ᠬᠣᠶᠠᠷ ᠭᠤᠷᠪᠠᠳᠤᠭᠠᠷ ᠠᠵᠢᠷᠭᠠ ᠮᠣᠷᠢᠨ ᠤ᠋ ᠢᠷᠥᠭᠡᠯ- ᠬᠡᠷᠡᠢᠳ ᠦ᠋ᠨ ᠬᠡᠢᠷᠦᠪ
428ᠬᠣᠶᠠᠷ ᠭᠤᠷᠪᠠᠳᠤᠭᠠᠷ ᠠᠵᠢᠷᠭᠠ ᠮᠣᠷᠢᠨ ᠤ᠋ ᠢᠷᠥᠭᠡᠯ
ᠵᠣᠬᠢᠶᠠᠭᠴᠢ᠄ ᠴ ᠬᠠᠰᠪᠢᠯᠢᠭ᠌ᠲᠦ
ᠢᠷᠦᠭᠡᠯᠴᠢ ᠬᠣᠨᠵᠢᠨ᠄ ᠬᠡᠷᠡᠢᠳ ᠦ᠋ᠨ ᠬᠡᠢᠷᠦᠪ
ᠤᠸᠮ ᠰᠠᠢᠨ ᠠᠮᠤᠭᠤᠯᠠᠩ ᠲᠠᠨ ᠪᠣᠯᠲᠤᠭᠠᠢ!
ᠤᠯᠠᠮ ᠰᠠᠢᠨ ᠵᠢᠷᠭᠠᠯᠠᠩ ᠲᠠᠨ ᠪᠣᠯᠲᠤᠭᠠᠢ!
ᠬᠣᠲᠠᠯᠠ ᠣᠯᠠᠨ ᠠᠭᠲᠠ ᠶ᠋ᠢᠨ ᠳᠣᠲᠣᠷᠠ ᠠ᠋ᠴᠠ
ᠬᠤᠯᠠᠨ ᠵᠢᠭᠢᠨᠳᠡᠢ ᠮᠡᠲᠦ ᠳᠡᠭᠦᠯᠢᠭᠰᠡᠭᠡᠷ
ᠬᠣᠯᠠ ᠭᠠᠵᠠᠷ ᠠ᠋ᠴᠠ ᠰᠤᠩᠭᠠᠨ ᠢᠷᠡᠭᠰᠡᠨ
ᠬᠣᠶᠠᠷ ᠭᠤᠷᠪᠠᠳᠤᠭᠠᠷ ᠠᠵᠢᠷᠭᠠ ᠬᠡᠨ ᠦ᠌ ᠬᠢ ᠪᠣᠢ ᠭᠡᠪᠡᠯ
ᠤᠯᠤᠰ ᠣᠷᠣᠨ ᠤ᠋ ᠤᠷᠤᠯᠳᠤᠭᠠᠨ ᠳ᠋ᠤ᠌
ᠣᠮᠣᠭ ᠲᠡᠭᠦᠯᠳᠡᠷ ᠮᠠᠩᠯᠠᠢᠯᠠᠭᠰᠠᠨ
ᠣᠨᠴᠠ ᠵᠢᠱ᠌ᠢᠶᠡᠴᠢ ᠮᠠᠯᠴᠢᠨ ᠤ᠋
ᠣᠷᠣᠭᠠ ᠰᠢᠷᠭᠠᠭᠴᠢ ᠭᠡᠭᠦᠦ ᠶ᠋ᠢᠨ ᠤᠨᠠᠭᠠ ᠶᠤᠮ᠃
ᠡᠢᠮᠦ ᠭᠠᠢᠬᠠᠮᠰᠢᠭᠲᠤ ᠠᠵᠢᠷᠭᠠ ᠮᠣᠷᠢᠨ ᠤ᠋
ᠡᠷᠳᠡᠮ ᠴᠢᠳᠠᠯ ᠢ ᠡᠷᠭᠦᠮᠵᠢᠯᠡᠨ ᠮᠠᠭᠲᠠᠪᠠᠰᠤ᠂
ᠤᠶᠠᠭᠰᠠᠨ ᠬᠣᠢᠨᠠ ᠦᠵᠡᠪᠡᠰᠦ
ᠤᠷᠠᠨ ᠬᠥᠮᠦᠨ ᠵᠢᠷᠤᠭᠰᠠᠨ ᠰᠢᠭ᠋
ᠣᠷᠣᠯᠳᠣᠭᠠᠳ ᠢᠷᠡᠬᠦ ᠶ᠋ᠢ ᠨᠢ ᠬᠠᠷᠠᠪᠠᠰᠤ
ᠠᠭᠤᠯᠠ ᠶ᠋ᠢᠨ ᠰᠤᠭᠤ ᠰᠤᠩᠭᠠᠭᠰᠠᠨ ᠰᠢᠭ᠋
ᠰᠢᠪᠡᠷ ᠨᠠᠮᠤᠭ ᠲᠠᠢ ᠭᠠᠵᠠᠷ ᠪᠠᠢᠯᠭᠠᠰᠢ ᠦᠭᠡᠢ
ᠱᠠᠯᠪᠠᠭ ᠲᠠᠢ ᠭᠠᠵᠠᠷ ᠵᠣᠭᠰᠣᠭᠠᠰᠢ ᠦᠭᠡᠢ
ᠮᠠᠭᠤ ᠬᠥᠮᠦᠨ ᠳ᠋ᠦ᠍ ᠤᠨᠤᠭᠤᠯᠤᠰᠢ ᠦᠭᠡᠢ
ᠮᠤᠷᠤᠢ ᠪᠠᠭᠠᠨᠠ ᠠ᠋ᠴᠠ ᠤᠶᠠᠰᠢ ᠦᠭᠡᠢ
ᠥᠩ ᠪᠡᠯᠴᠢᠭᠡᠷ ᠲᠤ ᠢᠳᠡᠰᠢᠯᠡᠯ ᠲᠡᠢ
ᠥᠯᠵᠡᠢᠲᠦ ᠲᠤᠩᠭᠠᠯᠠᠭ ᠢ᠋ᠶ᠋ᠠᠷ ᠤᠰᠤᠯᠠᠯᠲᠠᠢ
ᠠᠬᠠᠰ ᠵᠠᠬᠠᠰ ᠲᠤ᠌ ᠪᠠᠨ ᠠᠵᠢᠶᠠᠷᠠᠭᠤᠯᠤᠨ
ᠠᠷᠠᠳ ᠣᠯᠠᠨ ᠳ᠋ᠠᠭᠠᠨ ᠰᠣᠨᠣᠰᠬᠠᠪᠠᠰᠤ
ᠬᠠᠷᠠᠢᠨ ᠶᠠᠪᠤᠬᠤ ᠨᠢ ᠬᠠᠨᠳᠠᠭᠠᠢ ᠪᠤᠭᠤ ᠰᠢᠭ᠋
ᠬᠠᠲᠠᠷᠢᠵᠤ ᠶᠠᠪᠤᠬᠤ ᠨᠢ ᠰᠣᠯᠣᠩᠭᠠ ᠠᠳᠠᠯᠢ
ᠬᠠᠢᠯᠵᠤ ᠤᠷᠤᠰᠤᠭᠰᠠᠨ ᠪᠤᠯᠠᠭ ᠮᠡᠲᠦ ᠨᠤᠷᠭᠢᠶᠠᠨ ᠲᠠᠢ
ᠬᠠᠷᠪᠤᠵᠤ ᠲᠠᠯᠪᠢᠭᠰᠠᠨ ᠰᠤᠮᠤ ᠮᠡᠲᠦ ᠬᠤᠷᠳᠤᠨ
ᠤᠳᠤᠮ ᠰᠠᠢᠲᠤ ᠶ᠋ᠢᠨ ᠤᠨᠠᠭᠠ
ᠤᠰᠬᠠᠯ ᠬᠤᠷᠳᠤᠨ ᠮᠣᠷᠢ ᠪᠥᠭᠡᠳ
ᠲᠦᠢᠮᠡᠷ ᠮᠡᠲᠦ ᠲᠦᠷᠭᠡᠨ ᠤᠴᠢᠷ ᠠ᠋ᠴᠠ
ᠲᠦᠪᠰᠢᠨ ᠲᠥᠷᠥ ᠳ᠋ᠡᠭᠡᠨ ᠰᠠᠢᠰᠢᠶᠠᠭᠳᠠᠭᠰᠠᠨ
ᠳᠠᠭᠤᠲᠤ ᠮᠥᠨᠳᠥᠷ ᠮᠡᠲᠦ ᠲᠦᠷᠭᠡᠨ
ᠳᠤᠭᠤᠯᠳᠠᠬᠤ ᠬᠠᠷᠴᠠᠭᠠᠢ ᠭᠡᠭᠴᠢ ᠡᠨᠡ ᠮᠠᠭᠠᠳ ᠮᠥᠨ ᠪᠣᠯᠲᠤᠭᠠᠢ!
ᠲᠡᠷᠡ ᠪᠡᠯᠭᠡ ᠪᠡᠷ ᠪᠣᠯᠲᠤᠭᠠᠢ!
2004 ᠣᠨ ᠤ᠋5 ᠰᠠᠷᠠ ᠶ᠋ᠢᠨ5 ᠤ᠋ ᠡᠳᠦᠷ ᠪᠢᠴᠢᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠬᠠᠳᠠᠭᠴᠢ᠄ ᠬᠡᠷᠡᠢᠳ ᠨᠠᠷᠠᠰᠤ
ᠬᠢᠨᠠᠭᠴᠢ᠄ ᠵ ᠂ ᠪᠤᠶᠠᠨᠲᠣᠭᠲᠠᠬᠤ᠂ ᠣᠳᠬᠠᠨᠰᠣᠡ᠂ ᠢᠷᠡᠭᠡᠳᠦᠢ