ᠭᠣᠣᠮᠠᠢ ᠨᠡᠷᠡᠯᠡᠬᠦ ᠶᠤᠮ – ᠨ ᠂ ᠵᠠᠮᠪᠠᠯᠰᠦ᠋ᠷᠦᠩ Гоомой нэрлэх юм – Н ᠂ Жамбалсүрэн
281ᠭᠣᠣᠮᠠᠢ ᠨᠡᠷᠡᠯᠡᠬᠦ ᠶᠤᠮ
ᠨ ᠂ ᠵᠠᠮᠪᠠᠯᠰᠦᠢ᠍ᠷᠦᠩ
ᠳᠠᠶᠠ ᠨᠠᠢᠵᠠ ᠶ᠋ᠢ ᠬᠡᠨ ᠨᠢᠭᠡ ᠨᠢ
ᠳ᠋ᠠᠫᠠᠭᠠ ( ᠲᠣᠬᠣᠭᠤ) ᠬᠢᠵᠦ ᠮᠢᠩᠭᠤᠵᠢᠨ ᠭᠡᠬᠦ ᠶᠤᠮ ᠃
ᠳᠠᠩᠰᠠ ᠪᠦᠷᠢᠳᠬᠡᠯ ᠯᠢᠮᠢᠲ᠋ ( ᠬᠡᠮᠵᠢᠶᠡ ) ᠦᠭᠡᠢ ᠪᠠᠢᠲᠠᠯᠠ
ᠳᠠᠯᠠᠨ ᠬᠤᠳᠠᠯᠴᠢ ᠭᠡᠵᠦ ᠭᠣᠣᠮᠠᠢ ᠨᠡᠷᠡᠯᠡᠬᠦ ᠶᠤᠮ ᠃
ᠳᠤᠲᠠᠭᠤ ᠶ᠋ᠢ ᠭᠦᠢᠴᠡᠭᠡᠬᠦ ᠭᠡᠵᠦ ᠪᠣᠳᠣᠵᠤ ᠶᠠᠪᠤᠳᠠᠭ
ᠳᠤᠮᠳᠠ ᠶ᠋ᠢ ᠳᠦᠭᠦᠷᠭᠡᠬᠦ ᠭᠡᠵᠦ ᠰᠠᠨᠠᠵᠤ ᠪᠠᠢᠳᠠᠭ
ᠳᠣᠩᠰᠢᠵᠤ ᠳᠠᠭᠤ ᠦᠭᠡᠢ ᠰᠠᠭᠤᠬᠤ ᠳᠤᠷᠠ ᠦᠭᠡᠢ
ᠳᠤᠷᠠᠰᠤᠨ ᠶᠠᠷᠢᠬᠤ ᠳ᠋ᠠᠭᠠᠨ ᠪᠡᠯᠡᠨ ᠬᠥᠮᠦᠨ ᠳᠡ᠃
ᠠᠩᠴᠢᠨ ᠤ᠋ ᠶᠠᠷᠢᠳᠠᠭ ᠰᠣᠨᠢᠨ ᠶᠠᠷᠢᠶᠠ ᠶ᠋ᠢ
ᠠᠨᠳᠠ ᠪᠠᠰᠠ ᠬᠠᠭᠤᠴᠢᠯᠠᠵᠤ ᠭᠠᠷᠤᠨᠠ ᠃
ᠠᠯᠲᠠᠢ ᠶ᠋ᠢᠨ ᠰᠢᠷᠭᠠᠴᠢᠨ ᠢ᠋ ᠠᠯᠳᠠᠵᠤ ᠫᠤᠤᠳᠠᠭᠠᠳ
ᠠᠷᠬᠠᠭᠠᠷ ᠡᠪᠡᠷ ᠢ᠋ ᠨᠢ ᠰᠠᠨᠵᠢᠭᠤᠯᠤᠭᠰᠠᠨ ᠭᠡᠳᠡᠭ ᠃
ᠤᠯᠤᠰ ᠤ᠋ᠨ ᠨᠠᠭᠠᠳᠤᠮ ᠳ᠋ᠤ᠌ ᠶᠢᠰᠦ ᠳᠠᠪᠠᠭᠠᠳ
ᠤᠴᠢᠷ ᠢ᠋ᠶ᠋ᠠᠨ ᠪᠥᠬᠡ ᠴᠡᠷᠪᠡᠭᠡᠳ ᠪᠠᠢᠬᠤ ᠪᠠᠷ
ᠤᠬᠤᠰᠬᠢᠨ ᠣᠷᠣᠵᠤ ᠬᠣᠷᠢ ᠳᠦᠦᠭᠡᠦᠷᠳᠡᠭᠡᠳ
ᠤᠷᠠᠨ ᠳᠡᠭᠡᠭᠡ ᠣᠷᠢᠶᠠᠭᠰᠠᠨ ᠭᠡᠳᠡᠭ ᠶᠤᠮ ᠃
ᠠᠲᠠᠷ ᠬᠠᠭᠠᠯᠬᠤ ᠳ᠋ᠤ᠌ ᠰᠠᠨᠠᠯ ᠢ᠋ᠶ᠋ᠠᠷ ᠣᠴᠢᠵᠤ
ᠠᠩᠬᠠᠨ ᠤ᠋ ᠱᠠᠩ ᠢ᠋ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠲᠠᠲᠠᠵᠤ
ᠠᠪᠤᠷᠭᠤ ᠺᠣᠮᠪᠠᠢᠨᠴᠢ ᠴᠣᠯᠠ ᠲᠠᠢ ᠢᠷᠡᠭᠡᠳ
ᠠᠬᠠᠯᠠᠬᠤ ᠢᠨᠵᠧᠨᠧᠷ ᠪᠣᠯᠤᠭᠰᠠᠨ ᠭᠡᠳᠡᠭ ᠶᠤᠮ ᠃
ᠲᠤᠬᠤᠭᠤᠭᠰᠠᠨ ᠠᠵᠢᠯ ᠳ᠋ᠤ᠌ ᠲᠣᠭᠲᠠᠯ ᠦᠭᠡᠢ ᠨᠢᠰᠴᠦ
ᠲᠣᠭᠣᠷᠢᠬᠤ ᠬᠠᠭᠤᠳᠠᠰᠤ ᠲᠠᠢ ᠮᠠᠨᠠᠷᠠᠭᠠᠵᠤ ᠶᠠᠪᠤᠬᠤ ᠳ᠋ᠠᠭᠠᠨ
ᠲᠣᠳᠣᠷᠠᠭᠠ ᠦᠭᠡᠢ ᠠᠮᠵᠢᠯᠲᠠ ᠪᠠᠨ ᠰᠠᠶᠢ ᠮᠡᠳᠡᠭᠡᠯᠡᠵᠦ
ᠲᠣᠮᠣ ᠱᠠᠩᠨᠠᠯ ᠳ᠋ᠤ᠌ ᠬᠦᠷᠦᠭᠰᠡᠨ ᠭᠡᠳᠡᠭ ᠶᠤᠮ ᠃
ᠲᠡᠷᠡ ᠵᠢᠯ ᠭᠡᠨᠡᠳᠲᠡ ᠶ᠋ᠢᠨ ᠲᠣᠭᠠᠯᠠᠯᠭᠠ ᠪᠠᠷ
ᠲᠡᠳᠡᠨ ᠦ᠌ ᠠᠭᠤᠯᠬᠤ ᠡᠴᠡ ᠪᠠᠷᠠᠭᠠ ᠳᠤᠲᠠᠬᠤ ᠳ᠋ᠤ᠌
ᠲᠡᠭᠡᠬᠦ ᠶᠣᠰᠣ ᠦᠭᠡᠢ ᠂ ᠬᠠᠷᠠᠵᠤ ᠪᠠᠢ ᠭᠡᠳ
ᠲᠡᠭᠰᠢᠳᠬᠡᠯ ᠪᠣᠳᠣᠵᠤ ᠮᠠᠳᠯᠠᠭᠰᠠᠨ ᠭᠡᠳᠡᠭ ᠶᠤᠮ ᠃
ᠠᠷᠤ ᠶ᠋ᠢᠨ ᠬᠠᠭᠠᠯᠭᠠ ᠪᠠᠷ ᠠᠺᠲ ( ᠪᠠᠲᠤᠯᠭᠠ ᠪᠢᠴᠢᠭ ) ᠠᠪᠴᠤ
ᠠᠷᠪᠠ ᠬᠣᠨᠣᠭ ᠠᠮᠠᠷᠠᠵᠤ ᠪᠠᠢᠬᠤ ᠳ᠋ᠤ᠌
ᠠᠵᠠ ᠲᠠᠢ ᠪᠢᠯᠧᠲ ᠭᠡᠨᠡᠳᠲᠡ ᠰᠤᠭᠤᠯᠵᠤ
ᠠᠨᠲ᠋ᠷᠠᠺᠲ᠋ᠢᠳ᠋ ( ᠡᠮᠦᠨᠡᠲᠦ ᠲᠤᠢᠯ ) ᠢ᠋ᠶ᠋ᠠᠷ ᠵᠤᠭᠠᠯᠠᠭᠰᠠᠨ ᠭᠡᠳᠡᠭ ᠶᠤᠮ ᠃
ᠲᠡᠰᠴᠦ ᠲᠠᠭᠠᠷᠠᠯ ᠦᠭᠡᠢ ᠳᠤᠯᠮᠠ ᠶ᠋ᠢ ᠪᠤᠴᠠᠭᠠᠵᠤ
ᠳᠡᠷᠡᠨ ᠦ᠌ ᠳᠠᠷᠠᠭᠠ ᠶ᠋ᠢ ᠢᠯᠡᠭᠡᠯᠲᠡ ᠪᠡᠷ ᠶᠠᠪᠤᠭᠤᠯᠵᠤ
ᠲᠡᠵᠢᠭᠡᠭᠴᠢ ᠪᠡᠨ ᠠᠯᠳᠠᠭᠰᠠᠨ ᠤ᠋ ᠠᠬᠢᠭᠤᠬᠠᠨ ᠬᠤᠪᠢ ᠪᠠᠷ
ᠲᠡᠳᠬᠦᠪᠦᠷᠢ ᠳ᠋ᠦ᠍ ᠲᠣᠭᠲᠠᠭᠠᠯᠭᠠᠵᠤ ᠠᠪᠤᠭᠰᠠᠨ ᠭᠡᠳᠡᠭ ᠶᠤᠮ ᠃
ᠠᠮᠢᠨ ᠤ᠋ ᠮᠠᠰᠢᠨ ᠢ᠋ᠶ᠋ᠠᠷ ᠰᠢᠭᠤᠷᠭᠠᠯᠠᠵᠤ ᠶᠠᠪᠤᠬᠤ ᠳ᠋ᠠᠭᠠᠨ
ᠠᠳᠠ ᠲᠠᠢ ᠵᠣᠭᠰᠣᠭᠠᠳᠠᠭ ᠠᠦ᠋ᠲ᠋ᠣ᠋ ᠶ᠋ᠢᠨ ᠴᠠᠭᠳᠠᠭᠠ ᠶ᠋ᠢ
ᠠᠨᠠᠭᠠᠬᠤ ᠶ᠋ᠢᠨ ᠳᠡᠭᠡᠳᠦ ᠶ᠋ᠢ ᠲᠡᠭᠦᠰᠬᠦ ᠰᠢᠯᠭᠠᠯᠲᠠ ᠳ᠋ᠤ᠌
ᠠᠰᠠᠭᠤᠯᠲᠠ ᠪᠠᠷ ᠣᠷᠢᠶᠠᠵᠤ ᠤᠨᠠᠭᠠᠭᠰᠠᠨ ᠭᠡᠳᠡᠭ ᠶᠤᠮ ᠃
ᠳᠠᠶᠠ ᠨᠠᠢᠵᠠ ᠶ᠋ᠢ ᠬᠡᠨ ᠨᠢᠭᠡ ᠨᠢ
ᠳᠠᠫᠠᠭᠠ ᠬᠢᠵᠦ ᠮᠢᠩᠭᠤᠵᠢᠨ ᠭᠡᠬᠦ ᠶᠤᠮ ᠂
ᠳᠠᠩᠰᠠ ᠪᠦᠷᠢᠳᠬᠡᠯ ᠂ ᠯᠢᠮᠢᠲ᠋ ᠦᠭᠡᠢ ᠪᠠᠢᠲᠠᠯᠠ
ᠳᠠᠯᠠᠨ ᠬᠤᠳᠠᠯᠴᠢ ᠭᠡᠵᠦ ᠭᠣᠣᠮᠠᠢ ( ᠬᠡᠢᠰᠪᠦᠷᠢ ) ᠨᠡᠷᠡᠯᠡᠬᠦ ᠶᠤᠮ ᠃
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤ᠋ᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠴᠣᠯᠮᠣᠨᠲᠤᠶᠠᠭᠠ
ᠬᠢᠨᠠᠭᠴᠢ : ᠳᠠᠪᠰᠢᠯᠳᠤ
2023᠂ 10᠂ 2 ᠶ᠋ᠢᠨ ᠡᠳᠦᠷ