ᠬᠥᠬᠡ ᠲᠣᠷᠭᠠᠨ ᠳᠡᠪᠡᠯ- ᠴᠢᠯᠠᠭᠤХөх торгон дээл-чулуу
313ᠬᠥᠬᠡ ᠲᠣᠷᠭᠠᠨ ᠳᠡᠪᠡᠯ
ᠴᠢᠯᠠᠭᠤ
ᠲᠩᠷᠢ ᠶ᠋ᠢᠨ ᠥᠩᠭᠡ ᠶ᠋ᠢ ᠠᠪᠴᠤ᠂ ᠬᠥᠬᠡ ᠲᠣᠷᠭᠠ ᠪᠠᠷ ᠭᠠᠳᠠᠷᠯᠠᠪᠠ
ᠲᠡᠷᠭᠡᠯ ᠰᠠᠷᠠᠨ ᠤ᠋ ᠬᠡᠪ ᠢ᠋ᠶ᠋ᠡᠷ ᠳᠤᠭᠤᠢ ᠬᠡ ᠲᠡᠢ ᠶ᠋ᠢ ᠨᠢ ᠰᠣᠩᠭᠣᠪᠠ
ᠲᠠᠯᠠ ᠶ᠋ᠢᠨ ᠢ᠋ᠶ᠋ᠡᠨ ᠠᠭᠤᠵᠢᠮ ᠢ᠋ ᠳᠦᠷᠰᠦᠯᠡᠵᠦ᠂ ᠡᠯᠪᠡᠭ ᠲᠠᠯᠪᠢᠭᠠᠳ ᠡᠰᠬᠡᠯᠡ
ᠲᠠᠨᠢᠭᠰᠠᠨ ᠪᠦᠬᠦᠨ ᠢ᠋ ᠮᠠᠭᠲᠠᠭ ᠭᠡᠵᠦ᠂ ᠤᠷᠠᠨ ᠤ᠋ ᠰᠠᠢᠨ ᠢ᠋ᠶ᠋ᠠᠷ ᠣᠶᠣᠪᠠ
ᠡᠷᠬᠢᠮ ᠰᠠᠢᠬᠠᠨ ᠬᠠᠷᠠᠭᠳᠠᠬᠤ ᠶᠤᠮ ᠭᠡᠳ᠂ ᠰᠢᠷᠠ ᠬᠣᠷᠭᠣᠢ ᠪᠠᠷ ᠡᠮᠵᠢᠶᠡᠷᠢᠯᠡᠪᠡ
ᠡᠳ᠋ᠯᠡᠬᠦ ᠳ᠋ᠦ᠍ᠨᠢ ᠡᠪᠲᠡᠢ ᠪᠠᠢᠬᠠ ᠭᠡᠳ᠂ ᠡᠳ᠋ ᠦ᠋ᠨ ᠰᠠᠢᠨ ᠢ᠋ ᠰᠣᠩᠭᠣᠪᠠ
ᠡᠪᠦᠯ ᠳ᠋ᠡᠭᠡᠨ ᠳᠤᠯᠠᠭᠠᠨ ᠪᠠᠢᠭ ᠭᠡᠳ᠂ ᠰᠡᠩᠰᠡᠨ ᠬᠤᠷᠠᠭᠠ ᠪᠠᠷ ᠳᠣᠲᠣᠷᠯᠠᠪᠠ
ᠡᠩᠭᠡᠷ ᠡᠪᠦᠷ ᠡᠴᠡ ᠨᠢ ᠲᠠᠭᠠᠷᠠᠬᠤ ᠪᠣᠢ ᠭᠡᠳ᠂ ᠡᠷᠬᠢᠮᠯᠡᠵᠦ ᠰᠠᠢᠬᠠᠨ ᠣᠶᠣᠪᠠ
ᠬᠣᠭᠣᠯᠠᠢ ᠵᠠᠭᠠᠮᠠ ᠨᠢ ᠪᠠᠷᠢᠬᠤ ᠪᠣᠢ ᠭᠡᠳ᠂ ᠬᠤᠷᠤᠭᠤᠨ ᠤ᠋ ᠰᠠᠢᠨ ᠢ᠋ᠶ᠋ᠠᠷ ᠬᠡᠮᠵᠢᠪᠡ
ᠬᠣᠯᠠ ᠵᠠᠮ ᠳ᠋ᠤ᠌ ᠭᠠᠩᠭᠠᠯᠠ ᠭᠡᠳ᠂ ᠬᠣᠷᠭᠣᠢ ᠲᠣᠷᠭᠠ ᠲᠠᠭᠠᠷᠠᠭᠤᠯᠪᠠ
ᠬᠥᠯ ᠭᠠᠷ ᠲᠤ᠌ ᠨᠢ ᠣᠷᠢᠶᠠᠯᠳᠤᠬᠤ ᠪᠣᠢ ᠭᠡᠳ᠂ ᠬᠣᠷᠮᠣᠢ ᠶ᠋ᠢ ᠨᠢ ᠥᠷᠭᠡᠨ ᠲᠠᠯᠪᠢᠪᠠ
ᠬᠣᠨᠣᠭ ᠤ᠋ᠨ ᠪᠠᠭᠤᠴᠠ ᠳ᠋ᠠᠭᠠᠨ ᠨᠥᠮᠥᠷᠦᠭ ᠭᠡᠳ᠂ ᠤᠷᠲᠤ ᠲᠠᠯᠪᠢᠵᠤ ᠣᠶᠣᠪᠠ
ᠬᠥᠬᠡ ᠲᠣᠷᠭᠠᠨ ᠳᠡᠪᠡᠯ ᠢ᠋ ᠪᠡᠨ᠂ ᠬᠦᠰᠡᠯ ᠦ᠋ᠨ ᠰᠠᠢᠬᠠᠨ ᠢ᠋ᠶ᠋ᠠᠷ ᠣᠶᠣᠵᠤ
ᠬᠦᠨᠳᠦᠲᠦ ᠬᠠᠢᠷᠠᠲᠤ ᠠᠪᠤ ᠳ᠋ᠠᠭᠠᠨ᠂ ᠬᠦᠷᠬᠦ ᠶ᠋ᠢᠨ ᠪᠡᠯᠡᠭ ᠪᠣᠯᠭᠠᠵᠤ
ᠬᠥᠮᠦᠵᠢᠭᠦᠯᠵᠦ ᠥᠰᠬᠡᠭᠰᠡᠨ ᠬᠦᠰᠡᠯ ᠦ᠋ᠨ ᠬᠢᠨᠢ ᠠᠴᠢ ᠶ᠋ᠢ ᠬᠠᠷᠢᠭᠤᠯᠵᠤ
ᠬᠥᠮᠦᠨ ᠮᠥᠰᠥ ᠲᠡᠢ ᠶᠠᠪᠤᠬᠤ ᠰᠠᠢᠨ ᠤ᠋ ᠢᠷᠦᠭᠡᠯ ᠢ᠋ ᠨᠢ ᠳᠤᠷᠠᠰᠬᠠᠵᠤ
ᠬᠥᠬᠡ ᠲᠣᠷᠭᠠᠨ ᠳᠡᠪᠡᠯ ᠨᠢ ᠬᠥᠭᠡᠷᠦᠬᠦᠢ ᠠᠪᠤ ᠳ᠋ᠤ᠌ ᠮᠢᠨᠢ ᠲᠣᠬᠢᠷᠠᠬᠤ ᠪᠣᠢ
ᠬᠡᠦᠬᠡᠨ ᠦᠷᠡ ᠲᠡᠢ ᠪᠣᠯᠤᠭᠰᠠᠨ ᠤ᠋ ᠬᠢᠨᠢ ᠬᠤᠪᠢ ᠶ᠋ᠢ ᠨᠢ ᠢᠩᠭᠢᠵᠦ ᠬᠠᠷᠢᠭᠤᠯᠪᠠ
ᠬᠥᠳᠡᠭᠡ ᠶ᠋ᠢᠨ ᠮᠠᠯᠴᠢᠨ ᠠᠪᠤ ᠮᠢᠨᠢ᠂ ᠬᠦᠳᠡᠷ ᠴᠢᠭᠢᠷᠠᠭ ᠡᠷᠡ ᠪᠠᠢᠭᠰᠠᠨ ᠠ᠋ᠴᠠ ᠪᠠᠨ
ᠬᠡᠦᠬᠡᠨ ᠢ᠋ᠶ᠋ᠡᠨ ᠰᠠᠨᠠᠵᠤ ᠬᠦᠯᠢᠶᠡᠳᠡᠭ᠂ ᠬᠥᠮᠦᠯᠢᠭ ᠴᠢᠨᠠᠷ ᠤ᠋ᠨ ᠲᠦᠰᠢᠭ ᠮᠢᠨᠢ ᠶᠦᠮ ᠠ᠋!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠳᠬᠠᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ᠄ ᠣᠶᠤᠨᠴᠡᠴᠡᠭ᠂ ᠭᠠᠷᠮᠠ