ᠮᠣᠩᠭᠣᠯ ᠦᠰᠦᠭ ᠢ᠋ᠶ᠋ᠡᠨ ᠪᠢᠴᠢᠶᠡ - ᠳᠠᠷᠤᠴᠢᠨ· ᠨᠠᠨᠳᠢᠨМонгол үсэгээ бичьеMongol üsegee bichiye
2340ᠮᠣᠩᠭᠣᠯ ᠦᠰᠦᠭ ᠢ᠋ᠶ᠋ᠡᠨ ᠪᠢᠴᠢᠶᠡ
ᠳᠠᠷᠤᠴᠢᠨ• ᠨᠠᠨᠳᠢᠨ
ᠠᠮᠢᠨ ᠦᠰᠦᠭ ᠢ᠋ᠶ᠋ᠡᠨ ᠪᠢᠴᠢᠶᠡ
ᠠᠬᠠᠰ ᠵᠠᠬᠠᠰ ᠲᠠᠢ ᠪᠠᠨ ᠪᠢᠴᠢᠶᠡ
ᠠᠢᠯ ᠰᠠᠭᠠᠬᠠᠯᠲᠠ ᠪᠠᠷ ᠢ᠋ᠶ᠋ᠠᠨ ᠪᠢᠴᠢᠶᠡ
ᠠᠩᠭᠠ ᠳᠡᠭᠦᠦ ᠨᠠᠷ ᠲᠠᠢ ᠪᠠᠨ ᠴᠣᠭ ᠪᠢᠴᠢᠶᠡ
ᠠᠮᠠᠷᠠᠭ ᠬᠣᠩᠭᠣᠷ ᠬᠣᠣᠰ ᠤ᠋ᠳ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠢᠴᠢᠶᠡ
ᠨᠡᠷᠡ ᠡᠴᠡ ᠪᠡᠨ ᠡᠬᠢᠯᠡᠨ ᠪᠢᠴᠢᠶᠡ
ᠭᠡᠷ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠳᠦᠷᠢᠮᠯᠡᠵᠦ ᠪᠢᠴᠢᠶᠡ
ᠭᠠᠷ ᠤ᠋ᠨ ᠦᠰᠦᠭ ᠵᠢᠷᠤᠬᠤ ᠳ᠋ᠤ᠌ ᠪᠢᠴᠢᠶᠡ
ᠵᠠᠷ ᠮᠡᠳᠡᠭᠡ ᠳᠠᠮᠵᠢᠭᠤᠯᠬᠤ ᠳ᠋ᠤ᠌ ᠪᠠᠨ ᠴᠤ᠌ ᠪᠢᠴᠢᠶᠡ
ᠵᠠᠰᠠᠭ ᠤ᠋ᠨ ᠵᠢᠭᠠᠪᠤᠷᠢ ᠶ᠋ᠢ ᠰᠤᠷᠲᠠᠯᠴᠢᠯᠠᠬᠤ ᠳ᠋ᠤ᠌ ᠴᠤ᠌ ᠪᠢᠴᠢᠶᠡ !
ᠬᠥᠨᠳᠡᠯᠡᠨ ᠴᠦ᠍ ᠪᠣᠰᠤᠭᠠ ᠴᠤ᠌ ᠪᠢᠴᠢᠵᠦ ᠯᠡ ᠪᠠᠢᠪᠠᠯ
ᠬᠦᠨᠳᠦᠳᠬᠡᠵᠦ ᠳᠡᠭᠡᠳᠦᠯᠡᠵᠦ ᠬᠡᠷᠡᠭᠯᠡᠵᠦ ᠯᠡ ᠪᠠᠢᠪᠠᠯ
ᠬᠥᠪᠡᠭᠦᠳ ᠥᠬᠢᠳ ᠲᠡᠭᠡᠨ ᠱᠠᠭᠠᠷᠳᠠᠵᠤ ᠯᠠ ᠪᠠᠢᠪᠠᠯ
ᠬᠥᠮᠦᠨ ᠦ᠌ ᠬᠢ ᠡᠴᠡ ᠬᠣᠴᠣᠷᠤᠯ ᠦᠭᠡᠢ ᠴᠠᠬᠢᠮᠵᠢᠭᠤᠯᠵᠤ ᠴᠢᠳᠠᠪᠠᠯ
ᠬᠥᠭᠵᠢᠭᠦᠯᠵᠦ ᠥᠷᠨᠢᠭᠦᠯᠬᠦ ᠶ᠋ᠢᠨ ᠬᠦᠴᠦᠨ ᠲᠡᠷᠡ
ᠬᠥᠷᠥᠩᠭᠡᠵᠢᠵᠦ ᠪᠠᠶᠠᠵᠢᠬᠤ ᠶ᠋ᠢᠨ ᠣᠬᠢ ᠨᠢ ᠲᠡᠷᠡ ᠠ᠋
ᠳᠡᠭᠡᠳᠦᠰ ᠡᠴᠡ ᠤᠯᠪᠠᠭᠠᠯᠠᠭᠰᠠᠨ ᠮᠣᠩᠭᠣᠯ ᠦᠰᠦᠭ ᠢ᠋ᠶ᠋ᠡᠨ
ᠳᠡᠯᠡᠬᠡᠢ ᠳ᠋ᠦ᠍ ᠪᠢᠳᠡ ᠨᠠᠷ ᠪᠢᠴᠢᠬᠦ ᠦᠭᠡᠢ ᠶᠦᠮ ᠪᠣᠯ
ᠣᠯᠠᠨ ᠵᠠᠭᠤᠨ ᠶᠠᠰᠤᠲᠠᠨ ᠤ᠋ ᠳᠤᠮᠳᠠ
ᠣᠮᠣᠭ ᠵᠣᠷᠢᠭ ᠢ᠋ᠶ᠋ᠠᠷ ᠳᠤᠲᠠᠨᠠ ᠰᠢᠦ ᠳᠡ
ᠪᠢᠴᠢ ᠪᠢᠴᠢ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠪᠢᠴᠢ
ᠪᠢᠯᠢᠭ ᠣᠶᠤᠨ ᠢ᠋ᠶ᠋ᠠᠨ ᠬᠤᠷᠴᠠᠯᠠᠵᠤ ᠪᠢᠴᠢ
ᠤᠭᠤᠷᠠᠭ ᠲᠠᠷᠢᠬᠢ ᠪᠠᠨ ᠵᠡᠪᠰᠡᠭᠯᠡᠵᠦ ᠪᠢᠴᠢ
ᠠᠭᠤᠰᠬᠢ ᠵᠢᠷᠦᠬᠡ ᠪᠡᠨ ᠡᠷᠴᠢᠯᠡᠵᠦ ᠪᠢᠴᠢ ᠠ᠋ !
ᠴᠠᠭ ᠪᠠᠷᠢᠮᠲᠠᠯᠠᠨ ᠪᠢᠴᠢᠶᠡ
ᠴᠠᠭᠠᠰᠤᠨ ᠳᠡᠭᠡᠷᠡ ᠪᠢᠴᠢᠶᠡ
ᠴᠠᠬᠢᠮ ᠬᠠᠭᠤᠳᠠᠰᠤᠨ ᠳ᠋ᠤ᠌ ᠪᠢᠴᠢᠶᠡ
ᠴᠠᠮᠠᠷᠬᠠᠯ ᠦᠭᠡᠢ ᠰᠠᠢᠬᠠᠨ ᠪᠢᠴᠢᠶᠡ
ᠴᠠᠭᠠᠰᠢᠳᠠ ᠪᠠᠰᠠ ᠣᠷᠴᠢᠭᠤᠯᠵᠤ ᠪᠢᠴᠢᠶᠡ
ᠬᠤᠷᠢᠮ ᠨᠠᠢᠷ ᠲᠤ᠌ ᠪᠢᠴᠢᠶᠡ
ᠬᠤᠷᠠᠯ ᠴᠤᠭᠯᠠᠭᠠᠨ ᠳ᠋ᠤ᠌ ᠪᠢᠴᠢᠶᠡ
ᠬᠣᠯᠪᠣᠭᠠ ᠰᠦᠯᠵᠢᠶᠡᠨ ᠳ᠋ᠦ᠍ ᠪᠢᠴᠢᠶᠡ
ᠬᠣᠭᠣᠷᠣᠨᠳᠣ ᠪᠠᠨ ᠪᠦᠯᠬᠦᠮᠳᠡᠵᠦ ᠪᠢᠴᠢᠶᠡ
ᠬᠣᠢᠴᠢᠰ ᠲᠤ᠌ ᠪᠠᠨ ᠴᠤ᠌ ᠤᠬᠠᠭᠠᠷᠠᠭᠤᠯᠵᠤ ᠪᠢᠴᠢᠶᠡ !
ᠬᠣᠯᠢᠵᠤ ᠬᠤᠳᠬᠤᠭᠠᠳ ᠴᠠᠯᠴᠢᠵᠤ ᠯᠠ ᠪᠠᠢᠪᠠᠯ
ᠬᠣᠭ ᠤ᠋ᠨ ᠶᠠᠭᠤᠮᠠ ᠰᠢᠭ᠋ ᠬᠠᠶᠠᠵᠤ ᠯᠠ ᠪᠠᠢᠪᠠᠯ
ᠬᠣᠢᠷᠭᠣᠰᠢᠵᠤ ᠵᠠᠯᠬᠠᠭᠤᠷᠠᠭᠠᠳ ᠰᠤᠷᠤᠯᠴᠠᠬᠤ ᠦᠭᠡᠢ ᠪᠠᠢᠪᠠᠯ
ᠬᠣᠵᠢᠮ ᠢᠷᠡᠭᠡᠳᠦᠢ ᠪᠡᠨ ᠪᠣᠳᠣᠯᠬᠢᠯᠠᠬᠤ ᠦᠭᠡᠢ ᠪᠠᠢᠪᠠᠯ
ᠬᠠᠢᠯᠤᠭᠳᠠᠭᠰᠠᠨ ᠮᠠᠨᠵᠤ ᠶ᠋ᠢᠨ ᠬᠣᠢᠨᠠ ᠨᠢ ᠲᠡᠷᠡ
ᠬᠠᠷᠠᠯᠠᠭᠠᠳ ᠪᠠᠯᠠᠷᠠᠬᠤ ᠶ᠋ᠢᠨ ᠬᠣᠬᠢ ᠨᠢ ᠲᠡᠷᠡ ᠠ᠋ !
ᠡᠪᠦᠭᠡᠳ ᠡᠴᠡ ᠪᠤᠤᠬᠢᠶᠠᠯᠠᠭᠰᠠᠨ ᠦᠰᠦᠭ ᠪᠢᠴᠢᠭ ᠢ᠋ᠶ᠋ᠡᠨ
ᠥᠪᠡᠷ ᠢ᠋ᠶ᠋ᠡᠨ ᠪᠢᠳᠡ ᠨᠠᠷ ᠪᠢᠴᠢᠬᠦ ᠦᠭᠡᠢ ᠶᠦᠮ ᠪᠣᠯ
ᠦᠷᠡ ᠶ᠋ᠢᠨ ᠦᠷᠡ ᠳ᠋ᠦ᠍ ᠪᠡᠨ ᠥᠮᠴᠢᠯᠡᠭᠦᠯᠬᠦ
ᠦᠨᠡᠲᠦ ᠡᠷᠳᠡᠨᠢ ᠪᠡᠷ ᠳᠤᠲᠠᠨᠠ ᠰᠢᠦ ᠳᠡ
ᠪᠢᠴᠢ ᠪᠢᠴᠢ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠪᠢᠴᠢ
ᠪᠢᠰᠢᠷᠡᠯ ᠢᠲᠡᠭᠡᠯ ᠢ᠋ᠶ᠋ᠡᠷ ᠳᠦᠭᠦᠷᠡᠩ ᠪᠢᠴᠢ
ᠴᠢᠰᠤᠨ ᠳ᠋ᠤ᠌ ᠪᠠᠨ ᠰᠢᠩᠭᠡᠲᠡᠯᠡ ᠲᠤᠩᠬᠠᠭᠯᠠᠵᠤ ᠪᠢᠴᠢ
ᠶᠠᠰᠤᠨ ᠳ᠋ᠤ᠌ ᠪᠠᠨ ᠰᠡᠢᠯᠲᠡᠯᠡ ᠲᠠᠮᠠᠭᠠᠯᠠᠵᠤ ᠪᠢᠴᠢ ᠠ᠋ !
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠳᠠᠷᠤᠴᠢᠨ• ᠨᠠᠨᠳᠢᠨ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠤᠠ