ᠵᠥᠪ ᠡᠨᠧᠷᠭᠢЗөв энерги
687ᠵᠥᠪ ᠡᠨᠧᠷᠭᠢ
ᠥᠷᠯᠥᠭᠡ ᠡᠷᠲᠡᠯᠡᠭᠡᠳ ᠭᠦᠶᠦᠵᠦ ᠪᠠᠢ
ᠡᠷᠡᠭᠦᠯ ᠴᠢᠭᠢᠷᠠᠭ ᠢᠷᠡᠬᠦ ᠶᠦᠮ
ᠡᠳᠦᠷ ᠪᠦᠷᠢ ᠢᠨᠢᠶᠡᠵᠦ ᠪᠠᠢ
ᠡᠪᠡᠳᠴᠢᠨ ᠡᠮᠭᠡᠭ ᠠᠷᠢᠯᠬᠤ ᠶᠤᠮ᠂
ᠥᠴᠦᠬᠡᠨ ᠤᠴᠢᠷ ᠢ᠋ ᠮᠠᠷᠲᠠᠵᠤ ᠪᠠᠢ
ᠦᠷᠭᠦᠯᠵᠢ ᠲᠠᠷᠢᠬᠢ ᠰᠡᠷᠭᠡᠭ ᠶᠦᠮ᠂
ᠥᠩᠭᠡᠪᠴᠢ ᠬᠠᠭᠤᠷᠮᠠᠴᠢ ᠶ᠋ᠢ ᠲᠠᠶᠠᠭᠳᠠᠵᠤ ᠪᠠᠢ
ᠦᠷᠦ ᠵᠢᠷᠦᠬᠡ ᠠᠮᠤᠷᠵᠢᠬᠤ ᠶᠤᠮ᠃
ᠦᠳᠡᠯᠦᠭᠡ ᠪᠠᠭᠤᠷᠠᠢ ᠪᠠᠨ ᠲᠡᠳᠬᠦᠵᠦ ᠪᠠᠢ
ᠥᠲᠡᠯᠬᠦ ᠶ᠋ᠢᠨ ᠦᠵᠦᠭᠦᠷ ᠵᠢᠷᠭᠠᠬᠤ ᠶᠤᠮ᠂
ᠦᠰᠦᠭ ᠪᠢᠴᠢᠭ ᠢ᠋ᠶ᠋ᠡᠨ ᠬᠡᠷᠡᠭᠯᠡᠵᠦ ᠪᠠᠢ
ᠥᠮᠥᠭ ᠲᠦᠰᠢᠭ ᠪᠣᠯᠬᠤ ᠶᠤᠮ᠂
ᠦᠨᠡᠨ ᠦᠭᠡ ᠶ᠋ᠢ ᠬᠡᠯᠡᠵᠦ ᠪᠠᠢ
ᠭᠠᠩ ᠪᠣᠯᠣᠳ ᠬᠠᠢᠯᠬᠤ ᠶᠤᠮ᠂
ᠦᠨᠡᠨᠴᠢ ᠰᠡᠳᠬᠢᠯ ᠠᠬᠤᠭᠤᠯᠵᠤ ᠪᠠᠢ
ᠭᠠᠵᠠᠷ ᠲᠩᠷᠢ ᠤᠶᠠᠷᠠᠬᠤ ᠶᠤᠮ᠂
ᠥᠭᠡᠬᠦ ᠰᠢᠬᠢᠷ ᠢ᠋ ᠪᠠᠭᠠᠳᠠᠭᠤᠯᠵᠤ ᠪᠠᠢ
ᠴᠢᠰᠤᠨ ᠳᠠᠷᠤᠯᠲᠠ ᠴᠢᠨᠢ ᠲᠡᠭᠰᠢᠷᠡᠬᠦ ᠶᠦᠮ᠂
ᠥᠩᠭᠡ ᠳᠡᠷᠡᠰᠦᠨ ᠡᠴᠡ ᠬᠣᠯᠠᠳᠠᠵᠤ ᠪᠠᠢ
ᠴᠢᠷᠠᠢ ᠨᠢᠭᠤᠷ ᠴᠢᠨᠢ ᠭᠢᠯᠪᠠᠬᠤ ᠶᠤᠮ᠂
ᠢᠳᠡᠵᠦ ᠴᠠᠳᠤᠭᠰᠠᠭᠠᠷ ᠬᠥᠳᠡᠯᠵᠦ ᠪᠠᠢ
ᠶᠡᠷᠡ ᠶᠢᠰᠦᠨ ᠨᠠᠰᠤᠯᠠᠬᠤ ᠶᠤᠮ᠂
ᠢᠷᠡᠬᠦ ᠮᠠᠷᠭᠠᠰᠢ ᠪᠠᠨ ᠢᠲᠡᠭᠡᠵᠦ ᠪᠠᠢ
ᠶᠢᠰᠦᠨ ᠬᠦᠰᠡᠯ ᠴᠢᠨᠢ ᠪᠡᠶᠡᠯᠡᠬᠦ ᠶᠦᠮ᠂
ᠠᠪᠤ ᠡᠵᠢ ᠪᠡᠨ ᠠᠴᠢᠯᠠᠵᠤ ᠪᠠᠢ
ᠠᠷᠪᠠᠨ ᠪᠤᠶᠠᠨ ᠴᠢᠨᠢ ᠳᠡᠯᠭᠡᠷᠡᠬᠦ ᠶᠦᠮ᠂
ᠠᠪᠠᠯᠢ ᠨᠥᠬᠥᠷ ᠲᠡᠭᠡᠨ ᠦᠨᠡᠨᠴᠢ ᠪᠠᠢ
ᠠᠳᠠᠯ ᠠᠮᠢᠳᠤᠷᠠᠯ ᠴᠢᠨᠢ ᠥᠭᠡᠳᠡᠯᠡᠬᠦ ᠶᠦᠮ᠂
ᠪᠤᠰᠤᠳ ᠢ᠋ ᠦᠷᠭᠦᠯᠵᠢ ᠲᠤᠰᠠᠯᠠᠵᠤ ᠪᠠᠢ
ᠪᠤᠷᠬᠠᠨ ᠲᠩᠷᠢ ᠢᠪᠡᠭᠡᠬᠦ ᠶᠦᠮ᠂
ᠪᠤᠰᠤᠳ ᠤ᠋ᠨ ᠲᠤᠰᠠ ᠶ᠋ᠢ ᠴᠡᠭᠡᠵᠢᠯᠡᠵᠦ ᠪᠠᠢ
ᠪᠣᠳᠣᠯ ᠰᠠᠨᠠᠭᠠ ᠠᠷᠢᠭᠤᠰᠬᠤ ᠶᠤᠮ᠂
ᠰᠠᠷᠠᠭᠤᠯ ᠤᠬᠠᠭᠠᠨ ᠡᠪᠦᠷᠯᠡᠵᠦ ᠪᠠᠢ
ᠰᠠᠢᠨ ᠡᠨᠧᠷᠭᠢ ᠬᠤᠷᠠᠬᠤ ᠶᠤᠮ᠂
ᠰᠠᠢᠬᠠᠨ ᠰᠠᠨᠠᠭᠠ ᠬᠦᠪᠦᠷᠡᠭᠦᠯᠵᠦ ᠪᠠᠢ
ᠰᠠᠢᠨ ᠤ᠋ ᠮᠥᠷ ᠲᠣᠳᠣᠷᠠᠬᠤ ᠶᠤᠮ ᠠ᠋᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠱᠠᠭᠰᠠᠯ
ᠬᠢᠨᠠᠭᠴᠢ᠄ ᠣᠳᠬᠠᠰᠤᠠ
ᠢᠷᠡᠯᠲᠡ᠄ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠡᠴᠡ ᠣᠯᠵᠠᠢ᠃