ᠤᠷᠭᠠУурга-ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠤᠯᠠᠮᠵᠢᠯᠠᠯᠲᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠵᠢᠴᠢ ᠲᠡᠭᠦᠨ ᠦ᠌ ᠤᠬᠠᠭᠠᠨ1-13ᠤ᠋· ᠰ· ᠬᠥᠭᠵᠢᠯᠲᠦ
1078
ᠪ᠂ ᠰ ᠬᠥᠭᠵᠢᠯᠲᠦ ᠵᠣᠷᠢᠭᠲᠤ
ᠤᠷᠭᠠ ᠪᠣᠯ ᠪᠦᠷᠭᠦᠳ ᠰᠢᠭ ᠮᠣᠩᠭᠣᠯᠴᠤᠳ ᠯᠤᠤ ᠰᠢᠭ᠋ ᠠᠳᠤᠭᠤ ᠪᠠᠨ ᠴᠠᠬᠢᠯᠭᠠᠨ ᠰᠢᠭ᠋ ᠴᠠᠯᠮᠠᠳᠠᠳᠠᠭ ᠰᠢᠳᠢ ᠲᠡᠢ ᠡᠳ᠋ ᠶᠦᠮ᠃ ᠶᠠᠭᠤᠨ ᠤ᠋ ᠡᠮᠦᠨᠡ᠂ ᠤᠷᠭᠠ ᠪᠣᠯ ᠤᠭᠰᠠᠷᠠᠵᠤ ᠪᠣᠯᠳᠠᠭ ᠰᠡᠯᠪᠢᠭ ᠲᠡᠢ ᠪᠠᠭᠠᠵᠢ ᠶᠤᠮ᠃ ᠤᠷᠭᠠ ᠨᠢ ᠠᠳᠤᠭᠤ ᠤᠷᠭᠠᠯᠠᠬᠤ ᠳᠤᠮᠳᠠ ᠦᠷᠭᠦᠯᠵᠢ ᠬᠤᠭᠤᠷᠠᠳᠠᠭ᠃ ᠤᠷᠭᠠ ᠬᠤᠭᠤᠷᠠᠵᠤ ᠠᠵᠢᠯ ᠰᠠᠭᠠᠲᠠᠬᠤ ᠶ᠋ᠢ ᠰᠡᠷᠭᠡᠢᠯᠡᠬᠦ ᠶ᠋ᠢᠨ ᠲᠥᠯᠥᠭᠡ ᠤᠷᠭᠠᠴᠢᠨ ᠨᠠᠷ ᠤᠷᠭᠠ ᠪᠠᠨ ᠤᠷᠭᠠᠨ ᠴᠡᠭᠡᠵᠢ᠂ ᠤᠷᠭᠠᠨ ᠳᠤᠮᠳᠠ᠂ ᠤᠷᠭᠠᠨ ᠲᠠᠲᠠᠭᠠᠷᠢ ᠭᠡᠵᠦ ᠭᠤᠷᠪᠠᠨ ᠬᠡᠰᠡᠭ ᠬᠤᠪᠢᠶᠠᠵᠤ᠂ ᠨᠢᠭᠡ ᠪᠡᠶᠡ ᠳ᠋ᠦ᠍ ᠣᠯᠠᠨᠲᠠ ᠲᠣᠬᠢᠶᠠᠯᠳᠤᠬᠤ ᠬᠤᠭᠤᠷᠠᠬᠤ ᠠᠶᠤᠯ ᠢ᠋ ᠭᠤᠷᠪᠠᠨ ᠣᠬᠣᠷ ᠬᠡᠰᠡᠭ ᠲᠦ᠍ ᠲᠣᠬᠢᠶᠠᠯᠳᠤᠬᠤ ᠪᠣᠯᠭᠠᠨ ᠬᠤᠪᠢᠶᠠᠷᠢᠯᠠᠭᠰᠠᠨ ᠠ᠋ᠴᠠ ᠪᠣᠳᠠᠲᠠᠢ ᠡᠪᠳᠡᠯᠡᠭᠡ ᠳ᠋ᠦ᠍ ᠤᠴᠠᠷᠠᠬᠤ ᠬᠡᠮᠵᠢᠶᠡ ᠶ᠋ᠢ ᠨᠢᠭᠡ ᠤᠳᠠᠭᠠ ᠳ᠋ᠤ᠌ ᠵᠥᠪᠬᠡᠨ ᠨᠢᠭᠡ ᠣᠬᠣᠷ ᠬᠡᠰᠡᠭ ᠢ᠋ᠶ᠋ᠡᠷ ᠬᠢᠵᠠᠭᠠᠷᠯᠠᠵᠤ᠂ ᠨᠢᠭᠡ ᠰᠢᠷᠬᠠ ᠪᠦᠬᠦᠢᠯᠡ ᠤᠷᠭᠠ ᠶ᠋ᠢ ᠨᠥᠯᠥᠭᠡᠯᠡᠬᠦ ᠡᠴᠡ ᠵᠠᠢᠯᠠᠰᠬᠢᠪᠡ᠃ ᠬᠤᠭᠤᠷᠠᠬᠤ ᠬᠡᠰᠡᠭ ᠲᠦ᠍ ᠪᠠᠢᠭᠠ ᠳᠤᠮᠳᠠ ᠪᠠ ᠲᠠᠲᠠᠭᠠᠷᠠᠢ ᠶ᠋ᠢᠨ ᠬᠡᠰᠡᠭ ᠢ᠋ ᠤᠷᠢᠳᠠ ᠪᠠᠷ ᠵᠣᠷᠭᠣᠵᠤ ᠵᠠᠰᠠᠭᠠᠳ ᠵᠠᠷᠤᠬᠤ ᠳ᠋ᠤ᠌ ᠪᠡᠯᠡᠬᠡᠨ ᠰᠡᠯᠪᠢᠭ ᠦ᠋ᠨ ᠬᠡᠯᠪᠡᠷᠢ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠤᠭᠰᠠᠨ ᠠ᠋ᠴᠠ ᠠᠯᠢ ᠨᠢᠭᠡ ᠬᠡᠰᠡᠭ ᠨᠢ ᠬᠤᠭᠤᠷᠠᠪᠠᠴᠤ ᠣᠬᠣᠷ ᠴᠠᠭ ᠤ᠋ᠨ ᠳᠣᠲᠣᠷᠠ ᠰᠣᠯᠢᠵᠤ ᠵᠠᠯᠭᠠᠭᠠᠳ ᠠᠵᠢᠯ ᠰᠠᠭᠠᠲᠠᠬᠤ ᠦᠭᠡᠢ ᠪᠣᠯᠭᠠᠵᠤ ᠴᠢᠳᠠᠪᠠ᠃ ᠬᠣᠶᠠᠷ ᠲᠤ᠌᠂ ᠠᠮᠠ ᠰᠡᠭᠡᠷ ᠰᠢᠭ ᠵᠠᠯᠭᠠᠰᠤ ᠨᠢ ᠰᠢᠪᠲᠤᠷᠠᠬᠤ ᠶ᠋ᠢ ᠰᠡᠷᠭᠡᠢᠯᠡᠪᠡ᠃ ᠲᠠᠲᠠᠭᠠᠷᠢ ᠪᠠ ᠳᠤᠮᠳᠠ ᠶ᠋ᠢ ᠴᠠᠢᠷ ᠮᠣᠳᠣ ᠪᠠᠷ ᠬᠢᠳᠡᠭ ᠲᠤᠯᠠ ᠲᠤᠢᠯ ᠤ᠋ᠨ ᠪᠥᠬᠡ ᠪᠠᠢᠳᠠᠭ ᠪᠥᠭᠡᠳ ᠵᠠᠯᠭᠠᠭᠠᠰᠤ ᠨᠢ ᠮᠣᠳᠣᠨ ᠳᠠᠷᠬᠠᠨ ᠤ᠋ ᠦᠷᠭᠦᠯᠵᠢ ᠵᠠᠷᠤᠳᠠᠭ ᠠᠮᠠ ᠰᠡᠭᠡᠷ ᠭᠠᠷᠭᠠᠬᠤ ᠠᠷᠭᠠ ᠲᠠᠢ ᠣᠢᠷᠠᠯᠴᠠᠭᠠ ᠪᠠᠢᠵᠤ᠂ ᠡᠯᠢᠭᠡᠨ ᠲᠠᠯᠠ ᠳ᠋ᠤ᠌ ᠨᠢ ᠭᠡᠳᠡᠷᠭᠦ ᠬᠠᠷᠠᠭᠰᠠᠨ ᠲᠠᠩᠨᠠᠢ ᠶ᠋ᠢᠨ ᠬᠡᠷᠴᠢᠯᠡᠭᠡᠰᠦ ᠭᠠᠷᠭᠠᠵᠤ ᠲᠡᠪᠡᠭᠡᠯᠡᠵᠦ ᠵᠠᠯᠭᠠᠳᠠᠭ ᠲᠤᠯᠠ ᠮᠤᠯᠲᠤᠷᠠᠳᠠᠭ ᠦᠭᠡᠢ᠃ ᠳᠠᠬᠢᠭᠠᠳ ᠬᠡᠯᠡᠪᠡᠯ ᠵᠠᠯᠭᠠᠬᠤ ᠳ᠋ᠤ᠌ ᠪᠠᠨ ᠤᠷᠭᠠᠨ ᠣᠷᠢᠶᠠᠯᠲᠠ ᠪᠠᠨ ᠨᠤᠷᠠᠭᠠᠵᠤ ᠪᠠᠢᠭᠠᠳ ᠣᠷᠢᠶᠠᠳᠠᠭ ᠲᠤᠯᠠ ᠬᠠᠲᠠᠭᠰᠠᠨ ᠤ᠋ ᠳᠠᠷᠠᠭᠠ ᠨᠡᠩ ᠴᠢᠩᠭᠠ᠂ ᠨᠡᠩ ᠯᠠᠪᠳᠠᠭᠤᠨ ᠪᠣᠯᠳᠠᠭ᠃ ᠭᠤᠷᠪᠠ ᠳ᠋ᠤ᠌᠂ ᠤᠷᠭᠠᠨ ᠬᠤᠢᠪᠢ ᠪᠣᠯ ᠬᠠᠮᠤᠭ ᠤ᠋ᠨ ᠪᠥᠬᠡ ᠳᠡᠭᠡᠰᠦ ᠮᠥᠨ᠃ ᠭᠤᠷᠪᠠᠨ ᠡᠷᠴᠢᠮ ᠦ᠋ᠨ ᠰᠢᠷᠪᠥᠰᠥ ᠪᠤᠶᠤ ᠨᠠᠷᠢᠨ ᠰᠤᠷᠯᠢᠭ ᠢ᠋ᠶ᠋ᠠᠷ ᠨᠢᠭᠡᠳᠬᠡᠭᠰᠡᠨ ᠬᠤᠢᠪᠢ ᠨᠢ ᠪᠠᠢᠭᠠᠯᠢᠯᠢᠭ ᠮᠠᠲ᠋ᠧᠷᠢᠶᠠᠯ ᠳᠣᠲᠣᠷᠠᠬᠢ ᠬᠠᠮᠤᠭ ᠤ᠋ᠨ ᠪᠥᠬᠡᠯᠢᠭ ᠡᠳ᠋ ᠪᠠᠢᠵᠤ᠂ ᠪᠠᠷᠤᠭ ᠭᠤᠷᠪᠠᠨ ᠵᠠᠭᠤᠨ ᠵᠢᠩ ᠬᠦᠨᠳᠦ ᠶᠠᠭᠤᠮᠠ ᠶ᠋ᠢ ᠳᠠᠭᠠᠭᠠᠳᠠᠭ᠃ ᠰᠤᠷᠯᠢᠭ ᠨᠢ ᠰᠢᠨᠳᠠᠰᠤ ᠪᠠᠷ ᠰᠢᠷᠪᠥᠰᠥ ᠵᠢ ᠬᠦᠷᠬᠦ ᠦᠭᠡᠢ ᠪᠣᠯᠪᠠᠴᠤ ᠳᠤᠲᠠᠭᠤ ᠰᠢᠷᠯᠡᠬᠦ ᠠᠷᠭᠠ ᠠᠪᠤᠭᠰᠠᠨ ᠠ᠋ᠴᠠ ᠢᠳᠡᠭᠳᠡᠯ ᠢ᠋ᠶ᠋ᠡᠷ ᠪᠠᠭᠠ ᠪᠠᠢᠵᠤ ᠪᠥᠬᠡ ᠪᠠᠢᠳᠠᠭ᠃ ᠡᠢᠮᠦ ᠡᠴᠡ ᠬᠤᠢᠪᠢ ᠪᠣᠯ ᠤᠯᠠᠮᠵᠢᠯᠠᠯᠲᠤ ᠳᠡᠭᠡᠰᠦᠨ ᠦ᠌ ᠳᠣᠲᠣᠷᠠᠬᠢ ᠬᠠᠮᠤᠭ ᠨᠠᠷᠢᠨ᠂ ᠬᠠᠮᠤᠭ ᠤ᠋ᠨ ᠴᠢᠨᠠᠷᠯᠢᠭ ᠳᠡᠭᠡᠰᠦ ᠪᠥᠭᠡᠳ ᠤᠷᠭᠠ ᠬᠠᠶᠠᠬᠤ ᠳ᠋ᠤ᠌ ᠣᠨᠣᠪᠴᠢᠲᠠᠢ᠂ ᠵᠠᠷᠤᠬᠤ ᠳ᠋ᠤ᠌ ᠪᠥᠬᠡ ᠪᠠᠢᠳᠠᠭ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠨᠰᠡᠷᠡᠩ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ