ᠡᠭᠡᠷᠡᠦᠯ-ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠤᠯᠠᠮᠵᠢᠯᠠᠯᠲᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠵᠢᠴᠢ ᠲᠡᠭᠦᠨ ᠦ᠌ ᠤᠬᠠᠭᠠᠨ1-07ᠤ᠋· ᠰ· ᠬᠥᠭᠵᠢᠯᠲᠦ
437
ᠡᠭᠡᠷᠡᠦᠯ
ᠡᠭᠡᠷᠡᠦᠯ ᠳ᠋ᠦ᠍ ᠲᠥᠭᠥᠷᠢᠭ ᠡᠭᠡᠷᠡᠦᠯ ᠪᠠ ᠬᠥᠨᠳᠡᠯᠡᠨ ᠡᠭᠡᠷᠡᠦᠯ ᠭᠡᠵᠦ ᠪᠠᠢᠳᠠᠭ᠃ ᠡᠭᠡᠷᠡᠦᠯ ᠢ᠋ᠶ᠋ᠡᠷ ᠨᠣᠣᠰᠣ ᠡᠭᠡᠷᠡᠬᠦ ᠨᠢ ᠨᠣᠣᠰᠣ ᠪᠠᠨ ᠰᠤᠪᠤᠵᠤ ᠡᠭᠡᠷᠡᠦᠯ ᠳᠡᠭᠡᠷᠡ ᠡᠴᠡ ᠨᠢ ᠤᠶᠠᠵᠤ᠂ ᠪᠠᠷᠠᠭᠤᠨ ᠭᠠᠷ ᠤ᠋ᠨ ᠡᠷᠡᠬᠡᠢ ᠬᠤᠷᠤᠭᠤ ᠪᠠ ᠳᠣᠯᠢᠶᠠᠪᠤᠷ ᠬᠤᠷᠤᠭᠤ ᠪᠠᠷ ᠢ᠋ᠶ᠋ᠠᠨ ᠡᠭᠡᠷᠡᠦᠯ ᠢ᠋ᠶ᠋ᠡᠨ ᠢᠮᠡᠷᠲᠡᠵᠦ ᠲᠠᠰᠤᠷᠠᠯ ᠦᠭᠡᠢ ᠤᠲᠠᠰᠤ ᠡᠭᠡᠷᠡᠵᠦ ᠤᠲᠠᠰᠤ ᠪᠠᠨ ᠡᠭᠡᠷᠡᠦᠯ ᠦ᠋ᠨ ᠡᠰᠢᠨ ᠳᠡᠭᠡᠷᠡ ᠣᠷᠢᠶᠠᠨᠠ᠃ ᠢᠩᠭᠢᠵᠦ ᠣᠷᠢᠶᠠᠭᠠᠳ ᠨᠡᠯᠢᠶᠡᠳ ᠶᠡᠬᠡ ᠪᠣᠯᠪᠠᠯ ᠡᠭᠡᠷᠡᠦᠯ ᠦ᠋ᠨ ᠡᠰᠢ ᠪᠡᠨ ᠤᠲᠠᠰᠤᠨ ᠤ᠋ ᠪᠥᠮᠪᠥᠭᠡᠯᠢᠭ ᠡᠴᠡ ᠪᠡᠨ ᠰᠤᠭᠤᠯᠵᠤ ᠠᠪᠳᠠᠭ᠃ ᠡᠢᠮᠦ ᠪᠥᠮᠪᠥᠯᠢᠭ ᠢ᠋ ᠳᠥᠭᠥᠳᠡᠭ ᠭᠡᠳᠡᠭ᠃ ᠡᠭᠡᠷᠡᠭᠰᠡᠨ ᠤᠲᠠᠰᠤ ᠶ᠋ᠢᠨ ᠠᠷᠪᠢᠨ ᠪᠠᠭᠠ ᠶ᠋ᠢᠨ ᠲᠣᠭᠠᠨ ᠤ᠋ ᠨᠢᠭᠡᠴᠢ ᠮᠥᠨ᠃ ᠳᠠᠬᠢᠭᠠᠳ ᠡᠨᠡ ᠬᠦ᠌ ᠳᠥᠭᠥᠳᠡᠭ ᠢ᠋ᠶ᠋ᠡᠨ ᠵᠠᠳᠠᠯᠵᠤ ᠬᠣᠶᠠᠷ ᠭᠠᠷ ᠳᠡᠭᠡᠷᠡ ᠪᠡᠨ ᠭᠣᠭᠴᠣᠭᠠᠯᠠᠨ ᠣᠷᠢᠶᠠᠵᠤ ᠠᠪᠤᠭᠠᠳ ᠨᠢᠭᠡ ᠲᠠᠯᠠ ᠶ᠋ᠢ ᠨᠢ ᠬᠠᠢᠴᠢᠯᠠᠵᠤ ᠲᠠᠰᠤᠯᠠᠭᠠᠳ ᠠᠳᠠᠯᠢᠬᠠᠨ ᠤᠷᠲᠤ ᠣᠯᠠᠨ ᠤᠲᠠᠰᠤ ᠪᠣᠯᠭᠠᠵᠤ ᠵᠠᠷᠤᠨᠠ᠃ ᠡᠭᠦᠨ ᠢ᠋ ᠨᠢᠭᠡ ᠭᠣᠭᠴᠣᠭᠠ ᠤᠲᠠᠰᠤ ᠭᠡᠳᠡᠭ᠃ ᠪᠠᠭᠠᠷᠢᠨ ᠲᠡᠨᠢᠭᠡᠷ ᠦ᠋ᠨ ᠡᠭᠡᠷᠡᠦᠯ ᠪᠣᠯ ᠭᠣᠴᠣ ᠰᠠᠢᠬᠠᠨ ᠪᠠᠢᠳᠠᠭ ᠪᠥᠭᠡᠳ ᠬᠠᠳᠠᠭᠠᠯᠠᠵᠤ ᠥᠪᠯᠡᠵᠦ ᠪᠣᠯᠬᠤᠢᠴᠠ ᠨᠠᠨᠳᠢᠨ ᠰᠠᠢᠬᠠᠨ ᠡᠳ᠋ ᠦᠯᠦᠭ ᠶᠦᠮ᠃
ᠴᠡᠭᠡᠷ ᠦᠭᠡ᠄ ᠡᠭᠡᠷᠡᠦᠯ ᠢ᠋ᠶ᠋ᠡᠷ ᠨᠠᠭᠠᠳᠪᠠᠯ ᠲᠡᠨᠡᠭ ᠪᠣᠯᠤᠨᠠ᠃ ᠡᠭᠡᠷᠡᠦᠯ ᠦ᠋ᠨ ᠡᠰᠢ ᠪᠡᠷ ᠨᠢᠳᠦ ᠠᠮᠠ ᠪᠠᠨ ᠴᠢᠴᠢᠬᠦ ᠡᠴᠡ ᠬᠡᠷᠰᠡᠦᠯᠡᠭᠰᠡᠨ ᠴᠡᠭᠡᠷ ᠦᠭᠡ ᠶᠦᠮ᠃
—《ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠤᠯᠠᠮᠵᠢᠯᠠᠯᠲᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠵᠢᠴᠢ ᠲᠡᠭᠦᠨ ᠦ᠌ ᠤᠬᠠᠭᠠᠨ》 ᠭᠡᠬᠦ ᠨᠣᠮ ᠠ᠋ᠴᠠ
— ᠵᠣᠬᠢᠶᠠᠭᠴᠢ ᠶ᠋ᠢᠨ· ᠰ· ᠬᠥᠭᠵᠢᠯᠲᠦ ᠵᠣᠷᠢᠭᠲᠤ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠳᠤᠨᠲᠤᠶᠠᠭᠠ
ᠬᠢᠨᠠᠭᠴᠢ᠄ ᠵ · ᠪᠤᠶᠠᠨᠲᠣᠭᠲᠠᠬᠤ