ᠮᠦᠷᠦᠢ ᠲᠠᠢ ᠲᠤᠭᠯᠠᠭ᠍ᠴᠢ - ᠨ ᠂ ᠨᠢᠮᠠᠳᠣᠷᠵᠢ Мөрийтай тоглогч - Н ᠂ Нямдорж
282ᠮᠦᠷᠦᠢ ᠲᠠᠢ ᠲᠤᠭᠯᠠᠭ᠍ᠴᠢ Мөрийтай тоглогч
ᠨ᠂ ᠨᠢᠮᠠᠳᠣᠷᠵᠢ
( ᠱᠣᠭ ᠰᠢᠯᠦᠭ)
ᠭᠠᠳᠠᠭᠠ ᠬᠠᠷᠠᠩᠭᠤᠢ
ᠭᠠᠷᠬᠤ ᠪᠠᠷ ᠴᠤ᠌ ᠪᠢᠰᠢ
ᠭᠠᠷᠤᠭᠰᠠᠨ ᠴᠤ᠌
ᠬᠠᠷᠠᠬᠤ ᠪᠠᠷ ᠪᠢᠰᠢ
ᠭᠠᠵᠠᠷ ᠳᠣᠣᠷᠠ ᠣᠷᠣᠭᠰᠠᠨ ᠮᠡᠲᠦ ᠬᠠᠷᠠᠩᠭᠤᠢ
ᠬᠠᠪᠴᠢᠭᠬᠠᠨ ᠬᠠᠰᠢᠶᠠ
ᠬᠠᠰᠢᠶᠠᠨ ᠳᠣᠲᠣᠷᠠ ᠪᠠᠨ
ᠬᠠᠷᠠᠬᠠᠨ ᠭᠡᠷ
ᠠᠢᠯ ᠲᠠᠢ ᠠᠢᠯᠰᠠᠬᠤ ᠴᠤ᠌ ᠳᠤᠷᠠ ᠦᠭᠡᠢ
ᠠᠳᠠᠭᠤ ᠠᠮᠢᠴᠢᠬᠠᠨ ᠲᠡᠷᠡ ᠡᠵᠡᠨ ᠢ᠋ᠶ᠋ᠡᠨ
ᠠᠭᠤᠯᠤᠨ ᠪᠣᠢ
ᠠᠶᠠᠲᠠᠢᠬᠠᠨ ᠰᠡᠪ
ᠬᠠᠷᠠᠭᠠ ᠦᠭᠡᠢ
ᠬᠠᠷᠠᠩᠭᠤᠢ ᠰᠥᠨᠢ
ᠬᠠᠷᠠᠬᠠᠨ ᠭᠡᠷ ᠢ᠋
ᠬᠠᠷᠠᠯ ᠦᠭᠡᠢ ᠭᠢᠰᠬᠢᠯᠡᠵᠦ
ᠬᠠᠬᠠᠯ ᠦᠭᠡᠢ ᠵᠠᠯᠭᠢᠵᠠᠢ
ᠭᠠᠭᠴᠠᠬᠠᠨ ᠯᠠ ᠶ᠋ᠢᠨ
ᠭᠠᠪᠢᠬᠤ ᠦᠭᠡᠢ ᠪᠦᠳᠡᠭᠡᠬᠡᠨ ᠭᠡᠷᠡᠯ
ᠭᠡᠷᠡᠯ ᠴᠤ᠌ ᠪᠢᠰᠢ
ᠭᠡᠯᠡ ᠴᠤ᠌
ᠭᠡᠷ ᠳᠦᠭᠦᠷᠡᠩ ᠬᠥᠮᠦᠰ ᠲᠤ
ᠭᠡᠷᠡᠯ ᠭᠡᠭᠡ ᠬᠦᠰᠡᠬᠦ
ᠲᠡᠢᠮᠦ ᠰᠡᠳᠬᠢᠯ
ᠲᠡᠳᠡᠨ ᠳ᠋ᠦ᠍ ᠦᠭᠡᠢ
ᠬᠠᠷᠠᠩᠭᠤᠢ ᠴᠤ᠌ ᠭᠡᠯᠡ
ᠬᠠᠮᠤᠭ ᠢ᠋ ᠲᠡᠳᠡ
ᠰᠢᠷᠠ ᠰᠢᠪᠠᠭᠤ ᠰᠢᠭ᠋ ᠬᠠᠷᠠᠵᠤ
ᠰᠢᠷᠠᠯᠵᠢ ᠶ᠋ᠢᠨ ᠰᠢᠯᠪᠢ ᠰᠢᠭ ᠬᠤᠷᠠᠭᠤᠳ ᠨᠢ
ᠱᠠᠯᠳᠠᠩ ᠪᠣᠯᠬᠤ
ᠬᠤᠪᠢ ᠵᠠᠶᠠᠭᠠᠨ ᠤ᠋ ᠪᠠᠨ
ᠬᠠᠤᠯᠢ ᠮᠡᠲᠦ ᠬᠠᠲᠠᠭᠤ ᠨᠣᠮ ᠢ᠋
ᠵᠣᠷᠢᠭ ᠠᠯᠠᠳᠠᠨ
ᠵᠣᠪᠠᠭᠤᠷᠠᠲᠡᠢᠶᠡ ᠲᠠᠲᠠᠨᠠ᠃
ᠥᠷᠥᠭᠡᠯ ᠪᠤᠰᠤᠳ ᠢ᠋ ᠪᠡᠨ ᠢᠳᠡᠬᠦ ᠭᠡᠵᠦ
ᠥᠩᠭᠡᠯᠵᠡᠨ ᠰᠢᠨᠤᠭᠰᠠᠭᠠᠷ ᠪᠠᠢᠭᠠᠳ
ᠦᠭᠡᠢᠷᠡᠵᠦ ᠬᠣᠭᠣᠰᠣᠷᠠᠭᠰᠠᠨ ᠨᠢᠭᠡ ᠨᠢ
ᠨᠣᠮᠣᠬᠠᠷᠠᠨ ᠳᠠᠭᠤ ᠦᠭᠡᠢ ᠪᠣᠯᠵᠤ
ᠨᠣᠢᠷ ᠢ᠋ᠶ᠋ᠠᠨ ᠠᠪᠬᠤ ᠪᠠᠨ ᠡᠷᠬᠢᠮ ᠳ᠋ᠦ᠍ ᠪᠣᠳᠣᠨ
ᠬᠠᠮᠤᠭ ᠢ᠋ᠶ᠋ᠠᠨ ᠠᠯᠳᠠᠭᠰᠠᠨ ᠤ᠋ ᠪᠠᠨ
ᠬᠠᠷᠠ ᠬᠣᠣᠷ ᠢ᠋ ᠢᠰᠭᠢᠨ ᠬᠡᠪᠲᠡᠨᠡ᠃
ᠬᠡᠨ ᠬᠡᠨ ᠢ᠋ ᠪᠡᠨ ᠬᠠᠢᠷᠠᠯᠠᠬᠤ ᠰᠡᠳᠬᠢᠯ
ᠬᠦᠨᠳᠦᠳᠬᠡᠬᠦ ᠶᠣᠰᠣᠨ
ᠬᠡᠨ ᠳ᠋ᠦ᠍ᠨᠢ ᠴᠦ᠍ ᠪᠠᠢᠬᠤ ᠦᠭᠡᠢ
ᠪᠠᠢᠯᠭᠠᠬᠤ ᠶ᠋ᠢᠨ ᠴᠤ᠌ ᠠᠷᠭᠠ ᠦᠭᠡᠢ
ᠬᠠᠮᠤᠭ ᠢ᠋ᠶ᠋ᠠᠨ ᠲᠠᠯᠪᠢᠵᠤ ᠳᠠᠭᠤᠰᠤᠭᠠᠳ
ᠬᠠᠭᠠᠯᠵᠤ ᠵᠠᠪᠠᠯ ᠠᠪᠤᠨᠠ ᠭᠡᠵᠦ
ᠬᠠᠲᠠᠭᠤ ᠰᠡᠳᠬᠢᠯ ᠭᠠᠷᠭᠠᠬᠤ ᠤᠯᠤᠰ ᠃
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠲᠩᠷᠢ ᠡᠵᠢ
ᠬᠢᠨᠠᠭ᠍ᠴᠢ : ᠲᠤᠭ᠍ᠴᠢ ᠰᠠᠷᠠᠨᠠ
2023᠂12᠂21 ᠦ᠌ ᠡᠳᠦᠷ