ᠪᠤᠷᠬᠠБорх-ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠤᠯᠠᠮᠵᠢᠯᠠᠯᠲᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠵᠢᠴᠢ ᠲᠡᠭᠦᠨ ᠦ᠌ ᠤᠬᠠᠭᠠᠨ1-09ᠤ᠋· ᠰ· ᠬᠥᠭᠵᠢᠯᠲᠦ
633
ᠪᠤᠷᠬᠠ
ᠪ· ᠰ ᠬᠥᠭᠵᠢᠯᠲᠦ ᠵᠣᠷᠢᠭᠲᠤ
ᠪᠤᠷᠬᠠ ᠪᠣᠯ ᠪᠢᠷᠠᠭᠤ ᠶ᠋ᠢ ᠰᠦ ᠡᠴᠡ ᠨᠢ ᠰᠠᠯᠭᠠᠬᠤ ᠡᠳ᠋ ᠶᠦᠮ᠃ ᠲᠥᠭᠡ ᠬᠢᠷᠢ ᠤᠷᠲᠤ ᠂ ᠠᠯᠠᠭᠠ ᠳᠠᠷᠤᠮᠠ ᠥᠷᠭᠡᠨ ᠬᠠᠪᠲᠠᠰᠤ ᠶ᠋ᠢᠨ ᠨᠢᠭᠡ ᠲᠠᠯᠠ ᠶ᠋ᠢᠨ ᠤᠷᠲᠤ ᠬᠥᠪᠡᠭᠡᠨ ᠳᠡᠭᠡᠷᠡ ᠨᠢ ᠤᠬᠤᠳᠠᠯ ᠭᠠᠷᠭᠠᠵᠤ ᠪᠢᠷᠠᠭᠤ ᠶ᠋ᠢᠨ ᠬᠠᠮᠠᠷ ᠲᠤ᠌ ᠰᠠᠯᠭᠠᠵᠤ ᠠᠪᠬᠤ ᠦᠭᠡᠢ ᠨᠡᠯᠢᠶᠡᠳ ᠤᠷᠲᠤ ᠬᠤᠭᠤᠴᠠᠭᠠ ᠵᠡᠭᠦᠯᠭᠡᠭᠡᠳ ᠡᠬᠡ ᠪᠡᠨ ᠬᠥᠬᠥᠬᠦ ᠶ᠋ᠢ ᠬᠣᠷᠢᠭᠯᠠᠵᠤ ᠰᠦ ᠡᠴᠡ ᠨᠢ ᠰᠠᠯᠭᠠᠬᠤ ᠡᠳ᠋ ᠶᠦᠮ᠃ ᠦᠢᠯᠡᠳᠦᠯ ᠢ᠋ᠶ᠋ᠡᠷ ᠱᠥᠷᠭᠡ ᠲᠡᠢ ᠠᠳᠠᠯᠢᠬᠠᠨ ᠪᠠᠢᠳᠠᠭ ᠪᠣᠯᠪᠠᠴᠤ ᠬᠡᠷᠡᠭᠴᠡᠭᠡ ᠪᠠ ᠵᠣᠷᠢᠯᠭᠠ ᠪᠠᠷ ᠠᠳᠠᠯᠢ ᠦᠭᠡᠢ ᠪᠠᠢᠳᠠᠭ᠃ ᠶᠠᠭᠤᠨ ᠤ᠋ ᠡᠮᠦᠨᠡ ᠂ ᠡᠬᠡ ᠮᠠᠯ ᠤ᠋ᠨ ᠲᠠᠷᠭᠤ ᠬᠦᠴᠦ ᠶ᠋ᠢ ᠪᠠᠲᠤᠯᠠᠬᠤ ᠬᠡᠷᠡᠭᠴᠡᠭᠡ ᠲᠡᠢ᠃ ᠬᠤᠰᠠᠷᠠᠩ ᠦᠨᠢᠶᠡᠨ ᠦ᠌ ᠰᠦ ᠨᠢ ᠲᠠᠲᠠᠭᠤᠷᠠᠵᠤ ᠰᠢᠷᠭᠢᠬᠦ ᠪᠣᠯᠤᠭᠰᠠᠨ ᠪᠠᠢᠲᠠᠯᠠ ᠵᠠᠷᠢᠮ ᠬᠣᠪᠳᠣᠭ ᠪᠢᠷᠠᠭᠤ ᠨᠢ ᠪᠠᠰᠠ ᠯᠠ ᠬᠥᠬᠥᠭᠡᠳ ᠡᠬᠡ ᠶ᠋ᠢᠨ ᠢ᠋ᠶ᠋ᠡᠨ ᠲᠠᠷᠭᠤ ᠬᠦᠴᠦ ᠠᠪᠬᠤ ᠶ᠋ᠢ ᠬᠠᠷᠰᠢᠯᠠᠳᠠᠭ᠃ ᠢᠯᠠᠩᠭᠤᠶᠠ ᠵᠠᠷᠢᠮ ᠪᠢᠷᠠᠭᠤ ᠨᠢ ᠡᠬᠡ ᠨᠢ ᠲᠤᠭᠤᠯᠯᠠᠭᠰᠠᠨ ᠪᠠᠢᠲᠠᠯᠠ ᠨᠢᠯᠬᠠ ᠲᠤᠭᠤᠯ ᠲᠠᠢ ᠪᠤᠯᠢᠶᠠᠯᠴᠠᠵᠤ ᠬᠥᠬᠥᠭᠡᠳ ᠡᠬᠡ ᠮᠠᠯ ᠤ᠋ᠨ ᠲᠠᠷᠭᠤ ᠬᠦᠴᠦ ᠪᠠ ᠨᠢᠯᠬᠠ ᠲᠤᠭᠤᠯ ᠤ᠋ᠨ ᠪᠣᠢᠵᠢᠯᠲᠠ ᠶ᠋ᠢ ᠴᠥᠮ ᠨᠥᠯᠥᠭᠡᠯᠡᠳᠡᠭ᠃ᠡᠢᠮᠦᠷᠬᠦᠦ ᠦᠶᠡ ᠳ᠋ᠦ᠍ ᠪᠤᠷᠬᠠ ᠵᠡᠭᠦᠯᠭᠡᠵᠦ ᠪᠢᠷᠠᠭᠤ ᠶ᠋ᠢᠨ ᠡᠬᠡ ᠪᠡᠨ ᠬᠥᠬᠥᠬᠦ ᠶ᠋ᠢ ᠲᠠᠰᠤ ᠵᠣᠭᠰᠣᠭᠠᠳᠠᠭ ᠬᠡᠷᠡᠭᠴᠡᠭᠡ ᠲᠡᠢ᠃ ᠳᠠᠷᠠᠭᠠ ᠨᠢ ᠡᠷᠲᠡ ᠣᠷᠣᠭᠠ ᠣᠷᠣᠭᠤᠯᠬᠤ ᠵᠣᠷᠢᠯᠭᠠ ᠲᠠᠢ᠃ ᠪᠢᠷᠠᠭᠤ ᠶ᠋ᠢ ᠡᠷᠲᠡ ᠰᠢᠭ ᠰᠦ ᠡᠴᠡ ᠨᠢ ᠰᠠᠯᠭᠠᠬᠤ ᠦᠭᠡᠢ ᠪᠣᠯ ᠬᠤᠰᠠᠷᠠᠩ ᠦᠨᠢᠶᠡ ᠣᠷᠣᠭᠠ ᠣᠷᠣᠬᠤ ᠨᠢ ᠣᠷᠣᠢ ᠪᠣᠯᠬᠤ ᠪᠤᠶᠤ ᠰᠤᠪᠠᠢᠷᠠᠬᠤ ᠠᠶᠤᠯ ᠲᠠᠢ ᠪᠠᠢᠳᠠᠭ᠃ ᠡᠢᠮᠦ ᠪᠠᠢᠳᠠᠯ ᠳ᠋ᠤ᠌ ᠪᠤᠷᠬᠠ ᠵᠡᠭᠦᠯᠭᠡᠵᠦ ᠡᠷᠲᠡ ᠰᠢᠭ ᠰᠦ ᠡᠴᠡ ᠨᠢ ᠰᠠᠯᠭᠠᠪᠠᠯ ᠡᠬᠡ ᠮᠠᠯ ᠤ᠋ᠨ ᠲᠠᠷᠭᠤ ᠬᠦᠴᠦ ᠮᠠᠰᠢ ᠬᠤᠷᠳᠤᠨ ᠰᠠᠢᠵᠢᠷᠠᠵᠤ ᠣᠷᠣᠭᠠ ᠣᠷᠣᠳᠠᠭ᠃ ᠪᠤᠷᠬᠠ ᠨᠢ ᠮᠥᠨ ᠴᠦ᠍ ᠱᠥᠷᠭᠡ ᠯᠦ᠍ᠭᠡ ᠠᠳᠠᠯᠢᠬᠠᠨ ᠪᠡᠯᠴᠢᠭᠡᠷ ᠦ᠋ᠨ ᠮᠠᠯ ᠠᠵᠤ ᠠᠬᠤᠢ ᠶ᠋ᠢᠨ ᠣᠨᠴᠠᠯᠢᠭ ᠲᠤ᠌ ᠲᠣᠬᠢᠷᠠᠭᠰᠠᠨ ᠡᠬᠡ ᠮᠠᠯ ᠤ᠋ᠨ ᠲᠠᠷᠭᠤ ᠬᠦᠴᠦ ᠪᠠᠲᠤᠯᠠᠬᠤ ᠡᠷᠲᠡ ᠣᠷᠣᠭᠠ ᠣᠷᠣᠭᠤᠯᠬᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠬᠠᠷᠢᠭᠤᠯᠵᠤ ᠮᠠᠯᠯᠠᠬᠤ ᠠᠷᠭᠠ ᠠᠪᠴᠠᠯ ᠶᠤᠮ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ᠄ ᠠᠵᠠᠵᠠᠶᠠᠭᠠ
ᠬᠢᠨᠠᠭᠴᠢ ᠪᠠᠭᠰᠢ᠄ ᠣᠳᠬᠠᠨᠰᠤᠠ᠂ ᠭᠠᠷᠮᠠ
ᠶᠡᠷᠦᠩᠬᠡᠢ ᠬᠢᠨᠠᠭᠴᠢ᠄ ᠵ· ᠪᠤᠶᠠᠨᠲᠣᠭᠲᠠᠬᠤ
ᠢᠷᠡᠯᠲᠡ᠄《ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠤᠯᠠᠮᠵᠢᠯᠠᠯᠲᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠵᠢᠴᠢ ᠲᠡᠭᠦᠨ ᠦ᠌ ᠤᠬᠠᠭᠠᠨ》 ᠠ᠋ᠴᠠ