ᠠᠨᠠᠬᠠᠢ ᠨᠠᠷ ᠪᠠ ᠭᠤᠲᠤᠯᠴᠢᠨАнаахай нар ба гуталчин _ Elves and the Shoe Maker
653ᠠᠨᠠᠬᠠᠢ ᠨᠠᠷ ᠪᠠ ᠭᠤᠲᠤᠯᠴᠢᠨ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌᠂ ᠨᠢᠭᠡᠨ ᠭᠤᠲᠤᠯᠴᠢᠨ ᠡᠬᠡᠨᠡᠷ ᠲᠡᠢ ᠪᠡᠨ ᠠᠮᠢᠳᠤᠷᠠᠳᠠᠭ ᠪᠠᠢᠵᠠᠢ᠂ ᠭᠤᠲᠤᠯᠴᠢᠨ ᠰᠢᠨᠡ ᠭᠤᠲᠤᠯ ᠬᠢᠵᠦ᠂ ᠵᠠᠬᠠ ᠳᠡᠭᠡᠷᠡ ᠬᠤᠳᠠᠯᠳᠤᠵᠤ ᠬᠣᠭᠣᠯᠠ ᠬᠦᠨᠡᠰᠦ ᠪᠡᠨ ᠵᠠᠯᠭᠠᠭᠤᠯᠳᠠᠭ ᠪᠠ ᠬᠡᠴᠢᠨᠡᠭᠡᠨ ᠶᠡᠬᠡ ᠬᠥᠳᠡᠯᠮᠦᠷᠢᠯᠡᠭᠡᠳ ᠴᠦ᠍ ᠲᠡᠷᠡ ᠡᠨᠡ ᠮᠠᠢᠮᠠᠢ ᠪᠠᠷ ᠢ᠋ᠶ᠋ᠠᠨ ᠬᠠᠩᠭᠠᠯᠲᠠᠲᠠᠢ ᠮᠥᠩᠭᠥ ᠣᠯᠵᠤ ᠴᠢᠳᠠᠭᠰᠠᠨ ᠦᠭᠡᠢ᠂ ᠲᠡᠳᠡ ᠣᠷᠣᠬᠤ ᠣᠷᠣᠨ ᠲᠠᠢ ᠣᠭᠣᠴᠢᠬᠤ ᠠᠶᠠᠭᠠ ᠲᠠᠢ ᠪᠠᠢᠬᠤ ᠶ᠋ᠢᠨ ᠲᠤᠯᠠᠳᠠ᠂ ᠶᠡᠬᠡ ᠵᠦᠳᠡᠷᠡᠵᠦ ᠪᠠᠢᠯᠠ᠃ ᠡᠴᠦᠰ ᠲᠦ᠍ ᠨᠢ ᠭᠤᠲᠤᠯᠴᠢᠨ ᠳ᠋ᠤ᠌ ᠰᠢᠨᠡ ᠭᠤᠲᠤᠯ ᠬᠢᠬᠦ ᠠᠷᠠᠰᠤ ᠰᠢᠷᠢ ᠠᠪᠬᠤ ᠮᠥᠩᠭᠥ ᠦᠯᠡᠳᠡᠭᠰᠡᠨ ᠦᠭᠡᠢ᠃ ᠬᠠᠷᠢᠨ ᠮᠤᠬᠤᠯᠠᠭ ᠲᠤ᠌ ᠭᠠᠭᠴᠠ ᠥᠭᠡᠳᠡᠰᠦ ᠠᠷᠠᠰᠤ ᠦᠯᠡᠳᠡᠵᠡᠢ᠃
ᠭᠤᠲᠤᠯᠴᠢᠨ ᠄ᠭᠤᠲᠤᠯ ᠬᠢᠬᠦ ᠰᠡᠭᠦᠯᠴᠢ ᠶ᠋ᠢᠨ ᠪᠣᠯᠤᠮᠵᠢ ᠮᠢᠨᠢ ᠪᠠᠢᠵᠤ ᠪᠣᠯᠬᠤ ᠶᠤᠮ᠂ ᠡᠨᠡ ᠠᠷᠠᠰᠤ ᠪᠠᠷ ᠪᠢ ᠬᠠᠮᠤᠭ ᠤ᠋ᠨ ᠰᠠᠢᠨ ᠭᠤᠲᠤᠯ ᠬᠢᠨᠡ᠃
ᠲᠡᠷᠡ ᠣᠯᠠᠨ ᠵᠢᠯ ᠡᠳᠦᠷ ᠪᠦᠷᠢ ᠰᠠᠭᠤᠳᠠᠭ ᠪᠠᠢᠭᠰᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠰᠠᠭᠤᠵᠤ᠂ ᠠᠷᠠᠰᠤ ᠶ᠋ᠢ ᠪᠣᠯᠭᠣᠮᠵᠢ ᠲᠠᠢ ᠵᠦᠰᠦᠵᠦ ᠡᠬᠢᠯᠡᠪᠡ᠃ ᠨᠠᠷᠠ ᠵᠢᠷᠭᠠᠬᠤ ᠦᠶᠡ ᠳ᠋ᠦ᠍ ᠭᠤᠲᠤᠯᠴᠢᠨ ᠠᠷᠠᠰᠤ ᠪᠠᠨ ᠵᠦᠰᠦᠵᠦ ᠳᠠᠭᠤᠰᠤᠭᠠᠳ ᠣᠶᠣᠵᠤ ᠡᠬᠢᠯᠡᠯᠡ᠃ ᠰᠥᠨᠢ ᠪᠣᠯᠵᠠᠢ ᠃ᠲᠡᠷᠡ ᠭᠤᠲᠤᠯ ᠢ᠋ᠶ᠋ᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠲᠠᠯᠪᠢᠯᠠ᠃
ᠭᠤᠲᠤᠯᠴᠢᠨ ᠄ᠥᠨᠥᠳᠥᠷ ᠲᠦ᠍ ᠪᠡᠨ ᠢᠩᠭᠢᠭᠡᠳ ᠵᠣᠭᠰᠣᠶᠠ ᠳᠠ᠂ ᠬᠠᠷᠢᠨ ᠮᠠᠷᠭᠠᠰᠢ ᠡᠨᠡ ᠭᠤᠲᠤᠯ ᠢ᠋ᠶ᠋ᠠᠨ ᠳᠠᠭᠤᠰᠬᠠᠶᠠ᠃
ᠮᠤᠬᠤᠯᠠᠭ ᠤ᠋ᠨ ᠢ᠋ᠶ᠋ᠠᠨ ᠬᠠᠭᠠᠯᠭᠠ ᠶ᠋ᠢ ᠬᠠᠭᠠᠭᠠᠳ ᠭᠡᠷ ᠲᠦ᠍ ᠪᠡᠨ ᠬᠠᠷᠢᠪᠠ᠃ ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠲᠡᠷᠡ ᠡᠷᠲᠡ ᠠᠵᠢᠯ ᠳ᠋ᠤ᠌ ᠪᠠᠨ ᠪᠡᠯᠡᠳᠪᠡ᠃
ᠭᠤᠲᠤᠯᠴᠢᠨ ᠄ᠣᠷᠣᠢ ᠠᠭᠤᠯᠵᠠᠶᠠ ᠳᠠ ᠬᠣᠩᠭᠣᠷ ᠮᠢᠨᠢ᠂ᠥᠨᠥᠳᠥᠷ ᠮᠤᠬᠤᠯᠠᠭ ᠲᠤ᠌ ᠠᠵᠢᠯᠯᠠᠬᠤ ᠰᠡᠭᠦᠯᠴᠢ ᠶ᠋ᠢᠨ ᠡᠳᠦᠷ᠂ ᠤᠳᠠᠬᠤ ᠦᠭᠡᠢ ᠪᠦᠬᠦ ᠶᠠᠭᠤᠮᠠ ᠳᠠᠭᠤᠰᠤᠨᠠ᠃
ᠡᠬᠡᠨᠡᠷ ᠄ᠰᠠᠨᠠᠭᠠ ᠵᠣᠪᠠᠯᠲᠠ ᠦᠭᠡᠢ ᠬᠣᠩᠭᠣᠷ ᠮᠢᠨᠢ᠂ ᠤᠳᠠᠬᠤ ᠦᠭᠡᠢ ᠬᠣᠶᠠᠭᠤᠯᠠ ᠪᠠᠨ ᠡᠨᠡ ᠪᠠᠢᠳᠠᠯ ᠠ᠋ᠴᠠ ᠭᠠᠷᠤᠨᠠ᠂ ᠢᠲᠡᠭᠡᠯ ᠨᠠᠢᠳᠠᠪᠤᠷᠢ ᠪᠠᠨ ᠪᠦᠦ ᠠᠯᠲᠠ᠃
ᠡᠬᠡᠨᠡᠷ ᠦ᠋ᠨ ᠬᠢᠨᠢ ᠤᠷᠮᠠ ᠵᠣᠷᠢᠭ ᠶᠠᠮᠠᠷ ᠴᠤ᠌ ᠨᠡᠮᠡᠷᠢ ᠦᠭᠡᠢ ᠶ᠋ᠢ ᠭᠤᠲᠤᠯᠴᠢᠨ ᠮᠡᠳᠡᠵᠦ ᠪᠠᠢᠪᠠ᠃ ᠭᠤᠲᠤᠯᠴᠢᠨ ᠡᠬᠡᠨᠡᠷ ᠤᠷᠤᠭᠤ ᠪᠠᠨ ᠢᠨᠢᠶᠡᠮᠰᠦᠭᠯᠡᠭᠡᠳ ᠠᠵᠢᠯ ᠳ᠋ᠤ᠌ ᠪᠠᠨ ᠶᠠᠪᠤᠯᠠ᠃ ᠮᠤᠬᠤᠯᠠᠭ ᠢ᠋ᠶ᠋ᠠᠨ ᠨᠡᠭᠡᠭᠡᠭᠡᠳ ᠲᠡᠷᠡ ᠢᠲᠡᠭᠡᠬᠦ ᠶ᠋ᠢᠨ ᠠᠷᠭᠠ ᠦᠭᠡᠢ ᠶᠠᠭᠤᠮᠠ ᠣᠯᠵᠤ ᠬᠠᠷᠠᠪᠠ᠃ᠬᠢᠵᠦ ᠪᠠᠢᠭᠰᠠᠨ ᠠᠵᠢᠯ ᠢ᠋ᠶ᠋ᠠᠨ ᠣᠷᠬᠢᠭᠰᠠᠨ ᠭᠠᠵᠠᠷ ᠲᠤ᠌ ᠨᠢ ᠤᠷᠠᠨ ᠨᠠᠷᠢᠨ ᠬᠠᠳᠬᠤᠮᠠᠯ ᠲᠠᠢ ᠰᠠᠢᠬᠠᠨ ᠥᠩᠭᠡ ᠲᠡᠢ ᠭᠤᠲᠤᠯ ᠪᠠᠢᠬᠤ ᠨᠢ ᠲᠡᠷᠡ᠃
ᠭᠤᠲᠤᠯᠴᠢᠨ᠄ᠬᠥᠥᠭ᠂ ᠶᠠᠮᠠᠷ ᠭᠠᠢᠬᠠᠮᠱᠢᠭᠲᠠᠢ ᠭᠤᠲᠤᠯ ᠪᠤᠢ! ᠶᠠᠮᠠᠷ ᠴᠤ᠌ ᠪᠠᠢᠭᠰᠠᠨ ᠪᠢ ᠴᠠᠭ ᠠᠯᠳᠠᠵᠤ ᠪᠣᠯᠬᠤ ᠦᠭᠡᠢ᠂ ᠡᠨᠡ ᠰᠠᠢᠬᠠᠨ ᠪᠦᠲᠦᠭᠡᠯ ᠢ᠋ ᠵᠠᠬᠠ ᠳᠡᠭᠡᠷᠡ ᠠᠪᠠᠴᠢᠵᠤ ᠵᠠᠷᠤᠬᠤ ᠬᠡᠷᠡᠭᠲᠡᠢ ᠃
ᠭᠤᠲᠤᠯᠴᠢᠨ ᠶᠠᠭᠠᠷᠠᠨ ᠵᠠᠬᠠ ᠤᠷᠤᠭᠤ ᠣᠴᠢᠵᠤ ᠭᠤᠲᠤᠯ ᠢ᠋ᠶ᠋ᠠᠨ ᠵᠠᠷᠤᠯᠠ᠃ ᠣᠯᠤᠭᠰᠠᠨ ᠮᠥᠩᠭᠥ ᠪᠡᠷ ᠢ᠋ᠶ᠋ᠡᠨ ᠳᠠᠬᠢᠭᠠᠳ ᠠᠷᠠᠰᠤ ᠠᠪᠴᠠᠢ᠃ ᠳᠠᠬᠢᠨ ᠭᠤᠲᠤᠯ ᠬᠢᠬᠦ ᠪᠡᠷ ᠣᠷᠣᠢ ᠪᠣᠯᠲᠠᠯᠠ ᠮᠤᠬᠤᠯᠠᠭ ᠲᠤ᠌ ᠪᠠᠨ ᠰᠠᠭᠤᠵᠤ᠂ ᠠᠷᠠᠰᠤ ᠵᠦᠰᠦᠪᠡ ᠭᠡᠨᠡ᠃ ᠦᠳᠡᠰᠢ ᠪᠣᠯᠬᠤ ᠳ᠋ᠤ᠌ ᠳᠠᠭᠤᠰᠬᠠᠭᠠ ᠦᠭᠡᠢ ᠭᠤᠲᠤᠯ ᠢ᠋ᠶ᠋ᠠᠨ ᠠᠷᠤ ᠳ᠋ᠤ᠌ ᠪᠠᠨ ᠣᠷᠬᠢᠵᠤ ᠭᠡᠷ ᠦ᠋ᠨ ᠵᠦᠭ ᠶᠠᠪᠤᠯᠠ᠃ ᠣᠷᠣᠢ ᠶ᠋ᠢᠨ ᠬᠣᠭᠣᠯᠠ ᠪᠠᠨ ᠢᠳᠡᠬᠦ ᠳ᠋ᠦ᠍ ᠪᠡᠨ ᠡᠬᠡᠨᠡᠷ ᠲᠦ᠍ ᠪᠡᠨ ᠪᠣᠯᠤᠭᠰᠠᠨ ᠶᠠᠪᠤᠳᠠᠯ ᠤ᠋ᠨ ᠲᠠᠯᠠ ᠪᠠᠷ ᠶᠠᠷᠢᠪᠠ᠃
ᠡᠬᠡᠨᠡᠷ᠄ ᠪᠢ ᠴᠢᠮᠠ ᠳ᠋ᠤ᠌ ᠬᠡᠯᠡᠭᠰᠡᠨ ᠰᠢᠦ ᠳᠡ᠂ ᠢᠲᠡᠭᠡᠯ ᠨᠠᠢᠳᠠᠪᠤᠷᠢ ᠪᠠᠨ ᠪᠦᠦ ᠠᠯᠲᠠ᠂ ᠴᠢ ᠪᠣᠯ ᠬᠢᠴᠢᠶᠡᠯ ᠵᠢᠳᠬᠦᠯ ᠲᠡᠢ ᠬᠥᠮᠦᠨ᠂ ᠡᠷᠲᠡ ᠣᠷᠣᠢ ᠬᠡᠵᠢᠶᠡ ᠨᠢᠭᠡᠨ ᠴᠠᠭ ᠲᠤ᠌ ᠪᠢᠳᠡ ᠦᠷᠡ ᠰᠢᠮᠡ ᠪᠡᠨ ᠬᠦᠷᠲᠡᠳᠡᠭ᠃
ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠮᠤᠬᠤᠯᠠᠭ ᠲᠤ᠌ ᠪᠠᠨ ᠢᠷᠡᠲᠡᠯᠡ ᠂ ᠵᠦᠰᠦᠭᠰᠡᠨ ᠠᠷᠠᠰᠤ ᠨᠤᠭᠤᠳ ᠢ᠋ᠶ᠋ᠠᠨ ᠦᠯᠡᠳᠡᠭᠡᠭᠰᠡᠨ ᠭᠠᠵᠠᠷ ᠲᠤ᠌ ᠬᠡᠳᠦ ᠬᠡᠳᠦᠨ ᠬᠣᠣᠰ ᠰᠠᠢᠬᠠᠨ ᠭᠤᠲᠤᠯ ᠪᠠᠢᠬᠤ ᠶ᠋ᠢ ᠬᠠᠷᠠᠭᠠᠳ ᠲᠡᠷᠡ ᠶᠡᠬᠡᠳᠡ ᠭᠠᠢᠬᠠᠵᠠᠢ ᠃
ᠭᠤᠲᠤᠯᠴᠢᠨ᠄ ᠡᠨᠡ ᠪᠣᠯ ᠭᠠᠢᠬᠠᠮᠰᠢᠭ᠂ ᠡᠨᠡ ᠣᠯᠠᠨ ᠵᠢᠯ ᠪᠢ ᠬᠥᠳᠡᠯᠮᠦᠷᠢ ᠪᠡᠷ ᠢ᠋ᠶ᠋ᠡᠨ ᠮᠥᠩᠭᠥ ᠣᠯᠬᠤ ᠭᠡᠵᠦ ᠶᠡᠬᠡ ᠵᠣᠪᠠᠵᠤ ᠪᠠᠢᠭᠰᠠᠨ ᠶᠤᠮ᠂ ᠭᠡᠪᠡᠴᠦ ᠣᠭᠲᠣ ᠴᠢᠳᠠᠭᠠ ᠦᠭᠡᠢ᠂ ᠬᠡᠨ ᠨᠢᠭᠡ ᠨᠢ ᠨᠠᠳᠠ ᠳ᠋ᠤ᠌ ᠲᠤᠰᠠᠯᠠᠬᠤ ᠭᠡᠳ ᠪᠠᠢᠭᠠ ᠪᠣᠯᠤᠯᠲᠠᠢ᠃
ᠳᠠᠬᠢᠭᠠᠳ ᠯᠠ ᠵᠠᠬᠠ ᠤᠷᠤᠭᠤ ᠶᠠᠭᠠᠷᠠᠵᠤ ᠨᠡᠮᠡᠵᠦ ᠠᠷᠠᠰᠤ ᠠᠪᠤᠪᠠ᠃ ᠬᠡᠳᠦᠨ ᠭᠤᠲᠤᠯ ᠤ᠋ᠨ ᠠᠷᠠᠰᠤ ᠶ᠋ᠢ ᠪᠣᠯᠭᠣᠮᠵᠢᠲᠠᠢ ᠭᠡᠭᠴᠢ ᠨᠢ ᠵᠦᠰᠦᠭᠡᠳ᠂ ᠠᠵᠢᠯ ᠤ᠋ᠨ ᠢ᠋ᠶ᠋ᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠣᠷᠬᠢᠯᠠ᠃ ᠥᠷᠯᠥᠭᠡ ᠨᠢ ᠳᠠᠬᠢᠭᠠᠳ ᠯᠠ ᠢᠯᠡᠭᠦᠦ ᠣᠯᠠᠨ ᠭᠤᠲᠤᠯ ᠲᠡᠭᠦᠨ ᠢ᠋ ᠬᠦᠯᠢᠶᠡᠵᠦ ᠪᠠᠢᠪᠠ᠃ ᠤᠭᠯᠠᠭᠠᠰᠢ᠂ ᠤᠷᠲᠤ ᠲᠦᠷᠡᠢᠲᠦ ᠂ ᠪᠠᠯᠧᠲ ᠦ᠋ᠨ ᠭᠤᠲᠤᠯ᠂ ᠮᠣᠳᠣᠨ ᠤᠯᠠᠲᠤ ᠂ ᠬᠥᠩᠭᠡᠨ ᠱᠠᠬᠠᠢ ᠂ᠥᠭᠡᠷᠡ ᠥᠭᠡᠷᠡ ᠦᠩᠭᠡ ᠲᠠᠢ ᠠᠷᠠᠰᠤᠨ ᠭᠤᠲᠤᠯ ᠤ᠋ᠳ ᠪᠠᠢᠯᠠ᠃
ᠭᠤᠲᠤᠯᠴᠢᠨ᠄ ᠭᠦᠦᠭ ᠶᠠᠮᠠᠷ ᠭᠠᠢᠬᠠᠮᠰᠢᠭ ᠲᠠᠢ ᠭᠤᠲᠤᠯ ᠪᠣᠢ ? ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠦᠯᠦ ᠲᠠᠨᠢᠬᠤ ᠬᠥᠮᠦᠨ ᠯᠡ ᠨᠠᠳᠠ ᠳ᠋ᠤ᠌ ᠲᠤᠰᠠᠯᠠᠭᠠᠳ ᠪᠠᠢᠨᠠ ᠳᠠ᠂ ᠡᠨᠡ ᠮᠠᠶᠢᠭ ᠢ᠋ᠶ᠋ᠠᠷ ᠪᠠᠢᠪᠠᠯ ᠪᠢ ᠬᠡᠵᠢᠶᠡ ᠴᠦ᠍ ᠮᠥᠩᠭᠥ ᠪᠡᠷ ᠲᠠᠰᠤᠷᠠᠬᠤ ᠦᠭᠡᠢ ᠶᠦᠮ ᠪᠠᠢᠨᠠ᠂ ᠪᠢᠳᠡ ᠠᠵᠠ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠨᠠ᠃
ᠭᠤᠲᠤᠯᠴᠢᠨ ᠦᠯᠦ ᠲᠠᠨᠢᠬᠤ ᠬᠥᠮᠦᠨ ᠢ᠋ᠶ᠋ᠡᠷ ᠰᠠᠢᠬᠠᠨ ᠭᠤᠲᠤᠯ ᠤᠷᠠᠯᠠᠭᠤᠯᠬᠤ ᠪᠠᠷ ᠠᠷᠠᠰᠤ ᠨᠤᠭᠤᠳ ᠢ᠋ᠶ᠋ᠠᠨ ᠵᠦᠰᠦᠵᠦ ᠡᠬᠢᠯᠡᠪᠡ᠃ ᠬᠡᠳᠦᠨ ᠳᠣᠯᠣᠭᠠᠨ ᠬᠣᠨᠣᠭ ᠲᠤ᠌ ᠡᠨᠡ ᠮᠠᠶᠢᠭ ᠢ᠋ᠶ᠋ᠠᠷ ᠦᠷᠭᠦᠯᠵᠢᠯᠡᠯᠡ᠃ ᠥᠷᠯᠥᠭᠡ ᠪᠦᠷᠢ ᠭᠤᠲᠤᠯᠴᠢᠨ ᠢᠯᠡᠭᠦᠦ ᠣᠯᠠᠨ ᠭᠤᠲᠤᠯ ᠣᠯᠵᠤ ᠬᠠᠷᠠᠨᠠ᠃ ᠤᠳᠠᠯ ᠦᠭᠡᠢ ᠲᠡᠷᠡ ᠲᠣᠰᠬᠣᠨ ᠳ᠋ᠤ᠌ ᠬᠠᠮᠤᠭ ᠰᠠᠢᠬᠠᠨ ᠭᠤᠲᠤᠯ ᠬᠢᠳᠡᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠠᠯᠳᠠᠷᠰᠢᠯᠠ᠃ ᠲᠡᠳᠡ ᠶᠡᠬᠡ ᠰᠠᠢᠬᠠᠨ ᠱᠢᠯᠲᠦᠭᠡᠨ ᠪᠠᠷᠢᠵᠤ ᠠᠮᠢᠳᠤᠷᠠᠳᠠᠭ ᠪᠣᠯᠵᠠᠢ ᠭᠡᠨᠡ᠃
ᠡᠬᠡᠨᠡᠷ᠄ ᠪᠢᠳᠡᠨ ᠦ᠌ ᠠᠮᠢᠳᠤᠷᠠᠯ ᠶᠠᠭᠠᠬᠢᠵᠤ ᠥᠭᠡᠷᠡᠴᠢᠯᠡᠭᠳᠡᠭᠰᠡᠨ ᠢ᠋ ᠬᠠᠷᠠᠵᠤ ᠪᠠᠢᠨᠠ ᠤᠤ? ᠴᠠᠭ ᠬᠤᠭᠤᠴᠠᠭᠠᠨ ᠤ᠋ ᠯᠠ ᠠᠰᠠᠭᠤᠳᠠᠯ ᠪᠠᠢᠭᠰᠠᠨ ᠶᠤᠮ᠃
ᠭᠤᠲᠤᠯᠴᠢᠨ᠄ ᠲᠡᠢᠮᠦ ᠠ᠋ ᠬᠣᠩᠭᠣᠷ ᠮᠢᠨᠢ ᠴᠢ ᠦᠷᠭᠦᠯᠵᠢ ᠨᠠᠳᠠ ᠳ᠋ᠤ᠌ ᠤᠷᠮᠠ ᠵᠣᠷᠢᠭ ᠥᠭᠳᠡᠭ ᠪᠠᠢᠭᠰᠠᠨ ᠰᠢᠦ ᠳᠡ᠂ ᠲᠡᠭᠡᠭᠡᠳ ᠪᠢᠳᠡ ᠡᠳᠦᠢ ᠵᠡᠷᠭᠡ ᠳ᠋ᠦ᠍ ᠬᠦᠷᠦᠯᠡ᠃
ᠡᠬᠡᠨᠡᠷ᠄ ᠲᠡᠢᠮᠦ ᠠ᠋ ᠪᠢᠳᠡᠨ ᠳ᠋ᠦ᠍ ᠲᠤᠰᠠᠯᠠᠵᠤ ᠪᠠᠢᠭᠠ ᠦᠯᠦ ᠲᠠᠨᠢᠬᠤ ᠬᠥᠮᠦᠨ ᠢ᠋ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ᠂ ᠬᠡᠨ ᠪᠣᠯᠬᠤ ᠶ᠋ᠢ ᠨᠢ ᠣᠯᠵᠤ ᠮᠡᠳᠡᠵᠦ ᠂ᠲᠡᠳᠡᠨ ᠳ᠋ᠦ᠍ ᠲᠠᠯᠠᠷᠬᠠᠵᠤ ᠶᠠᠮᠠᠷ ᠨᠢᠭᠡᠨ ᠶᠠᠭᠤᠮᠠ ᠬᠢᠵᠦ ᠥᠭᠬᠦ ᠬᠡᠷᠡᠭᠲᠡᠢ ᠃
ᠭᠤᠲᠤᠯᠴᠢᠨ᠄ ᠭᠡᠪᠡᠴᠦ ᠲᠡᠳᠡ ᠥᠷᠯᠥᠭᠡ ᠪᠣᠯᠬᠤ ᠠ᠋ᠴᠠ ᠡᠮᠦᠨᠡ ᠶᠠᠪᠤᠴᠢᠬᠠᠭᠰᠠᠨ ᠪᠠᠢᠳᠠᠭ᠂ ᠲᠡᠳᠡᠨ ᠲᠡᠢ ᠶᠠᠭᠠᠬᠢᠵᠤ ᠠᠭᠤᠯᠵᠠᠬᠤ ᠶᠤᠮ ᠪᠣᠢ?
ᠡᠬᠡᠨᠡᠷ᠄ ᠮᠠᠷᠭᠠᠰᠢ ᠮᠤᠬᠤᠯᠠᠭ ᠲᠤ᠌ ᠪᠠᠨ ᠨᠢᠭᠤᠭᠳᠠᠭᠠᠳ ᠲᠡᠳᠡᠨ ᠢ᠋ ᠬᠠᠷᠠᠵᠤ ᠪᠣᠯᠤᠨᠠ ᠰᠢᠦ ᠳᠡ᠃
ᠭᠤᠲᠤᠯᠴᠢᠨ᠄ ᠨᠡᠭᠡᠷᠡᠨ ᠲᠡᠢᠮᠦ᠂ ᠲᠡᠭᠡᠵᠦ ᠪᠣᠯᠬᠤ ᠶᠤᠮ ᠪᠠᠢᠨᠠ᠃ ᠪᠢ ᠲᠡᠳᠡᠨ ᠦ᠌ ᠲᠤᠰᠠᠯᠠᠮᠵᠢ ᠳ᠋ᠤ᠌ ᠲᠠᠯᠠᠷᠬᠠᠮᠠᠷ ᠪᠠᠢᠨᠠ᠃
ᠮᠠᠷᠭᠠᠰᠢ ᠨᠢ ᠭᠤᠲᠤᠯᠴᠢᠨ ᠤᠷᠢᠲᠤ ᠶ᠋ᠢᠨ ᠠᠳᠠᠯᠢ ᠠᠷᠠᠰᠤ ᠪᠠᠨ ᠵᠦᠰᠦᠪᠡ᠃ ᠣᠷᠣᠢ ᠨᠢ ᠲᠥᠯᠥᠪᠯᠡᠭᠰᠡᠨ ᠶᠣᠰᠣᠭᠠᠷ ᠭᠤᠲᠤᠯᠴᠢᠨ ᠤ᠋ ᠡᠬᠡᠨᠡᠷ ᠢᠷᠡᠯᠡ᠃
ᠡᠬᠡᠨᠡᠷ᠄ ᠨᠢᠭᠡ ᠭᠠᠵᠠᠷ ᠨᠢᠭᠤᠭᠳᠠᠬᠤ ᠤᠤ?
ᠭᠤᠲᠤᠯᠴᠢᠨ᠄ ᠲᠡᠭᠡᠶᠡ! ᠲᠡᠷᠡ ᠱᠦᠭᠦᠢ ᠶ᠋ᠢᠨ ᠠᠷᠤ ᠳ᠋ᠤ᠌ ᠨᠢᠭᠤᠭᠳᠠᠵᠤ ᠪᠣᠯᠤᠨᠠ ᠰᠢᠦ ᠳᠡ᠃
ᠢᠩᠭᠢᠭᠡᠳ ᠲᠡᠳᠡ ᠠᠵᠢᠯ ᠤ᠋ᠨ ᠰᠢᠷᠡᠭᠡᠨ ᠦ᠌ ᠠᠷᠤ ᠲᠠᠯᠠ ᠶ᠋ᠢᠨ ᠵᠢᠵᠢᠭᠬᠡᠨ ᠱᠦᠭᠦᠢ ᠳ᠋ᠦ᠍ ᠨᠢᠭᠤᠭᠳᠠᠵᠤ ᠬᠦᠯᠢᠶᠡᠯᠡ᠃ ᠰᠥᠨᠢ ᠳᠤᠮᠳᠠ ᠪᠣᠯᠬᠤ ᠳ᠋ᠤ᠌ ᠭᠤᠲᠤᠯᠴᠢᠨ ᠪᠣᠯᠤᠨ ᠲᠡᠭᠦᠨ ᠦ᠌ ᠡᠬᠡᠨᠡᠷ ᠨᠠᠮᠤᠭᠤᠬᠠᠨ ᠠᠶᠠ ᠠᠶᠠᠯᠬᠤ ᠬᠣᠭᠣᠯᠠᠢ ᠰᠣᠨᠣᠰᠤᠯᠠ᠃ ᠲᠡᠳᠡ ᠱᠦᠭᠦᠢ ᠠ᠋ᠴᠠ ᠭᠠᠷᠴᠤ ᠢᠷᠡᠭᠡᠳ᠂ ᠤᠷᠠᠭᠳᠠᠵᠤ ᠬᠠᠭᠤᠴᠢᠷᠠᠭᠰᠠᠨ ᠬᠤᠪᠴᠠᠰᠤ ᠲᠠᠢ ᠬᠣᠶᠠᠷ ᠵᠢᠵᠢᠭᠬᠡᠨ ᠬᠥᠭᠡᠷᠦᠬᠦᠨ ᠠᠨᠠᠬᠠᠢ ᠴᠣᠩᠬᠣ ᠪᠠᠷ ᠠᠪᠠᠷᠢᠵᠤ ᠣᠷᠣᠵᠤ ᠢᠷᠡᠬᠦ ᠶ᠋ᠢ ᠬᠠᠷᠠᠭᠠᠳ ᠶᠡᠬᠡ ᠭᠠᠢᠬᠠᠵᠠᠢ᠃ ᠲᠡᠳᠡ ᠳᠣᠲᠣᠭᠰᠢ ᠪᠠᠨ ᠦᠰᠦᠷᠦᠯᠡ᠂ ᠠᠨᠠᠬᠠᠢ ᠨᠠᠷ ᠳᠠᠭᠤᠤ ᠠᠶᠠᠯᠤᠨ ᠪᠥᠵᠢᠵᠦ᠂ ᠠᠭᠠᠷ ᠲᠤ᠌ ᠦᠰᠦᠷᠴᠦ ᠪᠠᠢᠪᠠ᠃ ᠭᠤᠲᠤᠯᠴᠢᠨ ᠤ᠋ ᠬᠠᠷᠠᠵᠤ ᠪᠠᠢᠭᠰᠠᠨ ᠬᠠᠮᠤᠭ ᠤ᠋ᠨ ᠵᠢᠷᠭᠠᠯᠲᠠᠢ ᠵᠢᠭᠠᠯ ᠤ᠋ᠳ ᠪᠠᠢᠯᠠ᠃ ᠪᠥᠵᠢᠭᠯᠡᠭᠰᠡᠨ ᠦ᠌ ᠪᠡᠨ ᠳᠠᠷᠠᠭᠠ ᠠᠨᠠᠬᠠᠢ ᠨᠠᠷ ᠰᠢᠷᠡᠭᠡᠨ ᠳᠡᠭᠡᠷᠡ ᠰᠠᠭᠤᠵᠤ ᠭᠤᠲᠤᠯ ᠬᠢᠵᠦ ᠡᠬᠢᠯᠡᠯᠡ᠃ ᠲᠡᠳᠡ ᠵᠦᠰᠦᠵᠦ ᠂ ᠣᠶᠣᠵᠤ ᠂ᠪᠣᠳᠣᠵᠤ ᠂ ᠪᠣᠳᠣᠭᠰᠠᠨ ᠭᠤᠲᠤᠯ ᠤᠳ ᠢ᠋ ᠨᠢᠭᠡ ᠨᠢᠭᠡ ᠪᠡᠷ ᠨᠢ ᠴᠡᠪᠡᠷᠯᠡᠵᠦ ᠪᠠᠢᠪᠠ᠃ ᠭᠤᠲᠤᠯᠴᠢᠨ ᠡᠬᠡᠨᠡᠷ ᠲᠡᠢ ᠪᠡᠨ ᠬᠠᠮᠲᠤ ᠲᠡᠳᠡᠨ ᠢ᠋ ᠪᠠᠶᠠᠷᠯᠠᠨ ᠬᠠᠷᠠᠵᠤ ᠪᠠᠢᠯᠠ᠃ ᠭᠤᠲᠤᠯᠴᠢᠨ ᠲᠡᠳᠡᠨ ᠦ᠌ ᠭᠤᠲᠤᠯ ᠬᠢᠬᠦ ᠴᠢᠳᠠᠪᠤᠷᠢ ᠶ᠋ᠢ ᠬᠠᠷᠠᠭᠠᠳ ᠶᠡᠬᠡᠳᠡ ᠠᠯᠮᠠᠢᠷᠠᠪᠠ᠃ ᠤᠳᠠᠯ ᠦᠭᠡᠢ ᠪᠠᠰᠠ ᠨᠢᠭᠡᠨ ᠬᠣᠣᠰ ᠭᠤᠲᠤᠯ ᠡᠮᠦᠰᠬᠦ ᠳ᠋ᠦ᠍ ᠪᠡᠯᠡᠨ ᠪᠣᠯᠵᠠᠢ᠃ ᠠᠨᠠᠬᠠᠢ ᠨᠠᠷ ᠴᠣᠩᠬᠣ ᠪᠠᠷ ᠦᠰᠦᠷᠴᠦ ᠭᠠᠷᠤᠭᠠᠳ ᠠᠯᠠᠭᠠ ᠪᠣᠯᠵᠠᠢ᠃
ᠡᠬᠡᠨᠡᠷ᠄ ᠠᠨᠠᠬᠠᠢ ᠨᠠᠷ ᠪᠠᠢᠵᠠᠢ᠂ ᠡᠳᠦᠷ ᠪᠦᠷᠢ ᠪᠢᠳᠡᠨ ᠳ᠋ᠦ᠍ ᠲᠤᠰᠠᠯᠠᠬᠤ ᠪᠠᠷ ᠢᠷᠡᠳᠡᠭ᠂ ᠲᠡᠳᠡᠨ ᠳ᠋ᠦ᠍ ᠲᠠᠯᠠᠷᠬᠠᠬᠤ ᠠᠷᠭᠠ ᠣᠯᠬᠤ ᠬᠡᠷᠡᠭᠲᠡᠢ ᠃
ᠭᠤᠲᠤᠯᠴᠢᠨ᠄ ᠲᠡᠢᠮᠦ ᠠ᠋᠂ ᠳᠡᠭᠡᠯ ᠦᠭᠡᠢ ᠶᠠᠭᠠᠬᠢᠬᠤᠪ᠂ ᠭᠡᠪᠡᠴᠦ ᠪᠢᠳᠡ ᠲᠡᠳᠡᠨ ᠦ᠌ ᠲᠥᠯᠥᠭᠡ ᠶᠠᠭᠤ ᠬᠢᠵᠦ ᠴᠢᠳᠠᠬᠤ ᠪᠢᠯᠡ?
ᠡᠬᠡᠨᠡᠷ᠄ ᠲᠡᠳᠡ ᠬᠠᠭᠤᠴᠢᠷᠠᠵᠤ ᠤᠷᠠᠭᠳᠠᠭᠰᠠᠨ ᠬᠤᠪᠴᠠᠰᠤ ᠡᠮᠦᠰᠦᠭᠰᠡᠨ ᠪᠠᠢᠭᠰᠠᠨ᠂ ᠲᠡᠳᠡᠨ ᠳ᠋ᠦ᠍ ᠬᠤᠪᠴᠠᠰᠤ ᠣᠶᠣᠵᠤ ᠥᠭᠴᠦ ᠪᠣᠯᠤᠨᠠ ᠰᠢᠦ ᠳᠡ᠃
ᠭᠤᠲᠤᠯᠴᠢᠨ᠄ ᠦ᠂ ᠰᠠᠢᠬᠠᠨ ᠰᠠᠨᠠᠭᠠ ᠪᠠᠢᠨᠠ᠂ ᠪᠢ ᠲᠡᠳᠡᠨ ᠳ᠋ᠦ᠍ ᠰᠢᠨᠡ ᠭᠤᠲᠤᠯ ᠣᠶᠣᠵᠤ ᠥᠭᠭᠦᠨᠡ ᠃
ᠡᠬᠡᠨᠡᠷ᠄ ᠪᠢ ᠲᠡᠳᠡᠨ ᠳ᠋ᠦ᠍ ᠳᠤᠯᠠᠭᠠᠬᠠᠨ ᠰᠠᠢᠬᠠᠨ ᠬᠤᠪᠴᠠᠰᠤ ᠣᠶᠣᠨᠠ᠃
ᠲᠡᠷᠡ ᠬᠣᠶᠠᠷ ᠠᠨᠠᠬᠠᠢ ᠨᠠᠷ ᠲᠤ᠌ ᠪᠡᠯᠡᠭ ᠬᠢᠬᠦ ᠪᠡᠷ ᠠᠵᠢᠯᠯᠠᠪᠠ᠃ ᠳᠣᠯᠣᠭᠠ ᠬᠣᠨᠣᠭ ᠤ᠋ᠨ ᠳᠠᠷᠠᠭᠠ ᠭᠤᠲᠤᠯᠴᠢᠨ ᠦᠰᠦ ᠪᠡᠷ ᠡᠮᠵᠢᠭᠰᠡᠨ ᠬᠣᠶᠠᠷ ᠰᠠᠢᠬᠠᠨ ᠭᠤᠲᠤᠯ ᠣᠶᠣᠵᠤ ᠳᠠᠭᠤᠰᠬᠠᠯᠠ᠃ ᠭᠤᠲᠤᠯᠴᠢᠨ ᠤ᠋ ᠡᠬᠡᠨᠡᠷ ᠬᠣᠶᠠᠷ ᠵᠢᠵᠢᠭᠬᠡᠨ ᠨᠡᠬᠡᠢ ᠳᠡᠪᠡᠯ᠂ ᠬᠣᠣᠰ ᠴᠠᠮᠴᠠ᠂ ᠳᠤᠯᠠᠭᠠᠨ ᠬᠥᠪᠥᠩ ᠥᠮᠥᠳᠥ ᠣᠶᠣᠵᠠᠢ᠃
ᠡᠬᠡᠨᠡᠷ᠄ ᠡᠨᠡ ᠭᠤᠲᠤᠯ ᠬᠤᠪᠴᠠᠰᠤ ᠪᠢᠴᠢᠬᠠᠨ ᠠᠨᠠᠬᠠᠢ ᠨᠠᠷ ᠲᠤ᠌ ᠶᠡᠬᠡ ᠰᠠᠢᠬᠠᠨ ᠬᠠᠷᠠᠭᠳᠠᠨᠠ᠂ ᠲᠡᠳᠡᠨ ᠢ᠋ ᠡᠨᠡ ᠬᠤᠪᠴᠠᠰᠤ ᠶ᠋ᠢ ᠡᠮᠦᠰᠬᠦ ᠶ᠋ᠢ ᠬᠠᠷᠠᠬᠤ ᠰᠠᠨ ᠭᠡᠵᠦ ᠪᠢ ᠳᠣᠭᠳᠣᠯᠵᠤ ᠪᠠᠢᠨᠠ ᠃
ᠭᠤᠲᠤᠯᠴᠢᠨ᠄ ᠮᠠᠷᠭᠠᠰᠢ ᠵᠤᠯᠠ ᠰᠠᠷᠠ ᠶ᠋ᠢᠨ ᠤᠷᠢᠳ ᠡᠳᠦᠷ᠂ ᠮᠤᠬᠤᠯᠠᠭ ᠢ᠋ᠶ᠋ᠠᠨ ᠵᠤᠯᠠ ᠰᠠᠷᠠ ᠶ᠋ᠢᠨ ᠴᠢᠮᠡᠭᠯᠡᠯ ᠢ᠋ᠶ᠋ᠡᠷ ᠴᠢᠮᠡᠭᠯᠡᠵᠦ ᠂ ᠡᠨᠡ ᠪᠡᠯᠡᠭ ᠢ᠋ᠶ᠋ᠡᠨ ᠠᠵᠢᠯ ᠤ᠋ᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠮᠢᠨᠢ ᠤᠷᠭᠢᠶᠠ᠃
ᠲᠡᠷᠡ ᠬᠤᠶᠠᠭᠤᠯᠠ ᠮᠤᠬᠤᠯᠠᠭ ᠢ᠋ᠶ᠋ᠠᠨ ᠵᠤᠯᠠ ᠰᠠᠷᠠ ᠶ᠋ᠢᠨ ᠴᠢᠮᠡᠭᠯᠡᠯ ᠢ᠋ᠶ᠋ᠡᠷ ᠴᠢᠮᠡᠭᠡᠳ᠂ ᠪᠡᠯᠡᠭ ᠢ᠋ᠶ᠋ᠡᠨ ᠠᠵᠢᠯ ᠤ᠋ᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠲᠠᠯᠪᠢᠪᠠ᠃ ᠰᠥᠨᠢ ᠳᠤᠮᠳᠠ ᠪᠣᠯᠬᠤ ᠳ᠋ᠤ᠌ ᠲᠡᠷᠡ ᠬᠤᠶᠠᠭᠤᠯᠠ ᠠᠨᠠᠬᠠᠢ ᠨᠠᠷ ᠤ᠋ᠨ ᠬᠣᠭᠣᠯᠠᠢ ᠶ᠋ᠢ ᠰᠣᠨᠣᠰᠤᠯᠠ᠃ ᠠᠨᠠᠭᠠᠢ ᠨᠠᠷ ᠡᠮᠦᠨᠡᠬᠢ ᠰᠢᠭ ᠢ᠋ᠶ᠋ᠡᠨ ᠰᠦᠷᠵᠢᠨ ᠣᠷᠣᠵᠤ ᠢᠷᠡᠪᠡ᠃ ᠲᠡᠳᠡ ᠪᠠᠶᠠᠷᠯᠠᠨ ᠪᠥᠵᠢᠵᠦ ᠪᠠᠢᠯᠠ᠃ ᠭᠡᠪᠡᠴᠦ ᠰᠢᠷᠡᠭᠡ ᠶ᠋ᠢ ᠬᠠᠷᠠᠭᠠᠳ ᠲᠡᠳᠡ ᠶᠡᠬᠡ ᠭᠠᠢᠬᠠᠵᠠᠢ ᠃
ᠳᠡᠭᠦᠦ ᠠᠨᠠᠬᠠᠢ᠄ ᠥᠨᠥᠳᠥᠷ ᠦ᠋ᠨ ᠠᠵᠢᠯ ᠬᠠᠮᠢᠭᠠ ᠪᠠᠢᠨᠠ?
ᠠᠬᠠ ᠠᠨᠠᠬᠠᠢ᠄ ᠬᠠᠷᠠ ᠳᠠ ᠳᠡᠭᠦᠦ ᠮᠢᠨᠢ ᠡᠨᠡ ᠭᠤᠲᠤᠯ ᠬᠤᠪᠴᠠᠰᠤ ᠶᠠᠮᠠᠷ ᠭᠣᠶᠣ ᠶᠤᠮ ᠪᠣᠢ ?
ᠳᠡᠭᠦᠦ ᠠᠨᠠᠬᠠᠢ᠄ ᠬᠡ ᠬᠡ ᠬᠡ ᠂ ᠪᠠᠰᠠ ᠥᠩᠭᠡᠯᠢᠭ ᠶᠠᠭᠤᠮᠠ ᠪᠠᠢᠨᠠ᠃
ᠠᠬᠠ ᠠᠨᠠᠬᠠᠢ᠄ ᠭᠤᠲᠤᠯᠴᠢᠨ ᠪᠢᠳᠡᠨ ᠳ᠋ᠦ᠍ ᠲᠠᠯᠠᠷᠬᠠᠬᠤ ᠭᠡᠵᠦ ᠡᠭᠦᠨ ᠢ᠋ ᠥᠭᠭᠦᠭᠰᠡᠨ ᠪᠠᠢᠬᠤ ᠠ᠋᠃
ᠳᠡᠭᠦᠦ ᠠᠨᠠᠬᠠᠢ᠄ ᠪᠢᠳᠡᠨ ᠦ᠌ ᠠᠵᠢᠯ ᠳ᠋ᠤ᠌ ᠲᠠᠯᠠᠷᠬᠠᠵᠤ ᠪᠠᠢᠭᠠ ᠪᠠᠢᠬᠤ ᠨᠢ᠃
ᠠᠬᠠ ᠠᠨᠠᠬᠠᠢ᠄ ᠲᠡᠢᠮᠦ ᠠ᠋᠂ ᠬᠡ ᠬᠠ ᠬᠠ᠂ ᠡᠮᠦᠰᠴᠦ ᠦᠵᠡᠶᠡ᠃
ᠠᠨᠠᠬᠠᠢ ᠨᠠᠷ ᠭᠤᠲᠤᠯ ᠬᠤᠪᠴᠠᠰᠤ ᠶ᠋ᠢ ᠡᠮᠦᠰᠴᠦ ᠦᠵᠡᠪᠡ᠂ ᠶᠠᠭ ᠰᠠᠢᠬᠠᠨ ᠲᠠᠭᠠᠷᠠᠵᠠᠢ᠃
ᠳᠡᠭᠦᠦ ᠠᠨᠠᠬᠠᠢ᠄ ᠲᠠ ᠶᠡᠬᠡ ᠰᠠᠢᠬᠠᠨ ᠬᠠᠷᠠᠭᠳᠠᠵᠤ ᠪᠠᠢᠨᠠ᠃
ᠠᠬᠠ ᠠᠨᠠᠬᠠᠢ᠄ ᠪᠠᠰᠠ᠂ ᠴᠢ ᠴᠦ᠍ ᠭᠡᠰᠡᠨ ᠶᠠᠩᠵᠤ ᠲᠠᠢ ᠬᠠᠷᠠᠭᠳᠠᠵᠤ ᠪᠠᠢᠨᠠ᠂ ᠦᠨᠡᠬᠡᠷ ᠰᠠᠢᠬᠠᠨ ᠬᠤᠪᠴᠠᠰᠤ ᠪᠠᠢᠨᠠ᠃
ᠳᠡᠭᠦᠦ ᠠᠨᠠᠬᠠᠢ᠄ ᠪᠠᠰᠠ ᠶᠡᠬᠡ ᠭᠣᠶᠣ ᠭᠤᠲᠤᠯ ᠪᠠᠢᠨᠠ᠂ ᠪᠥᠵᠢᠭᠯᠡᠮᠡᠷ ᠰᠠᠨᠠᠭᠳᠠᠴᠢᠬᠠᠯᠠ᠂ ᠠ !
ᠠᠬᠠ ᠠᠨᠠᠬᠠᠢ᠄ ᠪᠥᠵᠢᠭᠯᠡᠶᠡ ᠳᠡᠭᠦᠦ ᠮᠢᠨᠢ !
ᠲᠡᠳᠡ ᠳᠠᠬᠢᠭᠠᠳ ᠯᠠ ᠤᠷᠢᠳᠤ ᠶ᠋ᠢᠨ ᠠᠳᠠᠯᠢ ᠪᠠᠶᠠᠷᠲᠠᠢ ᠪᠠᠷ ᠪᠥᠵᠢᠭᠯᠡᠪᠡ᠃ ᠠᠨᠠᠬᠠᠢ ᠨᠠᠷ ᠲᠤ᠌ ᠰᠢᠨᠡ ᠬᠤᠪᠴᠠᠰᠤ ᠨᠢ ᠲᠠᠭᠠᠯᠠᠭᠳᠠᠭᠰᠠᠨ ᠢ᠋ ᠦᠵᠡᠭᠡᠳ ᠭᠤᠲᠤᠯᠴᠢᠨ ᠪᠣᠯᠤᠨ ᠭᠤᠲᠤᠯᠴᠢᠨ ᠤ᠋ ᠡᠬᠡᠨᠡᠷ ᠮᠠᠰᠢ ᠶᠡᠬᠡ ᠪᠠᠶᠠᠷᠯᠠᠪᠠ᠂ ᠬᠡᠰᠡᠭ ᠬᠤᠭᠤᠴᠠᠭᠠᠨ ᠤ᠋ ᠳᠠᠷᠠᠭᠠ ᠠᠨᠠᠬᠠᠢ ᠨᠠᠷ ᠴᠣᠩᠬᠣ ᠪᠠᠷ ᠦᠰᠦᠷᠴᠦ ᠭᠠᠷᠤᠭᠠᠳ ᠰᠠᠷᠠᠨ ᠤ᠋ ᠭᠡᠷᠡᠯ ᠳ᠋ᠦ᠍ ᠠᠯᠠᠭᠠ ᠪᠣᠯᠪᠠ᠃ ᠭᠤᠲᠤᠯᠴᠢᠨ ᠡᠬᠡᠨᠡᠷ ᠲᠡᠢ ᠪᠡᠨ ᠬᠠᠮᠲᠤ ᠨᠢᠭᠤᠭᠳᠠᠭᠰᠠᠨ ᠭᠠᠵᠠᠷᠠ᠋ᠴᠠ ᠪᠠᠨ ᠭᠠᠷᠴᠤ ᠢᠷᠡᠯᠡ᠃
ᠡᠬᠡᠨᠡᠷ᠄ᠬᠦ ᠬᠦ ᠬᠦ ᠂ ᠲᠩᠷᠢ ᠮᠢᠨᠢ! ᠪᠢᠳᠡᠨ ᠦ᠌ ᠪᠡᠯᠡᠭ ᠲᠡᠳᠡᠨ ᠳ᠋ᠦ᠍ ᠲᠠᠭᠠᠯᠠᠭᠳᠠᠭᠰᠠᠨ ᠳ᠋ᠤ᠌ ᠪᠢ ᠦᠨᠡᠬᠡᠷ ᠪᠠᠶᠠᠷᠲᠠᠢ ᠪᠠᠢᠨᠠ᠃
ᠭᠤᠲᠤᠯᠴᠢᠨ᠄ ᠬᠠᠷᠢᠨ ᠲᠡᠢᠮᠦ ᠠ᠋᠂ ᠪᠠᠶᠠᠷ ᠢ᠋ᠶ᠋ᠠᠨ ᠲᠡᠮᠳᠡᠭᠯᠡᠬᠦ ᠴᠠᠭ ᠪᠣᠯᠵᠠᠢ᠂ ᠵᠠ! ᠭᠡᠷ ᠲᠦ᠍ ᠪᠡᠨ ᠬᠠᠷᠢᠵᠠᠭᠠᠶᠠ᠃
ᠵᠤᠯᠠ ᠰᠠᠷᠠ ᠶ᠋ᠢᠨ ᠥᠷᠯᠥᠭᠡ ᠪᠣᠯᠵᠤ ᠪᠠᠢᠪᠠ᠂ ᠭᠤᠲᠤᠯᠴᠢᠨ ᠠᠷᠠᠰᠤ ᠪᠠᠨ ᠵᠦᠰᠦᠭᠡᠳ᠂ ᠠᠨᠠᠬᠠᠢ ᠨᠠᠷ ᠲᠤ᠌ ᠵᠣᠷᠢᠭᠤᠯᠵᠤ ᠰᠢᠷᠡᠭᠡᠨ ᠳᠡᠭᠡᠷᠡ ᠪᠡᠨ ᠣᠷᠬᠢᠯᠠ᠃ ᠭᠡᠪᠡᠴᠦ ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠮᠤᠬᠤᠯᠠᠭ ᠲᠤ᠌ ᠪᠠᠨ ᠢᠷᠡᠲᠡᠯᠡ ᠨᠢᠭᠡ ᠴᠦ᠍ ᠭᠤᠲᠤᠯ ᠪᠠᠢᠭᠰᠠᠨ ᠦᠭᠡᠢ᠃ ᠡᠬᠡᠨᠡᠷ ᠲᠦ᠍ ᠪᠡᠨ ᠬᠡᠯᠡᠬᠦ ᠪᠡᠷ ᠭᠡᠷ ᠲᠦ᠍ ᠪᠡᠨ ᠬᠠᠷᠢᠯᠠ᠃
ᠭᠤᠲᠤᠯᠴᠢᠨ᠄ ᠨᠥᠭᠦᠭᠡ ᠮᠠᠨ ᠤ᠋ ᠠᠨᠠᠬᠠᠢ ᠨᠠᠷ ᠡᠷᠭᠢᠵᠦ ᠢᠷᠡᠭᠰᠡᠨ ᠦᠭᠡᠢ᠂ ᠨᠢᠭᠡ ᠴᠦ᠍ ᠭᠤᠲᠤᠯ ᠪᠠᠢᠭᠰᠠᠨ ᠦᠭᠡᠢ᠃
ᠡᠬᠡᠨᠡᠷ᠄ ᠵᠦᠭᠡᠷ ᠳᠡ᠂ ᠲᠡᠳᠡ ᠪᠢᠳᠡᠨ ᠳ᠋ᠦ᠍ ᠬᠠᠩᠭᠠᠯᠲᠠ ᠲᠠᠢ ᠲᠤᠰᠠᠯᠠᠭᠰᠠᠨ᠂ ᠴᠢ ᠡᠮᠦᠨᠡᠬᠢ ᠰᠢᠭ ᠢ᠋ᠶ᠋ᠡᠨ ᠯᠡ ᠳᠠᠬᠢᠭᠠᠳ ᠠᠵᠢᠯᠯᠠᠬᠤ ᠬᠡᠷᠡᠭᠲᠡᠢ ᠪᠣᠯᠬᠤ ᠨᠢ᠃
ᠭᠤᠲᠤᠯᠴᠢᠨ᠄ ᠲᠡᠢᠮᠦ ᠠ᠋᠂ ᠪᠢ ᠥᠪᠡᠷ ᠢ᠋ᠶ᠋ᠡᠨ ᠠᠵᠢᠯᠯᠠᠨᠠ᠂ ᠥᠨᠥᠳᠥᠷ ᠢ᠋ ᠬᠦᠷᠲᠡᠯᠡ ᠪᠢ ᠬᠥᠮᠦᠰ ᠶᠠᠭᠤᠨ ᠳ᠋ᠤ᠌ ᠳᠤᠷᠠᠲᠠᠢ᠂ ᠶᠠᠮᠠᠷ ᠨᠢ ᠲᠡᠳᠡᠨ ᠳ᠋ᠦ᠍ ᠲᠠᠭᠠᠯᠠᠭᠳᠠᠳᠠᠭ ᠢ᠋ ᠮᠡᠳᠡᠵᠦ ᠠᠪᠤᠭᠰᠠᠨ᠂ ᠪᠢ ᠬᠠᠮᠤᠭ ᠤ᠋ᠨ ᠰᠠᠢᠨ ᠭᠤᠲᠤᠯ ᠢ᠋ ᠬᠢᠨᠡ᠃
ᠲᠡᠷᠡ ᠠᠨᠠᠬᠠᠢ ᠨᠠᠷ ᠢ᠋ ᠭᠠᠷᠴᠤ ᠢᠷᠡᠬᠦ ᠠ᠋ᠴᠠ ᠡᠮᠦᠨᠡ ᠣᠯᠠᠨ ᠵᠢᠯ ᠦ᠋ᠨ ᠲᠤᠷᠰᠢ ᠬᠢᠳᠡᠭ ᠪᠠᠢᠭᠰᠠᠨ ᠠᠵᠢᠯ ᠳ᠋ᠤ᠌ ᠪᠠᠨ ᠰᠢᠮᠳᠠᠨ ᠣᠷᠣᠯᠠ᠃ ᠲᠡᠭᠦᠨ ᠦ᠌ ᠬᠢᠭᠰᠡᠨ ᠭᠤᠲᠤᠯ ᠤ᠋ᠳ ᠶᠠᠭ ᠠᠨᠠᠬᠠᠢ ᠨᠠᠷ ᠤ᠋ᠨ ᠬᠢᠳᠡᠭ ᠪᠠᠢᠭᠰᠠᠨ ᠰᠢᠭ᠋ ᠰᠠᠢᠬᠠᠨ ᠭᠤᠲᠤᠯ ᠪᠣᠯᠵᠤ ᠪᠠᠢᠯᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠂ ᠬᠠᠲᠠᠭᠴᠢ ᠄ᠾᠦᠩ ᠸᠧᠢ
ᠬᠢᠨᠠᠯᠲᠠ ᠄ᠰᠡᠴᠡᠨᠴᠢᠮᠡᠭ᠂ ᠮᠣᠩᠭᠣᠯ ᠰᠦᠨᠡᠰᠦ ᠂ ᠮᠦᠴᠢᠷ᠃