ᠪᠢ ᠪᠠᠶᠠᠨ ᠬᠥᠮᠦᠨ - ᠠᠯᠲᠠБи баян хүн-алт
488ᠪᠢ ᠪᠠᠶᠠᠨ ᠬᠥᠮᠦᠨ
ᠠᠯᠲᠠ
ᠲᠦᠮᠡᠨ ᠦᠶᠡ ᠶ᠋ᠢ ᠮᠢᠨᠢ ᠳᠠᠭᠤᠷᠢᠰᠬᠠᠵᠤ
ᠲᠡᠦᠬᠡ ᠱᠠᠰᠲᠢᠷ ᠲᠤ᠌ ᠨᠡᠷᠡ ᠪᠡᠨ ᠲᠠᠮᠠᠭᠠᠯᠠᠭᠰᠠᠨ
ᠲᠥᠷᠥᠯᠬᠢ ᠬᠡᠯᠡ ᠶ᠋ᠢ ᠮᠢᠨᠢ ᠣᠯᠭᠣᠭᠰᠠᠨ
ᠲᠡᠷᠡ ᠬᠥᠮᠦᠨ ᠮᠢᠨᠢ ᠴᠢᠩᠭᠢᠰ ᠪᠣᠭᠳᠠ ᠭᠡᠵᠦ
ᠲᠡᠷᠢᠭᠦᠨ ᠪᠠᠶᠠᠨ ᠪᠣᠯᠤᠭᠰᠠᠨ ᠳ᠋ᠠᠭᠠᠨ ᠪᠢ ᠪᠠᠶᠠᠨ ᠬᠥᠮᠦᠨ!
ᠪᠣᠭᠳᠠ ᠴᠢᠩᠭᠢᠰ ᠮᠢᠨᠢ ᠪᠣᠰᠤᠭᠠ ᠪᠣᠯᠬᠣᠷ
ᠪᠣᠰᠤᠭᠠ ᠦᠰᠦᠭ ᠪᠦᠲᠦᠭᠰᠡᠨ ᠪᠠᠢᠯᠭᠦᠢ
ᠪᠤᠭᠤᠷᠤᠯ ᠳᠡᠭᠡᠳᠦᠰ ᠦ᠋ᠨ ᠮᠢᠨᠢ ᠰᠤᠷᠭᠠᠯ ᠢ᠋ᠶ᠋ᠠᠷ
ᠪᠢᠳᠡ ᠪᠦᠬᠦᠨ ᠡᠯᠢᠭᠡ ᠪᠦᠲᠦᠨ ᠳ᠋ᠡᠭᠡᠨ᠂ ᠪᠢ ᠪᠠᠶᠠᠨ ᠬᠥᠮᠦᠨ!
ᠪᠤᠷᠬᠠᠨ ᠪᠣᠳᠢᠰᠠᠳ᠋ᠸᠠ ᠶ᠋ᠢᠨ ᠰᠢᠲᠦᠯᠭᠡ ᠲᠡᠢ
ᠪᠤᠶᠠᠨ ᠵᠠᠶᠠᠭᠠᠨ ᠤ᠋ ᠳᠠᠯᠠᠯᠭᠠ ᠲᠠᠢ
ᠪᠤᠰᠤᠳ ᠤ᠋ᠨ ᠥᠪᠡᠷ ᠦ᠋ᠨ ᠬᠢ ᠦᠭᠡᠢ ᠬᠠᠪᠰᠤᠷᠴᠤ ᠶᠠᠪᠤᠳᠠᠭ
ᠪᠤᠶᠠᠨᠲᠤ ᠰᠠᠢᠬᠠᠨ ᠪᠤᠭᠤᠷᠤᠯ ᠤ᠋ᠳ ᠲᠠᠢ ᠳ᠋ᠠᠭᠠᠨ᠂ ᠪᠢ ᠪᠠᠶᠠᠨ ᠬᠥᠮᠦᠨ!
ᠡᠪᠦᠭᠡ ᠳᠡᠭᠡᠳᠦᠰ ᠮᠢᠨᠢ ᠮᠣᠩᠭᠣᠯ ᠬᠥᠮᠦᠨ
ᠥᠪᠡᠷ ᠦ᠋ᠨ ᠪᠡᠶᠡ ᠮᠢᠨᠢ ᠴᠦ᠍ ᠮᠣᠩᠭᠣᠯ ᠬᠥᠮᠦᠨ
ᠥᠷᠥᠭᠡᠯ ᠦᠨᠳᠦᠰᠦᠲᠡᠨ ᠡᠴᠡ ᠢᠯᠭᠠᠭᠳᠠᠵᠤ
ᠥᠷᠥᠪᠴᠢᠬᠡᠨ ᠮᠣᠩᠭᠣᠯ ᠪᠣᠯᠤᠭᠰᠠᠨ ᠳ᠋ᠠᠭᠠᠨ᠂ ᠪᠢ ᠪᠠᠶᠠᠨ ᠬᠥᠮᠦᠨ!
ᠠᠪᠤ ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠬᠠᠯᠠᠭᠤᠨ ᠡᠯᠢᠭᠡᠨ ᠳ᠋ᠦ᠍
ᠠᠷᠢᠭᠤᠨ ᠬᠠᠢᠷᠠ ᠢ ᠨᠢ ᠬᠦᠷᠲᠡᠵᠦ ᠥᠰᠦᠭᠰᠡᠨ
ᠠᠯᠤᠰ ᠬᠠᠷᠢ ᠶ᠋ᠢᠨ ᠡᠭᠦᠳᠡᠨ ᠳ᠋ᠦ᠍ ᠴᠦ᠍
ᠠᠯᠠᠭ ᠦᠷᠡ ᠨᠢ ᠰᠢᠭ ᠬᠠᠢᠷᠠᠯᠠᠭᠳᠠᠵᠤ ᠢᠷᠡᠭᠰᠡᠨ ᠳ᠋ᠡᠭᠡᠨ᠂ ᠪᠢ ᠪᠠᠶᠠᠨ ᠬᠥᠮᠦᠨ!
ᠲᠡᠨᠢᠭᠡᠷ ᠠᠭᠤᠳᠠᠮ ᠨᠤᠲᠤᠭ ᠲᠠᠢ ᠪᠢ ᠲᠠᠪᠤᠨ ᠡᠷᠳᠡᠨᠢ ᠶ᠋ᠢᠨ ᠰᠦᠷᠦᠭ ᠲᠡᠢ ᠪᠢ
ᠲᠠᠩᠰᠤᠭ ᠪᠠᠶᠠᠨ ᠵᠢᠷᠭᠠᠯ ᠲᠠᠢ ᠳ᠋ᠠᠭᠠᠨ
ᠲᠡᠨᠢᠭᠦᠬᠡᠨ ᠪᠡᠶᠡᠰᠴᠦ ᠶᠠᠪᠤᠳᠠᠭ ᠲᠠᠭᠠᠨ ᠪᠢ ᠪᠠᠶᠠᠨ ᠬᠥᠮᠦᠨ!
ᠠᠭᠤᠯᠠ ᠰᠢᠭ᠋ ᠳᠤᠯᠠᠭᠠᠨ ᠨᠥᠮᠥᠷᠢ ᠲᠡᠢ
ᠠᠭᠤᠴᠢᠯᠠᠯ ᠪᠠᠭᠲᠠᠭᠠᠮᠵᠢ ᠪᠠᠷ ᠳᠦᠭᠦᠷᠡᠩ ᠪᠠᠢᠳᠠᠭ
ᠦᠨᠡᠨᠴᠢ ᠬᠠᠯᠠᠭᠤᠨ ᠬᠠᠢᠷᠠ ᠪᠠᠷ ᠢ᠋ᠶ᠋ᠠᠨ ᠪᠦᠪᠡᠢᠯᠡᠨ
ᠦᠨᠡᠨ ᠰᠡᠳᠬᠢᠯ ᠦ᠋ᠨ ᠲᠦᠰᠢᠭ ᠪᠣᠯᠳᠠᠭ ᠬᠠᠨᠢ ᠲᠠᠢ ᠳ᠋ᠠᠭᠠᠨ᠂ ᠪᠢ ᠪᠠᠶᠠᠨ ᠬᠥᠮᠦᠨ!
ᠬᠥᠨᠳᠡᠢ ᠶ᠋ᠢ ᠴᠦ᠍ ᠴᠤᠤᠷᠢᠶᠠᠲᠤᠲᠠᠯᠠ ᠬᠥᠮᠡᠢᠯᠡᠳᠡᠭ
ᠬᠥᠭᠡᠷᠦᠬᠦᠢ ᠦᠷᠡ ᠲᠡᠢ ᠳ᠋ᠡᠭᠡᠨ ᠪᠢ ᠣᠮᠣᠭᠰᠢᠳᠠᠭ
ᠬᠥᠮᠦᠨ ᠦ᠌ ᠥᠪᠡᠷ ᠦ᠋ᠨ ᠦᠭᠡᠢ ᠬᠦᠨᠳᠦᠯᠡᠳᠡᠭ
ᠬᠥᠩᠭᠡᠨ ᠠᠵᠢᠯᠴᠢ ᠬᠦᠦ ᠲᠡᠢ ᠳ᠋ᠡᠭᠡᠨ᠂ ᠪᠢ ᠪᠠᠶᠠᠨ ᠬᠥᠮᠦᠨ!
ᠵᠢᠵᠢᠭᠬᠡᠨ ᠡᠷᠦᠬᠡ ᠲᠡᠢ ᠪᠣᠯᠪᠠᠴᠤ
ᠵᠢᠮᠡᠯᠡᠯ᠂ ᠰᠤᠷᠭᠠᠯ ᠢ᠋ᠶ᠋ᠠᠷ ᠭᠡᠷᠡᠯᠳᠦᠭᠦᠯᠦᠭᠳᠡᠵᠦ ᠪᠠᠢᠳᠠᠭ
ᠵᠢᠭᠳᠡ ᠨᠢᠭᠡ ᠯᠡ ᠳᠠᠭᠤ ᠲᠠᠢ
ᠵᠢᠷᠭᠠᠯ ᠴᠡᠩᠭᠡᠯᠲᠦ ᠭᠡᠷ ᠪᠦᠯᠢ ᠲᠡᠢ ᠳ᠋ᠡᠭᠡᠨ ᠂ ᠪᠢ ᠪᠠᠶᠠᠨ ᠬᠥᠮᠦᠨ!
ᠡᠭᠡᠯ ᠵᠢᠷ ᠦ᠋ᠨ ᠪᠣᠯᠪᠠᠴᠤ᠂ ᠪᠠᠶᠠᠨ ᠲᠠᠩᠰᠤᠭ ᠠᠮᠢᠳᠤᠷᠠᠯ ᠲᠠᠢ
ᠡᠷᠬᠢᠮᠰᠦᠭ ᠬᠡᠭᠡᠨᠴᠢᠷ ᠪᠢᠰᠢ ᠴᠣ ᠡᠪ ᠨᠠᠢᠷᠰᠠᠭ ᠪᠦᠯᠢ ᠲᠡᠢ ᠡᠯᠪᠡᠷᠢᠯ ᠠᠴᠢᠯᠠᠯ ᠤ᠋ᠨ ᠲᠩᠷᠢ
ᠡᠨᠡᠷᠢᠯᠲᠦ ᠪᠤᠭᠤᠷᠤᠯ ᠨᠠᠰᠤᠲᠠᠨ ᠲᠠᠢ
ᠡᠭᠡᠯ ᠶᠡᠷᠦᠮᠳᠡᠭ ᠴᠣ ᠰᠡᠳᠬᠢᠯ ᠳᠦᠭᠦᠷᠡᠩ ᠪᠠᠢᠳᠠᠭ᠂ ᠪᠢ ᠪᠠᠶᠠᠨ ᠬᠥᠮᠦᠨ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠳᠬᠠᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ᠄ ᠰᠡᠬᠡᠭᠡᠷᠡᠯ᠂ ᠭᠠᠷᠮᠠ᠂
ᠶᠡᠷᠦᠩᠬᠡᠢ ᠬᠢᠨᠠᠭᠴᠢ᠄ ᠵ· ᠪᠤᠶᠠᠨᠲᠣᠭᠲᠠᠬᠤ