ᠡᠵᠢ ᠶ᠋ᠢ ᠪᠡᠨ ᠬᠠᠢᠷᠠᠯᠠᠵᠤ ᠶᠠᠪᠤᠭᠠᠷᠠᠢ-ᠬᠠᠲᠠᠨᠪᠠᠭᠠᠲᠤᠷЭэжийгээ хайрлаж яваарай-Хатанбаатар
4273ᠡᠵᠢ ᠶ᠋ᠢ ᠪᠡᠨ ᠬᠠᠢᠷᠠᠯᠠᠵᠤ ᠶᠠᠪᠤᠭᠠᠷᠠᠢ
ᠬᠠᠲᠠᠨᠪᠠᠭᠠᠲᠤᠷ
ᠰᠢᠨᠡ ᠬᠣᠷᠢᠶᠠᠯᠠᠯ ᠤ᠋ᠨ ᠬᠣᠷᠢᠨ ᠵᠢᠷᠭᠤᠳᠤᠭᠠᠷ ᠪᠠᠢᠰᠢᠩ ᠤ᠋ᠨ ᠬᠠᠵᠠᠭᠤ ᠪᠠᠷ ᠥᠩᠭᠡᠷᠡᠬᠦ ᠪᠣᠯᠭᠠᠨ ᠳ᠋ᠤ᠌ ᠰᠡᠳᠬᠢᠯ ᠮᠢᠨᠢ ᠲᠠᠩᠳᠠ ᠪᠠᠨ ᠡᠮᠵᠡᠭᠯᠡᠳᠡᠭ ᠶᠦᠮ᠂ ᠡᠨᠡ ᠪᠠᠢᠰᠢᠩ ᠤ᠋ᠨ ᠠᠷᠪᠠᠨ ᠨᠢᠭᠡᠨ ᠳᠠᠪᠬᠤᠷ ᠲᠤ ᠡᠵᠢ ᠮᠢᠨᠢ ᠠᠢᠯ ᠤ᠋ᠨ ᠬᠠᠵᠠᠭᠤ ᠥᠷᠥᠭᠡᠨ ᠳ᠋ᠦ᠍ ᠰᠠᠭᠤᠳᠠᠭ ᠪᠠᠢᠭᠰᠠᠨ ᠶᠤᠮ᠂ ᠬᠠᠶᠠ ᠵᠠᠪ ᠭᠠᠷᠭᠠᠭᠠᠳ ᠡᠵᠢ ᠳᠡᠭᠡᠷᠡ ᠪᠡᠨ ᠣᠴᠢᠬᠤ ᠪᠠᠷ ᠬᠠᠴᠢᠨ ᠶᠡᠬᠡ ᠪᠠᠶᠠᠷᠯᠠᠨᠠ᠂ ᠠᠯᠠᠭᠠᠨ ᠴᠢᠨᠡᠭᠡᠨ ᠵᠢᠵᠢᠭᠬᠡᠨ ᠥᠷᠥᠭᠡᠨ ᠳ᠋ᠦ᠍ᠨᠢ ᠠᠯᠢ ᠳᠡᠭᠡᠷᠡ ᠦᠶᠡ ᠳ᠋ᠦ᠍ ᠠᠪᠤᠭᠰᠠᠨ ᠡᠪᠬᠡᠳᠡᠭ ᠰᠢᠷᠡᠭᠡᠨ ᠦ᠌ ᠬᠣᠶᠠᠷ ᠲᠠᠯᠠ ᠳ᠋ᠤ᠌ ᠰᠠᠭᠤᠴᠢᠬᠠᠭᠠᠳ ᠤᠭᠤᠷᠠᠭ ᠤᠯᠠᠭᠠᠨ ᠴᠠᠢ ᠪᠠᠨ ᠤᠤᠭᠤᠵᠤ ᠭᠠᠩᠭᠠᠷ ᠭᠤᠩᠭᠠᠷ ᠭᠡᠳ ᠬᠣᠶᠠᠷ ᠪᠠᠶᠠᠨ ᠢ᠋ᠶ᠋ᠠᠨ ᠪᠠᠶᠠᠰᠬᠠᠵᠤ ᠰᠠᠭᠤᠳᠠᠭ ᠰᠠᠨ᠂ ᠣᠴᠢᠬᠤ ᠪᠣᠯᠭᠠᠨ ᠳ᠋ᠤ᠌ ᠮᠠᠭᠤ ᠡᠵᠢ ᠮᠢᠨᠢ ᠨᠠᠳᠠᠳᠤ ᠰᠢᠬᠢᠷ ᠥᠭᠭᠦᠨᠡ᠂ ᠶᠠᠪᠤᠬᠤ ᠪᠣᠯᠬᠣᠷ ᠡᠪᠦᠷ ᠲᠤ ᠬᠢᠨᠡ᠂ ᠵᠠ᠂ ᠡᠵᠢ ᠠ᠋᠂ ᠪᠢ ᠶᠠᠮᠠᠷ ᠬᠡᠦᠬᠡᠳ ᠪᠢᠰᠢ ᠳᠡ᠂ ᠭᠡᠬᠦ ᠪᠡᠷ᠂ ᠢᠰᠢ ᠮᠢᠨᠦ ᠮᠠᠭᠤ ᠥᠬᠢᠨ ᠬᠡᠦᠬᠡᠳ ᠭᠡᠨᠡ ᠰᠢᠦ᠂ ᠮᠠᠷᠭᠠᠰᠢ ᠮᠢᠨᠦ ᠥᠬᠢᠨ ᠭᠦᠶᠦᠭᠡᠳ ᠢᠷᠡᠬᠦ ᠤᠤ? ᠮᠠᠷᠭᠠᠰᠢ ᠨᠢ ᠪᠢ ᠵᠠᠪ ᠦᠭᠡᠢ ᠪᠣᠯᠴᠢᠬᠠᠨᠠ᠂ ᠴᠣᠬᠣᠮ ᠶᠠᠭᠠᠬᠢᠭᠠᠳ ᠵᠠᠪ ᠦᠭᠡᠢ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠣᠳᠣ ᠬᠦᠷᠲᠡᠯᠡ ᠪᠢ ᠪᠣᠳᠣᠭᠠᠳ ᠪᠣᠳᠣᠭᠠᠳ ᠣᠯᠳᠠᠭ ᠦᠭᠡᠢ ᠶᠦᠮ᠂ ᠶᠠᠪᠤᠭᠠᠳ ᠣᠴᠢᠲᠠᠯᠠ ᠴᠠᠬᠢᠯᠭᠠᠨ ᠱᠠᠲᠤ ᠨᠢ ᠠᠵᠢᠯᠯᠠᠬᠤ ᠦᠭᠡᠢ ᠪᠠᠢᠵᠤ ᠲᠠᠭᠠᠷᠠᠪᠠᠯ ᠶᠠᠷᠰᠢᠭ ᠲᠠᠢ ᠶᠤᠮ ᠠ᠋ ᠭᠡᠵᠦ ᠪᠤᠭᠤᠷᠤᠯ ᠡᠵᠢ ᠶ᠋ᠢ ᠪᠡᠨ ᠪᠤᠷᠤᠭᠤᠳᠬᠠᠨ ᠬᠡᠳᠦᠬᠡᠨ ᠮᠥᠴᠡ ᠬᠦᠯᠢᠶᠡᠬᠦ ᠡᠴᠡ ᠪᠡᠨ ᠵᠠᠯᠬᠠᠭᠤᠷᠠᠭᠠᠳ ᠰᠢᠦ ᠳᠧ᠂ ᠢᠩᠭᠢᠭᠡᠳ ᠯᠡ ᠥᠨᠳᠥᠷ ᠬᠠᠷᠰᠢ ᠶ᠋ᠢᠨ ᠳᠡᠷᠭᠡᠳᠡᠭᠦᠷ ᠶᠡᠬᠡ ᠢᠷᠡᠭᠡᠳᠦᠢ ᠳ᠋ᠦ᠍ ᠶᠠᠭᠠᠷᠠᠨᠠ᠂ ᠵᠣᠭᠰᠣᠪᠠᠯ ᠠᠯᠭᠠᠰᠠᠵᠤ ᠣᠳᠬᠤ ᠪᠤᠤᠬᠢᠶᠠ ᠲᠡᠷᠭᠡ ᠰᠢᠭ ᠯᠡ ᠥᠩᠭᠡᠷᠡᠳᠡᠭ ᠪᠠᠢᠯᠠ᠂ ᠡᠨᠡ ᠪᠣᠯᠭᠠᠨ ᠳ᠋ᠤ᠌ ᠮᠠᠭᠤ ᠡᠵᠢ ᠮᠢᠨᠢ ᠭᠠᠷ ᠢ᠋ᠶ᠋ᠠᠨ ᠭᠠᠷᠭᠠᠵᠤ ᠬᠢᠭᠰᠡᠨ ᠴᠠᠢ ᠬᠣᠭᠣᠯᠠ ᠪᠠᠨ ᠳᠠᠬᠢᠨ ᠳᠠᠬᠢᠨ ᠬᠠᠯᠠᠭᠠᠵᠤ ᠬᠥᠮᠦᠨ ᠦ᠌ ᠬᠥᠯ ᠦ᠋ᠨ ᠴᠢᠮᠡᠭᠡ ᠴᠢᠩᠨᠠᠵᠤ ᠰᠠᠭᠤᠭᠰᠠᠨ ᠪᠠᠢᠬᠤ ᠳᠠ᠂ ᠢᠩᠭᠢᠵᠦ ᠪᠣᠳᠣᠬᠤ ᠪᠠᠷ ᠵᠢᠷᠦᠬᠡ ᠰᠢᠮᠰᠢᠷᠡᠳᠡᠭ ᠶᠦᠮ᠂ ᠠᠷᠪᠠᠨ ᠨᠢᠭᠡᠨ ᠳᠠᠪᠬᠤᠷ ᠤ᠋ᠨ ᠱᠠᠲᠤ ᠪᠠᠷ ᠬᠠᠷᠪᠤᠭᠰᠠᠨ ᠰᠤᠮᠤ ᠰᠢᠭ᠋ ᠭᠦᠶᠦᠵᠦ ᠣᠴᠢᠭᠰᠠᠨ ᠨᠠᠮᠤᠷ ᠤ᠋ᠨ ᠲᠡᠷᠡ ᠲᠦᠨᠡᠷ ᠬᠠᠷᠠᠩᠭᠤᠢ ᠰᠥᠨᠢ ᠶ᠋ᠢ ᠪᠢ ᠮᠠᠷᠲᠠᠭᠠ ᠦᠭᠡᠢ᠂ ᠶᠠᠭᠠᠬᠢᠵᠤ ᠴᠤ᠌ ᠮᠠᠷᠲᠠᠬᠤ ᠪᠢᠯᠡ ᠳᠠ᠂ ᠰᠥᠨᠢ ᠳᠤᠮᠳᠠᠭᠤᠷ ᠢᠷᠡᠵᠦ ᠨᠠᠮᠠ ᠶ᠋ᠢ ᠰᠡᠷᠢᠭᠡᠭᠰᠡᠨ ᠲᠡᠷᠡ ᠬᠥᠮᠦᠨ ᠡᠵᠢ ᠳ᠋ᠡᠭᠡᠨ ᠣᠴᠢᠯ ᠦᠭᠡᠢ ᠪᠣᠯᠬᠤ ᠦᠭᠡᠢ ᠨᠢ ᠭᠡᠰᠡᠨ ᠭᠤᠷᠪᠠᠬᠠᠨ ᠦᠭᠡ ᠶ᠋ᠢ ᠨᠠᠳᠠᠳᠤ ᠶᠠᠮᠠᠷ ᠲᠦᠭᠰᠢᠭᠦᠷᠢᠲᠡᠢ ᠬᠡᠯᠡᠭᠰᠡᠨ ᠭᠡᠵᠦ ᠰᠠᠨᠠᠨᠠ᠂ ᠲᠡᠷᠡ ᠦᠶᠡ ᠳ᠋ᠦ᠍ ᠪᠢ ᠠᠩᠬᠠ ᠤᠳᠠᠭᠠ ᠪᠠᠨ ᠠᠩᠬᠠ ᠤᠳᠠᠭᠠ ᠪᠠᠨ ᠠᠷᠪᠠᠨ ᠨᠢᠭᠡᠨ ᠳᠠᠪᠬᠤᠷ ᠤ᠋ᠨ ᠱᠠᠲᠤ ᠪᠠᠷ ᠬᠠᠷᠪᠤᠭᠰᠠᠨ ᠰᠤᠮᠤ ᠰᠢᠭ᠋ ᠯᠡ ᠭᠦᠶᠦᠵᠦ ᠣᠴᠢᠭᠰᠠᠨ ᠶᠤᠮ᠂ ᠬᠠᠷᠠᠮᠰᠠᠯᠲᠠᠢ ᠨᠢ ᠪᠢ ᠡᠭᠦᠷᠢᠳᠡ ᠬᠣᠵᠢᠮᠳᠠᠭᠰᠠᠨ ᠪᠠᠢᠭᠰᠠᠨ᠂ ᠡᠭᠦᠷᠢᠳᠡ ᠭᠡᠳ ᠪᠣᠳᠣ ᠳᠠ᠂ ᠲᠡᠷᠡ ᠦᠶᠡ ᠳ᠋ᠦ᠍ ᠨᠠᠳᠠᠳᠤ ᠠᠷᠪᠠᠨ ᠨᠢᠭᠡᠨ ᠳᠠᠪᠬᠤᠷ ᠤ᠋ᠨ ᠱᠠᠲᠤ ᠪᠠᠷ ᠭᠠᠷᠬᠤ ᠰᠢᠭ᠋ ᠠᠮᠠᠷᠬᠠᠨ ᠶᠠᠭᠤᠮᠠ ᠳᠠᠩᠴᠤ ᠪᠠᠢᠭᠠ ᠦᠭᠡᠢ᠂ ᠡᠵᠢ ᠴᠢᠨᠢ ᠬᠣᠯᠠ ᠶ᠋ᠢᠨ ᠣᠳᠣᠨ ᠳ᠋ᠤ᠌ ᠪᠠᠢᠨᠠ᠂ ᠢᠷᠡᠵᠦ ᠠᠭᠤᠯᠵᠠ ᠭᠡᠵᠦ ᠬᠡᠯᠡᠭᠦᠯᠵᠡᠢ ᠭᠡᠪᠡᠯ ᠶᠠᠭ ᠣᠳᠣ ᠶᠠᠭ ᠣᠳᠣ ᠪᠣᠰᠤᠭᠠᠳ ᠬᠣᠯᠠ ᠶ᠋ᠢᠨ ᠠᠶᠠᠨ ᠤ᠋ ᠵᠠᠮ ᠳ᠋ᠤ᠌ ᠭᠠᠷᠬᠤ ᠳ᠋ᠤ᠌ ᠪᠡᠯᠡᠨ ᠪᠠᠢᠨᠠ᠂ ᠭᠡᠪᠡᠴᠦ ᠲᠡᠨᠳᠡ ᠡᠵᠢ ᠮᠢᠨᠢ ᠪᠠᠢᠬᠤ ᠦᠭᠡᠢ ᠰᠢᠦ ᠳᠡ᠂ ᠡᠵᠢ ᠶ᠋ᠢ ᠪᠡᠨ ᠠᠴᠢ ᠡᠯᠪᠡᠷᠢᠯ ᠢ᠋ ᠴᠠᠭ ᠲᠤᠨᠢ ᠤᠬᠠᠭᠠᠷᠠᠭᠠ ᠦᠭᠡᠢ ᠦᠷᠡ ᠶ᠋ᠢᠨ ᠲᠣᠭᠠ ᠨᠠᠳᠠ ᠪᠠᠷ ᠲᠡᠭᠦᠰᠬᠦ ᠪᠣᠯᠲᠤᠭᠠᠢ! ᠪᠢ ᠡᠵᠢ ᠶ᠋ᠢ ᠪᠡᠨ ᠶᠠᠭᠠᠬᠢᠬᠤ ᠭᠡᠵᠦ ᠲᠡᠭᠡᠵᠦ ᠭᠣᠮᠣᠳᠠᠭᠠᠳᠠᠭ ᠪᠠᠢᠭᠰᠠᠨ ᠪᠣᠯ ᠠ᠋᠂ ᠪᠢ ᠡᠵᠢ ᠶ᠋ᠢ ᠪᠡᠨ ᠶᠠᠭᠠᠬᠢᠬᠤ ᠭᠡᠵᠦ ᠲᠡᠭᠡᠵᠦ ᠭᠠᠭᠴᠠᠭᠠᠷᠳᠠᠭᠤᠯᠳᠠᠭ ᠪᠠᠢᠭᠰᠠᠨ ᠪᠣᠯ ᠠ᠋᠂ ᠪᠢ ᠡᠵᠢ ᠳ᠋ᠡᠭᠡᠨ ᠶᠠᠭᠠᠬᠢᠬᠤ ᠭᠡᠵᠦ ᠲᠡᠷᠡ ᠶᠡᠬᠡ ᠮᠠᠭᠤᠬᠠᠢ ᠬᠠᠲᠠᠭᠤ ᠦᠭᠡ ᠶ᠋ᠢ ᠬᠡᠯᠡᠳᠡᠭ ᠪᠠᠢᠭᠰᠠᠨ ᠪᠣᠯ ᠠ᠋᠂ ᠬᠥᠮᠦᠨ ᠦ᠌ ᠡᠵᠢ ᠳ᠋ᠦ᠍ ᠮᠠᠷᠭᠠᠰᠢ ᠭᠡᠵᠦ ᠪᠠᠢᠳᠠᠭ ᠦᠭᠡᠢ ᠶᠦᠮ ᠪᠢᠯᠡ᠂ ᠬᠠᠷᠢᠨ ᠪᠢᠳᠡᠨᠡᠷ ᠲᠤ ᠪᠣᠯ ᠮᠠᠷᠭᠠᠰᠢ᠂ ᠨᠥᠭᠥᠭᠡᠳᠦᠷ᠂ ᠨᠥᠭᠥᠭᠡᠳᠦᠷ ᠦ᠋ᠨ ᠴᠠᠭᠠᠳᠤ ᠡᠳᠦᠷ ᠴᠤ᠌ ᠭᠡᠵᠦ ᠪᠠᠢᠭᠠ᠂ ᠪᠤᠭᠤᠷᠤᠯᠬᠠᠨ ᠡᠵᠢ ᠮᠢᠨᠢ ᠲᠡᠨᠡᠭᠬᠡᠨ ᠥᠬᠢᠨ ᠢ᠋ᠶ᠋ᠡᠨ ᠥᠷᠥᠰᠢᠶᠡᠭᠡᠷᠡᠢ! ᠥᠬᠢᠨ ᠴᠢᠨᠢ ᠲᠠᠨ ᠤ᠋ ᠡᠵᠡᠭᠦᠢ ᠳ᠋ᠦ᠍ ᠬᠠᠢᠷᠠ ᠪᠠᠷ ᠮᠥᠨᠴᠥ ᠶᠡᠬᠡ ᠳᠤᠲᠠᠵᠤ ᠶᠠᠪᠤᠨᠠ ᠰᠢᠦ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠳᠬᠣᠨᠴᠡᠴᠡᠭ
ᠦᠰᠦᠭ ᠬᠠᠲᠠᠭᠴᠢ᠄ ᠣᠳᠬᠣᠨᠴᠡᠴᠡᠭ
ᠬᠢᠨᠠᠭᠴᠢ᠄ ᠰᠡᠷᠭᠦᠯᠡᠩ