ᠰᠥᠩ ᠦ᠋ᠨ ᠢᠷᠥᠭᠡᠯ Сөнгийн ерөөл
429ᠰᠥᠩ ᠦ᠋ᠨ ᠢᠷᠥᠭᠡᠯ
ᠵᠠ᠂
ᠡᠷᠲᠡ ᠳᠡᠭᠡᠷᠡ ᠡᠴᠡ ᠡᠬᠢ ᠲᠡᠢ
ᠡᠴᠢᠭᠡ ᠡᠪᠦᠭᠡᠳ ᠡᠴᠡ ᠵᠢᠷᠤᠮ ᠲᠠᠢ
ᠡᠷᠬᠢᠮ ᠶᠣᠰᠣ ᠶ᠋ᠢ ᠰᠠᠬᠢᠭᠰᠠᠨ
ᠡᠨᠡ ᠨᠠᠢᠷ ᠤ᠋ᠨ ᠵᠣᠭᠣᠭ ᠪᠣᠯᠭᠠᠨ
ᠪᠠᠲᠤ ᠴᠠᠭᠠᠨ ᠦᠷᠭᠦᠭᠡᠨ ᠦ᠌ ᠬᠢᠨ ᠳᠤᠮᠳᠠ
ᠪᠠᠶᠠᠷ ᠤ᠋ᠨ ᠮᠠᠩᠯᠠᠢ ᠶ᠋ᠢ ᠴᠣᠭᠴᠠᠯᠠᠭᠤᠯᠤᠭᠰᠠᠨ
ᠪᠠᠳᠮᠠᠯᠢᠩᠬᠤᠠ ᠲᠠᠪᠴᠠᠩ ᠳᠡᠭᠡᠷᠡ
ᠪᠠᠢᠷᠢᠯᠠᠭᠤᠯᠵᠤ ᠲᠠᠯᠪᠢᠭᠰᠠᠨ ᠰᠥᠩ ᠪᠣᠯᠪᠠᠰᠤ
ᠵᠤᠨ ᠳ᠋ᠤ᠌ ᠪᠠᠨ ᠤᠷᠭᠤᠭᠰᠠᠨ ᠴᠡᠴᠡᠭ ᠦ᠋ᠨ ᠦᠷᠡ
ᠵᠢᠷᠤᠮ ᠲᠠᠢ ᠲᠠᠯᠪᠢᠭᠰᠠᠨ ᠰᠠᠷᠬᠤᠳ ᠤ᠋ᠨ ᠳᠡᠭᠡᠵᠢ
ᠨᠠᠮᠤᠷ ᠲᠤ᠌ ᠪᠠᠨ ᠤᠷᠭᠤᠭᠰᠠᠨ ᠨᠠᠪᠴᠢᠨ ᠤ᠋ ᠦᠷᠡ
ᠨᠠᠢᠷ ᠲᠤ᠌ ᠲᠠᠯᠪᠢᠭᠰᠠᠨ ᠰᠠᠷᠬᠤᠳ ᠤ᠋ᠨ ᠳᠡᠭᠡᠵᠢ
ᠠᠷᠠᠳ ᠣᠯᠠᠨ ᠲᠦᠮᠡᠨ ᠳ᠋ᠦ᠍ ᠪᠡᠨ ᠨᠠᠢᠷ ᠪᠣᠯᠤᠭᠰᠠᠨ
ᠠᠢᠯᠴᠢᠨ ᠣᠯᠠᠨ ᠳ᠋ᠤ᠌ ᠪᠠᠨ ᠵᠣᠭᠣᠭ ᠪᠣᠯᠤᠭᠰᠠᠨ
ᠠᠳᠤᠭᠤ ᠮᠠᠯ ᠤ᠋ᠨ ᠮᠠᠨᠢ ᠬᠡᠰᠢᠭ
ᠠᠮᠲᠠ ᠰᠢᠮᠡ ᠲᠡᠭᠦᠯᠳᠡᠷ
ᠠᠢᠷᠠᠭ ᠰᠠᠷᠬᠤᠳ ᠢᠳᠡᠭᠡ ᠪᠡᠨ
ᠠᠯᠲᠠᠨ ᠠᠮᠠᠰᠠᠷ ᠲᠤ᠌ ᠮᠥᠩᠭᠥᠨ ᠳᠣᠲᠣᠷᠠ ᠳ᠋ᠤ᠌
ᠠᠭᠠᠷᠤ ᠵᠠᠪᠢᠶᠠ ᠰᠠᠪᠤᠩ ᠳ᠋ᠤ᠌ ᠨᠢ ᠪᠢᠯᠬᠠᠯᠵᠠᠭᠤᠯᠤᠭᠰᠠᠨ
ᠠᠮᠲᠠᠲᠤ ᠢᠳᠡᠭᠡᠨ ᠦ᠌ ᠶᠡᠬᠡ ᠰᠥᠩ ᠢ ᠴᠢᠨᠢ
ᠠᠷᠢᠭᠤᠨ ᠴᠠᠭᠠᠨ ᠬᠠᠳᠠᠭ ᠢ᠋ᠶ᠋ᠠᠷ
ᠠᠮᠠᠰᠠᠷ ᠶᠠᠭᠡ ᠶᠢ ᠨᠢ ᠠᠯᠳᠠᠷᠠᠭᠤᠯᠤᠨ ᠨᠡᠭᠡᠭᠡᠵᠦ
ᠠᠬᠠ ᠳᠡᠭᠦᠦ ᠠᠢᠯᠴᠢᠨ ᠣᠯᠠᠨ ᠳ᠋ᠤ᠌ ᠪᠠᠨ
ᠠᠯᠳᠠᠷ ᠭᠡᠷᠡᠯ ᠲᠡᠢ ᠨᠠᠢᠷ ᠤ᠋ᠨ ᠴᠢᠨᠢ
ᠠᠩᠬᠠᠯᠠᠨ ᠡᠭᠦᠰᠬᠡᠬᠦ ᠶ᠋ᠢᠨ ᠤᠴᠢᠷ ᠢ᠋
ᠠᠢᠯᠠᠳᠬᠠᠨ ᠰᠣᠨᠣᠷᠳᠠᠭᠤᠯᠤᠶᠠ᠃