ᠵᠢᠮᠢᠰ ᠨᠡᠷᠡᠯᠡᠵᠦ ᠰᠤᠷᠬᠤ-ᠵᠢᠪ ᠵᠢᠪ ᠬᠡᠦᠬᠡᠳ ᠦᠨ ᠨᠡᠪᠲᠡᠷᠡᠭᠦᠯᠭᠡЖимс нэрлэж сурах-Жив Жив хүүхдийн нэвтрүүлэг
610ᠵᠢᠮᠢᠰ ᠨᠠᠷᠠᠯᠠᠵᠤ ᠰᠤᠷᠬᠤ
ᠵᠢᠪ ᠵᠢᠪ ᠬᠡᠦᠬᠡᠳ ᠦᠨ ᠨᠡᠪᠲᠡᠷᠡᠭᠦᠯᠭᠡ
–ᠪᠦ᠊ ᠁ ᠊ᠪ᠂ ᠦ᠂ ᠪᠢ ᠵᠢᠢ ᠵᠢᠢ ᠡᠴᠡ ᠲᠦᠷᠦᠭᠦᠯᠡᠭᠡᠳ ᠢᠷᠡᠴᠢᠬᠡᠯᠡ᠃ ᠰᠠᠢᠨ ᠤᠤ? ᠨᠠᠢᠵᠠ ᠨᠤᠭᠤᠳ ᠠ᠋᠂
–ᠵᠣ ᠵᠣ ᠬᠦᠯᠢᠶᠡᠭᠡᠷᠡᠢ! ᠵᠣ ᠵᠣ
–ᠪᠢ ᠲᠦᠷᠦᠭᠦᠯᠡᠵᠦ ᠢᠷᠡᠭᠰᠡᠨ ᠵᠢᠢ ᠵᠢᠢ᠂ ᠬᠡ ᠬᠡ
–ᠵᠣ ᠵᠣ ᠴᠢ ᠶᠠᠮᠠᠷ ᠬᠤᠷᠳᠤᠨ ᠨᠢᠰᠳᠡᠭ ᠶᠦ᠍ᠮ ᠪᠣᠢ!
–ᠬᠥ ᠬᠥ᠂ ᠪᠢ ᠨᠠᠢᠵᠠ ᠨᠤᠭᠤᠳ ᠤᠷᠤᠭᠤ ᠪᠠᠨ ᠶᠠᠭᠠᠷᠠᠭᠠᠳ ᠬᠠᠮᠤᠭ ᠤ᠋ᠨ ᠬᠤᠷᠳᠤᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠨᠢᠰᠦᠭᠡᠳ ᠬᠥᠷᠥᠭᠡᠳ ᠢᠷᠡᠭᠰᠡᠨ ᠶᠦ᠍ᠮ ᠠ᠋!
–ᠬᠢ ᠬᠢ᠂ ᠪᠢ ᠴᠦ᠍ ᠪᠠᠰᠠ ᠬᠥᠭᠡᠷᠦᠬᠦᠨ ᠨᠠᠢᠵᠠ ᠨᠤᠭᠤᠳ ᠲᠠ ᠨᠠᠷ ᠲᠠᠢ ᠪᠠᠨ ᠠᠭᠤᠯᠵᠠᠬᠤ ᠭᠡᠳ ᠶᠠᠭᠠᠷᠠᠨ ᠶᠠᠭᠠᠷᠠᠭ᠍ᠰᠠᠭᠠᠷ ᠢᠷᠡᠯᠡ᠃
–ᠵᠢᠢ ᠵᠢᠢ ᠵᠤᠨ ᠤ᠋ ᠠᠮᠠᠷᠠᠯᠲᠠ ᠦᠨᠡᠬᠡᠷ ᠬᠥᠭᠵᠢᠯᠲᠡᠢ ᠭᠣᠶᠣ ᠪᠠᠢᠭ᠍ᠰᠠᠨ ᠲᠡᠢᠮᠦ ᠠ᠋!
–ᠲᠡᠢᠮᠦ ᠠ᠋᠂ ᠬᠥᠱ᠌ᠢ! ᠵᠣ ᠵᠣ ᠢᠩᠭᠢᠬᠦ ᠳ᠋ᠦ᠍ ᠨᠠᠢᠵᠠ ᠨᠤᠭᠤᠳ ᠮᠠᠨᠢ ᠵᠤᠨ ᠤ᠋ ᠠᠮᠠᠷᠠᠯᠲᠠ ᠪᠠᠷ ᠢ᠋ᠶ᠋ᠠᠨ ᠶᠠᠭᠤ ᠬᠢᠵᠦ ᠰᠤᠷᠤᠭ᠍ᠰᠠᠨ ᠪᠣᠯ ᠠ᠋?
–ᠮᠢᠨᠦ ᠲᠠᠨᠢᠳᠠᠭ ᠨᠢᠭᠡ ᠨᠠᠢᠵᠠ ᠮᠠᠨᠢ ᠳᠡᠭᠦᠦ ᠪᠡᠨ ᠠᠰᠠᠷᠠᠵᠤ ᠠᠪᠤ ᠡᠵᠢ ᠳ᠋ᠦ᠍ ᠪᠡᠨ ᠲᠤᠰᠠᠯᠠᠳᠠᠭ ᠪᠠᠢᠭ᠍ᠰᠠᠨ ᠭᠡᠰᠡᠨ᠃
–ᠬᠢ ᠬᠢ ᠂ ᠬᠥᠭᠡᠷᠦᠬᠦᠢ ᠶᠦ᠍ᠮ ᠠ᠋!
–ᠥᠭᠡᠷᠡ ᠨᠢᠭᠡ ᠨᠠᠢᠵᠠ ᠮᠠᠨᠢ ᠨᠣᠮ ᠤᠩᠰᠢᠵᠤ ᠰᠤᠷᠤᠭ᠍ᠰᠠᠨ᠃
–ᠬᠥᠥᠭ᠂ ᠮᠤᠨᠳᠠᠭ ᠪᠠᠢᠨᠠ ᠰᠢᠦ!
–ᠦᠨᠡᠬᠡᠷ ᠲᠡᠢᠮᠦ᠃ ᠪᠠᠰᠠ ᠨᠢᠭᠡ ᠨᠠᠢᠵᠠ ᠮᠠᠨᠢ ᠳᠤᠭᠤᠢ ᠣᠨᠣᠵᠤ ᠰᠤᠷᠤᠭ᠍ᠰᠠᠨ ᠭᠡᠰᠡᠨ ᠰᠢᠦ!
–ᠬᠢ ᠬᠢ᠂ ᠰᠢᠨᠡ ᠵᠦᠢᠯᠡᠰ ᠰᠤᠷᠴᠤ ᠮᠡᠳᠡᠭᠰᠡᠨ ᠬᠥᠭᠡᠷᠦᠬᠦᠨ ᠨᠠᠢᠵᠠ ᠨᠤᠭᠤᠳ ᠲᠤ᠌ ᠪᠠᠨ ᠪᠠᠶᠠᠷ ᠬᠦᠷᠭᠡᠶᠡ!
–ᠵᠢᠢ ᠵᠢᠢ ᠡᠩᠬᠡᠵᠢᠨ ᠭᠡᠳᠡᠭ ᠪᠢᠴᠢᠬᠠᠨ ᠨᠠᠢᠵᠠ ᠮᠠᠨᠢ ᠡᠭᠡᠴᠢ ᠲᠡᠢ ᠪᠡᠨ᠂ᠨᠠᠢᠵᠠ ᠲᠠᠢ ᠪᠠᠨ ᠬᠠᠮᠲᠤ ᠳ᠋ᠤ᠌ ᠪᠠᠨ ᠵᠢᠮᠢᠰ ᠲᠡᠭᠦᠵᠦ ᠰᠤᠷᠤᠭ᠍ᠰᠠᠨ ᠭᠡᠰᠡᠨ᠃
–ᠬᠥᠥᠭ᠂ ᠪᠢ ᠵᠢᠮᠢᠰ ᠲᠦ ᠳᠤᠷᠠᠲᠠᠢ᠃ ᠡᠩᠬᠡᠵᠢᠨ ᠶᠠᠮᠠᠷ ᠵᠢᠮᠢᠰ ᠲᠡᠭᠦᠭᠰᠡᠨ ᠶᠦ᠍ᠮ ᠪᠣᠯ ᠠ᠋?
–ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠡᠩᠬᠡᠵᠢᠨ ᠲᠡᠢ ᠲᠠᠨᠢᠯᠴᠠᠶᠠ ! ᠪᠠᠰᠠ ᠵᠢᠮᠢᠰ ᠶᠠᠭᠠᠬᠢᠵᠤ ᠲᠡᠭᠦᠳᠡᠭ ᠢ᠋ ᠨᠢ ᠰᠣᠷᠣᠯᠴᠠᠶᠠ !
–ᠵᠠ ᠲᠡᠭᠡᠶᠡ!
–ᠵᠢᠢ ᠵᠢᠢ᠂ ᠮᠢᠨᠦ ᠪᠢᠴᠢᠬᠠᠨ ᠨᠠᠢᠵᠠ ᠡᠩᠬᠡᠵᠢᠨ ᠢ᠋ ᠬᠠᠷᠠ ᠳᠠ᠃
–ᠡᠩᠬᠡᠵᠢᠨ ᠶᠣᠰᠣᠲᠠᠢ ᠡᠭᠳᠡᠭᠦᠦ ᠲᠠᠢ ᠶᠤᠮ ᠠ᠋᠂ ᠲᠡᠷᠡ ᠴᠡᠴᠡᠭ ᠦ᠋ᠨ ᠳᠤᠮᠳᠠ ᠶᠠᠭᠤ ᠬᠢᠭᠡᠳ ᠪᠠᠢᠨᠠ ?
–ᠡᠩᠬᠡᠵᠢᠨ ᠥᠩᠭᠡ ᠥᠩᠭᠡ ᠶ᠋ᠢᠨ ᠴᠡᠴᠡᠭ ᠦ᠋ᠨ ᠳᠤᠮᠳᠠ ᠲᠣᠭ᠍ᠯᠠᠬᠤ ᠳᠤᠷᠠᠲᠠᠢ᠃ ᠬᠥᠭᠡᠷᠦᠬᠦᠨ ᠪᠠᠢᠭᠠ ᠪᠢᠵᠡ!
–ᠬᠢ ᠬᠢ᠁ ᠥ᠂ ᠡᠨᠡ ᠬᠣᠶᠠᠷ ᠬᠡᠦᠬᠡᠳ ᠴᠢᠨᠢ ᠬᠡᠨ ᠪᠢᠯᠡ?
–ᠡᠩᠬᠡᠵᠢᠨ ᠦ᠌ ᠦᠶᠡᠯᠢ ᠡᠭᠡᠴᠢ ᠠᠷᠢᠭᠤᠨᠨᠠᠨᠳᠢᠨ ᠳᠡᠭᠦᠦ ᠠᠨᠠᠷ ᠲᠠᠢ ᠪᠠᠨ ᠬᠠᠮᠲᠤ ᠡᠩᠬᠡᠵᠢᠨ ᠤᠷᠤᠭᠤ ᠢᠷᠡᠵᠦ ᠪᠠᠢᠭᠠ ᠨᠢ ᠡᠨᠡ᠃
–ᠠ! ᠲᠡᠢᠮᠦ ᠤᠤ? ᠵᠣ ᠵᠣ᠂ ᠲᠡᠭᠡᠭᠡᠳ ᠵᠢᠮᠢᠰ ᠦᠳ ᠨᠢ ᠬᠠᠮᠢᠭᠠ ᠪᠠᠢᠭᠠ ᠶᠤᠮ ᠪᠣᠢ?
–ᠪᠢ ᠰᠠᠢᠨ ᠮᠡᠳᠡᠬᠦ ᠦᠭᠡᠢ ᠪᠠᠢᠨᠠ᠃ ᠬᠥᠥᠭ!ᠬᠠᠷᠠ ᠳᠠ᠂ ᠵᠢᠮᠢᠰ! ᠨᠠᠢᠵᠠ ᠨᠤᠭᠤᠳ ᠠ᠋! ᠡᠩᠬᠡᠵᠢᠨ᠂ ᠠᠷᠢᠭᠤᠨᠨᠠᠨᠳᠢᠨ᠂ ᠠᠨᠠᠷ ᠨᠠᠷ ᠵᠢᠮᠢᠰ ᠶᠠᠭᠠᠬᠢᠵᠤ ᠢᠳᠡᠬᠦ ᠪᠣᠯ ᠠ᠋? ᠬᠠᠷᠠᠵᠠᠭᠠᠶᠠ !
–ᠶᠠᠮᠠᠷ ᠢᠩᠲᠤᠤᠷ ᠰᠢᠭ᠋ ᠪᠣᠢ?
–ᠢᠳᠡᠬᠦ ᠪᠣᠯᠣᠭᠠ ᠦᠭᠡᠢ ᠰᠢᠦ!
–ᠵᠠ᠂ ᠵᠢᠮᠢᠰ ᠶᠠᠭᠠᠬᠢᠴᠢᠬᠠᠵᠠᠢ? ᠵᠢᠮᠢᠰ᠁
ᠠ᠋ ᠬᠡᠩ –
ᠠ ᠸᠠ –
ᠨᠠ ᠨᠠ ᠨᠠ᠁ ᠳᠠ ᠳᠠ ᠳᠠ᠁
ᠥ᠂ ᠪᠣ ᠪᠣ ᠂ᠪᠠ᠂ ᠭᠠᠷᠤᠭᠠᠳ᠁
–ᠶᠠᠮᠠᠷ ᠶᠡᠬᠡ ᠬᠦᠴᠢ ᠲᠠᠢ ᠶᠤᠮ ᠪᠣᠢ!
ᠬᠡ ᠬᠡ᠁
–ᠠᠨᠠᠷ ᠵᠢᠮᠢᠰ ᠢᠳᠡᠵᠦ ᠪᠣᠯᠬᠤ ᠦᠭᠡᠢ ᠰᠢᠦ᠂ ᠵᠠ ᠤᠤ
–ᠡᠨᠡ ᠪᠠᠢᠨᠠ ᠰᠢᠲᠠ᠃
–ᠡᠨᠡ ᠪᠠᠢᠨᠠ᠂ ᠡᠩᠬᠡᠵᠢᠨ ᠨᠠᠭᠠᠰᠢ ᠪᠠᠨ ᠲᠡᠭᠦ᠂ ᠨᠠᠭᠠᠰᠢ ᠪᠠᠨ ᠲᠡᠭᠦᠭᠡᠷᠡᠢ!
–ᠬᠣᠶᠠᠭᠤᠯᠠ ᠪᠠᠨ ᠤᠷᠤᠯᠳᠤᠶᠠ!
–ᠡᠢᠮᠦ᠂ ᠡᠢᠮᠦ ᠤᠯᠠᠭᠠᠨ ᠲᠣᠮᠣ ᠶ᠋ᠢ ᠨᠢ ᠠᠪᠤᠭᠠᠷᠠᠢ!
ᠠ!
–ᠡᠩᠬᠡᠵᠢᠨ ᠠ᠋᠂ ᠨᠠᠭᠠᠰᠢ ᠪᠠᠨ!
–ᠵᠠ!
–ᠡᠩᠬᠡᠵᠢᠨ᠂ ᠬᠣᠶᠠᠭᠤᠯᠠ ᠪᠠᠨ ᠬᠣᠶᠠᠭᠤᠯᠠ ᠪᠠᠨ ᠲᠠᠢᠰᠢ ᠪᠠᠨ ᠶᠠᠪᠤᠵᠤ ᠴᠢᠴᠠᠷᠭᠠᠨᠠ ᠲᠡᠭᠦᠶᠡ᠃
–ᠵᠠ!
–ᠡᠩᠬᠡᠵᠢᠨ ᠶᠡᠬᠡ ᠬᠤᠷᠳᠤᠨ ᠭᠦᠶᠦᠬᠦ ᠶᠦ᠍ᠮ ᠠ᠋! ᠬᠢ ᠬᠢ|
–ᠥ
–ᠬᠠ ᠬᠠ᠁ ᠭᠠᠵᠠᠷ ᠤᠨᠠᠴᠢᠬᠠᠯᠠ ᠃
–ᠡᠩᠬᠡᠵᠢᠨ ᠳᠡᠭᠦᠦ ᠪᠣᠯᠭᠣᠮᠵᠢᠲᠠᠢ ᠪᠠᠢᠭᠠᠷᠠᠢ!
–ᠵᠠ!
–ᠨᠠᠢᠵᠠ ᠨᠤᠭᠤᠳ ᠠ᠋᠂ ᠨᠠᠢ᠁ ᠠᠮᠲᠠ ᠦᠭᠡᠢ᠃ ᠠᠪᠬᠤ ᠦᠭᠡᠢ!
–ᠢᠳᠡᠬᠦ ᠦᠭᠡᠢ ᠪᠣᠯ ᠰᠠᠪᠠᠨ ᠳ᠋ᠤ᠌ ᠪᠠᠨ ᠬᠢᠭᠡᠷᠡᠢ!
–ᠬᠠᠷᠠ ᠳᠠ᠂ ᠵᠢᠢ ᠵᠢᠢ ᠲᠡᠷᠡ ᠶᠠᠮᠠᠷ ᠵᠢᠮᠢᠰ ᠪᠣᠢ?
–ᠬᠥᠥᠭ᠂ ᠴᠢᠴᠠᠷᠭᠠᠨᠠ ᠪᠠᠢᠨᠠ ᠰᠢᠦ ᠳᠡ!
–ᠬᠣᠶᠠᠷ ᠨᠠᠢᠵᠠ ᠮᠠᠨᠢ ᠴᠢᠴᠠᠷᠭᠠᠨᠠ ᠲᠡᠭᠦᠬᠦ ᠭᠡᠵᠦ ᠪᠠᠢᠨᠠ᠃
–ᠴᠢᠴᠠᠷᠭᠠᠨᠠ ᠶ᠋ᠢᠨ ᠮᠣᠳᠣ ᠶᠡᠬᠡ ᠥᠷᠭᠡᠰᠦ ᠲᠡᠢ ᠪᠣᠯᠬᠣᠷ ᠨᠠᠢᠵᠠ ᠨᠤᠭᠤᠳ ᠠ᠋᠂ ᠪᠣᠯᠭᠣᠮᠵᠢᠲᠠᠢ ᠲᠡᠭᠦᠭᠡᠷᠡᠢ!
–ᠡᠩᠬᠡᠵᠢᠨ ᠨᠠᠭᠠᠰᠢ ᠪᠠᠨ! ᠡᠩᠬᠡᠵᠢᠨ ᠠ᠋᠂ ᠨᠠᠭᠠᠰᠢ ᠪᠠᠨ!
–ᠭᠤᠷᠪᠠᠭᠤᠯᠠ ᠪᠠᠨ ᠵᠢᠮᠢᠰ ᠢ᠋ᠶ᠋ᠡᠨ ᠢᠳᠡᠶᠡ᠃
–ᠵᠠ!
–ᠠᠨᠠᠷ ᠠ᠋᠂ ᠨᠠᠭᠠᠰᠢ ᠪᠠᠨ ᠡᠨᠳᠡ ᠰᠠᠭᠤ!
–ᠡᠨᠳᠡ ᠰᠠᠭᠤ!
–ᠨᠠᠢᠵᠠ ᠨᠤᠭᠤᠳ ᠠ᠋᠂ ᠳᠠᠷᠠᠭᠠ ᠶ᠋ᠢᠨ ᠤᠳᠠᠭᠠ ᠵᠢᠮᠢᠰ ᠲᠡᠭᠦᠬᠦ ᠳ᠋ᠦ᠍ ᠪᠡᠨ ᠨᠠᠪᠴᠢ ᠲᠠᠢ ᠨᠢ ᠲᠡᠭᠦᠵᠦ ᠣᠭᠲᠣ ᠪᠣᠯᠬᠤ ᠦᠭᠡᠢ ᠰᠢᠦ ᠵᠠ ᠤᠤ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠳᠠᠷᠠᠭᠠ ᠵᠢᠯ ᠠᠬᠢᠭᠠᠳ ᠵᠢᠮᠢᠰ ᠤᠷᠭᠤᠬᠤ ᠦᠭᠡᠢ ᠪᠣᠯᠴᠢᠬᠠᠳᠠᠭ ᠶᠤᠮ᠃
–ᠡᠩ
– ᠵᠢᠮᠢᠰ ᠲᠡᠭᠦᠬᠦ ᠭᠣᠶᠣ ᠪᠠᠢᠭ᠍ᠰᠠᠨ ᠤᠤ? ᠡᠩ
–ᠡᠨᠳᠡ ᠮᠠᠭᠤ ᠵᠢᠮᠢᠰ ᠢ᠋ᠶ᠋ᠡᠨ ᠬᠠᠶᠠᠵᠤ ᠪᠣᠯᠬᠤ ᠦᠭᠡᠢ ᠰᠢᠦ ᠵᠠ ᠤᠤ᠃
–ᠭᠣᠶᠣ ᠶᠤᠮ ᠠ᠋᠂ ᠪᠢ ᠭᠤᠷᠪᠠᠨ ᠨᠠᠢᠵᠠ ᠵᠢᠨ ᠢ᠋ᠶ᠋ᠡᠨ ᠲᠡᠭᠦᠭᠰᠡᠨ ᠵᠢᠮᠢᠰ ᠡᠴᠡ ᠢᠳᠡᠮᠡᠷ ᠪᠠᠢᠨᠠ᠃ ᠡᠩ ᠡᠩ ᠠ᠋– ᠪᠠᠢᠨᠠ ᠃ ᠡᠩ ᠡᠩ ᠠ᠋–
–ᠡᠩᠬᠡᠵᠢᠨ᠂ ᠠᠷᠢᠭᠤᠨ᠂ ᠠᠨᠠᠷ ᠠ᠋ ᠲᠠ ᠭᠤᠷᠪᠠ ᠵᠢᠮᠢᠰ ᠲᠡᠭᠦᠵᠦ ᠴᠢᠳᠠᠯᠠ᠃ ᠪᠠᠶᠠᠷ ᠬᠦᠷᠭᠡᠶᠡ! ᠮᠤᠨᠳᠠᠭ ᠰᠢᠦ!
–ᠵᠢᠢ ᠵᠢᠢ ᠬᠣᠶᠠᠭᠤᠯᠠ ᠪᠠᠨ ᠡᠩᠬᠡᠵᠢᠨ ᠳᠠᠷᠠᠭᠠ ᠵᠢᠮᠢᠰ ᠲᠡᠭᠦᠬᠦ ᠳ᠋ᠦ᠍ ᠨᠢ ᠣᠴᠢᠵᠤ ᠲᠤᠰᠠᠯᠠᠨᠠ ᠰᠢᠦ!
–ᠲᠡᠭᠡᠶᠡ!
–ᠬᠥᠥᠭ! ᠡᠨᠡ ᠶᠠᠭᠤ ᠪᠣᠢ? ᠡᠨᠡ ᠪᠠᠰᠠ ᠶᠠᠭᠤ ᠪᠣᠢ? ᠶᠠᠭᠠᠬᠢᠭᠠᠳ ᠮᠢᠨᠦ ᠲᠣᠯᠣᠭᠠᠢ ᠳᠡᠭᠡᠷᠡ ᠤᠨᠠᠭᠠᠳ ᠪᠠᠢᠨᠠ?
–ᠬᠢ ᠬᠢ ᠬᠢ ᠁ ᠵᠢᠮᠢᠰ ᠯᠡ ᠪᠠᠢᠨᠠ ᠰᠢᠦ ᠳᠡ᠃
–ᠡᠨᠡ ᠵᠢᠮᠢᠰ ᠬᠠᠮᠢᠭᠠ ᠠ᠋ᠴᠠ ᠤᠨᠠᠴᠢᠬᠠᠪᠠ?
–ᠮᠣᠳᠣᠨ ᠳᠡᠭᠡᠷᠡ ᠡᠴᠡ ᠤᠨᠠᠴᠢᠬᠠᠯᠠ᠃
–ᠬᠡᠨ ᠴᠦ᠍ ᠲᠡᠭᠦᠭᠡ ᠦᠭᠡᠢ ᠪᠠᠢᠭᠠᠳ ᠶᠠᠭᠠᠬᠢᠭᠠᠳ ᠮᠣᠳᠣᠨ ᠠ᠋ᠴᠠ ᠤᠨᠠᠵᠤ ᠪᠠᠢᠭᠠ ᠶᠤᠮ ᠪᠣᠯ?
–ᠨᠠᠮᠤᠷ ᠤ᠋ᠨ ᠤᠯᠠᠷᠢᠯ ᠳ᠋ᠤ᠌ ᠪᠣᠯᠪᠠᠰᠤᠷᠠᠵᠤ ᠭᠦᠢᠴᠡᠭᠰᠡᠨ ᠵᠢᠮᠢᠰ ᠤᠨᠠᠳᠠᠭ ᠭᠡᠰᠡᠨ᠃
–ᠬᠡᠦᠬᠡᠳ ᠲᠡᠭᠡᠪᠡᠯ ᠢᠳᠡᠳᠡᠭ ᠬᠡᠷᠡᠭ ᠠ᠋!
–ᠶᠠᠮᠠᠷ ᠭᠣᠶᠣ ᠪᠣᠢ!
–ᠳᠠᠬᠢᠭᠠᠳ ᠵᠢᠮᠢᠰ ᠮᠢᠨᠦ ᠳᠡᠭᠡᠷᠡ ᠡᠴᠡ ᠵᠥᠩᠳᠡᠭᠡᠨ ᠶᠡᠬᠡ ᠤᠨᠠᠭᠠᠰᠠᠢ!
–ᠬᠢ ᠬᠢ ᠁ ᠵᠣ ᠵᠣ ᠮᠢᠨᠢ ᠳᠡ! ᠳᠦᠷᠰᠦ ᠦᠭᠡᠢ ᠭᠡᠳᠡᠭ ᠨᠢ᠁
–ᠴᠢ ᠶᠠᠮᠠᠷ ᠵᠢᠮᠢᠰ ᠭᠡᠳᠡᠭ ᠢ᠋ ᠨᠢ ᠮᠡᠳᠡᠵᠦ ᠪᠠᠢᠭᠠ ᠶᠤᠮ ᠤᠤ?
–ᠮᠡᠳᠡᠬᠦ ᠦᠭᠡᠢ ᠵᠢᠮᠢᠰ ᠯᠡ ᠪᠣᠯ ᠵᠢᠮᠢᠰ᠂ ᠪᠦᠭᠦᠳᠡ ᠯᠡ ᠠᠳᠠᠯᠢᠬᠠᠨ᠃
–ᠦᠭᠡᠢ ᠳᠡ᠂ ᠵᠢᠮᠢᠰ ᠪᠦᠬᠦᠨ ᠥᠪᠡᠷᠮᠢᠴᠡ ᠠᠮᠲᠠ᠂ ᠦᠨᠦᠷ᠂ ᠥᠩᠭᠡ ᠲᠡᠢ ᠪᠠᠢᠳᠠᠭ ᠪᠠᠢᠬᠤ ᠦᠭᠡᠢ ᠦᠦ!
–ᠲᠡᠭᠡᠭᠡᠳ ᠡᠨᠡ ᠶᠠᠮᠠᠷ ᠵᠢᠮᠢᠰ ᠪᠣᠢ?
–ᠰᠠᠢᠨ ᠬᠠᠷᠠᠶᠠ᠂ ᠤᠯᠠᠭᠠᠨ ᠥᠩᠭᠡ ᠲᠡᠢ ᠪᠥᠭᠡᠷᠡᠩᠬᠡᠢᠳᠡᠭᠦᠦ ᠰᠢᠭᠦᠰᠦᠯᠢᠭ ᠪᠠᠢᠭᠠ ᠶ᠋ᠢ ᠨᠢ ᠬᠠᠷᠠᠪᠠᠯ ᠡᠨᠡ ᠤᠯᠠᠯᠵᠢᠭᠠᠨᠠ ᠭᠡᠳᠡᠭ ᠵᠢᠮᠢᠰ ᠪᠣᠯᠤᠯᠲᠠᠢ᠃
–ᠥ᠂ ᠲᠡᠢᠮᠦ ᠭᠡᠵᠢ ᠦᠦ? ᠵᠢᠢ ᠵᠢᠢ
–ᠲᠡᠭᠡᠪᠡᠯ ᠡᠨᠡ ᠶᠠᠮᠠᠷ ᠵᠢᠮᠢᠰ ᠶᠦ᠍ᠮ ᠪᠣᠯ? ᠪᠢ ᠤᠭ ᠨᠢ ᠳᠤᠷᠠᠲᠠᠢ ᠯᠠ ᠳᠠ! ᠭᠡᠬᠦ ᠳ᠋ᠦ᠍ ᠪᠡᠨ ᠨᠡᠷᠡ ᠶ᠋ᠢ ᠨᠢ ᠬᠡᠯᠡᠵᠦ ᠮᠡᠳᠡᠳᠡᠭ ᠦᠭᠡᠢ᠃
–ᠬᠢ ᠬᠢ᠁ ᠬᠡᠦᠬᠡᠳ ᠪᠦᠬᠦᠨ ᠦ᠌ ᠢᠳᠡᠬᠦ ᠳᠤᠷᠠᠲᠠᠢ ᠭᠦᠵᠡᠯᠵᠡᠭᠡᠨᠡ ᠵᠢᠮᠢᠰ ᠪᠠᠢᠨᠠ ᠰᠢᠦ ᠳᠠ!
–ᠨᠡᠭᠡᠷᠡᠨ ᠲᠡᠢᠮᠦ ᠭᠦᠵᠡᠯᠵᠡᠭᠡᠨᠡ᠃
–ᠬᠠᠷᠢᠨ ᠡᠨᠡ ᠶᠠᠮᠠᠷ ᠵᠢᠮᠢᠰ ᠶᠦ᠍ᠮ ᠪᠣᠯ?
–ᠡᠩ
– ᠵᠠ ᠪᠠᠢᠵᠠ᠂ ᠬᠠᠷᠠ ᠥᠩᠭᠡ ᠲᠡᠢ ᠡᠨᠡ ᠭᠣᠶᠣ ᠵᠢᠮᠢᠰ ᠴᠢᠨᠢ ᠠ᠂ ᠮᠣᠢᠯ ᠪᠠᠢᠨᠠ᠃
–ᠮᠣᠢᠯ ᠭᠡᠨᠡ?
–ᠲᠡᠢᠮᠦ ᠠ᠋᠂ ᠮᠣᠢᠯ᠃
–ᠵᠠ ᠲᠡᠭᠡᠪᠡᠯ᠂ ᠴᠢ ᠯᠠᠪ ᠡᠨᠡ ᠵᠢᠮᠢᠰ ᠦ᠋ᠨ ᠨᠡᠷᠡ ᠶ᠋ᠢ ᠮᠡᠳᠡᠬᠦ ᠦᠭᠡᠢ ᠪᠠᠢᠬᠠ᠃
–ᠬᠢ ᠬᠢ᠁ ᠮᠡᠳᠡᠨᠡ᠂ ᠬᠠᠮᠤᠭ ᠤ᠋ᠨ ᠰᠠᠢᠨ ᠮᠡᠳᠡᠳᠡᠭ ᠵᠢᠮᠢᠰ ᠮᠢᠨᠢ ᠠᠬᠤ ᠦᠭᠡᠢ ᠦᠦ! ᠡᠨᠡ ᠪᠣᠯ ᠦᠬᠡᠷ ᠦ᠋ᠨ ᠨᠢᠳᠦ ᠭᠡᠳᠡᠭ ᠵᠢᠮᠢᠰ ᠪᠠᠢᠨᠠ᠃
–ᠶᠠᠮᠠᠷ ᠰᠣᠨᠢᠨ ᠨᠡᠷᠡ ᠲᠡᠢ ᠵᠢᠮᠢᠰ ᠪᠣᠢ?ᠬᠥ ᠬᠥ
–ᠴᠢ ᠶᠠᠭᠠᠬᠢᠵᠤ ᠮᠡᠳᠡᠵᠦ ᠪᠠᠢᠭᠠ ᠶᠤᠮ ᠪᠣᠢ?
–ᠦᠬᠡᠷ ᠦ᠋ᠨ ᠨᠢᠳᠦ ᠭᠡᠳᠡᠭ ᠡᠨᠡ ᠵᠢᠮᠢᠰ ᠬᠠᠷᠠ ᠬᠦᠷᠡᠩ ᠥᠩᠭᠡ ᠲᠡᠢ ᠰᠢᠭᠦᠰᠦᠯᠢᠭ᠂ ᠰᠢᠬᠢᠷᠯᠢᠭ᠂ ᠰᠣᠳᠣᠨ ᠰᠠᠢᠬᠠᠨ ᠦᠨᠦᠷ ᠲᠡᠢ ᠠᠮᠲᠠᠯᠢᠭ ᠰᠠᠢᠬᠠᠨ ᠪᠣᠯᠬᠣᠷ ᠪᠢ ᠰᠠᠢᠨ ᠮᠡᠳᠡᠵᠦ ᠪᠠᠢᠭᠠ ᠶᠤᠮ᠃
–ᠵᠢᠢ ᠵᠢᠢ᠂ ᠪᠠᠶᠠᠷᠯᠠᠯᠠ! ᠪᠢ ᠶᠡᠬᠡ ᠣᠯᠠᠨ ᠲᠥᠷᠥᠯ ᠦ᠋ᠨ ᠵᠢᠮᠢᠰ ᠨᠡᠷᠡᠯᠡᠵᠦ ᠰᠤᠷᠤᠯᠠ᠃
–ᠠ᠋ ᠬᠡᠩ
– ᠬᠢ ᠬᠢ᠁ ᠨᠠᠢᠵᠠ ᠨᠤᠭᠤᠳ ᠠ᠋᠂ ᠬᠠᠮᠲᠤ ᠳ᠋ᠤ᠌ ᠪᠠᠨ ᠵᠢᠮᠢᠰ ᠦ᠋ᠳ ᠢ᠋ᠶ᠋ᠡᠨ ᠡᠬᠢᠨ ᠡᠴᠡ ᠨᠢ ᠨᠡᠷᠡᠯᠡᠵᠡᠭᠡᠶᠡ!
–ᠲᠡᠭᠡᠶᠡ᠂ ᠲᠡᠭᠡᠶᠡ᠃ ᠪᠢ ᠨᠡᠷᠡᠯᠡᠨᠡ ᠰᠢᠦ! ᠤᠯᠠᠯᠵᠢᠭᠠᠨᠠ᠂ ᠭᠦᠵᠡᠯᠵᠡᠭᠡᠨᠡ᠂ ᠮᠣᠢᠯ ᠡᠨᠡ ᠨᠢ ᠶᠠᠮᠠᠷ ᠵᠢᠮᠢᠰ ᠪᠢᠯᠡ ᠳᠠ? ᠣ᠂ ᠲᠡᠢᠮᠦ!ᠦᠬᠡᠷ ᠦ᠋ᠨ ᠨᠢᠳᠦ
–ᠬᠥᠥᠭ᠂ ᠵᠣ᠌ ᠵᠣ᠌ ᠮᠠᠰᠢ ᠰᠠᠢᠨ ᠪᠠᠢᠨᠠ᠃ ᠴᠢ ᠢᠩᠭᠢᠭᠡᠳ ᠳᠥᠷᠪᠡᠨ ᠲᠥᠷᠥᠯ ᠦ᠋ᠨ ᠵᠢᠮᠢᠰ ᠮᠡᠳᠡᠳᠡᠭ ᠪᠣᠯᠤᠯᠠ ᠰᠢᠦ ᠲᠠ!
–ᠡᠩᠬᠡᠵᠢᠨ ᠦ᠌ ᠲᠡᠭᠦᠭᠰᠡᠨ ᠦᠷᠢᠯ᠂ ᠴᠢᠴᠠᠷᠭᠠᠨᠠ ᠵᠢᠮᠢᠰ ᠲᠡᠢ ᠨᠡᠢᠯᠡᠭᠡᠳ ᠵᠢᠷᠭᠤᠭᠠᠨ ᠲᠥᠷᠥᠯ ᠦ᠋ᠨ ᠵᠢᠮᠢᠰ ᠮᠡᠳᠡᠵᠦ ᠠᠪᠤᠯᠠ᠃
–ᠥ ᠲᠡᠢᠮᠦ᠂ ᠬᠠᠷᠢᠨ ᠣᠳᠣ ᠬᠣᠶᠠᠭᠤᠯᠠ ᠪᠠᠨ ᠵᠢᠮᠢᠰ ᠦ᠋ᠳ ᠢ᠋ᠶ᠋ᠡᠨ ᠰᠠᠭᠰᠤᠨ ᠳ᠋ᠤ᠌ ᠬᠢᠶᠡ᠃ᠵᠣ ᠵᠣ ᠮᠣᠢᠯ ᠵᠢᠮᠢᠰ ᠢ᠋ᠶ᠋ᠡᠨ ᠰᠠᠭᠰᠤᠨ ᠳ᠋ᠤ᠌ ᠬᠢᠭᠡᠷᠡᠢ!
–ᠲᠡᠭᠡᠶᠡ᠂ ᠮᠣᠢᠯ ᠡᠨᠳᠡ ᠪᠠᠢᠨᠠ᠃
–ᠬᠠᠷᠢᠨ ᠣᠳᠣ ᠭᠦᠵᠡᠯᠵᠡᠭᠡᠨᠡ ᠶ᠋ᠢ ᠵᠢᠭᠠ᠂
–ᠭᠦᠵᠡᠯᠵᠡᠭᠡᠨᠡ ᠡᠨᠳᠡ ᠪᠠᠢᠨᠠ᠃
–ᠦᠬᠡᠷ ᠦ᠋ᠨ ᠨᠢᠳᠦ ᠵᠢᠮᠢᠰ ᠢ᠋ ᠰᠠᠭ᠍ᠰᠤᠨ ᠳ᠋ᠤ᠌ ᠬᠢᠭᠡᠷᠡᠢ!
–ᠦᠬᠡᠷ ᠦ᠋ᠨ ᠨᠢᠳᠦ᠂ ᠦᠬᠡᠷ ᠦ᠋ᠨ ᠨᠢᠳᠦ᠂ ᠠ᠂ ᠡᠨᠳᠡ ᠪᠠᠢᠨᠠ᠂ ᠰᠠᠭ᠍ᠰᠤᠨ ᠳ᠋ᠤ᠌ ᠬᠢᠴᠢᠬᠡᠯᠡ᠃ ᠣᠳᠣ ᠤᠯᠠᠯᠵᠢᠭᠠᠨᠠ ᠵᠢᠮᠢᠰ ᠢ᠋ᠶ᠋ᠡᠨ ᠰᠠᠭ᠍ᠰᠤᠨ ᠳ᠋ᠤ᠌ ᠬᠢᠯᠡ ᠰᠢᠦ!
–ᠭᠣᠶᠣ ᠳᠠ᠂ ᠭᠣᠶᠣ ᠳᠠ! ᠵᠥᠩᠳᠡᠭᠡᠨ ᠣᠯᠠᠨ ᠵᠢᠮᠢᠰ ᠲᠡᠢ ᠪᠣᠯᠴᠢᠬᠠᠯᠠ᠃ ᠨᠠᠢᠵᠠ ᠨᠤᠭᠤᠳ ᠠ᠋᠂ ᠠᠮᠢᠨ ᠳᠠᠮ ᠢ᠋ᠶ᠋ᠠᠷ ᠪᠠᠶᠠᠯᠢᠭ ᠠᠮᠲᠠᠯᠢᠭ ᠰᠠᠢᠬᠠᠨ ᠵᠢᠮᠢᠰ ᠢ᠋ ᠲᠠᠩᠳᠠ ᠢᠳᠡᠵᠦ ᠪᠠᠢᠭᠠᠷᠠᠢ! ᠲᠡᠭᠡᠪᠡᠯ ᠥᠨᠳᠥᠷ᠂ ᠡᠷᠡᠭᠦᠯ ᠴᠢᠭᠢᠷᠠᠭ ᠮᠤᠨᠳᠠᠭ ᠬᠥᠮᠥᠨ ᠪᠣᠯᠣᠨᠠ ᠰᠢᠦ!
–ᠥᠨᠥᠳᠥᠷ ᠮᠠᠨ ᠤ᠋ ᠨᠡᠪᠲᠡᠷᠡᠭᠦᠯᠭᠡ ᠳ᠋ᠦ᠍ ᠶᠠᠮᠠᠷ ᠠᠪᠢᠶᠠᠰ ᠲᠠᠢ ᠬᠡᠦᠬᠡᠳ ᠦᠳ ᠣᠷᠣᠯᠴᠠᠵᠤ ᠪᠠᠢᠭᠠ ᠪᠢᠯᠡ?
–ᠡᠩ᠂ ᠳᠠᠭᠤᠤ ᠳᠠᠭᠤᠯᠠᠬᠤ ᠠᠪᠢᠶᠠᠰ ᠲᠠᠢ ᠮᠤᠨᠳᠠᠭ ᠨᠠᠢᠵᠠ ᠨᠤᠭᠤᠳ ᠮᠠᠨᠢ ᠣᠷᠣᠯᠴᠠᠵᠤ ᠪᠠᠢᠭᠠ᠃ ᠲᠡᠳᠡ ᠴᠠᠰᠤᠨ ᠳᠣᠣᠷᠠ ᠵᠢᠮᠢᠰ ᠭᠡᠳᠡᠭ ᠳᠠᠭᠤᠤ ᠶ᠋ᠢ ᠳᠠᠭᠤᠯᠠᠨᠠ ᠃
ᠴᠠᠰᠤᠨ ᠳᠣᠣᠷᠠ ᠴᠠᠰᠤᠨ ᠳᠣᠣᠷᠠ ᠡᠪᠡᠰᠦ ᠪᠠᠢᠨᠠ
ᠡᠪᠡᠰᠦᠨ ᠳᠣᠣᠷᠠ ᠡᠪᠡᠰᠦᠨ ᠳᠣᠣᠷᠠ ᠵᠢᠮᠢᠰ ᠪᠠᠢᠨᠠ
ᠴᠠᠭᠠᠬᠠᠨ ᠴᠠᠰᠤᠨ ᠳᠣᠣᠷᠠ ᠵᠢᠮᠢᠰ ᠪᠠᠢᠨᠠ
ᠤᠯᠠᠭᠠᠨ ᠥᠩᠭᠡ ᠲᠡᠢ ᠵᠢᠮᠢᠰ ᠪᠠᠢᠨᠠ
ᠴᠢ ᠤᠯᠠᠭᠠᠨ ᠥᠩᠭᠡ ᠲᠡᠢ ᠠᠷᠪᠢᠨ ᠵᠢᠮᠢᠰ ᠲᠡᠭᠦᠬᠦ ᠪᠡᠷ ᠢᠷᠡᠭᠰᠡᠨ ᠪᠠᠢᠨᠠ᠃
ᠴᠢ ᠥᠷᠯᠥᠭᠡ ᠡᠷᠲᠡ ᠭᠠᠷᠤᠭᠠᠳ ᠵᠢᠮᠢᠰ ᠲᠡᠭᠦᠬᠦ ᠪᠡᠷ ᠢᠷᠡᠭᠰᠡᠨ ᠪᠠᠢᠨᠠ
ᠴᠠᠰᠤᠨ ᠳᠣᠣᠷᠠ ᠴᠠᠰᠤᠨ ᠳᠣᠣᠷᠠ ᠨᠠᠪᠴᠢ ᠪᠠᠢᠨᠠ
ᠨᠠᠪᠴᠢᠨ ᠳᠣᠣᠷᠠ ᠨᠠᠪᠴᠢᠨ ᠳᠣᠣᠷᠠ ᠵᠢᠮᠢᠰ ᠪᠠᠢᠨᠠ
ᠰᠢᠷᠭᠠᠯᠬᠠᠨ ᠨᠠᠪᠴᠢᠨ ᠳᠣᠣᠷᠠ ᠵᠢᠮᠢᠰ ᠪᠠᠢᠨᠠ
ᠤᠯᠠᠭᠠᠨ ᠥᠩᠭᠡ ᠲᠡᠢ ᠵᠢᠮᠢᠰ ᠪᠠᠢᠨᠠ
ᠴᠢ ᠥᠷᠯᠥᠭᠡ ᠡᠷᠲᠡ ᠭᠠᠷᠤᠭᠠᠳ ᠵᠢᠮᠢᠰ ᠲᠡᠭᠦᠬᠦ ᠪᠡᠷ ᠢᠷᠡᠭᠰᠡᠨ ᠪᠠᠢᠨᠠ
ᠴᠢ ᠥᠷᠯᠥᠭᠡ ᠡᠷᠲᠡ ᠭᠠᠷᠤᠭᠠᠳ ᠵᠢᠮᠢᠰ ᠲᠡᠭᠦᠬᠦ ᠪᠡᠷ ᠢᠷᠡᠭᠰᠡᠨ ᠪᠠᠢᠨᠠ
ᠡᠪᠡᠰᠦᠨ ᠳᠣᠣᠷᠠ ᠴᠠᠰᠤᠨ ᠳᠣᠣᠷᠠ ᠡᠪᠡᠰᠦ ᠪᠠᠢᠨᠠ
ᠡᠪᠡᠰᠦᠨ ᠳᠣᠣᠷᠠ ᠡᠪᠡᠰᠦᠨ ᠳᠣᠣᠷᠠ ᠵᠢᠮᠢᠰ ᠪᠠᠢᠨᠠ
ᠴᠠᠭᠠᠬᠠᠨ ᠴᠠᠰᠤᠨ ᠳᠣᠣᠷᠠ ᠵᠢᠮᠢᠰ ᠪᠠᠢᠨᠠ
ᠤᠯᠠᠭᠠᠨ ᠥᠩᠭᠡ ᠲᠡᠢ ᠵᠢᠮᠢᠰ ᠪᠠᠢᠨᠠ
ᠴᠢ ᠥᠷᠯᠥᠭᠡ ᠡᠷᠲᠡ ᠭᠠᠷᠤᠭᠠᠳ ᠵᠢᠮᠢᠰ ᠲᠡᠭᠦᠬᠦ ᠪᠡᠷ ᠢᠷᠡᠭᠰᠡᠨ ᠪᠠᠢᠨᠠ
ᠴᠢ ᠥᠷᠯᠥᠭᠡ ᠡᠷᠲᠡ ᠭᠠᠷᠤᠭᠠᠳ ᠵᠢᠮᠢᠰ ᠲᠡᠭᠦᠬᠦ ᠪᠡᠷ ᠢᠷᠡᠭᠰᠡᠨ ᠪᠠᠢᠨᠠ᠃
ᠪᠢ ᠥᠷᠯᠥᠭᠡ ᠡᠷᠲᠡ ᠭᠠᠷᠤᠭᠠᠳ ᠵᠢᠮᠢᠰ ᠲᠡᠭᠦᠬᠦ ᠪᠡᠷ ᠢᠷᠡᠭᠰᠡᠨ ᠪᠠᠢᠨᠠ
ᠴᠢ ᠥᠷᠯᠥᠭᠡ ᠡᠷᠲᠡ ᠭᠠᠷᠤᠭᠠᠳ ᠵᠢᠮᠢᠰ ᠲᠡᠭᠦᠬᠦ ᠪᠡᠷ ᠢᠷᠡᠭᠰᠡᠨ ᠪᠠᠢᠨᠠ᠃
–ᠮᠠᠰᠢ ᠭᠣᠶᠣ ᠳᠠᠭᠤᠤ ᠳᠠᠭᠤᠯᠠᠵᠤ ᠥᠭ᠌ᠭᠦᠭ᠌ᠰᠡᠨ ᠨᠠᠢᠵᠠ ᠨᠤᠭᠤᠳ ᠲᠦ᠍ ᠪᠡᠨ ᠵᠣᠷᠢᠭᠤᠯᠤᠭᠠᠳ ᠵᠢᠢ ᠵᠢᠢ ᠦᠯᠢᠭᠡᠷ ᠶᠠᠷᠢᠭᠠᠳ ᠥᠭ᠌ᠭᠦᠭᠡᠴᠢ!
–ᠵᠠ ᠲᠡᠭᠡᠶᠡ! ᠵᠢᠢ ᠵᠢᠢ ᠶ᠋ᠢᠨ ᠦᠯᠢᠭᠡᠷ ᠦ᠋ᠨ ᠴᠠᠭ ᠡᠬᠢᠯᠡᠯᠡ ᠰᠢᠦ᠃
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠪᠣᠨᠳᠤᠭᠤᠨᠠᠭᠤᠷ ᠪᠦᠨᠳᠦᠭᠡᠨᠡᠭᠦᠷ ᠭᠡᠳᠡᠭ ᠨᠡᠷᠡ ᠲᠡᠢ ᠪᠢᠴᠢᠬᠠᠨ ᠬᠣᠶᠠᠷ ᠬᠤᠯᠤᠭᠠᠨᠠ ᠡᠷᠡ ᠬᠣᠩᠭᠣᠷ ᠳᠠᠭᠤ ᠲᠠᠢ ᠡᠷᠡᠮᠡᠭ ᠲᠠᠬᠢᠶᠠ ᠭᠤᠷᠪᠠ ᠡᠪᠯᠡᠨ ᠠᠮᠢᠳᠤᠷᠠᠳᠠᠭ ᠪᠠᠢᠵᠠᠢ ᠭᠡᠨᠡ᠃ ᠡᠷᠬᠡ ᠵᠢᠭᠠᠬᠠᠨ ᠬᠤᠯᠤᠭᠠᠨᠠ ᠨᠤᠭᠤᠳ ᠨᠢ ᠪᠣᠨᠳᠤᠭᠤᠨᠠᠵᠤ ᠪᠦᠨᠳᠦᠭᠡᠨᠡᠵᠦ ᠭᠦᠶᠦᠯᠳᠦᠭᠡᠳ ᠯᠡ ᠡᠯᠳᠡᠪ ᠢ᠋ᠶ᠋ᠡᠷ ᠳᠠᠭᠤᠯᠠᠵᠤ ᠪᠥᠵᠢᠭᠯᠡᠬᠦ ᠡᠴᠡ ᠥᠭᠡᠷᠡ ᠶ᠋ᠢ ᠶᠡᠷᠦ ᠡᠴᠡ ᠪᠡᠨ ᠮᠡᠳᠡᠳᠡᠭ ᠦᠭᠡᠢ ᠭᠡᠨᠡ᠃ ᠬᠠᠷᠢᠨ ᠲᠠᠬᠢᠶᠠ ᠡᠷᠲᠡᠬᠡᠨ ᠦᠷ ᠴᠠᠢᠩᠭᠤᠲᠠ ᠯᠠ ᠥᠭᠦᠯᠡᠵᠦ ᠴᠢᠩᠭᠠ ᠪᠠᠷ ᠬᠠᠰᠬᠢᠷᠴᠤ ᠬᠣᠲᠠᠯᠠ ᠣᠯᠠᠨ ᠢ᠋ ᠰᠡᠷᠡᠭᠡᠭᠡᠳ ᠬᠥᠯ ᠪᠣᠯᠣᠨ ᠠᠵᠢᠯ ᠳ᠋ᠤ᠌ ᠪᠠᠨ ᠣᠷᠣᠳᠠᠭ ᠪᠠᠢᠯᠠ᠃
ᠲᠡᠭᠡᠲᠡᠯᠡ ᠨᠢᠭᠡ ᠡᠳᠦᠷ ᠲᠠᠬᠢᠶᠠ ᠬᠠᠰᠢᠶᠠ ᠪᠠᠨ ᠴᠡᠪᠡᠷᠯᠡᠭᠡᠳ ᠶᠠᠪᠤᠵᠤ ᠪᠠᠢᠭ᠍ᠰᠠᠨ ᠴᠢᠨᠢ ᠤᠯᠠᠭᠠᠨ ᠪᠤᠭᠤᠳᠠᠢ ᠶ᠋ᠢᠨ ᠲᠦᠷᠦᠭᠦᠦ ᠨᠢ ᠭᠠᠵᠠᠷ ᠬᠡᠪᠲᠡᠵᠦ ᠪᠠᠢᠬᠤ ᠶ᠋ᠢ ᠬᠠᠷᠠᠵᠠᠢ ᠭᠡᠨᠡ ᠰᠢᠦ! ᠬᠤᠯᠤᠭᠠᠨᠠ ᠨᠤᠭᠤᠳ ᠭᠦᠶᠦᠯᠳᠦᠭᠡᠳ ᠬᠥᠷᠥᠭᠡᠳ ᠢᠷᠡᠵᠡᠢ ᠭᠡᠨᠡ᠃《 ᠣᠯᠵᠠᠨ ᠤ᠋ ᠡᠨᠡ ᠲᠦᠷᠦᠭᠦᠦ ᠶ᠋ᠢ ᠴᠠᠢᠷᠠᠭᠤᠯᠵᠤ ᠠᠪᠴᠢᠬᠠᠭᠠᠳ ᠬᠠᠶᠠᠶᠠ ᠯᠠ ᠳᠠ ᠭᠡᠵᠡᠭᠡᠵᠡᠢ》 ᠭᠡᠨᠡ ᠰᠢᠦ᠃《 ᠦᠭᠡᠢ ᠲᠡᠭᠡᠭᠡᠳ ᠬᠡᠨ ᠮᠠᠨᠢ ᠴᠠᠢᠷᠠᠭᠤᠯᠬᠤ ᠶᠤᠮ ᠪᠣᠢ?》 ᠭᠡᠳ ᠲᠠᠬᠢᠶᠠ ᠠᠰᠠᠭᠤᠭ᠍ᠰᠠᠨ ᠴᠢᠨᠢ《 ᠪᠢ ᠯᠡ ᠦᠭᠡᠢ ᠰᠢᠦ!》 ᠭᠡᠵᠦ ᠨᠢᠭᠡ ᠨᠢ ᠬᠠᠰᠬᠢᠷᠴᠠᠢ ᠭᠡᠨᠡ᠃《 ᠪᠢ ᠯᠠᠪ ᠦᠭᠡᠢ》 ᠭᠡᠵᠦ ᠨᠥᠭᠥᠭᠡᠬᠢ ᠨᠢ ᠪᠠᠰᠠ ᠬᠠᠰᠬᠢᠷᠴᠠᠢ ᠭᠡᠨᠡ᠃《 ᠵᠠ ᠶᠠᠭᠠᠬᠢᠬᠤᠪ᠂ ᠪᠢ ᠴᠠᠢᠷᠠᠭᠤᠯᠤᠶᠠ》 ᠭᠡᠵᠦ ᠲᠠᠬᠢᠶᠠ ᠬᠡᠯᠡᠭᠡᠳ ᠨᠦᠳᠦᠵᠦ ᠭᠠᠷᠴᠠᠢ᠃ ᠬᠤᠯᠤᠭᠠᠨᠠ ᠨᠤᠭᠤᠳ ᠡᠨᠡ ᠬᠣᠭᠣᠷᠣᠨᠳᠤ ᠪᠥᠮᠪᠥᠭᠡ ᠲᠣᠭ᠍ᠯᠠᠭ᠍ᠰᠠᠭᠠᠷ ᠪᠠᠢᠭᠠᠳ ᠥᠩᠭᠡᠷᠡᠵᠡᠢ ᠭᠡᠨᠡ᠃ ᠲᠠᠬᠢᠶᠠ ᠲᠦᠷᠦᠭᠦᠦ ᠪᠡᠨ ᠴᠠᠢᠷᠠᠭᠤᠯᠵᠤ ᠳᠠᠭᠤᠰᠤᠭᠠᠳ《 ᠬᠥᠶᠢ᠁ ᠶᠧ ᠂ ᠬᠥᠶᠢ – ᠪᠣᠨᠳᠤᠭᠤᠨᠠᠭᠤᠷ ᠪᠦᠨᠳᠦᠭᠡᠨᠡᠭᠦᠷ ᠬᠣᠶᠠᠷ ᠠ᠋! ᠬᠡᠴᠢᠨᠡᠭᠡᠨ ᠶᠡᠬᠡ ᠲᠠᠷᠢᠶᠠ ᠭᠠᠷᠤᠭ᠍ᠰᠠᠨ ᠢ᠋ ᠬᠠᠷᠠᠭᠠᠴᠢ!》 ᠭᠡᠵᠦ ᠬᠠᠰᠭᠢᠷᠤᠯᠠ ᠭᠡᠨᠡ ᠰᠢᠦ᠃ ᠬᠤᠯᠤᠭᠠᠨᠠ ᠨᠤᠭᠤᠳ ᠴᠤ᠌ ᠭᠦᠶᠦᠯᠳᠦᠭᠡᠳ ᠢᠷᠡᠵᠡᠢ ᠭᠡᠨᠡ᠃《 ᠣᠳᠣ ᠲᠠᠷᠢᠶᠠ ᠪᠠᠨ ᠲᠡᠭᠡᠷᠮᠡ ᠤᠷᠤᠭᠤ ᠠᠪᠠᠴᠢᠵᠤ ᠭᠤᠯᠢᠷ ᠪᠣᠯᠭᠠᠬᠤ ᠬᠡᠷᠡᠭᠲᠡᠢ ᠶᠦ᠍ᠮ》 ᠭᠡᠵᠦ ᠨᠢᠭᠡᠨ ᠳᠠᠭᠤ ᠪᠠᠷ ᠱᠤᠯᠤᠭᠠᠨᠠᠯᠳᠤᠵᠠᠢ ᠭᠡᠨᠡ᠃《 ᠲᠡᠭᠡᠶᠡ᠂ ᠲᠡᠭᠡᠶᠡ᠃ ᠬᠡᠨ ᠮᠠᠨᠢ ᠲᠡᠭᠡᠭᠡᠳ ᠠᠪᠠᠴᠢᠵᠤ ᠥᠭᠬᠦ ᠶᠦ᠍ᠮ ᠪᠣᠢ?》 ᠭᠡᠵᠦ ᠲᠠᠬᠢᠶᠠ ᠠᠰᠠᠭᠤᠭ᠍ᠰᠠᠨ ᠳ᠋ᠤ᠌《 ᠪᠢ ᠯᠡ ᠦᠭᠡᠢ》 ᠭᠡᠵᠦ ᠪᠣᠨᠳᠤᠭᠤᠨᠠᠭᠤᠷ ᠬᠡᠯᠡᠵᠡᠢ ᠭᠡᠨᠡ᠃《 ᠪᠢ ᠯᠡ ᠦᠭᠡᠢ ᠰᠢᠦ》 ᠭᠡᠵᠦ ᠪᠦᠨᠳᠦᠭᠡᠨᠡᠭᠦᠷ ᠬᠠᠰᠬᠢᠷᠴᠠᠢ ᠭᠡᠨᠡ᠃《 ᠵᠠ ᠶᠠᠭᠠᠬᠢᠬᠤᠪ ᠪᠢ ᠲᠠᠷᠢᠶᠠ ᠪᠠᠨ ᠲᠡᠭᠡᠷᠮᠡ ᠤᠷᠤᠭᠤ ᠠᠪᠤᠭᠠᠳ ᠯᠠ ᠶᠠᠪᠤᠬᠤ ᠠ᠋ᠴᠠ》 ᠭᠡᠵᠦ ᠲᠠᠬᠢᠶᠠ ᠬᠡᠯᠡᠭᠡᠳ ᠰᠢᠭᠤᠳᠠᠢ ᠲᠠᠢ ᠲᠠᠷᠢᠶᠠ ᠪᠠᠨ ᠡᠭᠦᠷᠦᠭᠡᠳ ᠶᠠᠪᠤᠵᠠᠢ ᠭᠡᠨᠡ᠃ ᠬᠤᠯᠤᠭᠠᠨᠠ ᠨᠤᠭᠤᠳ ᠡᠨᠡ ᠬᠣᠭᠣᠷᠣᠨᠳᠤ ᠳᠡᠭᠡᠷᠡ ᠳᠡᠭᠡᠷᠡ ᠡᠴᠡ ᠪᠡᠨ ᠬᠠᠷᠠᠢᠯᠳᠤᠨ ᠥᠩᠬᠥᠷᠢᠵᠦ ᠳᠡᠭᠳᠡᠵᠦ ᠲᠣᠭ᠍ᠯᠠᠨ ᠥᠩᠭᠡᠷᠡᠵᠡᠭᠡᠵᠡᠢ ᠭᠡᠨᠡ᠃ ᠲᠠᠬᠢᠶᠠ ᠲᠡᠭᠡᠷᠮᠡ ᠳᠡᠭᠡᠷᠡ ᠡᠴᠡ ᠡᠷᠭᠢᠵᠦ ᠢᠷᠡᠭᠡᠳ ᠬᠤᠯᠤᠭᠠᠨᠠ ᠨᠤᠭᠤᠳ ᠢ᠋ ᠳᠠᠭᠤᠳᠠᠵᠤ《 ᠬᠥᠶᠢ ᠶᠧ᠂ ᠪᠣᠨᠳᠤᠭᠤᠨᠠᠭᠤᠷ ᠪᠦᠨᠳᠦᠭᠡᠨᠡᠭᠦᠷ ᠬᠣᠶᠠᠷ ᠠ᠋! ᠨᠠᠭᠠᠰᠢ ᠪᠠᠨ ᠬᠥᠷᠥᠭᠡᠳ ᠢᠷᠡ᠂ ᠪᠢ ᠭᠤᠯᠢᠷ ᠠᠪᠴᠢᠷᠠᠯᠠ》 ᠭᠡᠵᠦ ᠭᠡᠨᠡ ᠰᠢᠦ᠃ ᠬᠣᠶᠠᠷ ᠬᠤᠯᠤᠭᠠᠨᠠ ᠴᠤ᠌ ᠭᠦᠶᠦᠯᠳᠦᠭᠡᠳ ᠢᠷᠡᠵᠡᠢ ᠭᠡᠨᠡ᠃ ᠳᠤᠷᠠ ᠦᠭᠡᠢᠬᠡᠨ ᠬᠠᠷᠠᠵᠤ ᠬᠠᠷᠠᠵᠤ ᠪᠠᠢᠭ᠍ᠰᠠᠨ ᠢ᠋ᠶ᠋ᠠᠨ《 ᠣᠳᠣ ᠭᠤᠯᠢᠷ ᠢ᠋ᠶ᠋ᠠᠨ ᠵᠢᠭᠤᠷᠠᠵᠤ ᠪᠢᠯᠠᠤ ᠵᠢᠩᠨᠡᠬᠦ ᠬᠡᠷᠡᠭᠲᠡᠢ ᠶᠦ᠍ᠮ ᠪᠠᠢᠨᠠ ᠰᠢᠳᠡ》 ᠭᠡᠵᠡᠭᠡᠵᠡᠢ ᠭᠡᠨᠡ᠃《 ᠦᠭᠡᠢ ᠲᠡᠭᠡᠶᠡ ᠯᠡ ᠳᠡ᠂ ᠲᠡᠭᠡᠭᠡᠳ ᠬᠡᠨ ᠮᠠᠨᠢ ᠭᠤᠯᠢᠷ ᠢ᠋ᠶ᠋ᠠᠨ ᠵᠢᠭᠤᠷᠠᠬᠤ ᠶᠤᠮ ᠪᠣᠢ? 》 ᠭᠡᠵᠦ ᠲᠠᠬᠢᠶᠠ ᠠᠰᠠᠭᠤᠬᠤ ᠳ᠋ᠤ᠌ ᠬᠤᠯᠤᠭᠠᠨᠠ ᠨᠤᠭᠤᠳ ᠨᠥᠭᠥᠭᠡ ᠯᠡ ᠬᠡᠯᠡᠳᠡᠭ ᠢ᠋ᠶ᠋ᠡᠨ ᠬᠡᠯᠡᠵᠡᠢ ᠭᠡᠨᠡ᠃ ᠲᠠᠬᠢᠶᠠ ᠭᠤᠯᠢᠷ ᠢ᠋ᠶ᠋ᠠᠨ ᠵᠢᠭᠤᠷᠠᠵᠤ᠂ ᠮᠣᠳᠣ ᠣᠷᠣᠭᠤᠯᠵᠤ᠂ ᠫᠢᠰᠢᠩ ᠢ᠋ᠶ᠋ᠡᠨ ᠭᠠᠯᠯᠠᠯᠠ᠃ ᠲᠡᠭᠡᠭᠡᠳ ᠫᠢᠰᠢᠩ ᠢ᠋ᠶ᠋ᠡᠨ ᠬᠠᠯᠠᠮᠠᠭ᠍ᠴᠠ ᠯᠠ ᠪᠢᠯᠠᠤ ᠪᠠᠨ ᠲᠠᠯᠪᠢᠯᠠ᠃ ᠲᠦᠳᠡᠯ ᠦᠭᠡᠢ ᠲᠡᠳᠡ ᠨᠠᠷ ᠰᠢᠷᠡᠭᠡᠨ ᠳᠡᠭᠡᠷᠡ ᠴᠦ᠍ ᠰᠠᠭᠤᠵᠠᠭᠠᠯᠠ᠃ ᠬᠠᠷᠢᠨ ᠲᠠᠬᠢᠶᠠ ᠲᠡᠳᠡᠨ ᠳ᠋ᠦ᠍ ᠬᠠᠨᠳᠤᠵᠤ《 ᠬᠦᠯᠢᠶᠡᠵᠦ ᠪᠠᠢ! ᠬᠦᠯᠢᠶᠡᠵᠦ ᠪᠠᠢ ᠠ᠋! ᠲᠠ ᠬᠣᠶᠠᠷ ᠡᠬᠢᠯᠡᠭᠡᠳ ᠲᠠᠷᠢᠶᠠᠨ ᠲᠦᠷᠦᠭᠦᠦ ᠬᠡᠨ ᠣᠯᠤᠭ᠍ᠰᠠᠨ ᠢ᠋ ᠬᠡᠯᠡ》 ᠭᠡᠵᠡᠢ᠃《 ᠴᠢ ᠣᠯᠤᠭ᠍ᠰᠠᠨ》 ᠭᠡᠵᠦ ᠬᠤᠯᠤᠭᠠᠨᠠ ᠨᠤᠭᠤᠳ ᠴᠢᠩᠭᠠ ᠭᠡᠭᠴᠢ ᠨᠢ ᠬᠠᠰᠭᠢᠷᠤᠯᠠ᠃《 ᠵᠠ ᠲᠡᠭᠡᠪᠡᠯ ᠲᠦᠷᠦᠭᠦᠦ ᠶ᠋ᠢ ᠬᠡᠨ ᠴᠠᠢᠷᠠᠭᠤᠯᠤᠭ᠍ᠰᠠᠨ》 ᠭᠡᠵᠦ ᠲᠠᠬᠢᠶᠠ ᠪᠠᠰᠠ ᠯᠠ ᠠᠰᠠᠭᠤᠵᠠᠢ ᠭᠡᠨᠡ᠃《 ᠴᠢ ᠴᠠᠢᠷᠠᠭᠤᠯᠤᠭ᠍ᠰᠠᠨ》 ᠭᠡᠵᠦ ᠬᠣᠶᠠᠭᠤᠯᠠ ᠪᠠᠨ ᠠᠶᠠᠷᠬᠠᠨ ᠭᠡᠭᠴᠢ ᠨᠢ ᠬᠡᠯᠡᠯᠡ᠃《 ᠵᠠ ᠲᠡᠭᠡᠪᠡᠯ ᠲᠠᠷᠢᠶᠠ ᠪᠠᠨ ᠲᠡᠭᠡᠷᠮᠡ ᠤᠷᠤᠭᠤ ᠬᠡᠨ ᠵᠥᠭᠡᠭᠡᠵᠦ ᠠᠪᠠᠴᠢᠭ᠍ᠰᠠᠨ ᠪᠢᠯᠡ? 》《 ᠪᠠᠰᠠ ᠯᠠ ᠴᠢ》 ᠭᠡᠳ ᠪᠣᠨᠳᠤᠭᠤᠨᠠᠭᠤᠷ ᠪᠦᠨᠳᠦᠭᠡᠨᠡᠭᠦᠷ ᠬᠣᠶᠠᠷ ᠨᠠᠮᠤᠭᠤᠬᠠᠨ ᠳᠠᠭᠤ ᠪᠠᠷ ᠬᠠᠷᠢᠭᠤᠯᠤᠯᠠ᠃《 ᠲᠡᠭᠡᠪᠡᠯ ᠭᠤᠯᠢᠷ ᠬᠡᠨ ᠵᠢᠭᠤᠷᠠᠭ᠍ᠰᠠᠨ᠂ ᠬᠡᠨ ᠮᠣᠳᠣ ᠣᠷᠣᠭᠤᠯᠵᠤ᠂ ᠬᠡᠨ ᠫᠢᠰᠢᠩ ᠭᠠᠯᠯᠠᠵᠤ᠂ ᠬᠡᠨ ᠪᠢᠯᠠᠤ ᠵᠢᠩᠨᠡᠭᠰᠡᠨ ᠪᠢᠯᠡ? 》《 ᠴᠥᠮ ᠢ᠋ ᠨᠢ ᠴᠢ᠂ ᠴᠥᠮ ᠢ᠋ ᠨᠢ ᠴᠢ》 ᠭᠡᠵᠦ ᠬᠤᠯᠤᠭᠠᠨᠠ ᠨᠤᠭᠤᠳ ᠳᠤᠭᠤᠯᠳᠠᠬᠤ ᠲᠡᠳᠦᠢ ᠳᠤᠤᠭᠠᠷᠤᠯᠠ᠃《 ᠲᠡᠭᠡᠭᠡᠳ ᠲᠠ ᠨᠠᠷ ᠶᠠᠭᠤ ᠬᠢᠭᠰᠡᠨ ᠶᠦ᠍ᠮ ᠪᠣᠢ? 》 ᠶᠠᠭᠤ ᠭᠡᠵᠦ ᠬᠠᠷᠢᠭᠤᠯᠬᠤᠪ ᠳᠠ᠂ ᠶᠠᠮᠠᠷ ᠴᠤ᠌ ᠬᠡᠯᠡᠬᠦ ᠦᠭᠡ ᠪᠠᠢᠭ᠍ᠰᠠᠨ ᠦᠭᠡᠢ᠃ ᠪᠣᠨᠳᠤᠭᠤᠨᠠᠭᠤᠷ ᠪᠦᠨᠳᠦᠭᠡᠨᠡᠭᠦᠷ ᠬᠣᠶᠠᠷ ᠠᠷᠭᠠ ᠪᠤᠶᠤ ᠰᠢᠷᠡᠭᠡᠨ ᠡᠴᠡ ᠪᠠᠭᠤᠬᠤ ᠳ᠋ᠤ᠌ ᠲᠠᠬᠢᠶᠠ ᠴᠤ᠌ ᠲᠡᠳᠡᠨ ᠢ᠋ ᠰᠠᠭᠤ ᠰᠠᠭᠤ ᠭᠡᠰᠡᠨ ᠦᠭᠡᠢ ᠡᠢᠮᠦ ᠵᠠᠯᠬᠠᠭᠤ ᠬᠣᠢᠷᠭᠣ ᠠᠮᠢᠲᠠᠳ ᠢ᠋ ᠪᠢᠯᠠᠤ ᠪᠠᠷ ᠳᠠᠢᠯᠠᠨᠠ ᠭᠡᠳᠡᠭ ᠴᠢᠨᠢ ᠶᠠᠭᠤ ᠭᠡᠰᠡᠨ ᠦᠭᠡ ᠪᠣᠢ ᠳᠠ? ᠲᠡᠢᠮᠦ ᠠ᠋᠂ ᠲᠠ ᠮᠢᠨᠢ ᠠ᠋!
–ᠪᠢ ᠵᠢᠢ ᠵᠢᠢ ᠶ᠋ᠢᠨ ᠶᠠᠷᠢᠵᠤ ᠥᠭᠳᠡᠭ ᠪᠦᠬᠦ ᠦᠯᠢᠭᠡᠷ ᠲᠦ ᠳᠤᠷᠠᠲᠠᠢ᠃
–ᠬᠡ ᠬᠡ– ᠨᠠᠢᠵᠠ ᠨᠤᠭᠤᠳ ᠠ᠋᠂ ᠲᠠ ᠨᠠᠷ ᠴᠤ᠌ ᠪᠠᠰᠠ ᠦᠯᠢᠭᠡᠷ ᠢ᠋ᠶ᠋ᠡᠨ ᠠᠩᠬᠠᠷᠤᠯᠲᠠᠢ ᠰᠣᠨᠤᠰᠤᠭ᠍ᠰᠠᠨ ᠪᠢᠵᠡ ᠳᠡ!
–ᠵᠢᠢ ᠵᠢᠢ᠂ ᠬᠣᠶᠠᠭᠤᠯᠠ ᠪᠠᠨ ᠥᠨᠥᠳᠥᠷ ᠶᠡᠬᠡ ᠣᠯᠠᠨ ᠵᠦᠢᠯ ᠮᠡᠳᠡᠵᠦ ᠠᠪᠤᠯᠠ᠂ ᠲᠡᠢᠮᠦ ᠠ᠋?
–ᠲᠡᠢᠮᠦ ᠠ᠋᠂ ᠵᠤᠨ ᠤ᠋ ᠠᠮᠠᠷᠠᠯᠲᠠ ᠪᠠᠷ ᠰᠤᠷᠤᠭ᠍ᠰᠠᠨ ᠵᠦᠢᠯᠡᠰ ᠦ᠋ᠨ ᠢ᠋ᠶ᠋ᠡᠨ ᠲᠤᠬᠠᠢ ᠶᠠᠷᠢᠯᠴᠠᠯᠠ᠃
–ᠡᠩᠬᠡᠵᠢᠨ ᠭᠡᠳᠡᠭ ᠪᠢᠴᠢᠬᠠᠨ ᠨᠠᠢᠵᠠ ᠠ᠋ᠴᠠ ᠪᠠᠨ ᠵᠢᠮᠢᠰ ᠲᠡᠭᠦᠬᠦ ᠶ᠋ᠢ ᠰᠣᠷᠣᠯᠠ᠃
– ᠵᠣ ᠵᠣ᠂ ᠮᠠᠨᠢ ᠲᠥᠷᠥᠯ ᠪᠦᠷᠢ ᠶ᠋ᠢᠨ ᠵᠢᠮᠢᠰ ᠦ᠋ᠨ ᠨᠡᠷᠡ ᠮᠡᠳᠡᠵᠦ ᠠᠪᠤᠭᠰᠠᠨ ᠳᠠ᠃
–ᠬᠥ᠂ ᠲᠡᠢᠮᠦ ᠠ᠋᠂ ᠪᠠᠰᠠ ᠴᠠᠰᠤᠨ ᠳᠣᠣᠷᠠ ᠵᠢᠮᠢᠰ ᠭᠡᠳᠡᠭ ᠭᠣᠶᠣ ᠳᠠᠭᠤᠤ ᠰᠤᠷᠤᠭ᠍ᠰᠠᠨ᠃
–ᠬᠢ ᠬᠢ᠁ ᠬᠥᠭᠡᠷᠦᠬᠦᠨ ᠨᠠᠢᠵᠠ ᠨᠤᠭᠤᠳ ᠠ᠋᠂ ᠵᠢᠢ ᠵᠢᠢ᠂ ᠵᠣ ᠵᠣ ᠬᠣᠶᠠᠷ ᠲᠠᠢ ᠪᠠᠨ ᠬᠠᠮᠲᠤ ᠪᠠᠢᠵᠤ᠂ ᠰᠢᠨᠡ ᠶ᠋ᠢ ᠰᠤᠷᠤᠯᠴᠠᠵᠤ ᠪᠠᠢᠭᠠᠷᠠᠢ!
–ᠨᠠᠢᠵᠠ ᠨᠤᠭᠤᠳ ᠠ᠋᠂ ᠳᠠᠷᠠᠭᠠ ᠳᠠᠬᠢᠨ ᠠᠭᠤᠯᠵᠠᠲᠠᠯᠠ ᠪᠠᠨ ᠲᠦᠷ ᠪᠠᠶᠠᠷᠲᠠᠢ!
–ᠪᠠᠶᠠᠷᠲᠠᠢ!
ᠪᠢᠴᠢᠬᠠᠨ ᠪᠣᠯᠵᠣᠮᠣᠷ ᠵᠢᠪ ᠵᠢᠪ ᠵᠢᠪ
ᠵᠢᠷᠭᠢᠵᠦ ᠨᠢᠰᠦᠭᠡᠳ ᠳ᠋ᠢᠪ ᠳ᠋ᠢᠪ ᠳ᠋ᠢᠪ
ᠠᠮᠠ ᠪᠠᠨ ᠠᠩᠭᠠᠢᠭᠠᠳ ᠵᠢᠪ ᠵᠢᠪ ᠵᠢᠪ
ᠠᠩᠭᠠᠢᠨ ᠳᠡᠭᠳᠡᠭᠡᠳ ᠳ᠋ᠢᠪ ᠳ᠋ᠢᠪ ᠳ᠋ᠢᠪ
ᠲᠣᠭ᠍ᠯᠠᠶᠠ ᠲᠣᠭ᠍ᠯᠠᠶᠠ ᠵᠢᠪ ᠵᠢᠪ ᠵᠢᠪ
ᠪᠥᠵᠢᠭᠯᠡᠶᠡ ᠪᠥᠵᠢᠭᠯᠡᠶᠡ ᠳ᠋ᠢᠪ ᠳ᠋ᠢᠪ ᠳ᠋ᠢᠪ
ᠲᠣᠭ᠍ᠯᠠᠶᠠ ᠲᠣᠭ᠍ᠯᠠᠶᠠ ᠵᠢᠪ ᠵᠢᠪ ᠵᠢᠪ
ᠪᠥᠵᠢᠭᠯᠡᠶᠡ ᠪᠥᠵᠢᠭᠯᠡᠶᠡ ᠳ᠋ᠢᠪ ᠳ᠋ᠢᠪ ᠳ᠋ᠢᠪ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠮᠥᠩᠭᠦᠨᠴᠡᠴᠡᠭ
ᠦᠰᠦᠭ ᠬᠠᠲᠠᠭᠰᠠᠨ ᠨᠢ᠄ ᠮᠥᠩᠭᠦᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭ᠍ᠰᠢ ᠨᠢ᠄ ᠮᠥᠴᠢᠷ᠂ ᠱᠤᠳᠤᠷᠭᠤ