬᠣᠶᠠᠭᠤᠯᠠ ᠴᠠᠭᠠᠰᠢᠳᠠ ᠰᠢᠳᠢᠲᠦ ᠰᠠᠪᠠ ᠶ᠋ᠢ ᠥᠪᠡᠷᠰᠡᠳ ᠲᠦ᠍ ᠪᠡᠨ ᠦᠯᠡᠳᠡᠭᠡᠵᠦ ᠪᠣᠯᠤᠨᠠ᠂ ᠡᠢᠮᠦ ᠡᠷᠬᠡ ᠲᠠ ᠬᠣᠶᠠᠭᠤᠯᠠ ᠳ᠋ᠤ᠌ ᠪᠣᠢ᠃
ᠠᠢᠯᠠ᠄ ᠶᠠᠩᠵᠤ ᠲᠠᠢ᠂ ᠠᠮᠲᠠᠲᠠᠢ ᠵᠤᠲᠠᠩ ᠢ᠋ ᠡᠳᠦᠷ ᠪᠦᠷᠢ ᠢᠳᠡᠬᠦ ᠪᠣᠯᠤᠮᠵᠢ ᠲᠠᠢ ᠪᠣᠯᠤᠯᠠ᠃
ᠲᠡᠷᠡ ᠡᠳᠦᠷ ᠡᠴᠡ ᠬᠣᠢᠰᠢ ᠡᠭᠡᠴᠢ ᠳᠡᠭᠦᠦ ᠬᠣᠶᠠᠭᠤᠯᠠ ᠶᠠᠳᠠᠭᠤ ᠬᠥᠮᠦᠰ ᠲᠦ᠍ ᠵᠤᠲᠠᠩ ᠥᠭᠳᠡᠭ ᠪᠣᠯᠤᠯᠠ᠂ ᠬᠥᠮᠦᠰ ᠦ᠋ᠨ ᠴᠢᠷᠠᠢ ᠳ᠋ᠤ᠌ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ ᠬᠡᠷᠡᠯᠳᠦᠵᠦ᠂ ᠡᠭᠦᠨ ᠢ᠋ ᠬᠠᠷᠠᠭᠰᠠᠨ ᠡᠭᠡᠴᠢ ᠳᠡᠭᠦᠦ ᠬᠣᠶᠠᠭᠤᠯᠠ ᠦᠨᠡᠬᠡᠷ ᠠᠵᠠ ᠵᠢᠷᠭᠠᠯ ᠳ᠋ᠤ᠌ ᠤᠮᠪᠠᠭᠰᠠᠨ ᠭᠡᠳᠡᠭ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠂ ᠬᠠᠲᠠᠭᠴᠢ ᠄ᠾᠦᠩ ᠸᠧᠢ
ᠬᠢᠨᠠᠯᠲᠠ ᠄ᠰᠡᠴᠡᠨᠴᠢᠮᠡᠭ᠂ ᠮᠣᠩᠭᠣᠯ ᠰᠦᠨᠡᠰᠦ ᠃