ᠠᠷᠭᠠᠮᠵᠢᠶᠠ᠂ ᠡᠷᠭᠢᠯᠭᠡАргамжаа, эргэлэг-ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠤᠯᠠᠮᠵᠢᠯᠠᠯᠲᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠵᠢᠴᠢ ᠲᠡᠭᠦᠨ ᠦ᠌ ᠤᠬᠠᠭᠠᠨ1-10ᠤ᠋· ᠰ· ᠬᠥᠭᠵᠢᠯᠲᠦ
612ᠠᠷᠭᠠᠮᠵᠢᠶᠠ᠂ ᠡᠷᠭᠢᠯᠭᠡ
ᠪ· ᠰ ᠬᠥᠭᠵᠢᠯᠲᠦ ᠵᠣᠷᠢᠭᠲᠤ
ᠡᠷᠭᠢᠯᠭᠡ ᠪᠣᠯ ᠠᠷᠭᠠᠮᠵᠢᠶᠠ ᠪᠠ ᠨᠣᠭᠲᠣ ᠵᠡᠷᠭᠡ ᠶ᠋ᠢᠨ ᠪᠣᠭᠣᠮᠢ ᠳᠡᠭᠡᠷᠡ ᠬᠡᠷᠡᠭᠯᠡᠬᠦ ᠲᠡᠩᠭᠡᠯᠢᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠡᠷᠭᠢᠯᠳᠦᠬᠦ ᠬᠡᠯᠬᠢᠶᠡ ᠬᠣᠶᠠᠷ ᠭᠠᠷᠠᠬᠠ ᠶᠤᠮ᠃ ᠶᠠᠭᠤᠨ ᠤ᠋ ᠡᠮᠦᠨᠡ᠂ ᠡᠷᠭᠢᠯᠭᠡ ᠨᠢ ᠠᠷᠭᠠᠮᠵᠢᠶᠠ ᠶ᠋ᠢ ᠪᠥᠬᠡ ᠪᠣᠯᠭᠠᠵᠠᠢ᠃ ᠡᠷᠭᠢᠯᠭᠡ ᠦᠭᠡᠢ ᠪᠣᠯ ᠠᠷᠭᠠᠮᠵᠢᠶᠠ ᠡᠷᠴᠢᠮᠯᠡᠵᠦ ᠴᠢᠩᠭᠠᠷᠠᠭᠠᠳ ᠮᠠᠯ ᠤᠨᠤᠭᠠ ᠪᠠᠨ ᠪᠣᠭᠣᠬᠤ ᠪᠤᠶᠤ ᠮᠤᠰᠬᠢᠯᠳᠤᠬᠤ ᠵᠠᠩᠭᠢᠶᠠᠰᠤ ᠭᠠᠷᠤᠭᠠᠳ ᠠᠮᠠᠷᠬᠠᠨ ᠲᠠᠰᠤᠷᠠᠳᠠᠭ᠃ ᠡᠰᠡᠬᠦᠯᠡ ᠡᠷᠴᠢᠮ ᠨᠢ ᠬᠠᠷᠢᠵᠤ ᠰᠤᠯᠠᠷᠠᠭᠠᠳ ᠲᠠᠲᠠᠵᠤ ᠴᠢᠩᠭᠠᠭᠠᠬᠤ ᠵᠢ ᠳᠠᠭᠠᠭᠠᠬᠤ ᠦᠭᠡᠢ ᠥᠪᠡᠷᠲᠡᠭᠡᠨ ᠲᠠᠰᠤᠷᠠᠳᠠᠭ᠃ ᠭᠡᠲᠡᠯᠡ ᠡᠷᠭᠢᠯᠭᠡ ᠵᠠᠷᠤᠪᠠᠯ ᠳᠡᠭᠡᠰᠦᠨ ᠦ᠌ ᠡᠢᠮᠦᠷᠬᠦᠦ ᠡᠷᠴᠢᠮ ᠣᠷᠣᠬᠤ ᠪᠤᠶᠤ ᠡᠷᠴᠢᠮ ᠬᠠᠷᠢᠬᠤ ᠦᠵᠡᠭᠳᠡᠯ ᠢ᠋ ᠦᠭᠡᠢᠰᠬᠡᠵᠦ ᠲᠠᠰᠤᠷᠠᠬᠤ ᠪᠣᠯᠤᠮᠵᠢ ᠶ᠋ᠢ ᠶᠡᠬᠡᠪᠡᠷ ᠪᠠᠭᠠᠰᠬᠠᠳᠠᠭ᠃ ᠠᠷᠭᠠᠮᠵᠢᠶᠠ ᠵᠢ ᠬᠠᠮᠤᠭ ᠰᠠᠢᠨ ᠨᠢ ᠬᠢᠯᠭᠠᠰᠤᠨ ᠳᠡᠭᠡᠰᠦᠨ ᠤ ᠦᠵᠦᠭᠦᠷ ᠲᠦ᠍ ᠡᠷᠭᠢᠯᠭᠡ ᠣᠷᠣᠭᠤᠯᠵᠤ ᠬᠢᠪᠡᠯ ᠡᠷᠴᠢᠮ ᠣᠷᠣᠬᠤ ᠦᠭᠡᠢ ᠪᠥᠭᠡᠳ ᠰᠢᠭᠦᠳᠡᠷᠢ ᠤᠰᠤᠨ ᠳ᠋ᠤ᠌ ᠨᠣᠷᠴᠤ ᠲᠠᠰᠤᠷᠠᠬᠤ ᠠ᠋ᠴᠠ ᠠᠶᠤᠬᠤ ᠦᠭᠡᠢ ᠪᠠᠢᠳᠠᠭ᠃ ᠠᠷᠭᠠᠮᠵᠢᠶᠠ ᠨᠢ ᠤᠨᠤᠭᠠ ᠬᠦᠯᠦᠰᠢ ᠶ᠋ᠢ ᠢᠳᠡᠰᠢᠯᠡᠭᠦᠯᠳᠡᠭ ᠪᠥᠭᠡᠳ ᠥᠷᠥᠭᠡᠯ᠂ ᠲᠤᠰᠢᠶᠠ᠂ ᠴᠢᠳᠥᠷ ᠢ᠋ ᠪᠣᠳᠣᠪᠠᠯ ᠬᠣᠯᠠᠳᠠᠬᠤ ᠦᠭᠡᠢ ᠪᠠᠢᠯᠭᠠᠳᠠᠭ ᠤᠴᠢᠷ ᠠ᠋ᠴᠠ ᠮᠣᠩᠭᠣᠯᠴᠤᠳ ᠥᠷᠭᠡᠨ ᠢᠶᠡᠷ ᠵᠠᠷᠤᠳᠠᠭ ᠨᠡᠭᠦᠳᠡᠯ ᠠᠮᠢᠳᠤᠷᠠᠯ᠂ ᠣᠷᠣᠭᠠ ᠪᠣᠰᠬᠠᠭᠠ ᠠᠮᠢᠳᠤᠷᠠᠯ ᠤᠨ ᠲᠦᠷᠦᠳᠡᠰᠦ ᠮᠥᠨ᠃ ᠬᠣᠶᠠᠷ ᠲᠤ᠌᠂ ᠠᠷᠭᠠᠮᠵᠢᠶᠠ ᠪᠣᠯ ᠮᠥᠨ ᠴᠦ᠍ ᠲᠠᠲᠠᠯᠭᠠ ᠮᠥᠨ᠃ ᠮᠣᠩᠭᠣᠯᠴᠤᠳ ᠤ᠋ᠨ ᠬᠠᠰᠠᠭ ᠲᠡᠷᠭᠡᠨ ᠳᠡᠭᠡᠷᠡ ᠡᠳ᠋ ᠪᠣᠳᠠᠰ ᠢᠶᠡᠨ ᠳᠠᠷᠤᠭᠤᠯᠵᠤ ᠲᠠᠲᠠᠯᠭᠠᠳᠠᠬᠤ ᠭᠠᠷ ᠠᠪᠤᠯᠭᠠ ᠪᠣᠯ《ᠲᠡᠮᠡᠭᠡᠴᠢᠯᠡᠬᠦ》 ᠤᠶᠠᠳᠠᠯ ᠪᠥᠭᠡᠳ ᠠᠷᠭᠠᠮᠵᠢᠶᠠ ᠶ᠋ᠢᠨ ᠤᠷᠲᠤ ᠵᠢᠨ ᠬᠡᠮᠵᠢᠶᠡ ᠨᠢ ᠶᠠᠭ ᠰᠠᠢᠬᠠᠨ ᠡᠨᠡ ᠬᠦ᠌ ᠤᠶᠠᠳᠠᠯ ᠤ᠋ᠨ ᠬᠡᠷᠡᠭᠴᠡᠭᠡ ᠵᠢ ᠬᠠᠩᠭᠠᠵᠤ ᠳᠡᠢᠯᠳᠡᠭ ᠡᠴᠡ ᠲᠡᠮᠡᠭᠡᠴᠢᠯᠡᠬᠦ ᠳᠦ ᠪᠡᠨ ᠮᠣᠩᠭᠣᠯᠴᠤᠳ ᠬᠡᠵᠢᠶᠡᠳᠡ ᠭᠠᠷ ᠦᠵᠦᠭᠦᠷ ᠪᠡᠯᠡᠬᠡᠨ ᠪᠠᠢᠳᠠᠭ ᠠᠷᠭᠠᠮᠵᠢᠶᠠ ᠪᠠᠨ ᠵᠠᠷᠤᠳᠠᠭ᠃ ᠲᠡᠮᠡᠭᠡᠴᠢᠯᠡᠬᠦ ᠨᠢ ᠲᠡᠷᠭᠡᠨ ᠤ ᠵᠥᠪ ᠲᠠᠯᠠ ᠵᠢᠨ ᠡᠮᠦᠨᠡ ᠢᠯᠠᠤ ᠠᠴᠠ ᠪᠤᠷᠤᠭᠤ ᠲᠠᠯᠠ ᠶ᠋ᠢᠨ ᠬᠣᠢᠲᠤ ᠢᠯᠠᠤ ᠤᠷᠤᠭᠤ ᠠᠷᠭᠠᠮᠵᠢᠶᠠ ᠪᠠᠨ ᠬᠠᠶᠠᠵᠤ᠂ ᠤᠨᠵᠢᠭᠤᠯᠵᠤ ᠪᠠᠢᠭᠠ ᠬᠣᠶᠠᠷ ᠦᠵᠦᠭᠦᠷ ᠢ ᠨᠢ ᠲᠤᠰ ᠲᠤᠰ ᠠᠷᠠᠯ ᠤ᠋ᠨ ᠳᠣᠣᠭᠤᠷ ᠪᠤᠴᠠᠭᠠᠵᠤ ᠳᠡᠭᠡᠭᠰᠢ ᠲᠠᠲᠠᠵᠤ ᠠᠪᠤᠭᠠᠳ ᠳᠠᠬᠢᠵᠤ ᠭᠣᠣᠯ ᠳᠡᠭᠡᠰᠦᠨ ᠳᠡᠭᠡᠷᠡ ᠪᠠᠨ ᠤᠶᠠᠳᠠᠭ᠃ ᠡᠢᠮᠦ ᠤᠶᠠᠳᠠᠯ ᠨᠢ ᠪᠠᠷᠠᠭᠠ ᠲᠡᠭᠡᠭᠡᠰᠢ ᠶ᠋ᠢᠨ ᠡᠮᠦᠨᠡ ᠬᠣᠢᠨᠠ ᠬᠣᠶᠠᠷ ᠲᠠᠯᠠ ᠳᠤ ᠲᠤᠰ ᠪᠦᠷᠢ ᠠᠳᠠᠯᠢ ᠬᠠᠵᠠᠭᠤᠲᠤ ᠭᠤᠷᠪᠠᠯᠵᠢᠨ ᠬᠡᠯᠪᠡᠷᠢᠲᠦ ᠦᠳᠡᠭᠡᠷᠢ ᠡᠭᠦᠰᠬᠡᠳᠡᠭ ᠲᠤᠯᠠ ᠲᠡᠭᠡᠭᠡᠰᠢ ᠪᠥᠬᠡ᠂ ᠭᠡᠭᠡᠵᠦ ᠲᠤᠰᠬᠤ ᠦᠭᠡᠢ ᠪᠠᠢᠳᠠᠭ᠃ ᠲᠡᠭᠡᠬᠦ ᠮᠥᠷᠲᠡᠭᠡᠨ ᠴᠢᠩᠭᠠᠯᠠᠬᠤ ᠳ᠋ᠤ᠌ ᠵᠥᠪᠬᠡᠨ ᠳᠡᠭᠡᠰᠦᠨ ᠤ ᠨᠢᠭᠡ ᠦᠵᠦᠭᠦᠷ ᠢ᠋ ᠨᠢ ᠲᠠᠲᠠᠪᠠᠯ ᠪᠦᠬᠦ ᠳᠠᠷᠤᠭᠤᠯᠭᠠ ᠬᠥᠭᠡᠭᠡᠯᠴᠡᠭᠡᠨ ᠴᠢᠩᠭᠠᠷᠠᠳᠠᠭ ᠮᠡᠷᠭᠡᠨ ᠤᠬᠠᠭᠠᠨ ᠲᠠᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠨᠰᠡᠷᠡᠩ
ᠬᠢᠨᠠᠭᠴᠢ ᠪᠠᠭᠰᠢ ᠄ ᠵ· ᠪᠤᠶᠠᠨᠲᠣᠭᠲᠠᠬᠣ᠂ ᠭᠠᠷᠮᠠ
ᠢᠷᠡᠯᠲᠡ᠄《ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠤᠯᠠᠮᠵᠢᠯᠠᠯᠲᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠵᠢᠴᠢ ᠲᠡᠭᠦᠨ ᠦ᠌ ᠤᠬᠠᠭᠠᠨ》 ᠠ᠋ᠴᠠ