ᠲᠣᠷᠭᠠᠭᠤᠯᠤᠭᠰᠠᠨ ᠦᠨᠢᠶᠡ - ᠵ ᠂ ᠳᠣᠷᠵᠢ Торгуулсан үнээ - З ᠂ Дорж
265ᠲᠣᠷᠭᠠᠭᠤᠯᠤᠭᠰᠠᠨ ᠦᠨᠢᠶᠡ
ᠵ ᠂ ᠳᠣᠷᠵᠢ
( ᠱᠣᠭ ᠰᠢᠯᠦᠭ)
ᠲᠠᠷᠢᠶᠠᠨ ᠳ᠋ᠤ᠌ ᠣᠷᠣᠵᠤ ᠬᠣᠨᠣᠭᠰᠠᠨ
ᠲᠠᠷᠭᠤᠨ ᠲᠤᠷᠠᠩᠬᠠᠢ ᠦᠨᠢᠶᠡ ᠶ᠋ᠢ
ᠥᠷᠥᠭᠡᠯ ᠲᠡᠢ ᠲᠤᠰᠢᠶᠠ ᠲᠠᠢ ᠮᠣᠷᠢᠳ ᠊ᠢ
ᠥᠨᠥ ᠡᠨᠳᠡ ᠲᠣᠷᠭᠠᠵᠤ ᠪᠠᠶ᠋ᠢᠨᠠ᠃
ᠤᠷᠲᠤ ᠨᠢᠲᠤᠷᠬ᠋ᠠ ᠰᠠᠯᠪᠠᠨᠠᠭᠠᠭᠤᠯᠤᠭᠰᠠᠨ
ᠤᠷᠢᠳᠤ ᠭᠣᠣᠯ ᠦ᠋ᠨ ᠳᠠᠮᠲᠢᠨ ᠬᠦᠦ ᠶ᠋ᠢᠨ
ᠲᠠᠷᠢᠶᠠᠨ ᠳ᠋ᠤ᠌ ᠬᠣᠨᠣᠭᠰᠠᠨ ᠮᠣᠷᠢ ᠶ᠋ᠢ
ᠲᠠᠪᠢᠨ ᠲᠥᠭᠥᠷᠢᠭ ᠶ᠋ᠢᠡᠷ《 ᠰᠢᠢᠤᠠᠬᠡᠯᠡ》᠃
ᠡᠮᠨᠡᠯᠭᠡ ᠶ᠋ᠢᠨ ᠭᠠᠯᠴᠢ ᠳᠤᠯᠮᠠ ᠶ᠋ᠢᠨ
ᠡᠷᠢᠶᠡᠭᠴᠢ ᠦᠨᠢᠶᠡ ᠶ᠋ᠢ
ᠳᠠᠪᠲᠠᠨ ᠦᠢᠯᠡᠳᠦᠭᠰᠡᠨ ᠬᠡᠷᠡᠭ ᠲᠡᠢ
ᠳᠠᠯᠠᠨ ᠲᠠᠪᠤ ᠪᠠᠷ《 ᠪᠣᠯᠭᠠᠯᠠ》᠃
ᠪᠠᠷᠢᠯᠬ᠋ᠠ ᠶ᠋ᠢᠨ ᠮᠤᠵᠢᠶᠠᠩ ᠨᠢᠮᠠ ᠶ᠋ᠢᠨ
ᠪᠠᠷᠠᠭᠠᠨ ᠬᠡᠭᠡᠷ ᠮᠣᠷᠢ ᠶ᠋ᠢ
ᠲᠠᠷᠢᠶᠠᠨ ᠰᠠᠬᠢᠭᠤᠯ ᠬᠦᠦ ᠶ᠋ᠢᠨ
ᠲᠠᠶ᠋ᠢᠯᠤᠨ ᠮᠡᠲᠡᠭᠡ ᠶ᠋ᠢ ᠦᠨᠲᠦᠰᠦᠯᠡᠵᠦ
ᠳᠥᠷᠪᠡᠨ ᠬᠥᠯ ᠪᠦᠷᠢ ᠶ᠋ᠢ
ᠳᠥᠴᠢ ᠳᠥᠴᠢᠨ ᠲᠥᠭᠥᠷᠢᠭ ᠶ᠋ᠢᠡᠷ
ᠬᠣᠣᠷ ᠬᠥᠨᠥᠭᠡᠯᠲᠦ ᠠᠮᠢ ᠶ᠋ᠢ ᠨᠢ
ᠬᠣᠶᠠᠷ ᠵᠠᠭᠤ ᠪᠠᠷ《 ᠳᠠᠩᠭᠢᠨᠠᠭᠤᠯᠤᠯᠡ》᠃
ᠲᠣᠷᠭᠠᠵᠤ ᠪᠠᠶ᠋ᠢᠬᠤ ᠳ᠋ᠤ᠌ ᠦᠨᠢᠶᠡᠳ ᠦ᠋ᠳ
ᠲᠣᠭᠣᠭᠰᠠᠨ ᠰᠢᠨᠵᠢ ᠦᠭᠡᠢ ᠰᠢᠪᠠᠭᠠᠯᠠ᠃
ᠶᠠᠯᠠᠯᠠᠵᠤ ᠪᠠᠶ᠋ᠢᠬᠤ ᠳ᠋ᠤ᠌ ᠮᠣᠷᠢᠳ ᠦ᠋ᠳ
ᠢᠯᠠᠬ᠋ᠠ ᠦᠷᠭᠦᠭᠡᠵᠦ ᠵᠣᠭᠰᠣᠨᠠ᠃
ᠡᠵᠡᠳ ᠨᠢ ᠬᠠᠷᠢᠨ ᠭᠠᠲᠠᠬ᠋ᠠ
ᠡᠯᠲᠡᠪ ᠮᠠᠷᠭᠤᠭᠠᠨ ᠡᠭᠦᠰᠭᠡᠵᠦ
ᠰᠦᠷᠲᠡᠢ ᠲᠣᠷᠭᠠᠭᠤᠯᠢ ᠰᠣᠨᠣᠰᠤᠭᠰᠠᠨ ᠨᠢ
ᠰᠡᠭᠦᠷᠡᠰᠦ ᠠᠯᠲᠠᠨ ᠭᠠᠰᠠᠯᠤᠨᠠ᠃
ᠬᠤᠤᠠᠲᠤᠭ ᠦ᠋ᠨ ᠮᠣᠲ᠋ᠣᠷᠴᠢ(1) ᠴᠠᠨᠳᠠ
ᠬᠤᠷᠳᠤ ᠪᠠᠷ ᠶ᠋ᠢᠠᠨ ᠳᠠᠪᠬᠢᠵᠤ ᠢᠷᠡᠭᠡᠳ
ᠨᠣᠮᠣᠬᠠᠨ ᠲᠣᠮᠣᠬ᠋ᠠ ᠲᠠᠢ ᠦᠨᠢᠶᠡ ᠶ᠋ᠢ ᠮᠢᠨᠢ
ᠨᠣᠶ᠋ᠢᠷᠣᠨ ᠳᠤᠮᠳᠠ ᠨᠢ ᠳᠠᠭᠠᠭᠤᠯᠵᠤ
ᠲᠠᠷᠢᠶᠠᠨ ᠤ ᠬᠡᠷᠡᠭ ᠲᠦ ᠣᠷᠣᠭᠤᠯᠤᠭᠰᠠᠨ
ᠲᠡᠷᠯᠡᠨ ᠶᠠᠭᠠᠨ ᠪᠤᠬᠠ ᠶ᠋ᠢ
ᠲᠣᠭᠣᠬ᠋ᠠ ᠬᠠᠲᠤᠮᠠᠷ ᠮᠠᠯ ᠭᠡᠵᠦ
ᠲᠣᠮᠣ ᠲᠣᠮᠣ ᠬᠠᠷᠢᠶᠠᠨᠠ᠃
ᠥᠪᠡᠷ ᠦ᠋ᠨ ᠶ᠋ᠢᠡᠨ ᠬᠦᠷᠡᠩ ᠦᠨᠢᠶᠡᠨ ᠪ
ᠥ ᠦᠭᠡᠢ ᠰᠠᠶ᠋ᠢᠬᠠᠨ ᠊ᠢ ᠮᠠᠭᠲᠠᠨᠠ᠃
ᠭᠡᠮ ᠨᠢ ᠬᠠᠷᠢᠨ ᠬᠦᠷᠡᠭᠴᠢ ᠨᠢ
ᠭᠡᠲᠡᠰᠦᠨ ᠳ᠋ᠡᠬᠢ ᠪᠤᠲᠠᠬ᠋ᠠ ᠪᠠᠨ ᠪᠠᠭᠲᠠᠭᠠᠬᠤ ᠦᠭᠡᠢ
ᠬᠡᠪᠢᠵᠦ ᠨᠢᠴᠤᠯᠬ᠋ᠠ ᠦᠭᠡᠢ ᠠᠷᠪᠠᠢ ᠶ᠋ᠢ
ᠬᠡᠪᠲᠡᠭᠡ ᠴᠢᠭ᠌ ᠶ᠋ᠢᠡᠷ ᠶ᠋ᠢᠡᠨ ᠴᠤᠪᠤᠭᠠᠭᠤᠯᠤᠨᠠ
ᠲᠣᠮᠣ ᠤᠯᠠᠭᠠᠨ ᠦᠨᠢᠶᠡᠨ ᠪ ᠯᠡ
ᠲᠣᠲᠣᠷᠬᠠᠢ ᠡᠵᠡᠨ ᠭᠠᠷᠲᠠᠭ ᠦᠭᠡᠢ
ᠬᠡᠨ ᠪ ᠦᠨᠢᠶᠡ ᠪᠣᠯᠬᠤ ᠶ᠋ᠢ
ᠬᠡᠯᠡᠬᠦ ᠬᠥᠮᠦᠨ ᠣᠯᠲᠠᠲᠠᠭ ᠦᠭᠡᠢ᠃
ᠦᠨᠢᠶᠡᠨ ᠪ ᠵᠢᠰᠦ ᠪᠡᠷ ᠪᠢᠴᠢᠭᠡᠳ
ᠦᠢᠯᠡᠳᠦᠭᠰᠡᠨ ᠬᠡᠷᠡᠭ ᠊ᠢ ᠨᠢ ᠵᠢᠭᠠᠭᠠᠳ
ᠰᠡᠭᠦᠯ ᠦ᠋ᠨ ᠲᠡᠮᠡᠭᠡᠨ ᠪ《 ᠠᠴᠢᠶᠠ》
ᠰᠦᠷᠡᠬᠡᠢ《 ᠬᠦᠨᠲᠦᠬᠡᠨ》 ᠠᠪᠴᠢᠬᠠᠪᠠ
ᠲᠠᠷᠢᠶᠠᠨ ᠳ᠋ᠤ᠌ ᠣᠷᠣᠭᠰᠠᠨ ᠮᠠᠯ ᠊ᠢ
ᠲᠠᠨᠢᠵᠤ ᠬᠥᠭᠡᠭᠡᠵᠦ ᠢᠷᠡᠭᠡᠳ
ᠡᠲᠦᠷ ᠪᠦᠷᠢ ᠢᠩᠭᠢᠵᠦ
ᠥᠨᠲᠥᠷ ᠲᠣᠷᠭᠠᠭᠤᠯᠢ ᠲᠠᠯᠪᠢᠪᠠᠯ
ᠮᠠᠨ ᠪ ᠨᠢᠭᠡᠲᠦᠯ ᠦ᠋ᠨ ᠣᠷᠣᠯᠬ᠋ᠠ
ᠮᠠᠭᠠᠳ ᠲᠣᠩ ᠠᠬᠢᠨᠠ ᠭᠡᠵᠦ
ᠱᠤᠸᠠᠮᠫᠠᠨ ᠪᠠᠷᠢᠬᠰᠠᠨ ᠨᠢᠪᠤ
ᠰᠠᠶ᠋ᠢᠬᠠᠨ ᠵᠠᠩ ᠲᠠᠢ ᠦᠭᠦᠯᠠᠨᠡ᠃
ᠮᠠᠯ ᠲᠠᠢ ᠬᠥᠮᠦᠨ ᠲᠡᠢ ᠨᠢ ᠰᠢᠢᠳᠬᠡᠭᠰᠡᠨ ᠳ᠋ᠡᠭᠡᠨ
ᠮᠠᠲᠠᠶ᠋ᠢᠵᠦ ᠵᠣᠭᠰᠣᠬ᠋ᠠ ᠣᠷᠣᠯᠠᠭᠴᠢ
ᠤᠯᠠᠭᠴᠢ ᠦᠨᠢᠶᠡᠨ ᠪ ᠲᠣᠷᠭᠠᠭᠤᠯᠢ ᠶ᠋ᠢ
ᠤᠯᠠᠮ ᠨᠡᠮᠡᠬᠦ ᠶ᠋ᠢ ᠰᠠᠨᠠᠭᠤᠯᠤᠨᠠ᠃
ᠤᠷᠲᠤ ᠰᠡᠭᠦᠯ ᠶ᠋ᠢᠡᠨ ᠰᠢᠷᠪᠢᠬᠦ ᠳ᠋ᠤ᠌
ᠤᠨᠠᠭᠰᠠᠨ ᠲᠠᠷᠢᠶᠠ ᠶ᠋ᠢ ᠪᠠᠷᠣᠭᠴᠠᠭᠠᠯᠲᠦᠵᠦ
ᠬᠣᠶᠠᠷ ᠭᠠ ᠶ᠋ᠢ ᠳᠠᠷᠬᠠᠨ
ᠬᠣᠣᠷᠯᠠᠨ ᠰᠦᠢᠳᠬᠡᠭᠰᠡᠨ ᠭᠡᠵᠦ ᠲᠣᠭᠲᠠᠪᠠ᠃
ᠰᠡᠯᠡᠮᠡᠨ ᠡᠪᠡᠷ ᠶ᠋ᠢᠡᠷ ᠶ᠋ᠢᠡᠨ ᠪᠠᠰᠠ
ᠰᠠᠵᠢᠵᠤ ᠲᠠᠷᠢᠶᠠᠯᠠᠩ ᠊ᠢ ᠬᠢᠷᠭᠠᠨᠠ ᠭᠡᠵᠦ
ᠬᠡᠳᠦ ᠪᠡᠷ ᠡᠪᠡᠷ ᠊ᠢ ᠨᠢ ᠲᠣᠷᠭᠠᠬᠤ ᠪᠤᠢ ᠭᠡᠵᠦ
ᠬᠡᠯᠡᠯᠴᠡᠵᠦ ᠶᠠᠷᠢᠯᠴᠠᠵᠤ ᠵᠣᠭᠰᠣᠪᠠ᠃
ᠲᠡᠭᠡᠲᠡᠯᠡ ᠨᠢᠭᠡᠲᠦᠯ ᠦ᠋ᠨ ᠳᠠᠷᠤᠬ᠋ᠠ
ᠲᠡᠲᠡᠨ ᠳᠡᠭᠡᠷᠡ ᠬᠦᠷᠴᠦ ᠢᠷᠡᠭᠡᠳ
ᠲᠣᠷᠭᠠᠭᠤᠯᠢ ᠨᠢ ᠭᠡᠳᠦᠷᠡᠭᠰᠡᠨ ᠤᠯᠠᠭᠴᠢ ᠶ᠋ᠢ
ᠲᠣᠭᠣᠷᠢᠵᠤ ᠰᠠᠶ᠋ᠢᠨ ᠬᠠᠷᠠᠭᠰᠠᠨ ᠶ᠋ᠢᠠᠨ
ᠮᠠᠨ ᠪ ᠠᠬᠠ ᠶ᠋ᠢᠨ ᠦᠨᠢᠶᠡ ᠭᠡᠵᠦ
ᠮᠠᠭᠠᠤᠠᠯᠠᠵᠤ ᠲᠥᠪ ᠬᠠᠷᠢᠭᠤᠯᠬᠤ ᠳ᠋ᠤᠨᠢ
ᠲᠣᠷᠭᠠᠭᠤᠯᠢ ᠪᠢᠴᠢᠬᠦ ᠭᠡᠰᠡᠭ ᠦ᠋ᠨ ᠬᠢᠨ
ᠲᠣᠮᠣ ᠲᠣᠮᠣ ᠬᠠᠷᠠᠵᠠᠭᠠᠪᠠ᠃
ᠠᠷᠪᠠᠨ ᠪᠤᠲᠠᠬ᠋ᠠ ᠴᠤᠪᠤᠭᠤᠯᠬᠤ ᠶ᠋ᠢ ᠨᠢ
ᠠᠵᠢᠬᠯᠠᠵᠤ ᠬᠠᠷᠠᠬ᠋ᠠ ᠦᠭᠡᠢ ᠶᠤᠮ ᠰᠢᠬ
ᠡᠨᠡ ᠴᠤ᠌ ᠤᠭ ᠨᠢ ᠣᠷᠣᠲᠠᠭ ᠦᠭᠡᠢ ᠶᠤᠮ ᠭᠡᠵᠦ
ᠡᠷᠭᠢᠭᠦᠯ ᠮᠠᠨᠠᠬ᠋ᠠ ᠴᠠᠭᠠᠤᠠᠬᠠᠪᠠ
ᠬᠣᠶᠠᠷ ᠡᠪᠡᠷ ᠨᠢ ᠨᠠᠷᠢᠬᠠᠨ
ᠬᠣᠨᠲᠣᠯᠠᠢ ᠪᠥᠭᠰᠡ ᠨᠢ ᠥᠨᠲᠥᠷᠬᠡᠨ
ᠠᠷᠬ᠋ᠠ ᠦᠭᠡᠢ ᠰᠦ᠋ ᠲᠡᠢ ᠦᠨᠢᠶᠡ ᠭᠡᠵᠦ
ᠠᠬᠠᠯᠠᠬᠤ ᠨᠢᠪᠤ ᠰᠢᠨᠵᠢᠯᠡᠪᠡ᠃
ᠳᠠᠯᠠᠩ ᠨᠢ ᠶᠡᠬᠡ ᠴᠢᠨᠦᠷᠡᠴᠢᠬᠡᠵᠡᠢ
ᠳᠡᠩᠲᠡᠪᠡᠯ ᠬᠠᠭᠠᠷᠠᠵᠤ ᠮᠡᠲᠡᠨᠡ ᠭᠡᠵᠦ
ᠣᠷᠣᠯᠠᠭᠴᠢ ᠳᠠᠷᠤᠬ᠋ᠠ ᠥᠪᠡᠷ ᠶ᠋ᠢᠡᠨ
ᠣᠴᠢᠵᠤ ᠵᠥᠭᠡᠯᠡᠨ ᠪᠣᠰᠬᠠᠪᠠ᠃
ᠳᠠᠷᠤᠬ᠋ᠠ ᠶ᠋ᠢᠨ ᠠᠬᠠ ᠶ᠋ᠢᠨ ᠦᠨᠢᠶᠡ ᠭᠡᠳᠡᠭ ᠶ᠋ᠢᠡᠨ
ᠳᠠᠭᠠᠮᠠᠭᠠᠢ ᠣᠶ᠋ᠢᠯᠠᠭᠠᠭᠰᠠᠨ ᠪᠣᠯᠤᠯᠲᠠᠢ
ᠠᠷᠪᠠᠢ ᠤᠯᠠᠭᠠᠨ ᠪᠤᠭᠤᠲᠠᠢ ᠶ᠋ᠢ
ᠠᠯᠬᠤᠨ ᠵᠣᠭᠰᠣᠨ ᠴᠤᠪᠤᠭᠤᠯᠤᠭᠰᠠᠭᠠᠷ
ᠲᠣᠮᠣ ᠳᠠᠯᠠᠩᠲᠤ ᠤᠯᠠᠭᠴᠢ
ᠲᠣᠷᠭᠠᠭᠤᠯᠢ ᠶ᠋ᠢᠨ ᠬᠠᠰᠢᠶᠠᠨ ᠡᠴᠡ ᠭᠠᠷᠤᠭᠠᠳ
ᠭᠡᠲᠡᠰᠦ ᠬᠡᠪᠡᠯᠢ ᠪᠡᠨ ᠳᠣᠯᠢᠶᠠᠭᠰᠠᠭᠠᠷ
ᠭᠡᠷ ᠦ᠋ᠨ ᠶ᠋ᠢᠡᠨ ᠵᠥᠭ ᠰᠠᠵᠢᠯᠠᠪᠠ᠃
- - - -
(1) ᠬᠤᠳᠳᠤᠭ ᠤᠨ ᠮᠠᠰᠢᠨ ᠠᠰᠠᠭᠠᠭ᠍ᠴᠢ ᠠᠵᠢᠯᠲᠠᠨ
《 ᠱᠣᠭ ᠬᠣᠱᠣᠩ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ 》 ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠲᠡᠭᠷᠢ ᠡᠵᠢ
ᠬᠢᠨᠠᠭ᠍ᠴᠢ : ᠲᠤᠭ᠍ᠴᠢ ᠰᠠᠷᠠᠨᠠ
2023᠂ 9᠂ 22 ᠦᠨ ᠡᠳᠦᠷ