ᠪᠢᠴᠢᠬᠠᠨ ᠤᠨᠠᠭᠠByatskhan unagaБяцхан унага
1196ᠪᠢᠴᠢᠬᠠᠨ ᠤᠨᠠᠭᠠ
ᠡᠷᠲᠡ ᠴᠠᠭ ᠲᠤ᠌ ᠶᠤᠮ ᠰᠠᠨᠵᠠᠢ᠃ ᠨᠢᠭᠡᠨ ᠨᠤᠲᠤᠭ ᠲᠦᠮᠡᠨ ᠠᠳᠤᠭᠤᠨ ᠰᠦᠷᠦᠭ ᠲᠡᠢ ᠪᠠᠢᠵᠠᠢ ᠭᠡᠨᠡ᠃ ᠨᠢᠭᠡᠳᠦᠭᠡᠷ ᠺᠣᠯᠢᠶᠠᠲ ᠤ᠋ᠨ ᠠᠯᠠᠭ ᠭᠡᠭᠦᠦ ᠡᠴᠡ ᠨᠢ ᠪᠢᠴᠢᠬᠠᠨ ᠵᠢᠵᠢᠭᠬᠡᠨ ᠠᠶᠠᠭᠠ ᠰᠢᠭ᠋ ᠤᠨᠠᠭᠠ ᠲᠥᠷᠥᠵᠡᠢ ᠭᠡᠨᠡ᠃ ᠠᠳᠤᠭᠤᠨ ᠰᠦᠷᠦᠭ ᠪᠢᠴᠢᠬᠠᠨ ᠤᠨᠠᠭᠠ ᠶ᠋ᠢ ᠥᠬᠥᠭᠡᠷᠳᠡᠨ ᠲᠡᠭᠦᠨ ᠳ᠋ᠦ᠍ ᠪᠠᠭᠠᠲᠤᠷᠯᠢᠭ ᠬᠣᠶᠠᠳᠤᠭᠠᠷ ᠺᠣᠯᠢᠶᠠᠲ ᠭᠡᠰᠡᠨ ᠨᠡᠷᠡ ᠥᠭᠴᠦ ᠭᠡᠨᠡ᠃ ᠲᠡᠭᠦᠨ ᠦ᠌ ᠠᠪᠤ ᠺᠣᠯᠢᠶᠠᠲ ᠠᠳᠤᠭᠤᠨ ᠰᠦᠷᠦᠭ ᠦ᠋ᠨ ᠠᠬᠠᠯᠠᠭᠴᠢ ᠪᠠᠭᠠᠲᠤᠷᠯᠢᠭ ᠨᠢᠭᠡᠨ ᠪᠠᠢᠯᠠ ᠃ ᠰᠦᠷᠦᠭ ᠦ᠋ᠨ ᠬᠢᠨᠢ ᠨᠢᠭᠡᠳᠦᠭᠡᠷ ᠺᠣᠯᠢᠶᠠᠲ ᠤ᠋ᠨ ᠪᠢᠴᠢᠬᠠᠨ ᠤᠨᠠᠭᠠ ᠳ᠋ᠤ᠌ ᠶᠡᠬᠡᠳᠡ ᠰᠠᠨᠠᠭᠠ ᠵᠣᠪᠠᠵᠠᠭᠠᠵᠤ ᠰᠢᠪᠠᠷ ᠢᠪᠢᠷ ᠶᠠᠷᠢᠯᠴᠠᠵᠠᠭᠠᠬᠤ ᠪᠣᠯᠵᠤ ᠭᠡᠨᠡ᠃ ᠤᠴᠢᠷ ᠨᠢ ᠲᠡᠷᠡ ᠪᠡᠷ ᠥᠪᠡᠷ ᠢ᠋ ᠪᠡᠨ ᠬᠠᠮᠠᠭᠠᠯᠠᠵᠤ ᠴᠢᠳᠠᠬᠤ ᠪᠠᠷ ᠦᠭᠡᠢ ᠵᠢᠵᠢᠭᠬᠡᠨ ᠪᠡᠶᠡ ᠲᠡᠢ ᠶᠦᠮ᠃
ᠡᠵᠢ ᠨᠢ᠄ 《 ᠬᠦᠦ ᠮᠢᠨᠢ ! ᠴᠢ ᠡᠪᠡᠰᠦᠨ ᠡᠴᠡ ᠵᠢᠵᠢᠭᠬᠡᠨ ᠶᠦ᠍ᠮ ᠴᠢᠨᠢ ᠶᠠᠭ ᠮᠢᠨᠦ ᠰᠡᠭᠦᠳᠡᠷ ᠲᠦ᠍ ᠮᠢᠨᠢ ᠶᠠᠪᠤᠭᠠᠷᠠᠢ᠃ ᠨᠠᠳᠠ ᠠ᠋ᠴᠠ ᠬᠣᠯᠠᠳᠴᠤ ᠪᠣᠯᠬᠤ ᠦᠭᠡᠢ ᠰᠢᠦ! 》 ᠭᠡᠵᠦ ᠦᠷᠭᠦᠯᠵᠢ ᠵᠠᠬᠢᠳᠠᠭ ᠪᠠᠢᠯᠠ ᠃
ᠤᠨᠠᠭᠠ ᠄ 《 ᠪᠢ ᠮᠠᠰᠢ ᠵᠢᠵᠢᠭ ᠶᠠᠭᠤᠮᠠ ᠪᠠᠢᠪᠠ ᠂ ᠣᠳᠣ ᠪᠠᠷᠤᠭ ᠠᠶᠠᠭᠠ ᠲᠠᠢ ᠪᠠᠨ ᠳᠥᠩᠭᠡᠵᠦ ᠰᠠᠴᠠᠭᠤ ᠪᠠᠢᠭᠠ ᠶᠤᠮ ᠪᠣᠯ ᠪᠢ ᠯᠤᠤ ᠳ᠋ᠤ᠌ ᠳᠣᠣᠷᠠᠬᠠᠨ ᠢ᠋ᠶ᠋ᠠᠨ ᠪᠠᠷᠢᠭᠳᠠᠨᠠ 》 ᠭᠡᠵᠦ ᠥᠪᠡᠷᠲᠡᠭᠡᠨ ᠪᠠᠢᠩᠭᠤ ᠬᠡᠯᠡᠨ ᠰᠡᠷᠡᠮᠵᠢᠯᠡᠨ ᠶᠠᠪᠤᠳᠠᠭ ᠪᠠᠢᠯᠠ ᠃
ᠪᠢᠴᠢᠬᠠᠨ ᠤᠨᠠᠭᠠᠨ ᠤ᠋ ᠲᠥᠷᠥᠭᠰᠡᠨ ᠲᠡᠷᠡ ᠭᠠᠵᠠᠷ ᠲᠤ᠌ ᠠᠭᠤᠷ ᠲᠠᠢ ᠲᠣᠭᠰᠢᠨ ᠂ ᠴᠠᠷᠴᠠᠬᠠᠢ ᠰᠢᠭ᠋ ᠨᠣᠭᠣᠭᠠᠨ᠂ ᠢᠷᠪᠢᠰ ᠰᠢᠭ ᠬᠤᠷᠳᠤᠨ᠂ ᠮᠤᠤᠷ ᠰᠢᠭ᠋ ᠨᠣᠭᠣᠭᠠᠨ ᠨᠢᠳᠦ ᠲᠡᠢ ᠠᠪᠤᠷᠭᠤ ᠲᠣᠮᠣ ᠯᠤᠤ ᠲᠡᠷᠲᠡᠭᠡᠬᠢ ᠠᠭᠤᠯᠠᠨ ᠳ᠋ᠤ᠌ ᠠᠮᠢᠳᠤᠷᠠᠳᠠᠭ ᠪᠠᠢᠵᠠᠢ ᠃
ᠨᠢᠭᠡᠨ ᠡᠳᠦᠷ ᠬᠣᠶᠠᠳᠤᠭᠠᠷ ᠺᠣᠯᠢᠶᠠᠲ ᠡᠷᠪᠡᠬᠡᠢ ᠬᠥᠭᠡᠭᠡᠨ ᠲᠣᠭᠯᠠᠵᠤ ᠪᠠᠢᠭᠠᠳ ᠰᠠᠨᠠᠭᠠᠨ ᠳ᠋ᠤ᠌ ᠦᠭᠡᠢ ᠨᠥᠭᠦᠭᠡ ᠣᠢ ᠳ᠋ᠤ᠌ ᠢᠷᠡᠭᠰᠡᠨ ᠢ᠋ᠶ᠋ᠡᠨ ᠭᠡᠨᠡᠳᠲᠡ ᠮᠡᠳᠡᠯᠡ ᠃ ᠲᠡᠭᠡᠭᠡᠳ ᠪᠤᠴᠠᠬᠤ ᠭᠡᠲᠡᠯᠡ ᠨᠥᠭᠦᠭᠡ ᠠᠶᠤᠮᠰᠢᠭ ᠤ᠋ᠨ ᠲᠣᠮᠣ ᠯᠤᠤ ᠲᠠᠢ ᠳᠠᠭᠠᠷᠠᠴᠢᠬᠠᠵᠠᠢ ᠭᠡᠨᠡ᠃
ᠤᠨᠠᠭᠠ ᠰᠣᠴᠢᠨ ᠠᠶᠤᠵᠤ ᠪᠠᠯᠠᠮᠠᠭᠳᠠᠨ ᠬᠠᠷᠠ ᠬᠤᠷᠳᠤ ᠪᠠᠷ ᠢ᠋ᠶ᠋ᠠᠨ ᠳᠠᠪᠬᠢᠨ ᠶᠠᠪᠤᠬᠤ ᠳ᠋ᠤ᠌ ᠯᠤᠤ ᠤᠨᠠᠭᠠ ᠲᠠᠢ ᠨᠢᠭᠡᠬᠡᠨ ᠠᠯᠲᠠ ᠶ᠋ᠢᠨ ᠵᠠᠢ ᠲᠠᠢ ᠨᠢᠰᠴᠦ ᠪᠠᠢᠯᠠ ᠃ ᠡᠬᠡ ᠬᠣᠶᠠᠳᠤᠭᠠᠷ ᠺᠣᠯᠢᠶᠠᠲ ᠬᠣᠯᠠ ᠠ᠋ᠴᠠ ᠠᠶᠤᠮᠰᠢᠭ ᠤ᠋ᠨ ᠯᠤᠤ ᠪᠣᠯᠤᠨ ᠬᠣᠶᠠᠳᠤᠭᠠᠷ ᠺᠣᠯᠢᠶᠠᠲ ᠤ᠋ᠨ ᠡᠯᠳᠡᠨ ᠶᠠᠪᠤᠬᠤ ᠶ᠋ᠢ ᠬᠠᠷᠠᠭᠠᠳ ᠲᠡᠷᠡ ᠳᠠᠷᠤᠢ ᠠᠳᠤᠭᠤᠨ ᠰᠦᠷᠦᠭ (1) ᠳ᠋ᠦ᠍ ᠶᠠᠭᠠᠷᠠᠨ ᠮᠡᠳᠡᠭᠳᠡᠨ ᠳᠣᠪᠲᠣᠯᠭᠠ ᠪᠠᠷ ᠶᠠᠪᠤᠯᠠ᠃
ᠯᠤᠤ (2) ᠲᠡᠷᠡ ᠵᠠᠭᠤᠷᠠ ᠤᠨᠠᠭᠠ ᠶ᠋ᠢ ᠬᠥᠭᠡᠭᠡᠨ ᠡᠯᠳᠡᠨ 《ᠮᠣᠷᠢ᠂ ᠮᠣᠷᠢ ᠴᠢ ᠴᠦ᠍ ᠠᠵᠠ ᠦᠭᠡᠢ ᠤᠨᠠᠭᠠ ᠰᠢᠦ! 》 ᠭᠡᠵᠦ ᠬᠡᠯᠡᠨ ᠪᠠᠷᠢᠵᠤ ᠠᠪᠬᠤ ᠭᠡᠲᠡᠯᠡ ᠤᠨᠠᠭᠠ ᠵᠣᠷᠢᠭᠲᠠᠢ ᠪᠠᠷ ᠄《ᠤᠨᠠᠭᠠ ᠪᠢ ᠴᠦ᠍ ᠠᠵᠠ ᠲᠠᠢ ᠠᠪᠤ ᠡᠵᠢ ᠮᠢᠨᠢ᠂ ᠪᠠᠰᠠ ᠨᠠᠢᠵᠠ ᠨᠤᠭᠤᠳ ᠮᠢᠨᠢ ᠨᠠᠮᠠ ᠶ᠋ᠢ ᠬᠠᠮᠠᠭᠠᠯᠠᠵᠤ ᠪᠠᠢᠭᠠ ᠶ᠋ᠢ ᠴᠢ ᠴᠦ᠍ ᠣᠢᠯᠠᠭᠠᠬᠤ ᠦᠭᠡᠢ ᠪᠠᠢᠨᠠ ᠳᠠ! 》 ᠭᠡᠵᠦ ᠬᠡᠯᠡᠭᠡᠳ ᠨᠠᠳᠠ ᠵᠠᠭᠤᠨ ᠬᠤᠪᠢ ᠢᠲᠡᠭᠡᠵᠦ ᠪᠣᠯᠤᠨᠠ ᠰᠢᠦ ᠭᠡᠪᠡ᠃
ᠬᠠᠷᠢᠨ ᠡᠨᠡ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠯᠤᠤ ᠶ᠋ᠢᠨ ᠠᠭᠤᠷ ᠬᠦᠷᠴᠦ ᠬᠤᠷᠳᠤ ᠪᠠᠨ ᠨᠡᠮᠡᠨ ᠨᠢᠳᠦ ᠨᠢ ᠨᠣᠭᠣᠭᠠᠨ ᠪᠢᠰᠢ ᠤᠯᠠᠭᠠᠨ ᠪᠣᠯᠵᠤ ᠤᠨᠠᠭᠠ ᠤᠷᠤᠭᠤ ᠣᠢᠷᠠᠳᠬᠤ ᠳ᠋ᠤ᠌ ᠲᠡᠷᠡ ᠬᠠᠪᠢ ᠶ᠋ᠢᠨ ᠪᠦᠬᠦ ᠠᠮᠢᠲᠠᠳ ᠤᠨᠠᠭᠠ ᠶ᠋ᠢ ᠬᠠᠮᠠᠭᠠᠯᠠᠨ ᠬᠡᠷᠡᠮᠦ᠂ ᠲᠠᠤᠯᠠᠢ᠂ ᠪᠠᠭᠠᠪᠠᠭᠠᠢ᠂ ᠰᠢᠮᠠᠭᠤᠯ᠂ ᠠᠷᠰᠯᠠᠨ᠂ ᠪᠠᠷᠰ ᠵᠡᠷᠭᠡ ᠣᠢ ᠶ᠋ᠢᠨ ᠠᠮᠢᠲᠠᠳ ᠤᠷᠤᠯᠳᠤᠨ ᠯᠤᠤ ᠤᠷᠤᠭᠤ ᠪᠦᠭᠦᠳᠡ ᠰᠠᠮᠤᠷ ᠰᠢᠳᠡᠭᠡᠳ 《ᠴᠢ ᠣᠳᠣ ᠤᠨᠠᠭᠠ ᠶ᠋ᠢ ᠠᠵᠠ ᠲᠠᠢ ᠭᠡᠳᠡᠭ ᠲᠦ᠍ ᠢᠳᠡᠭᠡ! 》ᠭᠡᠵᠦ ᠳᠣᠣᠷᠠ ᠪᠦᠷᠢ ᠨᠢ ᠬᠡᠯᠡᠯᠡ᠃ ᠡᠢᠨ ᠬᠦ᠌ ᠤᠨᠠᠭᠠ ᠶ᠋ᠢ ᠬᠠᠮᠠᠭᠠᠯᠠᠨ ᠣᠢ ᠶ᠋ᠢᠨ ᠠᠮᠢᠲᠠᠳ ᠯᠤᠤ ᠤᠷᠤᠭᠤ ᠰᠠᠮᠤᠷ ᠰᠢᠳᠡᠵᠦ ᠪᠠᠢᠬᠤ ᠵᠠᠭᠤᠷᠠ ᠠᠳᠤᠭᠤᠨ ᠰᠦᠷᠦᠭ ᠴᠦ᠍ ᠢᠷᠡᠵᠦ ᠯᠤᠤ ᠶ᠋ᠢ ᠣᠢ ᠤᠷᠤᠭᠤ ᠨᠢ ᠬᠥᠭᠡᠭᠡᠵᠦ ᠶᠠᠪᠤᠭᠤᠯᠤᠯᠠ᠃
ᠢᠩᠭᠢᠭᠡᠳ (3) ᠣᠢ ᠶ᠋ᠢᠨ ᠴᠤᠭᠤᠷᠬᠠᠢ ᠳ᠋ᠤ᠌ ᠤᠨᠠᠭᠠ ᠶ᠋ᠢ ᠠᠶᠤᠮᠰᠢᠭ ᠤ᠋ᠨ ᠮᠠᠭᠤᠬᠠᠢ ᠯᠤᠤ ᠠ᠋ᠴᠠ ᠬᠠᠮᠠᠭᠠᠯᠠᠭᠰᠠᠨ ᠢ᠋ ᠲᠡᠮᠳᠡᠭᠯᠡᠨ ᠶᠡᠬᠡ ᠨᠠᠢᠷ ᠬᠢᠵᠦ ᠴᠡᠩᠭᠡᠯ ᠪᠠᠶᠠᠷ ᠪᠣᠯᠤᠯᠠ᠃
ᠬᠡᠦᠬᠡᠳ ᠠ᠋ ! ᠡᠨᠡ ᠦᠯᠢᠭᠡᠷ ᠡᠴᠡ ᠲᠠ ᠪᠦᠬᠦᠨ ᠨᠠᠢᠵᠠ ᠨᠥᠬᠥᠳ ᠲᠡᠢ ᠪᠡᠨ ᠡᠪᠲᠡᠢ ᠨᠠᠢᠷᠲᠠᠢ ᠪᠠᠢᠵᠤ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠨᠡᠢᠯᠡᠪᠡᠯ ᠶᠠᠮᠠᠷ ᠴᠤ᠌ ᠮᠠᠭᠤᠬᠠᠢ ᠠᠶᠤᠮᠰᠢᠭ ᠤ᠋ᠨ ᠠᠮᠢᠲᠠᠨ ᠢ᠋ ᠲᠠᠢᠯᠵᠤ ᠴᠢᠳᠠᠬᠤ ᠬᠦᠴᠦ ᠲᠡᠢ ᠭᠡᠳᠡᠭ ᠢ᠋ ᠣᠢᠯᠠᠭᠠᠵᠤ ᠠᠪᠤᠭᠠᠷᠠᠢ!
ᠲᠠᠢᠯᠪᠤᠷᠢ ᠄
ᠠᠳᠤᠭᠤᠨ ᠰᠦᠷᠦᠭ(1) — ᠦᠯᠢᠭᠡᠷ ᠲᠦ᠍ ᠮᠣᠷᠢᠳ᠂ ᠭᠡᠭᠦᠦ᠂ ᠤᠨᠠᠭᠠ ᠵᠡᠷᠭᠡ ᠪᠦᠭᠦᠳᠡ ᠪᠠᠢᠬᠤ ᠤᠴᠢᠷ ᠠ᠋ᠴᠠ ᠦᠯᠢᠭᠡᠷ ᠤᠶᠠᠩᠭᠠᠯᠠᠭᠴᠢ ᠶ᠋ᠢᠨ 《 ᠮᠣᠷᠢᠨ ᠰᠦᠷᠦᠭ 》 ᠢ᠋ ᠠᠳᠤᠭᠤᠨ ᠰᠦᠷᠦᠭ ᠭᠡᠵᠦ ᠬᠠᠳᠠᠪᠠ ᠃
ᠦᠯᠢᠭᠡᠷ ᠲᠦ᠍ ᠳᠠᠪᠬᠤᠴᠠᠭᠰᠠᠨ ᠦᠭᠡ
ᠯᠤᠤ(2) — ᠬᠠᠷᠢᠨ ᠭᠡᠰᠡᠨ ᠢ᠋ ᠯᠤᠤ ᠭᠡᠵᠦ ᠬᠠᠳᠠᠪᠠ ᠃
ᠢᠩᠭᠢᠭᠡᠳ (3) — ᠡᠢᠨ ᠬᠦ ᠶ᠋ᠢ ᠢᠩᠭᠢᠭᠡᠳ ᠭᠡᠵᠦ ᠬᠠᠳᠠᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠵᠤ ᠬᠠᠲᠠᠭᠰᠠᠨ ᠨᠢ᠄ ᠪᠦᠷᠢᠨᠴᠡᠴᠡᠭ
ᠬᠢᠨᠠᠭᠴᠢ᠄ ᠱᠤᠳᠤᠷᠭᠤ᠂ᠾᠦᠩ ᠸᠧᠢ᠂ᠳ · ᠪᠥᠬᠡᠴᠢᠯᠠᠭᠤ