ᠬᠥᠬᠡ ᠵᠤᠯᠠ – ᠪᠣᠷᠵᠢᠭᠢᠨ ᠸᠠᠩᠵᠠᠯ - < ᠠᠷᠪᠠᠨ ᠬᠣᠶᠠᠷ ᠂ ᠶᠠᠰᠤ ᠮᠢᠬᠠᠨ ᠤ᠋ ᠨᠡᠷᠡᠰ ᠤᠨ ᠪᠦᠯᠦᠭ 2-1 > Хөх зул – Боржигон Ванжал –" Арван хоёр ᠂ яс махны нэрсийн бүлэг 2-1 "
260ᠮᠠᠯ ᠤ᠋ᠨ ᠡᠷᠬᠡᠲᠡᠨ ᠦ᠌ ᠨᠡᠷᠡᠢᠳᠦᠯ
ᠮᠠᠯ ᠤ᠋ᠨ ᠡᠷᠬᠡᠲᠡᠨ ᠦ᠌ ᠨᠡᠷᠡᠢᠳᠦᠯ ᠢ᠋ ᠶᠡᠷᠦᠩᠬᠡᠢ ᠳ᠋ᠦ᠍ᠨᠢ ᠭᠠᠳᠠᠷ ᠡᠷᠬᠡᠲᠡᠨ ᠪᠠ ᠳᠣᠲᠣᠷ ᠡᠷᠬᠡᠲᠡᠨ ᠭᠡᠵᠦ ᠬᠣᠶᠠᠷ ᠬᠤᠪᠢᠶᠠᠬᠤ ᠪᠥᠭᠡᠳ ᠭᠠᠳᠠᠷ ᠡᠷᠬᠡᠲᠡᠨ ᠢ᠋ ᠨᠢ ᠠᠮᠢᠳᠤ ᠪᠣᠰᠤᠭᠠ ᠪᠣᠯᠤᠨ ᠠᠯᠠᠵᠤ ᠮᠥᠴᠢᠯᠡᠭᠰᠡᠨ ᠨᠡᠷᠡᠢᠳᠦᠯ ᠭᠡᠵᠦ ᠪᠠᠰᠠ ᠬᠣᠶᠠᠷ ᠬᠤᠪᠢᠶᠠᠳᠠᠭ᠃ ᠠᠮᠢᠳᠤ ᠪᠣᠰᠤᠭᠠ ᠦᠶᠡ ᠬᠣᠩᠰᠢᠶᠠᠷ ᠂ ᠬᠣᠰᠢᠭᠤ ᠂ ᠮᠤᠨᠳᠠᠭᠠ ᠂ ᠰᠡᠷᠪᠡᠭᠡ ᠂ ᠵᠣ ᠂ ᠬᠣᠨᠳᠣᠯᠠᠢ ᠂ ᠲᠡᠰᠢᠶᠡ ᠂ ᠵᠤᠷᠠᠭᠠ ᠂ ᠰᠤᠭᠤ ᠂ ᠴᠠᠪᠢ ᠂ ᠬᠠᠰᠠ ᠂ ᠬᠦᠢᠯᠡᠭᠦᠷ ᠂ ᠰᠠᠮᠠᠢ ᠂ ᠥᠭᠡᠵᠡᠭ ᠭᠡᠬᠦ ᠮᠡᠲᠦ ᠶ᠋ᠢᠨ ᠨᠡᠷᠡᠢᠳᠦᠯ ᠪᠠᠢᠳᠠᠭ ᠴᠤ᠌ ᠠᠯᠠᠵᠤ ᠮᠥᠴᠢᠯᠡᠭᠰᠡᠨ ᠦ᠌ ᠳᠠᠷᠠᠭᠠ ᠢᠩᠭᠢᠵᠦ ᠨᠡᠷᠡᠯᠡᠭᠳᠡᠬᠦ ᠪᠡᠨ ᠪᠣᠯᠢᠴᠢᠬᠠᠳᠠᠭ᠃ ᠵᠢᠱ᠌ᠢᠶᠡᠯᠡᠪᠡᠯ : ᠠᠮᠢᠳᠤ ᠳ᠋ᠠᠭᠠᠨ ᠬᠣᠰᠢᠭᠤ ᠬᠣᠩᠰᠢᠶᠠᠷ ᠭᠡᠵᠦ ᠪᠠᠢᠳᠠᠭ ᠴᠤ᠌ ᠮᠥᠴᠢᠯᠡᠭᠰᠡᠨ ᠦ᠌ ᠳᠠᠷᠠᠭᠠ ᠲᠣᠯᠣᠭᠠᠢ ᠡᠷᠡᠦ ᠭᠡᠭᠰᠡᠭᠡᠷ ᠪᠣᠯᠴᠢᠬᠠᠨᠠ᠃ ᠠᠮᠢᠳᠤ ᠦᠶᠡ ᠵᠣ᠂ ᠬᠣᠨᠳᠣᠯᠠᠢ ᠬᠠᠷᠭᠠᠮ ᠭᠡᠵᠦ ᠪᠠᠢᠳᠠᠭ᠂ ᠮᠥᠴᠢᠯᠡᠭᠰᠡᠨ ᠦ᠌ ᠬᠣᠢᠨᠠ ᠨᠢᠷᠤᠭᠤ᠂ ᠰᠡᠭᠦᠵᠢ ᠭᠡᠪᠡᠯ ᠪᠣᠯᠴᠢᠬᠠᠳᠠᠭ᠃ ᠠᠮᠢᠳᠤ ᠳ᠋ᠤ᠌ ᠰᠤᠭᠤ ᠂ ᠴᠠᠪᠢ ᠭᠡᠵᠦ ᠪᠣᠢ ᠂ ᠮᠥᠴᠢᠯᠡᠮᠡᠭᠴᠡ ᠰᠤᠭᠤ ᠶ᠋ᠢ ᠨᠢ ᠬᠠ ᠂ ᠡᠪᠴᠢᠭᠦᠦ ᠭᠡᠵᠦ ᠂ ᠴᠠᠪᠢ ᠶ᠋ᠢ ᠨᠢ ᠭᠤᠶᠠ ᠂ ᠴᠣᠷᠣᠢᠯ ᠭᠡᠪᠡᠯ ᠪᠣᠯᠴᠢᠬᠠᠨᠠ᠃
ᠡᠢᠨ ᠬᠦ᠌ ᠳᠣᠣᠷᠠ ᠪᠢ ᠭᠠᠳᠠᠷ ᠡᠷᠬᠡᠲᠡᠨ ᠢ᠋ ᠶᠠᠷᠢᠬᠤ ᠶ᠋ᠢᠨ ᠬᠠᠮᠲᠤ ᠠᠮᠢᠳᠤ ᠪᠣᠰᠤᠭᠠ ᠮᠠᠯ ᠤ᠋ᠨ ᠡᠷᠬᠡᠲᠡᠨ ᠢ᠋ᠶ᠋ᠡᠷ ᠭᠣᠣᠯᠯᠠᠵᠤ ᠶᠠᠷᠢᠶᠠ᠃
ᠲᠣᠯᠣᠭᠠᠢ ᠶ᠋ᠢᠨ ᠬᠡᠰᠡᠭ
ᠲᠣᠯᠣᠭᠠᠢ
ᠠᠮᠢᠲᠠᠨ ᠤ᠋ ᠪᠡᠶᠡ ᠶ᠋ᠢᠨ ᠬᠠᠮᠤᠭ ᠲᠦᠷᠦᠭᠦᠨᠡ ᠣᠷᠣᠰᠢᠬᠤ ᠨᠢᠭᠤᠷ ᠂ ᠭᠠᠪᠠᠯᠠ ᠂ ᠡᠷᠡᠦ ᠭᠤᠷᠪᠠ ᠠ᠋ᠴᠠ ᠪᠦᠲᠦᠭᠰᠡᠨ ᠮᠠᠯ ᠤ᠋ᠨ ᠲᠡᠷᠢᠭᠦᠨ᠃
ᠴᠣᠷᠪᠣ
ᠮᠣᠷᠢᠨ ᠤ᠋ ᠳᠡᠭᠡᠳᠦ ᠤᠷᠤᠭᠤᠯ ᠤ᠋ᠨ ᠦᠵᠦᠭᠦᠷ ᠲᠡᠬᠢ ᠤᠷᠠᠨ ᠤᠷᠤᠭᠤᠯ᠃
ᠤᠷᠤᠭᠤᠯ ᠳᠡᠭᠡᠳᠦ ᠳᠣᠣᠷᠠᠲᠤ ᠰᠢᠳᠦ ᠶ᠋ᠢ ᠪᠦᠷᠬᠦᠵᠦ ᠪᠠᠢᠭᠠ ᠬᠡᠰᠡᠭ ᠠᠷᠠᠰᠤ᠃
ᠠᠮᠠ ᠠᠮᠢᠲᠠᠨ ᠤ᠋ ᠤᠷᠤᠭᠤᠯ ᠵᠠᠪᠰᠠᠷᠯᠠᠬᠤ ᠢᠳᠡᠵᠦ ᠤᠤᠭᠤᠬᠤ ᠡᠷᠬᠡᠲᠡᠨ᠃
ᠡᠷᠡᠦ ᠠᠮᠢᠲᠠᠨ ᠤ᠋ ᠠᠮᠠ ᠶ᠋ᠢᠨ ᠳᠣᠣᠷᠠ ᠬᠡᠰᠡᠭ᠃
ᠵᠠᠪᠠᠵᠢ ᠠᠮᠠᠨ ᠤ᠋ ᠤᠵᠠᠭᠤᠷ ᠤ᠋ᠨ ᠬᠣᠶᠠᠷ ᠬᠠᠵᠠᠭᠤ ᠶ᠋ᠢᠨ ᠪᠦᠷᠬᠦᠭᠦᠯ ᠠᠷᠠᠰᠤ᠃ ᠪᠠᠰᠠ ᠤᠭᠤᠴᠢᠯᠠᠭᠤᠷ ᠭᠡᠳᠡᠭ ᠃ ᠤᠤᠭᠤᠵᠤ ᠰᠣᠷᠣᠬᠤ ᠳ᠋ᠤ᠌ ᠣᠷᠣᠯᠴᠠᠳᠠᠭ ᠡᠷᠬᠡᠲᠡᠨ᠃
ᠳᠥᠭᠥᠰᠢ ᠡᠷᠡᠦ ᠶ᠋ᠢᠨ ᠤᠵᠠᠭᠤᠷ ᠬᠡᠰᠡᠭ᠃
ᠰᠢᠨᠠ ᠡᠷᠡᠦ ᠶ᠋ᠢᠨ ᠤᠬᠤᠷᠬᠠᠢ ᠳ᠋ᠤ᠌ ᠬᠠᠳᠬᠤᠷᠯᠠᠵᠤ ᠪᠣᠢ ᠦᠵᠦᠭᠦᠷ ᠦ᠋ᠨ ᠨᠠᠷᠢᠨ ᠬᠡᠰᠡᠭ᠃
ᠬᠠᠮᠠᠷ ᠠᠮᠢᠲᠠᠨ ᠤ᠋ ᠳᠡᠭᠡᠳᠦ ᠡᠷᠡᠦ ᠳ᠋ᠦ᠍ ᠦᠨᠦᠷᠯᠡᠬᠦ ᠡᠷᠬᠡᠲᠡᠨ᠃
ᠬᠣᠩᠰᠢᠶᠠᠷ ( ᠬᠣᠰᠢᠭᠤ )
ᠲᠣᠯᠣᠭᠠᠢ ᠶ᠋ᠢᠨ ᠡᠮᠦᠨᠡ ᠬᠡᠰᠡᠭ ᠲᠡᠬᠢ ᠡᠷᠡᠦ ᠶ᠋ᠢᠨ ᠨᠠᠷᠢᠰᠤᠭᠰᠠᠨ ᠬᠡᠰᠡᠭ᠃
ᠨᠡᠷᠡᠮ ᠬᠣᠶᠠᠷ ᠨᠢᠳᠦᠨ ᠦ᠌ ᠱᠤᠭᠤᠮ ᠠ᠋ᠴᠠ ᠳᠣᠷᠣᠭᠰᠢᠬᠢ ᠬᠠᠮᠠᠷ ᠬᠦᠷᠲᠡᠯᠡᠬᠢ ᠬᠡᠰᠡᠭ᠃
ᠨᠢᠳᠦ ᠠᠮᠢᠲᠠᠨ ᠤ᠋ ᠲᠣᠯᠣᠭᠠᠢ ᠶ᠋ᠢᠨ ᠳᠤᠮᠳᠠ ᠬᠡᠰᠡᠭ ᠲᠦ᠍ ᠪᠠᠢᠬᠤ ᠦᠵᠡᠬᠦ ᠡᠷᠬᠡᠲᠡᠨ᠃
ᠤᠬᠤᠷᠬᠠᠢ
ᠨᠢᠳᠦᠨ ᠦ᠌ ᠬᠣᠩᠬᠣᠷ ᠪᠤᠶᠤ ᠨᠢᠳᠦᠨ ᠦ᠌ ᠲᠡᠭᠡᠭᠡᠨᠲᠡᠢ ᠬᠣᠩᠬᠣᠷ ᠢ᠋ ᠪᠠᠰᠠ ᠤᠬᠤᠷᠬᠠᠢ ᠭᠡᠨᠡ᠃
ᠮᠠᠩᠨᠠᠢ （ᠳᠤᠬᠤ ) ᠬᠣᠶᠠᠷ ᠤᠬᠤᠷᠬᠠᠢ ᠶ᠋ᠢᠨ ᠲᠡᠭᠡᠭᠡᠨᠲᠡᠢ ᠪᠠᠢᠭᠠ ᠬᠠᠪᠲᠠᠭᠠᠢ ᠬᠡᠰᠡᠭ᠃
ᠵᠤᠯᠠᠢ ᠮᠠᠩᠨᠠᠢ ᠶ᠋ᠢᠨ ᠲᠡᠭᠡᠭᠡᠨᠳᠡᠢ ᠬᠥᠪᠡᠭᠡ ᠲᠠᠷᠢᠬᠢᠨ ᠤ᠋ ᠨᠠᠷᠠᠪᠴᠢ᠃
ᠴᠣᠬᠣ ᠵᠤᠯᠠᠢ ᠶ᠋ᠢᠨ ᠲᠡᠭᠡᠭᠡᠨᠳᠡᠢ ᠣᠷᠣᠰᠢᠬᠤ ᠲᠣᠯᠣᠭᠠᠢ ᠶ᠋ᠢᠨ ᠳᠡᠭᠡᠳᠦ ᠣᠷᠣᠢ ᠶ᠋ᠢᠨ ᠬᠡᠰᠡᠭ᠃
ᠳᠠᠭᠵᠠ
ᠲᠣᠯᠣᠭᠠᠢ ᠶ᠋ᠢᠨ ᠠᠷᠤ ᠬᠡᠰᠡᠭ ᠂ ᠠᠮᠠᠨ ᠬᠦᠵᠦᠭᠦᠦ ᠲᠡᠢ ᠵᠠᠯᠭᠠᠯᠳᠤᠵᠤ ᠪᠣᠢ ᠶ᠋ᠢᠨ ᠳᠡᠭᠡᠳᠦ ᠲᠠᠯᠠ ᠃
ᠴᠢᠮᠠᠷᠬᠠᠢ ᠳᠠᠭᠵᠠ ᠶ᠋ᠢᠨ ᠳᠣᠣᠷᠠᠲᠤ ᠲᠠᠯᠠ ᠳ᠋ᠤ᠌ ᠰᠠᠭᠤᠷᠢ ᠪᠣᠯᠵᠤ ᠪᠠᠢᠭᠠ ᠬᠡᠰᠡᠭ᠃
ᠭᠠᠪᠠᠯᠠ
ᠮᠠᠩᠨᠠᠢ ᠂ ᠵᠤᠯᠠᠢ ᠂ ᠴᠢᠮᠠᠷᠬᠠᠢ ᠂ ᠳᠠᠭᠵᠠ ᠂ ᠡᠷᠪᠡᠬᠡᠢ ᠂ ᠰᠠᠮᠠᠯᠳᠠᠭ ᠵᠡᠷᠭᠡ ᠶ᠋ᠢ ᠪᠠᠭᠲᠠᠭᠠᠭᠰᠠᠨ ᠬᠡᠰᠡᠭ ᠢ᠋ ᠭᠠᠪᠠᠯᠠ ᠭᠡᠳᠡᠭ᠃ ᠡᠭᠦᠨ ᠡᠴᠡ ᠣᠷᠣᠭᠰᠢ ᠦᠯᠡᠳᠡᠭᠰᠡᠨ ᠬᠡᠰᠡᠭ ᠨᠢ ᠨᠢᠭᠤᠷ ᠲᠤ᠌ ᠪᠠᠭᠲᠠᠭᠳᠠᠨᠠ᠃ ᠲᠣᠯᠣᠭᠠᠢ ᠶ᠋ᠢᠨ ᠳᠡᠭᠡᠳᠦ ᠣᠷᠣᠢ ᠬᠡᠰᠡᠭ ᠃
ᠴᠢᠬᠢ ᠰᠣᠨᠣᠷ ᠤ᠋ᠨ ᠡᠷᠬᠡᠲᠡᠨ ᠃
ᠡᠪᠡᠷ
ᠦᠬᠡᠷ ᠂ ᠬᠣᠨᠢ ᠂ ᠢᠮᠠᠭᠠᠨ ᠤ᠋ ᠲᠣᠯᠣᠭᠠᠢ ᠳ᠋ᠤ᠌ ᠤᠷᠭᠤᠳᠠᠭ ᠂ ᠳᠣᠲᠣᠷ ᠤ᠋ᠨ ᠲᠤᠭᠤᠯᠮᠠᠢ ᠶᠠᠰᠤᠲᠠᠢ ᠬᠠᠲᠠᠭᠤ ᠵᠦᠢᠯ ᠃ ᠪᠡᠶᠡ ᠪᠡᠨ ᠬᠠᠮᠠᠭᠠᠯᠠᠬᠤ ᠡᠷᠬᠡᠲᠡᠨ᠃
ᠬᠡᠯᠡ ᠠᠮᠠᠨ ᠤ᠋ ᠬᠥᠨᠳᠡᠢ ᠳ᠋ᠦ᠍ ᠪᠠᠢᠳᠠᠭ ᠠᠮᠲᠠ ᠮᠡᠳᠡᠷᠡᠬᠦ ᠡᠷᠬᠡᠲᠡᠨ᠃
ᠲᠠᠩᠨᠠᠢ
ᠠᠮᠠᠨ ᠬᠥᠨᠳᠡᠢ ᠶ᠋ᠢᠨ ᠳᠡᠭᠡᠳᠦ ᠬᠣᠩᠬᠣᠷ ᠲᠤ᠌ ᠦᠶᠡᠳᠡᠨ ᠲᠣᠭᠲᠠᠭᠰᠠᠨ ᠢᠳᠡᠵᠦ ᠠᠮᠢᠰᠬᠤᠯᠯᠠᠬᠤ ᠳ᠋ᠤ᠌ ᠲᠤᠰᠠᠯᠠᠯᠴᠠᠬᠤ ᠡᠷᠬᠡᠲᠡᠨ᠃
ᠰᠢᠳᠦ ᠢᠳᠡᠭᠡᠨ ᠢ᠋ ᠵᠠᠵᠢᠯᠵᠤ ᠬᠡᠪᠢᠬᠦ ᠡᠷᠬᠡᠲᠡᠨ᠃ ᠰᠢᠳᠦᠨ ᠳ᠋ᠦ᠍ ᠭᠤᠷᠪᠠᠨ ᠵᠦᠢᠯ ᠪᠣᠢ᠃
ᠡᠭᠦᠳᠡᠨ ᠰᠢᠳᠦ
ᠠᠮᠠᠨ ᠤ᠋ ᠡᠮᠦᠨᠡᠭᠦᠷ ᠤᠷᠭᠤᠭᠰᠠᠨ ᠭᠣᠣᠯ ᠰᠢᠳᠦ ᠨᠦ᠍ᠭᠦᠳ ᠪᠣᠯᠤᠨᠠ᠃ ᠡᠨᠡ ᠰᠢᠲᠦ ᠬᠡᠪᠢᠯᠭᠡ ᠦᠭᠡᠢ ᠠᠮᠢᠲᠠᠨ ᠳ᠋ᠤ᠌ ᠨᠡᠩ ᠲᠣᠳᠣ᠃
ᠰᠣᠶᠣᠭᠠ ᠰᠢᠳᠦ
ᠡᠭᠦᠳᠡᠨ ᠰᠢᠲᠦ ᠪᠠ ᠠᠷᠠᠭᠠ ᠰᠢᠲᠦᠨ ᠦ᠌ ᠠᠩ ᠳ᠋ᠤ᠌ ᠭᠠᠭᠴᠠᠭᠠᠷ ᠤᠷᠭᠤᠳᠠᠭ ᠤᠷᠲᠤ ᠦᠵᠦᠭᠦᠷ ᠲᠡᠢ ᠮᠠᠬᠢᠷ ᠰᠢᠳᠦ᠃
ᠠᠷᠠᠭᠠ
ᠰᠢᠳᠦ ᠡᠷᠡᠦ ᠶ᠋ᠢᠨ ᠤᠭ ᠲᠤ᠌ ᠤᠷᠭᠤᠳᠠᠭ ᠵᠠᠵᠢᠯᠵᠤ ᠬᠡᠪᠢᠬᠦ ᠳ᠋ᠦ᠍ ᠢᠳᠡᠪᠬᠢᠲᠡᠢ ᠲᠣᠮᠣ ᠰᠢᠲᠦ᠃
ᠨᠠᠮᠠᠯᠳᠠᠭ
ᠬᠠᠮᠠᠷ ᠤ᠋ᠨ ᠬᠥᠨᠳᠡᠢ ᠳ᠋ᠡᠬᠢ ᠣᠯᠠᠨ ᠰᠠᠷᠬᠢᠶᠠᠲᠠᠢ ᠮᠥᠭᠡᠷᠰᠦᠯᠢᠭ ᠠᠮᠢᠰᠬᠤᠯ ᠤ᠋ᠨ ᠡᠷᠬᠡᠲᠡᠨ᠃
ᠰᠠᠮᠠᠯᠳᠠᠭ
ᠨᠠᠮᠠᠯᠳᠠᠭ ᠤ᠋ᠨ ᠠᠷᠤᠳᠠᠬᠢ ᠰᠠᠷᠬᠢᠶᠠᠲᠤ ᠶᠠᠰᠤᠨ ᠤ᠋ ᠬᠡᠰᠡᠭ ᠲᠦ᠍ ᠣᠷᠣᠰᠢᠨᠠ᠃
ᠪᠠᠭᠠᠯᠵᠤᠤᠷ
ᠲᠣᠯᠣᠭᠠᠢ ᠬᠦᠵᠦᠭᠦᠦ ᠶ᠋ᠢᠨ ᠵᠠᠯᠭᠠᠭᠳᠠᠵᠤ ᠪᠠᠢᠭᠠ ᠡᠷᠡᠦ ᠶ᠋ᠢᠨ ᠤᠭ ᠤ᠋ᠨ ᠬᠡᠰᠡᠭ᠃ ᠬᠦᠵᠦᠭᠦᠦ ᠶ᠋ᠢᠨ ᠬᠡᠰᠡᠭ ᠃
ᠨᠠᠷᠢᠨ ᠬᠦᠵᠦᠭᠦᠦ
ᠪᠠᠭᠠᠯᠵᠤᠤᠷ ᠠ᠋ᠴᠠ ᠬᠦᠵᠦᠭᠦᠦ ᠶ᠋ᠢᠨ ᠳᠤᠮᠳᠠ ᠬᠡᠰᠡᠭ ᠬᠦᠷᠲᠡᠯᠡᠬᠢ ᠂ ᠠᠮᠠᠨ ᠬᠦᠵᠦᠭᠦᠦ ᠂ ᠠᠯᠲᠠᠨ ᠬᠦᠵᠦᠭᠦᠦ ᠂ ᠠᠬᠤᠷ ᠬᠦᠵᠦᠭᠦᠦ ᠶ᠋ᠢᠨ ᠬᠡᠰᠡᠭ᠃
ᠪᠦᠳᠦᠭᠦᠨ ᠬᠦᠵᠦᠭᠦᠦ
ᠬᠦᠵᠦᠭᠦᠨ ᠦ᠌ ᠳᠤᠮᠳᠠ ᠠ᠋ᠴᠠ ᠰᠡᠭᠡᠷ ᠬᠦᠷᠲᠡᠯᠡᠬᠢ ᠬᠦᠴᠦᠯ ᠬᠦᠵᠦᠭᠦᠦ ᠂ ᠳᠥᠰᠢ ᠬᠦᠵᠦᠭᠦᠦ ᠂ ᠮᠣᠬᠣᠭᠠ ᠬᠦᠵᠦᠭᠦᠦ ᠶ᠋ᠢᠨ ᠬᠡᠰᠡᠭ᠃
ᠳᠠᠯᠠᠩ ᠲᠠᠷᠭᠤᠨ ᠠᠳᠤᠭᠤᠨ ᠤ᠋ ᠬᠦᠵᠦᠭᠦᠨ ᠳᠡᠭᠡᠷᠡᠬᠢ ᠥᠭᠡᠬᠦ᠃
ᠲᠤᠭᠤᠯᠭᠠ ᠲᠠᠷᠭᠤᠨ ᠦᠬᠡᠷ ᠦ᠋ᠨ ᠬᠦᠵᠦᠭᠦᠨ ᠳᠡᠭᠡᠷᠡᠬᠢ ᠥᠭᠡᠬᠦ᠃
ᠭᠦᠷᠡᠭᠡ ᠬᠣᠭᠣᠯᠠᠢ ᠶ᠋ᠢᠨ ᠬᠣᠶᠠᠷ ᠬᠠᠵᠠᠭᠤ ᠶ᠋ᠢᠨ ᠪᠦᠳᠦᠭᠦᠨ ᠰᠤᠳᠠᠰᠤ᠃
ᠬᠣᠭᠣᠯᠠᠢ ᠬᠦᠵᠦᠭᠦᠨ ᠦ᠌ ᠳᠣᠣᠷᠠᠬᠢ ᠬᠡᠰᠡᠭ ᠲᠦ᠍ ᠪᠠᠢᠭᠠ ᠶᠠᠭᠤᠮᠠ ᠵᠠᠯᠭᠢᠬᠤ ᠮᠥᠷ᠃
ᠤᠯᠠᠭᠠᠨ ᠬᠣᠭᠣᠯᠢ ᠶᠠᠭᠤᠮᠠ ᠵᠠᠯᠭᠢᠬᠤ ᠮᠥᠷ᠃
ᠴᠠᠭᠠᠨ ᠬᠣᠭᠣᠯᠠᠢ ᠠᠮᠢᠰᠬᠤᠯ ᠤ᠋ᠨ ᠮᠥᠷ ᠂ ᠪᠠᠰᠠ ᠮᠥᠭᠡᠷᠰᠦᠨ ᠬᠣᠭᠣᠯᠠᠢ ᠭᠡᠳᠡᠭ᠃
ᠤᠮᠤᠯᠤᠤᠷ ᠦᠬᠡᠷ ᠦ᠋ᠨ ᠬᠦᠵᠦᠭᠦᠨ ᠦ᠌ ᠳᠣᠣᠭᠤᠷ ᠪᠠᠢᠭᠠ ᠨᠠᠪᠲᠠᠭᠠᠷ ᠠᠷᠠᠰᠤ᠃
ᠴᠡᠭᠡᠵᠢ ᠶ᠋ᠢᠨ ᠬᠡᠰᠡᠭ
ᠬᠠᠷᠠ ᠴᠡᠭᠡᠵᠢ
ᠪᠦᠳᠦᠭᠦᠨ ᠬᠦᠵᠦᠭᠦᠨ ᠦ᠌ ᠲᠡᠭᠦᠰᠬᠡᠯ ᠬᠢᠭᠡᠳ ᠡᠭᠡᠮ ᠣᠮᠣᠷᠤᠤ ᠶ᠋ᠢᠨ ᠠᠭᠤᠯᠵᠠᠷ ᠬᠡᠰᠡᠭ᠃
ᠡᠭᠡᠮ
ᠮᠠᠯ ᠤ᠋ᠨ ᠥᠩᠭᠡᠯᠦᠦᠷ ᠦ᠋ᠨ ᠬᠣᠶᠠᠷ ᠬᠠᠵᠠᠭᠤ ᠶ᠋ᠢᠨ ᠬᠥᠨᠳᠡᠯᠡᠨ ᠶᠠᠰᠤᠨ ᠤ᠋ ᠬᠡᠰᠡᠭ᠃
ᠣᠮᠣᠷᠤᠤ
ᠬᠦᠵᠦᠭᠦᠨ ᠲᠡᠭᠦᠰᠬᠡᠯ ᠬᠢᠭᠡᠳ ᠡᠪᠴᠢᠭᠦᠨ ᠦᠵᠦᠭᠦᠷ ᠣᠷᠴᠢᠮ ᠤ᠋ᠨ ᠬᠡᠰᠡᠭ᠃
ᠪᠦᠳᠦᠷᠬᠡᠢ
ᠮᠠᠯ ᠤ᠋ᠨ ᠡᠪᠴᠢᠭᠦᠨ ᠦ᠌ ᠬᠣᠰᠢᠭᠤᠯᠵᠢᠨ ᠲᠠᠯᠠ ᠶ᠋ᠢᠨ ᠱᠣᠪᠣᠢᠭᠰᠠᠨ ᠦᠵᠦᠭᠦᠷ ᠬᠡᠰᠡᠭ᠃
ᠡᠪᠴᠢᠭᠦᠦ
ᠮᠣᠷᠢ ᠮᠠᠯ ᠤ᠋ᠨ ᠴᠡᠭᠡᠵᠢᠨ ᠥᠪᠥᠷ ᠡᠲᠡᠭᠡᠳ ᠲᠦ᠍ ᠪᠠᠢᠭᠠ ᠬᠠᠪᠢᠷᠭᠠᠨ ᠪᠥᠭᠰᠡᠨ ᠦ᠌ ᠮᠥᠭᠡᠷᠰᠦ ᠲᠡᠢ ᠵᠠᠯᠭᠠᠯᠳᠤᠭᠰᠠᠨ ᠤᠷᠲᠤ ᠭᠤᠷᠪᠠᠯᠵᠢᠨᠳᠠᠭᠤ ᠬᠠᠪᠲᠠᠭᠠᠢ ᠬᠡᠰᠡᠭ᠃
ᠡᠪᠴᠢᠭᠦᠨ ᠠᠶᠤᠮᠠᠬᠠᠢ
ᠡᠪᠴᠢᠭᠦᠨ ᠬᠣᠷᠮᠣᠢ ᠲᠠᠯᠠ ᠳ᠋ᠠᠬᠢ ᠬᠠᠯᠪᠠᠭᠠ ᠬᠡᠯᠪᠡᠷᠢᠲᠦ ᠮᠥᠭᠡᠷᠰᠦ᠃
ᠬᠠᠪᠢᠷᠭᠠ ᠴᠡᠭᠡᠵᠢᠨ ᠬᠣᠶᠠᠷ ᠲᠠᠯᠠ ᠶ᠋ᠢᠨ ᠬᠠᠨᠠ ᠶ᠋ᠢ ᠪᠦᠲᠦᠭᠡᠭᠰᠡᠨ ᠤᠷᠲᠤ ᠶᠠᠰᠤ ᠨᠤᠭᠤᠳ᠃ ᠰᠦᠪᠡᠷᠭᠡ ᠬᠠᠪᠷᠭᠠᠨ ᠤ᠋ ᠡᠴᠦᠰ ᠦ᠋ᠨ ᠭᠤᠷᠪᠠᠨ ᠮᠥᠭᠡᠷᠰᠦ ᠲᠡᠢ ᠬᠠᠪᠢᠷᠭᠠ᠃
ᠰᠡᠭᠡᠷ ᠴᠡᠭᠡᠵᠢᠨ ᠦ᠌ ᠳᠡᠭᠡᠳᠦ ᠡᠷᠬᠡᠲᠡᠨ ᠂ ᠮᠤᠨᠳᠠᠭᠠ ᠰᠡᠷᠪᠡᠭᠡᠨ ᠦ᠌ ᠰᠠᠭᠤᠷᠢ ᠶᠠᠰᠤ᠃
ᠮᠤᠨᠳᠠᠭᠠ
ᠮᠣᠷᠢᠨ ᠳ᠋ᠤ᠌ ᠠᠪᠴᠤ ᠬᠡᠯᠡᠪᠡᠯ ᠂ ᠬᠠᠮᠤᠭ ᠤ᠋ᠨ ᠥᠨᠳᠥᠷ ᠡᠷᠭᠦᠭᠳᠡᠭᠰᠡᠨ ᠰᠡᠭᠡᠷ ᠦ᠋ᠨ ᠰᠡᠷᠪᠡᠭᠡ᠃
ᠰᠡᠷᠪᠡᠭᠡ
ᠮᠣᠷᠢᠨ ᠠ᠋ᠴᠠ ᠪᠤᠰᠤᠳ ᠮᠠᠯ ᠤ᠋ᠨ ᠰᠡᠭᠡᠷ ᠦ᠋ᠨ ᠬᠠᠮᠤᠭ ᠥᠨᠳᠥᠷ ᠡᠷᠭᠦᠭᠳᠡᠭᠰᠡᠨ ᠬᠡᠰᠡᠭ᠃
ᠰᠤᠭᠤ ᠬᠠ ᠶ᠋ᠢᠨ ᠠᠷᠤ ᠶ᠋ᠢᠨ ᠳᠣᠲᠣᠷ ᠲᠠᠯᠠ ᠶ᠋ᠢᠨ ᠵᠠᠪᠰᠠᠷ᠃
ᠨᠢᠷᠤᠭᠤ ᠶ᠋ᠢᠨ ᠬᠡᠰᠡᠭ
ᠨᠢᠷᠤᠭᠤ
ᠮᠤᠨᠳᠠᠭᠠ ᠠ᠋ᠴᠠ ᠬᠣᠢᠰᠢ ᠬᠠᠷᠭᠠᠮ ᠬᠦᠷᠲᠡᠯᠡᠬᠢ ᠮᠣᠷᠢ ᠮᠠᠯ ᠤ᠋ᠨ ᠠᠷᠤ ᠭᠣᠣᠯ ᠳᠠᠭᠠᠤ ᠪᠠᠢᠭᠠ ᠳᠣᠲᠣᠷ ᠢ᠋ᠶ᠋ᠠᠨ ᠨᠤᠭᠤᠰᠤ ᠪᠦᠬᠦᠢ ᠬᠡᠰᠡᠭ ᠬᠡᠰᠡᠭ ᠶᠠᠰᠤ᠃
ᠵᠣ
ᠮᠣᠷᠢ ᠮᠠᠯ ᠤ᠋ᠨ ᠨᠢᠷᠤᠭᠤᠨ ᠵᠢᠷᠤᠮ ᠢ᠋ᠶ᠋ᠠᠷ ᠪᠠ ᠨᠢᠷᠤᠭᠤᠨ ᠤ᠋ ᠬᠣᠶᠠᠷ ᠬᠠᠵᠠᠭᠤ ᠶ᠋ᠢᠨ ᠵᠤᠷᠠᠭᠠ᠃
ᠬᠠᠷᠭᠠᠮ
ᠮᠣᠷᠢ ᠮᠠᠯ ᠤ᠋ᠨ ᠣᠯᠠᠨ ᠶᠠᠰᠤᠨ ᠤ᠋ ᠠᠭᠤᠯᠵᠠᠭᠤᠷ ᠪᠤᠶᠤ ᠲᠡᠭᠦᠨ ᠡᠴᠡ ᠡᠮᠦᠨᠡᠬᠡᠨ ᠬᠡᠰᠡᠭ ᠦ᠋ᠨ ᠳᠡᠭᠡᠭᠰᠢ ᠡᠷᠭᠦᠭᠳᠡᠭᠰᠡᠨ ᠭᠠᠵᠠᠷ᠃
ᠲᠡᠰᠢᠶᠡ ᠮᠠᠯ ᠤ᠋ᠨ ᠰᠡᠭᠦᠵᠢᠨ ᠦ᠌ ᠳᠡᠭᠡᠳᠦ ᠲᠠᠯᠠ ᠶ᠋ᠢᠨ ᠬᠠᠪᠲᠠᠭᠠᠢ ᠬᠡᠰᠡᠭ᠃
ᠬᠣᠨᠳᠣᠯᠠᠢ ᠮᠠᠯ ᠤ᠋ᠨ ᠪᠡᠶᠡ ᠶ᠋ᠢᠨ ᠨᠢᠷᠤᠭᠤᠨ ᠤ᠋ ᠰᠢᠪᠲᠤᠷᠠᠬᠤ ᠠᠷᠤ ᠬᠡᠰᠡᠭ᠃
ᠰᠦᠪᠡᠭᠡ ᠰᠦᠪᠡᠭᠡ ᠂ ᠬᠠᠪᠢᠷᠭᠠ ᠬᠢᠭᠡᠳ ᠰᠡᠭᠦᠵᠢᠨ ᠲᠣᠯᠣᠭᠠᠢ ᠬᠦᠷᠲᠡᠯᠡᠬᠢ ᠬᠡᠰᠡᠭ᠃
ᠠᠬᠤᠷ ᠰᠡᠭᠦᠯ ᠰᠡᠭᠦᠯ ᠦ᠋ᠨ ᠡᠬᠢᠨ ᠦ᠌ ᠨᠢᠭᠡᠳᠦᠭᠡᠷ ᠦᠶᠡ ᠂ ᠰᠡᠭᠦᠯ ᠦ᠋ᠨ ᠤᠭ᠃
ᠰᠠᠮᠠᠢ
ᠠᠳᠤᠭᠤᠨ ᠤ᠋ ᠰᠡᠭᠦᠯ ᠦ᠋ᠨ ᠤᠭ ᠤᠵᠠᠭᠤᠷ ᠤ᠋ᠨ ᠠᠬᠤᠷ ᠳᠡᠯ᠃ ᠪᠠᠰᠠ ᠰᠠᠮᠪᠠᠢ ᠭᠡᠵᠦ ᠬᠡᠯᠡᠬᠦ ᠭᠠᠵᠠᠷ ᠪᠣᠢ᠃
ᠰᠡᠭᠦᠯ ① ᠠᠬᠤᠷ ᠰᠡᠭᠦᠯ ᠡᠴᠡ ᠰᠢᠷᠪᠠᠩ ᠰᠡᠭᠦᠯ ᠬᠦᠷᠲᠡᠯᠡᠬᠢ ᠶᠠᠰᠤᠨ ᠬᠡᠰᠡᠭ᠃
② ᠬᠢᠯᠭᠠᠰᠤ ᠪᠤᠶᠤ ᠥᠭᠡᠬᠦᠯᠢᠭ ᠰᠡᠭᠦᠯ᠃
ᠥᠭᠡᠵᠡᠭ ᠰᠡᠭᠦᠵᠢ ᠶ᠋ᠢᠨ ᠠᠷᠤ ᠥᠨᠴᠥᠭ ᠦ᠋ᠨ ᠲᠥᠪᠥᠭᠡᠷ᠃
ᠪᠦᠬᠦ ᠲᠡᠮᠡᠭᠡᠨ ᠦ᠌ ᠨᠢᠷᠤᠭᠤᠨ ᠳ᠋ᠠᠬᠢ ᠪᠣᠰᠤᠭᠠ ᠬᠣᠶᠠᠷ ᠣᠪᠣᠭᠣᠷ᠃
ᠬᠣᠮ ᠲᠡᠮᠡᠭᠡᠨ ᠦ᠌ ᠬᠣᠶᠠᠷ ᠪᠦᠬᠦ ᠶ᠋ᠢᠨ ᠬᠣᠭᠣᠷᠣᠨᠳᠣᠬᠢ ᠨᠢᠷᠤᠭᠤᠨ ᠤ᠋ ᠥᠭᠡᠬᠦᠯᠢᠭ ᠮᠢᠬᠠ᠃