ᠮᠣᠷᠢᠨ ᠤ᠋ ᠮᠠᠭᠠᠵᠢᠭᠤᠷМорны маажуур-ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠤᠯᠠᠮᠵᠢᠯᠠᠯᠲᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠵᠢᠴᠢ ᠲᠡᠭᠦᠨ ᠦ᠌ ᠤᠬᠠᠭᠠᠨ1-16ᠤ᠋· ᠰ· ᠬᠥᠭᠵᠢᠯᠲᠦ
455
ᠮᠣᠷᠢᠨ ᠤ᠋ ᠮᠠᠭᠠᠵᠢᠭᠤᠷ
ᠪ· ᠰ ᠬᠥᠭᠵᠢᠯᠲᠦ ᠵᠣᠷᠢᠭᠲᠤ
ᠮᠣᠩᠭᠣᠯ ᠠᠢᠯ ᠪᠣᠯᠭᠠᠨ ᠨᠢ ᠤᠨᠤᠭᠠᠷᠢ ᠶ᠋ᠢᠨ ᠬᠡᠳᠦᠨ ᠮᠣᠷᠢ᠂ ᠤᠷᠤᠯᠳᠤᠭᠠᠨ ᠤ᠋ ᠬᠤᠷᠳᠤᠨ ᠠᠭᠲᠠ ᠲᠠᠢ ᠪᠠᠢᠳᠠᠭ ᠪᠥᠭᠡᠳ ᠡᠨᠡ ᠰᠠᠢᠬᠠᠨ ᠬᠦᠯᠦᠭ ᠦ᠋ᠳ ᠢ᠋ᠶ᠋ᠡᠨ ᠰᠤᠷᠯᠢᠭ ᠪᠠᠢᠯᠭᠠᠬᠤ ᠶ᠋ᠢᠨ ᠲᠥᠯᠥᠭᠡ ᠦᠷᠭᠦᠯᠵᠢ ᠲᠤᠰᠬᠠᠢ ᠬᠢᠭᠰᠡᠨ ᠮᠠᠭᠠᠵᠢᠭᠤᠷ ᠢ᠋ᠶ᠋ᠠᠷ ᠦᠰᠦ ᠳᠠᠭᠠᠬᠢ ᠶ᠋ᠢ ᠨᠢ ᠮᠠᠭᠠᠵᠢᠵᠤ ᠠᠷᠠᠴᠢᠯᠠᠳᠠᠭ᠃ ᠶᠠᠭᠤᠨ ᠤ᠋ ᠡᠮᠦᠨᠡ᠂ ᠮᠠᠭᠠᠵᠢᠭᠤᠷ ᠪᠣᠯ ᠬᠥᠮᠦᠨ ᠮᠣᠷᠢ ᠡᠨᠡᠭᠰᠢᠵᠦ ᠳᠠᠰᠬᠤ ᠶ᠋ᠢᠨ ᠳᠣᠮᠨᠣᠭᠤᠷ ᠮᠥᠨ᠃ ᠲᠤᠰᠬᠠᠢ ᠬᠢᠭᠰᠡᠨ ᠮᠠᠭᠠᠵᠢᠭᠤᠷ ᠢ᠋ᠶ᠋ᠠᠷ ᠮᠣᠷᠢ ᠪᠠᠨ ᠮᠠᠭᠠᠵᠢᠬᠤ ᠨᠢ ᠰᠢᠨᠡ ᠬᠠᠭᠤᠴᠢᠨ ᠦᠰᠦ ᠰᠤᠷ ᠤ᠋ᠨ ᠬᠢᠨᠢ ᠰᠣᠯᠢᠯᠴᠠᠭᠠ ᠶ᠋ᠢ ᠠᠬᠢᠭᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠠᠷᠠᠰᠤᠨ ᠳᠣᠣᠷᠠᠬᠢ ᠴᠢᠰᠤᠨ ᠤ᠋ ᠰᠣᠯᠢᠯᠴᠠᠭᠠ ᠶ᠋ᠢ ᠴᠤ᠌ ᠠᠬᠢᠭᠤᠯᠵᠤ ᠦᠰᠦ ᠰᠤᠷ ᠢ᠋ ᠨᠢ ᠤᠯᠠᠮ ᠭᠢᠯᠲᠠᠭᠠᠨᠠᠮᠠ ᠪᠣᠯᠭᠠᠵᠤ ᠥᠩᠭᠡ ᠵᠢᠰᠦ ᠣᠷᠣᠭᠤᠯᠳᠠᠭ᠃ ᠮᠠᠭᠠᠵᠢᠬᠤ ᠨᠢ ᠵᠠᠭᠠᠲᠤᠨᠠᠬᠤ ᠶ᠋ᠢ ᠵᠣᠭᠰᠣᠭᠠᠵᠤ ᠲᠠᠭᠠᠯᠠᠮᠵᠢᠲᠠᠢ ᠪᠣᠯᠭᠠᠳᠠᠭ ᠪᠥᠭᠡᠳ ᠡᠵᠡᠨ ᠨᠢ ᠢᠯᠢᠵᠦ ᠮᠠᠭᠠᠵᠢᠬᠤ ᠶ᠋ᠢᠨ ᠳᠠᠭᠠᠤ ᠮᠣᠷᠢ ᠲᠠᠢ ᠪᠠᠨ ᠶᠠᠷᠢᠯᠴᠠᠵᠤ᠂ ᠭᠠᠪᠢᠶᠠ ᠵᠢᠳᠬᠦᠯ ᠢ᠋ ᠨᠢ ᠮᠠᠭᠲᠠᠵᠤ ᠡᠩᠬᠦᠷᠡᠢᠯᠡᠳᠡᠭ ᠡᠴᠡ ᠡᠵᠡᠨ ᠦ᠌ ᠪᠡᠨ ᠦᠭᠡ ᠶ᠋ᠢ ᠣᠢᠯᠠᠭᠠᠵᠤ ᠵᠠᠩ ᠢ᠋ ᠮᠡᠳᠡᠳᠡᠭ ᠬᠤᠷᠳᠤᠨ ᠬᠦᠯᠦᠭ ᠲᠦ ᠨᠢᠭᠡ ᠵᠦᠢᠯ ᠦ᠋ᠨ ᠲᠠᠢᠳᠬᠤᠷᠠᠯ ᠪᠣᠯᠳᠠᠭ᠃ ᠡᠢᠮᠦ ᠡᠴᠡ ᠮᠠᠭᠠᠵᠢᠭᠤᠷ ᠪᠣᠯ ᠠᠵᠢᠨᠠᠢ ᠬᠦᠯᠦᠭ ᠪᠠ ᠡᠵᠡᠨ ᠬᠣᠶᠠᠭᠤᠯᠠ ᠬᠠᠷᠢᠯᠴᠠᠨ ᠡᠨᠡᠭᠰᠢᠬᠦ ᠶ᠋ᠢᠨ ᠳᠣᠮᠨᠣᠭᠤᠷ ᠶᠤᠮ᠃ ᠬᠣᠶᠠᠷ ᠲᠤ᠂ ᠮᠠᠭᠠᠵᠢᠭᠤᠷ ᠤ᠋ᠨ ᠦᠵᠦᠭᠦᠷ ᠪᠣᠯ ᠲᠤᠭᠤᠷᠠᠢ ᠳ᠋ᠤ᠌ ᠨᠠᠭᠠᠯᠳᠤᠭᠰᠠᠨ ᠦᠲᠦᠭ ᠰᠢᠭᠡᠭ ᠢ᠋ ᠠᠷᠢᠯᠭᠠᠬᠤ ᠠᠯᠤᠬᠠ ᠮᠥᠨ᠃ ᠲᠤᠰᠬᠠᠢ ᠬᠢᠴᠡ ᠲᠡᠢ ᠮᠠᠭᠠᠵᠢᠭᠤᠷ ᠤ᠋ᠨ ᠲᠣᠯᠣᠭᠠᠢ ᠳᠡᠭᠡᠷᠡ ᠨᠢ ᠵᠢᠭᠠᠬᠠᠨ ᠱᠣᠷᠣ ᠲᠠᠢ ᠪᠥᠭᠡᠳ ᠪᠠᠷᠢᠭᠤᠯ ᠳᠡᠭᠡᠷᠡ ᠨᠢ ᠳᠥᠷᠪᠡᠯᠵᠢᠨ ᠨᠦᠬᠡ ᠲᠡᠢ ᠪᠠᠢᠳᠠᠭ᠃ ᠡᠪᠦᠯ ᠦ᠋ᠨ ᠴᠠᠭ ᠲᠤ ᠮᠣᠷᠢᠨ ᠵᠥᠴᠢᠶᠡ ᠶ᠋ᠢᠨ ᠦᠲᠦᠭ ᠰᠢᠭᠡᠭ ᠨᠢ ᠲᠤᠭᠤᠷᠠᠢ ᠳᠣᠣᠷᠠ ᠨᠢ ᠨᠠᠭᠠᠯ ᠲᠤ ᠵᠤ ᠬᠥᠯᠳᠡᠭᠡᠳ ᠮᠣᠷᠢ ᠠᠯᠬᠤᠵᠤ ᠭᠢᠰᠬᠢᠵᠦ ᠪᠣᠯᠬᠤ ᠦᠭᠡᠢ ᠪᠣᠯᠳᠠᠭ᠃ ᠮᠠᠭᠠᠵᠢᠭᠤᠷ ᠤ᠋ᠨ ᠵᠢᠭᠠᠬᠠᠨ ᠪᠤᠯᠲᠠᠢᠵᠤ ᠭᠠᠷᠤᠭᠰᠠᠨ ᠦᠵᠦᠭᠦᠷ ᠪᠣᠯ ᠡᠢᠮᠦᠷᠬᠦᠦ ᠬᠥᠯᠳᠡᠭᠦᠦ ᠰᠢᠷᠣᠢ ᠶ᠋ᠢ ᠠᠷᠢᠯᠭᠠᠬᠤ ᠲᠤᠰᠬᠠᠢ ᠪᠠᠭᠠᠵᠢ ᠮᠥᠨ᠃ ᠡᠨᠡ ᠬᠦ᠌ ᠦᠵᠦᠭᠦᠷ ᠨᠢ ᠤᠷᠲᠤ ᠣᠬᠣᠷ ᠨᠢ ᠲᠣᠬᠢᠷᠠᠮᠵᠢᠲᠠᠢ᠂ ᠲᠤᠰᠬᠠᠢ ᠲᠣᠪᠯᠠᠵᠤ ᠬᠢᠭᠰᠡᠨ ᠲᠤᠯᠠ ᠲᠤᠭᠤᠷᠠᠢ ᠶ᠋ᠢᠨ ᠭᠠᠬᠠᠢ ᠪᠤᠶᠤ ᠵᠥᠭᠡᠯᠡᠨ ᠤᠯᠠ ᠶ᠋ᠢ ᠰᠢᠷᠬᠠᠲᠤᠭᠤᠯᠬᠤ ᠦᠭᠡᠢ ᠪᠠᠢᠳᠠᠭ ᠤᠬᠠᠭᠠᠨ ᠲᠠᠢ᠃ ᠭᠤᠷᠪᠠ ᠳ᠋ᠤ᠌᠂ ᠪᠠᠷᠢᠭᠤᠯ ᠨᠢ ᠲᠠᠬᠠ ᠶ᠋ᠢᠨ ᠬᠠᠳᠠᠭᠠᠰᠤ ᠶ᠋ᠢ ᠵᠠᠰᠠᠬᠤ ᠥᠷᠥᠯᠪᠢ ᠮᠥᠨ᠃ ᠵᠠᠮ ᠶᠠᠪᠤᠬᠤ᠂ ᠬᠤᠷᠳᠤᠨ ᠳᠠᠪᠬᠢᠬᠤ ᠠ᠋ᠴᠠ ᠪᠣᠯᠤᠭᠠᠳ ᠲᠠᠬᠠᠨ ᠬᠠᠳᠠᠭᠠᠰᠤ ᠦᠷᠭᠦᠯᠵᠢ ᠬᠠᠵᠠᠢᠬᠤ ᠪᠤᠶᠤ ᠮᠤᠷᠤᠢᠳᠠᠭ᠃ ᠮᠠᠭᠠᠵᠢᠭᠤᠷ ᠤ᠋ᠨ ᠪᠠᠷᠢᠭᠤᠯ ᠳᠡᠭᠡᠷᠡ ᠪᠠᠢᠭᠠ ᠳᠥᠷᠪᠡᠯᠵᠢᠨ ᠨᠦᠬᠡ ᠪᠣᠯ ᠬᠠᠳᠠᠭᠠᠰᠤᠨ ᠲᠣᠯᠣᠭᠠᠢ ᠬᠠᠵᠠᠢᠬᠤ ᠶ᠋ᠢ ᠵᠠᠰᠠᠬᠤ ᠬᠡᠷᠡᠭᠴᠡᠭᠡ ᠲᠡᠢ ᠪᠥᠭᠡᠳ ᠭᠠᠷ ᠲᠤ ᠡᠪᠲᠡᠢ᠂ ᠬᠦᠴᠦᠨ ᠳ᠋ᠦ᠍ ᠠᠷᠪᠢᠲᠠᠢ ᠥᠷᠥᠯᠪᠢ ᠶᠦᠮ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠶᠤᠨᠴᠡᠴᠡᠭ
ᠬᠢᠨᠠᠭᠴᠢ ᠄ ᠵ᠂ ᠪᠤᠶᠠᠨᠲᠣᠭᠲᠠᠬᠤ
ᠶᠡᠷᠦᠩᠬᠡᠢ ᠬᠢᠨᠠᠭᠴᠢ᠄ ᠤᠳᠬᠠᠨᠰᠤᠠ
ᠢᠷᠡᠯᠲᠡ᠄ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠤᠯᠠᠮᠵᠢᠯᠠᠯᠲᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠵᠢᠴᠢ ᠲᠡᠭᠦᠨ ᠦ᠌ ᠤᠬᠠᠭᠠᠨ
2023᠂11᠂18