ᠲᠥᠭᠡᠷᠢᠭᠰᠡᠨ ᠭᠦᠩᠵᠦТөөрсөн гүнж
814ᠲᠥᠭᠡᠷᠢᠭᠰᠡᠨ ᠭᠦᠩᠵᠦ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ ᠳᠠᠭᠤ ᠴᠠᠬᠢᠯᠭᠠᠨ ᠲᠠᠢ ᠪᠣᠷᠣᠭᠠ ᠠᠰᠬᠠᠷᠠᠭᠰᠠᠨ ᠨᠢᠭᠡᠨ ᠦᠳᠡᠰᠢ ᠡᠷᠴᠢᠯᠡᠨ ᠱᠤᠤᠭᠢᠬᠤ ᠳᠠᠯᠠᠢ ᠶ᠋ᠢᠨ ᠳᠠᠪᠠᠯᠭᠠ ᠨᠢᠭᠡᠨ ᠵᠡᠷᠭᠡ ᠳᠥᠩᠭᠡᠵᠦ ᠲᠥᠷᠥᠭᠰᠡᠨ ᠬᠣᠶᠠᠷ ᠥᠬᠢᠨ ᠦ᠌ ᠲᠤᠬᠠᠢ ᠮᠡᠳᠡᠭᠡ ᠶ᠋ᠢ ᠳᠣᠭᠣᠯᠭᠠᠬᠤ ᠪᠠᠷ ᠳᠠᠪᠠᠯᠭᠠᠯᠠᠨᠠ᠃
ᠨᠢᠭᠡ ᠥᠬᠢᠨ ᠨᠢ ᠳᠣᠷᠣᠨᠠ ᠵᠦᠭ ᠦ᠋ᠨ ᠬᠠᠭᠠᠨ ᠤ᠋ ᠭᠡᠷ ᠪᠦᠯᠢ ᠳ᠋ᠦ᠍ ᠲᠥᠷᠥᠭᠰᠡᠨ ᠭᠦᠩᠵᠦ ᠪᠠᠢᠯᠠ᠂ ᠡᠨᠡ ᠥᠬᠢᠨ ᠢ᠋ ᠨᠠᠤᠮᠢ ᠭᠡᠵᠦ ᠨᠡᠷᠡᠯᠡᠵᠡᠢ᠃
ᠬᠠᠷᠢᠨ ᠨᠥᠭᠦᠭᠡ ᠥᠬᠢᠨ ᠨᠢ ᠥᠷᠥᠨᠡ ᠨᠤᠲᠤᠭ ᠤ᠋ᠨ ᠵᠢᠷ ᠦ᠋ᠨ ᠨᠢᠭᠡ ᠬᠣᠨᠢᠴᠢᠨ ᠠᠢᠯ ᠳ᠋ᠤ᠌ ᠲᠥᠷᠥᠵᠡᠢ᠂ ᠲᠡᠭᠦᠨ ᠢ᠋ ᠳ᠋ᠢ᠍ᠽᠢ ᠭᠡᠵᠦ ᠨᠡᠷᠡᠯᠡᠵᠡᠢ ᠭᠡᠨᠡ᠃
ᠣᠨ ᠵᠢᠯ ᠤᠯᠠᠷᠢᠨ ᠥᠩᠭᠡᠷᠡᠭᠰᠡᠭᠡᠷ ᠨᠠᠤᠮᠢ ᠥᠬᠢᠨ ᠬᠠᠭᠠᠨ ᠠᠪᠤ ᠬᠠᠲᠤᠨ ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠬᠠᠢᠷᠠ ᠶ᠋ᠢ ᠪᠤᠯᠢᠶᠠᠭᠰᠠᠨ ᠥᠬᠢᠨ ᠪᠣᠯᠤᠯᠠ᠂ ᠬᠦᠰᠡᠭᠰᠡᠨ ᠪᠦᠬᠦᠨ ᠨᠢ ᠪᠡᠶᠡᠯᠡᠳᠡᠭ ᠪᠣᠯᠬᠣᠷ ᠥᠬᠢᠨ ᠠᠭᠠᠵᠢᠮ ᠳ᠋ᠤ᠌ ᠪᠠᠨ ᠶᠡᠬᠡᠷᠬᠡᠦ ᠵᠠᠩ ᠲᠠᠢ ᠪᠣᠯᠵᠠᠢ ᠭᠡᠨᠡ᠃
ᠨᠠᠤᠮᠢ᠄ ᠦ᠁᠂ ᠶᠠᠮᠠᠷ ᠦᠵᠡᠰᠬᠦᠯᠡᠩ ᠲᠡᠢ ᠶᠦᠮ ᠪᠣᠢ! ᠡᠵᠢ ᠠ᠋᠂ ᠠᠪᠤ ᠠ᠋᠂ ᠪᠢ ᠰᠠᠷᠠ ᠶ᠋ᠢ ᠠᠪᠤᠮᠠᠷ ᠪᠠᠢᠨᠠ᠃
ᠡᠵᠢ᠄ ᠰᠠᠷᠠ ᠭᠡᠨᠡ? ᠭᠡᠬᠦ ᠳ᠋ᠦ᠍ ᠪᠡᠨ ᠶᠠᠭᠠᠬᠢᠵᠤ? ᠨᠠᠤᠮᠢ᠄ ᠶᠠᠭᠠᠬᠢᠵᠤ ᠭᠡᠳᠡᠭ ᠨᠢ ᠨᠠᠳᠠ ᠳ᠋ᠤ᠌ ᠬᠠᠮᠢᠶᠠ ᠦᠭᠡᠢ᠂ ᠪᠢ ᠰᠠᠷᠠ ᠶ᠋ᠢ ᠠᠪᠤᠮᠠᠷ ᠪᠠᠢᠨᠠ᠃
ᠡᠵᠢ᠄ ᠭᠡᠬᠦ ᠳ᠋ᠦ᠍ ᠪᠡᠨ᠁
ᠠᠪᠤ᠄ ᠳᠡᠭᠡᠯ ᠦᠭᠡᠢ ᠶᠠᠭᠠᠬᠢᠬᠤᠪ ᠳᠠ᠂ ᠬᠣᠩᠭᠣᠷ ᠮᠢᠨᠢ᠂ ᠦ᠂ ᠵᠥ᠂ ᠵᠥ᠂ᠵᠥ᠁ ᠬᠠᠷᠠᠭᠤᠯ᠂ ᠰᠠᠷᠠ ᠶ᠋ᠢ ᠣᠳᠣᠬᠠᠨ ᠠᠪᠴᠢᠷᠠᠵᠤ ᠭᠦᠩᠵᠦ ᠳ᠋ᠦ᠍ ᠥᠭ᠂ ᠠ᠋᠁
ᠬᠠᠷᠠᠭᠤᠯ᠄ ᠬᠡ᠁᠂ ᠵᠠ ᠮᠡᠳᠡᠯᠡ ᠡᠷᠬᠢᠮ ᠳᠡᠭᠡᠳᠦᠰ ᠠ᠋᠂
ᠠᠪᠤ᠄ ᠵᠠ᠂ ᠮᠠᠢ᠂ ᠥᠬᠢᠨ ᠮᠢᠨᠢ᠂ ᠣᠳᠣ ᠰᠠᠷᠠ ᠴᠢᠨᠦᠬᠢ ᠪᠣᠯᠤᠭᠰᠠᠨ᠂ ᠦ᠂ ᠵᠦ᠂ ᠵᠦ᠂ ᠵᠦ᠁
ᠨᠠᠤᠮᠢ᠄ ᠲᠡᠢᠮᠦ ᠠ᠋᠂
ᠬᠠᠷᠢᠨ ᠡᠨᠡ ᠦᠶᠡ ᠳ᠋ᠦ᠍ ᠬᠣᠨᠢᠴᠢᠨ ᠤ᠋ ᠭᠡᠷ ᠲᠦ᠍᠂
ᠳ᠋ᠢ᠍ᠽᠢ ᠶ᠋ᠢᠨ ᠡᠵᠢ᠄ ᠳ᠋ᠢ᠍ᠽᠢ ᠥᠷᠥᠭᠡ ᠪᠡᠨ ᠴᠡᠪᠡᠷᠯᠡᠭᠡᠷᠡᠢ᠂
ᠳ᠋ᠢ᠍ᠽᠢ ᠄ ᠡᠵᠢ ᠠ᠋᠂ ᠮᠢᠨᠦ ᠳᠠᠰᠢᠨᠵᠠ ᠮᠠᠭᠤᠬᠠᠢ ᠪᠣᠯᠴᠢᠬᠠᠨᠠ ᠰᠢᠳᠡ᠂ ᠲᠠ ᠥᠪᠡᠷ ᠢ᠋ᠶ᠋ᠡᠨ ᠴᠡᠪᠡᠷᠯᠡᠴᠢᠬᠡ᠂
ᠡᠵᠢ᠄ ᠠ᠂ ᠵᠠ᠂ ᠵᠠ᠂ ᠣᠢᠯᠠᠭᠠᠯᠠ ᠥᠬᠢᠨ ᠮᠢᠨᠢ᠂
ᠳ᠋ᠢ᠍ᠽᠢ ᠬᠡᠲᠦᠷᠬᠡᠢ ᠪᠤᠷᠤᠭᠤ ᠡᠷᠬᠡᠯᠡᠵᠦ ᠥᠰᠦᠭᠰᠡᠨ ᠡᠴᠡ ᠪᠣᠯᠤᠭᠠᠳ ᠶᠡᠬᠡ ᠪᠠᠷᠳᠠᠮ ᠪᠣᠯᠵᠠᠢ ᠭᠡᠨᠡ᠃
ᠳ᠋ᠢ᠍ᠽᠢ ᠄ ᠪᠢ ᠬᠠᠮᠤᠭ ᠤ᠋ᠨ ᠬᠥᠭᠡᠷᠦᠬᠦᠨ ᠥᠬᠢᠨ ᠪᠢᠰᠢ ᠭᠡᠵᠢ ᠤᠤ?
ᠨᠠᠤᠮᠢ᠄ ᠪᠢ ᠬᠠᠮᠤᠭ ᠤ᠋ᠨ ᠰᠢᠯᠢᠳᠡᠭ ᠨᠢ ᠪᠢᠰᠢ ᠭᠡᠵᠢ ᠤᠤ?
ᠳ᠋ᠢ᠍ᠽᠢ ᠄ ᠪᠢ ᠬᠠᠮᠤᠭ ᠤ᠋ᠨ ᠬᠥᠭᠡᠷᠦᠬᠦᠨ ᠪᠢᠰᠢ ᠭᠡᠵᠢ ᠤᠤ?
ᠨᠠᠤᠮᠢ᠄ ᠪᠢ ᠬᠠᠮᠤᠭ ᠤ᠋ᠨ ᠬᠥᠭᠡᠷᠦᠬᠦᠨ᠂ ᠬᠠᠮᠤᠭ ᠤ᠋ᠨ ᠬᠥᠭᠡᠷᠦᠬᠦᠨ᠂ ᠠ᠂ ᠬᠠ ᠬᠠ
ᠳ᠋ᠢ᠍ᠽᠢ ᠄ ᠪᠢ ᠬᠠᠮᠤᠭ ᠤ᠋ᠨ ᠰᠢᠯᠢᠳᠡᠭ ᠨᠢ᠁
ᠰᠢᠳᠢᠲᠡᠨ᠄ᠠᠳᠠᠯᠢᠬᠠᠨ ᠨᠢᠭᠡ ᠣᠳᠣᠨ ᠳ᠋ᠤ᠌ ᠲᠥᠷᠥᠭᠰᠡᠨ ᠪᠣᠯᠤᠭᠠᠳ ᠴᠤ᠌ ᠲᠡᠷᠡ ᠤᠤ᠂ ᠵᠥᠷᠢᠭᠦᠳ ᠬᠡᠦᠬᠡᠳ ᠦ᠋ᠳ ᠶᠦᠮ ᠠ᠋᠂ ᠠᠷᠪᠠᠨ ᠨᠠᠢ᠍ᠮᠠᠨ ᠨᠠᠰᠤ ᠬᠦᠷᠬᠦ ᠪᠡᠷ ᠴᠢᠨᠢ ᠬᠣᠶᠠᠭᠤᠯᠠᠨ ᠢ᠋ ᠴᠢᠨᠢ ᠰᠤᠷᠭᠠᠭᠠᠳ ᠥᠭᠭᠦᠨᠡ ᠃
ᠢᠩᠭᠢᠭᠡᠳ ᠠᠷᠪᠠᠨ ᠨᠠᠢ᠍ᠮᠠᠨ ᠨᠠᠰᠤ ᠬᠦᠷᠬᠦ ᠦᠶᠡ ᠳ᠋ᠦ᠍ ᠨᠢ ᠰᠢᠳᠢᠲᠡᠨ ᠨᠠᠤᠮᠢ ᠶ᠋ᠢᠨ ᠣᠷᠳᠣᠨ ᠳ᠋ᠤ᠌ ᠣᠴᠢᠬᠤ ᠪᠠᠷ ᠰᠢᠢᠳᠦᠯᠡ᠃
ᠨᠠᠤᠮᠢ᠄ ᠠ᠂ ᠬᠡᠨᠴᠤ ᠮᠢᠨᠦ ᠦᠭᠡ ᠶ᠋ᠢ ᠰᠣᠨᠣᠰᠬᠤ ᠦᠭᠡᠢ ᠶᠦᠮ ᠠ᠋᠂ ᠪᠢ ᠡᠨᠡ ᠣᠷᠳᠣᠨ ᠠ᠋ᠴᠠ ᠵᠠᠯᠬᠠᠵᠤ ᠪᠠᠢᠨᠠ᠂ᠰᠢᠳᠢᠲᠡᠨ᠄ᠨᠡᠭᠡᠷᠡᠨ ᠤᠤ?
ᠨᠠᠤᠮᠢ᠄ ᠦ᠂ ᠲᠠ ᠬᠡᠨ ᠪᠣᠢ?
ᠰᠢᠳᠢᠲᠡᠨ᠄ ᠪᠢ ᠰᠢᠳᠢᠲᠦ ᠵᠠᠭᠠᠯᠮᠠᠢᠯᠠᠭᠰᠠᠨ ᠡᠬᠡ ᠴᠢᠨᠢ ᠪᠠᠢᠨᠠ᠂
ᠨᠠᠤᠮᠢ᠄ ᠰᠢᠳᠢᠲᠦ ᠶᠠᠮᠠᠷ ᠡᠬᠡ ᠭᠡᠨᠡ?
ᠰᠢᠳᠢᠲᠡᠨ᠄ ᠴᠢ ᠣᠷᠳᠣᠨ ᠳ᠋ᠤ᠌ ᠪᠠᠢᠬᠤ ᠠ᠋ᠴᠠ ᠵᠠᠯᠬᠠᠵᠤ ᠪᠠᠢᠨᠠ ᠭᠡᠰᠡᠨ ᠤᠤ? ᠴᠢᠮᠠ ᠳ᠋ᠤ᠌ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠬᠦᠰᠡᠭᠰᠡᠨ ᠭᠠᠵᠠᠷ ᠠᠮᠢᠳᠤᠷᠠᠬᠤ ᠪᠣᠯᠤᠮᠵᠢ ᠶ᠋ᠢ ᠥᠭᠪᠡᠯ ᠴᠢ ᠵᠥᠪᠰᠢᠶᠡᠷᠡᠬᠦ ᠤᠤ?
ᠨᠠᠤᠮᠢ᠄ ᠠ᠋᠂ ᠡᠨᠳᠡ ᠡᠴᠡ ᠯᠡ ᠬᠤᠷᠳᠤᠨ ᠶᠠᠪᠤᠮᠠᠷ ᠪᠠᠢᠨᠠ᠂ ᠢᠩᠭᠢᠬᠦ ᠳ᠋ᠦ᠍ ᠶᠠᠭᠠᠬᠢᠭᠠᠳ ᠨᠠᠳᠠ ᠳ᠋ᠤ᠌ ᠲᠤᠰᠠᠯᠠᠬᠤ ᠭᠡᠳ ᠪᠠᠢᠳᠠᠭ ᠪᠢᠯᠡ?
ᠰᠢᠳᠢᠲᠡᠨ᠄ ᠪᠢ ᠴᠢᠨᠦ ᠰᠢᠳᠢᠲᠦ ᠵᠠᠭᠠᠯᠮᠠᠢᠯᠠᠭᠰᠠᠨ ᠡᠬᠡ ᠭᠡᠵᠦ ᠬᠡᠯᠡᠭᠰᠡᠨ ᠪᠢᠵᠡ ᠳᠡ᠂
ᠨᠠᠤᠮᠢ ᠭᠡᠨᠡᠳᠲᠡ ᠨᠢᠳᠦ ᠡᠷᠢᠶᠡᠯᠵᠢᠯᠡᠬᠦ ᠠᠰᠤᠷᠤ ᠲᠣᠮᠣ ᠵᠢᠷᠤᠭ ᠤ᠋ᠨ ᠭᠢᠯᠠᠷᠠᠢ ᠳ᠋ᠤ᠌ ᠢᠷᠡᠴᠢᠬᠡᠯᠡ᠃
ᠨᠠᠤᠮᠢ᠄ ᠶᠠᠭᠤ! ᠪᠢ ᠬᠠᠮᠢᠭᠠ ᠨᠢ ᠪᠠᠢᠨᠠ?
ᠰᠢᠳᠢᠲᠦ ᠵᠢᠷᠤᠭ᠄ ᠠ᠋᠁ ᠰᠠᠢᠨ ᠪᠠᠢᠨᠠ ᠤᠤ? ᠴᠢ ᠰᠣᠩᠭᠣᠯᠲᠠ ᠶ᠋ᠢᠨ ᠥᠷᠥᠭᠡᠨ ᠳ᠋ᠦ᠍ ᠪᠠᠢᠨᠠ᠂ ᠪᠢᠳᠡ ᠨᠠᠷ ᠰᠢᠳᠢᠲᠦ ᠵᠢᠷᠤᠭ ᠤ᠋ᠳ ᠪᠠᠢᠭᠠ ᠶᠤᠮ᠂ ᠴᠢ ᠬᠦᠰᠡᠭᠰᠡᠨ ᠭᠠᠵᠠᠷ ᠤᠷᠤᠭᠤ ᠪᠠᠨ ᠣᠴᠢᠵᠤ ᠪᠣᠯᠤᠨᠠ᠂ ᠬᠦᠰᠡᠭᠰᠡᠨ ᠭᠠᠵᠠᠷ ᠤᠷᠤᠭᠤ ᠪᠠᠨ!
ᠰᠢᠳᠢᠲᠦ ᠵᠢᠷᠤᠭ᠄ ᠲᠡᠢᠮᠦ ᠠ᠋᠂ ᠲᠡᠢᠮᠦ ᠠᠴᠠ ᠨᠠᠮᠠ ᠶ᠋ᠢ ᠰᠣᠩᠭᠣ᠃
ᠰᠢᠳᠢᠲᠦ ᠵᠢᠷᠤᠭ᠄ ᠦᠭᠡᠢ᠂ ᠨᠠᠮᠠ ᠶ᠋ᠢ ᠰᠣᠩᠭᠣ᠂ ᠨᠠᠮᠠ ᠶ᠋ᠢ ᠰᠣᠩᠭᠣ᠂ ᠨᠠᠮᠠ ᠶ᠋ᠢ ᠰᠣᠩᠭᠣ
ᠦᠭᠡᠢ᠂ ᠨᠠᠮᠠ ᠶ᠋ᠢ ᠰᠣᠩᠭᠣ᠃
ᠨᠠᠤᠮᠢ᠄ ᠦ᠁
ᠨᠠᠤᠮᠢ ᠡᠪᠡᠰᠦ ᠨᠣᠭᠣᠭᠠ ᠬᠠᠯᠢᠭᠤᠷᠠᠭᠰᠠᠨ ᠨᠤᠭᠤ ᠲᠠᠢ ᠡᠴᠦᠰ ᠲᠡᠭᠦᠰᠬᠡᠯ ᠦᠭᠡᠢ ᠦᠷᠭᠦᠯᠵᠢᠯᠡᠨ ᠤᠷᠤᠰᠬᠤ ᠮᠢᠷᠠᠯᠵᠠᠨ ᠳᠣᠯᠭᠢᠶᠠᠯᠠᠬᠤ ᠤᠷᠤᠰᠬᠠᠯ ᠤᠰᠤ ᠲᠠᠢ ᠵᠢᠷᠤᠭ ᠤᠷᠤᠭᠤ ᠬᠠᠷᠠᠯᠠ᠃
ᠨᠠᠤᠮᠢ᠄ ᠨᠠᠳᠠ ᠳ᠋ᠤ᠌᠂ ᠨᠠᠳᠠ ᠳ᠋ᠤ᠌᠂ ᠡᠨᠡ ᠵᠢᠷᠤᠭ ᠯᠠ ᠨᠠᠮᠠ ᠶ᠋ᠢ ᠳᠠᠭᠤᠳᠠᠭᠠᠳ ᠪᠠᠢᠭᠠ ᠶᠤᠮ ᠰᠢᠭ᠋ ᠰᠠᠨᠠᠭᠳᠠᠭᠠᠳ ᠪᠠᠢᠨᠠ᠂ ᠪᠢ ᠡᠨᠡ ᠵᠢᠷᠤᠭ ᠢ᠋ ᠰᠣᠩᠭᠣᠯᠠ᠃
ᠭᠦᠩᠵᠦ ᠣᠷᠣᠭᠰᠢ ᠠᠯᠬᠤᠭᠠᠳ ᠤᠷᠠᠨ ᠵᠢᠷᠤᠭ ᠤᠷᠤᠭᠤ ᠠᠭᠤᠰᠤᠨ ᠣᠷᠣᠯᠠ᠃
ᠡᠨᠡ ᠦᠶᠡ ᠳ᠋ᠦ᠍ ᠰᠢᠳᠢᠲᠡᠨ ᠳ᠋ᠢ᠍ᠽᠢ ᠲᠡᠢ ᠠᠭᠤᠯᠵᠠᠬᠤ ᠪᠠᠷ ᠶᠠᠪᠤᠵᠤ ᠪᠠᠢᠯᠠ᠃
ᠳ᠋ᠢ᠍ᠽᠢ ᠄ᠮᠢᠨᠦ ᠴᠡᠪᠡᠷᠬᠡᠨ ᠭᠠᠷ᠂ ᠶᠠᠭᠠᠬᠢᠵᠤ ᠨᠠᠮᠠ ᠶ᠋ᠢ ᠡᠢᠮᠦ ᠠᠵᠢᠯ ᠬᠢ ᠭᠡᠵᠦ ᠬᠡᠯᠡᠵᠦ ᠴᠢᠳᠠᠵᠤ ᠪᠠᠢᠨᠠ᠂ ᠪᠢ ᠡᠨᠳᠡ ᠴᠢᠨᠠᠭᠰᠢᠳᠠ ᠪᠠᠢᠵᠤ ᠴᠢᠳᠠᠬᠤ ᠦᠭᠡᠢ ᠨᠢ ᠠ᠋᠂
ᠰᠢᠳᠢᠲᠡᠨ᠄ ᠲᠡᠢᠮᠦ ᠭᠡᠵᠢ ᠤᠤ?
ᠳ᠋ᠢ᠍ᠽᠢ ᠄ ᠦ᠁ ᠲᠠ ᠬᠡᠨ ᠪᠣᠢ?
ᠰᠢᠳᠢᠲᠦ ᠵᠠᠭᠠᠯᠮᠠᠢᠯᠠᠭᠰᠠᠨ ᠡᠬᠡ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠲᠤᠬᠠᠢ ᠬᠡᠯᠡᠭᠰᠡᠨ ᠪᠣᠯᠪᠠᠴᠤ᠂ ᠳ᠋ᠢ᠍ᠽᠢ ᠡᠷᠡᠭᠡᠯᠵᠡᠭᠰᠡᠨ ᠬᠠᠷᠠᠴᠠ ᠪᠠᠷ ᠬᠠᠷᠠᠵᠤ ᠪᠠᠢᠯᠠ᠃
ᠳ᠋ᠢ᠍ᠽᠢ ᠄ ᠪᠢ ᠲᠠᠨ ᠳ᠋ᠤ᠌ ᠶᠠᠭᠠᠬᠢᠵᠤ ᠢᠲᠡᠭᠡᠬᠦ ᠪᠣᠯᠵᠤ ᠪᠠᠢᠨᠠ?
ᠰᠢᠳᠢᠲᠡᠨ᠄ ᠬᠡᠩ ᠁ᠠᠷᠪᠠᠨ ᠵᠢᠷᠭᠤᠭᠠᠨ ᠨᠠᠰᠤᠨ ᠤ᠋ ᠲᠥᠷᠥᠭᠰᠡᠨ ᠡᠳᠦᠷ ᠢ᠋ᠶ᠋ᠡᠷ ᠴᠢ ᠬᠦᠰᠡᠭᠰᠡᠨ ᠪᠡᠯᠡᠭ ᠢ᠋ᠶ᠋ᠡᠨ ᠠᠪᠴᠤ ᠴᠢᠳᠠᠭᠠ ᠦᠭᠡᠢ ᠪᠣᠯᠬᠣᠷ ᠡᠳᠦᠷᠵᠢᠨ ᠢᠶᠠᠨ ᠤᠬᠢᠯᠠᠭᠰᠠᠨ ᠪᠢᠵᠡ ᠳᠡ᠂
ᠳ᠋ᠢ᠍ᠽᠢ ᠄ ᠦ᠁ ᠲᠠ ᠶᠠᠭᠠᠬᠢᠵᠤ ᠮᠡᠳᠡᠭᠰᠡᠨ ᠶᠦ᠍ᠮ ᠪᠣᠢ?
ᠰᠢᠳᠢᠲᠡᠨ᠄ ᠪᠢ ᠬᠡᠯᠡᠭᠰᠡᠨ ᠰᠢᠦ ᠳᠡ᠂ ᠪᠢ ᠴᠢᠨᠦ ᠰᠢᠳᠢᠲᠦ ᠵᠠᠭᠠᠯᠮᠠᠢᠯᠠᠭᠰᠠᠨ ᠡᠬᠡ᠂
ᠳ᠋ᠢ᠍ᠽᠢ ᠄ ᠠᠢ ᠯᠠ ᠯᠠ᠂ ᠲᠡᠭᠡᠬᠦ ᠪᠡᠷ ᠰᠢᠳᠢᠲᠦ ᠵᠠᠭᠠᠯᠮᠠᠢᠯᠠᠭᠰᠠᠨ ᠡᠬᠡ ᠠ᠋᠂ ᠲᠠ ᠨᠠᠮᠠ ᠶ᠋ᠢ ᠡᠨᠳᠡ ᠡᠴᠡ ᠶᠠᠪᠤᠭᠤᠯᠵᠤ ᠴᠢᠳᠠᠬᠤ ᠤᠤ?
ᠰᠢᠳᠢᠲᠡᠨ᠄ ᠴᠢᠳᠠᠯ ᠦᠭᠡᠢ ᠶᠠᠭᠠᠬᠢᠬᠤᠪ᠂
ᠳ᠋ᠢ᠍ᠽᠢ ᠄ ᠠ᠁ ᠪᠢ ᠬᠠᠮᠢᠭᠠ ᠨᠢ ᠢᠷᠡᠴᠢᠬᠡᠪᠡ?
ᠰᠢᠳᠢᠲᠦ ᠵᠢᠷᠤᠭ᠄ ᠴᠢ ᠰᠣᠩᠭᠣᠯᠲᠠ ᠶ᠋ᠢᠨ ᠥᠷᠥᠭᠡᠨ ᠳ᠋ᠦ᠍ ᠪᠠᠢᠨᠠ᠂
ᠡᠳᠡᠭᠡᠷ ᠰᠢᠳᠢᠲᠦ ᠵᠢᠷᠤᠭ ᠤ᠋ᠳ ᠤᠷᠤᠭᠤ ᠣᠷᠣᠭᠠᠳ ᠬᠦᠰᠡᠭᠰᠡᠨ ᠭᠠᠵᠠᠷ ᠲᠤ ᠪᠠᠨ ᠣᠴᠢᠵᠤ ᠪᠣᠯᠤᠨᠠ ᠰᠢᠦ᠂
ᠳ᠋ᠢ᠍ᠽᠢ ᠄ ᠦ᠂ ᠪᠢ ᠠᠯᠢ ᠶ᠋ᠢ ᠨᠢ ᠰᠣᠩᠭᠣᠬᠤ ᠪᠣᠢ?
ᠨᠠᠮᠠ ᠶ᠋ᠢ ᠰᠣᠩᠭᠣ᠂ ᠨᠠᠮᠠ ᠶ᠋ᠢ᠂ ᠨᠠᠮᠠ ᠶ᠋ᠢ᠂ ᠨᠠᠮᠠ ᠶ᠋ᠢ
ᠳ᠋ᠢ᠍ᠽᠢ ᠣᠯᠠᠨ ᠰᠠᠢᠬᠠᠨ ᠵᠢᠷᠤᠭ ᠤ᠋ᠳ ᠢ᠋ ᠬᠠᠷᠠᠭᠠᠳ ᠰᠢᠢᠳᠴᠦ ᠶᠠᠳᠠᠵᠤ ᠪᠠᠢᠯᠠ᠂
ᠳ᠋ᠢ᠍ᠽᠢ ᠄ ᠡᠩ᠂ ᠡᠨᠡ ᠮᠢᠨᠦ᠂ ᠤᠢᠳᠬᠠᠷ ᠲᠠᠢ ᠭᠡᠷ ᠪᠠᠢᠨᠠ᠂ ᠪᠠᠢᠵᠠ᠂ ᠡᠨᠡ ᠥᠬᠢᠨ ᠴᠢᠨᠢ ᠬᠡᠨ ᠪᠢᠯᠡ?
ᠲᠡᠷᠡ ᠥᠬᠢᠨ ᠨᠠᠤᠮᠢ ᠪᠠᠢᠯᠠ᠂ᠭᠡᠪᠡᠴᠦ ᠳ᠋ᠢ᠍ᠽᠢ ᠳ᠋ᠦ᠍ ᠲᠠᠭᠠᠯᠠᠭᠳᠠᠭᠰᠠᠨ ᠦᠭᠡᠢ᠂ ᠲᠡᠷᠡ ᠴᠠᠭᠠᠰᠢ ᠶᠠᠪᠤᠯᠠ᠃ ᠢᠩᠭᠢᠭᠡᠳ ᠨᠠᠤᠮᠢ ᠶ᠋ᠢᠨ ᠭᠠᠢᠬᠠᠯᠲᠠᠢ ᠰᠠᠢᠬᠠᠨ ᠲᠤᠭ ᠨᠠᠮᠢᠷᠠᠭᠰᠠᠨ ᠰᠦᠷᠯᠢᠭ ᠰᠠᠢᠬᠠᠨ ᠣᠷᠳᠣᠨ ᠲᠠᠢ ᠵᠢᠷᠤᠭ ᠢ᠋ ᠬᠠᠷᠠᠯᠠ᠃
ᠳ᠋ᠢ᠍ᠽᠢ ᠄ ᠡᠨᠡ ᠲᠡᠭᠦᠰ ᠵᠢᠷᠤᠭ ᠪᠠᠢᠨᠠ᠂ ᠣᠷᠳᠣᠨ᠂ ᠡᠩ᠂ ᠬᠥᠥᠭ ᠠᠵᠠ ᠵᠢᠷᠭᠠᠯ ᠲᠠᠢ ᠮᠢᠰᠢᠶᠡᠭᠰᠡᠭᠡᠷ ᠥᠬᠢᠨ ᠵᠢᠷᠤᠭ ᠤᠷᠤᠭᠤ ᠪᠣᠯᠭᠣᠮᠵᠢᠲᠠᠢ ᠣᠷᠣᠯᠠ᠂ ᠥᠬᠢᠳ ᠨᠢᠭᠡ ᠨᠢᠭᠡᠨ ᠦ᠌ ᠪᠡᠨ ᠲᠥᠷᠥᠭᠰᠡᠨ ᠨᠤᠲᠤᠭ ᠲᠤ ᠣᠴᠢᠵᠠᠭᠠᠪᠠ᠃ ᠲᠡᠳᠡᠨ ᠢ᠋ ᠰᠢᠳᠢᠲᠦ ᠵᠠᠭᠠᠯᠮᠠᠢᠯᠠᠭᠰᠠᠨ ᠡᠬᠡ ᠬᠠᠷᠠᠵᠤ ᠪᠠᠢᠯᠠ᠃
ᠡᠨᠡ ᠦᠶᠡ ᠳ᠋ᠦ᠍ ᠨᠠᠤᠮᠢ ᠶ᠋ᠢᠨ ᠡᠵᠢ ᠠᠪᠤ ᠥᠬᠢᠨ ᠢ᠋ᠶ᠋ᠡᠨ ᠠᠯᠠᠭᠠ ᠪᠣᠯᠤᠭᠰᠠᠨ ᠳ᠋ᠤ᠌ ᠭᠠᠰᠢᠭᠤᠳᠠᠵᠤ ᠪᠠᠢᠯᠠ᠃ ᠬᠠᠭᠠᠨ ᠴᠡᠷᠢᠭ ᠦ᠋ᠳ ᠢ᠋ᠶ᠋ᠡᠨ ᠶᠠᠪᠤᠭᠤᠯᠵᠤ ᠤᠯᠤᠰ ᠣᠷᠣᠨ ᠤ᠋ ᠪᠠᠨ ᠥᠨᠴᠥᠭ ᠪᠤᠯᠤᠩ ᠪᠦᠷᠢ ᠶ᠋ᠢ ᠰᠢᠯᠭᠠᠭᠤᠯᠤᠭᠰᠠᠨ ᠪᠣᠯᠪᠠᠴᠤ ᠥᠬᠢᠨ ᠢ᠋ᠶ᠋ᠡᠨ ᠣᠯᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃
ᠳ᠋ᠢ᠍ᠽᠢ ᠄ ᠦ᠂ ᠶᠠᠮᠠᠷ ᠰᠦᠷᠯᠢᠭ ᠶᠦᠮ ᠪᠣᠢ? ᠡᠢᠰᠢ ᠪᠡᠨ ᠶᠠᠭᠠᠬᠢᠵᠤ ᠣᠷᠣᠬᠤ ᠤᠤ?
ᠭᠡᠨᠡᠳᠲᠡ ᠣᠷᠳᠣᠨ ᠤ᠋ ᠰᠢᠪᠡᠭᠴᠢᠨ ᠢ᠋ ᠣᠯᠵᠤ ᠬᠠᠷᠠᠯᠠ᠃
ᠳ᠋ᠢ᠍ᠽᠢ ᠄ ᠠ᠂ ᠡᠨᠡ ᠡᠮᠡᠭᠲᠡᠢ ᠣᠷᠳᠣᠨ ᠳ᠋ᠤ᠌ ᠠᠵᠢᠯᠯᠠᠳᠠᠭ ᠶᠤᠮ ᠰᠢᠭ᠋ ᠪᠠᠢᠨᠠ᠂ ᠪᠢ ᠴᠤ᠌ ᠭᠡᠰᠡᠨ ᠠᠵᠢᠯ ᠬᠢᠶᠡ᠂ ᠲᠡᠭᠡᠵᠦ ᠯᠡ ᠣᠷᠳᠣᠨ ᠳ᠋ᠤ᠌ ᠣᠷᠣᠵᠤ ᠦᠵᠡᠬᠦ ᠡᠴᠡ᠂
ᠢᠩᠭᠢᠭᠡᠳ ᠳ᠋ᠢ᠍ᠽᠢ ᠬᠠᠭᠠᠨ ᠤ᠋ ᠭᠠᠯ ᠲᠣᠭᠣᠭᠠᠨ ᠳ᠋ᠤ᠌ ᠠᠵᠢᠯ ᠳ᠋ᠤ᠌ ᠣᠷᠣᠯᠠ᠃
ᠬᠠᠷᠢᠨ ᠭᠡᠷ ᠲᠤ ᠨᠢ ᠡᠵᠢ ᠠᠪᠤ ᠶ᠋ᠢᠨ ᠬᠢᠨᠢ ᠰᠠᠨᠠᠭᠠ ᠨᠢ ᠵᠣᠪᠠᠵᠤ᠂ ᠥᠬᠢᠨ ᠢ᠋ᠶ᠋ᠡᠨ ᠣᠢᠭᠠ ᠦᠭᠡᠢ ᠡᠷᠢᠵᠦ ᠬᠠᠢᠵᠤ ᠪᠠᠢᠯᠠ᠂
ᠡᠵᠢ᠄ ᠳ᠋ᠢ᠍ᠽᠢ ᠡ᠁ ᠮᠢᠨᠦ ᠥᠬᠢᠨ ᠬᠠᠮᠢᠭᠠ ᠨᠢ ᠪᠠᠢᠨᠠ? ᠦ᠁
ᠬᠣᠨᠢᠴᠢᠨ ᠤ᠋ ᠡᠬᠡᠨᠡᠷ ᠨᠠᠤᠮᠢ ᠶ᠋ᠢ ᠭᠠᠵᠠᠷ ᠬᠡᠪᠲᠡᠭᠡᠳ ᠤᠨᠲᠠᠵᠤ ᠪᠠᠢᠬᠤ ᠶ᠋ᠢ ᠣᠯᠵᠤ ᠬᠠᠷᠠᠭᠠᠳ ᠭᠠᠢᠬᠠᠯᠠ᠃ ᠨᠠᠤᠮᠢ ᠵᠢᠷᠤᠭ ᠤᠷᠤᠭᠤ ᠣᠷᠣᠭᠠᠳ ᠲᠥᠭᠡᠷᠢᠵᠦ ᠪᠦᠷ ᠶᠠᠳᠠᠷᠠᠵᠤ ᠲᠤᠢᠯᠳᠠᠭᠰᠠᠨ ᠪᠠᠢᠯᠠ᠃ ᠭᠦᠩᠵᠦ ᠰᠡᠷᠡᠭᠡᠳ ᠵᠢᠵᠢᠭ ᠰᠦᠷᠡᠯ ᠦ᠋ᠨ ᠪᠠᠢᠰᠢᠩ ᠳ᠋ᠤ᠌ ᠪᠠᠢᠭᠠ ᠪᠠᠨ ᠬᠠᠷᠠᠭᠠᠳ ᠮᠠᠰᠢ ᠶᠡᠬᠡ ᠭᠠᠢᠬᠠᠯᠠ᠃
ᠨᠠᠤᠮᠢ᠄ ᠪᠢ ᠬᠠᠮᠢᠭᠠ ᠨᠢ ᠪᠠᠢᠨᠠ?
ᠳ᠋ᠢ᠍ᠽᠢ ᠶ᠋ᠢᠨ ᠠᠪᠤ᠄ ᠪᠢᠳᠡ ᠴᠢᠮᠠ ᠶ᠋ᠢ ᠪᠤᠲᠠᠨ ᠤ᠋ ᠬᠠᠵᠠᠭᠤ ᠳ᠋ᠤ᠌ ᠤᠨᠲᠠᠵᠤ ᠪᠠᠢᠬᠤ ᠳ᠋ᠤ᠌ ᠴᠢᠨᠢ ᠣᠯᠤᠭᠠᠳ ᠭᠡᠷ ᠲᠡᠭᠡᠨ ᠠᠪᠴᠢᠷᠠᠭᠰᠠᠨ ᠶᠤᠮ᠃ ᠴᠢ ᠥᠯᠥᠰᠴᠦ ᠪᠠᠢᠭᠠ ᠪᠠᠢᠯᠭᠦᠢ ᠳᠡ?
ᠨᠠᠤᠮᠢ᠄ ᠨᠠᠳᠠ ᠳ᠋ᠤ᠌ ᠡᠢᠮᠦ ᠵᠢᠷ ᠦ᠋ᠨ ᠬᠣᠭᠣᠯᠠ ᠥᠭᠬᠦ ᠬᠡᠷᠡᠭ ᠦᠭᠡᠢ᠂ ᠪᠢ ᠪᠣᠯ ᠭᠦᠩᠵᠦ ᠪᠠᠢᠨᠠ᠃
ᠡᠨᠡ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠬᠣᠨᠢᠴᠢᠨ ᠡᠬᠡᠨᠡᠷ ᠨᠥᠬᠥᠷ ᠬᠣᠶᠠᠷ ᠭᠠᠢᠬᠠᠯᠠ᠃
ᠳ᠋ᠢ᠍ᠽᠢ ᠶ᠋ᠢᠨ ᠡᠵᠢ᠄ ᠡᠨᠡ ᠥᠬᠢᠨ ᠶᠡᠬᠡ ᠰᠣᠴᠢᠷᠳᠠᠭᠰᠠᠨ ᠪᠠᠢᠨᠠ᠂ ᠬᠥᠭᠡᠷᠦᠬᠦᠢ ᠥᠬᠢᠨ᠂
ᠨᠠᠤᠮᠢ᠄ ᠶᠠᠭᠠᠬᠢᠭᠠᠳ ᠰᠢᠪᠡᠨᠡᠵᠦ ᠶᠠᠷᠢᠭᠠᠳ ᠪᠠᠢᠭᠠ ᠶᠤᠮ?
ᠨᠠᠤᠮᠢ᠄ ᠶᠠᠭᠠᠬᠢᠭᠠᠳ ᠰᠢᠪᠡᠨᠡᠵᠦ ᠶᠠᠷᠢᠭᠠᠳ ᠪᠠᠢᠭᠠ ᠶᠤᠮ?ᠨᠠᠳᠠ ᠳ᠋ᠤ᠌ ᠢᠳᠡᠴᠢᠬᠡᠮᠡᠷ ᠠᠷᠠᠢ ᠳᠥᠩᠭᠡᠭᠦᠷ ᠶᠠᠭᠤᠮᠠ ᠣᠯᠤᠭᠠᠳ ᠢᠷᠡ᠂
ᠳ᠋ᠢ᠍ᠽᠢ ᠶ᠋ᠢᠨ ᠠᠪᠤ᠄ ᠡᠩ᠂ ᠬᠣᠭᠣᠯᠠ ᠪᠠᠨ ᠢᠳᠡ᠂ ᠠᠯᠢᠪ᠂ ᠬᠣᠩᠭᠣᠷ ᠮᠢᠨᠢ᠂ ᠵᠣᠴᠢᠨ ᠬᠣᠭᠣᠯᠠ ᠪᠠᠨ ᠢᠳᠡᠭ᠃
ᠨᠠᠤᠮᠢ ᠬᠣᠭᠣᠯᠠ ᠶ᠋ᠢ ᠳᠤᠷᠠ ᠦᠭᠡᠢᠴᠡᠨ ᠬᠠᠷᠠᠭᠰᠠᠨ ᠪᠣᠯᠪᠠᠴᠤ᠂ ᠥᠯᠥᠰᠬᠦ ᠶ᠋ᠢᠨ ᠡᠷᠬᠡᠨ ᠳ᠋ᠦ᠍ ᠠᠷᠭᠠ ᠪᠤᠶᠤ ᠢᠳᠡᠵᠦ ᠣᠷᠬᠢᠯᠠ᠂ ᠲᠡᠳᠡ ᠨᠠᠷ ᠲᠤ ᠲᠠᠯᠠᠷᠬᠠᠬᠤ ᠲᠤᠬᠠᠢ ᠴᠤ᠌ ᠪᠣᠳᠣᠭᠰᠠᠨ ᠦᠭᠡᠢ ᠃ ᠬᠣᠭᠣᠯᠠ ᠪᠠᠨ ᠢᠳᠡᠵᠦ ᠳᠠᠭᠤᠰᠤᠭᠠᠳ ᠳᠣᠣᠷᠠᠲᠤ ᠳᠠᠪᠬᠤᠷ ᠤᠷᠤᠭᠤ ᠪᠠᠭᠤᠭᠠᠳ ᠬᠣᠨᠢᠴᠢᠨ ᠬᠣᠶᠠᠷ ᠢ᠋ ᠭᠤᠨᠢᠭᠲᠠᠢ ᠰᠢᠪᠡᠨᠡᠵᠦ ᠪᠠᠢᠬᠤ ᠶ᠋ᠢ ᠰᠣᠨᠣᠰᠤᠯᠠ᠃ ᠳ᠋ᠢ᠍ᠽᠢ ᠶ᠋ᠢᠨ ᠡᠵᠢ᠄ ᠮᠠᠨ ᠤ᠋ ᠬᠠᠮᠤᠭ ᠤ᠋ᠨ ᠰᠡᠭᠦᠯᠴᠢ ᠶ᠋ᠢᠨ ᠪᠢᠰᠢᠯᠠᠭ ᠪᠠᠢᠭᠰᠠᠨ ᠰᠢᠦ ᠳᠡ᠂
ᠳ᠋ᠢ᠍ᠽᠢ ᠶ᠋ᠢᠨ ᠠᠪᠤ᠄ ᠰᠠᠨᠠᠭᠠ ᠵᠣᠪᠠᠬᠤ ᠬᠡᠷᠡᠭ ᠦᠭᠡᠢ ᠳᠡ ᠬᠣᠩᠭᠣᠷ ᠮᠢᠨᠢ᠂ ᠡᠨᠡ ᠥᠬᠢᠨ ᠲᠡᠢ ᠰᠠᠢᠬᠠᠨ ᠬᠠᠷᠢᠴᠠᠬᠤ ᠬᠡᠷᠡᠭᠲᠡᠢ᠂ ᠶᠠᠳᠠᠵᠤ ᠯᠠ ᠥᠬᠢᠨ ᠦ᠌ ᠮᠢᠨᠢ ᠦᠶᠡ ᠶ᠋ᠢᠨ ᠬᠡᠦᠬᠡᠳ ᠪᠠᠢᠨᠠ ᠰᠢᠦ ᠳᠡ᠂ ᠨᠠᠳᠠ ᠳ᠋ᠤ᠌ ᠥᠬᠢᠨ ᠢ᠋ ᠮᠢᠨᠢ ᠰᠠᠨᠠᠭᠳᠠᠭᠤᠯᠵᠤ ᠪᠠᠢᠨᠠ᠂ ᠣᠷᠣᠢ ᠶ᠋ᠢᠨ ᠬᠣᠭᠣᠯᠠᠨ ᠳ᠋ᠤ᠌ ᠢᠳᠡᠬᠦ ᠲᠠᠯᠬᠠ ᠲᠠᠷᠢᠶᠠ ᠪᠢᠳᠡᠨ ᠳ᠋ᠦ᠍ ᠪᠠᠢᠭᠠ ᠰᠢᠦ ᠳᠡ᠂
ᠳ᠋ᠢ᠍ᠽᠢ ᠶ᠋ᠢᠨ ᠡᠵᠢ᠄ ᠲᠡᠢᠮᠦ ᠠ᠋᠂ ᠪᠢᠳᠡ ᠥᠯᠥᠰᠴᠦ ᠦᠬᠦᠬᠦ ᠦᠭᠡᠢ ᠯᠡ ᠳᠡ᠂
ᠨᠠᠤᠮᠢ᠄ ᠶᠠᠭᠤ! ᠡᠳᠡ ᠨᠠᠷ ᠲᠤ ᠥᠭᠡᠷᠡ ᠢᠳᠡᠬᠦ ᠶᠠᠭᠤᠮᠠ ᠪᠠᠢᠬᠤ ᠦᠭᠡᠢ ᠭᠡᠵᠢ ᠤᠤ ᠳᠠ᠂ ᠪᠠᠢᠭᠰᠠᠨ ᠬᠣᠭᠣᠯᠠ ᠪᠠᠨ ᠨᠠᠳᠠ ᠳ᠋ᠤ᠌ ᠥᠭᠭᠦᠭᠰᠡᠨ ᠭᠡᠵᠢ ᠤᠤ?
ᠨᠠᠤᠮᠢ ᠭᠡᠨᠡᠳᠲᠡ ᠪᠦᠳᠦᠭᠦᠯᠢᠭ ᠮᠠᠭᠤᠬᠠᠢ ᠵᠠᠩ ᠭᠠᠷᠭᠠᠭᠰᠠᠨ ᠳ᠋ᠤ᠌ ᠪᠠᠨ ᠶᠡᠬᠡᠳᠡ ᠭᠡᠮᠰᠢᠵᠡᠢ᠃ ᠲᠡᠷᠡ ᠡᠮᠦᠨᠡ ᠨᠢ ᠢᠴᠢᠵᠦ ᠪᠠᠢᠭᠠ ᠦᠭᠡᠢ ᠶᠦ᠍ᠮ᠂ ᠬᠠᠷᠢᠨ ᠣᠳᠣ ᠥᠭᠡᠷᠡᠴᠢᠯᠡᠭᠳᠡᠬᠦ ᠰᠠᠢᠬᠠᠨ ᠪᠣᠯᠤᠮᠵᠢ ᠭᠠᠷᠤᠭᠰᠠᠨ ᠪᠠᠢᠯᠠ᠃
ᠡᠳᠦᠷ ᠬᠣᠨᠣᠭ ᠥᠩᠭᠡᠷᠡᠬᠦ ᠲᠣᠰᠤᠮ ᠨᠠᠤᠮᠢ ᠶᠠᠳᠠᠭᠤ ᠬᠣᠣᠰ ᠢ᠋ ᠠᠵᠢᠭᠯᠠᠨ ᠦᠷᠦ ᠡᠪᠡᠳᠴᠦ ᠪᠠᠭᠠ ᠪᠠᠭᠠ ᠪᠠᠷ ᠲᠤᠰᠠᠯᠠᠳᠠᠭ ᠪᠣᠯᠤᠯᠠ᠃
ᠨᠠᠤᠮᠢ᠄ ᠦ᠁ ᠬᠠ ᠬᠠ ᠬᠠ᠂ ᠦ᠋ ᠠ᠂ ᠡᠨᠡ ᠶᠡᠬᠡ ᠠᠮᠲᠠᠲᠠᠢ ᠶᠤᠮ ᠠ᠋᠂
ᠳ᠋ᠢ᠍ᠽᠢ ᠶ᠋ᠢᠨ ᠡᠵᠢ᠄ ᠪᠢ ᠶᠠᠮᠠᠷ ᠶᠡᠬᠡ ᠪᠠᠶᠠᠷᠯᠠᠵᠤ ᠪᠠᠢᠨᠠ ᠭᠡᠵᠢ᠂ ᠲᠥᠮᠥᠰᠥ ᠠᠷᠢᠯᠭᠠᠵᠤ ᠥᠭᠭᠦᠭᠰᠡᠨ ᠳ᠋ᠦ᠍ ᠪᠠᠶᠠᠷᠯᠠᠯᠠ᠂ ᠣᠳᠣ ᠲᠥᠮᠥᠰᠥ ᠪᠡᠨ ᠢᠳᠡ ᠳᠠ᠂
ᠨᠠᠤᠮᠢ ᠰᠠᠢᠨ ᠬᠥᠮᠦᠨ ᠪᠣᠯᠵᠤ ᠥᠭᠡᠷᠡᠴᠢᠯᠡᠭᠳᠡᠵᠦ ᠪᠠᠢᠬᠤ ᠬᠣᠭᠣᠷᠣᠨᠳᠣ ᠳ᠋ᠢ᠍ᠽᠢ ᠣᠷᠳᠣᠨ ᠳ᠋ᠤ᠌ ᠴᠠᠭ ᠢ᠋ ᠠᠶᠤᠮᠰᠢᠭᠲᠠᠢ ᠥᠩᠭᠡᠷᠡᠭᠡᠵᠦ ᠪᠠᠢᠯᠠ᠃
ᠰᠢᠪᠡᠭᠴᠢᠨ᠄ ᠳ᠋ᠢ᠍ᠽᠢ ᠠᠶᠠᠭᠠ ᠲᠠᠪᠠᠭ ᠤᠬᠢᠶᠠ᠂
ᠳ᠋ᠢ᠍ᠽᠢ᠄ ᠦ᠂ ᠵᠠ
ᠰᠢᠪᠡᠭᠴᠢᠨ᠄ ᠳ᠋ᠢ᠍ᠽᠢ ᠬᠣᠭᠣᠯᠠᠨ ᠤ᠋ ᠬᠡᠷᠡᠭᠰᠡᠯ ᠢ᠋ ᠶᠠᠮᠠᠷ ᠴᠤ᠌ ᠲᠣᠰᠣ ᠦᠭᠡᠢ ᠪᠣᠯᠭᠠᠬᠤ ᠬᠡᠷᠡᠭᠲᠡᠢ᠂
ᠳ᠋ᠢ᠍ᠽᠢ᠄ ᠦ᠂ ᠠ᠂ ᠵᠠ ᠁
ᠳ᠋ᠢ᠍ᠽᠢ ᠲᠡᠨᠳᠡ ᠪᠠᠢᠭᠠ ᠬᠥᠮᠦᠰ ᠲᠡᠢ ᠠᠯᠢ ᠪᠣᠯᠬᠤ ᠪᠠᠷ ᠡᠶᠡᠯᠳᠡᠭ ᠬᠠᠷᠢᠴᠠᠬᠤ ᠶ᠋ᠢ ᠬᠢᠴᠢᠶᠡᠵᠦ ᠪᠠᠢᠯᠠ᠂ ᠭᠡᠪᠡᠴᠦ ᠲᠡᠳᠡ ᠳ᠋ᠢ᠍ᠽᠢ ᠶ᠋ᠢ ᠶᠠᠮᠠᠷ ᠬᠥᠮᠦᠨ ᠭᠡᠳᠡᠭ ᠢ᠋ ᠮᠡᠳᠡᠵᠦ ᠪᠠᠢᠯᠠ᠃
ᠳ᠋ᠢ᠍ᠽᠢ᠄ ᠪᠢ ᠡᠨᠡ ᠭᠠᠯ ᠲᠣᠭᠣᠭᠠᠨ ᠠ᠋ᠴᠠ ᠶᠠᠪᠤᠮᠠᠷ ᠪᠠᠢᠨᠠ᠂ ᠡᠨᠳᠡ ᠪᠠᠢᠭᠠ ᠪᠦᠬᠦ ᠬᠥᠮᠦᠨ ᠪᠦᠭᠦᠳᠡ ᠪᠦᠳᠦᠭᠦᠯᠢᠭ ᠮᠠᠭᠤᠬᠠᠢ ᠠᠭᠠᠰᠢ ᠲᠠᠢ ᠶᠤᠮ᠂ ᠨᠠᠳᠠ ᠰᠢᠭ᠋ ᠰᠠᠢᠨ ᠬᠥᠮᠦᠨ ᠡᠨᠳᠡ ᠪᠠᠢᠬᠤ ᠶᠣᠰᠣ ᠦᠭᠡᠢ᠃
ᠨᠢᠭᠡ ᠡᠳᠦᠷ ᠨᠠᠤᠮᠢ ᠠᠯᠠᠭᠠ ᠪᠣᠯᠤᠭᠰᠠᠨ ᠢ᠋ ᠬᠥᠮᠦᠰ ᠦ᠋ᠨ ᠶᠠᠷᠢᠶᠠᠨ ᠠ᠋ᠴᠠ ᠳ᠋ᠢ᠍ᠽᠢ ᠰᠣᠨᠣᠰᠴᠤ ᠮᠡᠳᠡᠯᠡ᠃ ᠨᠠᠤᠮᠢ ᠶ᠋ᠢᠨ ᠵᠢᠷᠤᠭ ᠢ᠋ ᠰᠠᠨᠠᠭᠠᠳ ᠭᠡᠨᠡᠳᠲᠡ ᠨᠢᠭᠡ ᠰᠠᠨᠠᠭᠠ ᠣᠷᠣᠵᠤ ᠢᠷᠡᠯᠡ᠃
ᠳ᠋ᠢ᠍ᠽᠢ᠄ ᠪᠢ ᠶᠠᠭᠤ ᠬᠢᠬᠦ ᠪᠡᠨ ᠮᠡᠳᠡᠯᠡ᠂ ᠵᠠ ᠢᠩᠭᠢᠭᠡᠳ ᠪᠠᠭᠠ ᠵᠡᠷᠭᠡ ᠳᠠᠪᠤᠰᠤ᠂ᠳᠠᠬᠢᠭᠠᠳ ᠵᠢᠭᠠᠬᠠᠨ ᠢ᠋᠂ ᠳᠠᠬᠢᠭᠠᠳ ᠵᠢᠭᠠᠬᠠᠨ ᠢ᠋ ᠨᠡᠮᠡᠭᠡᠳ᠂ ᠠ ᠬᠠ ᠬᠠ ᠬᠠ
ᠬᠠᠭᠠᠨ᠄ ᠦ᠂ ᠠ᠋᠂ ᠶᠠᠭᠤ ᠪᠣᠢ? ᠬᠡᠨ ᠡᠨᠡ ᠬᠣᠭᠣᠯᠠ ᠶ᠋ᠢ ᠬᠢᠭᠰᠡᠨ ᠪᠣᠢ? ᠲᠡᠷᠡ ᠬᠥᠮᠦᠨ ᠢ᠋ ᠠᠪᠤᠭᠠᠳ ᠢᠷᠡ᠂ ᠶᠠᠭᠠᠬᠢᠭᠠᠳ ᠨᠠᠳᠠ ᠳ᠋ᠤ᠌ ᠡᠢᠮᠦ ᠠᠶᠤᠮᠰᠢᠭᠲᠠᠢ ᠬᠣᠭᠣᠯᠠ ᠬᠢᠵᠦ ᠥᠭᠳᠡᠭ ᠪᠢᠯᠡ?
ᠳ᠋ᠧᠽᠢ᠄ ᠠ᠂ ᠲᠠᠨ ᠤ᠋ ᠠᠩᠬᠠᠷᠤᠯ ᠳ᠋ᠤ᠌ ᠥᠷᠲᠥᠬᠦ ᠭᠡᠵᠦ ᠵᠣᠷᠢᠭᠤᠳᠠ ᠢᠩᠭᠢᠭᠰᠡᠨ ᠶᠦᠮ ᠠ᠋᠂ ᠲᠠᠨ ᠤ᠋ ᠥᠬᠢᠨ ᠬᠠᠮᠢᠭᠠ ᠨᠢ ᠪᠠᠢᠭᠠ ᠶ᠋ᠢ ᠪᠢ ᠮᠡᠳᠡᠨᠡ᠂
ᠬᠠᠲᠤᠨ᠄ ᠶᠠᠭᠤ? ᠬᠠᠮᠢᠭᠠ ᠨᠢ ᠪᠠᠢᠭᠠ ᠭᠡᠵᠢ?
ᠳ᠋ᠢ᠍ᠽᠢ᠄ ᠲᠡᠷᠡ ᠮᠢᠨᠦ ᠲᠥᠷᠥᠭᠰᠡᠨ ᠨᠤᠲᠤᠭ ᠲᠤ ᠪᠠᠢᠭᠠ᠂ ᠪᠢ ᠲᠠᠢᠰᠢ ᠪᠠᠨ ᠳᠠᠭᠠᠭᠤᠯᠤᠭᠠᠳ ᠣᠴᠢᠵᠤ ᠴᠢᠳᠠᠨᠠ᠂ ᠭᠡᠬᠦ ᠳ᠋ᠦ᠍ ᠪᠡᠨ
ᠬᠠᠭᠠᠨ᠄ ᠭᠡᠬᠦ ᠳ᠋ᠦ᠍ ᠪᠡᠨ
ᠳ᠋ᠢ᠍ᠽᠢ᠄ ᠨᠠᠳᠠ ᠳ᠋ᠤ᠌ ᠱᠠᠩᠨᠠᠯ ᠥᠭᠬᠦ ᠬᠡᠷᠡᠭᠲᠡᠢ᠂
ᠱᠠᠩᠨᠠᠯ ᠥᠭᠬᠦ ᠦᠭᠡᠢ ᠪᠣᠯ ᠭᠦᠩᠵᠦ ᠪᠡᠨ ᠣᠯᠵᠤ ᠴᠢᠳᠠᠬᠤ ᠦᠭᠡᠢ᠂
ᠬᠠᠭᠠᠨ ᠤ᠋ ᠠᠭᠤᠷ ᠨᠢ ᠬᠡᠳᠦᠢ ᠬᠦᠷᠴᠦ ᠪᠠᠢᠭᠰᠠᠨ ᠴᠤ᠌ ᠬᠠᠢᠷᠠᠲᠠᠢ ᠥᠬᠢᠨ ᠢ᠋ᠶ᠋ᠡᠨ ᠣᠯᠤᠨᠠ ᠭᠡᠵᠦ ᠪᠣᠳᠣᠭᠠᠳ ᠵᠥᠪᠰᠢᠶᠡᠷᠡᠯᠡ᠃
ᠲᠡᠳᠡ ᠤᠳᠠᠯ ᠦᠭᠡᠢ ᠨᠤᠭᠤ ᠤᠷᠤᠭᠤ ᠬᠥᠳᠡᠯᠦᠯᠡ᠂ᠳ᠋ᠢ᠍ᠽᠢ ᠭᠡᠷ ᠦ᠋ᠨ ᠬᠢᠨ ᠳ᠋ᠦ᠍ ᠪᠡᠨ ᠶᠠᠮᠠᠷ ᠶᠡᠬᠡ ᠠᠶᠤᠯ ᠠᠪᠴᠢᠷᠠᠵᠤ ᠪᠠᠢᠭᠠ ᠪᠠᠨ ᠮᠡᠳᠡᠭᠰᠡᠨ ᠦᠭᠡᠢ᠂ ᠵᠥᠪᠬᠡᠨ ᠠᠪᠬᠤ ᠱᠠᠩᠨᠠᠯ ᠢ᠋ᠶ᠋ᠠᠨ ᠯᠠ ᠪᠣᠳᠣᠵᠤ ᠪᠠᠢᠯᠠ᠃
ᠲᠡᠳᠡ ᠢᠷᠡᠭᠡᠳ ᠨᠠᠤᠮᠢ ᠬᠣᠨᠢᠴᠢᠨ ᠡᠬᠡᠨᠡᠷ ᠨᠥᠬᠥᠷ ᠬᠣᠶᠠᠷ ᠲᠠᠢ ᠢᠨᠢᠶᠡᠯᠳᠦᠨ ᠵᠣᠭᠰᠣᠵᠤ ᠪᠠᠢᠭᠠ ᠶ᠋ᠢ ᠬᠠᠷᠠᠯᠠ᠃ ᠤᠷᠪᠠᠭᠠᠷ ᠶᠡᠬᠡ ᠵᠠᠩ ᠲᠠᠢ ᠭᠦᠩᠵᠦ ᠪᠠᠢᠬᠤ ᠪᠠᠨ ᠪᠣᠯᠢᠭᠠᠳ ᠬᠠᠷᠢᠨ ᠴᠤ᠌ ᠤᠯᠠᠭᠠ ᠪᠤᠲᠠᠷᠠᠭᠰᠠᠨ ᠴᠢᠷᠠᠢ ᠲᠠᠢ ᠢᠨᠢᠶᠡᠵᠦ ᠬᠦᠬᠦᠷᠡᠭᠰᠡᠨ ᠥᠬᠢᠨ ᠪᠣᠯᠤᠭᠰᠠᠨ ᠪᠠᠢᠯᠠ᠃
ᠬᠠᠭᠠᠨ᠄ ᠡᠨᠡ᠂ ᠡᠨᠡ ᠦᠨᠡᠬᠡᠷ ᠥᠬᠢᠨ ᠮᠢᠨᠢ ᠮᠥᠨ ᠭᠡᠵᠢ ᠤᠤ?
ᠬᠠᠲᠤᠨ᠄ ᠡᠨᠡ ᠮᠥᠨ ᠪᠠᠢᠨᠠ᠂ ᠦ ᠬᠦ᠂ ᠮᠢᠨᠦ ᠥᠬᠢᠨ ᠪᠠᠢᠨᠠ᠂
ᠬᠠᠭᠠᠨ᠄ ᠠ᠋᠂ ᠴᠢ ᠶᠠᠭᠠᠬᠢᠵᠤ ᠥᠬᠢᠨ ᠢ᠋ ᠮᠢᠨᠢ ᠬᠤᠯᠠᠭᠠᠢᠯᠠᠵᠤ ᠵᠢᠷᠦᠬᠡᠯᠡᠵᠦ ᠪᠠᠢᠨᠠ?
ᠨᠠᠤᠮᠢ᠄ ᠡᠵᠢ ᠠ᠋᠂ ᠠᠪᠤ ᠠ᠋᠂ ᠬᠦᠯᠢᠶᠡ᠂
ᠬᠠᠭᠠᠨ ᠬᠢᠯᠢᠩᠨᠡᠵᠦ ᠠᠭᠤᠷᠯᠠᠭᠰᠠᠨ ᠲᠤᠯᠠ ᠬᠥᠭᠡᠷᠦᠬᠦᠢ ᠶᠠᠳᠠᠭᠤ ᠬᠣᠣᠰ ᠢ᠋ ᠬᠠᠷᠠᠭᠤᠯ ᠤ᠋ᠳ ᠲᠤ ᠪᠡᠨ ᠬᠡᠯᠡᠨ ᠪᠠᠷᠢᠪᠴᠢᠯᠠᠪᠠ᠃ ᠡᠭᠦᠨ ᠢ᠋ ᠬᠠᠷᠠᠭᠠᠳ ᠳ᠋ᠢ᠍ᠽᠢ ᠶᠡᠬᠡᠳᠡ ᠠᠶᠤᠵᠠᠢ ᠭᠡᠨᠡ᠃
ᠳ᠋ᠧᠽᠢ ᠶ᠋ᠢᠨ ᠠᠪᠤ᠄ ᠭᠦᠩᠵᠦ ᠭᠡᠳᠡᠭ ᠢ᠋ ᠨᠢ ᠪᠢᠳᠡ ᠬᠣᠶᠠᠷ ᠮᠡᠳᠡᠭᠡ ᠦᠭᠡᠢ᠂
ᠬᠠᠭᠠᠨ᠄ ᠴᠢᠮᠡᠭᠡ ᠦᠭᠡᠢ᠂ ᠲᠠ ᠬᠣᠶᠠᠷ ᠢ᠋ ᠱᠣᠷᠣᠩ ᠳ᠋ᠤ᠌ ᠬᠣᠷᠢᠨᠠ᠂
ᠳ᠋ᠢ᠍ᠽᠢ᠄ ᠶᠠᠭᠤ
ᠳ᠋ᠢ᠍ᠽᠢ ᠶ᠋ᠢᠨ ᠡᠵᠢ᠄ ᠳ᠋ᠢ᠍ᠽᠢ᠁
ᠬᠠᠭᠠᠨ᠄ ᠡᠨᠡ ᠥᠬᠢᠨ ᠢ᠋ ᠲᠠᠨᠢᠬᠤ ᠶᠤᠮ ᠤᠤ? ᠪᠢᠳᠡᠨ ᠢ᠋ ᠨᠠᠭᠠᠰᠢ ᠨᠢ ᠳᠠᠭᠠᠭᠤᠯᠵᠤ ᠢᠷᠡᠭᠰᠡᠨ ᠶᠦᠮ᠂ ᠡᠨᠡ ᠥᠬᠢᠨ ᠢ᠋ ᠴᠤ᠌ ᠭᠡᠰᠡᠨ ᠱᠣᠷᠣᠩ ᠳ᠋ᠤ᠌ ᠬᠣᠷᠢ᠂
ᠳ᠋ᠢ᠍ᠽᠢ ᠶ᠋ᠢᠨ ᠠᠪᠤ᠄ ᠦ᠂ ᠦᠭᠡᠢ᠂ ᠭᠤᠶᠤᠶᠠ᠂ ᠡᠷᠬᠢᠮ ᠳᠡᠭᠡᠳᠦᠰ ᠠ᠋᠂ ᠥᠰᠢᠪᠡᠯ ᠪᠢᠳᠡᠨ ᠢ᠋ ᠱᠣᠷᠣᠩ ᠳ᠋ᠤ᠌ ᠬᠣᠷᠢ᠂ ᠥᠬᠢᠨ ᠢ᠋ ᠮᠢᠨᠢ ᠬᠣᠷᠢᠵᠤ ᠪᠣᠯᠬᠤ ᠦᠭᠡᠢ᠃
ᠥᠪᠡᠷᠰᠡᠳ ᠢ᠋ ᠨᠢ ᠠᠶᠤᠯ ᠳ᠋ᠤ᠌ ᠤᠴᠠᠷᠠᠭᠤᠯᠤᠭᠰᠠᠨ ᠴᠤ᠌ ᠭᠡᠰᠡᠨ ᠥᠬᠢᠨ ᠢ᠋ᠶ᠋ᠡᠨ ᠬᠠᠷᠠᠭᠠᠳ ᠪᠠᠶᠠᠷᠯᠠᠵᠤ ᠪᠠᠢᠭᠠ ᠠᠪᠤ ᠡᠵᠢ ᠶ᠋ᠢ ᠪᠡᠨ ᠬᠠᠷᠠᠭᠠᠳ ᠮᠠᠭᠤᠬᠠᠢ ᠵᠠᠩ ᠭᠠᠷᠭᠠᠵᠤ ᠪᠠᠢᠭᠰᠠᠨ ᠳ᠋ᠤ᠌ ᠪᠠᠨ ᠳ᠋ᠢ᠍ᠽᠢ ᠭᠡᠮᠰᠢᠵᠡᠢ ᠭᠡᠨᠡ᠃
ᠳ᠋ᠢ᠍ᠽᠢ᠄ ᠡᠵᠢ ᠠ᠋᠂ ᠠᠪᠤ ᠠ᠋᠂ ᠨᠠᠮᠠ ᠶ᠋ᠢ ᠠᠭᠤᠴᠢᠯᠠᠭᠠᠷᠠᠢ᠂ ᠪᠢ ᠦᠨᠡᠬᠡᠷ ᠮᠠᠭᠤ ᠥᠬᠢᠨ ᠶᠦᠮ ᠠ᠋᠂
ᠭᠡᠨᠡᠳᠲᠡ ᠰᠢᠳᠢᠲᠦ ᠵᠠᠭᠠᠯᠮᠠᠢᠯᠠᠭᠰᠠᠨ ᠡᠬᠡ ᠢᠨᠢᠶᠡᠮᠰᠦᠭᠯᠡᠭᠰᠡᠭᠡᠷ ᠭᠠᠷᠴᠤ ᠢᠷᠡᠯᠡ᠃
ᠰᠢᠳᠢᠲᠡᠨ᠄ ᠡᠷᠬᠢᠮ ᠳᠡᠭᠡᠳᠦᠰ ᠠ᠋᠂ ᠪᠢ ᠲᠠᠨ ᠤ᠋ ᠥᠬᠢᠨ ᠢ᠋ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠪᠣᠯᠭᠠᠬᠤ ᠶ᠋ᠢᠨ ᠲᠤᠯᠠᠳᠠ ᠵᠣᠷᠢᠭᠤᠳᠠ ᠣᠷᠳᠣᠨ ᠠ᠋ᠴᠠ ᠶᠠᠪᠤᠭᠤᠯᠤᠭᠰᠠᠨ ᠪᠢᠯᠡ᠂
ᠬᠠᠭᠠᠨ᠄ ᠶᠠᠭᠤ?
ᠰᠢᠳᠢᠲᠡᠨ᠄ ᠬᠣᠨᠢᠴᠢᠨ ᠮᠢᠨᠢ᠂ ᠥᠬᠢᠨ ᠢ᠋ ᠴᠢᠨᠢ ᠳᠠᠷᠤᠤᠬᠠᠨ ᠵᠠᠩ ᠰᠤᠷᠭᠠᠬᠤ ᠶ᠋ᠢᠨ ᠲᠤᠯᠠᠳᠠ ᠪᠢ ᠭᠡᠷ ᠡᠴᠡ ᠨᠢ ᠠᠪᠴᠤ ᠶᠠᠪᠤᠭᠰᠠᠨ ᠪᠢᠯᠡ᠂ ᠡᠨᠡ ᠬᠣᠶᠠᠷ ᠬᠣᠶᠠᠭᠤᠯᠠ ᠪᠠᠨ ᠰᠠᠢᠨ ᠣᠢᠯᠠᠭᠠᠵᠤ ᠰᠤᠷᠤᠭᠰᠠᠨ ᠶᠤᠮ ᠰᠢᠭ᠋ ᠪᠠᠢᠨᠠ᠃
ᠳ᠋ᠢ᠍ᠽᠢ᠄ ᠲᠡᠢᠮᠦ ᠠ᠋᠂ ᠪᠢ ᠬᠡᠵᠢᠶᠡ ᠴᠦ᠍ ᠳᠠᠬᠢᠵᠤ ᠪᠠᠷᠳᠠᠮ ᠵᠠᠩ ᠭᠠᠷᠭᠠᠬᠤ ᠦᠭᠡᠢ᠂ ᠠ᠋᠂ ᠪᠢ ᠦᠨᠡᠬᠡᠷ ᠮᠠᠭᠤᠬᠠᠢ ᠵᠠᠩ ᠭᠠᠷᠭᠠᠵᠤ ᠪᠠᠢᠵᠠᠢ᠂ ᠲᠠ ᠬᠣᠶᠠᠷ ᠢ᠋ ᠡᠢᠮᠦ ᠵᠣᠪᠠᠯᠠᠩ ᠳ᠋ᠤ᠌ ᠤᠨᠠᠭᠠᠵᠤ ᠪᠠᠢᠬᠤ ᠳ᠋ᠤ᠌ ᠬᠦᠷᠲᠡᠯᠡ ᠲᠠ ᠬᠣᠶᠠᠷ ᠨᠠᠮᠠ ᠶ᠋ᠢ ᠬᠠᠮᠠᠭᠠᠯᠠᠵᠤ ᠪᠠᠢᠨᠠ ᠰᠢᠦ ᠳᠡ᠂
ᠳ᠋ᠢ᠍ᠽᠢ ᠶ᠋ᠢᠨ ᠠᠪᠤ᠄ ᠥᠬᠢᠨ ᠮᠢᠨᠢ ᠳᠡ᠂ ᠶᠠᠭᠤ ᠴᠤ᠌ ᠪᠣᠯᠵᠤ ᠪᠠᠢᠭᠰᠠᠨ ᠪᠢᠳᠡ ᠬᠣᠶᠠᠷ ᠴᠢᠮᠠ ᠶ᠋ᠢ ᠬᠠᠢᠷᠠᠯᠠᠨᠠ᠂
ᠨᠠᠤᠮᠢ᠄ ᠠᠪᠤ ᠠ᠋᠂ ᠡᠳᠡ ᠨᠠᠷ ᠢ᠋ ᠰᠤᠯᠠᠯᠠᠭᠠᠴᠢ ᠳᠠ᠂ ᠡᠨᠡ ᠬᠣᠶᠠᠷ ᠬᠥᠮᠦᠨ ᠨᠠᠳᠠ ᠳ᠋ᠤ᠌ ᠶᠡᠬᠡ ᠰᠠᠢᠨ ᠲᠤᠰᠠᠯᠠᠵᠤ ᠪᠠᠢᠭᠰᠠᠨ᠂ ᠪᠢ ᠡᠳᠡᠨ ᠡᠴᠡ ᠶᠡᠬᠡ ᠵᠦᠢᠯ ᠰᠤᠷᠤᠭᠰᠠᠨ᠂ ᠶᠡᠬᠡ ᠵᠦᠢᠯ ᠰᠤᠷᠭᠠᠭᠰᠠᠨ ᠲᠠ ᠬᠣᠶᠠᠷ ᠲᠤ ᠮᠠᠰᠢ ᠶᠡᠬᠡ ᠪᠠᠶᠠᠷᠯᠠᠯᠠ᠃
ᠳ᠋ᠢ᠍ᠽᠢ᠄ ᠪᠢ ᠶᠠᠮᠠᠷ ᠥᠭᠡᠳᠡ ᠦᠭᠡᠢ ᠬᠥᠮᠦᠨ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠣᠳᠣ ᠯᠠ ᠣᠢᠯᠠᠭᠠᠯᠠ᠂ ᠥᠪᠡᠷ ᠢ᠋ ᠪᠡᠨ ᠥᠭᠡᠷᠡᠴᠢᠯᠡᠨᠡ ᠭᠡᠵᠦ ᠠᠮᠠᠯᠠᠶᠠ᠂ ᠪᠠᠶᠠᠷᠯᠠᠯᠠ᠂ ᠰᠢᠳᠢᠲᠦ ᠵᠠᠭᠠᠯᠮᠠᠢᠯᠠᠭᠰᠠᠨ ᠡᠬᠡ ᠠ᠋᠂
ᠬᠠᠭᠠᠨ᠂
ᠬᠠᠲᠤᠨ᠄ ᠦ᠁ᠪᠢᠳᠡᠨ ᠢ᠋ ᠴᠤ᠌ ᠭᠡᠰᠡᠨ ᠠᠭᠤᠴᠢᠯᠠᠭᠠᠷᠠᠢ᠂ ᠮᠠᠭᠤᠬᠠᠢ ᠵᠠᠩ ᠭᠠᠷᠭᠠᠵᠤ ᠪᠠᠢᠭᠰᠠᠨ ᠳ᠋ᠤ᠌᠂
ᠰᠢᠳᠢᠲᠡᠨ᠄ ᠲᠠ ᠬᠣᠶᠠᠷ ᠢ᠋ᠶ᠋ᠠᠷ ᠦᠨᠡᠬᠡᠷ ᠶᠡᠬᠡ ᠪᠠᠬᠠᠷᠬᠠᠵᠤ ᠪᠠᠢᠨᠠ᠂ ᠲᠠ ᠬᠣᠶᠠᠷ ᠢ᠋ ᠦᠷᠭᠦᠯᠵᠢ ᠬᠠᠷᠠᠵᠤ ᠪᠠᠢᠨᠠ ᠰᠢᠦ᠂ ᠵᠠ᠂ ᠪᠠᠶᠠᠷᠲᠠᠢ!
ᠨᠠᠤᠮᠢ ᠪᠣᠯᠤᠨ ᠲᠡᠭᠦᠨ ᠦ᠌ ᠡᠴᠢᠭᠡ ᠡᠬᠡ᠂ ᠳ᠋ᠢ᠍ᠽᠢ ᠪᠣᠯᠤᠨ ᠲᠡᠭᠦᠨ ᠦ᠌ ᠠᠪᠤ ᠡᠵᠢ ᠰᠠᠯᠬᠤ ᠶᠣᠰᠣ ᠬᠢᠭᠡᠳ ᠣᠷᠳᠣᠨ ᠤᠷᠤᠭᠤ ᠪᠠᠨ ᠶᠠᠪᠤᠵᠠᠭᠠᠯᠠ᠂
ᠳ᠋ᠢ᠍ᠽᠢ ᠠᠮᠠᠯᠠᠭᠰᠠᠨ ᠶᠣᠰᠣᠭᠠᠷ ᠢ᠋ᠶ᠋ᠠᠨ ᠳᠠᠷᠤᠤᠬᠠᠨ ᠲᠤᠰᠠᠴᠢ ᠥᠬᠢᠨ ᠪᠣᠯᠵᠠᠢ᠂ ᠡᠭᠦᠨ ᠢ᠋ ᠨᠢ ᠬᠠᠷᠠᠭᠠᠳ ᠠᠪᠤ ᠡᠵᠢ ᠨᠢ ᠬᠢᠵᠠᠭᠠᠷ ᠦᠭᠡᠢ ᠶᠡᠬᠡ ᠪᠠᠶᠠᠷᠯᠠᠯᠠ᠃ ᠨᠠᠤᠮᠢ ᠴᠤ᠌ ᠭᠡᠰᠡᠨ ᠰᠠᠢᠬᠠᠨ ᠰᠡᠳᠬᠢᠯ ᠲᠠᠢ ᠪᠣᠯᠵᠤ ᠬᠥᠮᠦᠨ ᠪᠦᠷᠢ ᠶ᠋ᠢ ᠭᠠᠢᠬᠠᠰᠢᠷᠠᠭᠤᠯᠤᠯᠠ᠂ ᠬᠥᠮᠦᠰ ᠲᠡᠭᠦᠨ ᠢ᠋ ᠢᠯᠡᠭᠦᠦ ᠶᠡᠬᠡ ᠪᠡᠷ ᠬᠠᠢᠷᠠᠯᠠᠬᠤ ᠪᠣᠯᠵᠠᠢ᠃
ᠬᠣᠶᠠᠷ ᠥᠬᠢᠨ ᠪᠡᠶᠡ ᠪᠠᠶᠠᠨ ᠠ᠋ᠴᠠ ᠪᠠᠨ ᠳᠠᠷᠤᠤᠬᠠᠨ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠪᠠᠢᠬᠤ ᠶ᠋ᠢ ᠰᠤᠷᠤᠯᠴᠠᠵᠤ᠂ ᠥᠭᠭᠦᠭᠰᠡᠨ ᠦ᠌ ᠪᠡᠨ ᠬᠢᠷᠢ ᠪᠡᠷ ᠬᠠᠢᠷᠠ ᠬᠠᠯᠠᠮᠵᠢ ᠠᠪᠳᠠᠭ ᠭᠡᠳᠡᠭ ᠢ᠋ ᠣᠢᠯᠠᠭᠠᠵᠠᠢ᠃ ᠭᠡᠬᠦ ᠳ᠋ᠦ᠍ ᠪᠡᠨ ᠥᠭᠬᠦ ᠨᠢ ᠠᠪᠬᠤ ᠠ᠋ᠴᠠ ᠪᠠᠨ ᠢᠯᠡᠭᠦᠦ ᠴᠢᠬᠤᠯᠠ᠂ ᠡᠨᠡ ᠬᠣᠶᠠᠷ ᠦᠷᠭᠦᠯᠵᠢ ᠡᠭᠦᠨ ᠢ᠋ ᠰᠠᠨᠠᠵᠤ ᠶᠠᠪᠤᠨᠠ ᠭᠡᠳᠡᠭ ᠲᠤ ᠢᠲᠡᠭᠡᠯᠲᠡᠢ ᠪᠠᠢᠨᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠯᠲᠠᠨᠬᠤᠶᠠᠭ
ᠦᠰᠦᠭ ᠬᠠᠳᠠᠭᠴᠢ᠄ ᠭᠠᠸᠠ
ᠬᠢᠨᠠᠭᠴᠢ᠄ ᠢᠷᠡᠭᠡᠳᠦᠢ᠂ ᠣᠳᠬᠠᠨᠰᠸᠠ