ᠴᠣᠢᠨᠣᠮ 《ᠵᠡᠭᠦᠳᠦ》Чойном “зүүд”
425《ᠵᠡᠭᠦᠳᠦ》 ᠰᠢᠯᠦᠭ
ᠴᠣᠢᠨᠣᠮ
ᠤᠷᠢᠳᠤ ᠰᠥᠨᠢ ᠪᠢ
ᠨᠢᠭᠡ ᠭᠤᠶᠤᠯᠭᠠᠴᠢᠨ ᠡᠪᠦᠭᠡᠨ ᠵᠡᠭᠦᠳᠦᠯᠡᠯᠡ᠂
ᠤᠷᠠᠩᠬᠠᠢ ᠨᠣᠣᠷᠬᠠᠢ ᠬᠤᠪᠴᠠᠰᠤ ᠲᠠᠢ᠂
ᠤᠷᠤᠭᠤ ᠳᠣᠷᠣᠢ ᠴᠢᠷᠠᠢ ᠲᠠᠢ᠂
ᠤᠷᠲᠤ ᠰᠢᠷᠠ ᠰᠠᠬᠠᠯ ᠲᠠᠢ᠂
ᠤᠬᠢᠯᠠᠭᠰᠠᠨ ᠡᠪᠦᠭᠡᠨ ᠶᠠᠪᠤᠵᠤ ᠪᠠᠢᠬᠤ ᠶᠤᠮ
ᠰᠠᠢᠨ ᠪᠠᠢᠨᠠ ᠤᠤ? ᠲᠠ ᠶᠠᠭᠤᠨ ᠳ᠋ᠤ᠌ ᠣᠬᠢᠯᠠᠭᠠ ᠪᠣᠢ?
ᠭᠡᠪᠡᠯ
ᠰᠠᠢᠨ ᠢ᠋ᠶ᠋ᠠᠨ ᠴᠤ᠌ ᠠᠯᠲᠠ᠂ ᠨᠣᠬᠠᠢ ᠳᠣᠯᠢᠶᠠ ᠂
ᠰᠠᠯᠵᠤ ᠪᠦᠬᠦᠨ ᠡᠴᠡ ᠪᠡᠨ ᠰᠠᠯᠤᠭᠠᠳ᠂
ᠰᠠᠨᠠᠭᠠ ᠰᠡᠳᠬᠢᠯ ᠢ᠋ᠶ᠋ᠡᠨ ᠬᠦᠷᠲᠡᠯᠡ ᠬᠤᠳᠠᠯᠳᠤᠭᠠᠳ
ᠰᠠᠯᠭᠠᠯᠠᠵᠤ ᠶᠠᠪᠤᠨᠠ ᠳᠠ ᠬᠦᠦ ᠮᠢᠨᠢ᠃
ᠶᠠᠭᠠᠬᠢᠴᠢᠬᠠᠭᠰᠠᠨ ᠶᠤᠮ ᠪᠣᠯ ᠳᠠ?
ᠵᠠᠢᠯᠠᠭᠤᠯ᠂ ᠶᠠᠳᠠᠷᠠᠵᠤ ᠮᠤᠩᠭᠠᠨᠢᠭᠠᠳ ᠯᠠ
ᠲᠡᠷᠡ ᠪᠠᠢᠬᠤ ᠳᠠ᠂ ᠬᠥᠭᠡᠷᠦᠬᠦᠢ᠃
ᠶᠠᠭᠤᠮᠠ ᠪᠠᠨ ᠬᠥᠮᠦᠨ ᠳ᠋ᠦ᠍ ᠪᠤᠯᠢᠶᠠᠯᠭᠠᠭᠠ ᠶᠤᠮ ᠪᠣᠯᠪᠠ ᠤᠤ?
ᠶᠠᠭᠤ ᠯᠠ ᠪᠠᠵᠠᠭᠠᠭᠠ ᠪᠣᠯ ᠭᠡᠵᠦ ᠳᠡ᠂ ᠭᠡᠵᠦ
ᠦᠷᠦ ᠡᠪᠡᠳᠴᠦ ᠪᠢ ᠳᠣᠲᠣᠷᠠ ᠪᠠᠨ ᠪᠣᠳᠣᠭᠠᠳ
ᠡᠪᠦᠭᠡᠨ ᠢ᠋ ᠳᠠᠭᠤ ᠦᠭᠡᠢᠬᠡᠨ ᠰᠢᠷᠳᠡᠯᠡ
ᠥᠴᠥᠢᠵᠦ ᠰᠠᠯᠭᠠᠯᠠᠭᠰᠠᠨ ᠲᠤᠷᠠᠩᠬᠠᠢ ᠡᠪᠦᠭᠡᠨ
ᠥᠭᠡᠳᠡ ᠡᠴᠡ ᠬᠠᠷᠠᠵᠤ᠂
ᠤᠷᠢᠳᠤ ᠪᠢ ᠡᠵᠡᠨ ᠬᠠᠭᠠᠨ ᠪᠠᠢᠯᠠ᠂
ᠤᠯᠤᠰ ᠭᠦᠷᠦᠨ ᠲᠡᠢ᠂ ᠨᠡᠷᠡ ᠲᠥᠷᠥ ᠲᠡᠢ
ᠲᠦᠮᠡᠨ ᠭᠠᠵᠠᠷ ᠢ᠋ ᠡᠵᠡᠯᠡᠭᠰᠡᠨ ᠨᠤᠲᠤᠭ ᠲᠠᠢ
ᠲᠡᠦᠬᠡ ᠶ᠋ᠢ ᠳᠣᠩᠰᠣᠯᠭᠠᠭᠰᠠᠨ ᠮᠣᠷᠢᠨ ᠴᠡᠷᠢᠭ ᠲᠡᠢ ᠪᠠᠢᠯᠠ
ᠣᠳᠣ ᠶᠠᠭᠤ ᠴᠤ᠌ ᠪᠠᠢᠬᠤ ᠦᠭᠡᠢ
ᠣᠷᠴᠢᠯᠠᠩ ᠤ᠋ᠨ ᠡᠯᠡᠭ ᠳᠣᠭᠣᠭᠢ ᠪᠣᠯᠵᠤ᠂
ᠤᠯᠠ ᠪᠠᠨ ᠱᠠᠭᠠᠢᠭᠰᠠᠨ ᠬᠡᠳᠦᠨ ᠬᠡᠦᠬᠡᠳ
ᠤᠯᠤᠰ ᠪᠣᠯᠵᠤ ᠲᠣᠭᠯᠠᠵᠤ ᠪᠠᠢᠨᠠ
ᠬᠠᠷᠠᠭᠠᠳ ᠨᠢᠳᠦ ᠮᠢᠨᠢ ᠡᠪᠡᠳᠬᠦ ᠰᠢᠭ᠂
ᠬᠠᠷᠠᠮᠰᠠᠭᠠᠳ ᠡᠯᠢᠭᠡ ᠵᠢᠷᠦᠬᠡ ᠮᠢᠨᠢ ᠡᠪᠡᠳᠬᠦ ᠰᠢᠭ᠂
ᠠᠯᠢ ᠮᠠᠭᠤ ᠶ᠋ᠢ ᠪᠡᠨ ᠦᠵᠡᠵᠦ ᠪᠠᠷᠠᠬᠤ ᠠ᠋ᠴᠠ ᠪᠠᠨ ᠨᠠᠭᠠᠨᠠ᠂
ᠠᠪᠰᠠᠨ ᠳ᠋ᠤ᠌ ᠪᠠᠨ ᠣᠴᠢᠵᠤ ᠨᠢᠳᠦ ᠳᠠᠯᠳᠠ ᠬᠡᠪᠲᠡᠶᠡ
ᠭᠤᠶᠤᠯᠭᠠᠴᠢᠨ ᠡᠪᠦᠭᠡᠨ ᠢᠩᠭᠢᠵᠦ
ᠭᠤᠳᠢᠭ ᠦᠭᠡᠢ ᠳᠣᠩᠭᠣᠰᠬᠤ ᠶ᠋ᠢ ᠦᠵᠡᠪᠡᠯ᠂
ᠤᠬᠠᠭᠠᠨ ᠨᠢ ᠪᠠᠰᠠ ᠬᠤᠪᠴᠠᠰᠤ ᠰᠢᠭ᠋ ᠢ᠋ᠶ᠋ᠡᠨ
ᠤᠷᠠᠭᠳᠠᠵᠤ ᠪᠣᠯᠢᠭᠰᠠᠨ ᠪᠣᠯᠤᠯᠲᠠᠢ᠃
ᠲᠡᠰᠬᠡᠯ ᠦᠭᠡᠢ ᠪᠢ ᠰᠡᠭᠦᠷᠡᠰᠦ ᠠᠯᠳᠠᠭᠠᠳ
ᠲᠡᠭᠡ ᠳᠡ ᠲᠠ᠂ ᠳᠠᠯᠳᠠ ᠣᠷᠣᠵᠤ ᠦᠵᠡ
ᠬᠡᠴᠡᠭᠦᠦ ᠭᠠᠯᠵᠠᠭᠤ ᠲᠣᠰᠴᠤ ᠳᠠ ᠲᠠᠨ ᠳ᠋ᠤ᠌
ᠬᠡᠵᠢᠶᠡ ᠡᠳᠡᠭᠡᠨᠡ ᠭᠡᠵᠦ ᠶᠠᠪᠤᠬᠤ ᠪᠣᠢ ᠳᠠ᠂ ᠭᠡᠲᠡᠯᠡ
ᠠᠭᠤᠷᠰᠠᠭᠰᠠᠨ ᠡᠪᠦᠭᠡᠨ ᠨᠣᠭᠣᠭᠠᠨ ᠨᠢᠳᠦ ᠪᠡᠷ ᠢ᠋ᠶ᠋ᠡᠨ
ᠣᠯᠠᠨ ᠠ᠋ᠴᠠ ᠣᠷᠣᠢ ᠬᠦᠷᠲᠡᠯᠡ ᠬᠠᠷᠠᠭᠠᠳ
ᠦ ᠦᠬᠦᠵᠦ ᠬᠡᠪᠲᠡᠭᠰᠡᠨ ᠮᠠᠭᠤ ᠰᠦᠭ ᠠ᠋᠂
ᠥᠯᠪᠡᠷᠴᠦ ᠦᠬᠦᠬᠦ ᠳ᠋ᠡᠭᠡᠨ ᠲᠠᠭᠠᠷᠠᠭᠰᠠᠨ ᠮᠠᠯ ᠠ᠋
ᠡᠷᠲᠡᠨ ᠡᠴᠡ ᠮᠣᠩᠭᠣᠯᠴᠤᠳ ᠲᠡᠨᠡᠭ ᠪᠠᠢᠭᠰᠠᠨ ᠶᠤᠮ᠂
ᠡᠳᠦᠭᠡ ᠪᠦᠷ ᠰᠣᠯᠢᠶᠠᠷᠠᠵᠠᠭᠠᠵᠤ ᠭᠡᠮ᠂
ᠡᠬᠡ ᠡᠴᠢᠭᠡ ᠦᠭᠡᠢ ᠬᠡᠦᠬᠡᠳ ᠰᠢᠭ ᠴᠢᠷᠠᠢ ᠠᠯᠳᠠᠴᠢᠬᠠᠭᠠᠳ᠃
ᠡᠵᠡᠨ ᠬᠠᠭᠠᠨ ᠢ᠋ᠶ᠋ᠠᠨ ᠴᠤ᠌ ᠲᠠᠨᠢᠬᠤ ᠪᠠᠨ ᠪᠣᠯᠢᠵᠠᠢ ᠭᠡᠮ᠃
ᠲᠠ ᠴᠢᠨᠢ ᠮᠠᠨ ᠤ᠋ ᠡᠵᠡᠨ ᠬᠠᠭᠠᠨ ᠢ᠋ᠶ᠋ᠠᠷ·
ᠪᠠᠢᠭᠰᠠᠨ ᠶᠤᠮ ᠤᠤ
ᠥᠭᠡᠷᠡ ᠬᠡᠨ ᠦ᠌ ᠬᠢ ᠪᠠᠢᠬᠤ ᠶᠤᠮ ᠮᠠᠯ ᠮᠢᠨᠢ᠂
ᠲᠠ ᠨᠠᠷ ᠠ᠋ᠴᠠ ᠪᠤᠰᠤᠳ ᠤᠯᠤᠰ
ᠡᠪᠦᠭᠡ ᠳᠡᠭᠡᠳᠦᠰ ᠢ᠋ᠶ᠋ᠡᠨ ᠲᠠᠨᠢᠬᠤ ᠲᠠᠢ ᠪᠠᠨ ᠪᠠᠢᠬᠤ ᠳ᠋ᠤ᠌᠂
ᠭᠡᠵᠦ ᠢᠷᠡᠭᠡᠳ ᠯᠡ ᠭᠤᠳᠢᠭ ᠦᠭᠡᠢ ᠠᠢᠯᠠᠳᠤᠭᠠᠳ ᠥᠭᠡᠳᠡ ᠡᠴᠡ ᠰᠢᠷᠳᠡᠯᠡ᠃
ᠭᠤᠶᠤᠯᠭᠠᠴᠢᠨ ᠬᠢᠷᠢ ᠨᠢ ᠪᠡᠨ᠂ ᠣᠮᠣᠭᠲᠠᠢ ᠭᠡᠳᠡᠭ ᠨᠢ᠃
ᠵᠠ ᠲᠡᠢᠮᠦ ᠪᠣᠯᠲᠤᠭᠠᠢ᠂ ᠲᠡᠢᠮᠦ ᠪᠣᠯᠲᠤᠭᠠᠢ᠃
ᠠᠶᠠ ᠪᠠᠷ ᠨᠢ ᠶ᠋ᠢᠨ ᠪᠠᠢᠶᠠ
ᠪᠢᠳᠡᠨ ᠦ᠌ ᠠᠮᠠ ᠪᠠᠷ ᠶᠢᠷᠲᠢᠨᠴᠦ ᠬᠤᠪᠢᠷᠠᠬᠤ ᠪᠢᠰᠢ ᠳᠡ᠃
ᠲᠠ ᠬᠠᠭᠠᠨ ᠪᠠᠢᠭᠰᠠᠨ ᠪᠠᠢᠵᠤ ᠪᠣᠯᠤᠨᠠ᠂
ᠲᠠᠩᠰᠤᠭ ᠰᠠᠢᠬᠠᠨ ᠬᠤᠪᠴᠠᠰᠤᠨ ᠤ᠋ ᠪᠠᠨ ᠣᠷᠣᠨ ᠳ᠋ᠤ᠌ ᠂
ᠲᠠᠭᠠᠷ ᠨᠠᠪᠲᠠᠰᠤ ᠨᠥᠮᠥᠷᠴᠢᠬᠡᠭᠰᠡᠨ ᠪᠣᠯᠬᠤᠯᠠᠷ ᠴᠢᠨᠢ ᠯᠡ
ᠲᠠᠨᠢᠭᠰᠠᠨ ᠦᠭᠡᠢ ᠰᠢᠦ ᠥᠷᠥᠰᠢᠶᠡᠭᠡᠷᠡᠢ
ᠥᠷᠥᠰᠢᠶᠡᠯ ᠮᠢᠨᠢ ᠴᠤ᠌ ᠶᠠᠭᠠᠮᠠᠢ ᠬᠦᠦ ᠮᠢᠨᠢ
ᠡᠮᠦᠰᠬᠡᠯ ᠵᠡᠭᠦᠯᠲᠡ ᠬᠠᠮᠤᠭ ᠪᠦᠬᠦᠨ ᠢ᠋ ᠮᠢᠨᠢ
ᠪᠤᠯᠠᠰᠢᠨ ᠳ᠋ᠤ᠌ ᠪᠠᠢᠬᠤ ᠳ᠋ᠤ᠌ ᠮᠢᠨᠢ ᠬᠡᠭᠦᠷ ᠲᠣᠨᠣᠭᠠᠴᠢᠨ ᠨᠤᠭᠤᠳ
ᠪᠤᠯᠲᠤ ᠶ᠋ᠢ ᠨᠢ ᠠᠪᠤᠭᠠᠳ ᠬᠤᠳᠠᠯᠳᠤᠴᠢᠬᠠᠭᠰᠠᠨ ᠶᠤᠮ
ᠣᠳᠣ ᠯᠸᠨᠢᠨᠭᠷᠠᠲ ᠲᠤ᠌ ᠪᠠᠢᠳᠠᠭ ᠶᠤᠮ᠃ᠣᠴᠢᠭᠠ ᠦᠭᠡᠢ ᠪᠢᠵᠡ ᠳᠡ᠂
ᠴᠢ ᠶᠠᠭᠤ ᠶ᠋ᠢ ᠪᠡᠨ ᠦᠵᠡᠬᠦ ᠪᠣᠢ ᠳᠠ᠂
ᠴᠢ ᠦᠵᠡᠭᠰᠡᠨ ᠴᠢᠨᠢ ᠵᠥᠪᠬᠡᠨ
ᠡᠷᠢᠶᠡᠨ ᠴᠠᠭᠠᠰᠤ ᠦᠰᠦᠭ ᠡᠴᠡ ᠪᠡᠨ ᠴᠠᠭᠠᠰᠢ ᠦᠭᠡᠢ᠃
ᠴᠥᠮ ᠬᠤᠳᠠᠯ ᠠ᠋ ᠭᠠᠭᠴᠠ ᠦᠨᠡᠨ ᠶᠠᠭᠤᠮᠠ ᠭᠡᠪᠡᠯ
ᠲᠠ ᠨᠠᠷ ᠤ᠋ᠨ ᠭᠠᠷ ᠮᠤᠬᠤᠷ᠂ ᠨᠢᠳᠦ ᠰᠣᠬᠣᠷ ᠪᠠᠢᠨᠠ ᠃
ᠬᠦᠵᠦᠭᠦᠨ ᠳ᠋ᠦ᠍ ᠪᠡᠨ ᠳᠥᠩᠭᠡ ᠲᠡᠢ ᠪᠠᠢᠬᠤ ᠳ᠋ᠤ᠌ ᠪᠠᠨ ᠴᠤ᠌ ᠪᠢ ᠴᠤ᠌ ᠢᠩᠭᠢᠵᠦ
ᠬᠥᠮᠦᠨ ᠦ᠌ ᠡᠷᠬᠡᠨ ᠳ᠋ᠦ᠍ ᠰᠥᠭᠥᠳᠴᠦ ᠶᠠᠪᠤᠭᠠ ᠦᠭᠡᠢ ᠶᠦᠮ
ᠵᠠ ᠵᠠ ᠴᠢᠮᠠ ᠲᠠᠢ ᠶᠠᠷᠢᠭᠠᠳ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ᠃
ᠵᠠᠰᠠᠭ ᠵᠠᠶᠠᠭᠠ ᠬᠣᠶᠠᠷ ᠲᠤ ᠪᠠᠨ ᠭᠣᠮᠣᠳᠠ ᠂ ᠭᠡᠵᠦ ᠬᠡᠯᠡᠭᠡᠳ
ᠵᠠᠳᠠᠷᠠᠭᠰᠠᠨ ᠡᠪᠦᠭᠡᠨ ᠴᠠᠭᠠᠰᠢ ᠪᠠᠨ ᠡᠷᠭᠢᠭᠡᠳ
ᠵᠠᠮ ᠢ᠋ᠶ᠋ᠠᠨ ᠳᠠᠭᠠᠭᠠᠳ ᠬᠡᠯᠲᠦᠷᠢᠵᠦ ᠣᠳᠤᠯᠠ᠃
ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠢ᠋ ᠠᠶᠤᠯᠭᠠᠬᠤ ᠶ᠋ᠢ ᠨᠢ ᠪᠢᠲᠡᠭᠡᠢ ᠬᠡᠯᠡ᠂
ᠬᠡᠦᠬᠡᠳ ᠨᠣᠬᠠᠢ ᠶ᠋ᠢᠨ ᠲᠣᠭᠯᠠᠭᠠᠮ ᠪᠣᠯᠤᠮᠠᠷ
ᠬᠠᠳᠤᠭᠰᠠᠨ ᠨᠠᠪᠴᠢ ᠰᠢᠭ᠋ ᠥᠴᠦᠬᠡᠨ ᠡᠨᠡ ᠡᠪᠦᠭᠡᠨ
ᠬᠠᠵᠠᠭᠠᠨᠠᠭᠰᠠᠭᠠᠷ ᠪᠠᠷᠠ ᠲᠠᠰᠤᠷᠠᠯᠠ
ᠡᠵᠡᠨ ᠴᠢᠩᠭᠢᠰ᠂ ᠡᠵᠡᠨ ᠴᠢᠩᠭᠢᠰ ᠡᠨᠡ ᠤᠤ? ᠭᠡᠭᠰᠡᠭᠡᠷ
ᠡᠯᠢᠭᠡ ᠪᠡᠨ ᠬᠥᠰᠢᠲᠡᠯᠡ ᠬᠥᠬᠥᠷᠡᠪᠡ ᠠ᠋᠃
ᠳᠡᠩᠳᠡᠭᠦᠦ ᠢᠨᠢᠶᠡᠯᠡ ᠭᠡᠳ ᠰᠡᠷᠡᠭᠰᠡᠨ ᠴᠢᠨᠢ
ᠳᠡᠷᠡ ᠪᠡᠨ ᠨᠡᠪᠲᠡᠷᠡᠲᠡᠯᠡ ᠤᠬᠢᠯᠠᠭᠰᠠᠨ ᠪᠠᠢᠯᠠ᠃