ᠰᠠᠶ᠋ᠢᠬᠠᠨ ᠵᠠᠯᠠᠭᠤ ᠡᠬᠡᠨᠡᠷ ᠲᠡᠢ ᠬᠥᠭᠰᠢᠨ ᠡᠷᠡ – ᠯ· ᠯᠣᠪᠰᠠᠩᠳᠣᠷᠵᠢ Сайхан залуу эхнэртэй хөгшин эр – Л· Лувсандорж
330ᠰᠠᠶ᠋ᠢᠬᠠᠨ ᠵᠠᠯᠠᠭᠤ ᠡᠬᠡᠨᠡᠷ ᠲᠡᠢ ᠬᠥᠭᠰᠢᠨ ᠡᠷᠡ
ᠯ᠂ ᠯᠤᠪᠰᠠᠩᠳᠣᠷᠵᠢ
( ᠬᠣᠱᠣᠩ ᠲᠤᠤᠯᠢ)
— ᠡᠵᠡᠭᠦᠢ ᠬᠡᠭᠡᠷᠡ ᠴᠢᠯᠠᠭᠤᠨ ᠴᠠᠢᠵᠠ ᠪᠠᠷᠢᠴᠢᠬᠠᠭᠠᠳ
ᠡᠨᠡ ᠮᠠᠭᠤ《 ᠱᠤᠯᠤᠮ》 ᠢ᠋ ᠬᠣᠷᠢᠳᠠᠭ ᠶᠤᠮ ᠪᠢᠯᠡ ᠤᠤ?
ᠪᠠᠯ ᠳ᠋ᠤ᠌ ᠰᠢᠪᠠᠭᠰᠠᠨ ᠢᠯᠠᠭᠠ ᠰᠢᠭ᠋ ᠮᠠᠭᠤ ᠰᠠᠢᠨ ᠪᠠᠨᠳᠢ ᠨᠠᠷ
ᠪᠡᠯᠪᠡᠷ ᠠᠬᠠ ᠶ᠋ᠢ ᠴᠢᠨᠢ ᠠᠮᠠᠷ ᠰᠠᠭᠤᠯᠭᠠᠬᠤ ᠪᠢᠰᠢ᠃
— ᠢᠲᠡᠭᠡᠯ ᠡᠴᠡ ᠥᠭᠡᠷᠡ ᠶᠠᠮᠠᠷ ᠴᠤ᠌ ᠪᠥᠬᠡ ᠴᠠᠢᠵᠠ
ᠡᠨᠡ ᠬᠣᠷᠸᠠ ᠳ᠋ᠤ᠌ ᠪᠠᠢᠬᠤ ᠦᠭᠡᠢ ᠭᠡᠯᠴᠡᠬᠦ ᠶᠦᠮ᠂ ᠪᠠᠯᠪᠠᠷ ᠭᠤᠸᠠᠢ
ᠨᠠᠷᠠ ᠰᠠᠯᠬᠢ ᠶᠠᠳᠠᠵᠤ ᠡᠬᠡᠨᠡᠷ ᠲᠡᠭᠡᠨ ᠦᠵᠡᠭᠦᠯᠵᠦ
ᠨᠠᠢᠳᠠᠵᠤ ᠢᠲᠡᠭᠡᠵᠦ ᠰᠠᠭᠤᠪᠠᠯ ᠶᠠᠭᠠᠬᠢᠭᠰᠠᠨ ᠶᠤᠮ ᠪᠣᠢ?
— ᠰᠠᠯᠬᠢ ᠯᠠ ᠠᠪᠤᠪᠠᠯ ᠰᠤᠭᠤ ᠰᠢᠭ᠋ ᠬᠤᠯᠵᠢᠴᠢᠬᠠᠬᠤ ᠭᠡᠳ
ᠰᠠᠨᠳᠤᠷᠭᠠᠬᠤ ᠶᠤᠮ ᠳᠠ᠂ ᠪᠠᠯᠪᠠᠷ ᠠᠬᠠ ᠶ᠋ᠢ ᠴᠢᠨᠢ
ᠭᠠᠩ ᠲᠣᠣᠷ ᠢ᠋ᠶ᠋ᠠᠷ ᠪᠥᠬᠡ ᠱᠣᠳᠠᠭ ᠬᠢᠯᠭᠡᠭᠡᠳ
ᠭᠠᠭᠴᠠ ᠲᠦᠯᠬᠢᠭᠦᠷ ᠲᠡᠢ ᠴᠣᠣᠵᠢ ᠵᠡᠭᠦᠪᠡᠯ ᠮᠥᠨ ᠳᠣᠬᠢ ᠠ᠋?
— ᠬᠠᠢᠷᠠ ᠠ᠋ᠴᠠ ᠥᠭᠡᠷᠡ ᠶᠠᠮᠠᠷ ᠴᠤ᠌ ᠪᠥᠬᠡ ᠴᠣᠣᠵᠢ
ᠬᠠᠮᠤᠭ ᠪᠦᠰᠡᠭᠦᠢᠴᠦᠦᠯ ᠳ᠋ᠦ᠍ ᠲᠡᠰᠳᠡᠭ ᠦᠭᠡᠢ ᠭᠡᠯᠴᠡᠬᠦ ᠶᠦᠮ᠃
ᠬᠠᠷᠠᠳᠠᠵᠤ ᠰᠠᠭᠤᠬᠤ ᠪᠠᠷ ᠬᠠᠢᠷᠠᠯᠠᠵᠤ ᠰᠠᠭᠤᠪᠠᠯ
ᠬᠠᠯᠠ ᠪᠠᠯ ᠦᠭᠡᠢ ᠵᠢᠷᠭᠠᠯ ᠪᠢᠰᠢ ᠤᠤ? ᠪᠠᠯᠪᠠᠷ ᠭᠤᠸᠠᠢ!
— ᠬᠠᠷᠢᠨ ᠲᠡᠭᠡ ᠲᠡᠭᠡ᠂ ᠡᠬᠢᠯᠡᠭᠡᠳ ᠵᠢᠭᠠᠬᠠᠨ ᠲᠣᠩᠭᠣᠴᠢᠵᠤ᠂
ᠬᠠᠯᠠᠭᠤᠨ ᠴᠠᠢ ᠲᠠᠢ ᠰᠢᠨᠠᠭᠠ ᠪᠠᠨ ᠲᠣᠯᠣᠭᠠᠢ ᠳ᠋ᠤ᠌ ᠴᠢᠨᠢ ᠤᠭᠯᠠᠬᠤ ᠰᠢᠬᠠᠨᠠ
ᠬᠥᠭᠡᠷᠦᠬᠦᠢ ᠮᠢᠨᠢ ᠵᠣᠪᠠᠵᠤ ᠶᠠᠪᠤᠭᠠ ᠠᠮᠢᠲᠠᠨ ᠭᠡᠵᠦ ᠪᠠᠰᠠ ᠦᠷᠦ ᠡᠪᠡᠳᠦᠭᠡᠳ
ᠬᠥᠯ ᠢ᠋ ᠴᠢᠨᠢ ᠬᠤᠴᠢᠵᠤ ᠱᠥᠯᠥ ᠬᠢᠵᠦ ᠥᠭᠭᠦᠨᠡ᠃
— ᠰᠠᠢᠬᠠᠨ ᠵᠠᠯᠠᠭᠤ ᠡᠬᠡᠨᠡᠷ ᠶᠠᠭᠠᠬᠢᠬᠤ ᠪᠢᠯᠡ᠂ ᠬᠠᠷᠠᠮᠰᠠᠮᠠᠷ᠁
— ᠰᠠᠢᠬᠠᠨ ᠵᠠᠯᠠᠭᠤ ᠡᠬᠡᠨᠡᠷ ᠮᠠᠯᠯᠠᠬᠤ ᠭᠡᠵᠦ ᠵᠣᠪᠠᠭᠰᠠᠨ ᠠ᠋ᠴᠠ
ᠰᠠᠢᠨ ᠱᠠᠬᠠᠢ ᠨᠢᠭᠡ ᠲᠠᠢ ᠪᠠᠢ᠂ ᠨᠤᠲᠤᠭ ᠤ᠋ᠨ ᠠᠬᠠ ᠠ᠋᠃
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠳᠠᠪᠰᠢᠯᠲᠦ
ᠬᠢᠨᠠᠭ᠍ᠴᠢ : ᠲᠤᠭ᠍ᠴᠢ ᠰᠠᠷᠠᠨᠠ
2023᠂ 11᠂ 27 ᠤ ᠡᠳᠦᠷ