ᠠᠪᠠᠭᠠ ᠡᠵᠢ ᠮᠢᠨᠢ ᠭᠣᠶᠣᠬᠠᠨ᠂ ᠵᠠᠯᠠᠭᠤᠬᠠᠨ ᠪᠠᠢᠭᠰᠠᠨ- ᠳᠤᠯᠭᠠᠷᠮᠡАбага ээж минь гоёхон, залуухан байсан-Дулгармаа
321ᠠᠪᠠᠭᠠ ᠡᠵᠢ ᠮᠢᠨᠢ ᠭᠣᠶᠣᠬᠠᠨ᠂ ᠵᠠᠯᠠᠭᠤᠬᠠᠨ ᠪᠠᠢᠭᠰᠠᠨ
ᠳᠤᠯᠭᠠᠷᠮᠡ
ᠰᠦᠷᠦᠭ ᠪᠣᠷᠣ ᠶ᠋ᠢᠨ ᠵᠡᠭᠡᠷᠡ ᠰᠣᠷᠲᠣᠯᠵᠠᠨ ᠲᠠᠭᠰᠢᠵᠤ ᠪᠠᠢᠬᠤ ᠳ᠋ᠤ᠌
ᠰᠦᠷᠯᠢᠭ ᠥᠨᠳᠥᠷ ᠠᠭᠤᠯᠠᠰ ᠨᠢ ᠤᠨᠢᠶᠠᠷ ᠲᠡᠳᠡᠨ ᠬᠥᠬᠡᠷᠡᠵᠦ ᠪᠠᠢᠬᠤ ᠳ᠋ᠤ᠌
ᠰᠢᠷᠡᠭᠡ ᠤᠯᠠᠭᠠᠨ ᠲᠡᠮᠡᠭᠡ ᠨᠢ ᠭᠣᠪᠢ ᠪᠠᠷ ᠳᠦᠭᠦᠷᠡᠩ ᠪᠡᠯᠴᠢᠵᠦ ᠪᠠᠢᠬᠤ ᠳ᠋ᠤ᠌
ᠰᠦ ᠲᠡᠢ ᠪᠤᠷᠬᠠᠨ ᠡᠵᠢ ᠮᠢᠨᠢ ᠵᠠᠯᠠᠭᠤᠬᠠᠨ ᠰᠠᠢᠬᠠᠨ ᠭᠢᠯᠠᠷᠠᠵᠤ ᠪᠠᠢᠭᠰᠠᠨ!
ᠴᠡᠯᠡᠭᠡᠷ ᠰᠠᠢᠬᠠᠨ ᠨᠤᠲᠤᠭ ᠮᠢᠨᠢ ᠵᠢᠯ ᠦ᠋ᠨ ᠵᠢᠯ ᠢ᠋ᠶ᠋ᠡᠷ ᠨᠣᠭᠣᠭᠠᠷᠠᠵᠤ ᠪᠠᠢᠬᠤ ᠳ᠋ᠤ᠌
ᠴᠠᠢᠷᠠᠬᠤ ᠪᠣᠷᠣᠭᠠᠨ ᠤ᠋ ᠮᠠᠨᠠᠨ ᠥᠷᠯᠥᠭᠡ ᠪᠣᠯᠭᠠᠨ ᠪᠠᠭᠤᠳᠠᠭ ᠪᠠᠢᠬᠤ ᠳ᠋ᠤ᠌
ᠴᠡᠴᠡᠭ ᠬᠤᠸᠠᠷ ᠲᠠᠢ ᠤᠷᠭᠤᠮᠠᠯ ᠨᠢ ᠲᠠᠯᠠ ᠶ᠋ᠢ ᠪᠦᠷᠬᠦᠨ ᠤᠷᠭᠤᠳᠠᠭ ᠪᠠᠢᠬᠤ ᠳ᠋ᠤ᠌
ᠴᠡᠭᠡᠯᠬᠡᠨ ᠬᠣᠭᠣᠯᠠᠢ ᠲᠠᠢ ᠡᠵᠢ ᠮᠢᠨᠢ ᠳᠠᠩᠴᠤ ᠰᠠᠢᠬᠠᠨ ᠳᠠᠭᠤᠯᠠᠳᠠᠭ ᠪᠠᠢᠭᠰᠠᠨ!
ᠦᠷ ᠦ᠋ᠨ ᠭᠡᠭᠡ ᠶ᠋ᠢ ᠤᠭᠲᠤᠵᠤ ᠡᠷᠦᠬᠡ ᠪᠡᠨ ᠲᠠᠲᠠᠭᠰᠠᠨ ᠡᠵᠢ ᠮᠢᠨᠢ!
ᠥᠭᠡᠳᠡᠯᠡᠬᠦ ᠭᠠᠯ ᠢ᠋ᠶ᠋ᠠᠨ ᠬᠥᠭᠵᠢᠭᠡᠵᠦ ᠭᠣᠯᠣᠮᠲᠠ ᠪᠠᠨ ᠪᠠᠳᠠᠷᠠᠭᠠᠭ᠍ᠰᠠᠨ ᠡᠵᠢ ᠮᠢᠨᠢ
ᠦᠳᠡᠯᠦᠭᠡ ᠪᠤᠭᠤᠷᠤᠯ ᠢ᠋ᠶ᠋ᠠᠨ ᠠᠰᠠᠷᠠᠵᠤ ᠠᠴᠢᠯᠠᠯ ᠢ᠋ᠶ᠋ᠠᠨ ᠳᠡᠭᠡᠳᠦᠯᠡᠭᠰᠡᠨ ᠡᠵᠢ ᠮᠢᠨᠢ!
ᠦᠷᠭᠦᠯᠵᠢ ᠡᠨᠡᠷᠢᠬᠦ ᠪᠤᠶᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠥᠭᠡᠳᠡᠯᠡᠬᠦ ᠶ᠋ᠢᠨ ᠵᠠᠶᠠᠭᠠ ᠲᠡᠭᠰᠢᠯᠡᠵᠦ
ᠥᠩᠭᠡᠲᠦ ᠡᠨᠡ ᠬᠤᠸᠠ ᠳ᠋ᠠᠭᠠᠨ ᠥᠨᠳᠥᠷ ᠨᠠᠰᠤᠯᠠᠨ ᠵᠢᠷᠭᠠᠭᠰᠠᠨ
ᠥᠷᠥᠰᠢᠶᠡᠯᠲᠦ ᠪᠤᠭᠤᠷᠤᠯ ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ
ᠡᠭᠦᠷᠢᠳᠡ ᠶ᠋ᠢᠨ ᠵᠢᠷᠭᠠᠯ ᠢ᠋ ᠵᠥᠩᠨᠡᠵᠦ
ᠥᠨᠢᠳᠡ ᠶ᠋ᠢᠨ ᠪᠤᠶᠠᠨ ᠢ᠋ ᠨᠢ ᠬᠤᠷᠤᠢᠯᠠᠵᠤ ᠦᠰᠦᠭ ᠬᠡᠳᠦ ᠶ᠋ᠢ ᠬᠡᠯᠬᠢᠯᠡ!
ᠬᠤᠷᠤᠢ ᠬᠤᠷᠤᠢ! ᠬᠤᠷᠤᠢ ᠬᠤᠷᠤᠢ!
ᠡᠭᠦᠷᠢᠳᠡ ᠠᠮᠤᠭᠤᠯᠠᠩ ᠵᠢᠷᠭᠠᠭᠠᠰᠠᠢ!
ᠬᠤᠷᠤᠢ ᠬᠤᠷᠤᠢ! ᠬᠤᠷᠤᠢ ᠬᠤᠷᠤᠢ!
ᠤᠷᠲᠤ ᠨᠠᠰᠤᠯᠠᠵᠤ᠂ ᠤᠳᠠᠭᠠᠨ ᠵᠢᠷᠭᠠᠬᠤ ᠪᠣᠯᠲᠤᠭᠠᠢ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠣᠳᠬᠠᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ᠄ ᠭᠠᠷᠮᠠ᠂ ᠣᠳᠬᠠᠨᠰᠣᠠ