ᠬᠥᠯᠥᠰᠥᠨ ᠦ᠌ ᠬᠤᠰᠤᠭᠤᠷХөлсний хусуур-ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠤᠯᠠᠮᠵᠢᠯᠠᠯᠲᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠵᠢᠴᠢ ᠲᠡᠭᠦᠨ ᠦ᠌ ᠤᠬᠠᠭᠠᠨ1-14ᠤ᠋· ᠰ· ᠬᠥᠭᠵᠢᠯᠲᠦ
308
ᠪ · ᠰ ᠬᠥᠭᠵᠢᠯᠲᠦ ᠵᠣᠷᠢᠭᠲᠤ
ᠬᠥᠯᠥᠰᠥᠨ ᠦ᠌ ᠬᠤᠰᠤᠭᠤᠷ ᠪᠣᠯ ᠠᠷᠴᠠ ᠽᠠᠨᠳᠠᠨ ᠵᠡᠷᠭᠡ ᠰᠠᠢᠨ ᠮᠣᠳᠣ ᠪᠠᠷ ᠬᠢᠭᠰᠡᠨ ᠲᠣᠬᠣᠢ ᠬᠢᠷᠢ ᠤᠷᠲᠤ᠂ ᠢᠮᠠᠬᠤ ᠢᠯᠡᠭᠦᠦ ᠥᠷᠭᠡᠨ ᠬᠢᠲᠤᠭᠠ ᠰᠢᠭ᠋ ᠡᠳ᠋ ᠶᠦᠮ᠃ ᠵᠠᠷᠢᠮ ᠬᠤᠰᠤᠭᠤᠷ ᠤ᠋ᠨ ᠬᠣᠶᠠᠷ ᠨᠢᠭᠤᠷ ᠲᠠᠯᠠ ᠳ᠋ᠤ᠌ ᠬᠡᠢᠮᠣᠷᠢ᠂ ᠰᠣᠶᠣᠩᠪᠣ ᠵᠡᠷᠭᠡ ᠵᠢᠷᠤᠭ ᠰᠡᠢᠯᠦᠭᠰᠡᠨ ᠡᠴᠡ ᠲᠤᠩ ᠭᠣᠶᠣ ᠰᠠᠢᠬᠠᠨ ᠪᠠᠢᠳᠠᠭ᠃ ᠤᠶᠠᠭᠠᠴᠢᠨ ᠬᠤᠰᠤᠭᠤᠷ ᠢ᠋ᠶ᠋ᠠᠷ ᠮᠣᠷᠢᠨ ᠤ᠋ ᠬᠥᠯᠥᠰᠥ ᠶ᠋ᠢ ᠬᠤᠰᠤᠳᠠᠭ ᠨᠢ ᠵᠥᠪᠬᠡᠨ ᠡᠩ ᠵᠢᠷ ᠦ᠋ᠨ ᠵᠠᠩ ᠦᠢᠯᠡ ᠲᠡᠳᠦᠢ ᠪᠢᠰᠢ᠂ ᠨᠢᠭᠡ ᠵᠦᠢᠯ ᠦ᠋ᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠠᠷᠠᠴᠢᠯᠠᠭᠠ ᠶᠤᠮ᠃ ᠶᠠᠭᠤᠨ ᠤ᠋ ᠡᠮᠦᠨᠡ᠂ ᠬᠥᠯᠥᠰᠥ ᠡᠪᠡᠷᠡᠬᠦ ᠶ᠋ᠢ ᠬᠤᠷᠳᠤᠳᠬᠠᠵᠤ ᠬᠥᠯᠥᠰᠥᠨ ᠬᠣᠣᠷᠳᠠᠯ ᠢ᠋ ᠰᠡᠷᠭᠡᠢᠯᠡᠪᠡ᠃ ᠬᠣᠯᠠ ᠳᠠᠪᠬᠢᠵᠤ ᠢᠷᠡᠭᠰᠡᠨ ᠤᠷᠤᠯᠳᠤᠭᠠᠨ ᠤ᠋ ᠮᠣᠷᠢ ᠬᠥᠯᠥᠰᠥᠨ ᠰᠦᠪᠡ ᠨᠢ ᠨᠡᠭᠡᠭᠡᠭᠳᠡᠭᠡᠳ ᠦᠰᠦᠨ ᠳ᠋ᠦ᠍ ᠨᠢ ᠮᠠᠰᠢ ᠶᠡᠬᠡ ᠬᠡᠮᠵᠢᠶᠡᠨ ᠦ᠌ ᠬᠠᠯᠠᠭᠤᠨ ᠬᠥᠯᠥᠰᠥ ᠬᠤᠷᠠᠵᠤ ᠪᠠᠢᠳᠠᠭ᠃ ᠡᠢᠮᠦ ᠡᠴᠡ ᠤᠶᠠᠭᠠᠴᠢᠨ ᠳᠠᠪᠬᠢᠵᠤ ᠢᠷᠡᠭᠰᠡᠨ ᠮᠣᠷᠢ ᠪᠠᠨ ᠠᠮᠢᠰᠬᠤᠭᠠ ᠨᠢ ᠪᠠᠭᠠ ᠳᠠᠷᠤᠭᠳᠠᠮᠠᠭᠴᠠ ᠬᠥᠯᠥᠰᠥ ᠶ᠋ᠢ ᠨᠢ ᠬᠤᠰᠤᠵᠤ ᠬᠥᠯᠥᠰᠥ ᠬᠠᠲᠠᠬᠤ ᠶ᠋ᠢ ᠨᠢ ᠲᠦᠷᠭᠡᠳᠬᠡᠨ᠂ ᠪᠡᠶᠡ ᠶ᠋ᠢ ᠨᠢ ᠬᠥᠩᠭᠡᠯᠡᠳᠡᠭ ᠢ᠋ᠶ᠋ᠡᠷ ᠪᠠᠷᠠᠬᠤ ᠦᠭᠡᠢ᠂ ᠭᠣᠣᠯ ᠨᠢ ᠬᠠᠯᠠᠭᠤᠨ ᠬᠥᠯᠥᠰᠥ ᠬᠥᠯᠥᠰᠥᠨ ᠰᠦᠪᠡ ᠪᠡᠷ ᠨᠢ ᠪᠤᠴᠠᠭᠠᠳ ᠠᠷᠠᠰᠤ ᠮᠢᠬᠠᠨ ᠳᠤ ᠨᠢ ᠰᠢᠮᠡᠳᠴᠦ᠂ ᠬᠥᠯᠥᠰᠥᠨ ᠦ᠌ ᠬᠣᠣᠷᠳᠠᠯ ᠡᠭᠦᠰᠬᠦ ᠡᠴᠡ ᠰᠡᠷᠭᠡᠢᠯᠡᠳᠡᠭ ᠤᠬᠠᠭᠠᠨ ᠲᠠᠢ ᠃ ᠡᠨᠡ ᠪᠣᠯ ᠬᠤᠰᠤᠭᠤᠷ ᠤ᠋ᠨ ᠦᠢᠯᠡᠳᠦᠯ ᠶᠦᠮ᠃ ᠬᠣᠶᠠᠷ ᠲᠤ᠂ ᠬᠥᠯᠥᠰᠥᠨ ᠰᠦᠪᠡ ᠶ᠋ᠢ ᠨᠢ ᠳᠠᠷᠤᠳᠠᠭ᠃ ᠬᠥᠯᠥᠰᠥ ᠬᠤᠰᠤᠬᠤ ᠳ᠋ᠤ᠌ ᠦᠰᠦ ᠶ᠋ᠢ ᠨᠢ ᠳᠠᠭᠠᠭᠤᠯᠤᠨ ᠪᠠᠢᠨ ᠳᠠᠬᠢᠨ ᠬᠤᠰᠤᠳᠠᠭ ᠲᠤᠯᠠ ᠨᠣᠢᠲᠠᠨ ᠦᠰᠦ ᠨᠢ ᠳᠠᠷᠤᠭᠳᠠᠵᠤ ᠨᠢᠭᠲᠠᠷᠠᠭᠠᠳ ᠨᠢᠭᠡᠨᠲᠡ ᠨᠡᠭᠡᠭᠡᠭᠳᠡᠭᠰᠡᠨ ᠬᠥᠯᠥᠰᠥᠨ ᠰᠦᠪᠡ ᠪᠡᠷ ᠨᠢ ᠰᠠᠯᠬᠢᠨ ᠴᠣᠬᠢᠬᠤ ᠠ᠋ᠴᠠ ᠰᠡᠷᠭᠡᠢᠯᠡᠵᠦ ᠴᠢᠳᠠᠳᠠᠭ᠃ ᠭᠤᠷᠪᠠ ᠳ᠋ᠤ᠌᠂ ᠢᠯᠢᠵᠦ ᠨᠤᠬᠤᠯᠠᠬᠤ ᠦᠢᠯᠡᠳᠦᠯ ᠲᠡᠢ᠃ ᠬᠥᠯᠥᠰᠥ ᠬᠤᠰᠤᠬᠤ ᠳᠤ ᠨᠢᠷᠤᠭᠤ᠂ ᠬᠣᠨᠳᠣᠯᠠᠢ᠂ ᠡᠩᠭᠡᠯᠵᠡᠭᠦᠷ ᠵᠡᠷᠭᠡ ᠭᠠᠵᠠᠷ ᠢ᠋ᠶ᠋ᠠᠷ ᠨᠢ ᠪᠠᠢᠨ ᠳᠠᠬᠢᠨ ᠬᠤᠰᠤᠳᠠᠭ ᠲᠤᠯᠠ ᠴᠢᠩᠭᠠᠷᠠᠭᠰᠠᠨ ᠪᠤᠯᠴᠢᠩ ᠳᠡᠯᠡᠭᠰᠡᠨ ᠰᠤᠳᠠᠯ ᠳᠤ ᠨᠢᠭᠡ ᠶᠣᠰᠣᠨ ᠤ᠋ ᠢᠯᠢᠵᠦ ᠨᠤᠬᠤᠯᠠᠬᠤ ᠲᠣᠮ ᠳᠠᠷᠤᠯᠭᠠ ᠪᠣᠯᠳᠠᠭ᠃ ᠡᠭᠦᠨ ᠡᠴᠡ ᠭᠠᠳᠠᠨᠠ᠂ ᠬᠥᠯᠥᠰᠥ ᠬᠤᠰᠤᠬᠤ᠂ ᠮᠠᠭᠠᠵᠢᠵᠤ ᠮᠠᠯᠲᠠᠨ ᠮᠠᠭᠲᠠᠵᠤ ᠢᠷᠥᠭᠡᠬᠦ ᠨᠢ ᠬᠣᠯᠠ ᠭᠦᠶᠦᠭᠡᠳ ᠵᠣᠪᠠᠵᠤ ᠢᠷᠡᠭᠰᠡᠨ ᠮᠣᠷᠢᠨ ᠳᠤ ᠨᠢᠭᠡ ᠵᠦᠢᠯ ᠦ᠋ᠨ ᠡᠩᠬᠦᠷᠡᠢᠯᠡᠯ ᠪᠣᠯᠳᠠᠭ ᠲᠤᠯᠠ ᠪᠡᠶᠡ ᠨᠢ ᠬᠤᠷᠳᠤᠨ ᠲᠠᠢᠳᠬᠤᠷᠠᠳᠠᠭ᠃ ᠬᠥᠯᠥᠰᠥᠨ ᠬᠤᠰᠤᠭᠤᠷ ᠨᠢ ᠡᠢᠮᠦ ᠣᠯᠠᠨ ᠰᠠᠢᠨ ᠲᠠᠢ ᠲᠤᠯᠠ ᠭᠠᠴᠢᠭᠳᠠᠬᠤ ᠶ᠋ᠢᠨ ᠴᠠᠭ ᠲᠦ᠍ ᠤᠶᠠᠭᠠᠴᠢᠨ ᠮᠢᠨᠢ ᠨᠢᠭᠡ ᠮᠢᠨᠦ᠋ᠲ ᠴᠦ᠍ ᠰᠠᠭᠠᠲᠠᠯ ᠦᠭᠡᠢ ᠠᠶᠠᠭᠠᠨ ᠬᠥᠪᠡᠭᠡ᠂ ᠦᠬᠡᠷ ᠦ᠋ᠨ ᠬᠠᠪᠢᠷᠭᠠ ᠪᠠᠷ ᠮᠣᠷᠢ ᠪᠠᠨ ᠬᠤᠰᠤᠵᠤ ᠶᠠᠳᠠᠷᠠᠭᠠ ᠶ᠋ᠢ ᠨᠢ ᠲᠠᠢᠯᠳᠠᠭ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠶᠤᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ᠄ ᠵ᠂ ᠪᠤᠶᠠᠨᠲᠣᠭᠲᠠᠬᠤ
ᠢᠷᠡᠯᠲᠡ᠄ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠤᠯᠠᠮᠵᠢᠯᠠᠯᠲᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠵᠢᠴᠢ ᠲᠡᠭᠦᠨ ᠦ᠌ ᠤᠬᠠᠭᠠᠨ
2023᠂11᠂17